Совутиш техникаси ва технологияси (2) - Пищевая технология - Рефераты

Совутиш техникаси ва технологияси (2)

Загружено в:

20.09.2019

Скачано:

0

Размер:

3720.5 KB

Совутиш техникаси ва технологияси Р ежа: 1. С овутиш жараёнлари 2. Умумий тушунчалар 3. Совуқлик олишнинг термодинамик асослари 4. Паст температура олиш усуллари 5. Газларни детандерда кенгайиши туфайли совиши 6. Компрессор буғ совутиш машиналари

Озиқ-овқат ва кимё саноатининг бир қанча жараёнлари анча паст температурада олиб борилади. Совуқлик элткич сифатида ҳаво, сув ва музни ишлатиб бундай жараёнларни амалга ошириб бўлмайди. Сунъий совутиш йўли билан борадиган жараёнлар қаторига баъзи бир абсорбция, кристалланиш, газларни ажратиш, сублимацияли қуритиш ва бошқа жараёнлар киради. Шунингдек, бу турдаги совутишдан қишлоқ хўжалик маҳсулотларини сақлаш, ер қатламларини музлатиш, ҳавони кондициялаш ва бошқаларда кенг фойдаланилади. Сунъий совутиш доимо паст температурали муҳитдан юқорироқ температурали муҳитга иссиқликни узатиш билан боғлиқ бўлади. Термодинамиканинг иккинчи қонунига биноан, бундай узатиш энергия сарфини талаб қилади. Шунинг учун ҳам системага энергия киритилиши совуқлик олишнинг зарурий шарти ҳисобланади. Совуқлик ишлаб чиқариш усуллари маълум даражада талаб этилаётган температура ва қурилманинг ишлатилиш кўлами билан аниқланади. Шартли равишда 1) ўрта совутиш (атроф - муҳит температурасидан – 100 0 С гача) ва 2) чуқур совутиш (- 100 0 С дан паст температура) ларга бўлинади. Ўз навбатида -100 0 С дан паст температуралар олиш шартли равишда қуйидагича синфланади: а) чуқур совутиш техникаси (45 К ... 273 К); б) криоген техникаси (40 К ... 0,3 К); в) ультра-паст температуралар техникаси (0,00002 К гача); 2 К дан юқори температуралар олиниши техникада қўлланилади. Ундан пастроқ температураларни олиш эса илмий тажрибалар қилиш техникасига тўғри келади. Чуқур совутишга тўғри келадиган температураларни олиш газ аралашмаларини қисман ёки тўлиқ суюлтириш йўли билан уларни ажратиш имконини беради. Натижада азот, кислород, водород, пропан, бутан, этилен

ва бошқа газларни олиш мумкин бўлади. Совуқлик олишнинг термодинамик асослари Асосий тушунчалар. Термодинамика курсидан маълумки, энергиянинг паст температурали жисмдан юқори температурали жисмга олиб ўтилиши энтропия S нинг камайишига олиб келади ва шунинг учун бу жараённи амалга ошириш учун иш бажарилиши керак (яъни, энергия сарфланади). Совутиш қурилмаларида иссиқликни паст температурали муҳитдан юқори температурали муҳитга ўтказиш совуқлик элткич деб номланувчи ишчи жисм ёрдамида амалга оширилади. Совуқлик олиш айланма жараён ёки цикл сифатида амалга оширилиб, компрессорда совуқ элткич буғларини сиқиш учун ташқаридан энергия келтирилади. Термодинамиканинг қонунларига биноан, юқори Т –температурали муҳитдан пастроқ Т 0 температурали муҳитга иссиқлик ўтказилишида шу иссиқликнинг ишга айланишининг энг юқори даражаси Карно тескари циклнинг фойдали иш коэффициентига тўғри келади. Шунинг учун паст температурали муҳитдан юқори температурали муҳитга иссиқлик ўтказиш жараёни кўрилганда шу циклдан фойдаланиш мумкин (27-расм). 27-расм. Карнонинг тескари цикли энтропия диаграммаси.

Бу цикл қуйидаги жараёнлардан иборат: 1-2 - буғсимон совуқлик элткичини адиабатик сиқиш; 2-3 - совуқ элткич буғларининг изотермик конденсацияланиши. Бу жараён Т температурадан ташқи муҳитга Q конденсация иссиқлигини бериш билан боради; 3-4 - суюқ совуқлик элткичининг адиабатик кенгайиши (кенгайишининг якуний температураси Т 0 ); 4-1 - суюқ совуқлик элткичининг Т 0 температурасидаги буғланиши. Бунда совитилаётган муҳитдан Q 0 буғланиш иссиқлиги олиб кетилади. Бундай циклни системанинг энтропияси ўзгаришсиз қолганида амалга ошириш мумкин. Шунинг учун совутиш элткичининг буғланишида совитилаётган муҳит энтропияси сиқишда Q 0 /Т 0 миқдорга камайса, иссиқлиги ҳамда совуқлик элткични сиқишда сарфланган L к ишга эквивалент иссиқлигини ўзига олаётган иссиқроқ муҳит (масалан, сув) нинг энтропияси ҳам шундай даражага ортиши керак. Натижада иссиқроқ муҳит энтропиясининг ортиши қуйидагича бўлади:Т L Q к /) ( 0 (2.1) Энергетик балансга мувофиқ: Т L Q T Q к   0 0 0 (2.2) бундан, Карно тескари цикли бўйича ишлаётган совутиш қурилмасида сарфланган иш:         0 0 0 T T T Q Lк (2.3) Совуқлик элткич томонидан Т 0 <Т температурада совитилаётган муҳитдан олиб кетилаётган Q 0 иссиқлиги циклнинг ёки совутиш қурилмасининг совуқлик унумдорлигини белгилайди. Т- S диаграммада (27- расмга қаранг) совуқлик унумдорлиги 1-4-5-6 юза орқали кўрсатилган 2-3-5-6 юза эса иссиқроқ муҳитга берилаётган иссиқликка эквивалент. 2-3-5-6 ва 1-4-

