Pedagogik me’yordan og’ishlikning xususiyati - Педагогиka - Рефераты

Pedagogik me’yordan og’ishlikning xususiyati

Загружено в:

20.09.2019

Скачано:

0

Размер:

73 KB

Pedagogik me’yordan og’ishlikning xususiyati Reja: 1. Pedagogik me’yordan chetga chiqish 2. Me’yordan chiqish tiplari va unga xarakteristika 3. Bolalarda me’yordan og’ish ( deviasiya ) holatlari. 4. Deviasiya tiplari. O’smirlarda deviantik xulqning sabablari.

Asosiy tushunchalar: Anomal bolalar, iqtidorlilik, ijtimoiy me’yorlar, rivojlanosh da og’ishlik bo’lgan bola, nogiron bola, deviant xulq, delikvent xulq, qarovsizlik. Rivojlanishning qaysi bosqichida bo’lishian qat’iy nazar, har qanday jamiyatda, u eng jamiyatda, u eng rivojlangan, farovon, iqtisodiy rivojlangan mamlakat bo’ladimi yoki rivojlanayotgan jamiyatli ularda o’zlariga maxsus alohida e’tibor talab etadigan insonlar bo’ladi. Bunday insonlar biror bir jihatdan: jismoniy, psixik yoki ijtimoiy rivojlanishdan nuqsoni bor insonlardir. Bunday insonlar jamiyat va davlatda doimo alohida guruhga mansub bo’lib ajralib turadi. Ularga doimo maxsus munosabatda bo’lib kelingan. Biroq bu toifadagi insonlarga jamiyatning tarixiy-madaniy sharoitiga muvofiq turli davrlarda turlicha munosabatda bo’lib kelingan. Masalan, Qadimgi Spartada jismoniy, psixik nosog’lom bolalarni spartachilar qoyalardan uloqtirganlar. Bunday toifadagi insonlarga boshqa bir jamiyatda esa insonparvarlik nuqtai nazardan yondashganlar, ular mehribonlik va g’amxo’rlik ko’rsatganlar. AQSh va Yevropaning mamlakatlarida hozirgi davrda nosog’lom, jismoniy kamchilikli bolalarga barcha teng huquqli insonlar qatori munosabatda bo’ladilar. Ularga jamiyatning teng huquqli a’zosi sifatida qarab, bu insonlarni muammoli yoki imkoniyati cheklangan shaxs sifatia alohida maxsus e’tibor beriladi. “Muammoli inson” tushunchasi AQSha keng qo’lianilsa, Yevropa mamlakatlarida “imkoniyati cheklangan inson” iborasi ko’p ishlatiladi. Bugungi kunda imkoniyati cheklangan insonlarga munosabatda, eng avvalo sog’liq masalasi dolzarb masala hisoblanadi. Chunki bunday insonlar soni dunyo miqyosida o’sib bormoqda. YUNESKOning istiqbol bo’yicha ma’lumotlarida yaqin vaqtda jahon hamjamiyati bu ko’rsatkichni o’zgartira olmaydi. Sog’lom muhit doimo insonlar ongida o’z chegarasiga ega bo’lib, chegaradan tashqi bo’lganlar “nome’yoriy”, “potologik” deb belgilanadi. Amaliyotda inson anglagan

yoki anglamagan holda o’zgalarni belgilariga muvofiq layoqatli yoki layoqatsiz deb baholaydi. Me’yor tushunchasi tibbiyotda, psixologiya, pedagogika, sosiologiya va boshqa fanlarda keng qo’llanilib kelinadi. Bu tushuncha aniq va yaxlit, yagona, ta’rif berishga bo’lgan intilash muvaffaqiyatsizlikbilan yakunlangan. Masalan, faqatgina tibbiyotda olimlar 200ga yaqin ta’rif berganlar. “Me’yor” tushunchsi ifodalab berishning murakkabligi shundaki, u nafaqat terminologik, balki mazmun mohiyat jihatidan ham yagona ifodaga ega emas. Masalan, axloqiy me’yorlar doimo bir xil, hamma uchun deb belgilana olmaydi. Shu sababli ham ular birinchidan, milliy o’ziga xoslik bundan tashqari, vaqt o’tishi bilan qayta-qayta o’zgarib turadilar. AQShda II jahon urushidan so’ng 2-3 o’n yiliklar mobaynida chekish odatiy “me’yor” hisoblangan bo’lib, unga jamiyatda bee’tibor bo’lganlar, hozirda, jamiyat bu sog’liq uchun zararli odatga qarshi turgan bir vaqtda, chekishga axmoqona xulq belgisi sifatida munosabatda bo’ladilar. Aslida qanchalik jamiyat demokratik tuzumga asoslangan bo’lsa, shunchalik shaxsning nostandart shakldagi xususiyatlariga chidamlimunosabatda bo’linadi, agar totalitar rejimga asoslangan bo’lsa, inson xulqini qattiq chegara doirasiga oladi, mabodo xulqiy og’ishlik xolatlariga yo’l qo’yilsa, ular rahmsizlik bilan jazolanadilar. Shuni unutmaslik loimki, me’yor bu shunday g’oyaviy hosilaki, unda ob’ektiv borliq (reallik) shartli ravishda, o’rtacha statistic ko’rsatkich bo’yicha, real haqiqat tavsiflanadi, biroq unda mavjud holatlar ifodalanmaydi. Tibbiyot, psixologiya, sosiologiyada me’yorning o’z ko’rsatkichlari parametr (o’lchami), tavsifnomalari mavjud. Me’yorga muvofiq bo’lmagan bo’lmagan holatlar barchasi boshqa so’z “me’yordan og’ishlik” deb yuritiladi. Ijtimoiy pedagogika “me’yor” va “me’yordan og’ishlik” tushunchalari juda muhimdir. Ular bolaning ijtimoiy xulq – atvori rivojlanish jarayonini xarakterlash uchun qo’llaniladi. Xulqiy og’ishlik negaiv va pozitiv xarakterga ega bo’lishi mumkin. Masalan, me’yordan xulqiy og’ishlik xolati bola rivojlanishida ham aqliy norasolik va qobiliyatlilik bo’lib ifodalanishi mumkin.

