Пайвандлаш материаллари - Машиностроение - Рефераты

Пайвандлаш материаллари

Загружено в:

24.11.2022

Скачано:

0

Размер:

219.0234375 KB

Пайвандлаш материаллари Режа: 1. Пайвандлаш сими 2. Электродларнинг классификацияланиши 3. Углеродли ва кам легирланган конструкцион пўлатларни пайвандлашга мўжалланган электродлар 4. Кўп легирланган пўлатларни пайвандлаш

1. Пайвандлаш сими Ёй ёрдамида эритиб пайвандлашда эрувчи электродлар учун совуқлайин чўзилган калибрланган, 0,3-12 мм диаметрли сим, шунингдек, қиздириб чўзилган ёки кукунли сим, электрод лента ва электрод пластиналар энг кенг тарқалгандир. Пайвандлаш пўлат сими ГОСТ 2246-70 ва махсус техник шартлар бўйича тайёрланади. ГОСТ 2246-70 га кўра пайвандлаш сими кам углеродли, легирланган ва кўп легирланган хилларга бўлинади. Ҳаммаси бўлиб 75 маркали сим чиқарилади. Легирловчи элементларнинг шартли белгилари 7-жадвалда келтирилган. Симда 1% дан кам углерод бўлганда фақат шу элементнинг ҳарфи қўйилади; агар легирловчи элементнинг миқдори 1% дан ортса, у ҳолда ҳарфдан кейин шу элементнинг миқдори бутун бирликлар билан кўрсатилади. Сим маркаларининг шартли белгиси: индекс Св (сварочная дегани) ва ундан кейин келадиган рақамлар ва ҳарфлардан иборат. Легирловчи элементларнинг шартли белгилари 7-жадвал Элемерт Хиявий белгиси Пўлат маркасидаги шартли белги Марганец Mn Г Кремний Si С Хром Cr Х Никель Ni Н Молибден Mo М Вольфрам W В Селен Se Е Алюминий Al Ю Титан Ti Т Ниобий Nb Б

Ванадий V Ф Кобальт Co К Мис Cu Д Бор B Р Азот N А* Цирконий Zr Ц рақамлар углероднинг миқдорини юзли улишларда кўрсатади. Ҳарфлар эса сим таркибига кирувчи элементларни билдиради. Кам углеродли ва легирланган сим маркаларининг шартли белгилари охиридаги А ҳарфи металлнинг олтингугурт ва фосфор миқдори бўйича ўта тозалигини билдиради. Сиртдан кўриниши бўйича кам углеродли ва легирланган сим мисланган ва мисланмаган хилларга бўлинади. Мисланган сим буюртмачининг махсус талабномасига мувофиқ етказиб берилади. Бундан ташқари, буюртмачининг махсус талабномасига мувофиқ электр- шлак, вакуум-ёй ёки вакуум-индукцион усулларда эритиб олинган пўлатлардан симлар тайёрланади. Симларнинг турли хил хиллари шартли белгиларига эга: Э—электрод тайёрлаш учун; О— мисланган; Ш— электр-шлак, усулида эритиб олинган пўлатдан олинган; ВД— вакуум –ёй усулида эритиб олинган пўлатдан олинган; ВИ— вакуум –индукцион печда эритиб олинган пўлатдан тайёрланган. Диаметри 3 мм, маркаси Св-08А бўлган, пайвандлаш учун мўлжалланган (эритиб қоплаш учун), сирти мисланган пайвандлаш симининг шартли белгиси мисол: Проволка 3 Св-08А ГОСТ 2246-70; диаметри 4 мм ли пайвандлаш сими, маркаси Св-04Х19Н9, электродлар тайёрлаш учун мўжалланган: Проволка 4Св-0419Н9— Э ГОСТ 2246—70; диаметри 2 мм ли пайвандлаш сими, маркаси Св-30Х25Н16Г7, пайвандлаш учун (эритиб қоплаш учун) мўжалланган, электр-шлак усулида эритиб олинган пўлатдан тайёрланган: Проволока 2 Св-30Х25 Н16Г7—Ш ГОСТ