5-6 юзаларнинг айирмаси сарф этилган иш L к ни беради (2-3-4-1 юза.) Шундай қилиб, Карно тескари цикли мисолида ҳар қандай совутиш машинасининг энергетик балансини кўрсатиш мумкин:Q L Q  0 (2.4) бунда, L – ҳақиқий циклнинг иши. Совутиш циклларининг термодинамик самарадорлигини совутиш коэффициенти  ифодалайди. Совутиш коэффициенти совуқлик унумдорлиги Q 0 ни сарфланган иш L га нисбати орқали топилади: 0 0 0 Q Q Q L Q    (2.5) Бу коэффициент сарфланган бирлик ишга нисбатан совуқлик элткич олган совуқлик унумдорлигини кўрсатади. Т-S диаграммага кўра, Q 0 =T 0 (S 1 -S 2 ) ва Q=T(S 1 -S 2 ) . Q 0 ва Q ларни (2.5) формулага қ ў йиб , Карно цикли учун қуйидагини оламиз :       0 0 2 1 0 2 1 2 1 0 0 0 T T T S S T S S T S S T Q Q Q к           (2.6) Совутиш коэффициенти сунъий совуқлик олиш учун механик ишдан фойдаланиш даражасини к ў рсатади ва (2.6) формуладан к ў риниб турганидек , совуқлик элткичнинг хусусиятлари ҳ амда совутиш қурилмасининг ишлаш схемасига бо ғ лиқ эмас , балки Т 0 ва Т температураларнинг функцияси . Бунда Т ва Т 0 температуралар фарқи қанчалик кичик б ў лса , совутиш коэффициенти шунчалик катта б ў лади . Совутиш коэффициентини совутиш машинасининг фойдали иш коэффициенти сифатида қабул қилиб б ў лмайди . Фойдали иш коэффициенти иссиқликнинг ишга айланиши мумкин б ў лган қисмини тавсифлайди , шунинг учун у доим бирдан кичкина б ў лади . Юқоридаги ҳ олатда эса сарфланаётган иш иссиқликка айланмайди , балки , паст температурали му ҳ итдан юқори температурали иссиқликни ў тказиш ( к ў тариш ) да воситачи вазифасини бажаради . Шунинг учун кўпинча Q 0 миқдор иш L дан катта , натижада  1 . (2.6) формулага мувофиқ , Т 0 температуранинг пасайиши сарфланаётган

ишнинг кескин ортишига олиб келади , натижада олинаётган совуқликнинг ҳ ам нархи ортади . Ундан ташқари, бу температуранинг пасайиши термодинамик фойдали иш коэффициентининг камайишига олиб келади. Бу коэффициент  ҳақиқий цикл совутиш коэффициенти  ни Карно цикли совутиш коэффициенти  к га нисбати билан аниқланади: к    (2.7)  нинг пасайиши ҳақиқий жараёнларда Т 0 температура камайганда совуқликнинг қайтмас йўқотилишларининг ортиши билан тушунтирилади. Сунъий совутиш усуллари Сунъий совутиш жараёнларида совуқлик элткич температураси қуйидаги усуллар билан пасайтирилади: 1) паст температурада қайнайдиган суюқликларни буғлатиш; 2) сиқилган ҳар хил газларни кенгайтириш. Газларни қуйидагича кенгайтириш мумкин: а) газни дросселловчи қурилма (тешикли шайба, вентиль ва шунга ўхшаш) ичидан ўтказиш. Дросселланишдаги кенгайиш адиабатик ва ташқи иш бажаришсиз амалга ошади. б) тузилиши жиҳатдан поршенли ёки турбокомпрессорга ўхшаш машина – детандерда газни кенгайтириш. Бундаги кенгайиш адиабатик, лекин ташқи иш бажариш билан амалга ошади. Паст температурада қайнайдиган суюқликларни буғлатиш. Паст, манфий қайнаш температурасига эга бўлган ҳар хил суюқликларни буғлатиш совуқлик олишда кенг қўлланилади. Буғланишда бундай суюқликларнинг энтальпияси камаяди, натижада улар қайнаш температурасигача совийди. Масалан, суюқ аммиак 1 атм босимда буғланса, унинг температураси – 34 0 С гача пасаяди, бу температура аммиак учун шу босимдаги қайнаш температураси ҳисобланади. Бу ҳолатда аммиакни ҳар хил муҳитларни – 30 0 С гача совутишга ишлатиш мумкин. Юқорироқ босимда аммиак

буғлатилса, қайнаш температураи ҳам юқори бўлади. Газларни дросселлаш. Дросселлашда газ томонидан бажариладиган иш дросселловчи қурилма тешигининг қаршилигини енгиш учун сарфланади ва иссиқликка айланади, натижада кенгайиш жараёни энтальпиянинг ўзгаришисиз кечади (изоэнтальпик). Идеал газ бўлганда энтальпиянинг ўзгармас бўлиши газ температураи ҳам ўзгаришсиз қолишига олиб келади. Реал газларни дросселлашда эса энтальпиянинг ўзгаришсиз қолишига қарамай газ температураси ўзгаради. Ҳақиқий газларда бундай ҳолатнинг бўлишига сабаб, уларнинг энтальпияси нафақат температура Т нинг, балки босими Р нинг ҳам функциясидир: pVuTcpVui потv  (2.1.2.1) бунда, u – ҳақиқий газнинг ички энергияси; V – c олиштирма ҳажм; c v – ўзгармас ҳажмдаги солиштирма иссиқлик сиғими; c v T – газ молекулаларининг ички кинетик энергияси; u пот – газнинг ички потенциал энергияси; pV – газнинг ҳажмий энергияси. Ташқи муҳитдан системага иссиқлик оқими бўлмаганда, дросселлаш мобайнида газнинг кенгайиши учун керак бўлган энергия фақат газнинг ички энергияси ҳисобига олиниши мумкин. (2.1.2.1) формулага дросселлашдан олдин ва кейинги ҳолатлар учун 1 ва 2 индексларни қўйсак ҳамда энтальпиянинг ўзгаришсиз қолишини эътиборга олсак: 2 2 2 2 11 1 1 Vp u Tc Vp u Tc v v      (2.1.2.2)

