Харакатли ўйин хакида асосий тушунча - Педагогиka - Рефераты

Харакатли ўйин хакида асосий тушунча

Загружено в:

20.09.2019

Скачано:

0

Размер:

59.5 KB

Ҳаракатли ўйин хақида асосий тушунча. Ўйин – тарихий ташкил топган ижтимоий воқа, мустақил фаолият тури, кишига хосдир. Ўйин фаолияти жуда ҳам турли-тумандир: ўйинчоқлар билан ўйналадиган болалар ўйинлари, стол ўйини, доира бўлиб ўйналадиган ўйин, ҳаракатли ўйинлар, спорт ўйинлари. Ўйин ўзи-ўзини билиш воситаси, ўйин-кулги, дам олиш, жисмоний ва умумий ижтимоий тарбия воситаси, спорт воситаси бўлиши мумкин. Ўйин маданияти элементи сифатида жамиятни барча маданияти ва кишиларнинг ҳар хил эхтиёжлари билан ривожланади: ўйин-кулги, дам олишда, маънавий, ақлий ва жисмоний кучни ривожланишида катта ўрин эгаллайди. Ўйин фаолияти- нафақат маданиятни бир элементи хисобланади, балки у болалар ва ўсмирларни тарбиялашда ҳам фойдали восита хисобланади. У ҳардоим мақсадга йўналтирилган ва турли-туман мақсадли йўл-йўриқ ҳамда асосланган ҳаракат билан ўзига хос хусусиятни кўрсатиб туради. Ўйин фаолияти кўпроқ меҳнат билан умумийликка эга, айниқса болалик даврида. Бироқ ўйин жараёнида хаётий эхтиёжларни қондириш учун киши моддий бойликни яратаолмайди. Ўйин-жуда ҳам қувноқ жўшқин фаолиятидир, шунинг учун у ёшлар ва болалар билан тарбиявий иш олиб боришда катта бойлик касб этади. Ўйинни турли-туманлиги катта-кичиклар орасида айниқса ўсмирлар ва болалар ўртасида энг кенг тарқалгани бу ҳаракатли ўйинлардир. Улар эса ушбу ўқув қўлланма фани хисобланади. Ҳаракатли ўйинларни ўзига хос фазилати ўйинни мазмуни ҳаракатни ролини ёрқин ифода қилиш хисобланади (югуриш, сакрашлар, улоқтириш, отиш, тўпни узатиш ва илиб олиш, қаршилик кўрсатиш ва б.қ). Бу ҳаракатлантирувчи ҳаракатланиш уни мазмунини асослаб беради (мавзу,

ғояси). У ўйинда қўйилган мақсадга эришиш йўлида, турли-туман қийинчиликларни, тўсиқларни енгиб ўтишига йўналтирилади. Ҳаракатли ўйинларни орасида хақиқатдан ҳам (элементар) ҳаракатли ўйинлар ва спорт ўйинлари билан фарқ қилади. Хақиқатан ҳам (элементар) ҳаракатли ўйинлар ўйновчиларнинг ўзларини ихтиёрий равишда ўрнатилган, мақсадга шартли равишда эришишга йўналтирилган, ўзида онгли равишда ташаббускорлик фаолиятини мужассамлаштирган бўлади. Ўйновчиларнинг мақсадга эришишда фаол ҳаракатлантирувчи ҳаракат талаб қилади, уни бажариши ўйновчиларни ўзларининг ижод қилишига ва ташаббускорлигига боғлиқдир (нишонга тезда югуриб бориш, нишонга тез отиш, “Рақибига” тез ва эпчиллик билан етиб олиш ёки ундан қочиб кетиш ва х.к). Ҳаракатлантирувчи ҳаракатли ўйин қоидалари билан белгиланади, уни бажарилишини ўйинчилардан ташаббускорлик хулқини ўрнатилган қоидалар чегарасида мос келишини талаб қилади. Ўйин қоидаси мақсадга эришиш йўлида ўйиндаги қийинчиликларни ва тўсиқларни характерини аниқлайди. Қоидани сони ва мураккаблиги жихатдан ўйинни ўзининг мураккаблигига боғлиқдир. Хақиқатдан ҳам ҳаракатли ўйинлар ўйин қатнашчиларидан махсус тайёргарликни талаб қилмайди. Шунинг учун ўйин қоидаси ўйин қатнашчиларини ва раҳбарларни (ўқитувчилар) ўзлари ўтказилаётган ўйинни шароитига қараб уни ўзгартириб борадилар. Чунки унда ўйновчиларни аниқ белгиланган сони, майдонни аниқ катта кичиклиги йўқ, шунингдек асбоб- анжомлар ҳам ўзгартириб турилади (булава ёки кегли, волейбол ёки оддий тўп, кичик коптоклар ёки қум солинган халтачалар, гимнастика ёки оддий таёқчалар ва х.к). Спорт ўйинлари – бу ҳаракатли ўйини энг юқори босқичидир. Бунда ўйин қоидаси қаътий белгиланган бўлиб, улар махсус майдонга ва жихозларни талаб қилинади. Спорт ўйини учун ўзига хослиги ўйин жараёнида маълум тактикада ўзини тутиши ва мураккаб ҳаракат техникаси хисобланади. Бу эса ўйин қатначиларидан махсус тайёргарликни,