2246-70; диаметри 2,5 мм ли пайвандлаш сими, маркаси Св-08ХГСМФА, электродлар тайёрлаш учун мўжалланган, вакуум-индукцион печда эритиб олинган пўлатдан тайёрланган, сирти мисланган: Проволока 2,5 Св- 08ХГСМФА-ВН-Э-О ГОСТ 2246-70. Симларни истеъмолчига ўрамларда келтирилади, етказиб берувчи билан келишилган ҳолда- тўғри тўртбурчак кесимли ўрамларда, ғалтакларга ўралган ҳолда шунингдек, кассеталарда. Симнинг сирти тоза бўлиши (қасмоқлари, занги, ифлосликлари ва мой бўлмаслиги) керак. ГОСТ 2246-70 га кўра 0,3-12 мм ли сим ишлаб чиқариш кўзда тутилган. Пайвандлаш сими алюминий ва унинг қотишмаларини пайвандлаш учун 25 та турли диаметрларда чиқарилади. (0,8—12,5мм). АМц маркали алюминий қотишмасидан загартовкаланган ҳолатда чўзиб тайёрланган (В), диаметри 5 мм ли, ўрамда (БТ) етказиб бериладиган пайвандлаш симининг белгиланишига мисол: Проволка В. Св АМц. Н 5,00ХБТ ГОСТ 7871-75. Мис ва унинг қотишмаларининг пайвандлаш учун мисдан ва унинг мис асосида тайёрланган (ГОСТ 16130—85) М1; М1р; МСр1; МНЖ5-1; МНЖКТ5-1—0,2— 0,2 маркали қотишмаларидан; БрКМц-3—1; Бр0Ц4-3; БрАМц9-2; Бр0Ф6,5—0,15; БрАЖц 10-3—1,5; БрХ067; БрХНТ; БрНЦр; БрАЖМц10-3-1,5; Бр0Ц4— 3; Бр0Ф,6,5— 0,15 маркали бронзали қотишмаларидан; Л63; ЛО60-1; ЛК62- 0,5; ЛКБО62-0,2-0,0,5 маркали латунли қотишмалардан ва М1р; М2р; ЛМц58-2; ЛОК59-1— 0,3 маркали симлардан фойдаланилади. Белгиланишларда қуйидаги қисқартмалар қабул қилинган; тайёрлаш усули: Д—совуқлайин деформацияланган (чўзилган), Г— қиздириб деформацияланган (прессланган); кесимнинг шакли КР— думалоқ (круглая); ҳолати: М— юмшоқ (мягкое); Т— қаттиқ (твердое); узунлиги: БТ— калава, ўрама ҳолида, КТ— ғалтакларда (катушки), БР— барабанларда, СР— ўзакларда, НД— ўлчанмайдиган узунликда.

