Гўштли консервалар ишлаб чиқариш технологияси - Пищевая технология - Рефераты

Гўштли консервалар ишлаб чиқариш технологияси

Загружено в:

20.09.2019

Скачано:

0

Размер:

51.5 KB

Гўштли консервалар ишлаб чиқариш технологияси Режа: 1. Консервалар ассортименти. 2. Тайер маҳсулотларга бўлган талаблар. 3. Хом-аше ва ердамчи материалларга бўлган талаблар.

ТАЯНЧ ИБОРАЛАРИ: 1. Ассортименти, иссиқлик ишлов бериш усуллари, характери, компонентлари, хом-аше тури, таркиби, асосий ва ердамчи хом-ашелар, категориялари, органолептик кўрсаткичлари, сортлари, субмаҳсулотлар, ўсимлик хом-ашелари, дуккакли, ермали, унли, тузлашда ишлатиладиган ингредиентлар. Банкали консерваларга - тунука, шиша ва полимер идишларга герметик солинган, стерилизация еки пастеризация қилинган гўшт маҳсулотларига айтилади. Иссиқлик ишлов бериш микроорганизмларни йўқотади, герметик епиш эса маҳсулотни ташқи муҳитдан сақлайди, бу эса маҳсулотни узоқ муддатга сақлашга ва транспортировка қилишга имкон беради. Гўштли консерваларнинг ассортименти турлича бўлиб, улар хом-аше турига, тайерлаш усулига ва иссиқлик ишлов бериш режимига қараб турли- туман бўлади? Консервани таркибий қисмини танлашда асосий принципи - бу компонентларнинг нисбати ҳисобланиб у стерилизациядан сўнг сифатли, қиймати тўла, органолептик кўрсаткичларии юқори бўлган маҳсулот билан таъминлайди. Бундай турдаги консерваларни узоқ муддатга сақлашда ҳам унинг сифат кўрсаткичлари ўзгармайди. Хом-ашени турига қараб консервалар гўштли (мол, чўчқа, қўй, субмаҳсулот, парранда гўшти) ва гўштли-ўсимлик (гўшт маҳсулотлари ерлами маҳсулотлар, ун, дуккакли, сабзавот, мева-резаворлар ва бошқа) турларга бўлинади. Бундай синфланиш ишлаб чиқариш шароитида умум қабул қилингандир. Хом-ашега ишлов бериш характерига қараб консервалар (тузлаш, майдалаш ва иссиқлик ишлов бериш) турлича бўлади. Масалан гўштни майдалаш катта, майда ва жуда майда шаклда бўлади. Иссиқлик ишлов

бериш усулларидан олдиндан сўлдириш, қайнатиш, қовириб олиш қўлланилади. Таркиби жиҳатидан консервалар ўзининг шарбатида (фақат туз ва зираворлар қўшилган), соус қўшилган (оқ помидорли) ва желесимон (желе хосил қилувчи соус) консерваларга бўлинади. Стерилизация самарадорлик жиҳатидан ҳамда сақлашга чидамлилик даражасидаги консервалар пастерланган (пресервалар), 3/4 қисми стерилизацияланган ва тўла стерилизацияланган консерваларга бўлинади. Пастерланган консерва банкасининг ўртасида ҳарорат 65-75 о С бўлади. Бундай консервани 5 о С ҳароратда 6 ойгача сақлаш мумкин. Консервалашнинг 3/4 қисми стерилизация қилинган усулида ҳарорат 108- 112 о С бўлади. Бундай ҳароратда стерилизация самарадорлиги F=0,6-0,8га тенг бўлиб 10-15 о С ҳароратда 1 йил муддатгача сақлаш мумкин. Консерва қилишни тўла стерилизация усулида 117-130 о С ҳароратда (Ғ=4,0-5,5) иссиқлик ишлов берилади. Ушбу турдаги консервани 25 о С ҳароратда 4 йилгача сақлаш мумкин. Тайинланиши жиҳатидан тамаддили, тушлик таом, иккинчи таом, гарнир билан истеъмол қилинадиган, ярим тайер фабрикат ва комбинациялашган консерваларга бўлинади. Истеъмол қилишдан олдин тайергарлиги жиҳатидан олдиндан иссиқлик ишлов беришсиз, иссиқ ҳолатда фойдаланиш, совиқ ҳолда ҳамда иситилган ҳолда қабул қилинадиган консерваларга бўлинади. Сақлаш муддатини давомийлиги жиҳатидан консервалар - узоқ муддат учун тайерланган (3-5 йил) ва маълум муддатга (чегараланган) сақлаш учун тайерланган консерваларга киради. Консерваларнинг сифати маҳсулотни таркиби ва хусусиятлари ҳамда идишни ҳолати билан баҳоланади. Уларнинг барча кўрсаткичлари амалдаги