Bola xulq-atvoridagi bunday negativ xulqiy og’ishlik jinoyatchilik, alkogolizm, giyohvandlik va boshqalar sifatida insonning (nafaqat inson, balki jamiyatning) ijtimoiy shakllanishiga salbiy ta’sir ko’rsatadi. Xulq atvordagi pozitiv og’ishlikka ijtimoiy ijodning barcha shakllari taalluqli bo’lib, ular: iqtisodiy tadbirkorlik, ilmiy vabadiiy ijodkorlik va boshqaalr, aksincha eski me’yorlar o’rniga almashinuvi ijtimoiy tuzim rivojlanishiga hizmat qiluvchi omil hisoblanadi. Me’yordan og’ishlik tiplari. Me’yordan og’ishlikni shartli ravishda 4 guruhga bo’lish mumkin: 1. Jismoniy 2. Psixik 3. Pedagogik 4. Ijtiomoiy Me’yordan jismoniy og’ishlik insonning sog’lig’i bilan bog’liq bo’lib, tibbiy ko’rsatkichlar orqali belgilanadi. U bolalarning yosh ko’rsatkichlari va jinsi bilan (og’irlik, bo’y uzunligi, ko’krak kengligi va boshqalar) ifodalanadi. Ular bolaning sog’lig’ini xarakterlaydi. Aslida bular ideal ko’rsatkichlar bo’lib, bunday ko’rsatkichlarga to’la muvofiq keladigan bolani topish qiyin bo’lsa kerak. Jismoniy jihatdan me’yordan og’ishgan bolalarni ijtimoiylashtirish alohida qiyinchilik bilan amalgam oshirilib, maxsus ishlarni talab etadi. Sog’lig’I jihatdan me’yordan og’ishganlik biror kasallik asorati yoki avloddan- avlodga o’tuvchi omillar ba’zan tashqi vaziyat orqali yuzaga kelishi mumkin. Masalan, og’ir ekologik vaziyat; oziq-ovqat; ichimlik suvining ifloslanishi, sifatsizligi; oilaning umumiy yashash sharoitining og’irlashishi va boshqalar. Sog’lig’I va o’sishida me’yordan og’ishlik bo’lgan insonlatning ko’pgina toifalari mavjud. 1980 yili jahon sog’liqni saqlash tashkiloti Britaniyaning imkoniyati cheklangan shaxslar uchunuch bo’g’inli shkalasini qabul qildi. 1 Xastalik: - inson sog’lig’idagi har qanday yo’qotish, yoki jismoniy funksiya anatolik tuzilmasi elementlari, faolkiyatidagi biror-bir qiyinchilikning aniqlanishidir.

2 Cheklangan imkoniyat – inson uchu me’yordagidek hisoblanadigan har qanday cheklanish yoki o’z faoliyatining yo’qolishi (nuqsonning ko’pligi yoki asorati) yoki inson faoloiyati doirasidagi har qanday cheklanishlar. 3 Layoqatsizlik (nogironlik) – inson sog’lig’idagi nuqsonlar asorati yoki cheklangan imkoniyat, me’yoriy qaysidir rolning bajarilishiga to’siq bo’lgan, yosh ko’rsatkichlari, jinsiy yoki ijtimoiy omillardan kelib chiqadigan holat. G’arbiy davlatlarda “Sog’lig’ida imkoniyati cheklangan shaxslar” tushunchasi qabul qilingan. O’zbekistonda ham bu tushuncha kiritilib, unga jismoniy va psixik kamchiligi bo’lgan bolalar taalluqlidir. Bunday bolalarning sog’lig’idagi nuqsonlari ularning standartdagi ta’lim olishlarida to’siqlik qiladi, shu sababli ta’lim olishda maxsus sharoitlar yaratilishini talab etadi. Shuningdek “nuqsonli” tushunchasi kiritilgan bo’lib, ular jismoniy, psixik og’ir va murakkab kabi turlarga ajratilgan. Me’yordan psixik og’ishlik eng avvalo bolaning aqliy rivojlanishi uning psixik nuqsonlari bilan bog’liq. Bu guruhga eng avvalo psixik rivojlanishda to’xtalish (ZPR) bo’lgan bolalar va aqliy norasolar yoki oligofreniya (yunon tilidan oligis kichik va phren-aql) lar kiradi. Bu psixik og’ishlikning eng so’nggi shakli bo’lib autism (yunon tilidan, aytos sam, o’zi)- psixikaning holati, muloqotga ehtiyoji yo’qligi, odamoviligi bilan harakterlanadi va (o’zini-o’zi o’ldirish) suiqasdga moil bo’ladi. Me’yordan psixik og’ishgan bolallrnign alohida guruhiga iqtidorlilar kiradi. Bu bolaga muvaffaqiyatga erishishni ta’minlovchi, biron-bir faoliyatni bajarishda, yutuqlarga erishuvida muhim bo’lgan bolalar iste’dodining o’ziga xos turlaridir. Hozirgi davrda bolalrdagi iste’dodni ulardagi musiqaga, san’atga, tasviriy san’atga, sport, aqliy qobiliyatlarini ertaroq aniqlovchi ajoyib metodikalar ishlab chiqilgan. Bu metodikalarbolalar qobiliyatlarini shakllantirishga ham hizmat qiladi. Pedagogik me’yordan og’ishlik . Bu shunday tushunchaki, hozircha pedagogika juda kam qo’llaniladi. Pedagogik me’yorlarda eng avvalo standartlar ko’zda tutiladi. Ular ta’lim darajalarini belgilab beradi.ta’limni egallaganlik yoki egallay olmaganlik me’yordan og’ish me’yorlari haqida firk yuritish mumkin.

