Мактаб ишини режалаштириш - Педагогиka - Рефераты

Мактаб ишини режалаштириш

Загружено в:

20.09.2019

Скачано:

0

Размер:

109.5 KB

Мактаб ишини режалаштириш Режа: 1. Мактаб ишини режалаштиришнинг аҳамияти. 2. Мактаб иш режасининг турлари. 3. Мактаб иш режасининг асосий қилинадилари.

Таянч иборалар: Режа, мактаб, иш режа, ўқитувчи, ўқув йили, аттестация, тарбиявий иш, методик ишлар, ташкилий ишлар. Ҳозирги даврнинг муҳим талабларидан бири маориф тузилишини такомиллаштириш, умумий таълим, меҳнат ва касбий тайёргарлик сифатини ошириш, таълимнинг фаол шакллари ва усулларини, техника воситаларини яна ҳам кенгроқ қўллаш, таълим-тарбия бирлиги, оила, мактаб ва жамоатчиликнинг мустаҳкам алоқасини собитқадамлик билан амалга ошириш лозимлигидир. Мактабни бошқариш жараёни билим ўчоқларини режалаштириш комплектлаш, меҳнат тарбияси ва таълими учун шароитлар яратишларни ўз ичига олади. Унда ўқув-тарбия ишлари тизимини режалаштириш, ташкил этиш, назорат қилиш ҳам алоҳида ўрин тутади. Ёш авлодни ҳар томонлама камол топтиришнинг кенг кўламдаги ижтимоий дастури бўлиб ҳисобланган асосий қилинади ғоялари амалга оширилаётган ҳозирги вақтда мактаб ишларини барча бугинларда режалаштириш ғоят муҳим аҳамиятга эга. Мактабдаги таълим-тарбия ишларини ягона режа асосида олиб бориш - бошқариш самарали услубининг ажралмас қисмидир. Бизнингча, ҳар бир бошқариш воситаси фаолиятида муайян тизимнинг бўлиши шарт. Бунинг маъноси шундан иборатки, бу иш тасодифий, бирига алоқаси бўлмаган тадбирлар йиғиндисидан иборат бўлмай, балки аниқ шароитни, вазиятнинг хусусиятини ҳамда бутун мактаб жамоаси олдида, шунингдек, унинг айрим бугинлари олдида тўрган вазифаларнинг хусусиятларини қатъий ҳисобга олиш негизида ишлаб чиқилган, қатъий суратда тартибга солинган, бир-бири билан боғланган ва чуқур ўйлаб кўрилган тадбирлар йиғиндисидан иборат. Режа билан ишлаш олдиндан кўра билиш билан чамбарчас боғлиқдир. Ҳар қандай вазифани муваффақиятли бажариш, ташкилий тадбирларни, шу жумладан, халқ маорифи ва мактаб ишига оид бўлган тадбирларни амалга ошириш тўғри режалаштириш маҳоратига бевосита боғлиқ бўлади. Халқ таълими бўлимининг ишини, жумладан мактаб ишини режалаштириш аввало