Совуқлайин деформацияланган, қаттиқ, диаметри 2 мм ли, ўрама ҳолидаги Бр ОЦ4-3 маркали қотишмадан тайёрланган пайвандлаш симининг шартли белгисига мисол: Проволока сварочная ДКРТ 2,0 БТБр0Ц4-3 ГОСТ 16130-85. Титанни пайвандлаш учун ВТ1,ВТ5,ВТ5-1 ва бошқа маркали қотишмалардан тайёрланган симлар ишлатилади. Чўяни пайвандлашда вазифасига қараб ПЧ1, ПЧ2, ПЧ3, ПЧН1, ПЧН2, ПЧИ, ПЧВ маркали симлардан фойдаланилади. Пайвандлаш ва эритиб қоплаш учун ГОСТ 2671-80 га кўра 4,6 8, 10,12, 16 мм диаметрли, 250,350,450 мм узунликдаги чўян чивиқлар чиқарилади. Диаметри 12 мм ли ПЧ1 маркали чўян чивиқнинг шартли белгиланишига мисол: пруток 12ПЧ1 ГОСТ 2671-80. Чивиқлар бир учидан ювилиб кетмайдиган турли рангдаги бўёқлар билан маркаланади: ПЧ1-1 қора рангда,ПЧ2— оқ рангда, ПЧ3— қизил рангда, ПЧН1— кўк рангда, ПЧН2— малла рангда, ПЧИ— сариқ рангда. ПЧВ— яшил рангда. 2. Электродларнинг классификацияланиши Электродлар қуйидаги белгиларига: тайёрланган материалига; маълум пўлатларни пайвандлаш учун мўжалланганлигига; стержинига қопланган қоплама қалинлигига; қоплама турига; қоплама эриганида ҳосил бўладиган шлакнинг ҳарактерига; чок металининг техник хоссаларига, пайвандлаш ёки эритиб қоплаш учун йўл қўйиладиган фазовий вазиятга пайвандлашда ёки эритиб қоплашда қўлланиладиган ток тури ва қутблилигига қараб классификацияланади. Электродлар фойдаланиш учун қуйидаги зарур технологик шартларни таъминлаши керак: ёйнинг осон ёндирилиши ва турғун (барқарор) ёнишини, қопламанинг бир текис эришини, чокнинг шлак билан бир текис қопланишини, пайвандлашдан кейин шлакни осон кетказишни, чок металида пайвандланмай қолган жойлар, ғоваклар, дарзлар бўлмаслигини.

Пўлат электродлар ГОСТ 9466-75,ГОСТ 9467-75, ГОСТ 10051-75, ГОСТ 10052-75 бўйича тайёрланади. ГОСТ 9466-75 да электродлар пайвандланадиган материалларга қараб группаларга бўлинади: углеродли ва камуглеродли конструкцион пўлатлар —У (шартли белгиси); легирланган конструкцион пўлатлар — Л; легирланган иссиқбардош пўлатлар — Т; кўп легирланган махсус хоссали пўлатлар —В; сирт қатламларига эритиб ёпиштириш учун мўжалланган махсус хоссали пўлатлар—Н. Қопламанинг қалинлиги ва электрод диаметрининг стержень диаметрига нисбати D/d га қараб қуйидаги электродлар тайёрланади: юпқа қопламали (D/d<1,20) —М; ўртача қопламали (1,20—< D/d<1,45) С; қалин қопламали (1,45< D/d 1,80) — Д;ўта қалин қопламали (D/d>1,80)—Г. Электрод қопламаларнинг умумий вазифаси —пайвандлаш ёйининг турғун ёнишини ва хоссалари олдиндан белгиланган (мустаҳкамлиги, пластиклиги, зарбий қовушқоқлиги, коррозиябардошлиги ва бошқалар) чок метали ҳосил қилишни таъминлашдир. Пайвандлаш ёйининг турғун ёнишига электрод билан пайвандланаётган детал орасидаги ҳаво оралиғида ионлашув потенциалини камайтириш йўли билан эришилади. Қоплама қуйидаги вазифаларни бажаради. Пайвандлаш зонасини ва эриган метални газ ҳосил қилувчи моддаларнинг ёнишида чиқадиган ва эриган метални кислород ва азотнинг таъсиридан сақлайдиган газ ёрдамида муҳофаза қилиш. Газ ҳосил қилувчи моддалар таркибига органик бирикмалар: ёғоч уни, целлюлоза, ип газлама каби бирикмалар тарзида киритилади. Пайвандлаш ваннасининг металини темирга қараганда кислородга яқин бўлган ва шлак таркибида бўлган кислородни боғловчи элементлар билан оксидлантириш. Буларга марганец, титан, молибден, хром, кремний, алюминий, графит киради, улар пайванд чокнинг металида эриган ҳолда бўлиб, кислород билан осонгина химиявий бирикади ва ўзлари пўлатда эримагани учун ёки камроқ эригани учун пайвандлаш ваннасининг юзасига оксидлар тарзида қалқиб чиқади. Кўпгина оксидлантирувчилар қопламага тоза ҳолида эмас, балки ферроқотишмалар тарзида киритилади.