Pedagogik me’yorlar bo’lib mamlakatda qabul qilingan umumiy ta’lim standartlar hisoblanadi. Bu standartlarga muvofiq darajadagi ta’limni o’zlashtirish lozim. Boshlang’ich ta’limni egallash, o’rta ma’lumot (9-sinf)ni olishi va o’rta maxsus yoki kasb ta’limini olgan bo’lishi lozim. O’zbekiston Respublikasi “kadrlar tayyorlash milliy dasturi” (1997) ga muvofiq umumiy o’rta ta’lim (1997) hamma uchu majburiydir. Shu baza asosida mustaqil ta’limsifatida majbiriy bo’lgan o’rta maxsus yoki kasb ta’limi (o’qish muddati 3 yil) davomida amalga oshiriladi. Biroq o’rta ma’lumotni olmagan bolalar ham bor. O’zi mustaqil kasb ta’limi faoliyati turlarini egallay olmaydigan bolalar ham uchrab turadi. Bunday bolalarning o’qishga xoxishi yo’qligi, ijtimoiy ahamiyatga ega bo’lgan kasb faoliyati bilan shug’ullana olmasligi kabi xususiyatlari birlashtiradi. Shunday holatlardan kasb xususiyatlari birlashtiradi. Shunday holatlardan kasb ta’limiga ega bo’lmagan bolalr kelib chiqadi. Bu me’yoradn og’ishganlikni bartaraf etishda mutaxassisning ijtimoiy-pedagogik yordami zarur bo’ladi. Ijtimoiy me’yordan og’ishganlik ijtimoiy me’yorlar” tushunchasi bilan bog’liq. Ijtimoiy me’yorlar – bu jamiyatning u yoki bu davrida, bosqichida maxsus o’rnatilgan xulq-atvorga oid qoidalar, hatti-harakat namunalari yoki yo’l qo’yilishi mumkin bo’lgan (ruxsat etiladigan yoki majburiy) qoidalardir. Umumiy qabul qilingan xulq-atvorga oid qoidalar o’z tarixiy rivojlanish yo’liga ega. Ular qadimgi davrlardan ma’lumdir. Jamiyat doimo o’zini saqlab qolishga harakat qilgan. Shu maqsadda insonlar o’ryasidagi o’zaro munosabatlarda turli ijtimoiy cheklanishlar: miflar, tabu(ma’n qilish), an’analar, diniy dogmalar (aqidalar) kiritilgan. Insoniyat jamiyati doimo murakkablashib va takomillashib brogan. Vaqt o’tishi bilan yanada mustahkamroq xuquqiy axloqiy me’yorlar vujudga kelib, insonlar xulq-atvoriga bo’lgan munosabatda u yoki bu jamiyatda qabul qilingan axloq va huquqiy me’yordan og’ish holatlari shakllanishiga aqrshi me’yorlar yuzaga keldi. Ijtimoiy me’yorlar ikkita katta guruhga bo’linadi: 1. Universal me’yorlar; jamiyatda har bir insonga taalluqli me’yorlar.