унинг вазифаларини, фаолият мазмуни ва усулларини аниқлашдан иборатдир. Мактабда тузилган иш режаси мазкур мактаб педагоглари жамоаси ҳар бир аъзосининг тизимида ифодаланган давлат топшириғидир. Тўғри тузилган иш режаси хатога йўл қўйишдан асрайди ҳамда илгари йўл қўйилган хато ва камчиликларни тугатишни ҳам таъминлайди. Янада соддалаштирилган ҳолда баён қилинадиган бўлса, режалаштириш - ҳар бир педогогнинг келгусида қандай вазифаларни бажариши зарурлигини яққол ифода этиш билан бирга педагогдан мазкур вазифаларни бажаришга тайёргарлик талаб этади. Тўғри тузилган режа раҳбарлар учунгина эмас, айни вақтда мактаб муаллимлари жамоасининг ҳар бир аъзоси учун ҳам йўл кўрсатувчидир. Шу сабабли мактаб ишини режалаштириш мактаб ички бошқарув тизимида муҳим ўрин эгаллайди. Агар мактаб иши ҳар томонлама тўкис, мукаммал, атрофлича тузиб чиқилган бўлса мазкур режа асосида иш ташкил этиш бир мунча осон кечади, мактаб жамоасининг ҳар бир вакилини меҳнатга бўлган муносабатини ижобий юксалтиради, ўқитувчиларнинг касбий маҳоратини ифода этишларига кенгроқ имкониятлар яратиб беради. Мактабларнинг иш режаларида ўқувчилар билан олиб бориладиган таълим-тарбия ишини такомиллаштириш, ходимлар малакасини ошириш, мактабнинг ўқув-моддий базасини мустаҳкамлаш, таълим-тарбия ишининг долзарб масалаларига қаратилган турли мавзуларда семинарлар, конференциялар ўтказиш, мактаб ўқитувчиларининг педагогик ўқишларини акс этиши долзарб вазифадир. Ҳар бир умумий таълим мактаблари учун шартли равишда қабул қилинган иш режалари мавжуд. Улар қуйидаги режалардир: - Мактабнинг маълум даврга мўлжаллаб (бир ёки икки беш йиллик учун) тузиладиган иш режаси. Буни мактабнинг истиқбол иш режаси деб аталади. Бундай иш режаси умуммактаб халқ-хўжалик режа-кўрсаткичлари асосида тузилади ҳамда мактабнинг маълум даврга ривожи (қанча синф хона,

ўқитувчилар сони, ўқувчилар сони, мактаб қурилишлари ва ҳ.к.) турли рақамлар асосида кўрсатилади; -Мактабнинг бир ўқув йилига мўлжалланган иш режаси мактаб иш турлари асосида тузилади. Мактабнинг жорий иш режаси. Мазкур режа мактабнинг бир ўқув йилига мўлжаллаб тузилган иш режаси асосида ишланади. Бу режа туркумига: - мактаб директори ва унинг ўринбосарларининг бир ўқув йилига мўлжаллаб тузадиган иш режалари; - мактабда фанлар бўйича ташкил этилган методик бирлашмаларнинг иш режалари; - синф раҳбарларининг иш режалари; - фан тўгараклари ва куни узайтирилган гуруҳ раҳбарларининг иш режалари; - мактаб кутубхонасининг иш режаси; - мактаб устахонасининг иш режаси; - мактаб ота-оналар комитетининг иш режаси; - мактаб врачи ва ҳамширасининг иш режаси; - ҳар бир бошлангич ва фан ўқитувчисининг тақвим бўйича ҳамда кундалик дарсни ўтказиш режаси каби режалар киради. Шунга алоҳида этибор қаратиш лозимки, режани тўғри тузиш билан иш битмайди. Ишнинг муваффақияти шу режани қандай усулда, қандай шаклда амалга оширишга, унда белгиланган тадбирларни ҳаётга тадбиқ этиш маҳоратига кўп жиҳатдан борлиқ. Мактаб режасини амалга оширишда қўйидагилар муҳим педагогик аҳамият касб этади: 1) Маорифнинг юқори ташкилотлари, халқ таълими бўлимлари ва мактабга якин бўлган турли муассасалар билан мустаҳкам алоқа ўрнатилганлиги; 2) Бошқариш ва раҳбарлик ишига билимдон, ўта ҳалол, ишбилармон ва маъмурий қобилиятга эга бўлган педагог ходимлар жалб этилганлиги; 3) Ходимлар ўртасида иш тақсимотининг тўғри ташкил этилганлиги;