стандарт ва техник кўрсатмаларга тўғри келиши керак. Консерва маҳсулотини таркибий қисми органолептик ва кимевий таркиби жиҳатидан белгиланган нормативларга тўғри келиши керак. Маҳсулотни ташқи кўриниши ушбу турдаги консерва маҳсулотига тўғри келиши керак. Идишни ичидаги гўштнинг консистенцияси қуруқ, эзилган ва толасимон шаклда бўлмаслиги керак. Гўштда пай, суяк заррачалари бўлишига йўл қўйилмайди. Рецептурада компонентларнинг бўлиниши, масалан: қиймада еғнинг тарқалиши бир ҳилда бўлиши шарт. Бундан ташқари маҳсулотни идишдан олингандан сўнг ўзини ҳажмини тўла сақлаб қолиши керак (сосиска ва х.к.). Ўсимлик қўшимчалари (дуккакли, мева, рехавор ва х.к.) ўзини олдинги шаклини тўла сақлаш керак. Маҳсулотнинг таъми ва хиди шу турдаги маҳсулотга мос келиши керак. Маҳсулотга бошқа хид, жумладан метал таъми бўлиши рухсат этилмайди. Бульон қайнатиб олингандан сўнг тоза, сарғиш еки оч-жигарранг тусда бўлади. Оқ яъни сут рангидаги бульон рухсат этилмайди. Консервадаги гўшт қисми сувли, ўсимлик қўшимчалари эса зич бўлади. Паштетни консистенцияси - гомоген, пастасимон, ҳажми бўйича бир хил консистенцияда бўлади. Тайер маҳсулотни кимевий таркибига қўйилган талаблар стандартда белгиланган тайер маҳсулотда қўргошинни бўлиши рухсат этилмайди. Тунукадаги қалайни иссиқлик таъсирида гўшт маҳсулотига ўтиш миқдори ҳам чегараланган бўлиб, бир кг маҳсулот учун 200 мг белгиланган. Консерва идишини ҳолати унинг ташқи кўриниши билан баҳоланади. Тунука идиш герметик епилган, деформацияга учрамаган ва занглаган доғлари бўлмаслиги керак. Худди шундай ветчина маҳсулотида, қийма ва

консерва маҳсулотларида нитрит-натрий қолдиғи 3мг%дан ошмаслиги керак. Идиш этикетка билан епиштирилган, қопқоғида эса маркировка қўйилган бўлиши шарт. Шиша идиш бутун, тешик ва ерилган жойлари бўлмаслиги, тоза этикетка епиштирилган бўлиши лозим. Гўштли консервалар турли-туман хом-ашелардан тайерланади. Улар асосий ва ердамчи хом-ашеларга бўлинади. Асосий хом-ашеларга гўшт (мол, чўчқа, қўй, от, қуен, парранда), субмаҳсулотлар (қон, қон плазмаси, оқсил препаратлари, ҳайвонот еғи), тухум, тухум маҳсулотлари киради. Ердамчи хом-аше маҳсулотларига - ермалар, дуккаклилар, сабзавотлар, ун маҳсулотлари (крахмал, ун), ўсимлик еғлари, тузлаш ингредиентлари (туз, шакар, нитрит-натрий, аскорбинат натрий) ва зираворлар киради. Гўштли консерва ишлаб чиқаришда I - II категорияли мол гўшти, чўчқа гўштини боқилган, еғли ва гўштли турлари, қўй ва от гўштини I - II категориялари, I - II категорияли тозаланган ва ярим тозаланган паррандалар (товуқ, жўжа, ўрдак) ишлатилади. Консервалашда 10 ешдан юқори бўлган қари мол гўшти ва 2 марта муздан туширилган гўштлар ишлатилмайди. Стандарт бўйича совитилган ва муздан туширилган гўштлар консервалашга тавсия этилади. Энг яхши хом-аше 2-3 кун совитилган гўшт ҳисобланади. Идишларга солинаетган гўшт таркибида суяк, пай, бирлаштирувчи тўқималар, қон томирлари, безлар ва турли нерв томирлари бўлмаслиги керак. Олий сортли гўштли консерва учун мол гўштини 1 категорияси ишлатилади. Айрим холларда ветеринария-санитария экспертизаси томонидан “шартли-яроқли гўштларни” консервалашда қўллаш тавсия