бундан:) ( ) ( ) ( 2 2 11 1 2 2 1 V p Vp u u T T cv      (2.1.2.3) Охирги ифода дросселланишда ўзини қандай тутишини кўрсатади: агар p 2 V 2  p 1 V 1 бўлса, Т 1 -Т 2  0 бўлади ва натижада дросселланишда газнинг температураси пасаяди. Агар p 2 V 2  p 1 V 1 , лекин ( u 2 - u 1 )  ( p 1 V 1  p 2 V 2 ) бўлганда ҳам газ температураси пасаяди ( Т 2  Т 1 ). Ва ниҳоят, ( u 2 - u 1 )  ( p 1 V 1  - p 2 V 2 ) бўлганда, дросселланишдан кейин газнинг температураси кўтарилади Т 2  Т 1 . Ҳақиқий газнинг дросселланишидаги температураи ўзгариш ҳолати дросселланиш эффекти ёки Жоуль-Томсон эффекти номини олган. Дросселланишда газ совитилса, бу эффект мусбат эффект дейилади, акс ҳолда - манфий эффект дейилади. ( u 2 - u 1 )=( p 1 V 1 - p 2 V 2 ) бўлганда, (2.1.2.3) формулага мувофиқ, c v (Т 1 -Т 2 ) =0, яъни дроссель эффекти нолга тенг бўлади. Температуранинг кўтарилиши билан дроссель эффекти камайиб боради. Дроссель эффекти нолга айланадиган температура инверсион температура дейилади ( t инв ). Кўпгина газлар юқори инверсион температурага эга ва дросселланишда совийди. Водород ва гелий манфий дросселланиш эффектига эга ва бошқа газлардан фарқли равишда дросселланиш вақтида температураи кўтарилади. Лекин улар ҳам инверсион температурадан пастроқ температураларда (водород учун t инв = -73 0 С , гелий учун t инв = -243 0 С ) дросселланганда совийди. Температуранинг жуда кичик ўзгаришини уни келтириб чиқарган жуда кичик босим ўзгаришига нисбати дифференциал дроссель эффекти дейилади ва қуйидагича белгиланади: consti p T j          (2.1.2.4) Лекин амалий ҳисобларда дифференциал дроссель эффекти деганда

ҳақиқий газнинг босими бир бирликка ўзгарганда, унинг температураини ўзгариши тушунилади. Интеграл дроссель эффектига газ босимининг бошланғич Р 1 дан охирги Р 2 га ўзгаргандаги темература ўзгариши тўғри келади:            2 1 2 1 p p consti р р инт p T dpо j (2.1.2.5) Интеграл дроссель эффекти энтальпия диаграммаси i - T ёки энтропия диаграммаси Т- S орқали аниқланиши мумкин. 28-расмда ҳаво учун энтропия диаграммаси тасвирланган. Масалан, температура Т 1 (Т 1 = 205 0 К ) ва босим Р 1 (Р 1 = 100 атм ) бўйича дросселланишдан олдинги нуқта 1 топилади. Кейин i 1 = const чизиғи ва охирги босим Р 2 = 1 атм изобара чизиғининг кесишишида 2 нуқта аниқланади. Нуқта 2 га дросселланишдан кейинги температура Т 2 =150 0 К тўғри келади. Дроссель эффекти  T = Т 1 - T 2 = 55 0 К ни ташкил этади. Иссиқлик бирликларида ифодаланган дроссель эффектини изотермик дроссель эффекти дейилади. Изотермик дроссель эффектини аниқлаш учун Р 2 = const изобара бўйича 28-расм. Ҳ аво учун Т- S диаграмма

(28-расм) 2-нуқтадан Т 1 изотермада ётган 3-нуқтага кўтариламиз. 3-нуқтага i 3 100 ккал/кг=4,19  10 5 Ж/кг энтальпия тўғри келади. Шунга кўра, изланилаётган эффект 1-ва 2- нуқталар энтальпияларининг айирмасига тенг ва манфий қийматга эга, чунки i 3  i 1 : кг Ж кг ккал i i i 8 16 4 100 86 3 1 , /        , (2.1.2.6) Дросселланишда эришилаётган совуқлик унумдорлиги Q 0 газни изотермик сиқишдан олдинги ва кейинги энтальпиялари фарқи билан аниқланади. Яна ҳам пастроқ температура олиш учун дросселланиш эффектини регенератив иссиқлик алмашиниш билан боғланади. Бунда девор орқали дросселланишга келаётган газ билан дросселланишдан совуган газ ўзаро иссиқлик алмашади. Бундай дросселланишдан олдинги совутиш жараёни газларни суюлтиришга олиб келиши мумкин. Газларни детандерда кенгайиши туфайли совиши. Бу ҳолатда олдиндан сиқилган газ ташқи иш бажараётган газ машинасида кенгаяди. Бу иш ихтиёрий мақсадларда ишлатилиши мумкин. Масалан, суюқлик ва газларни ҳайдаш учун. Сиқилган газнинг детандерда кенгайиши ташқи муҳит билан иссиқлик алмашишсиз амалга оширилади ва газ томонидан бажарилаётган иш унинг ички энергияси туфайли содир бўлади, шунинг учун газ совийди. Идеал газнинг чегаравий совиш температураи қуйидаги формула орқали аниқланади: kk P P T T 1 1 2 1 2         (2.1.2.7) Бу формула адиабатик жараён учун ўринли бўлади. Ҳақиқатда эса эришилаётган температура пасайиши камроқ бўлади ва ҳақиқий политропик

