Ekskursiyani olib borish texnikasi - Педагогиka - Рефераты

Ekskursiyani olib borish texnikasi

Загружено в:

20.09.2019

Скачано:

0

Размер:

61.5 KB

www.arxiv.uz Reja: 1. Ekskursiyani olib borish texnikasining mazmuni. 2. Ekskursiyada tanaffus . 3. « Gid portfeli » materiallarini namoyish etish.

www.arxiv.uz Ekskursiyani olib borish texnikasining mazmuni Har bir ekskursiya samaradorligi nafaqat tanlangan ob’ekt, ishlab chiqilgan marshrut, gid bilimiga, balkim ekskursiyani olib borish texnikasiga ham bog‘liq. Ekskursiya jarayonidagi tartib, materiallarni qabul qilish uchun yaratilgan sharoitlar aynan texnikaga bog‘liq. Ekskursiyada jarayonida uni olib borish texnikasi gid professional ustaligining tarikibiy qismi bo‘lib, uning ekskursiya guruhini boshqarishdagi rahbarlik mahorati amalda sinaladi. Ekskursiyani olib borish texnikasiga quyidagilar kiradi:  gidni guruh bilan tanishishi;  sayyohlarning avtobusdan tushishi;  avtobusdan ob’ektgacha bo‘lgan harakat;  guruhning ob’ekt oldida joylashishi;  avtobusga qaytish;  texnologik sxemaga mos ravishda ekskursiya rejasiga amal qilish;  sayyohlar bilan savol-javob o‘tkazish;  ekskursiya jarayonida individual matndan foydalanish;  «gid portfeli» va ovoz yozish tasmasidan foydalanish;  mikrofon bilan ishlash. Gidni guruh bilan tanishishi . Gid guruh yoniga borib, yoki avtobusga kirib, eng avval guruh bilan tanishishi kerak. Shu maqsadda salomlashib, o‘zining familiya, ismi, sharifi, ekskursiyani tashkil etgan turfirma nomini va avtobus haydovchisini tanishtiradi.Keyin ekskursiya mavzusini e’lon qilib, sayyohlarni marshrutga qiziqtirish uchun bir necha mashhur yodgorliklar va joylarini sanab o‘tadi, marshrutni

www.arxiv.uz qisqacha harakterlaydi, uning davomiyligi, boshlanish va tugash vaqti, joyini e’lon qiladi. Gid chiqish so‘zining oxirida ekskursiya jarayonida sayyohlar o‘zlarini qanday tutishlari kerak aytib o‘tadi: avtobus harakat paytida o‘rindan turmaslik va yurmaslik, to‘xtash joylarida gidni ogohlantirmay biror joyga ketib qolmaslik, faqat o‘z joyiga o‘tirish, avtobusda chekmaslik, haydovchiga halaqit bermaslik. Ekskursiya amaliyotida o‘rnatilgan guruh bilan muloqot qoidalariga gid o‘z harakatlarini ekskursiya boshidanoq moslashtirishi muhimdir. Avtobusda gidning o‘rni. Chiqish so‘zini gid salonning oldingi qismida sayyohlarga qaragan holda tik turib so‘zlaydi. (avtobus harakatlanishidan oldin). Keyin o‘ng tarafdagi birinchi qatorda, o‘z ish joyiga o‘tirib, yo‘l-yo‘lakay sayyohlar chap va o‘ng tomonlarga nimalarni ko‘rayotganlarini hikoya qilib boraveradi. Hikoyani gid sayyohlarga yuzma-yuz turib hikoya qilishi mavjud qoidalarga ko‘rsatilmagan (shart emas!). Avtobusdan tushish va sayyohlarning keyingi harakati. Ob’ektni kuzatish uchun belgilangan to‘xtash joyiga birinchi bo‘lib gid tushadi, avtobus oldidan chetroqqa o‘tib, guruhni kutadi. Avtobusdan ob’ektgacha, ob’ektdan ob’ektgacha va ob’ektdan avtobusgacha bo‘lgan harakatlar birdamlikda amalga oshiriladi. Gid o‘rni guruh boshida bo‘ladi. Gid guruh harakatini kuzatishi , tarqalishiga yo‘l qo‘ymasligi kerak. Guruh boshi va oxiri o‘rtasidagi masofa 8 -10 metrdan oshmasligi lozim. Gid guruh harakati tezligi (tempi) ekskursiya yaxlitligini buzmasligiga erishishi zarur.

