Keskichlar - Машиностроение - Рефераты

Keskichlar

Загружено в:

29.11.2022

Скачано:

0

Размер:

199.5791015625 KB

Keskichlar Reja: 1. Tokarlik o’tuvchi keskichlarni konstruktiv elementlari va geometrik parametrlari 2. Keskichlarni turi va konstruktsiyalarining hususiyatlari 3. Tokarlik keskichlarini loyixalashda qirindi hosil qilish va sindirish usullari

Keskichlar eng ko’p tarqalgan kesuvchi asbob hisoblanadi. Ularni tokarlik, yo’nib kengaytirish, randalash, ko’chirish (dolbyojniy) va boshqa turdagi dastgohlarda turli shakldagi ichki va tashqi yuzalarga mexanik ishlov berishda qo’llaniladi. Keskichlar quyidagi belgilari bo’yicha klassifikatsiyalanadi: 1) dastgohning turi bo’yicha – tokarlik, yo’nish, randalash va boshq.; 2) bajariladigan operatsiyaning turi bo’yicha – o’tuvchi, kesib tushiruvchi, shakldor, rezba kesuvchi va boshq.; 3) surishning yo’nalishi bo’yicha – radial, tangensial; 4) konstruktsiyasi bo’yicha – yaxlit, yig’ma, payvandli, kavsharli yoki kesuvchi plastina mexanik mahkamlangan; 5) kesuvchi qismining materiali bo’yicha – tezkesar, qattiq qotishmali, keramik plastinali, o’ta qattiq materialli (olmos, elbor va boshq.) plastinali. 1. Tokarlik o’tuvchi keskichlarni konstruktiv elementlari va geometrik parametrlari Barcha tokarlik keskichlari ichida o’tuvchi keskichlar keng ko’lamda qo’llaniladi. Ular tashqi va ichki yuzalarni yo’nish, toretslarni kesish va x.k. ishlarda qo’llaniladi. O’tuvchi keskichlar prizma shaklida bo’lib, kesuvchi qism (kallak) va tutqichdan (1-rasm) tashkil topgan. Keskichning kallagi oldingi 1, asosiy orqa 2 va yordamchi orqa 3 yuzalardan tashkil topgan. Ushbu yuzalarning o’zaro kesishuvi bosh yuza 4 va yordamchi kesuvchi tig’ 5 larni hosil qiladi. Oldingi yuzadan keskich qirqib olgan qirindi xarakatlanadi. Bosh orqa yuza bosh kesuvchi tig’ tomonidan hosil bo’lgan kesish yuzasiga qaratilgan, yordamchi orqa yuza esa – detalni ishlov berilgan yuzasiga qaratilgan.

Yuqorida keltirilgan yuzalar va kesuvchi tig’lar charxlashdan so’ng ikkita koordinata tekisliklari va surish yo’nalishiga nisbatan ma’lum burchak ostida joylashadi. 1-rasm. Tokarlik keskichining konstruktiv elementlari: 1 – oldingi yuza; 2 – asosiy orqa yuza; 3 – yordamchi orqa yuza; 4 – bosh kesuvchitig’; 5 – yordamchi kesuvchi tig’. 2-rasmda zagotovka va keskichning ko’rinishi hamda keskichning ishchi chizmasida ko’rsatiluvchi γ , α , α 1 , λ , φ , φ 1 parametrlari ko’rsatilgan. Quyida ularning ta’rifi va qiymatlarini tanlash bo’yicha tavsiyalar berilgan.