Ёй оралиғи орқали ўтувчи электрод металининг томчилари сиртида шлак қобиғи ҳосил қилиш йўли билан эриган металлни ҳаводаги кислород ва азот таъсиридан ҳимоя қилиш ва эриган чок метали сиртида шлак қоплами ҳосил қилиш учун шлак ёрдамида муҳофазалаш. Шлак қопламалари чок металининг совиш ва қотиш тезлигини камайтириб, ундан газ ва нометалл қўшилмаларнинг чиқиб кетишига ёрдам беради. Қопламанинг шлак ҳосил қилувчи компонентларига қуйидагилар киради: титанли концентрат, марганецли руда, каолин, мармар, бўр, кварц қуми, доломит, дала шпати. Эритиб қопланган металлга махсус хоссалар бериш учун чок металини легирлаш (асосан механик хосаларини, ейилишга чидамлигини, оловбардошлигини, коррозиябардошлигини ошириш учун). Хром, никель, молибден, вольфрам, марганец, титан ва бошқа шу каби легирловчи элементлар энг кўп ишлатилади. Чок металини легирлашни кўпинча зарур элементларга эга бўлган махсус сим ёрдамида бажарилади. Кўпинча чок металини электрод қопламига элементлар киритиш йўли билан легирланади. Легирловчи компонентлар — ферроқотишмалар, баъзан тоза металлар. Меҳнат унумдорлигини ошириш, яъни вақт бирлиги ичида эритиб ёпиштириладиган металл миқдорини ошириш учун электрод қопламаларига баъзан темир кукуни киритилади. Қопламага киритилган темир кукуни электродларнинг технологик хоссаларини яхшилайди (ёйнинг такрор ёнишини яхшилайди, эритиб ёпиштирилган металлнинг совиш тезлигини камайтиради, бу эса паст температуралар шароитида пайвандлашда яхши таъсир кўрсатади). Қопламаларни электрод стерженига қотириш учун, масалан, стабилловчи хоссаларга эга бўлган суюқ шишадан фойдаланилади. Қоплама таркибида 20% дан ортиқ темир кукуни бўлганида қоплама турини кўрсатувчи белги ёнига Ж ҳарфини қўшиб қўйиш зарур. Қоплама турига қараб электродлар хилларга бўлинади: А— таркибида темир, марганец, кремний ва баъзан, титан оксидлари бўлган кислотали қопламали. Чок метали оксидланиши, зичлиги юқорилиги

билан фарқ қилади ва ўзгармас ҳамда ўзгарувчан токларда (тўғри ва тескари қутбли) пайвандлашга имкон беради; Б—асос сифатида таркибида кальций фтор (плавик шпат) ва кальций карбонат (мармар, бўр) бўлган асосли қопламали. Асосли қопламали электродлар билан пайвандлаш тескари қутбли ўзгармас ток билан бажарилади.чок метали кристаллизацион ва совуқ дарзлар ҳосил бўлишига камроқ мойил бўлганлиги сабабли бундай қопламали электродлар билан катта кесимларни пайвандлашда фойдаланилади; Ц— целллозали қопламали электродлар, буларнинг асосий компонентлари электродлар, буларнинг асосий компонентлари ёйни газдан муҳофаза қилади ва эриганида юпқа шлак ҳосил қилади. Целлюлозали қопламали электродлардан, одатда, юпқа пўлатларни пайвандлашда фойдаланилади; Р— рутил қопламали электродлар, уларнинг асосий компоненти — рутил (TiO 2 ). Шлак ва газ ёрдамида муҳофаза қилиш учун бу типдаги қопламага тегишли минерал ва органик компонентлар, процесснинг унумдорлигини ошириш учун эса баъзан темир кукуни қўшилади. Ўзгармас ва ўзгарувчан токда пайвандлашда металл жуда кам сачрайди. Ёйнинг турғун ёниши юқори, чокнинг шаклланиши ҳамма фазовий шароитларда яхши; П— қолган барча турдаги қопламалар. Аралаш турдаги қопламаларда тегишлича қўшалоқ шартли белгилардан фойдаланилади. Пайвандлаш ёки эритиб ёпиштиришда йўл қўйиладиган фазовий вазиятлар бўйича электродлар қуйидагиларга бўлинади; 1— ҳамма вазиятлар учун; 2— юқоридан пастга қаратиб вертикал пайвандлашдан ташқари ҳамма вазиятлар учун; 3— вертикал текисликда пастки, горизонтал вазият ва пастдан юқорига қаратиб вертикал вазиятда пайвандлаш учун; 4 — пастки ва пастки «лодочка» вазияти учун.