4) Раҳбар ходимлардан тортиб энг қуйи ижрочигача умумий режадан келиб чиқадиган шахсий (жорий) иш режасини тузиб, шу асосида иш юритиши; 5) Раҳбарнинг мактаб иш режаларининг бажарилиши юзасидан самарали ҳамда узлуксиз назоратни ўрнатганлиги. Мактаб режаси устида ишлаш жараёнида ўсиб келаётган ёш авлод тақдири ҳақида, уларни ақлан ва жисмонан камол топтириш ҳақида, мактаб ишини режалаштиришда ўқитувчилар жамоасининг ижодий тақдири ҳақида, зиёкорларни маънавий жиҳатдан ўстириш ва уларнинг илмий, методик ва умумпедагогик маҳоратини ошириш ҳақида ўйлаш лозим. Зеро, мактабда ўқув дастурларининг бажарилиши, ўқувчилар билимининг сифати, уларнинг тарбияланганлик даражаси, умуман олганда ўқув-тарбия ишининг ҳамма жиҳатлари ўқитувчига, унинг ҳалол меҳнатига боғлиқ. Ўқитувчи – мактабдаги бош сиймо. Бундан кейин ҳам у шундай бўлиб қолади. Шунинг учун ҳам мактабнинг иш режасида ўқитувчилар жамоасидаги кучларни шундай тақсимлаш керакки, уларнинг ҳар бири топшириқларни бажаришга бутун куч ва ғайратини сафарбар этиш имкониятига эга бўлсин. Мактабнинг ўқув-тарбия ишларини режалаштиришда қуйидаги учта шароитга риоя қилиш мақсадга мувофиқдир: 1) ишнинг бошлангич аҳволини чуқур педагогик таҳлил қилиш йўли билан, яъни иш режалаштирилаётган пайтда педагогик жараён тавсифини аниқ билиш; 2) ишнинг режалаштирилиши охирида мактаб жамоаси ўқувчиларга берган таълим ва тарбиянинг даражасини аниқ тасаввур қилиш; 3) мактаб ишини ҳозирги кун талаблари даражасига кўтариш учун, шунга имкон берадиган педагогик воситаларнинг энг мақбулини танлаш. Режалаштиришни уз шаклига кура ёзма, график ва аралаш (ёзма ва график) шаклга бўлиш мумкин. Режа қисқа, аниқ ва тушунарли, педагогик мақсадларга мувофиқ тузилиб, ягона қилинадиларни, қўйилган масалаларни бажариш тадбирлари тизимини ўз ичига олган бўлиши керак. Режанинг сифати режалаштириш қанчалик оқилона ва тўғри қўйилишига боғлиқдир.

Одатда, мактаб иши режалаштирилаётганда унинг тузилиши икки қисмдан иборат деб тузиш тавсия этилади: 1-қисм - аналитик бўлиб, унда мактаб ишининг ўтган ўқув йилидаги якунларининг таҳлили ва янги ўқув йилдаги вазифалари ўз аксини топади; 2-қисм эса амалий хусусият касб этиб, бу вазифаларни бажариш тадбирлари режалаштирилади. Шундан келиб чиқиб, қуйида мактабнинг бир ўқув йили учун иш режасининг намунасини тавсия этамиз. 1 қисм. Мактаб иши якуни ва унинг янги ўқув йилидаги вазифалари: Кичик туманнинг ўзига хос хусусияти ва мактаб иш шароитлари. Бу ерда кичик туман, унинг аҳолиси, мавжуд маданият муассасалари, мактаб ишини қийинлаштирувчи ноқулай шароитлар ҳақида қисқача тавсиф берилади. 2. Ўқув йили иш якунлари ҳақида қисқача таҳлил. Бу бўлимда режанинг барчa бўлимлари доирасидаги иш якунлари берилади ҳамда таҳлил қилинади. Бунда ўтган ўқув йили режаси қандай бажарилгани, вазифалар қанчалик амалга оширилгани; жамоа, педагоглар синфлар ва бошқаларнинг рақам кўрсаткичлари келтирилади, ўқувчиларнинг билим ва тарбияланганлик даражаси баҳоланади, мактаб жамоаси иш усуллари таҳлил қилинади. Камчиликлар кўрсатилади. 3. Янги ўқув йили вазифалари ҳукуматимизнинг мактаб ислохоти ҳақидаги қарорларидан келиб чиқади. Бу ўринда ҳукуматимизнинг таълим- тарбия соҳасида мактаб олдига қўйган вазифаларидан келиб чиққан ҳолда, мактабнинг асосий вазифалари шакллантириб борилади. Аниқланган вазифалар орасида аниқ тадбирларни белгилаш режанинг иккинчи қисми бўлиб ҳисобланади. Унинг мундарижаси (намунавий тузилиши) қуйидагича бўлиши мумкин: 1. Ташкилий-педагогик ишлар. 2. Мактабнинг ўқув-моддий ва техникавий базасини мустаҳкамлаш. 3. Мактаб фаолиятида таянч ва ўрта умумий таълимни амалга ошириш.