www.arxiv.uz Guruh harakati tezligi uning tarkibiga (bolalar, yoshlar , o‘rta yosh, yoshi katta), joy relefiga (toqqa chiqish), yo‘llar ahvoliga (tabiat qo‘ynida tashkil etilgan ekskursiyalar), ishlayotgan sehlardagi xavfli zona va boshqalarga bog‘liq. Piyoda ekskursiyada , yoki ekskursiyaning piyoda qismida harakat tezligi osoyishta , sekin bo‘ladi. Harakat paytida hikoyani davom etmaslik kerak. Chunki uni faqat gidga yaqin turganlar eshitishi mumkin. Harakat paytida sayyohlar savoliga javob berish yoki shunchaki suhbatlashish maqsadga muvofiqdir. Suhbat mazmuni ekskursiya mavzusiga mos kelsa yanada yaxshiroq bo‘ladi. Ekskursiya ob’ektiga yetib kelgach , gid hikoyasini boshlashidan oldin, barcha guruh a’zosi yetib kelganiga ishonch hosil qilish kerak. Lekin avval guruhni ob’ekt oldida to‘g‘ri joylashtirish lozim. Uzoq vaqtli shahar va shahar tashqarisidagi ekskursiyada sanitariya to‘xtash yoki suvenirlar olish uchun to‘xtash tashkil etilgan hollarda, gid ekskursiya davomiyligi va avtobus to‘nash vaqti soati va daqiqasini aniq e’lon qilishi shart. Guruhning ob’ekt oldida joylashishi. Guruhning ob’ektlar oldida joylashishi eng avvalo ularning xavfsizligini ta’minlash kerak. Ayniqsa bu ob’ekt yonida qurilish ishlari olib borilayotganda, transport harakatlanayotganda, ishlab chiqarish sehlarida, tabiat yon bag‘rida tashkil etilgan ekskursiyalarga tegishlidir. Ekskursiyani tuzgan ijodiy guruh tomonidan bitta ob’ektni ko‘rib chiqish uchun, ikkita va hatto bir nechta nuqta belgilanishi mumkin. Hammasi ekskursiya marshrutiga bog‘liq. Masalan: uzoq nuqta ob’ekt atrof-muhit bilan birga ko‘rsatilganda tanlanadi. Yaqin nuqta bino, inshoot, tabiat ob’ektlarining

www.arxiv.uz alohida detallari tahlil qilinadi va tanlanadi. Ekskursiyaning texnik haritasida guruhning barcha joylashish nuqtalari, ko‘rsatilshi shart. Nuqta tanlanganda sutka vaqti va yil faslini, mavsumini hisobga olish zarur. Yozning issiq kunlarida guruhni soya joyga joylashtirish kerak, quyosh nurlarini tomosha qilishga halaqit bermasligi uchun. Yomg‘ir paytida panaroqqa joylashtirish maqsadga muvofiqdir. Ob’ekt oldida guruhning eng qulay joylashish varianti bu yarim aylana shakldir. Gid shu yarim aylananing bir chekkasida sayyohlarga yarim o‘girilgan holda turadi. Gid qo‘l harakatlari bilan ko‘rsatib sayyohlarni shunday holda turishlarini iltimos qiladi. Ekskursiya amaliyotda gid shu yarim aylangan o‘rtasida turadigan hollari ham uchraydi. Bunday holatda gid hikoyasini barcha sayyohlar eshitadi, ovozni ko‘p baland qilish ham shart emas, lekin ob’ektga orqa tomoni bo‘ladi, bu esa gidning qo‘l bilan ko‘rsatishlari hamma vaqt ham to‘g‘ri yo‘nalishda bo‘lishini ta’minlamaydi. Agar ob’ekt oldida bir vaqtning o‘zida bir nechta guruh joylashgan bo‘lsa, ular orasida shunday masofa saqlash kerakki, o‘z hikoyalari bilan gidlar bir-birlariga , guruhlar esa tomosha qilishiga. halaqit bermasinlar, Guruhning abvtobusga qaytishi. Avtobusga avval sayyohlar, so‘ngra gid chiqadi va hamma o‘z o‘rnini egalladimi, qiziqadi. Sayyohlarni sanab chiqish tavsiya etilmaydi. Tadbir qatnashchilarining hammasi joylashishga ishonch hosil qilgach haydovchiga harakatni boshlashini ishora qilishi mumkin. Ekskursiya olib borish vaqtiga amal qilish bu gid bajarish lozim bo‘lgan shartdir. U texnik haritadagi barcha talablarga aniq rioya etishi kerak. U yerda har bir mavzuga ajratilgan vaqt daqiqasigacha

