Kasb-hunar kollejlari o`quv xonalari, labaratoriyalari hamda o`quv ustaxonalariga qo`yiladigan talablar va ularni jihozlash - Педагогиka - Рефераты

Kasb-hunar kollejlari o`quv xonalari, labaratoriyalari hamda o`quv ustaxonalariga qo`yiladigan talablar va ularni jihozlash

Загружено в:

20.09.2019

Скачано:

0

Размер:

104 KB

Kasb-hunar kollejlari o`quv xonalari, labaratoriyalari hamda o`quv ustaxonalariga qo`yiladigan talablar va ularni jihozlash Reja: 1. Kasb-hunar kollejlari o'quv xonalari, labalatoriyalari hamda o'quv ustaxonalarini tashkil qilish bo'yicha umumiy nizomlar. 2. Kasb-hunar ta'limi o'quv ustaxonalaridagi ta'lim va tarbiyanina vazifalari hamda ularning jihozlanishiga qo'yiladigan talablar. 3. Kasb-hunar ta'limi o'quv ustaxonalarida mashg'ulotlarni tashkil etish va ularni o'tkazishga qo'yiladigan talablar va ularni jihozlash.

Aniqlashtirilgan o'quv maqsadlari (talabaning vazifalari) Talaba mavzuni o'zlashtirgandan so'ng: Kasb-hunar kollejlarida o'quv ustaxonalari o'quvchilarga aniq bir ixtisoslik asosida sifatli kasbiy bilim, ko'nikma va malakalarni shakllantirish, ularning shu kasb bo'yicha mahoratlarini oshirish maqsadida tuziladi. Mehnat usullari, harakatlari, ish bajarish qobiliyati, o'z mutaxassisligi bo'yicha malakali kadr bo'lib yetishishga qadar, ya'ni oddiy operatsiyalarni bajarishdan boshlab kasbga doir murakkab-jarayonlarni bajara oladigan mutaxassislar tayyorlanadi. O'quv amaliyoti kasb-hunar kollej o'quv ustaxonalarida turli kasblar uchun turlicha bo'lishi, o'qishning davomiyligi, mehnatning turli mutaxassisliklar bo'yicha mazmuni va ishlab chiqarish ishlarining xarakteriga bog'liqdir. Mutaxassisligi bo'yicha mehnat mazmunining xususiyatidan qat'iy nazar o'quv ustaxonasida amaliy kasbiy ta'lim to'g'ridan-to'g'ri mahsulot ishlab chiqarish jarayonida o'tkaziladi. Shuning uchun o'quv ustaxonalari DTS asosida o'quv va ishlab chiqarish talablariga moslanishi zarur. O'quvchilarning ish o'rinlarini rejalashtirish, qurish va jihozlash, o'quv ustaxonalari faoliyatini tashkil etish xususiyatlari turli mutaxassisliklar uchun turlichadir. Biroq, turli mehnat xarakteridagi o'quv ustaxonalari uchun umumiy talablarni ajratib ko'rsatish mumkin. O'quv ustaxonalari quyidagi talablarga javob berishi kerak: - jihozlar talab darajasida ishlashi uchun bir me'yorda o'rnatish shartlariga rioya qilib, belgilangan talablar asosida o'rnatilgan bo'lishi lozim (maydon, qavatlar, binoning balandligi, texnologik jarayon hisobga olingan holda rejalashtirish); - mehnat xavfsizligi talablari, sanitariya va gigiyena qoidalari (yong'in va portlash xavfi bor bo'limlarni, chang va gaz chiqadigan bo'limlarni ajratish, ko'tarma transport tizimlarining mavjudligi, yong'in holatida chiqish yo'llari, o't o'chirish vositalari, yorug'lik bilan yetarli ta'minlash, shamollatish qurilmalarining mavjudligi, ish sharoitiga mos ob-havo va hokazo)ga amal qilish;

