O’zbekiston Respublikasida sertifikatlashtirish faoliyati - Метрология - Рефераты

O’zbekiston Respublikasida sertifikatlashtirish faoliyati

Загружено в:

15.09.2023

Скачано:

0

Размер:

82 KB

O’zbekiston Respublikasida sertifikatlashtirish faoliyati Reja: 1. O’zbekiston Respublikasining milliy sertifikatlashtirish tizimi 2. Sertifikatlashtirishni o’tkazish bosqichlari 3. Muvofiqlik sertifikatini rasmiylashtirish va berish tartibi

O’zbekiston Respublikasining milliy sertifikatlashtirish tizimi. O’zbekiston Respublikasida sertifikatlashtirish tizimining quyidagi sertifikatlashtirish turlari amalga oshiriladi:  Majburiy sertifikatlashtirish;  Ixtiyoriy sertifikatlashtirish; Majburiy sertifikatlashtirishga O’zbekiston Respublikasi Vazirlar Mahkamasi tomonidan tasdiqlangan maxsus ro’yxatga kiritilgan, ishlab chiqariladigan, olib kiriladigan va olib chiqiladigan, sertifikatlashtirilishi lozim bo’lgan mahsulotlar kiradi. YUkoridagi ro’yxatga, fuqarolarning hayoti, sog’lig’i va mulkining xavfsizligini, atrof muhitni muhofaza qilish, o’zaroalmashinuvchanlik va moslashuvchanlikni ta’minlash bo’yicha me’yoriy hujjatlarda talablari belgilangan, mahsulotlar yoki xizmatlar kiritiladi. Bu ruyxatdan tashkari Oliy Majlis tomonidan qabul kilinadigan Qonunlarga asosan, Prezident farmonlariga asosan ma’lum xizmatlar va mahsulotlar uchun ham xudi shunday talablar qo’yilishi mumkin. Ixtiyoriy sertifikatlashtirishga O’zbekiston Respublikasi Qonunlari, Prezident farmonlari, hamda hukumat qarorlariga asosan ro’yxatga kiritilmagan xizmatlar yoki mahsulotlar kirishi mumkin, bu vaqtda ishlab chiqaruvchi, etkazib beruvchi yoki iste’molchilar (keyinchalik - so’rovchi) tashabbusi bilan ixtiyoriy tartibda sertifikatlashtirish o’tkaziladi. Sertifikatlashtirishni o’tkazish bosqichlari. Milliy sertifikatlash tizimi doirasida sertifikatlashtirish ishlari so’rovchi tomonidan tanlangan sertifikatlashtirish sxemasi bo’yicha aniqlangan tizim doirasida olib boriladi. Sertifikatlashtirish tartibi va uning o’rnatilgan qoidalari mavjud bo’lib, sertifikatlashtirishning asosiy bosqichlari sertifikatlashtirish ob’ekti va turlariga bog’liq bo’lmagan o’zgarmas jarayon deb hisoblash mumkin. Odatda