жараёнга тўғри келади. Бу усулда газ совиганда олинаётган иссиқлик ва температура пасайишини Т- S диаграммасидан аниқлаш мумкин (28-расм). Фараз қилайлик, сиқилган газнинг детандердан олдинги ҳолати Т 1 = 205 К ва Р 1 = 100 атм – нуқта 1 бўлсин. Газнинг ташқи иш бериш билан адиабатик кенгайиши S = const бўйича амалга ошади. Шунинг учун 1- нуқтадан берилган охирги босим Р 2 = 1 атм изобара чизиғигача вертикал тушириб, детандерлашнинг охирги ҳолатини белгиловчи 4- нуқтани аниқлаймиз. Бу нуқтага тўғри келувчи температура Т 4 82 К ва температура пасайиши  Т = Т 1 - Т 4 = 205-82 = 123К . Газдан олиб кетилаётган иссиқлик бўйича ( Q = i 1 - i 4 = 86 –58 = 26 ккал/кг = 10,9  10 4 Ж/кг ) газнинг кенгайиш иши аниқланади. Т- S диаграммадан кўриниб турибдики, дросселланишга қараганда газнинг детандерда кенгайишида совутиш эффекти анча юқори бўлади. Бундан ташқари, детандерда ташқи иш олиш ҳисобига циклнинг умумий энергия сарфи камаяди. Лекин амалиётда детандерлашнинг дросселланишдан устуворлиги унчалик катта эмас. Идеал газнинг адиабатик кенгайишдаги иш формуласига кўра:               1 1 1 1 2 1 1 kk àä P P VP k k l (2.1.2.8) бу иш газ абсолют температурасининг 1- даражасига тўғри пропорционал бўлади. Детандерда газларнинг кенгайиши компрессордаги сиқиш температурасидан анча пастроқ температураларда амалга оширилади ва шунинг учун ҳам детандер иши туфайли энегия сарфининг камайиш миқдори унчалик катта эмас. Агар детандерда газнинг суюлиши ҳосил бўлса, бу миқдорда яна камаяди. Гидравлик зарба, уюрмаларнинг ҳосил бўлишида ҳам совутиш унумдорлиги пасаяди. Юқорида кўрсатилган камчиликларни инобатга олган ҳолда, совутиш унумдорлигини ошириш мақсадида газнинг детандерда кенгайиши ва

дросселланиш усуллари бир-бирини алмаштириб туради. Паст температура олиш усуллари Дросселланиш ва сиқилган газни детандерда кенгайишидан бошқа усуллар билан ҳам совуқлик олиш мумкин. Бу усуллар ичига фазавий (эриш, қайнаш, сублимация ва бошқалар) ўзгариш жараёнлари киради. Аммиак, фреон каби паст температурада қайнайдиган суюқликларни буғлатишдан ташқари, совуқлик олиш учун музни эритиш ҳам ишлатилади. Лекин тоза сув яхини эритиб олишда фақат 0 0 С гача температура пасайиши мумкин. Эриш температурасини пасайтириш учун майдаланган муз (ёки қор) ва туздан (масалан NaCl ёки CaCl 2 ) ташкил топган аралашмалар қўлланилади. Кальций хлорид тузи билан муз аралашмасини –55 0 С температурагача совуқлик олиш учун ишлатиш мумкин. Қуйида келтирилган бошқа усуллар саноатда кам қўлланилсада, улар ҳақида тўхтатилиб ўтиш лозим. Уюрмавий эффект. Бу эффект оддийгина қурилма – уюрмавий қувур ёрдамида газ температураини – 10 0 С дан - 60 0 С гача пасайтириш учун қўлланилади (29-расм). Юқори тезликда ( 200-400 м/с ) сиқилган газ (ҳаво) қувур (2) нинг соплоси (1) га тангенциал ҳолатда киритилади ва у ердаги мураккаб уюрмавий ҳаракат туфайли газни иссиқ ва совуқ оқимларга ажратилади. Газнинг исиган ташқи оқими ўнгдан чапга ҳаракатланади ва дроссел вентили 3 орқали 50 - 100 0 С температура билан чиқиб кетади, совуган ички оқим эса қарама-қарши томонга ҳаракатланиб, соплодан ўнг томонда жойлашган диафрагма (4) нинг тешигидан чиқиб кетади. Оқимларнинг температураси вентил (3) ни очилиб-ёпилиши орқали ростланади. 29-расм. Уюрмавий қувур. 1 - сопло; 2 - қувур; 3 - дроссел вентил; 4 - диафрагма; 5 - совуқ қатлам.

Нисбатан кичик термодинамик самарадорликка эга бўлишига қарамай, бу усул бир йўла иссиқлик ва совуқлик олишда, вақти-вақти билан совуқлик олиш талаб қилинганда қўлланилади. Сиқилган газларнинг арзон ресурслари бўлган ҳолларда бу усулни қўллаш мумкин. Уюрмавий усулда совутишнинг асосий афзаллиги қурилманинг оддийлиги ва ишлатишдаги ишончлилигидир. Магнит калорик эффект. Жуда паст температураларни парамагнит материалларни адиабатик магнитсизлантириш йўли билан олиш мумкин. Бунда газларнинг адиабатик кенгайиши каби ички энергия сарфланиб, ташқи кучлар устидан иш бажарилади, натижада температуранинг кескин пасайишига олиб келинади. Бу усулда совуқлик олишда парамагнит моддаси (кўпинча парамагнит туз бўлаги) ўзгармас температурада чуқур вакуумда, масалан қайнаётган гелийли ваннада ушланиб турилади. Модда кучли магнит майдони остида бўлади. Агар модда майдондан четга чиқарилса, адиабатик магнитсизланиш юзага келади ва натижада парамагнит модда абсолют нольга яқин температурагача совийди. Ҳозирги вақтга келиб 10К дан пастроқ температура олиш имконини берадиган (жуда кичик совуқлик унумдорлигида) магнит совутиш машиналари яратилган. Термоэлектрик эффект. Бир-бирига кавшарланган икки ҳар хил ўтказгичдан тузилган занжир орқали электр токи ўтказилганда кавшарланган бир томон исийди, бошқа томони совийди ( Пельтье эффекти ). Оддий ўтказгичлар ўрнига яримўтказгичлар қўлланилса, паст температуралар олиш имкони яратилади. Бунинг учун самарали термоэлементлардан тузилган батареялар яратилиши керак. Ўртача температурагача совутиш. Бундай совуқлик олишда совуқлик элткичи сифатида критик температураси атроф муҳит температурасидан юқори бўлган газлар ишлатилади. Юқорида айтиб ўтганимиздек, бу усул билан қуйи чегараси – 100 0 С температурани олиш мумкин. Компрессор буғ совутиш машиналари