- ishlab chiqarish estetikasi talablariga rioya qilish; – jihozlangan o'quv ustaxonasini shartli ravishda uch qismga bo'lish mumkin: o'quvchilarning ish joylari; hamma foydalanadigan joy – asbob- uskuna, anjomlar, xomashyo saqlanadigan xona; amaliy kasbiy ta'lim o'qituvchisining o'rni. O'quvchining ish joyi o'quv dasturi talablariga o'quv ishlab chiqarish ta'limi uchun zarur asbob-uskunalar, nazorat o'lchov asboblari va moslamalar bilan jihozlanadi. Bajarilayotgan ishning xarakteriga, o'quv ishlab chiqarish mehnatini tashkil qilinishiga qarab o'quvchilarning ish joylari yakka-yakka yoki brigada bo'yicha bo'lishi mumkin. O'quvchilar ish jojlariga qo'yiladigan umumiy talablardan quyidagilarni: – asbob-uskunalarning texnik sozligi, to'siqlar, tokning yerga ulanishi, elektrni o'z-o'zidan o'chirilishi, himoya qurilmalari, ko'tarish qurilmalari va mehnat xavfsizligini ta'minlaydigan vositalar mavjudligi; – ish davrida asbob-uskunalar, moslamalar, asosiy va yordamchi materiallar, tayyor mahsulotlar, o'quv va texnika hujjatlarini ishonchli hamda qulay saqlash uchun maxsus joylar jihozlanishi; - ish joyining yaxshi yoritilishi, o'quvchining ish joyida qulay o'rnashishi, behuda harakat qilmasligi, charchamasligi, o'tirib ishlashga to'g'ri kelsa, sharoit yaratilishi; - favqulotda holat sodir bo'lgan taqdirda amaliy kasbiy ta'lim o'qituvchisi bilan tez bog'lana olish; – asbob-uskunalarga xizmat qilish, tozalash, yig'ishtirish uchun qulaylik yaratilishini alohida ko'rsatish maqsadga muvofiqdir. O'quvchilarning ish joylarini jihozlashning asosi – har bir o'quvchi uchun qulay va alohida o'rin bo'lishidir. Chunki bu yerda o'quvchi tanlagan ixtisosligi, ya'ni o'ziga xos bo'lgan kasb-hunar bo'yicha o'quv ishlab chiqarish ishlarini bajaradi. Ish joylarini qulay jihozlashga bo'lgan o'quv-texnika talablari: mutaxassislikka xos bo'lishi; zamonaviy konstruksiya asosida, ko'p tomonlarni