qabul qilingan va sertifikatlashtirish jarayonining umumiy sxemasi 2-rasmda keltirilgan. Buni quyidagi beshta asosiy bosqichga bo’lishimiz mumkin: 1. Sertifikatlashtirishga ariza. 2. Sertifikatlashtirish bo’yicha qaror qabul kilish. 3. Sertifikatlashtirish ob’ektini muvafiqligini o’rnatilgan talablar bilan baholash 4. Muvofiqlikni baholash natijalarini tahlili va uni rasmiylashtirish. 5. Sertifikatlashtirish ob’ekti ustidan inspeksiya nazorat. O’zbekiston Respublikasida mahsulotlarni sertifikatlashtirish tartibi. O’zbekiston Respublikasida mahsulotlarni sertifikatlashtirish tartibi Vazirlar Mahkamasining 2004 yil 6 iyuldagi №318-sonli «Mahsulotlarni sertifikatlashtirish tartibotini soddalashtirishga doir qo’shimcha chora-tadbirlar to’g’risida»gi Qaroriga binoan "O’zstandart" agentligi, O’zbekiston Respublikasi Sog’liqni saqlash vazirligi, Qishloq va suv xo’jaligi vazirligi, Davlat tabiatni muhofaza qilish qo’mitasi manfaatdor vazirliklar va idoralar bilan birgalikda quyidagi ishlarni amalga oshirishadi: -chetdan keltirilayotgan mahsulotlardan akkreditatsiya qilingan idoralar va laboratoriyalar tomonidan sinov o’tkazish uchun namuna olishning cheklangan normalarini belgilash; -akkreditatsiya qilingan idoralar va laboratoriyalar o’rtasida sinovlarning takrorlanishiga yo’l qo’ymaslik maqsadida sinovlar turlarini belgilash; -o’zlariga qarashli akkreditatsiya qilingan laboratoriyalarda mahsulotlarni sinovdan o’tkazish xizmatlariga tariflarni O’zbekiston Respublikasi Moliya vazirligida (uning hududiy bo’linmalarida) oldindan deklaratsiya qilish. Muvofiqlik sertifikatlari mavjudligini tekshirish faqat majburiy tartibda sertifikatlanadigan mahsulotlarga nisbatan qonun hujjatlariga muvofiq belgilangan vakolatli davlat organlari tomonidan amalga oshirilishi mumkin. “O’zbekiston texnik jixatdan tartibga solish” agentligida "Standartlashtirish to’g’risida"gi O’zbekiston Respublikasining Qonunida belgilangan standartlashtirish bo’yicha me’yoriy hujjatlar toifalarini tayyorlash va ro’yxatdan

o’tkazish tartibi to’g’risidagi Nizomning hamda Majburiy tartibda sertifikatlanadigan bir turdagi mahsulotlarning har bir turini ularda sertifikatlashtirishning tegishli me’yoriy hujjatlarda belgilangan xavfsizlik ko’rsatkichlari ko’rsatilgan Qoidalarining O’zbekiston Respublikasi Adliya vazirligida ro’yxatdan o’tkazadi va majburiy tartibda sertifikatlanadigan mahsulotlarning nomenklatura ro’yxati, ularning sifatini va xavfsizligini belgilovchi me’yoriy hujjatlarni ko’rsatgan holda, nashr etilishini hamda bojxona, soliq va akkreditatsiya qilingan idoralarga jo’natadi. Mahsulotlarni sertifikatlashtirish tartibi umumiy qoidalari . YUqoridagi Qarorda mahsulotlarni sertifikatlashtirishning umumiy tartibi belgilangan. Ushbu Qaror asosida ishlab chiqilgan sertifikatlashtirish tartibi, muddatlari va ketma-ketligi belgilangan holda «O’zstandart» agentligi tomonidan «Mahsulotlarni sertifikatlash qoidalari» ishlab chiqilib, 2005 yil 18 martda Adliya Vazirligida N 1458-sonli hujjat sifatida kuchga kiritilgan. Bir turdagi mahsulotlarni sertifikatlashtirish tartibi «O’zstandart» agentligi tomonidan ishlab chiqilib, O’zbekiston Respublikasi Adliya Vazirligida sertifikatlashtirishning tegishli qoidalari sifatida ro’yxatdan o’tkazilgan. «Mahsulotlarni sertifikatlash qoidalari»da ko’rsatilganidek sertifikatlashtirilgan mahsulotlarga qo’shimchalar yoki o’zgartirishlar kiritilishi davomida ilgari tekshirilgan xavfsizlik bo’yicha mahsulot tavsifiga salbiy ta’sir etmaydigan bo’lsa, yangi chiqarilayotgan mahsulotga qo’shimcha sertifikatlashtirish o’tkazilishi talab etilmaydi. Mahsulot sertifikatlashtirilishi uchun talab etiladigan xavfsizlik majburiy tavsiflari standartlashtirish bo’yicha tegishli me’yoriy hujjatlarda belgilanadi. Ushbu qoidadagi talablar mahsulot yoki xizmatlarni majburiy va ixtiyoriy sertifikatlashtirish davomida tadbiq etilishi mumkin. YUqorida keltirilgan qaror va qoidaga asosan majburiy sertifikatlashtiriladigan mahsulotlar ro’yxatidan ma’lum qismi ularning tegishli talablarga muvofiqligini deklaratsiyalash yo’li bilan tasdiqlanishi mumkin bo’ladi.