Ўртача температурали совуқлик олишда компрессор буғ совутиш машиналари кенг қўлланилади. Бундай машиналарда совутувчи элткич сифатида паст температурада қайнайдиган суюқликлар ишлатилади. Идеал машина цикли. Карнонинг тескари цикли бўйича ишлайдиган идеал компрессор совутиш машинасида (30-расм) компрессор I совутиш элткичи буғларини сўриб, уларни сув билан совутишда суюқликка айланиш мумкин бўлган босим даражасигача сиқади ва конденсатор II га ҳайдайди. Т- S диаграммада (30 – б расм) буғларнинг адиабатик сиқиш жараёни вертикал адиабатик чизиғи 1-2 билан тасвирланган. Сиқиш буғнинг температурасини Т 0 (1 нуқта) дан Т (нуқта 2) гача кўтарилишига олиб келади. Конденсатор II да суюқланиш жараёни ўзгармас Т температурада бориши учун, сиқиш жараёни суюқлик - буғ мувозанат чизиғи билан чегараланган соҳада амалга оширилиши керак. Идеал машинада компрессордан чиқаётган буғ қуруқ тўйинган ҳолатда Р босимда бўлади. Конденсатор II даги суюқланиш (конденсацияланиш) жараёни Т температурада изотермик равишда боради (горизонтал 2-3 чизиқ). Коденсатордан суюқ совутиш элткичи кенгайтирувчи цилиндрга келади. (30 – а расмда идеал циклда қўлланиладиган кенгайтирувчи цилиндр ўрнига реал циклда қўлланиладиган дроссел вентили III кўрсатилган). У ерда адиабатик кенгайиб, қайнаш босимига тўғри келадиган Т 0 температурага эга бўлади (3 - 4 адиабатик чизиғи). Сўнг суюқ совутиш элткичи буғлатигич IV да буғланиб (қайнаб), совитилаётган муҳитдан иссиқликни олади. Т 030-расм. Компрессор совитиш машинаси. а - қурилма схемаси; б - жараённинг T - S диаграммадаги кўриниши; I - компрессор; II - конденсатор; III - дроссел вентили; IV -буғлаткич.а б

температурадаги буғланиш жараёни 4 - 1 изотерма чизиғи билан ифодаланади. Т 0 температурадаги буғларни (1 нуқта) компрессор сўриб олади ва цикл такрорланади. Шундай қилиб бутун жараён 2 та адиабата (1 - 2 ва 3 - 4 кесмалар) ҳамда иккита изотерма (2 - 3 ва 4 - 1 кесма) лардан иборат. 31-расмда р- i диаграммадаги идеал компрессор совутиш машинасининг цикли кўрсатилган. Бу диаграммада совуқлик унумдорлиги Q 0 ва сарфланган иши L диаграммадаги каби юзалар орқали эмас, балки тўғри чизиқли кесмалар орқали аниқланади. 1 - 2 кесма компрессор 1 даги совутиш элткичи буғларининг адиабатик сиқилиши; 2 - 3 кесма шу буғларнинг II конденсатордаги суюқланиши; 3 - 4 кесма суюқ совутиш элткичининг кенгайтириш цилиндридаги кенгайиши; 4 - 1 кесма суюқ совутиш элткичининг буғлаткич IV даги буғланиши. Ҳақиқий машина цикли. Идеал совутиш машинаси конструктив ясалиши мураккаб бўлгани учун кенгайиш цилиндри дроссел ростловчи вентил билан алмаштирилган. Бундан ташқари, T - S ва p - i диаграммаларидаги (32-расм) ҳақиқий машина цикли идеал машина циклидан қуйидаги 2 та ўзгариш билан фарқланади: а) совутиш элткичи буғларининг компрессор томонидан сиқилиши нам- буғ соҳасида эмас, балки ўта қизиган буғ соҳасида амалга оширилади ва компрессор қуруқ тўйинган, баъзида ўта қизиган буғларни сўради; б) конденсаторда суюқланган совутиш элткичи конденсация температурасидан пастроқ температурага ўта совитилади. Назарий томондан қаралганда, қуруқ тўйинган буғларни сиқиш энергия сарфини оширишга олиб келсада, амалиётда компрессорнинг «қуруқ юриши» 31-расм. p - i диаграммадаги компрессор совитиш машина цикли.

фойдалироқдир. Буғ қуруқ тўйинган ҳолатда сўрилади (1-нуқта) ва берилган босимгача адиабатик сиқилади (2-нуқта). Бунда компрессор цилиндри деворлари билан нам – буғ орасидаги интенсив иссиқлик алмашинишга асосланган совуқлик йўқотилиши камаяди. Бундан ташқари, компрессорнинг «нам юришида» совутиш элткичи цилиндр ичида буғланади, бу эса компрессорнинг фойдали иш ҳажмий ва узатиш коэффициентининг камайишига ва ўз навбатида циклнинг совуқлик унумдорлигини пасайишига олиб келади. Конденсаторга кираётган ўта қизиган совутиш элткичи буғлари ўзгармас босимда конденсация температурасигача совийди (2 - 2 изобара чизиғи), сўнг иш босими ва ўзгармас температурада конденсацияланади (2 - 3 горизонтал чизиғи). Агар совутиш элткичи ўта совитилмаганда эди, дроссел вентилидаги унинг кенгайиши 3 ` - 4 ` изоэнтальпия чизиғи орқали кўрсатиш мумкин бўлар эди. Совутиш элткичи Т температура c игача ўта совитилса, дросселланиш жараёни 3-4 энтальпия чизиғи бўйлаб боради. Натижада циклнинг совутиш унумдорлиги ортади 4-5-6-7 юза). Цикл совутиш элткичини буғлатгичда Т 0 = const температурада буғланиш билан тугайди (4 - 1 изотермаси). Т- S ва p - i диаграммалар орқали ҳақиқий совутиш циклини характерловчи асосий катталикларни аниқлаш мумкин: компрессордаги сиқиш иши, конденсаторнинг иссиқлик юкламаси ва совутиш коэффициенти. P - i диаграммада 1 кг совутиш элтқичи буғларини сиқиш учун компрессорда32-расм. Ҳақиқий компрессор совитиш машинаси циклининг Т- S ва p - i диаграммалардаги кўриниши