4. Мактабни ўқитувчи ходимлар билан таъминлаш ва улар билан ишлаш. 5. Мактабни ўқув-тарбия ишларини йўлга қўйиш. 6. Мактабнинг синфдан ва мактабдан ташқари тарбиявий ишларини ташкил этиш. 7. Ота-оналар ва жамоатчилик билан ҳамкорликда олиб бориладиган ишлар. 8. Мактабнинг оталик, соғлиқни сақлаш ва савдо ташкилотлари билан ҳамкорликда олиб бориладиган ишлари. 9. Мактаб кенгаши ва мактаб директори олиб борадиган ишлари. 10. Мактаб ички назорати ва уни амалга ошириш. 11.Мактабнинг молия-хўжалик ишлари. 12. Мактабнинг методик ишлари. Мактаб режасининг ташкилий-педагогик ишлар қисмида умумий таълим мактабида янги ўқув йилини уюшкоклик билан бошлаш ҳамда уни тугаллашнини берувчи тадбирлар бу борадаги мактабнинг бошқа ташкилотлар билан ҳамкорликдаги ишлари белгиланади. Бу ўринда иш тақсимоти ҳам аниқ кўрсатилади. Ўқитувчи ходимларни танлаш ва жой- жойига қўйиш, мактаб раҳбарлари, ходимлари ва ўқитувчилар ўртасида вазифа ва топшириқларни тақсимлаш (масалан: ким синф раҳбари бўлади, мазкур мактабнинг микромайдонига кимлар бириктирилади, ким тўгарак раҳбари бўлади, ким ўқув-тарбия ва синфдан, мактабдан ташқари ишларни бошқаради ва ҳ. к.), синфларни бутлаш каби масалалар кўрсатилади. Шундан кейин муайян бир иш учун (методик бирлашмаларнинг иш кунлари, мактаб кенгаши мажлислари, касаба уюшмаси ташкилоти мажлислари ва шу кабилар учун) ҳафтанинг кунларини аниқ кўрсатиш ҳам мақсадга мувофиқдир. Иш режасининг "Мактабни ўқув-моддий ва техникавий базасини мустаҳкамлаш" деб аталган кисмида: а) мактаб учун ажратилган маблағ ва бошқа маблағлардан тўла, ўз вақтида ва унумли фойдаланиш;

б) ўқув қуроллари ва бошқа ўқув-хўжалик жиҳозлари, кутубхона ва методик хоналари учун мўлжалланган адабиётларни сотиб олиш; мебеллар, дарсликлар, ўқув-хўжалик ашёларини ремонт қилиш ва сақланишини таъминлаш; ўқитувчилар, ўқувчилар, ота-оналар кучи билан мактабни янги ўқув йилига тайёрлаш; в) санитария-гигиеник режим, техника хавфсизлиги ва ёнғинга қарши кураш тадбирлари; ўқувчиларнинг ўз-ўзига хизмат кўрсатиши; г) мактабнинг ўқув хоналари, техника воситалари билан таъминлаш кабилар билан белгиланади. Мактаб иш режасинин-мактабни педагогик ходимлар билан таъминлаш ва улар билан ишлаш деб аталган қисмида мактабни ҳозирги куннинг талаблари даражасидаги ўқитувчи ва тарбиячи ходимлар билан таъмин этишга қаратилган тадбирларни белгилаш билан бирга, мактаб ўқитувчисининг ғоявий-сиёсий, илмий-методик, педагогик ҳамда умумий маданий савиясини оширишга қаратилган қатор тадбирлар белгиланади. Бундан ташқари мактаб иш режасининг мазкур қисмида педагог ходимлар билан ишлаш ва уларнинг малакасини оширишга каратилган ишлар: а) педагогларнинг билимини мустақил ошириши, турли мавзуларда маъруза, конференция ва суҳбатлар уюштириш, ўқувчилар орасида таълим-тарбия ишлари олиб бориш бўйича педагог ходимлар ўқувини ташкил этиш кабилар; б) ўқитувчиларнинг маҳоратини ошириш. Ўз устида мустақил ишлашни ташкил этиш бўйича консультациялар, очиқ дарслар ўтказиш ва уларга қатнашиш; в) малака ошириш ва методик ишлар. Мактаб ислоҳоти талаблари асосида янги дастур бўйича қисқа муддатли курсларни ташкил этиш, ўқитувчилар малакасини ошириш шаҳар, туман, Республика институтларидаги курс машғулотларига қатнашиш. Методик кенгаш, синф раҳбарларининг синф гуруҳлари, фанлар бўйича методик бирлашмалари ишларини ташкил этиш. Мактаб методика хонасини жиҳозлаш ва тўлдириш. Ўқитувчилар