Sertifikatlashtirishni amalga oshirish qoidasiga asosan ilovaga muvofiq sxema bo’yicha, ikki bosqichda o’tkaziladi. Birinchi bosqich - bir vaqtning o’zida, zaruriyatga ko’ra, veterinariya va fitosanitariya xulosalari tegishli ravishda davlat veterinariya nazorati va o’simliklar karantini bo’yicha davlat xizmati organlarida rasmiylashtirilgan holda "O’zstandart" agentligi tomonidan akkreditatsiya qilingan davlat sanitariya nazorati organlarida gigienik sertifikat rasmiylashtirilishini o’z ichiga oladi. Bunda tadbirkorlik faoliyati sub’ekti: -gigienik sertifikatni rasmiylashtirish uchun ariza bilan birgalikda belgilangan tartibda akkreditatsiya qilingan sertifikatlashtirish idoralariga (keyingi o’rinlarda sertifikatlashtirish idoralari deb ataladi) muvofiqlik sertifikatini rasmiylashtirish yuzasidan ariza berishga; -zarurat bo’lganda tegishli xulosalar olish uchun veterinariya va fitosanitariya nazorati organlariga mustaqil ravishda murojaat qilishga haqlidir. Ikkinchi bosqich - sertifikatlashtirish idoralari tomonidan muvofiqlik sertifikati berishdagi faoliyat. Bunda akreditatsiyadan o’tgan Idoralar sertifikatlashtirish faoliyatiga qo’shimcha ravishda, tadbirkorlik sub’ektlarining yozma arizasiga muvofiq davlat sanitariya nazorati organlarida, davlat veterinariya nazorati va o’simliklar karantini bo’yicha davlat xizmati organlarida, shuningdek tabiatni muhofaza qilish davlat organlarida sertifikatlashtirishni o’tkazish va barcha zarur xulosalarni olish yuzasidan agentlik xizmatlari ko’rsatishga haqlidir. Bunda namunalar tanlab olinishi, shuningdek ular to’g’ri tanlanganligi va ular tegishli davlat organlariga taqdim etilishi uchun sertifikatlash Idoralari javobgarlikni o’z zimmalariga olishga majbur. Muvofiqlik sertifikatini rasmiylashtirish va berishning umumiy muddati ishlarning murakkabligi darajasiga, ko’p mehnat talab qilishi va o’ziga xosligiga qarab, barcha zarur hujjatlar taqdim qilingan vaqtdan boshlab 10 ish kunidan 1 oygacha doirada belgilanadi.

O’zbekiston Respublikasi Vazirlar Mahkamasining 2004 yil 6 iyulda №318sonli «Mahsulotlarni sertifikatlashtirish tartibotini soddalashtirishga doir qo’shimcha chora-tadbirlar to’g’risida»gi qarorigacha oldingi xatboshida keltirib o’tilgan talab yo’q edi, buning oqibatida sertifikatlashtirish ishlari asossiz ravishda cho’zilib, tadbirkorlarning noroziligiga sabab bo’lar edi. SHu bilan birga ushbu Qaror asosida tadbirkorlarga sertifikatlashtirish jarayonlarining xolisligini ta’minlash maqsadida ham qator qulayliklar yaratildi. Gigienik sertifikatni, veterinariya va fitosanitariya xulosalarini rasmiylashtirish va berish tartibi. Gigienik, veterinariya, fitosanitariya va ekologiya sertifikatlari (xulosalar) mahsulotlarni majburiy sertifikatlashtirish bosqichlaridan boshlang’ichi bo’lib, mahsulotlarga me’yoriy hujjatlarda tegishli ravishda gigienik, veterinariya, fitosanitariya yoki ekologik me’yor va talablar mavjud bo’lgan taqdirda o’tkaziladi. Gigienik sertifikatni olish uchun ariza beruvchi davlat sanitariya nazoratining hududiy organiga ariza bilan murojaat qiladi. Yuqorida keltirilgan Qaror talablari asosan sertifikatlashtirishga ariza berilganda ishlab chiqariladigan, sertifikatlashga taqdim qilinayotgan mahsulotga me’yoriy hujjatning nusxasi ilova qilinishi kerak (Davlatlararo standart - DS, O’zbekiston Respublikasi Davlat standarti - OzDSt, Texnik shartlar - TSh; ishlab chiqariladigan oziq-ovqat mahsulotlari uchun - O’zbekiston Respublikasi Sog’liqni saqlash vazirligi bilan kelishilgan texnologik yo’riqnoma va retseptura). CHetdan olib kelinayotgan sertifikatlashtirilishi majburiy bulgan mahsulotlarga gigienik sertifikat olish uchun qo’shimcha ravishda: -bojxona hududiga kelganlik to’g’risidagi belgi qo’yilgan holda tovarga ilova qilinadigan hujjatlarning (tovar-transport yuk xati, invoys, schyot-faktura) nusxalari; -mahsulotni ishlab chiqargan davlatga tegishlilik to’g’risidagi sertifikati (tovarning kelib chiqishi to’g’risida ishonchli axborot mavjud bo’lmagan taqdirda) nusxalari taqdim etiladi.