сарфланган солиштирма иши қуйидагича ифодаланади:| | 1 2 i i l   (2.1.4.1) бунда: i 2  , i 1  - 2  ва 1  нуқталардаги энтальпиялар. Конденсаторга тушаётган солиштирма иссиқлик юкламаси: 3 2 i i q   | (2.1.4.2) бунда: i 3 – совутиш элткичининг 3-нуқтадаги энтальпияси. q нинг миқдорига қараб, конденсаторнинг иссиқлик алмашиниш юзасини, ҳамда совутиш элткичи буғларини суюлтириш учун керак бўлган сувнинг сарфий миқдори аниқланади. Циклнинг солиштирма совутиш унумдорлиги q 0 жараёндаги совутиш элткичи энтальпиясининг ўзгаришига тенг: 4 1 0 i i q   | (2.1.4.3) бунда: i 4 - c овитиш элтқичининг 4-нуқтадаги энтальпияси. Ҳақиқий совутиш циклнинг совутиш коэффициенти қуйидагича бўлади: | | | 1 2 4 1 0 i i i i l q     (2.1.4.4) Совутиш машинаси томонидан таъминланаётган совуқлик унумдорлиги шу машинанинг температура режимига боғлиқ бўлади. Компрессор совутиш машиналарининг номинал совутиш унумдорлиги маълум бир температура даражасига нисбатан олинади. Халқаро амалиётда шундай «стандарт» ёки «нормал» режим сифатида (бунда компрессор қуруқ тўйинган буғларни сўради деб қабул қилинади): буғланиш температураси t 0 = -15 0 С, суюқланиш (конденсация) температураси t к =+30 0 С, ўта совиш температураи t  =+25 0 С қабул қилинган. Ҳақиқий совутиш машиналарининг схемалари 32-расмдаги машинага қараганда бир мунча мураккаблашган бўлади. Масалан, суюқ совутиш элткичи конденсаторда ўта совий олмаса, дроссел вентилидан аввал схемага қўшимча иссиқлик алмашиниш қурилмаси – ўта совиткичлар ўрнатилади.

Компрессорнинг «қуруқ юриш»ини таъминлаш учун буғлаткич ва компрессор орасига суюқлик ажраткич (томчи ушлагич) қўйилиб, совутиш элткичи буғидан ажраган суюқлик буғлаткичга қайтарилади, қуриган буғ эса компрессорга йўналтирилади. 2.1.5. Икки ва уч босқичли совутиш машиналари Баъзи бир паст температура олиш талаб қилинган технологик жараёнларда бир босқичли машиналарни эфффектив ишлатиб бўлмайди. Масалан, аммиак учун 1 атм босимда қайнаш температураси t 0 =-34 0 C . Агар бундан паст буғланиш температурасини олиш талаб қилинса, бир босқичли совутиш машинаси иқтисодий кўрсаткичи кичик ёки умуман ишлатишга яроқсиз бўлиши мумкин. Чунки бу ҳолатда конденсация ва қайнаш температуралари фарқи ортганлиги туфайли сиқилиш даражаси ҳам ортади, натижада компрессорнинг фойдали сиқилиш коэффициенти камаяди. Бундан ташқари, совутиш элткичи буғларининг сиқилиш даражаси ортганда уларнинг температураси ҳам ортади, бу эса буғларнинг парчаланишга олиб келиши мумкин. Шу сабабларга кўра, нисбатан паст температураларни олиш учун мураккаброқ бўлган икки босқичли (33-расм) ва уч босқичли машиналар қўлланилади. Аммиак буғларини сиқиш натижасида икки босқичли машиналарда –50 0 С гача, уч босқичлида эса –70 0 С гача температура пасайтирилиши мумкин. Икки босқичли компрессор совутиш машинасида Р босимдаги совутиш элткичи буғлари буғлатгич I дан сўрилиб олинади ва паст босим компрессор цилиндрида оралиқ Р 1 босимгача сиқилади. Сиқилган буғ совитгич III дан ўтиб ажратгич идиш IV га келтирилади. У ерда буғлар қайнаётган суюқ совутиш элткичи ичидан юқорига ўтиб (барботаж), совийди ва қуруқ тўйинган ҳолда юқори босим цилиндри V ёрдамида сўриб олинади. У ерда Р 2 босимгача сиқилиб, конденсатор VI га йўналтирилади. Конденсацияланиш туфайли ҳосил бўлган суюқ совутиш элткичи дроссел вентил VII да Р 1