www.arxiv.uz ko‘rsatiladi. Belgilangan vaqtga rioya qilish gid professional ustaligi darajasi bilan bog‘liq va undan katta amaliy tajribani talab etadi. Lekin gidga bog‘liq bo‘lmagan sabablar tufayli ekskursiya vaqti qisqaradi (kechikkan avtobus, vaqtida yig‘ilmagan guruh…). Shunda gid ba’zi mavzularga ajratgan asosiy mazmun va mavzularni saqlagan holda, ko‘rsatish va hikoyalardagi ikkinchi darajalarini olib tashlab ekskursiyani olib borish zarur. Ekskursiyani olib borish jarayoni ko‘pgina tashqi omillarga ham bog‘liq, shuning uchun gid ba’zi materiallarni qisqartirishga tayyor bo‘lishi va buni sayyohlarga bildirmay amalga oshirish muhimdir. 2. Ekskursiyalarda tanaffus Ekskursiyalarda tanaffus – asosiy tarkibiy qismi bo‘lib, oldindan rejalashtiriladi. Ular marshrut bo‘yicha, mavzuga bog‘liq namoyish ob’ektlari mavjud bo‘lmaganda, ekskursiyalarda maqsadlidir. Bunday tanaffuslar maqsadi – sayyohlar hikoyadan dam olishadi va bir-birlari bilan qiziqarli faktni muhokama qilishadi. Yana sayyohlarga ekskursiya ob’ektlarini mustaqil aylanib chiqishlari uchun tanaffus beriladi, bu ularga mavzuni yanada chuqurroq anglashiga yordam beradi. Tanaffus paytida gid sayyohlar harakatini ohista yo‘naltirishi zarur. Kutilmagan hodisalarga reaksiya . Ekskursiya jarayonida kutilmagan hodisalar har xil bo‘ladi: shovqinli to‘y marosimi, tez o‘tib borayotgan yong‘in o‘chirish mashinasining sirenasi, birdaniga paydo bo‘lgan itlar to‘dasi va boshqalar albatta sayyohlar e’tiborini tortadi. Bunday paytlarda gid o‘zini qanday tutishi kerak? Eng avval

www.arxiv.uz ko‘rmayotganga olmasligi lozim. Yaxshisi ekskursiyani to‘xtatib, tasodifiy hodisalar tinchib ketmagunicha yoki guruhning unga qiziqishi pasaymaguncha kutishi kerak. Bo‘lib o‘tayotganlarga gid qisqacha ma’lumot bersa ham yaxshi bo‘ladi. Masalan: to‘ylar soni, to‘ydagi eng qiziqarli voqealar haqida. Kutilmagan holatlarni to‘g‘ri qabul qilib, ekskursiya mavzusini yoritishga yordam bermasada, hodisani ekskursiyaning qo‘shimcha ob’ekti sifatida qarash lozim. Sayyohlar bilan savol-javoblar . Ekskursiya jarayonida qatnashchilarga savol tug‘ilishi tabiiy. Agar unga tezda javob berilsa bu ekskursiya ketma-ketligini buzib auditoriya diqqatini ekskursiyaning asosiy mazmunidan jalg‘itishi mumkin. Gid avtobusdagi chiqish so‘zida yoki hikoyani boshlashidan avval tug‘iladigan savollarga u ekskursiya oxirida javob berishi haqida sayyohlarni ogohlantirishi kerak va u shu pozitsiyaga amal qilishi lozim. Agar namoyish adresli, materiallar chuqur tahlil qilingan, faktlar aniq, xulosalar mantiqiy bo‘lsa, savollar va tushunmovchiliklar paydo bo‘lmaydi. Ekskursiya jarayonida individual matndan foydalanish. B.V.Yemelyanov individual matndan foydalanish bo‘yicha qo‘yidagicha tavsiyalarni beradi: «Gid ma’ruzachi kabi o‘zining individual matnidan foydalanishi mumkin. Shuning uchun hikoyaning asosiy mazmunini maxsus kartochkaga ko‘chirish tavsiya etiladi. Kartochkada ob’ekt haqida ma’lumotlar, hikoyaning asosiy mazmuni, yodgorlik tahlili sxemasi, sitatalar, tarixiy sanalar, raqamli materiallarning qisqacha mazmuni sharhi yoziladi .