Ilgari sertifikatlanmagan (sinalmagan) maxsus qo’llaniladigan biologik aktiv moddalar yoki oziq-ovqat xom-ashyosi va oziq-ovqat mahsulotlari ishlab chiqarish texnologiyalarining oziq-ovqat qo’shimchalari qo’llash bilan bog’liq ishlab chiqarishni tashkil etishda yoki mahsulotlarni chetdan keltirishda davlat sanitariya nazoratining hududiy organi tegishli ruxsatnoma olish uchun O’zbekiston Respublikasi Sog’liqni saqlash vazirligiga murojaat qiladi. O’zbekiston Respublikasi Sog’liqni saqlash vazirligi tomonidan ruxsatnoma berish 3 ish kunidan ortiq bo’lmagan muddatda amalga oshiriladi. Laboratoriya sinovlarini o’tkazish xarajatlarini qoplash uchun Sog’liqni saqlash vazirligi tomonidan belgilanadigan va Moliya vazirligida deklaratsiyalangan tariflar bo’yicha, biroq eng kam oylik ish haqining 10 baravaridan ortiq bo’lmagan summada to’lov undirilishi belgilangan. Taqdim etilgan hujjatlar o’rganib chiqilgandan keyin davlat sanitariya nazoratining hududiy organi tomonidan belgilangan tartibda joyning o’ziga borib laboratoriya sinovlari o’tkazish va ishlab chiqarish ob’ektini tekshirish uchun mahsulotlarning namunalari tanlab olinadi. Mahsulotlarni gigienik ko’rsatkichlarni aniqlash uchun sinash Milliy akkreditatsiya tizimida akkreditatsiyadan o’tgan davlat sanitariya nazoratining hududiy organlari laboratoriyalari tomonidan amalga oshiriladi. Agar mahsulot kelib chiqishiga ko’ra hayvonot yoki o’simlik dunyosiga tegishli bo’lgan taqdirda, davlat sanitariya nazoratining hududiy organi ariza beruvchidan hujjatlar olingan sanadan keyingi kundan kechikmay veterinariya yoki fitosanitariya xulosasi berish bo’yicha vakolatli organlarga murojaat qiladi. Veterinariya yoki fitosanitariya xulosasi davlat veterinariya nazoratining tuman (shahar) organlari yoki o’simliklar karantini bo’yicha davlat xizmati organlari tomonidan beriladi. Davlat veterinariya nazorati organi 20 kungacha bo’lgan muddat bilan belgilangan tartibda ajratib qo’yish-cheklash tadbirlari (karantin) belgilashi mumkin. Bunda veterinariya xulosasi berish tartiboti karantin muddati tamom bo’lgunga qadar to’xtatib turiladi.