2-rasm. Tokarlik o’tuvchi keskichining geometrik parametrlari Oldingi burchak γ – asosiy va oldingi yuzalarga urinma yuzalar orasidagi burchak. Ushbu burchakning qiymati kesish rejimiga ta’sir ko’rsatadi, chunki unga metalning qirindiga ajralishida deformatsiyalanish darajasi, kesuvchi ponaga kuch va issiqlik yuklanishlari va kesish zonasidan issiqlikni olish sharoitlari bog’liqdir. Oldingi γ burchakning optimal qiymati ishlov beriluvchi zagotovka va kesuvchi materialning fizik mexanik xossalari, kesish rejimi omillari ( v,s,t) va ishlov berishning boshqa sharoitlariga bog’liq holda tajriba yo’li bilan aniqlanadi. Umuman ushbu burchakning qiymati 0...30º oralig’ida bo’ladi. Mo’rt kesuvchi materialdan tayyorlangan kesuvchi ponaning mustahkamligini oshirish uchun oldingi yuzada nul yoki manfiy oldingi burchakli ( γ f =0...–5º) f kenglikda faska surishga bog’liq holda yo’nib tayyorlanadi. Orqa burchak α – bu kesish yuzasi bilan orqa yuzaga urinma yuzalar orasidagi burchakdir. Aslida ushbu burchak tirqish burchagi bo’lib, keskichning orqa yuzasini kesish yuzasiga ishqalanishiga qarshilik ko’rsatadi. Ushbu burchak keskichning jadal yeyilishiga to’sqinlik qiladi va γ burchak bilan birgalikda

kesuvchi pona mustahkamligi va kesish zonasidan issiqlikni olish sharoitlariga ta’sir ko’rsatadi. Kesuvchi pona kichik yuklanishda bo’lib mustahkamligi yuqori bo’lsa, α burchakning qiymati shuncha katta bo’ladi, masalan, tezkesar po’latdan tayyorlangan keskichlar uchun konstruktsion po’latlarga dastlabki ishlov berishda α = 6...8º, toza ishlov berishda α = 10...12º bo’ladi. Asosiy kesuvchi qirraning og’ish burchagi λ – bu burchak keskich cho’qqisidan o’tkazilgan asosiy yuza bilan kesuvchi qirra orasidagi buchak bo’lib, kesish yuzasidan o’lchanadi va keskich cho’qqisi A ni zarbiy kuchlardan saqlash va chiqayotgan qirindi yo’nalishini o’zgartirish uchun hizmat qiladi. λ burchak, agar keskichning cho’qqisi bosh kesuvchi qirraning boshqa nuqtalariga nisbatan pasaytirilgan bo’lsa, u holda musbat hisoblanadi. Bunda qirindi ishlov berilgan yuza tomonga yo’naladi ( V nuqtadan A nuqtaga), bu esa uning g’adir-budirligi sifatini pasayishiga olib keladi. Bu holat dastlabki ishlov berishda sodir bo’lishi mumkin, chunki undan so’ng toza ishlov berishda notekisliklar bartaraf etiladi. Ammo toza ishlov berishda qachonki kesuvchi ponaga tushayotgan yuklanish uncha katta bo’lmaganida, ishlov berilgan yuzadan hosil bo’lgan qirindini olish birinchi darajali masala bo’ladi. SHu maqsadda ushbu burchakni manfiy (– λ ) qiymati tayinlanadi. Bunda keskichning cho’qqisi A kesuvchi qirraning eng baland nuqtasi hisoblanadi va qirindi A nuqtadan V nuqtaga qarab yo’naladi (2-rasm). λ burchakning mavjudligi keskichlarni charxlashni (o’tkirlash) qiyinlashtiradi, shuning uchun ushbu burchakning qiymati uncha katta bo’lmay λ =+5...–5º oralig’ida bo’ladi. Asosiy φ va yordamchi φ 1 burchaklar – bu burchaklar, bo’ylama surish s b ning yo’nalishi bilan bosh va yordamchi kesuvchi qirralarning asosiy tekislikka proektsiyalari orasidagi burchaklardir. φ bosh burchak qiymatini kesiluvchi qatlamning qalinligini uning kengligiga nisbati bilan aniqlanadi. φ burchakning kamayishida hosil bo’layotgan qirindi yupqalashadi, issiqlikni ajralish sharoiti