2. Xususiy me’yorlar; insonlarni alohida belgilangan kasbiy faoliyatlari sohalari yoki insonlar hayotiy faoliyatlari (masalan, shifokor, pedagog, aka, do’st va boshqa)ga taalluqli me’yorlar. Ijtimoiy me’yorlarga rioya qilish insonning ehtiyoji va odatlariga aylanishi zarur. Agar bola ijtimoiy me’yorlar va jamiyat qadriyatlarini o’zlashtirmagan bo’lsa uni xulqiy og’ishgan bola deb ataydilar. Xulqiy og’ishgan bolalar muammosi sosiologiya, psixologiya, va pedagogikaga oid adabiyotlarda asosan ishlab chiqilgan. Xulqiy og’ishganlikning turlariga bolalar alkogolizmi, toksikonomiya, giyohvandlik, buzuqlik, qarovsizlik, nazoratsizlik,daydilik, jinoyatchilik, xuquqbuzarlik va boshqalar kiradi. Ilmiy pedagogik adabiyotlarda bu toifadagi bolalarni turlicha atamalar bilan beradilar: “tarbiyasi og’ir”, “og’ir xulqli”, “deviant bola”, “xulqi og’ishgan”, “asosial xulqli bola”. Ijtimoiy rivojlanishda xulqiy og’ishgan bolalar orasiga yana shunday toifadagilar: Ota-ona qaramog’isiz qolgan bolalar ham kiradi. Bunday bolalar-yetimlar va “ijtimoiy yetimlar”dir. Ular Biologik ota-onalari bo’la turib, turli vaziyat sababli birga yashmaydilar. “Ijtimoiy maydondan chetlatilgan” bolalarni jamiyatga qaytarish uchun ularga yordam berish zarur. Shu sababli ijtimoiy pedagogning bunday bolalar bilan olib boradigan ishlari, bir tomondan, xulqiy og’ishganlikning oldini olish profilaktika ishlari, jamiyatda qabul qilingan me’yor va qoidalarning buzilish holatlarida ogohlantirish, boshqa tomondan, xulqi og’ishgan bolalrni reabilitasiya qilish ishlarini bajarish lozim. O’smirlik yoshida deviasiya (me’yordan og’ish) holatlari. Deviasiya tiplari O’smirlik davrini o’tish bosqichi deb ataydilar. Bolalr yosh ko’rsatkichlari davrida o’tish bosqichi eng qiyin murakkab davrdir. Bu davrni yana shu sababli ham o’tish davri deb hisoblaydilarki, bu o’sish bosqichida inson bolalikdan kattalik davriga, bola xarakteridan, yetuk inson bo’lib shakllanadigan bir, o’ziga xos jarayonlar davriga o’tiladi. O’smirlik yoshida o’smirning yahlit hayoti va faoliyati jiddiy o’zgaradi va uning psixikasi qayta shakllanishiga olib keladi, o’z tengdoshalri bilan o’zaro

faoliyatda, munosabatlarning yangi shakllari vujudga keladi. O’smirning jamiyatdagi vaziyati, holati almashidi unga kattalardan yoqoriroq talablar qo’ya boshlaydilar. Bu yosh davrida jinsiy ytilish faolashadi biroq ijtimoiy shakilanish orqada qoladi. Bu esa jinsiy tarbiyada ijtimoiy-psihologik muomolarni vujudga keltiradi. O’smirlik yoshida bolani o’z –o’zini anglashga ihtiyoj paydo bo’ladi. Men kimman!savoliga javob berish uni tez-tez bezovta qiladi. Uni o’z –o’ziga qiziqish paydo bo’ladi. U yoki bu faktlarga unda shahshiy qarash, mulahaza yoritish, o’z bahosini berish kabi hususiyatlar shakilanadi. Vaqtinchalik oila va maktabdan psihologik uzoqlanish holatlari bo’lib turadi.O’smir shahsning shakilanishida tengdoshlarning tasiri kuchaygandak bo’ladi. Ko’pincha o’smir haqiqiy rasmiy jamoa va norasmiy guruh bilan muloqot qilishning qay biri afzal ekanligi to’g’risidagi tanlov oldida turadi. O’smir o’zining erkin sezadigan, uni hurmat qilaladigan insonlar bo’lgan bu muhitni ko’proq yaxshi ko’radi. Bunday muhit va jamoaga sport seksiyalari va texnikaga oid to’garaklar bo’lishi yoki o’smirlar yig’ilib muloqot qiladigan, chekadigan va ichadigan va hokazo, yerto’lalar ham bo’lishi mumkin. Bu yoshda ayrim o’smirlarning kattalar ayniqsa, ota-onalari bilan muomalali vaziyatda bo’ladilar. Ota-onalar ularga, yosh bolalarga, go’dak, g’amxo’rlik qilgandek munosaabtda bo’lishni o’smir bu sharoitdan chiqib ketishga intiladi. Shu sababli kattalar bilan o’zaro munosabatlar janjalli vaziyatlar ko’payadi. O’smirda kattalik hissi shakllanadi. Bu yoshda o’smir mustaqil, erkin bo’lishga harakat qiladi, kattalarning “o’rgatish”lariga qarshi e’tiroz paydo bo’ladi. O’smir bu yoshda kumir, (ideal, havas qiladigan insonni) ya’ni film qahramonlari, kuchli katta yoshadagi inson, ko’rsatuv qahramoni mashxur sportchi va boshqalarga taqlid qilib: unign tashqi qiyofasi, xulq-atvoriga o’xshashlik uchun harakat qilish holatlari ko’p uchraydi. Tashqi qiyofa o’smir uchun katta ahamiyat kasb etadi. Ajoyib soch turmagi, ba’zan ikki yoki uch ziraklar, yirtiq jinsi, juda yorqin rangdagi kosmetika va boshqa vositalar o’smirga o’zinign boshqalardan ajralib turishiga imkon beradi hamda bolalar guruhlarida o’zini tan olishlariga harakat qiladi. Shu tariqa o’smirlik yoshida ajralib turadigan xarakter xususiyatlari haqida quyidagilarni aytish mumkin: hissiy