босимгача дросселланади. Шу босимда суюқ совутиш элткичи ажраткич- идиш IV га кириб, шу босимда совиткич III дан келаётган совутиш элткичи буғларини совитади ва бир қисми буғланади. Суюқ совутиш элткичининг қолган қисми эса VIII дроссел вентилида Р босимгача дросселланиб буғлатгич I га келади, у ерда совитилаётган муҳитдан иссиқликни олиб буғланади. Ҳосил бўлган совутиш элткичи буғларини Р босимда паст босим цилиндри II сўриб олади. T - S ва p - i диаграммаларда (33 - б,в расмлар) икки босқичли компрессор совутиш машинасининг цикли кўрсатилган. Совуқ элткич буғлари паст босим цилиндрида 1 - 2 адиабата бўйича сиқилади, совиткич III да 2-3  изобара чизиғи бўйлаб бир оз совийди, кейин ажраткич идиш IV да ўта қизиш иссиқлигини тўлиқ йўқотади ва тўйиниш температурасигача совийди (3  -3 изобараси). Кейин тўйинган буғлар юқори босим цилиндрида 3-4 адиабата бўйича 4 - ўта қизиган ҳолатигача сиқилади. Конденсатор IV ўта қизиган совуқлик33-расм. Икки босқичли компрессор совитиш машинаси. а - қурилма схемаси; б,в - жараённинг T - S ва p - i диаграммалардаги кўриниши; I - буғлатгич; II - паст босим цилиндри; III - совиткич; IV - ажратгич идиш; V - юқори босим цилиндри; VI - конденсатор; VII , VIII - ростловчи вентиллар.

элткич буғлари 4-5 бўйича тўйиниш ҳолатигача (5 нуқта) совийди ва шу қурилманинг ўзида 5-6 изобара (ҳам изотерма) чизиғи бўйлаб конденсацияланади ҳамда 6-7 изобара бўйича ўта совийди. VII дроссел вентилидаги дросселланиш жараёни 7-8 – изоэнтальпия чизиғи билан ифодаланади. Кенгайишдан кейин ҳосил бўлган нам буғ (8-нуқта) IV ажраткич идишда буғ (3- нуқта) ва суюқ фазага (9-нуқта) ажралади. Суюқ совуқлик элткич VIII дроссел вентилида 9-10 изоэнтальпия бўйича Р босимгача дросселланади ва буғлаткич I да 10-1 изотерма бўйича буғланади. Икки босқичли совутиш машинасининг паст ва юқори босим цилиндрларидаги сиқилиш даражаси бир босқичлига қараганда кичик, шунинг учун ҳам компрессорнинг ҳажмий фойдали иш коэффициенти юқори бўлади. 2.1.6. Совуқлик элткичлар Юқорида кўрсатиб ўтилганидек, совутиш коэффициентининг миқдори совуқлик элткичининг хусусиятларига боғлиқ эмас. Лекин, совутиш машинасининг ўлчамлари, конструкцион материалнинг тури, ишчи босимлар совуқлик элткичининг хусусиятларига боғлиқ. Шунинг учун совуқлик элткичларига қуйидаги талаблар қўйилади: 1) конденсаторда совуқлик элткич буғларини табиий совутувчи моддалар (сув, ҳаво) билан суюлтиришга имкон бўлиши учун, совуқлик элткичи юқори критик температурага эга бўлиши керак; 2) юқори буғланиш иссиқлигига эга бўлиши керак. Бу совутиш унумдорлиги юқори бўлиши, ҳамда совуқлик элткич сарфининг камайишига олиб келади; 3) кичик солиштирма ҳажмга эга бўлиши керак. Бу ўз навбатида совутиш машинасининг ўлчамларини камайтиради; 4) буғланиш (сўриш) босими атмосфера босимидан юқорироқ бўлгани маъқул. Чунки совуқлик элткич йўқотилишини тўхтатиш ҳаво сўрилишини тўхтатишдан осонроқ. Системага сўрилган ҳаво буғлаткич, конденсаторда

иссиқлик алмашиниш жараёнини ёмонлаштиради, сув буғлари киргани сабабли ростловчи вентилда музлаб қолиш ҳавфи ҳамда кимёвий фаол бирлашмаларининг ҳосил бўлишига сабаб бўлади; 5) Суюқланиш (конденсацияланиш) босими жуда юқори бўлмаслиги керак. Акс ҳолда қурилма конструкцияси мураккаблашади ва нархи ортиб кетади. Ундан ташқари, совуқлик элткич кимёвий агрессив бўлмаслиги ва инсон организмига зарарли таъсир кўрсатмаслиги керак; оловга ҳамда портлашга ҳавфсиз, олиниши (тайёрланиши) осон ва арзон бўлиши керак. Қўйилган талабларнинг иккинчиси фақат поршенли компрессорларга тегишли бўлади. Турбокомпрессор қурилмалари учун совуқлик элткичлар кичик буғланиш иссиқлигига эга бўлиши керак. Чунки турбокомпрессорлар кўп миқдордаги совуқлик элткичини сиқиш учун мўлжалланган. Ҳозирги пайтда юқоридаги талабларнинг кўпига мувофиқ келган совуқлик элткичлари – аммиак ва фреонлар. Жуда кам ҳолларда совуқлик элткичи сифатида углерод икки оксиди, олтингугурт ангидриди ва хлорли метил ишлатилади. Пропан, этан ва этилен моддаларини –70 0 С дан паст температурани олиш учун ишлатилади. Аммиакнинг афзалликлари қуйидагилар: юқори буғ ҳосил бўлиш иссиқлиги, буғлаткичдаги унча катта бўлмаган ортиқча (атмосферадан) босим ва юқори бўлмаган конденсация босими. Шу билан бирга аммиак ёнувчан, заҳарли, ҳаво билан аралашиб портловчи аралашма ҳосил қилиши мумкин ва намлик бўлганда мис ва унинг қотишмаларини емирилиши (коррозия) мумкин. Фреонлар – бу метаннинг фторхлор бирикмаларидир. Фреонлар юқори бўлмаган суюқланиш ва буғланиш босимига эга, зарарсиз, ёнғин ва портлашга ҳавфсиз, конструкцион материалларни емирмайди. Камчиликларга эса совуқлик элткичининг йўқотилишига сабаб бўладиган жуда кичик қовушоқлик ва мойлар билан яхши аралашиши киради. Углерод диоксиди – юқори солиштирма ҳажмий унумдорликка эга, бу ўз