Пайвандлашда ёки эритиб ёпиштиришда фойдаланиладиган токнинг тури ва қутблигига, шунингдек, пайвандлаш ёйини таъминловчи 50 Гц ли ўзгарувчан ток манбаи салт ишлашининг номинал кучланишига қараб, электродлар қуйидагича белгиланади: О— фақат тескари қутбли ўзгармас ток учун; 1,2,3,—50±5 В ли ўзгарувчан ток манбаи (тегишлича ҳар қандай, тўғри ва тескари қутбли) учун;4,5,6— шунинг ўзи, 70 ±10 В учун; 7,8,9 — шунинг ўзи 90±5 В учун. ГОСТ 9467-75 углеродли, легирланган конструкцион ва легирланган иссиқбардош пўлатларни пайвандлаш учун электродларни шу электродлар билан бажарилган чок метали ва пайванд бирикма металининг механик хоссаларига қараб бир неча типда классификациялайди. Ҳар қандай типга электродларнинг бир ёки бир неча тури келиши мумкин. Электродларнинг маркаси қопламанинг маълум таркибида бўлиши, электрод стерженининг маркаси, технологик хоссалари, чок металининг хоссалари билан ҳарактерланади. Электродларга қўйиладиган умумий талаблар, қабул қилиш қоидалари, чоклар ва пайванд бирикмаларни синаш методлари, маркалаш ва упаковка қилиш, электродларга тааллуқли ҳужжатлар ГОСТ 9466-75 да белгиланган. Конструкцион пўлатларни пайвандлаш учун мўжалланган электродларнинг шартли белгиси электрод маркасининг белгиси, унинг типи, стерженининг диаметри, қоплама типи ва ГОСТ номеридан иборат. Масалан, ГОСТ 9467-75 га кўра бу қуйидагича типи (Э—ёй билан пайвандлашга мўжалланган электрод; 46—кгк/мм 2 ҳисобида чок металининг гарантияланадиган минимал мустаҳкамлик чегараси —460 МПа; А— чок металининг юқори пластик хоссалари гарантияланади); УОНИ-13/45 —