www.arxiv.uz Kartochkadan foydalanishning bir xususiyati mavjud. Ekskursiya jarayonida gid hamma matnni o‘qimaydi, faqatgina unga qarab hikoya mazmunini aniqlashtiradi. Shahar va ayniqsa shahardan tashqaridagi ekskursiyalar tanaffusi paytida u kartochkani ko‘rib chiqib, hikoya materiallarini xotirasiga qayta tiklaydi. Kartochkalar ekskursiya jarayonida foydalanish uchun qulay bo‘lishi kerak. Ularning tavsiya etilgan o‘lchami A4 formatli qog‘ozning to‘rtdan bir qismi yoki yarmi. Adashmaslik uchun kartochkalarni raqamlab chiqish zarur. Ekskursiyada individual matn yozilgan kartochkadan foydalanish har bir gidning o‘z huquqidir(malakasi, bilimidan qat’iy nazar)». Mikrofondan foydalanish . Ekskursiya muvaffaqiyati ko‘p hollarda mikrofonga ham bog‘liq. Avtobusdagi mikrofondan foydalana olmaslik, nosoz mikrofon gid tayyorgarligiini puchga chiqaradi. Shuni yodda tutish kerakki, kuchaytiruvchi vosita orqali eshitilayotgan ovoz tembri ko‘pincha tushunarsiz va xirillab chiqishi mumkin. Ba’zida t, p, s, sh, ch harflarida ortiqcha jarang paydo bo‘ladi. Mikrofondan foydalanishda yuzaga keladigan kamchiliklarni qo‘yidagicha bartaraf etish mumkin: a) aniq artikulyatsiya; b) nutq tezligini pasaytirish; v) mikrofonni ovoz havosi bosimiga bir maromda saqlab turish kerak. Avtobusda har xil turdagi mikrofonlar o‘rnatilgan. Gid ekskursiya boshlanishidan avval, guruh yig‘ilmasidan, haydovchi yordamida mikrofon ishlashini tekshirishi zarur (bir nechta so‘z aytib ko‘rish, og‘izgacha ushlash masofasini aniqlash…).

www.arxiv.uz 3. «Gid portfeli» dagi materiallarni namoyish etish «Gid portfeli» dagi materiallarni namoyish etish - bayon etiladigan materiallar talab qilsagina amalga oshiriladi. Bu ham ob’ekt haqida hikoyada qo‘shimcha illyustrativ materiallar sifatida (muallif portreti, binoning ilk ko‘rinishidagi rasmi) va ham ekskursiya marshrutida mavzu bo‘yicha ob’ektlar bo‘lmaganda foydalanish mumkin. Eksponatlar hammaga ko‘rinishi uchun bosh balandligida ko‘rsatiladi. Namoyishdan so‘ng eksponatni sayyohlar qo‘liga bermasligi kerak, chunki bu ularni keyingi hikoyaga diqqat qilishlarga xalaqit beradi. Faqatgina tanaffus paytida namoyish etilgan vositalarni sayyohlar qo‘liga berish mumkin. Lekin «gid portfeli» dagi ko‘rgazmali vositalarni tarqatma materialga aylantirib, vaqtni ketkazishi noto‘g‘ri. Faqat ba’zi eksponatlar tarqatma materiallar sifatida qo‘llanilishi mumkin. Tayanch iboralar: Ekskursiyani olib borish texnikasi , gidni guruh bilan tanishishi; sayyohlarning avtobusdan tushishi; avtobusdan ob’ektgacha bo‘lgan harakat;guruhning ob’ekt oldida joylashishi; avtobusga qaytish; texnologik sxemaga mos ravishda ekskursiya rejasiga amal qilish;sayyohlar bilan savol-javob o‘tkazish; ekskursiya jarayonida individual matndan foydalanish; «gid portfeli» va ovoz yozish tasmasidan foydalanish; mikrofon bilan ishlash ; ekskursiyada tanaffus , « Gid portfeli » materiallari .

Похожие

O’qituvchilarni o’quvchilar bilan muloqot olib borish mahorati

Tashkilotchining o'quvchilar jamoasi bilan hamkorlikda ish olib borish metodikasi

Nutq texnikasi va madaniyati

Ekskursiyaning texnologik haritasi

Nutq texnikasi va notiqlik madaniyati