этилади. Бунинг учун гўштга уч бурчак мухр қуйилади, унда санитария ишловидан ўтган ва “ консерва учун ” деган ёзув қўйилади. Субмаҳсулотларни I ва II категориялари ишлатилади. Субмаҳсулот-лар сифатли, шикастланмаган, қон қолдиқлари бўлмаган соғ ҳайвонотдан олинади. Субмаҳсулотлар асосан турли паштетлар тайерлашда, шунингдек “Ассорти”, “Рагу”, “Майдаланган субмаҳсулот” консервалари тайерлашда ишлатилади. Консерва тайерлашда табиий, қуритилган, еғсизлантирилган сут, сариеғ ва қаймоқ ишлатилади. Улар паштет, тансиқ ва парҳез консервалари тайерлашда ишлатилади. Казеинат-натрий қиймали консервалар тайерлашда қўлланилади. Қиймали, болалар, парҳез консервалари ишлаб чиқаришда тухум, меланж, тухум порошоги қўлланилади. Меланж бир хил суюқ консистенцияга эга, оқ-сариқ еки оч-жигаррангга эга бўлган массадир. Тухум порошогида намлик 6,8-7,0%ни ташкил этади. Ўсимлик хом-ашеларидан дуккакли (нухат, лобия, соя), ермали (гречка, перловка, тариқ, гуруч), унли (ун, крахмал, вермишел, макарон), картошка ва сабзавотлар (сабзи, карам, помидор маҳсулотлари) ишлатилади. Ишлатилаетган хом-ашелар ташқи хид ва таъмга эга бўлмаслиги керак. Буғдой уни соуслар тайерлашда ва панировка қилишда ишлатилади. Уннинг намлиги 15% дан ошмаслиги, клейковина миқдори 28% дан кам бўлмаслиги керак. Крахмални картошкали ва буғдойни I-II сорти, гуручли крахмални эса олий ва I сорти ишлатилади. Картошка крахмалида намлик 20%, гуруч крахмалида эса 13%дан юқори бўлмаслиги керак.

Соус ва қуйилма тайерлашда ишлатиладиган помидор маҳсулотлари (томат-паста, пюре) кимевий таркиби ва органолептик кўрсаткичлари жиҳатидан техник шарт меерларига тўғри келиши керак. Тузлашда ишлатиладиган ингредиент ва технологик қўшимчалар консервалашдаги стандарт талабларга жавоб бериши керак. Ош тузининг вакуумланган, №0, 1, 2 ва 3 даражада майдаланган, таркибида магний тузлари 0,25%дан юқори, калий - 0,6%дан юқори бўлган сортлари ишлатилади. Желатинни I, II ва III сортлари ишлатилади, фақат улар ташқи хид ва таъм бермаслиги шарт. Желатинда намлик миқдори 16%дан юқори бўлмаслиги керак.

Адабиётлар: 1. М.С.Аминов, Э.М.Аминова, А.И.Горун. Производство консервов. Агропромиздат, М., 1987. 2. А.Ф.Фан-Юнг, Б.Л.Флауменбаум, А.Н.Изотов. Консервирование плодов и овощей. Пищпром. М., 1969. 3. К.А.Бабаянов, К.П.Лемаринье. Производство консервов. М., Пищпром, 1967. 4. Сборник технологических инструкций по производству консервов. Том1, М., Пищпром, 1977. 5. Б.Л.Флауменбаум. Основы консервирования пищевых продуктов. М., Агропромиздат, 1989.

Похожие

Стерилизацияланган консервалар ишлаб чиқариш

Нон ишлаб чиқариш технологияси

Аммоний сульфат ишлаб чиқариш технологияси

Макарон маҳсулотларини ишлаб чиқариш технологияси.

Нон махсулотлари ишлаб чиқариш технологияси