yaxshilanadi, shu bilan birga keskichning turg’unligi ortadi, ammo kesish kuchining radial tashkil etuvchilari o’sadi. Uzun va kichik diametrli zagotovkalarni yo’nishda yuqoridagi holatlar deformatsiya va titrashni paydo qilishi mumkin, U holda φ =90º qabul qilinadi. Boshqa holatlar uchun quyidagilar tavsiya etiladi: – toza ishlov berishda φ =10...20º; – dastlabki ishlov berishda (l/d=6...12º) φ =60...75º; – bikrligi yuqori bo’lgan zagotovkalarga dastlabki ishlov berishda φ =30...45º qabul qilish tavsiya etiladi. φ 1 yordamchi burchak ishlov berilgan yuzada hosil bo’lgan g’adir- budirlikning balandligi h ga ta’sir ko’rsatadi, bunda φ 1 va surish s ning ortishi bilan uning qiymati ham ortadi, chunki h = stg * tg φφ +* tgtg φφ 11 . O’tuvchi keskichlarda odatda φ l =10...2º olinadi. φ l burchakni nul qiymatgacha kichrayishi bilan h ning qiymati ham nulga kichrayadi, bu esa uzatishni oshirishga imkon beradi, natijada kesish jarayonining unumdorligi ortadi. Yordamchi orqa burchak α l – bu burchak N 1 -N 1 kesimda yordamchi kesuvchi qirraga perpendikulyar o’lchanib α ga teng qilib qabul qilinadi, α l esa yordamchi orqa burchak va zagotovkaning ishlov berilgan yuzasi orasidagi tirqish hosil qiladi. Yordamchi oldingi burchak γ l oldingi yuzani charxlash bilan aniqlanadi va keskichning chizmasida ko’rsatilmaydi. Keskichning kesuvchi qismini mustahkamligini oshirish maqsadida, uning cho’qqisini dumaloqlash radiusi ko’zda tutilgan bo’lib, uning qiymati r =0,1...3,0 mm.ga teng. Bunda radiusni katta qiymatini qattiq va bikr zagotovkalarga ishlov berishda qabul qilinadi.

Keskichlarni tayyorlash va ularni charxlashda N 1 -N 1 kesimda γ va α burchaklardan tashqari ushbu burchaklarni tutqichni (kopus) normal va bo’ylama kesimlarida ham yaratish ehtiyoji tug’iladi. Ushbu kesimlar burchaklarining hisobi qabul qilingan α , γ , λ va φ qiymatlari asosida hisoblanadi. 2. Keskichlarni turi va konstruktsiyalarining hususiyatlari Tokarlik keskichlarining boshqa turlaridan qirquvchi (podreznoy), yo’nuvchi, va kesib tushiruvchi turlari ishlab chiqarishda ko’plab qo’llaniladi. Qirquvchi (podreznie) keskichlar (3- a , b rasmlar) bukilgan va to’g’ri tutqichlar bilan tayyorlanadi. Bukilgan tutqich tayyorlashni murakkablashtirganligi bilan quyidagi afzalliklar ga ega: 1) universallik (1 va 2- holatlar); 2) murakkab joylarda ham ishlov berish imkoniyati. Yo’nuvchi keskichlar (3- v , g rasmlar) ichki ochiq va bir tomoni berk teshiklarga hamda ichki kanavkalarga ishlov berishda qo’llaniladi. Tutqichni katta miqdorda chiqiqligi, uning kesimini kichraytirilganligi va qirindini olib chiqishni qiyinligi sababli ushbu keskichlar o’tuvchi keskichlarga nisbatan ancha og’ir sharoitda ishlaydi. Yo’nish keskichlarining tutqichi(derjavka)ni dumaloq kesim yuzali qilib tayyorlanadi, keskichni dastgohga mahkamlash qismi esa kvadrat shaklida tayyorlanadi. Tutqichning diametri ishlov beriluvchi teshik diametriga bog’liq bo’lib, u d T =(0,5...0,8) d 0 ga teng bo’ladi, bu erda d 0 – ishlov beriluvchi teshikning diametri. Yo’nuvchi keskichlarni titrashga turg’unligi va bikrligi past. Keskichni orqa yuzasini kesiluvchi yuzaga tegib qolishini oldini olish maqsadida keskichning tig’ini teshik o’qidan bir muncha masofaga pastda joylashtiriladi va ushbu yuza egri chiziqli shaklda tayyorlanadi. Kesuvchi (otreznoy) keskichlar (3- d rasm) prutok ko’rinishidagi zagotovkalarni kesib olish va zagotovkalarda kanavkalarni tokarlik, revolver dastgohlarida yo’nish uchun qo’llaniladi. Ishlash sharoitini og’irligi sababli (keskichning chiqiq qismining uzunligi sababli metalni qirindiga o’tishidagi og’ir