электрод маркаси, 3,0— диаметр; У— углеродли ва кам легирланган пўлатларни пайвандлаш учун; Д2—иккинчи группа қалин қоплама; Е— электрод; 432(5)— ГОСТ 9467-75 га кўра белгиланган индекслар бўлиб, эритиб ёпиштирилган ва чок металининг ҳарактеристикаларини кўрсатади; 43— узилишга вақтинчалик қаршилиги — камида 430 МПа; 2 —нисбий узайиши камида 22%; 5— зарбий қовушоқлиги, камида 34,34,5 Ж/см 2 (минус 40 0 С температурада); Б—асосли қопламали; 1 — ҳамма фазовий вазиятларда пайвандлаш учун; О—тескари қутбли ўзгармас токда. 3. Углеродли ва кам легирланган конструкцион пўлатларни пайвандлашга мўжалланган электродлар Одатдаги мустаҳкамликдаги пўлатлар учун Э38, Э42, Э46, Э50, Э42А, Э46А, Э50А,Э55 ва Э60 электродлари мўжалланган мустаҳкамлиги оширилган ва юқори мустаҳкамликдаги пўлатлар учун Э70, Э85, Э110, Э125, Э150 электродлари мўжалланган. Конструкцион пўлатларни пайвандлашга мўлжалланган электродлардан фойдаланилганда меъёрларгамос келиши керак. Қўлда пайвандлашда ишлатиладиган электродларнинг асосий маркалари ва уларнинг ҳарактеристикаси 8-жадвалда келтирилган. 8-жадвал Элект род токи Меъёрл температурада механик хоссалар (камида) Асосий вазифаси Чок метали ёки эритиб ёпиштирилганметаллни ки Диаметри 3 мм ли электродлар билан бажарилган пайванд бирикманики Вақтин чалик қарши лиги, Нисби й узайи ши, % Зарби й қовуш оқлиг Вақтинчал ик қаршилиги , МПа Эгили ш бурчаг и,

МПа и, Ж/см 2 а 0 Э38 Э42 Э46 Э50 380 420 460 500 14 18 18 16 30 80 80. 70 380 420 460 500 60 150 150 120 Вақтли қаршилиги 50 МПа гача бўлган углеродлива кам легирланганконстр укцион пўлатларни пайвандлаш Э42 А Э46А Э50А Э55 Э60 420 460 500 550 600 22 22 20 20 18 150 140 130 120 100 420 460 500 550 600 180 180 150 150 120 Пастиклиги ва зарбий қовушоқлигига оширилган талаблар қўйилган углеродлива кам легирланган конструкцион пўлатларни пайвандлаш Э70 Э85 700 850 14 12 60 50 — — — — вақтли қаршилиги 500 —600 Мпа булган углеродли ва кам легирланган конструкцион пўлатларни пайвандлаш мустаҳкамлиги оширилган ва

юқори вақтли қаршилиги 600 МПа Э100 Э125 Э150 1000 1250 1500 10 8 6 50 40 40 — — — — — — Бўлган легирланган конструкцион пўлатларни пайвандлаш. Эслатма. Э706, Э85, Э100, Э125, Э150 типидаги электродлар учун термик ишловберилгандан кейинги механик хоссалари электроднинг паспортига мувофиқ кўрсатилган.

Легирланган иссиқбардош пўлатларни пайвандлаш учун мўлжалланган электродлар. Бу пўлатлар ГОСТ 9467-75 бўйича тўққиз типдаги электродлар билан пайвандланади, бу электродлар механик хоссалари ва химиявий таркиблари бўйича классификацияланади. Э ҳарфидан кейин турган ҳарфлар эритиб ёпиштирилган металдаги легирловчи элементнинг гарантияланган миқдорини кўрсатади. Иссиқбардош пўлатларни пайвандлаш учун мўлжалланган электродларнинг маркалари ва ҳарактеристикалари 7 ва 8 –жадвалда келтирилган. Махсус хоссали кўп легирланган пўлатларни пайвандлаш учун мўлжалланган электродлар (ГОСТ 10052-75). Коррозиябардош, оловбардош ва ўтга чидамли кўп легирланган мартенситли, мартенсит- ферритли, ферритли, аустенит- ферритли ва аустенит классли пўлатларни пайвандлаш учун электродларнинг 49 типи мавжуд (9-жадвал). Сирт қатламларга металл эритиб ёпиштириш учун мўлжалланган электродлар. ГОСТ 10051-75 бу мақсад учун қопламали металл электродларнинг 44 типи белгиланган (10-жадвал). Электрод стерженининг

