ЯХШИЛАР БОРЛИГИ УЧУН... - Этика - Рефераты

ЯХШИЛАР БОРЛИГИ УЧУН...

Загружено в:

20.09.2019

Скачано:

0

Размер:

31.5 KB

ЯХШИЛАР БОРЛИГИ УЧУН... Олам яралиши мўъжиза, инсоннинг дўнё-га келиши мўъжиза, бу мўъжизани англай олмай ўтаётган бизлар яна бир «мўъжиза»?! У ҳаёти давомида ниманидир интиқ-интизор кутиб яшади. Умри оҳирлаб, ортга қараса, ўша «нима»нинг олдидан аллақачон беписанд ўтиб кетган экан... Дунёда яхшилар борлиги учун яшагинг келади. Инсоннинг бу дунёда йўқотадиган ҳеч нарсаси йўқ, агарки, уни ўлимига қадар топмаган бўлса... Киши ўзида йўк хислатларни бошқалардан ахтаради. Қизиқ, одамзод бир умр Яратгандан бойлик, амал, фаровон ҳаёт ато этишни сўраб ялиниб-ёлборади, аммо барчасининг асоси бўлмиш ақл ва фаҳм- фаросатни сўрамайди. Қизиқ, барчамиз у ёки бу аъзомиз оғриганидан шикоят қиламиз, аммо ҳеч қайсимиз хасталикнинг бош сабабчиси — нафсимиздан нолимаймиз... Кимки барча яхшилик ва ёмонлик илдизини излаб ўзидан топибдими, у бу дунё сиру асрорининг тагига етибди. Аксарият одамлар икки нарсанинг меъёрини билмасдан яшашади, яъни сабр ва журъат. Кўпчилигимизда бир қусур мавжуд — ўзимизнинг «Мени»мизни бошга тож қилиб кийиб олганмиз. Гўёки, барчадан ақллимиз, ҳаммадан дономиз. Бошимизга тушадиган ёки тушган минг хил савдою турли ихтилоф ва балолар айнан шу «Мен»нинг оқибатидан эмасмикин... Дунёда ёлғончилик, тамагирлик ва ҳиёнат бўлмаганда, балки бу олам абадий турармиди?! Мен алдайман, сен алдайсан, у алдайди, қарабсизки, ҳалол билан ҳаром аралашиб, ўша ердан файзу барака кўтарилади. ...Бугун жаҳонда рўй бераётган қиргинбарот уруш, турли офат, бало-қазолар шулар окибатидан эмасмикин?! Шундай кунлар келадики, кишилар ўзларининг ёлгончиликларидан уяла бошлайдилар... Ақли, фахм-фаросати етарли бўлмаган кишининг эгнидаги зарбоф тўн хам унинг қадрини оширмайди... Гохида баъзи бир ақлли сўзларни мазмун-моҳиятига етмасдан гапириб қўямизда, сўнг унга амал қилолмай қийналамиз. Ўта магрур, ўзини ҳар қандай ишга қодирман, деб ҳисоблаган инсон ҳам касаллик, зилзила, тўфон, сел, ёнгин каби турли офатлар юз берганда Яратган олдида канчалик ожиз эканини сўзсиз тан олишга мажбур! Қўлида когоз-калам бор, инсон ёзсин дардин беармон... Тамасиз Устоз... барчага Устоз. Дунёда ҳеч тўйиб бўлмайдиган нарса ҳикматли сўздир. «Кўрмайин босдим тиконни», дейишади. Уни кўра-била туриб босаётганлар қанчадан-қанча... *** Ҳар қандай сафарнинг тугамоғи бор... Эзгу амаллар билан «юки»мизни

енгиллатишга шошилайлик. Дедилар: «Қалбингиз кирланишидан ҳосил бўладиган юкдан сақланингиз». Зотан, бу оламда унинг оғирлигини кутариб юришдан мушкулроқ юмуш йўқдир. Инсонга хос бўлмаган хулқ, хатти-ҳаракатлар, «томоша»лар киши қалбини ранжитади. «Инсон қалби билан ҳазиллашманг». У шунчалик нафис, нозик, покизаки, сўз билан ифодалашнинг имкони бўлмас, қўл билан чизиб бўлмас. Фақат уни соф, самимий, эзгу ниятга йўғрилган туйғулар орқалигина илгай олиш мумкин. Агар адашмасам, қалбнинг «сўзи» бў — меҳр-муҳаббат, севги, эътибор, окибат сингари инсоннинг ботиний фазилатлари орқали ифодаланади. *** Кўпинча камтарин, оддий инсонларнинг дилини билиб-билмасдан ранжитиб қўямиз. Ваҳоланки, айнак шу тоифадаги инсонларнинг калби ўта нозик бўлади. Чунки уларнинг оддийлиги калбларидаги ҳис-туйғунинг нафислиги ва буюклигидан далолатдир. Қалби тоза кишиларни учратиш кандай яхши, улар билан бир умрга йўлдош бўлиш нақадар бахт! *** Денгизнинг қудратини довул турганда билганимиздек, бир кишининг ботика бир инсонга бўлган муҳаббатини ўша инсонга нисбатан меҳри товланганда, қалби жўшганда сезиш мумкин... Мусиқа ва шеърни фақат ичида дарди борларгина тинглай олади. Чунки асл мусиқани, шеърни, санъат асарини калбида дарди борларгина ярата олади... Аллоҳ сен билан «шартнома тузмасада, аммо сўраганингни беради. Лекин... Лекин бу «Худо хоҳласа», «Худо беради», деб оёқни узатиб ётиш эмас, балки бунинг учун ёниб интилиш, изланиш, меҳнат қилиш лозим... *** Инсон бир умр мўъжиза кутиб яшайди, лекин асл мўъжиза унинг ўзида яшириниб ётганини доим ҳам англайвермайди.

Похожие

Алломалар мероси – ахлокий тарбиянинг асосидир

Исломда одоб-ахлок масалалари

Нутк одоби.Хадисларда нутк ва нутк одоби хакида.

Мусикий тўгараклар

Микроиклим ва унинг гигиеник