noyetuklik o’z shaxsiy xulq-atvorini yetarli darajada qila olmaslik, o’z ehtiyojlarini qondirish imkoniyati va istaklarini taqqoslay olmasligi, yuqori ta’sirchanligi, o’zini tan olishalriga bo’lgan istaklari va kattalar kabi o’zini tutish. O’smklir – bu yetarli darajada yetilmagan va yetuk aqlga ega bo’lmagan ijtimoiy inson. Bu bosqich bolalik va o’spirinlikning chegarasidir. Katta deb hisoblanishi uchun yetarli darajada rivojlanmagan, biroq shu bilan bir vaqtda atrofdagilar bilan ongli ravishda muloqotga kirisha oladigan hamda o’z xulq-atvori va harakatlari jamiyat me’yor va qoidalariga javob berishda katta e’tibor talab etadigan bosqich o’smir shaxsidir. Qonun bu yoshdagi bolalarni voyaga yetmagan, biroq o’z xulq-atvori va hatti-harakatlariga axloqiy hamda xuquqiy jihatdan mas’uliyatli bo’lishga layoqatli deb hisoblaydi. Shu sababli o’smirlar uchun o’z hatti-harakati va cheklangan xuquqiy javobgarlik o’rnatilgan. Deviasiya tiplari (me’yordan og’ish). Jamiyatda qabul qilingan qoida va xulq-atvor me’yorlaridan chetga chiqqan o’smirlar og’ir tarbiyalilar deb ataladi. Og’ir tarbiyali o’smir jamiyatda o’rnatilgan qoida va me’yorlarga rioya qilmaydi. Bunday holat ilmda deviasiya deyiladi. (lotin tilida deviatto-og’ishlik). Masalan, fizikada kompas magnit strelkasining, biologiyada organozm rivojlanishida og’ishlik holatlari uchraydi. Deviasiya og’ishlikning inson va bir tomondan uni o’rab turgan atrof-muhitga xos bo’lgan o’zgaruvchanlik hodisasidir. O’zgaruvchanlik ijtimoiy muhitda inson xulq-atvori bilan bog’liq. Ilgari aytib o’tilganidek xalq me’yoridek yoki og’ishgan bo’lishi mumkin Me’yoriy xulq . o’smirning rivojlanishidagi ehtiyojlari va imkoniyatlari, uning ijtimoiylashtiruviga to’la javob beruvchi, unga adekvat 1 monand qiluvchi mikrososium bilan unign o’zaro faoliyatidir. Agar bolaning atrofidagi muhit o’smirni u yoki bu xususiyatlari, unign xulq- atvoriga doimo (yoki deyarli doim) o’z vaqtida va adekvat (monand) bo’lsa, o’smirda xulq-atvor me’yoriy bo’ladi. Bu fikrdan xulqi og’ishganlikning tavsifi kelib chiqadi, biroq bolaning mikrososium bilan o’zaro faoliyati sifatida uning 1 Adekvat (lotincha tenlashtirilgan, teng, monand, to’la muvofiq keluvchi) mos kelish.

rivojlanishini buzuvchi va ijtimoiylashuvida, yuzaga keluvchi xulqi, jamiyatda o’rnatilgan axloqiy hamda xuquqiy me’yorlarga qarshi turadi. Xulqiy og’ishganlik ijtimoiy dezodaptasiyani (bola uchun ijtimoiy ahamiyatli sifatlar, ya’ni ijtimoiy muhit sharoitlariga moslashishga to’siqlik qiladigan hodisa ko’rinislari biridir.) Bolalik - o’smirlik dezodaptasiyada quyidagi patologiyalar otasdig’ini topgan: Maktab yoshidagi bolalr maktabga bormaydilar, yetim bolalr, ijtimoiy yetimlar; giyohvandlik va zaharli (toksinli) vositalarna qabul qiluvchi o’smirlar; jinsiy axloqsiz o’smirlar; xuquqbuzarlik faoliyatlariga berilgan o’smirlar. Deviasiyaning tarkibiga deviantlik, delikvent va criminal xulq-atvorlilar kiradi. Deviant xulq-atvor – xulqiy og’ishlikning bir turi bo’lib, o’smirning yoshiga muvofiq bo’lmagan ijtimoiy xulq-atvor me’yor va qoidalarning buzilishi bilan bog’liq bo’lgan mikrososium munasabatlar (oilaviy, maktabdagi) va kichik jinsiy yosh ijtimoiy guruhlari uchun xarakterli bo’ladi. Ya’ni xulq-atvorning bu tipini intizomsizlik deb atash mumkin. Deviant xulq-atvor ko’rinishlariga o’smirning namoyishkorlik, agressivlik, o’ziga erk berish, o’qish va mehnat faoliyatidan tizimli, muntazam og’shlik, uydan ketib qolish, daydilik, ichkilikbozlikka berilish, alkogolizmga berilish, giyohvandlik va u bilan bog’liq assosial faoliyatlar; jinsiy xarakterdagi jamiyatga qarshi faoliyatlar. Delikvent xulq-atvor deviantlikdan farqli ravishda bolalr va o’smirlarning assosial xulq-atvori bilan xarakterlanadi. Bu xulqiy harakatlarda xuquqiy me’yorlarni bola buzib o’tsa, biroq xuquqiy, jinoiy javovgarlikka tortilmaydi. Sababi cheklangan ijtimoiy xavfli yoki bola jinoiy javobgarlikka tortilish yoshiga yetmagan hisoblanadi. Delikvent xulq-atvorda: asosan inson shaxsiga qarshi, agressiv – zo’ravonlik xulqi, haqorat, janjalkashlik; o’t qo’yish, sadistlik harakatlari ajrali turadi. Delikvent (lotin tilidan delicvent-xuquqbuzar) – xilqiy og’ishgan sub’yekt, o’z harakatlarida jinsiy jazolanadigan faoliyatlarni amalga oshiradi. -g’arazli xulq-atvor, o’zida mayday o’g’rilik, bosqinchilik, talonchilik, avtotransportlarni o’g’irlash va boshqalarni amalgam oshirib, moddiy manfaat ko’rishning ilinjida mulkiy tajovuz qilishdan iborat;