навбатида компрессор цилиндрларининг ихчам бўлишига олиб келади. Лекин жуда паст критик температура ва юқори конденланиш босимига эга бўлгани учун унинг ишлатилиш соҳаси чегараланган. Хлорли метил ва олтингугурт ангидридининг асосий камчиликлари паст буғланиш босими (атмосферадан) ва олтингугурт ангидридининг коррозион фаоллиги ва заҳарлилигидир. Ишлаб чиқариш шароитларида совутиш қурилмалари бошқа бир қанча қурилмаларга хизмат кўрсатиши мумкин ва бу қурилмалар оралиқ совуқлик элткичлар орқали совитилади. Оралиқ совуқлик ташувчилар сифатида паст температурада музлайдиган эритмалар – натрий хлорид, кальций хлорид ёки магний хлорид тузларининг сувдаги эритмалари қўлланилади. Совутиш эритмалари насос ёрдамида совутиш машинасининг буғлаткичи ва қурилмалар орасида айланма ҳаракат (циркуляция) қилади. Буғлаткичда эритма совийди ва қурилмаларда иссиқликни ўзига олиб исийди. Эритма ва унинг концентрациясини танлаш талаб қилинаётган совутиш температурасига боғлиқ. Бу температура эритманинг музлаш температураси – криогидрат нуқта температурасидан юқори бўлиши керак. 2.1.7. Каскадли цикл Битта совуқлик элткичида ишлаб суюқликларни буғлатишга асосланган совутиш цикллари ёрдамида –70 0 С дан паст температура олиб бўлмайди. Бу температура чегараси совуқлик элткичининг хусусиятлари билан белгиланган. Янада пастроқ температура олиш мақсадида иқтисодий самарадорлиги юқори бўлган каскадли цикл қўлланилиши мумкин. Бунда ҳар хил хусусиятли бир қанча совуқлик элткичлари қўлланилиб, юқори қайнаш температурасига эга совуқлик элткичи буғланиб, пастроқ қайнаш температурасига эга бўлган совуқлик элткичининг конденсацияланиш иссиқлигини олади. Шунда иккинчи совуқлик элткичининг суюқланишида биринчисига нисбатан пастроқ температура олинади. Демак, каскадли цикл

бу бир қанча ҳар хил интервалида ишловчи совуқлик элткичларига эга бўлган циклларнинг комбинациясидир. 34-расмда икки совутиш циклидан иборат бўлган каскад цикли тасвирланган. Иккала циклни бирлаштириб турувчи иссиқлик алмашиниш қурилмаси I буғлаткич – конденсатор деб аталади. Каскаднинг қуйи совутиш циклида (компрессор II ва конденсатор III ) пастроқ температурада қайнайдиган совуқлик элткичи қўлланилган бўлиб, у буғлаткич конденсаторда ўз конденсацияланиш иссиқлигини юқори совутиш циклида ишловчи қайнаётган совуқлик элткичига беради (компрессор IV ва конденсатор V ). Бир қанча совутиш циклларидан иборат каскад қурилмаларида қийин суюладиган газларни суюқликка айлантириш мумкин. Масалан, азотни суюлтириш учун аммиак, этилен, метан ва азот совутиш циклларидан иборат каскад қурилмасини қўллаш мумкин. Газсимон азот -161 0 С да қайнаётган (атмосфера босимида) метанга ўз иссиқлигини бериб, 182  10 4 Н/м 2 (18,6 атм) босимда суюқланади. Буғланган 34-расм. Каскадли цикл схемаси: I – буғлатгич (юқори цикл) – конденсатор (қуйи цикл); II – қуйи цикл компрессори; III – қуйи цикл буғлатгичи; V – юқори цикл компрессори; V – юқори цикл конденсатори; VI – юқори цикл дроссел вентили; VII – қуйи цикл дроссел вентили.

метан 242  10 4 Н/м 2 (24,7 атм) босимгача сиқилади ва -104 0 С (атмосфера босими)да қайнаётган этиленга ўз иссиқлигини бериб, суюқланади. Буғланган этилен 186  10 4 Н/м 2 (19 атм) босимгача сиқилади ва -33 0 С (атмосфера босимида) қайнаётган аммиакка конденсацияланиш иссиқлигини бериб, суюқликка айланади. Буғсимон аммиак эса 10 6 Н/м 2 (10,2 атм) босимгача сиқилади ва сув томонидан суюқликка айланади. Каскадли қурилманинг алоҳида циклларида қайтмаслик даражаси кичик бўлгани учун уларда энергия сарфи ҳам камаяди.

Фойдаланилган адабиётлар : 1. Шепелев А.Ф., Кожухова О.И. Товароведение и экспертиза плодоово щ н ы х товаров. - Ростов - на-Дону: Март, 2002. 2. Е.Д. Ситников. Дипломное проектирование заводов по переработке плодов и овощей. М.:1977. 3. Э.С. Гореньков, В.Л. Бибергал. Оборудование консервного завода. М.: ВО «Агропромиздат», 1989. 4. Е.Д. Ситников. Практикум по технологическому оборудованию консервных заводов. М.: ВО «Агропромиздат», 1989. 5. Справочник. Производство консервов. (под ред. Рогачева В.И.). М.: Легкая и пищевая промышленность. 1983. 6. Р. Нормахматов в а бошқалар. Товаршунослик. Тошкент: «Меҳнат», 2004. 7. Фан-Юнг А.Ф., Флауменбаум Б.Л. и др. Технология консервированных плодов, овощей, мяса и рыбы. – М.: Пищевая промышленность, 1980. 8. Дубцов Г.Г. Товароведение пищевых продуктов. М.: Изд.-во Мастерство, 2001. 9. Химический состав пищевых продуктов. Под ред. Покровского А.А. - М.: Пищевая промышленность. 1976. 10. З.Л. Кац. Производство сушеных овощей, картофеля и плодов. – М.:1979.

Похожие

Қуритиш техникаси ва технологияси

Компрессор буғ совутиш машиналари

Атроф - муҳит температурасигача совутиш

Мева ва сабзавотларни қуритиш, унинг усуллари ва технологияси 2

Озиқ-овқат маҳсулотларини музлатиш ва эритиш технологияси 2