Veterinariya yoki fitosanitariya xulosasi tayyorlash va berish muddati uch ish kunidan oshmasligi kerak. Veterinariya yoki fitosanitariya xulosasi berilganligi uchun Qishloq va suv xo’jaligi vazirligi tomonidan belgilanadigan va Moliya vazirligida deklaratsiyalangan tariflar bo’yicha, biroq eng kam oylik ish haqiga teng summada to’lov undiriladi. Veterinariya va fitosanitariya xulosalari olinishi hisobga olingan holda gigienik sertifikatni rasmiylashtirish va berish muddati 14 ish kunidan ortiq bo’lmasligi kerak. Mahsulotlarni sinashning aniq muddati sinovlarning tegishli usullari uchun me’yoriy hujjatlarda nazarda tutilgan muddatlarga qarab belgilanadi. Gigienik sertifikat berish ishlarini amalga oshirish xarajatlarini qoplash uchun davlat sanitariya nazoratining hududiy organlari tomonidan belgilanadigan va Moliya vazirligida deklaratsiyalangan tariflar bo’yicha, biroq eng kam oylik ish haqining 10 baravaridan ortiq bo’lmagan summada to’lov undiriladi. Veterinariya va fitosanitariya xulosalari berish bo’yicha vakolatli organlarning xizmatlariga ariza beruvchi tomonidan haq to’lash davlat sanitariya nazoratining hududiy organlari orqali yoki qonun hujjatlarida belgilangan tartibda mustaqil ravishda amalga oshirilishi mumkin. Ishlab chiqariladigan mahsulotga gigienik sertifikat 3 yildan kam bulmagan muddatga berilishi shart, chetdan keltirilayotgan mahsulot uchun esa mahsulotning yaroqlilik davriga beriladi. Gigienik sertifikat ariza beruvchiga davlat sanitariya nazoratining hududiy organi rahbarining imzosi bilan beriladi va muhri bilan tasdiqlanadi, hujjatga utkazilgan sinovlar bayonnomasi nusxalari ilova qilinadi. Agar gigienik sertifikatlashtirish bilan bir vaqtda mahsulotning fitosanitariya yoki veterinariya normalari va qoidalariga muvofiqligi sinovdan o’tkazilgan taqdirda, ariza beruvchiga tegishli xulosalar ham beriladi. Laboratoriya sinovlarining salbiy natijalari hamda hujjatlar to’liq turkumda taqdim etilmasligi gigienik sertifikat berish rad etilishi uchun asos bo’lib

hisoblanadi, bu haqda davlat sanitariya nazoratining hududiy organi qonunchilikning aniq normalarini ko’rsatgan holda ariza beruvchiga yozma ravishda ma’lum qiladi. Qaror kuchga kirgan kundan boshlab mahsulotlar sinovi olib borilganda akkreditatsiya qilingan laboratoriyalar tomonidan bir-birini takrorlovchi sinovlar o’tkazilishi ta’qiqlanadi. Ariza beruvchi gigienik sertifikat yoxud fitosanitariya va veterinariya xulosalari berishning rad etilishi yuzasidan belgilangan tartibda ularning yuqori tashkilotlariga shikoyat qilishi mumkin. Muvofiqlik sertifikatini rasmiylashtirish va berish tartibi Muvofiqlik sertifikatini rasmiylashtirish sertifikatlash idoralari tomonidan amalga oshiriladi. Sertifikatlashtirish idorasini tanlash arizachi tomonidan mustaqil amalga oshiriladi. Ariza beruvchi istalgan vaqtda, sertifikatlashtirish idoralari esa arizachining birinchi talabi asosida quyidagi hujjatlarni taqdim etishi shart: a) majburiy tarzda sertifikatlashtirilishi lozim bo’lgan mahsulot turlarining ro’yxati yoki ro’yxatdan ko’chirma; b) Idora sertifikatlashtirish doirasiga taalluqli bo’lgan mahsulotni sertifikatlash qoidalari; v) sertifikatlashtirish bo’yicha xizmatlar narxlari (tariflari) preyskuranti; g) davlat vakolatli organida akkreditatsiya qilinganlikni tasdiqlovchi hujjat. Sertifikatlashtirish idorasi, ko’rsatib o’tilgan hujjatlar nusxalarini taqdim etganda ularning nusxalarini tayyorlash uchun ketgan harajatlarnigina so’rovchidan undirishga haqli. Ishlab chiqarilayotgan mahsulotga muvofiqlik sertifikatini rasmiylashtirish uchun ariza beruvchi sertifikatlashtirish idorasiga ariza bilan murojaat qiladi.