- giyohvand moddalarni tarqatish va sotish. Kriminal (jinoiy) xulq-atvor (lotincha jinoyatchilik) xuquqbuzarlik harakati bo’lib, jinoiy javobgarlik yoshiga yetguncha, jinoiy ish ochishda asos bo;lib hizmat qiluvchi va jinoyat kodeksining belgilangan moddalari bolan asoslanadigan xulq- atvor. O’smirlarda deviant xulq-atvor sabablari. Inson taraqqiyoti ko’pgina omillar o’zaro ta’siri bilan asoslanadi: irsiy avloddan-avlodga o’tuvchi, muhit, tarbiya, insonning shaxsiy amaliy faoliyati kabilarga bog’liq. Voyaga etmaganlarning deviant xulq-atvorini asoslovchi asosiy omillarni ajratib ko’rsatish mumkin. 1. Biologik omil. Bola organizmining noqulay fiziologik yoki anotomik xususiyatlari mavjud bo’lib, uni ijtimoiy moslashuvini qiyinlashtiradi. Bularga: - genetic, avloddan o’tuvchi xususiyatlar. Ularga qaliy rivojlanishning buzilishi, eshitish va ko’rishda nuqsonli bo’lganlar, asab sistemasining buzilishi kabilar kiradi. Bunday bolalar hali ona qornidayoq noto’g’ri qo’yish, onaning kasallanishi (jismoniy va psixik jarohatlar, surunkali yuqumli kasalliklar bilan og’rishi, bosh suyagi-miya psixik jarohatlari, tanosil kasalliklari); irsiy kasalliklarning ta’siri, ayniqsa, irsiylik, alkogolizm ta’sirida bo’ladilar; -inson organizmiga ta’sir etuvchi psixologo-fiziologik og’ir tashvishlar, janjalli vaziyatlar, atrof-muhitning kimyoviy tarkibi, energiyaning yangi turlari, samotik 2 allergik kasalliklar turlariga olib kelishiga sabab bo’ladi. - fiziologik, o’z tarkibiga nutqdagi nuqsonli, tashqi qiyofadagi nuqsonlar, konstitusion-samotik nuqsonlar sababli atrofdagilar bilan munosabatda yuzaga keltiradi va shaxslararo munosabatda bolaning o’z tengdoshalri, jamoa o’rtasida chekkaga chiqish tortilishga olib keladi. 2. Psixik omil. Bola psixopotologiyasida yoki aksentuasiyasida 3 (haddan tashqari zo’riqish) xarakterning alohida xususiyati bilan ifodalanadi. Bu xulqiy og’ishganlik bola asab ruhiy kasalliklar, psixopatiya, nevrosteniya bilan xastalanganligi orqali vujudga keladi. 2 Samotik (yunon tilidan S ota-tana) tana bilan bog’liq, organizmdagi psixika qarama-qarshi bo’lgan holat. 3 Xarakter aksehtuasiyasi – xarakterning alohida xususiyatlarining o’ta kuchli ifodalanishi.

Aksentukrlashgan xarakter xususiyatiga ega bo’lgan bolalar turli psixologik ta’sirlarga o’ta sezgir, psixik me’yorning eng chetki turi bo’lib, tibbiy- ijtimoiy reabilitasiyaga muxtoj va tarbiya xarakteridagi chora-tadbirlarnin tadbirlarning ko’rilishi talab etadigan bolalardir. Ijtimoiy-pedagogik omillar. Oila maktab ijtimoiy tarbiya nuqsonlarida namoyon bo’ladi. Bu omil bolani ijtimoiylashuvidan og’ishganlikka bolalik davridayoq maktabda o’zlashtirmovchilik tufayli maktab bilan aloqaning uzilishi (pedagogik bo’sh qo’yish)olib keladi. O’smirda maktabga ongli ravishda qiziqishning shakilanmasligi matuviga sabab bo’ladi. Bunday bolalar maktabga yomon tayyorlangan, uy vazifalariga negativ munosabatda bo’luvchi maktab baholariga befarq bo’ladigan o’quv dezadantasiyasiga uchrovchi bo’ldilar. - O’quv dezadantasiya-bolaning maktabga bo’lgan qiziqishini saqlashida bir yoki ikki fonni o’zlashtirishida qiyinchilikka duch kelgan hollatidir. - Maktab dezadantasiya- bolaning yosh hususiyatida ta’lim olishga qiyinchiliklar bilan bir qatorda, hulqiy buzilishlar holatlari o’qtituvchilar sinflari bilan janjali vaziyatlar ko’rinishi birinchi o’ringa chiqadi. Dars qoldirish odatlari paydo bo’ladi. - Ijtimoiy dezadantasiya- bolaning o’qishga bo’lgan qiziqishi maktab jamoasining talablariga javob berishdan qochish holatlari turli, asosial jamoalariga kirib ketish, spirtli ichimliklarga giyohvan moddalarga qiziqishining ortishi bilan namayon bo’ladi. Bolaning ijtimoiy rivojlanishidagi og’igan omillari yomon oilalar sabab bo’ladi.SHunday oilaviy o’zaro munosabatlar usullar mavjudki, ular voyaga etmaganlarning asosisiyal hulq-atvorlarining shakilanishiga olib boradi. 1 Tarbiyaviy va oilaning ichki munosabatlarining diogramonik usuli. Bu usul o’zida bir tomondan, bola istaklariga ko’ra bo’lsa ikkinchi tomondan bolani inqirozli janjalli vaziyatlarga yoki oila ikki hil ahloqiy qarash mavjudligi oila uchun boshqa jamiyat uchun bo’lgan boshqacha tarbiyaviy holatlar. 2 Barqaror bo’lmagan janjalli usul. Noto’lig’ oilalarga tasrbiyaviy ta’sir etuvchi,er-hotin ajralish, ota-ona va uzoq muddat alohida yashashlari sababli yozaga keladi.