qamrab olgan holda universal bo'lishi; boshqarishda nisbatan sodda, hajm jihatidan ixcham, foydalanish va xizmat qilishda qulay, ish davrida xavfsiz bo'lishi lozim. Umumiy chilangarlik ustaxonalari uchun yondosh iskanja (tisk)lar bo'lgan bir o'rinlik chilangarlik dastgohlari; quruvchi-pardozlovchilar uchun suvoq, bo'yoq, plitalar o'rnatish va boshqa ishlarni bajarish uchun xonalar; payvandchilar uchun maxsus payvandlash joylari; chilangar-ta'mirlovchilar va yig'uvchilar uchun iskanjalar bilan ko'p o'rinli dastgohlar mavjud bo'lishi kerak. O'quvchilarning ish joylari ham yakka (individual) asbob-uskunalar bilan ta'minlanadi. Asbob-uskuna ajratishda uning universalligi, qo'llanish darajasining doimiyligi, quwati hisobga olinadi. O'quvchilarning ish joylariga tez-tez va har doim ishlatiladigan asbob-uskunalar beriladi. O'quvchilar ish jarayonida kerak bo'ladigan boshqa asbob-uskunalarni amaliy kasbiy ta'lim o'qituvchisidan yoki asbobxonadan oladilar. Eng ko'p tarqalgan o'quv ustaxonasi umumchilangarlik ustaxonasi hisoblangani uchun o'quvchi-chilangarning ish joyida foydalanishda zarur bo'lgan asbob- uskunalar haqida to'xtalib o'tamiz: Kalit dastasi - iskanjaning bo'yiga qarab balandligini sozlash uchun -1; metaldan yasalgan o'lchov chizg'ichi – 1; metall qalam (chertilka) – 1; belgilaydigan sirkul – 1; buyumlarga belgi uradigan asbob(kerner) -1; lekallo chizg'ich – 1; chilangarlik burchak chizg'ichi – 1; shtangensirkul ShS-1 – 1; chilangarlik zubilosi-1; chilangar kreysmeyseli – 1; massasi 400 – 500 g bo'lgan chilangarlik po'lat bolg'asi -- 1; har xil egovlar №1,2 – 4 – 5; qirindi shyotka – 1. Ishchi o'rinlarini jihozlash va tartibli qilishda, ish vaqtida zarur bo'ladigan nazorat o'lchov asbob-uskunalariga va hujjatlarga alohida e'tibor berish kerak. Eng muhimi barcha asboblar o'z o'rnida, qo'l uzatib oladigan joyda bo'lishi kerak. O'quv amaliyoti jarayoni uchun kerakli vositalar (dastgohlar yoniga qo'yilgan javonchalar (tumbochkalar), ishchi chizmalar va o'quv-texnika hujjatlari qo'yiladigan qisqichlar, tokcha, planshet, gotovalnik, nazorat o'lchov asbob-uskunalari solinadigan g'iloflar, asbob-uskuna va boshqa asboblar solinadigan ko'chma yashiklar va hokazolar) maxsus saqlanadigan joylarga o'rnatilgan qoidalarga rioya

qilgan holda qo'yilishi lozim. Bularning hammasi nafaqat ishchi o'rniga to'g'ri yondashishni, shu bilan birga yoshlarda jamoat mulkiga ko'z qarochig'iday qarash ko'nikmalarini ham shakllantiradi. O'quv ustaxonasida o'quvchining ish joyi ustaxonaning yoritilganlik darajasi, qanday mahsulot ishlab chiqarilishi, ustaxonaning umumiy holati, hajmi, xonalarning o'lchamlari va shakli, deraza va eshiklarning joylashishi va boshqa parametrlardan kelib chiqqan holda rejalashtiriladi va belgilab olinadi. O'quvchi ishchi o'rnining katta-kichikligi, asbob-uskunalar o'rnatilishi har xil ixtisosliklar uchun turlichadir. Ular tegishli vazirliklar, ma'muriyat tomonidan qabul qilingan me'yoriy hujjatlar asosida barpo qilinadi. Ko'p hollarda umumiy bo'lgan o'rta me'yor usuli qo'llaniladi: – devor va ustundan dastgohning yon yoki orqa tomonigacha bo'lgan oraliq – 0,5 m dan kam bo'lmasin; –– o'rnatilgan asbob-uskunalar orasi 1,5 m. dan kam bo'lmasin; - dastgoh, agregatlar yon oralig'i 0,8 m. dan kam bo'lmasin; –– markaziy o'tish yo'li 2 m. dan kam emas; –– derazalar ishlovchi o'quvchiga nisbatan chap yoki old tomonda bo'ladi. O'quvchilarning ish o'rinlarida mavjud bo'lgan individual asbob- uskunalardan tashqari, o'quv ustaxonasida hamma foydalanadigan chilangarlik dastgohi va qurilmalari o'matilgan alohida joylar mavjud bo'ladi. Sunday joylarning barpo qilinishi kasbning xususiyati, o'quv ustaxonasi ishlab chiqaradigan mahsulot, ta'lim muassasasi tayyorlaydigan mutaxassisliklar, kasb- hunar kollejida qo'shimcha xizmatlarning mayjudligi va boshqalarga bog'liqdir. O'quv ustaxonasida bunday asbob-uskunalarning qo'llanilishidan maqsad o'quv ishlab chiqarish ta'limi dasturini to'la va sifatli bajarishdan iboratdir. Umumchilangar o'quv ustaxonasida dastgoh, qurilma va jihozlar ro'yxatini misol sifatida keltirish maqsadga muvofiqdir: –– iskanjali parmalash dastgohi – 3 dona; –– vintli qo'l pressi (yoki gidravlilik) – 1 dona; – iskanjali ko'ndalang randalash dastgohi – 1 dona;