Arizaga quyidagi hujjatlar ilova qilinadi: -ishlab chiqarilayotgan mahsulotga me’yoriy hujjat nusxasi; -mahsulotni yorliqlash namunasi (mahsulot to’g’risida axborot); -gigienik sertifikat nusxasi. Ariza beruvchi tomonidan ayni bir vaqtda gigienik sertifikat va muvofiqlik sertifikati olishga ariza berilgan taqdirda gigienik sertifikat nusxasi talab etilmaydi. CHetdan olib kelinayotgan mahsulotni sertifikatlashtirish uchun quyidagilar taqdim etiladi: -ishlab chiqarilayotgan mahsulotga me’yoriy hujjat nusxasi (u mavjud bo’lganda); -mahsulotni yorliklash namunasi (mahsulot to’g’risida axborot); -bojxona hududiga etib kelganligi to’g’risida belgi qo’yilgan ilova hujjat (tovar-transport yuk xati, invoys, schyot-faktura) lar nusxasi. Ariza nazarda tutilgan taqdirda, sertifikatlashtirish idorasi sertifikatlashtirish ishlarini gigienik sertifikat (veterinariya va fitosanitariya xulosalari) nusxalarini olish muddatini hisobga olgan holda kechiktirib boshlashi mumkin. Bu holda sertifikatlashtirish idorasi muvofiqlik sertifikatini faqat ariza beruvchi tomonidan ijobiy natijalarga ega bo’lgan hujjatlarning barcha zarur nusxalari taqdim etilgandan keyin berishga haqlidir. Sertifikatlashtirish idorasi ariza berilgan kundan boshlab ikki kun muddatda joyiga borib sertifikatlash sinovlarini o’tkazish uchun mahsulot namunalarini tanlab oladi va identifikatsiya qiladi. Namunalar soni, tanlab olish tartibi, identifikatsiya qilish va saqlash qoidalari mahsulotga berilgan me’yoriy hujjatlarda belgilanadi. Ariza beruvchi o’z mahsulotining tanlab olinishida va sinovlarida qatnashish huquqiga ega. Namunalarning saqlanishi, sifati va sinovlarining ishonchliligi uchun sinov o’tkazishga taqdim qilingan laboratoriya (markaz) javobgar hisoblanadi. Sinovlar bo’yicha bayonnomalarini mas’ul mutaxassislar imzolaydi va laboratoriya rahbari tasdiqlaydi. Ariza beruvchi sertifikatlashtirish idorasiga akkreditatsiya qilingan laboratoriyalardagi mahsulot sinovlari bo’yicha qo’shimcha hujjatlarni taqdim

etishi mumkin. Agar mahsulotni alohida ko’rsatkichlari bo’yicha sinovlar turli sinov laboratoriyalarida o’tkazilgan bo’lsa, u holda sinovlarning ijobiy natijalari bilan birga barcha zarur bayonnomalarning mavjudligi mahsulotning belgilangan talablarga muvofiqligining ijobiy bahosi hisoblanadi. Respublikaga chetdan keltiriladigan, majburiy tartibda sertifikatlanishi kerak bo’lgan mahsulotga me’yoriy hujjat mavjud bo’lmaganda, sifat va xavfsizlik bo’yicha sertifikatlashtirish sinovlari mahsulotning ana shunday turlari talablariga muvofiqligi yuzasidan amalga oshiriladi. Arizachi tomonidan chetdan olib kelinayotgan mahsulotga zarur me’yoriy hujjat yoki texnik tasnifnomalar taqdim etilmagan taqdirda, mazkur mahsulotni sertifikatlash mahsulotning ana shunday turlariga hujjatlar bo’yicha yoki gigienik sertifikat asosida, uni identifikatsiya qilgan holda amalga oshiriladi (oziq-ovqat mahsulotiga va oziq-ovqatga qo’shiladigan qo’shimcha mahsulot uchun). Laboratoriya sinovlarining salbiy natijalari, shuningdek hujjatlarning to’liq bo’lmagan komplektini taqdim etish muvofiqlik sertifikati berishni rad etish uchun asos hisoblanadi, bu to’g’rida sertifikatlashtirish idorasi ariza beruvchiga aniq qonunchilik normalarini ko’rsatgan holda yozma ravishda xabar qiladi. Xulosa berishni rad etganlik yuzasidan ariza beruvchi belgilangan tartibda shikoyat qilishi mumkin. Sertifikatlashtirish idorasi taqdim etilgan hujjatlar va sinovlarning ijobiy natijalari asosida ikki ish kuni mobaynida muvofiqlik sertifikatini rasmiylashtiradi. Muvofiqlik sertifikati chetdan olib kelinayotgan mahsulotlarga mahsulot yaroqliligining kafolatli muddatiga, ko’plab ishlab chiqariladigan mahsulot uchun esa - 3 yilga beriladi. Ko’plab ishlab chiqariladigan mahsulotga muvofiqlik sertifikati berish uchun sertifikatlashtirish idorasi ariza beruvchidan mahsulotni ko’plab ishlab chiqarish uchun shart-sharoitlar mavjudligini aniqlash maqsadida mahsulot ishlab chiqariladigan ob’ektlarni belgilangan tartibda tekshiradi. Tekshirish natijalari bo’yicha dalolatnoma rasmiylashtiriladi, undan muvofiqlik sertifikati berish

