Занжира турлари - Материаловедение - Рефераты

Занжира турлари

Загружено в:

20.09.2019

Скачано:

0

Размер:

49 KB

Занжира турлари Режа: 1. Халқ амалий санъатида занжираларнинг ишлатилиши. 2. Занжира ўйишда амал қилинадиган қоидалар ва уларнинг турлари.

Ганч ўймакорлигини ўйиш дастлаб оддий занжира ўйишдан бошланади. Занжира ганч ўймакорлигининг алифбоси хисобланади. Занжира ўйишдан мақсад дастлабки ганчкорлик асбобларини тўғри ўлчашни кузда чамалаб тўғри чизиқни чизишни, текисликларни текис бир хилда ўйишни ўрганишдир. Занжира-форсча занжир, композицияда асосий шакл билан рутани боғлаб турадиган ингичка хошия нақшдир. Тўғрироғи оддий шаклларнинг такрорланишилан хосил бўладиган занжирсимон нақш. У заминсиз ўйма бўлиб, кўпинча хандасиз бўлади. Ганчкорликда ёғоч, тош, мармар ва металл ўймакорлигида, наққошликда, каштадўзликда, кулолчиликда кўп тарқалган. Занжиранинг қуйидаги турлари мавжуд: А) Занжира рафтар. Б) Ислимий занжира.(ўсимликсимон нақш элементларидан ташкил топган энсиз хошия нақш.) В) Айлана занжира.(гул шаклида ўйилган энсиз, заминсиз хошия нақш) Г) Қуш лола занжира.(лола шаклида ўйилган икки қатор занжира.) Д) Жингалак занжира.(жингалак шаклида занжирсимон нақш) Е) Лола занжира.(лола шаклидан ташкил топган энсиз хошия нақш.) Ж) Ғишт занжира.(энг оддий занжира тури бўлиб, ғишт шаклини эслатувчи энсиз нақш.) Кўпинча тасвирий санъат асарларида хошия хосил қилиш учун ишлатилади. Тасвирий санъат турларидан ёғоч, тош, металл, ганч ўймакорлигида, мураккаб бўлмаган геометрик ёки ўсимликсимон элементлардан ташкил топган гулдор энсиз хошияни кўриш мумкин. Буни хам усталаримиз занжира деб айтадилар. Заргарликда занжира зарбалдоққа, қашқарбалдоққа, қилсимон симдан ишланади. Мисгарликда хар хил нарсаларга занжира туширилади. Кулолчиликда лаган, коса, кўза, хум ва бошқа идишларга хар хил занжиралар ишлатилади. Кулолчиликда занжиранинг қуйидаги турлари бор: рохи занжира, туморча

занжира, зулма занжира. канот занжира, карниз занжира, зулуп занжира, копток занжира, кулча занжира, илмоқзанжира, гилдирак занжира,барги занжира, капалак занжира ва ... . Занжира ганчкорликда ва ёғоч ўймакорлигида асосий нақш билан рута нақшни боғлаб туради. Занжирада содда бўлсада, жозибали кўринишга эга. Геометрик шакллар ўйилган (занжира гўё харакат) соя, ёруғ ва ярим соялар ўзига хос нафис кўринишга эга бўлиб, кишида ажойиб таасурот хосил қилади. Занжирадаги соя, ёруғ ва ярим сояларжуда чиройли кўринади,ўйилган занжира гўё харакатланаётгандек туюлади. Ганч ўймакорлигида намоён токча, эшик, дераза, тахмонлар ва жойларнинг четига ишлатилади. Ганч ўймакорлигида усталар хар бир ўймани, масалан, намоён, токча, изора ва ... ни узоқдан ва яқиндан яхши кўринишини хисобга олган холда ўядилар. Шунинг учун хам яхши ганчкорлик хар хил масофада жозибали кўринади. Бу ўринда занжира катта ахамиятга эга. Занжира узоқдан ўйма нақшнинш умумий боқловчиси вазифасини бажариб, токча ва бошқаларнинг гўзаллигини оширади. Токча тахмонларнинг умумий кўринишда умумий занжира катта ахамиятга эга. Занжира узоқдан ўйма нақшнинг узоқдан ўйма нақшнинг умумий боғловчиси вазифасини бажариб, токча ва бошқаларнинг гўзаллигини оширади. Токча тахмонларнинг умумий кўринишда умумий занжира катта ахамиятга эга. Яқиндан эса ўйма занжира элементлари ёруғ соянинг хар хил ўзгаришлари шариотида янада ўзгача кўриниш хосил қилади. Занжиранинг ўймаларнинг четига қўллашда жуда йирик олинса, ўймани қуримсиз холатга олиб келиши мумкин. Агар жуда майда олинса, ўйма занжира кўринмасдан, оддий чизиққа ўхшаб кўриниб, ишлаган ўйманинг яхши кўринишига ёрдам бера олмайди. Шунинг учун хам хар қандай ўйманинг четига занжира танлашда янглишмаслик керак. Занжиранинг эни ганч ўймакорлигида 8 см. гача бўлади. Занжираларнинг тузилиши ва мазмунига қараб улрага ғиштин занжира, якка занжира, порсул занжира, айланма занжира, елпиғич занжира ва бошқа номлар берилади. Занжирага ном қўйишнинг ўзига хос қоидалари бор. Агар бир қатор занжира бўлса, уни якка занжира дейилади, агарда икки