шуғулланаётган педагогик мавзулардаги муаммолар. Педагогик конференциялар, кўргазмалар; г) ўқитувчилар аттестацияси. Аттестация комиссияси таркибини, бу тадбирни ўтказиш муддатини белгилаш, ўқитувчилар ҳақида аттестацияга доир ҳужжатларни тайёрлаш. Бу тадбирларни амалга ошириш билан боғлиқ тажрибаларни кўргазмада акс эттириш. Аттестацияни ўтказиш давомида ўқитувчиларнинг дарсларига қатнашиш ва бошқа ишлари билан танишиш; д) илғор педагогик тажрибаларни ўрганиш, умумлаштириш ва оммалаштириш. Илғор педагогик тажрибаларни ўрганиш, умумлаштириш ва оммалаштириш бўйича комиссия таркибини белгилаш, муддати ва мавзусини аниқлаш, жавобгар кишиларни кўрсатиш. Тажрибаларни умумлаштириш ва айирбошлашга доир кўргазма ва стендларни ташкил этиш. Шаҳар, туман ва мактабдаги энг яхши ўқитувчилар дарсларига қатнашиш ҳамда уларнинг ибратли ишларини ўрганиш. Илғор тажрибаларни ўрганиш, умумлаштириш ва ёйиш методикаси бўйича семинар практикум ўтказиш; е) мактаб доирасида педагогик ўқишлар ўтказиш каби тажрибалар белгиланади. Мактаб иш режасининг ўқув-тарбия ишларини йўлга қўйиш деб номланган қисмида ўқув режаси ва дастурларни ўз вақтида, юқори савияда, сифатли қилиб бажарилишини таъминловчи тадбирлар, мактабдаги таълимнинг асосини ташкил этувчи дарснинг самарадорлигини ошириш, мактабдаги таълимни кабинет тизимида олиб бориш, таълим-тарбия жараёнида техника воситаталари ва ЭҲМдан фойдаланишни йўлга қўйиш каби масалалар кўрсатилади. Бундан ташқари режанинг мазкур қисмида фанлар бўйича таълимий ва тарбиявий ишлар: а) ўқитувчиларнинг ўқувчилар билан асосий ва факультатив дастурлар бўйича ўқув-тарбиявий ишларини ташкил этиш; фан асосларини ўқитишнинг назарий ва услубий даражасини ошириш; б) ўқувчилар билан билимга, фанга, таълим жараёнига қизиқишни ошириш бўйича тарбиявий ишлар олиб бориш. Уларни билимлар ва мустақил