3 Munosabatlarning asosial usuli. Yomon tashkil etilgan oilalarda,doimiy- spirtli ichimliklar ichish, giyohvandlikka berilish, ahloqsizlik ota-onaning jinoyatchilik hulq atvor “ oilaviy qahri qatiqlik ” va zo’ravonlik kabi yozaga keladi. Qahri munosabatlar (haqorat ho’rlash)deb bolaga unga g’amho’rlik qiluvchi, qarmog’iga olgan odamlar tomonidan zarar etkazilishining ko’pgina harakterlariga aytiladi. Bu holatlarga bolaga jismoniy zarar etkaziluvchi jismoniy emosional (hissiy)jinsiy qiynoqlar bilan azoblash ko’p takrorlanuvchi noo’rin jazolar kiradi. Qahrli munosabatlarga bolalar mehribonlik uylarida kasalhona va boshqa muasasalarida duch kelishlari mumkin SHunday holatlaridagi bolalar havsizlik hissisni sezmaydilar. Ularning meyoriy rivojlanishida bu hisiyotni ahamyati katta.Bu esa bolaga uni o’zi haqida men yomonman hech kimga kerakmasman, sevimli kemasman deb o’ylashlariga sabab bo’ladi. Qahrli munosabatlarning har qanday turi bola sog’lig’iga zarar ko’rsatadi. Uning hayoti va ijtimoiy moslashuvchanlik havf tug’diradi. 4 Ijtimoiy-iqtisodiy omillar Ijtimoiy tengsizlikka sabab bo’ladi. Jamiyatning boy va kambag’alar, jamiyat uchun eng ahamiyatli aholining kambag’allashuvi, ishsizlik kai qatlamlarga ajratadi. Ijtimoiy qabul qilingan halol ish haqini (qonuniy) olish usullarining cheklanishi; inflyasiya va ijtimoiy tartibsizlikka olib keladi. 5 Axloqiy –ma’naviy omilar. Hozirgi davrning jamiyatda bir tomondan ma’naviy-axloqiy darajaning pasayishi bo’lsa, qadriyatli, birinchi navbatda axloqiy xulqning buzilishi, boshqa tomondan, jamiyatning neytral munosabatlarida deviant xulq-atvor yuzaga kelishiga olib keladi. O’smirlarda deviant xulq-atvorning oldini olishga asosiy yondashuvlar. Turli deviant xulq-atvorning uzluksiz ravishda o’sish jamiyat oldiga ijtimoiy me’yorlardan og’ishgan xulqli o’smirlar va yoshlar bilan olib boriladigan ishlarnign shakl va usullarini, texnologiyalarini topish vazifasini qo’ygan. Shu sababli deviant va delikvent xulq-atvorli o’smirlar bilan ishlashning ikki asosiy texnologiyalari profilaktik va reabilitasion ishlar, fan va amaliyotda keng tarqalgan.