химиявий таркибига ва унинг механик хоссаларига катта таъсир кўрсатади. Электрод стерженининг диаметри электродни технологик жиҳатдан ишлатиш мумкинлигини ва пайвандлаш токининг йўл қўйиладиган қийматлари диапазонини, бинобарин, пайвандланадиган буюмни қиздириш температурасини пайвандлаш ваннасининг ўлчамларини ҳамда суюқ ҳолида оқувчанлигини белгилайди. 4. Кўп легирланган пўлатларни пайвандлаш Темир асосидаги, 5-55% миқдорида битта ёки бир нечта элементлар билан легирланган пўлатлар кўп легирланган пўлатлар деб аталади. Улар легирлаш системаси, структураси, хоссалари ва вазифасига қараб классификацияланади. Кўп легирланган пўлатларни пайванлаш учун мўлжалланган электродларнинг маркалари ва типлари 9-жадвалда келтирилган. Бу пўлатларнинг мустаҳкамлиги, қовушоқлиги ва пластиклиги юқори бўлади. Пайвандлашда уларнинг электр ўтказувчанлиги ва иссиқ ўтказувчанлиги камлиги ҳисобга олиниши зарур, булар анча катта тоб ташлашга (қийшайишга) ва кристаллитлараро коррозияланишга сабаб бўлади. Шунинг учун пайвандлаш режимларига риоя қилиш айниқса муҳимдир. Пайвандлаш ЗИО-3, ОЗЛ-8,ЦЛ-11, ЦТ-1 ва бошқа электродлар билан мис остқўймалардан фойдаланилган ёки чокларни сув ёхуд сиқилган ҳаво ёрдамида тез совитишни қўллаган ҳолда тескари қутбликдаги ўзгармас токда бажарилади. Куйиндибардош пўлатлар тескари қутбликдаги ўзгармас токда ЦЛ-25, ОЗЛ4, ОЗЛ-9А, ГС-1, ОЗЛ-5 ва ЦТ-17 электродлари билан пайвандланади. Пайвандлашдан кейин кучланишни йўқотиш учун пўлатлар термик ишланади (650 0 С да бўшатилади). Таркибида 4-14% хром бўлган 40Х9С2, 15Х5М, 10Х5МФ, 12Х13 хромли пўлатлар мартенсит классига киради. Улардан агрессив муҳитида

ишлайдиган мустаҳкамлиги юқори конструкциялар (нефтни қайта ишлаш саноатининг аппаратураси) тайёрлашда фойдаланилади. Таркибидаги хром миқдори 18-30% бўлган 15Х28, 15Х18СЮ пўлатлари феррит классига киради. Улар юқори температураларда оксидланишга яхши қаршилик кўрсатади. Хромли пўлатларни ҳавода чиниқиб мартенситли структура ҳосил қилишга мойиллиги ва термик таъсир зонасида донларнинг ўсиши бу пўлатларни пайвандлашдаги асосий қийинчиликларни ташкил этади. Хромли пўлатларни пайвандлашдан олдин уларни олдиндан 200-400 0 С гача қиздириб олиш мумкин. Пайвандлаб бўлгандан кейин буюмни тинч ҳавода 150-200 0 С гача совитилиб сўнгра юқори температурада бўшатилади: печда 720-750 0 С гача қиздирилиб, металлнинг 1 мм қалинлигига 5 минут ҳисобида, бироқ камида 1 соат мобайнида тутиб турилиб, кейин тинч ҳавода секин совитилади. Таркибида 7-10% хром бўлган пўлатлар печда металлнинг 1мм қалинлигига 10 минут ҳисобидан тутиб турилади. Пайвандлаш ЦЛ-17-63, УОНИ-13/85 электродлари билан тескари қутбликдаги ўзгармас токда бажарилади. Тобланиш магнит ёрдамида текширилади (тобланган пўлат магнитланмаган бўлади). Кўп легирланган пўлатлар ва қотишмалар қўлда одатдаги конструкцион пўлатлардек пайвандланади. Шу билан бирга бир қанча ўзига хос хусусиятлари бор, булардан асосийси: кўпроқ асос қопламали электродларнинг ишлатилиши; тескари қутбликдаги ўзгармас токда, электродларни кўндалангига тебратмасдан қисқа ёй билан, нисбатан қисқа электродлар билан кичик токларда пайвандлаш. 10-жадвал Электродла р маркаси Қуйидаги диаметрли электродлар билан пастки вазиятида пайвандлаш ток кучи, А Эритиб қоп-лаш коэффи- циенти Н, г/А соат 1 кг эритиб қоплаг ан маталлга с арф, кг Фазовий вазият