кўникма ҳамда малакалар билан қуроллантириш. Мактабда ва уйда ўқув меҳнатини унумли ташкил этиш; в) китоб билан ишлаш; г) қобилиятли ва бўш ўзлаштирувчи ўқувчилар билан алоҳида ишлаш. Мактаб китоб фондини яратиш ва уни тўлдириш, ўқувчиларни дарсликлар билан тўла таъминлашга эришиш. Ўқитувчиларнинг ўқувчилар билан олиб борадиган ўқув ишларини (тематик, ҳар бир дарсларга режалар тузиш ва уларни ўрганиш, контрол, ижодий, лаборатирия ва амалий ишлар, ўқув экскурсияларини ўтказиш ҳамда машғулотларда техника воситаларидан фойдаланишга доир режаларни ишлаб чиқиш кабиларни) режалаштириш. Синфдан ва мактабдан ташқари тарбиявий ишларда: Ўқувчилар жамоат ташкилотлари (ўқувчи ёшлар ташкилоти) фаолиятига педагогик раҳбарлик. Ўқувчиларнинг жамоатчилик ишларида фаолликка тарбиялаш, синфдан ва мактабдан ташқари тарбиявий ишларда ахлоқий тарбия, ҳуқуқий тарбия, ҳарбий ватанпарварлик тарбияси, меҳнат тарбияси, байналмилал тарбия, касб танлаш, иқтисодий тарбия, эстетик тарбия, экологик тарбия, санитария-гигиена маорифи каби масалаларни амалга ошириш долзарб вазифа ҳисобланади. Шунингдек, ўқувчиларни мустақил ишлашга ўргатиш, уларни мустақил фикрлаш қобилиятини ривожлантириб бориш, оғзаки ва ёзма нутқ маданиятларини ривожлантириб бориш, техникага оид таълимни амалга ошириш, фанларни ўқитишда ўқувчиларга амалий малакалар бериб бориш каби тадбирлар белгиланади. Иш режасининг ўқувчилар билан олиб бориладиган синфдан ва мактабдан ташқари тарбиявий ишларини ташкил қилиш бўлимида ўқувчилар ўртасида турли мавзуларда конференциялар, кечалар, ўткир зеҳнлилар мушоиралари ўтказиш, экскурсиялар ташкил этиш, кино, театр, меҳнат жамоаларига гуруҳ бўлиб бориш, меҳнат ва уруш фахрийлари билан учрашувлар ташкил қилиш, деворий газета чиқаришни йўлга қўйиш каби ишлар белгиланади.

Республикамиздаги кўпгина мактаблар тажрибасида синфдан ва мактабдан ташқари тарбиявий ишларни бир неча йиллар давомида фаол ўқитувчиларга махсус бириктириб қўйилиши каби усул ўзини оқламокда. Синфдан ташқари бундай тарбиявий ишларнинг барча қилинадилари ўқитувчидан махсус билим ва малака талаб этадики, бундай билим ва малакалар тезда ҳосил бўлмайди. Мактабнинг иш режасидаги ота-оналар ва жамоатчилик билан олиб бориладиган ишлар бўлимида ўқитувчиларнинг ота-оналар билан олиб борадиган ишларининг турли шакллари (ота-оналар мажлиси, ота-оналар билан консультациялар ва суҳбатлар ўтказиш, маҳаллалар, турли меҳнат жамоалари, жамоатчилик ҳамда ота-оналарнинг тарбия ва бошқа масалаларда мактабга қачон ва қандай ёрдамни ташкил қилиш каби) масалалар кўрсатилади. Иш режасидаги мактабнинг оталик ташкилоти билан ҳамкорликда олиб бориладиган ишлари бўлимида мактаб биносини ремонт қилиш, ўқув хоналарини жиҳозлаш ишига оталиқ ташкилотнинг эътиборини жалб этиш, оталиқ ташкилотидаги ишчи ва хизмачилар учун турли тарбиявий мавзуларда суҳбатлар олиб бориш каби ишлар режалаштирилади. Мактаб иш режасининг мактаб кенгаши ва мактаб директори қошидаги йиғилиш деган бўлимида, мактаб кенгаши ва директор қошидаги йиғилишнинг дастури, кенгаш ишининг мавзуси ва мундарижаси аниқ кўрсатилади. Йиғилишларни ўтказиш муддати, кун тартиби, кенгашнинг мактабдаги методик бирлашмалар билан алоқаси, бирлашмаларга раҳбарлик қилиш, йиғилишларнинг мавзуси, йиғилиш шакли, уни ўтказиш куни каби масалалар мактаб иш режасининг мазкур бўлимида кўрсатилиши шарт. Иш режасининг педагогик жараённи бошқариш ва назорат қилиш деб номланган бўлимида мактаб ишларини бошқариш ҳамда педагогик жараёнга раҳбарлик қилишнинг асосий шакллари белгиланади ва бунда: -Ўқувчилар билимининг сифати ва ўқитувчиларнинг ўқув дастурларини бажариши (дарсларга кириш ва таҳлил қилиш, лаборатория ва амалий ишлар,