to’g’risida qaror qabul qilishda foydalaniladi. O’tkazilgan tekshirishlar natijalari to’g’risidagi ma’lumotlar muvofiqlik sertifikatida keltiriladi. Tekshirishni o’tkazish muddati, ishlab chiqarishning shakli va toifalariga ko’ra, sinovlar uchun namunalar tanlab olingan vaqtdan boshlab 10 ish kunidan oshmasligi kerak. Tekshirish o’tkazilganligi uchun to’lov amalda sarflangan vaqt bo’yicha va belgilangan tartibda tasdiqlangan xarajatlar kalkulyasiyasiga binoan undiriladi. Muvofiqlik sertifikatini rasmiylashtirish va berish muddati sertifikatlashtirish idorasi tomonidan sinovlar natijalari olingan vaqtdan boshlab 5 ish kunidan oshmasligi kerak. Ko’plab ishlab chiqariladigan mahsulot uchun muvofiqlik sertifikati bergan sertifikatlashtirish idorasi har yili kamida bir marta, mahsulotning sertifikatlashtirishda belgilangan talablarga muvofiqligini tasdiqlash maqsadida, sertifikatlashtirilgan mahsulotni inspeksiya nazorati tekshiruvini o’tkazadi. Inspeksiya nazorati natijalari bo’yicha muvofiqlik sertifikatining amal qilishi tasdiqlanishi yoki to’xtatib turilishi yoxud belgilangan tartibda bekor qilinishi mumkin. Laboratoriya sinovlarini o’tkazganlik, sertifikatni rasmiylashtirganlik va berganlik uchun to’lov tartibi, litsenziya ajratmalari miqdorlari O’zbekiston Respublikasi Moliya vazirligi bilan kelishilgan holda "O’zstandart" agentligining yo’riqnoma hujjatlari asosida belgilanadi. Chet el muvofiqlik sertifikatlarini e’tirof etish. Sertifikatlashtirish idorasi e’tirof etish to’g’risida bitim tuzilgan MDH mamlakatlaridan va uzoq xorijiy mamlakatlardan olib kelinadigan mahsulotga sertifikatlarni e’tirof etish huquqiga ega. E’tirof etish tartiboti sertifikatlashtirish idorasining bir turdagi mahsulotni sertifikatlashtirish tartibida, "O’zstandart" agentligining me’yoriy hujjatlariga muvofiq belgilangan bo’lishi kerak.