тренировкани талаб қилади. Ҳар бир спорт ўйини белгиланган ўйинчиларни сонига, маълум майдонча, асбоб – анжомлари хисобланади. Айрим спорт ўйинларида айрим ўйинчиларда мутахассислиги бўлиши зарурдир (хужумга, химояга, дарвозабон ва б.қ). Спорт ўйинлари у ёки бу ўйинда қаътий қоидага мос равишда махсус хакамлик қилишни талаб қлади. Айрим спорт ўйинларида ўйин қатнашчилари таркибига қараб бирнеча марта (ўқувчилар ёки катталар, эркаклар ёки ўсмир қизлар) ўзгартирилиши мумкин. Спорт ўйинлари спорт тури хисобланади. Булар бўйича ҳар хил даражадаги мусобақалар ўтказилади. Натижада спорт ўйинлари бўйича ўтказиладиган мусобақаларда энг яхши ўйинчиларга спорт разрядлари ва унвонлар берилади. Айрим ҳаракатли ўйинлар (Масалан, “Лапта”, “Волейбол” ва б.қ) машғулотни мақсади, кўрсатмаси ва уни ташкил қилиш усулларига боғлиқ ҳолда, айрим холатларда хақиқатдан ҳам ўзи характерига қараб ҳаракатли (элементлари) ўйин деб юритилади, бошқалари эса спорт ўйинлари сифатида ўтказилади. Масалан, ўйин қатнашчилари тасодифан йиғилиб қолганда (дам олиш ўйинларида, сайрларда) улар хақиқатдан ҳам ҳаракатли ўйин характерига эга бўлади. Ҳаракатли ўйинлар ёшларни, болаларни умумий жисмоний тайёргарлик воситаси сифатида фойдаланилади, шунингдек спорт ўйинларига ва бошқа спорт турларига ва “Алпомиш” ва “Барчиной” тест меъёрларини топширишга тайёрлаш воситаси бўлиб ҳам хисобланади. Ҳаракатли ўйинлар ўзига хос бўлиши мумкин (якка тартибда), у хаммадан кўпроқ тез-тез болаларни ўзлари томонидан (тўп ўйини, арғамчи билан, чамбаракни айлантириш ва б.қ) ташкил этилади. Улар тарбиячи педагог ва етакчилар томонидан болаларни фаол дам олишини ташкил қилиш мақсадида фойдаланиши мумкин (танаффусда, куни узайтирилган гурухда ва бошқа холатларда).

Жамоа бўлиб ўйналадиган (гурух) ҳаракатли ўйинлар алохида педагогик аҳамиятга эга бўлади, чунки уларда ўйновчи гурухлар, синфлар, звенолар, бўлимлар, спорт секциясида шуғулланувчилар қатнашадилар. Жамоа бўлиб ўйналадиган ҳаракатли ўйинлар ҳар доим мусобақалашиш элементи ўзига хос бўлиб (ҳар бир киши ўзи учун ёки ҳар бир киши ўз жамоаси учун), шунингдек белгиланган мақсадга эришишида қизиқишни уйғотишда бир-бирига ёрдам бериш, ўзаро ёрдамдан иборат бўлади. Жамоа ўйинлари учун ўзига хослиги шундаки, ўйинда ҳамма вақт холатни ўзгариб туриши, ўйинчилардан тезлик ракциясини талаб қилинадиган бўлади. Шунинг учун ўйин жараёнида ўзаро муносабат ҳардоим ўзгариб туради: ҳар бир киши ўзи учун ёки ўзининг жамоаси учун “Рақибларини” нисбатан энг қулай холатни яратишга интиладилар. Ҳаракатли ўйинлар бўйича мусобақалар ўтказилади. Уларни алохида ўйинлар бўйича ўтказиш мумкин, ўйинга қўйилган вазифа тахминан бир хил синфлар бир хил ёшдаги ўқувчиларнинг жисмоний имкониятларига мос келиши керак. Бироқ ҳаракатли ўйинлар мажмуаси бўйича мусобақа ўтказишни педагогик қиммати шундаки, бунга ҳар хил жисмоний сифат ва малакаларни тарбиялашга ёрдам берадиган, турли-туман ўйинлар киритилади. Ҳаракатли ўйин мажмуаси бўйича ўтказиладиган мусобақада ҳар хил ёшдаги болалар, ўсмирлар, ёшлар ва катталар қатнашишлари мумкин, бироқ ўйиндаги вазифа ҳар хил бўлиши мумкин. Ҳаракатли ўйин бўйича ўтказиладиган мусобақадаги бу жузий ўзгариш, спорт ўйинлари бўйича ўтказиладиган мусобақаларга кўра улар бир мунча фарқ қилади, чунки спорт ўйинларида қаътий белгиланган шароитда ва қоида бўйича ўтказишни талаб қилинади. Ҳар бир ҳаракатли ўйинн ўзининг мазмуни шакли (тузилиши) ва методик хусусиятига эгадир. Ҳаракатли ўйинларни мазмуни қуйидагилардан иборат: мавзу ёки мазмун (ифодали ёки шартли ўйлаб қўйилган иш, ўйин режаси) мақсадга эришиш учун ўйинга кирадиган, ҳаракат ва қоидадир.