Profilaktika (oldini olish) - o’smirlar xulq-atvorida ijtimoiy xulqiy og’ishganlikning turli ko’rinishlariga asosiy asbab bo’luvchi sharoitlardan ogohlantirish, bartaraf qilish yoki neytralashag yo’naltirilgan davlat, jamiyatning – ijtimoiy, tibbiy va tashkiliy-tarbiyaviy chora tadbirlarning yig’indisidir. o’smirlarda deviant xulq-atvorning oldini olishga qaratilgan bir necha yondashuvlari mavjud. Axborotli yondashuv. Bu yondashuv ijtimoiy me’yordan o’smirdagi xulqiy og’ishganlik kelib chiqishoda voyaga etmaganlar (bu ijtimoiy me’yorlarni) bilmasliklari tufayli uni o’z asosiy yo’nalishi sifatida voyaga yetmaganlarga bu me’yorlarga rioya qilish o’z xuquq burchlari haqida axborot berishdan iborat. Davlat va jamiyat qo’ygan talablarni bajarishda bolalalrning yosh ko’rsatkichiga mos qabul qilingan ijtimoiy me’yorlar haqida ma’lumot berishni ko’zda tutadi. Bu ishni amalgam oshirishda ommaviy axborot vositalari (matbuot, radio, televidenie) dan kino, teatr, badiiy adabiyot va boshqa san’at asarlaridan foydalanish mumkin. Ijtimoiy-profilaktik yondashuv. Bunda asosiy maqsad-negativ holatlarning sabablari va sharoitlarni aniqlash, bartaraf etish, neytrallashdan iborat. Voyaga yetmaganlar tomonidan giyohvandlik moddalarini iste’mol qilinishi uchun jinoiy javobgarlikka tortilishlari haqida ma’lumotga ega emaslar. Ular giyohvandlik- shaxsiy ish deb biladilar, faqat giyohvandliik modalarini tarqatish jinoyat deb hisoblaydilar. o’smir giyohvandlik va kuchli ta’sir etuvchi psixotron moddalar to’g’risidagi yangi qonun qabul qilinishi munosabati bilan bu modalarni iste’mol qiluvchilar ham javobgarlikka tortiladilar. Bizning jamiyatimizda o’smirlar o’rtasidagi alkogolizm-ichkilikbozlik profilaktikasi muammosi ham muhim o’rin tutadi. O’smirlar ichkilikbozlik va alkogolizmning og’ir ijtimoiy va psixonevrologik oqibatlari haqida ham bilmaydilar. Tibbiy-biologik yondashuv bu yondashuvning mohiyati ijtimoiy me’yorlardan og’ishganlikning oldiniolishda tibbiy profilaktik xarakterdagi turli psixik nosog’lom shaxslarga munosabat-biologik darajada bo’lishi lozim. Agar insonda psixik (ruhiy) rivojlanishi, sog’lig’ida turli nuqsonlar bo’lsa u o’z ruhiy

xususiyatlariga asosan ma’naviy axloqiy me’yorlarni buzishi mumkin. Bu holatda insonga uni o’zgartirib bo’lmaydigandek qaraladi. O’smirlarda bunday psixik nosog’lomlikni o’z vaqtida aniqlash juda muhimdir. Chunki ular umuman hayolga kelmaydigan harakatlarni sodir etishlari mumkin. O’smir psixiatr mutaxassisliklar ko’rigidan o’tkazilib, shunga muvofiq tibbiy davolash choralari ko’rilishi lozim. Ijtimoiy-pedagogik yondashuv bu yondashuv mohiyati o’smirnin deviantlik xulq-atvoridagi shaxsiy xususiyatlarini qayta tiklash va to’g’rilashdan iborat. Ayniqsa, uning axloqiy irodaviy shaxsiy xuususiyatlarini qayta tarbiyalash shart. O’smirlarda uning irodaviy xususiyatlari, xulq-atvorida quyidagilarni shakllantirish lozim:  o’z so’zi va ishini egasi bo’lish;  o’smirning jinoyatga boshlovchi, jamiyatga zarar yetkazish kabi illatlarga bo’lgan qiziqish va harakatlarini to’xtatish;  hozirgi davrda eng muhim bo’lgan masalalar builan band qilish;  xuquqqa qarshi bo’lmagan, puxta o’ylab chiqilgan maqsadlarni qo’yish. Erki bo’lmagan inson flyugerga o’xshaydi, shamolqaysi tarafga essa, o’sha tomonga o’giriladi. Bundau insondan ijtimoiy me’yorlarni buzish, jinoyatchilikni kutish mumkin. Uni yengillik bilan aldash, o’zgalarnigng so’zlariga quloq solishi, o’zga axloqiy qarash va baholarga og’dirish oson. O’zga axloqiy qarashlarga ergashib, u xuquqbuzarlik va aaxloqsizlik xulq-atvoriga ega bo’ladi. bunday insonlarni tarbiyalashda jamiyat tomonidan unga erkinlik va xuquqlarini berib, uni o’z-o’zini boshqara olishga o’rgatish zarur. Sanksiyalarni qo’llash. Bu yondashuv mohiyati xuquqbuzarlik qilgan insonni jinoiy qonunlar asosida jazolash turadi. Biroq, jahon tajribasi shuni ko’rsatmoqdaki, bu samara bermaydigan holat bo’lib, jamiyat tomonidan qattiq sanksiya bo’lib hisoblanadi, xolos. Shu sababli ijtimoiy Og’ishganlik sabablarini aniqlash va bartaraf etishda bu faqatgina yordamchi vosita bo’lib hisoblanadi.

Foydalanilgan adabiyotlar: a) asosiy adabiyotlar 1. Klarin M. V. Pedagogicheskaya texnologiya v uchebnom prosesse. M.: Znaniye 1989-80 s. 2. Farberman B. L. Progressivn ы ye pedagogicheskiye texnologii T. : IPVSSSh. 1999. -84 s. b) qo’shimcha adabiyotlar 3. Okon V. Vvedeniye v obshuyu didaktiku. Per. s pol’sk. - L.G.Kashkurevicha,N.G.Gorina.-M.:Vo’ssh.shk.,1990.-387 s. 4. Usova A. V., Bobrov A. A. Formirovanii u uchashixsya uchebn ы x umeniy M. : Znaniye 1987. - 80 s.

Похожие

Pedagogik takt va pedagogik odob

Pedagogik ijodkorlik va pedagogik refleksiya

Pedagogik takt va pedagogik odob

Pedagogik faoliyat va pedagogik mahorat

Pedagogik eksperiment