2 3 4 5 ЦЛ-17-63 - 80-120 130-160 180-210 10,5 1,6 Ҳар қандай ЦЛ-33 - 80-110 100-140 160-200 13 1,5 « ЦЛ-11 40-55 70-90 110-130 140-160 12,5 1,8 « ОЗЛ-6 30-50 60-80 120-140 140-160 11,5 1,6 « НИАТ-5 30-50 50-80 100-140 130-170 12,5 1,8 Пастки ва вертикал КТИ-7-62 - 80-100 110-130 140-160 11,2 1,6 Пастки ЦТ-28 - 80-110 110-140 - 10,5 1,75 Ҳар қандай Кўп легирланган пўлатлар ва қотишмаларни аустенит электродлар билан пайвандлаш режими шундай ҳисоб билан белгиланадики, бунда ток кучининг электрод диаметрига нисбатан 25-30А/мм дан ошмаслиги керак (26-жадвал). Вертикал ёки шип вазиятларда аустенит электродлар билан пайвандлаш ток кучи пастки вазиятда пайвандлашдаги шу параметрга нисбатан 10-30% камайтирилади. Чок металида ғовакликлар ҳосил бўлишининг олдини олиш мақсадида электродларни 1—1,5 соат мобайнида 250-400 0 С температурада тоблаб олиниши керак.

Назорат саволлари 1. Пайвандлашда фойдаланиладиган симларнинг турларини санаб беринг. 2. Пайвандлаш симларига қандай талаблар қўйилади? 3. Электродларнинг қандай турларини биласиз? 4. Электрод қопламаларнинг вазифаси нимадан иборат? 5. Электродларга қандай умумий талаблар қўйилади? 6. Лигерланган пўлатлар қандай пайвандланади?

АДАБИЁТЛАР 1. С.К. Камолов, Т.К. Жабборов, Саноат корхоналарининг электр таъминоти. Фарғона, “Фарғона” 2002 2. М.М. Матбобоев, Электротехнологик қурилмалар. Фарғона, “Фарғона” 2002 3. М.В. Авдеев, Е.Л. Воловик, Технология ремонта машин и оборудования. Москва, Агропромиздат, 1986 4. В.Ч. Черноиванов, Организация и технология восстановления деталей машин. Москва, Агропромиздат, 1989 5. Ш.У. Йўлдашев, Машиналар ишончлилиги ва уларни таъмирлаш асослари. Тошкент, “Ўзбекистон”, 1994 6. И.Г. Гореоышев, Слесарно – сборочные работы. 7. А.М. Красин. Слесарь механосборочных работ. 8. Г.Ч. Куценко, Основы гигиены труда и производственной санитарии. 9. С.М. Эйнис, Технология слесарных, ремонтных и сборочных работ. 10. Н.И. Макиенко, Общий курс слесарного дела. 11. Н.И. Макиенко, Слесарное дела с основами материаловедения.

Похожие

Портлатиб пайвандлаш ва бундай бирикманинг хусусиятлари. Ультра товушли пайвандлаш, уни технологияси ва ускуналари

Чўян, рангли металлар ва уларнинг қотишмаларини пайвандлаш

Қурилиш материаллари ва узун ўлчамли юкларни ташувчи автопоездлар

Машина деталларини тиклаш усулларининг туркуми, механизациялаштирилган усулларда пайвандлаш ва эритиб қоплаш усуллари

Машина деталларини таъмирлаш