Xalqaro tizimlar va bitimlar doirasida amalga oshiriladigan sertifikatlarni e’tirof etish ushbu tizimlar va bitimlarda belgilangan, O’zbekiston Respublikasi qonun hujjatlariga zid bo’lmagan qoidalarga muvofiq o’tkaziladi. Sertifikat talablarga muvofiq bo’lgan, O’zbekiston Respublikasida belgilangan ana shunday talablardan qolishmaydigan mahsulot uchun e’tirof etiladi. Me’yoriy hujjatlarda sertifikatlashtirish uchun shart bo’lgan yoki kontraktda belgilangan qo’shimcha talablar mavjud bo’lgan taqdirda mahsulot ushbu talablarga muvofiqlik yuzasidan sinab ko’rilishi kerak. Olingan hujjatlar va materiallarni tahlil qilish, shuningdek mahsulotni identifikatsiyalash asosida sertifikatlashtirish idorasi chet el muvofiqlik sertifikatini e’tirof etish (etmaslik) to’g’risida qaror qabul qiladi. Eksport qiluvchi mamlakatning Milliy sertifikatlashtirish tizimiga berilgan muvofiqlik sertifikatini e’tirof etish uni import qiluvchi mamlakatning muvofiqlik sertifikatiga qayta rasmiylashtirish va YAgona davlat reestriga kiritish yo’li bilan amalga oshiriladi. Mahsulotni shtrixli kodlashtirish. Ariza beruvchi o’z xohishiga ko’ra tasniflash Evropa tovar raqamlanishi uyushmasi (EAN) hozirgi vaqtda GS1 tomonidan kodlashtirish borasida korxonaning ro’yxatdan o’tkazish raqamini hamda ishlab chiqariladigan tovarning bir kun mobaynida beriladigan raqamli kodini olish uchun "EAN Uzbekistan"ga murojaat qiladi. "O’zstandart" agentligi tomonidan, belgilangan tartibga muvofiq shtrixli kodning original - maketi tayyorlanadi va beriladi. Kod berish bo’yicha xizmatlar qiymati, shuningdek a’zolik badallari miqdori "EAN Uzbekistan" qatnashchilari tomonidan belgilanadi. SHtrixli kodning original - maketlarini tayyorlash va berish qiymati O’zbekiston Respublikasi Monopoliyadan chiqarish, raqobat va tadbirkorlikni qo’llab-quvvatlash davlat qo’mitasi bilan kelishilgan holda O’zbekiston Respublikasi Moliya vazirligida deklaratsiya qilingan tariflar bo’yicha belgilanadi.

Adabiyotlar : 1. Mirziyoev SH.M. Erkin va farovon, demokratik O’zbekiston davlatini birgalikda barpo etamiz. O’zbekiston Respublikasi Prezidentining lavozimiga kirishish tantanali marosimiga bagishlangan Oliy Majlis palatalarining kushma majlisidagi nutki. -T.: "O’zbekiston" NMIU, 2016.- 2. Mirziyoev SH.M. Konun ustuvorligi va inson manfaatlarini ta’minlash - yurt tarakkiyoti va xalk farovonligining garovi. O’zbekiston Respublikasi Konstitutsiyasi kabul kilinganining 24 yilligiga bagishlangan tantanali marosimdagi maruza 2016 yil 7 dekabr. T: "O’zbekiston" NMIu. 2016-486. 3. Mirziev SH.M. Buyuk kelajagimizni mard va olijanob xalkimiz bilan birga kuramiz. - T.: "O’zbekiston"NMIU, 2017. - 488 6. buyicha 4. Ismatullaev P.R., Matyakubova P.M. Turaev SH.A. Metrologiya, standartlashtirish va sertifikatlashtirish. Dasrlik. T.: Lesson-Press, 2015.423 5. Ismatullaev P.R., Axmedov B.M., Matyakubova P.M., Xamrokulov F.X. Turaev SH . A . Sertifikatlashtirish asoslari va sifat menejmenti . Darslik. Toshkent, Sano-standart, 2014. - 330 6. 6. Abduvaliev A.A. i metrologii i upravleniya kachestvom Izdatelstvo TGTU, 2002. - 287 s. dr. Osnovы standartizatsii, sertifikatsii produksii. Uchebnoe posobie. - Tashkent: 7. Axmedov B.M., Ismatullaev P.R., Turaev SH.A. Sertifikatlashtirish va sifatni boshkarish asoslari, o’kuv kullanma. O’zR O MTV; TDTU. – Toshkent 2007. -233 6. 8. Axmedov B.M., Ismatullaev P.R. Turobjonov S.M., YUsupov E.D. Typaev SH . A . Osnov ы sistem ы menedjmenta kachestva . Izd-vo iptd Uzbekistan. - Tashkent, 2009. -208 s.

Похожие

O’zbekiston Respublikasida maxsulotlarni sertifikatlashtirish tartibi

Sertifikatlashtirish faoliyati

Sertifikatlashtirish

Xizmatlarni sertifikatlashtirish

Halol sertifikatlashtirish