экскурсиялар, контрол, ижодий ишлар, ишлаб чиқариш меҳнати, мактаб майдонидаги тажриба ишларини таҳлили; ўқувчилар билан алоҳида ишлашнинг ҳолатини аниқлаш, дафтар тутиш; синф журналларида ўқувчилар билимини қайд этиш ва баҳолаш; ўқув фанлари бўйича ўқувчилар билими, тушунча ва кўникма даражаси; мактаб маъмуриятининг назорат ишлари; дарслик, ўқув жиҳозлари ва бошқаларнинг қандай ҳолатда экани) текширилади. - Факультативлар ишини назорат қилиш, метод бирлашмалар, ўқитувчиларнинг ўз устида мустақил ишлаши, синф раҳбарлари, кутубхоначилар, лаборантлар фаолиятини кузатиш, мактаб ҳужжатларининг кай тартибда юритилаётганлигини назорат қилиб бориш каби масалалар ғоятда муҳимдир. Режанинг мазкур бўлимида қуйидаги масалаларни ҳам кўрсатиш мақсадга мувофиқдир: а) улгурмовчи, ёрдамталаб ўқувчиларни ўз вақтида аниқлаб олиш; б) ана шундай ўқувчиларнинг тайёргарликларидаги камчилик ва етишмовчиликларни сабабини ўрганиш; в) бўш ўзлаштирувчи ва ўзлаштирмайдиган ўқувчиларнинг барча ёзма ишларини, фанлар бўйича берилган топшириқларни бажариши, уларнинг оғзаки жавобларини текшириб боришни таъминлаш; г) улгурмовчи ва икки йил бир синфда қолувчи ўқувчилар билан гуруҳ ва алоҳида ҳолда мунтазам ишлашни ташкил этиш; д) ана шундай ўқувчиларни ўзлаштирувчи ўқувчилар қаторига қўшиб бориш борасида ота-оналар ва улар ишлаб турган корхона билан ҳамкорликда олиб бориладиган ишларнинг самарали шакл ва усулларини қидириб топиш каби қатор масалаларни белгилаш зарурий ҳолдир. Иш режасининг мактабнинг молия ва хўжалик ишлари деб аталган бўлимида мактабни шу ўқув йилида ва ундан кейинги даврда моддий-ўқув базасини янада мустаҳкамлаш, давлат ва оталиқ ташкилоти томонидан

ажратиладиган маблағларни турли, мақсадга мувофиқ ҳолда сарфлаш, молиявий ҳисоб-китобларни тартибга солиш тадбирлари белгиланади.

АДАБИЁТЛАР: 1. И.А.Каримов "Баркамол авлод орзуси". 1999 йил. 2. И.А.Каримов "Ўзбекистоннинг ўз истиқлол ва тараққиёт йўли" Т. Ўзбектистон 1995 йил; 3. "Кадрлар тайёрлаш миллий дастури". 1997 йил. 4. "Таълим тўғрисида»ги қонун. 1997 йил. 5. Ўзбекистон Республикасининг умумий ўрта таълим тўғрисидаги йўриқномаси. "Халқ таълими" 1992й. 2-сони 6. Ўзбекистон Республикасининг умумий ўрта таълим тўғрисидаги муваққат Низоми. "Халқ таълими" 1992й. 2-сони; 7. М.Н.қосимов. "Мактабни бошқаришнинг назарий ва педагогик асослари". Т. "Ўқитувчи". 1995 йил. 8. Ахлоқ одобга оид ҳадис намуналари. Т. "Фан" 1996 йил. 9. Ш.Мирзаев. Дарс таҳлили. Т. 1993 йил. 10. Ф.Г. Фропов "Ёш директор мактаби" Т.-Ўзбекистон 1991й. 11. К.Юсупов "Миллий мактаб-ҳаётий эҳтиёжи" "Халқ таълими" 1992 й. 6,7-сони. 12. www . ziyonet . uz

Похожие

Мактаб ишини илмий асосда режалаштириш – тўғри бошқаришнинг негизи

Кутубхона ишини режалаштириш

Давлат умуммиллий дастури асосида мактаб кутубхонаси ишини такомиллаштиришнинг асосий йўналишлари

Мактаб бошкаруви

Мактаб ички назорати