қатор бўлса, уни қуш занжира, елпиғич кўринишда бўлса, елпиғич занжира дейилади. Ўйилган оддий занжира бўлак юзаларининг ўрталарига якка хол қилиб чизилса, бу занжираларни «чашмаи булбул занжира» деб юритилади. «Чашмаи булбул занжира» хақида эл орасида ривоят хам бор. Занжирани ўйишдан олдин унинг чизилиши қоидаларини яхшилаб ўрганиб олиш лозим. Бунинг учун альбомда жуда оддий ғишт кўринишдаги занжира чизишни машқ қилиб ўрганиш керак. Ганчкорликда кўп ишлатиладиган ганч тахтаси қўйишга ўтамиз. Аввал бирор столнинг устига ойна ётқизиб, устига узунлиги 60 см. бўлган рейкаларни керакли ўлчамда (масалан, 20:20, 20:30, 30:30, 25:25...) қўйиб оламиз. Бу рамка ганч тахтасини қўйиш учун қолип ролини бажаради. Қолип тайёр бўлгандан сўнг хавонда тайёрлашга ўтамиз. Хавонда-гул ўйишга мўлжалланган бўлиб, бир қадар кучи камайтирилган ганч қоришмасидир. Хавонда тайёрлаш учун 3 нисбатда сув, 2 нисбатда ганч қорилади. Гул ўйилиши учун хавонда неча марта айлантирилишини билиб олиш керак. Яъни ганч қувватини аниқлаш учун ярим стакан сувга ганч солиб 50 марта айлантирилиб ганч тахтаси қўйиб, кейин эса скальнелда ўйиб қурилади, агар ўйишда қаттиқ бўлса, 300 марта хаттоки 900 марта айлантиришни хам талаб қилиш мумкин. Лекин хозир кучли ганчлар жуда кам. Тажрибали ганч уймакор усталар ганчни қўлига олиб сиққанлариданоқ ганчнинг қувватини айтиб бера оладилар. Қуввати кам, сифатсиз ганчни жуда кўп айлантириб юборсак, у ишдан чиқади. Яъни ганч қотгандан сўнг салга уваланиб, синиб кетадиган бўлиб, мўрт бўлиб қолади. Баъзи кучлар ганчларни кам айлантириб юборсак, тайёрланган ганч тахтани скальнел ўймай синиб кетиши мумкин. Тез қотиб қолган ганчни усталаримиз тез ганч деб юритадилар. Ганч қувватини аниқлаб олгандан сўнг ганч тахтага мўлжаллаб хавонда тайёрланади. Ганчн тахминан 2-3 минут (кўп марта) масалан, 100 марта айлантиргандан сўнг суюқроқ қаймоққа ўхшаб қолгандан сўнг, рамкага яъни қолипга қуйилади. Қуйиб бўлгандан сўнг ганч устини чизғичга ўхшаш

рейкада текисланади. Қўйилган ганчнинг қалинлиги тахминан 2 см. атрофида бўлади. Қўйилган ганчимиз тахминан 10-12 минутдан сўнг қотади. Шундан сўнг рамкаларни олиб, ганчнинг нотекис жойларини скальпелда тўғирлаб, ойнадаги ганч тахтаси сиртига аста-секин оддий занжирани чизамиз. Шундан кейин скальпел ёрдамида ўямиз. Занжира ўйишда бир хил чуқурликда ўйишга ўрганиш лозим ва ўйилган қирраларнинг бир текисда чиқишга алохида эътибор бериш керак. Хар бир қирранинг кесишган чизиқлари битта нуқтага туташишлари натижасида пирамидалар хосил бўлади. Ўйма бир кунда тугатилмаса, эртасига хам ўйиш мумкин. Бунинг учун ганч тахтани хўл латта билан ўраб, целлофан пакетга солиб қўйиш лозим бўлади. Оддий занжира ўйиб бўлгач, елпиғич занжира, айлана занжира, мураккаб ва гул занжираларни чизиб ўйиш мумкин.

Фойдаланилган адабиётлар рўйхати: 1. Ўзбекистон Республикаси Олий мажлиси материаллари, 1997 йил 29 август 1-чақириқ 9-сессияси материаллари. 2. «Халқ бадиий хунармандчилик ва амалий санъати янада ривожлантиришни давлат йўли билан қувватлаш чора-тадбирлари тўғрисида» Ўзбекистон Республикаси Президенти Фармони Т. «Тошкент оқшоми» газетаси, 1997 йил 2 апрел, 38-сон. 3. А.Абдуқодиров, «Обидалар жилваси» .Т. «Ўзбекистон», 1972 йил 64-65 бетлар. 4. Н.А.Аведова. «Тошкент ўймакорлиги». Т. Ўзбекистон Давлат Бадиий адабиёт нашри. 1961 йил 88-бет 5. И.Азимов. «Фарғона водийсининг архитектура ёдгорликлари.» Т. «Ўзбекистон», 1986 йил 71-бет 6. И.Азимов. «Ўзбекистон нақшу-нигоралари». Т. Адабиёт ва санъат нашри, 1987 йил 144-бет 7. О.К.Апухтин.«Бадиий нақш мактаби».Т.«Ўқитувчи»,1969 йил 8. Барта Ч.»Мохир қўллар учун 200 иш».Т.»Ўқитувчи»,1967 йил 9. С.С. Бўлатов, М.О. Ашурова. «Амалий санъат қисқача луғати». Т. Қомуслар бош тахририяти. 1992 йил.

Похожие

Инъекцион дори турлари

Фрезалаш станоклари гуруҳи (турлари)

Ганчкорлик санъатининг асрлар давомида ривожланиши

Ганчкорликда ишлатиладиган асбоблар

Уймакорликда ишлатиладиган ёгоч материаллари