–– ikki tomonli charxlash dastgohi – 1 yoki 2 dona; –– richagli, g'ildirak og'irligi bilan ishlaydigan qaychi – 1 dona; – belgili plitali stol – 1 dona; –– metallni to'g'rilash uchun plita – 1 dona; –– truba bilan qisadigan stol (verstak) – 1 dona; – qirindilar uchun yashik – 1 dona. O'quv ustaxonalarida hamma foydalanadigan asbob-uskunalar shunday joylashtirilishi kerakki, ular yonida bo'sh maydon bo'lsin, bir necha o'quvchilar baravariga ishlayotganlarida bir-birlariga xalaqit bermasin. Odatda ular bo'sh devor yoniga, deraza qarshisiga yoki ustaxonaning ichki orqa tomoniga joylashtiriladi. Charxlash dastgohlarini bo'lingan alohida joyga o'rnatish va alohida changyutgich bilan jihozlash zarur. Shuningdek, qalaylash(payaniya) va oqartirib yaltiroq qilish(lujeniya)ni o'rganish uchun ham alohida ishchi o'rinlarini tashkil qilish kerak. Shu narsaga alohida e'tibor berish kerakki, materiallar olib kirish va olib chiqishda ustaxona ifloslanmasligi uchun eritma, koler, shpaklyovka va hokazolar tayyorlash ishlarini maxsus ajratilgan joyda amalga oshirish lozim. O'quv ustaxonasida o'quv ishlab chiqarish ta'limi samaradorligini ta'minlash uchun amaliy kasbiy ta'lim o'qituvchisining ish o'rni katta ahamiyatga egadir. O'quv ustaxonasining sohasidan qat'iy nazar o'qituvchining ish o'rni quyidagi umumiy talablarga javob berishi lozim: –– namunali o'quv texnika asbob-uskunalari bilan ta'minlangan, estetik rasmiylashtirilgan, dars mavzusi va mazmuni asosida jihozlangan; bu esa o'quvchilarga katta tarbiyaviy ta'sir qiladi va ular uchun ma'naviy omil hisoblanadi; –– o'quv ishlab chiqarish ishlarini bajarishda mehnat ko'nikmalari va usullari samaradorligi uchun kerakli sharoit yaratilishi, maxsus qurilmalar, ularning o'rnatilishi, manzara ko'rinishi talab darajasida bo'lishi; –– barcha o'quvchilarni mukammal ko'zdan kechirib turish uchun sharoitlar yaratishni ta'minlash;