Ҳаракатли ўйинларни шакли - қўйилган мақсадга эришиш усулларини кенг танлаш имкониятига эга бўлиши, ўйин қатнашчиларини ҳаракатини ташкил қилишдир. Ўйин қатнашчилари бир хил ўйинларда ўзининг шахсий қизиқишларига эришиш учун якка ёки гурух бўлиб ҳаракат қиладилар бошқаларида эса ўзларининг жамоаларини, ўзларининг командаларини қизиқишларини химоя қиладилар. Шунингдек ўйин учун ўйновчилар ҳар хил тузилишда ёки шаклда турадилар (сочилиб ёки тарқалиб, доирада, сафда, қаторда). Ўйин шакли мазмуни билан боғлиқ равишда келиб чиқади. Ўйинни методик жихатдан ўзига хос хусусиятига уни мазмуни ва шаклига боғлиқдир. Ҳаракатли ўйинлар методик жихатдан ўзига хос бўлади: а) жонлилиги; б) чегараланган қоида бўйича мақсадга эришишда мустақил ҳаракат қилиш; в) қоида билан мос равишда ижодий ташаббускорлик билан ҳаракат қилиш; г) ўйиндаги алохида ролларни бажариш, уни мазмунига мувофиқлиги, ўйин қатнашчиларини жамоадаги маълум даражадаги ўзаро муносабати ўрнатилади; д) тўсатдан ўйинда ўзгариб қолиш холати бу эса ўйинчилардан ташаббускорликни, тез реакцияни талаб қилади; е) ўйиндаги мусобақа элементлари ўйинда жўшқинликни (эмоциональность) оширади ва кучни тўлиқ сарф қилишни талаб қилади; ж) ўйинда келиб чиқадиган “Келишмовчиликларни” хал этишда қарама-қарши томонлар манфатларини бир-бирига зид қўймоқ эса, юқори даражадаги жўшқинлик тонусини яратади; Ҳаракатли ўйинлар нафақат восита бўлади, балки болани жисмоний тарбия методи бўлиб ҳам хисобланади. Тарбияда ўйин методини тушунчаси ўйин методикасини ўзига хос хусусиятини инкор қилади, яъни бу бошқа тарбия жихозларидан уни методи муносабатда бўлишида фарқланади (мусобақа элементи, сюжетни мавжудлиги, мақсадга эришишни турли-туман усуллари, нисбатан мустақл ҳаракати). Ўйин методи айниқса мураккаблашган ўзгартирилган шароитда ҳаракатни комплекс такомиллаштириш учун фойдаланилади.

Ҳаракатли ўйинлар жисмоний тарбия ва ўйин методи воситаси сифатида жисмионий сифатларни такомиллаштиришга ва тарбиялашга ёрдам беради. Бундан ташқари ҳаракатли ўйинларда гимнастика, енгил атлетика, чанғи ва бошқа спорт турлари машғулотларида алохида малака ва кўникмаларни ҳамда таббий ҳаракатларни мустахкамлайди ва такомиллаштиради. Педагогика амалиётида ҳаракатли ўйинни иккита асосий турларидан фойдаланилади: 1. Эркин, ижодий ёки эркин ўйинлар, бунда ўйин қатнашчиларини ўзлари ўйин режасини белгилайди ва белгиланган мақсадни ўзлари амалга оширадилар. Бу болаларда гўдаклик, мактабгача ёшда ва кичик мактаб ёшида улар ҳаммадан кўра тез-тез мазмунли бўлади, чунки ўйинни мазмунига қараб ролни тақсимланади, шунинг учун уларни психологияда ғўла шаклида ўралган деб аталади. Улар алохида ёки бир кишилик ва гурух шаклида бўлиши мумкин. 2. Белгиланган қоида билан ташкил қилинган ҳаракатли ўйинлар, эса унга катта ёшдаги ёки болалар-етакчиларни ўзларини раҳбарлик қилишларини талаб қилинади.

Похожие

Таълим жараёни. Дидактика хакида тушунча

Морфология хакида тушунча ва унинг тарихи

Харакатли уйинларнинг таснифи

Харакатли уйинларни педагогик ахамияти

Педагогик психика хакида тушунча, педагогик техникани шакллантириш усуллари