deformatsiyalanish sharoiti, kesuvchi qism bikrligining pastligi va titrashga turg’unligining pastligi) ushbu keskichlarni asosan tezkesar po’latdan yaxlit holda tayyorlanadi. Kesuvchi qism φ =90º burchakli asosiy kesuvchi qirra va ikkita φ 1 =1º30´...3º burchak ostida joylashgan yordamchi yuzalarga ega. Kavsharlangan qattiq qotishmali plastinalar qo’llanilganida asosiy kesuvchi qirraning uzunligi 5 mm.dan kam bo’lmasligi kerak. Vertikal tekislikda bikrlikni oldingi γ burchak keskichlarni titrashga turg’unligiga salbiy ta’sir ko’rsatadi va γ burchakni pasaytirish bilan titrash ham kamayadi. SHuning uchun γ burchakni γ =2...20º, f =0,2...0,3 mm faska bilan γ f =0...–5º burchak ostida, orqa burchakni α =10...12º burchak ostida charxlash tavsiya etiladi. 3- e rasmda randalash keskichlarini erkin va erkin bo’lmagan kesish jarayonidagi geometrik parametrlari keltirilgan, 3- j rasmda esa ko’chirish keskichlarining γ va α burchaklari keltirilgan. Randalash va ko’chirish keskichlarining geometrik parametrlari tokarlik keskichlariga qabul qilingan qiymatlar asosida olinadi. Bunda zarb ishlashida keskich cho’qqilarining sinishini oldini olish maqsadida λ ni 10...12º gacha olishni tavsiya etiladi. Qattiq qotishmali keskichlar – ushbu qattiq qotishmali plastinalar bilan jihozlangan keskichlar yuqori unumdorlikni ta’minlaydi va keng qo’llaniladi. Plastinalarni tutqichga kavsharlash yoki mexanik usul bilan mahkamlanadi. Yaxlit qattiq qotishmali keskichlarni faqat kichik o’lchamli yuzalarga ishlov berish uchun tayyorlanadi. Qattiq qotishmalardan tayyorlangan kavsharlangan turli shaklga ega bo’lgan standart plastinalarni qo’llanishi kesuvchi asbobni ixcham konstruktsiyasini olishga imkon beradi.

3-rasm. Keskich turlari: a – qirquvchi (o’tuvchi o’ngga bukilgan); b – qirquvchi (o’ngga o’tuvchi); v – ochiq teshiklar uchun yo’nuvchi; g – kanavkalarni yo’nuvchi; d – kesib tushiruvchi; e – randalovchi; j – ko’chiruvchi (dolbyojniy). Bunda qattiq qotishma kavsharlangan keskichning kesuvchi qismini bir necha marotaba charxlab qayta ishlatish imkoni tug’iladi. Ammo uning asosiy kamchiliklaridan biri, qattiq qotishmani kavsharlashda ichki kuchlanishning paydo bo’lishidir. Kavsharlanganidan so’ng paydo bo’lgan ichki kuchlanish natijasida plastinada mikroyoriqlarni hosil bo’lishiga olib keladi va kesish jarayonida plastinani sinib ketishiga sabab bo’ladi. Ichki kuchlanishni bartaraf etishni birdan bir yo’li bu kesuvchi asbobga mexanik usulda mahkamlanadigan almashuvchi ko’p qirrali plastinalarning qo’llanishidir. Plastinaning kesayotgan qirrasi o’tmas holga kelganida almashuvchi plastinani boshqa qirrasi bilan qayta o’rnatilib detallarga ishlov berish davom ettiriladi va bu bilan ularni tez almashuvchanligi ta’minlanib, qayta charxlash talab etilmaydi. Almashuvchi ko’p qirrali plastinalar bilan jihozlangan kesuvchi asboblar kavsharlangan asboblarga nisbatan quyidagi afzalliklarga ega: 1) mustahkamligi va turg’unligi yuqori; 2) plastinani almashtirish uchun harajatlar oz; 3) asbobni almashtirish va sozlashda dastgohning to’xtab turish vaqtini ozligi; 4) plastinalarda yeyilishga chidamli qoplamalarni hosil qilish sharoitini yaxshiligi, bu ularning turg’unligini (4 – 5 marotabagacha) va kesish jarayoni unumdorligini oshiradi.