– asbob-uskunalarni, o'quv texnika hujjatlarini va ta'limning zamonaviy texnik vositalarini qulayjoylashtirish hamda saqlash kerakki, foydalanish uchun hamma narsa qo'l ostida bo'lsin, qolaversa ularni ishlatishda qidirib vaqt ketkazmaslik zarur; – amaliy kasbiy ta'lim o'qituvchisining ish joyini talab darajasida jihozlashda, o'quv texnikasi va o'quv metodik qo'llanmalarni doimiy ravishda texnika va texnologiyalarni takomillashuviga, pedagogik tajribaning ilmiy tavsiyalari va ilg'or yutuqlariga mos holda to'ldirib borish va yangilab turish lozim. Amaliy kasbiy ta'lim o'qituvchisi ish joyining tuzilishi va jihozlanishi, tegishli mutaxassislik xususiyatiga, kasb-hunar kolleji imkoniyatiga, o'qituvchi tajribasiga va kollejning o'quv moddiy texnika bazasiga bog'liq. O'qituvchining ish joyini jihozlashni shartli ikkiga bo'lish mumkin – majburiy va qo'shimcha. Majburiyjihozlashga qo'yidagilarni kiritish mumkin: –– asbob-uskunalar o'rnatiladigan amaliy kasbiy ta'lim o'qituvchisining ish joyi balandroq bo'lishi; –– ishchi stol, stul, sinf doskasi; –– barcha o'rganilayotgan mavzular va o'quv ishlab chiqarish ishlari bo'yicha didaktik vositalar va o'quv texnika hujjatlari; –– mehnat harakatlari va o'quv-ishlab chiqarish ishlarini bajarish usullarini namoyish qilish uchun qurilmalar (namoyish stoli (verstak), dastgoh, panel, elektr to'plami o'rnatiladigan taxta (shit), o'quv xonasi, payvandlash posti va hokazo); –– asbob-uskunalar, anjomlar, materialar, huijatlar, o'qitishning texnik va didaktik vositalari saqlanadigan moslamalar (shkaflar, yashiklar, kassetalar, taxta tokcha va boshqalar); –– o'qitishning texnik va didaktik vositalarini namoyish etish uchun mo'ljallangan moslamalar (namoyish etiladigan shitlar, plakatlar g'ilofi, ekran va boshqalar). –– elektr toki, siqilgan havo, gaz va boshqalarni o'quvchilar ish joyiga uzatib beradigan hamda o'chirib-yondiradigan maxsus shit.

Amaliy kasbiy ta'lim o'qituvchisining ish joyini qo'shimcha jihozlash uning tajribasiga, maqsadga intilishiga, ijodiy yondashuviga, idrokli bo'lishi, shuningdek, tegishli asbob-uskunalar topishi va tayyorlashiga bog'liq. Ilg'or tajribani hisobga olgan holda eng yaxshi o'qituvchining ish joyini qo'shimcha jihozlashning ba'zi elementlarini aytib o'tish mumkin: –– o'qitishning zamonaviy texnika vositalarini saqlash, bir tizimga keltirish va qo'llashda foydalaniladigan shkaf; –– yo'riqlar o'tkazish uchun o'quvchilarning jamoa bo'lib o'tiradigan joyi; –– mahsulotlar, asbob-uskunalar tayyorlaydigan xona (preparatxona); – masofadan boshqarib o'qitishning texnik vositasi (OTV) pulti, o'quvchilarga umumiy topshiriq beradigan signalizasiya vositasi, o'quvchilar bilan operativ bog'lanish vositalari va hokazolar; – komputer multimedia dasturlari, elektron darsliklar, vedeo va diafilm va boshqalarni namoyish qilish uchun doska-ekran; – elektromagnit doskasi; – o'rgatuvchi va nazorat qiluvchi qurilma, elektrlashtirilgan shitlar, sxemalar, integratorlar va hokazolar; – o'quv amaliyoti mashg'uloti davrida o'quvchilar tomonidan ishlab chiqilgan mahsulotlarni qabul qilib olish uchun maxsus stol va hokazolar. Amaliy kasbiy ta'lim o'qituvchisi ish joyini jihozlashda kerakli asbob- uskunalarni asosiy va qo'shimchalarga ajratish shartlidir. Ish joyini doimo tartibli tuzash va moslash yo'li bilan jihozlash kerak, bu o'qituvchining faoliyatiga kiradi va faoliyat samaradorligini oshiradi. Shuning bilan birga o'qituvchi ish joyini haddan tashqari bezab jihozlashi shart emas, bu maqsadga muvofiq bo'lmaydi. Agar ta'lim muassasasining telestudiyasi bo'lsa, videomagnitafonga mehnat faoliyati, usullarini yozish va namoyish qilish imkoniyati bo'lsa, ish joyiga televizor va kinoproyektorlar o'rnatish mumkin. Amaliy kasbiy ta'lim o'qituvchisi ish o'rnini didaktik vositalar bilan jihozlash muhim ahamiyatga ega. Ish o'mini jihozlash kompleks yondashish

asosida bo'lishi, ya'ni o'quvchi o'quv dasturining har bir mavzusini to'la va sifatli o'rganishi uchun zarur va yetarli didaktik vositalar bilan ta'minlanishi lozim. Kompleks yondashishni namoyish qilish maqsadida, chilangarlik o'quv ustaxonalarida o'qituvchilarning ish joylarini jihozlashda zarur bo'lgan didaktik va texnik vositalar majmuasini keltiramiz: – barcha chilangarlik ishlari bo'yicha yo'riq xaritalari – 26 komplekt, har bir o'quvchi uchun – 1 komplektdan, kirish yo'rig'i o'tkazish uchun – 1 komplekt (karton asosida hajmi 80x100 sm); – maxsus o'quv ishlab chiqarish ishlarining yo'rig'-texnologik va texnologik xaritalari – 26 komplekt, har bir o'quvchi uchun – 1 komplektdan, kirish yo'rig'i o'tkazish uchun – 1 komplekt; – maxsus o'quv ishlab chiqarish ishlari uchun ishchi chizmalari – 30 komplekt; – dasturning barcha mavzulari bo'yicha turli chilangarlik ishlarini bajarish uchun andoza shitlari – 1 komplekt; – maxsus o'quv ishlab chiqarish ishlarining etalon namunasi keltirilgan shitlar – 1 komplekt; – mavzular bo'yicha o'quvchilar ish jarayonida yo'l qo'yishi mumkin bo'lgan xatolar va ularni bartaraf qilish usullari keltirilgan jadvallar – 1 komplekt; – mavzular bo'yicha asbob-uskuna namunalari keltirilgan shitlar – 1 komplekt; – barcha chilangarlik va kompleks o'quv ishlab chiqarish ishlari bo'yicha «Baholash mezonlari» keltirilgan jadvallar – 1 komplekt; –«Chilangarlik ishlari» plakatlari – 1 komplekt; – mavzular bo'yicha uy vazifalari shakllari (to'ldirish uchun) – 30 komplekt; – maxsus chilangarlik buyum(detal)lari tayyorlashning texnologik jarayonlarini ishlab chiqish shakllari (to'ldirish uchun) – 7-10 komplekt;

– chilangarlik ishi bo'yicha diafilmlar, videofilmlar, multemediya kompyuter dasturlari, elektron darsliklar – 1 komplekt. O'quv texnika hujjatlarini saqlash va ulardan oqilona foydalanish shartlarini ta'minlashga alohida e'tibor berish zarur. O'quv ishlab chiqarish ishlari chizmalari, yig'ish chizmalari, texnologik xaritalari va boshqalar hamma vaqt aniq joyda hamda ozoda saqlanishi kerak. Ularni kartonlar va sellofanlarga o'rab qo'yish maqsadga muvofiqdir. Ish jarayonida chizmalar dastgoh ustida bo'lishiga yoki o'quvchilar ularni iflos qo'llari bilan ushlashiga yo'l qo'ymaslik kerak. Yo'riqnoma va texnologik xaritalarga munosabat haqida ham xuddi shunday fikrni aytish mumkin. Ulardan foydalanishni shunday tashkil etish kerakki, ular ish joyida har bir o'quvchi qo'lida bo'lsin. Shundagina bu hujjatlar tegishlicha manfaat keltiradi. Tajribali amaliy kasbiy ta'lim o'qituvchilari o'zlarining ish o'rinlarini tashkil qilar ekanlar, maxsus universal moslamalarga, shablon, asbob-uskunalar va shaxsan foydalanadigan asbob-anjomlar bilan jihozlashga diqqatni jalb qiladilar. Yana shu narsa muhimki, bularning hammasi texnik jihatdan soz va saqlanishi namunali holatda bo'lishi kerak. O'quvchilar o'qituvchidan o'rnak olib, saronjomlikka, ozodalikka, buyumlarning qadriga yetishga o'rgansin. O'qituvchining ish joyida tegishli kasb va ixtisoslik bo'yicha zarur jadvallar, mahsulot standartlari, ma'lumot beradigan adabiyotlar, barcha darslik va o'quv qo'llanmalari bo'lishi kerak. Bularning barchasi uning ishini tartibga soladi, vaqt tejash imkoniyatini beradi va obro'yini ko'taradi. Ish jarayonida asosiy ma'lumot beradigan materiallar o'quvchilarda ham bo'lishiga harakat qilish kerak. Bu ustaxona devoriga o'rnatilgan ma'lumot beruvchi jadvallar shiti yoki o'quvchilar ish joyida asosiy ma'lumot beruvchi jadvallardir. O'quv ustaxonasini sirtqi tomondan bezash turlicha bo'lishi mumkin. Bu yerda ko'p narsa o'qituvchi va guruh faollari tashabbusiga, ta'lim muassasasining umumiy ko'rinishiga bog'liq. O'quv ustaxonasini jihozlashda har doim did bilan dizayn va estetika me'yorlariga rioya qilish kerak. Ustaxona devorlari bo'm-bo'sh bo'lsa ham yaxshi

emas, ammo devorlarga har xil plakatlar, shitlar, jadvallar va hokazolarni osib yopishtirib tashlayverish ham yaramaydi. Devorlarda har xil axborotlar ko'p bo'lsa unga o'rganib qolinadi va qabul qilinishi qiyin bo'ladi yoki mazmuni butunlay qabul qilinmaydi. Ustaxona devorlarida o'tkaziladigan mashg'ulotlarga samarali yordami tegadigan vositalar osilishi kerak. Ustaxona devorini maxsus bezash (yasatish) katta ahamiyatga ega. Amaliy kasbiy ta'lim o'qituvchisi har doim shu narsani yodda tutishi zarurki, hamma ijobiy harakatlar o'quvchilarni tarbiyalaydi, shu jumladan, ustaxona bezagi ham tarbiyaviy ahamiyatga ega. Hech qachon, hech qanday sharoitda did bilan dizayn va estetika me'yorlariga rioya qilmasdan bajarilgan sxema, jadval, shiorlar, chaqiriqlar va boshqalar bilan ustaxona devorlarini band qilmaslik kerak. Ustaxonadagi hamma ko'rsatmali materiallar bir tartibda romlangan, oynalangan bo'lishi kerak. Ustaxona tashqi ko'rinishini rasmiylashtirishda asos hisoblangan namunali ro'yxatni keltiramiz: –– devoriy plakat «Kasbiy tavsifnoma» (tarmoq ta'lim standartidan olib keltiriladi); –– devoriy plakat «O'quv ustaxonasida mehnat xavfsizligi qoidasi»; devoriy plakat «Yong'inga qarshi qoida»; –– devoriy plakat «O'quv ustaxonasida o'quvchilarning xulq-atvor qoidasi»; –– devoriy plakat «Mehnat va ish joyini tashkil qilish bo'yicha o'quvchilar uchun eslatma»; –– maxsus o'quv ishlab chiqarish ishlari namunalari shiti; –– tez-tez qo'llanilib turiladigan ma'lumotnoma (spravochnik) jadvallari; –– guruhlar devoriy gazetasi; –– shiorlar va chaqiriqlar yozilgan shitlar va hokazo.

Похожие

Kasb-hunar kollеjlari o`quvchilarining o`quv faoliyatidagi psixologik xususiyatlari

O`quv, o`quv-metodik, ilmiy va tarbiyaviy ishlarni rejalashtirish

Bilim, o`quv hamda malakalarni baholashning reyting tizimi

Talabalarning o`quv - tadqiqоt ishlari

Bakalavrlarga qo`yiladigan talablar, mutaxassislik fanlarini o`qitishni rejalashtirish