Kamchiliklari: 1) aniqligi yuqori bo ’ lganligi sababli narxining qimmatligi va plastinani tayyorlashning murakkabligi ; 2) plastinalarni mahkamlash uchun qo’llanilgan elementlarning mavjudligi sababli kesuvchi asbob korpusining gabarit o’lchamlarini kattaligi; Kesuvchi tig’lar soni va plastinalarning shakli bo’yicha ular turli ko’rinishda bo’ladi. 4-rasmda ularning ba’zilari keltirilgan. Almashuvchi ko’p qirrali plastinalar bilan jihozlangan kesuvchi asboblarniing geometrik parametrlarini plastinani tayyorlash vaqtida statika asosida aniqlanadi. Geometrik parametrlari bo’yicha almashuvchi ko’p qirrali plastinalar: a ) negativ ( γ =0º, α =0º); b ) pozitiv ( γ =0º, α >0º); v ) negativ – pozitiv ( γ >0º, α =0º) turlariga bo’linadi (4- b rasm). Negativ va negativ-pozitiv plastinalarni o’rnatishda orqa burchak ularni tutqichga mahkamlashda ma’lum bir burchakka burish bilan qo’yiladi. Bunda negativ plastinalarda orqa burchaklar manfiy, ya’ni (- γ )= α bo’ladi, negativ-pozitiv plastinalarda γ burchakning qiymati α burchakning qiyma- tigacha qisqaradi. Pozitiv plastinalarda γ burchak plastinani soat strel-kasi bo’ylab burish burchagiga teng, α burchak ham shu qiymatga kichrayadi. 4-rasm. Almashuvchi qattiq qotishmali ko’p qirrali plastinalar:

a – plastina shakllari; b – plastinaning geometrik parametrlari (negativ, pozitiv, negativ-pozitiv). Almashuvchi ko’p qirrali plastinani o’rnatish usuliga ko’ra keskichlarning konstruktsiyasi ham turlicha bo’ladi va quyida ularning turlari keltirilgan: a ) yuqoridan qamrovchi; b ) richag yordamida uyani yon yuzalariga teshik orqali qisib; v ) konussimon kallakli vint bilan; g ) teshik orqali qisqich bilan yuqoridan qisib. Ushbu keskichlarning konstruktiv sxemalari 5-rasmda keltirilgan. Keramika va qattiq sintetik materiallar bilan jihozlangan keskichlar . Ushbu materiallar yuqori qattiq, eyilishga va issiqlikka chidamli bo’lib, bunda ishlov berilgan yuzaning sifati va yuqori aniqligi hamda ish unumdorligi oshadi. Kesuvchi ponaning mustahkamligini pastligi ularning asosiy kamchiligidir. Ularni asosan toblangan po’latlar, turli qattiqlikdagi cho’yanlar hamda tarkibida 25% gacha kobal’t bo’lgan qattiq qotishmalarga toza yakuniy ishlov berishda qo’llaniladi. Bunda ishlov berish yuqori aniq, bikr, yuqori tezlik va quvvatli raqamli dastur bilan boshqariladigan (RDB) dastgohlarda amalga oshiriladi. 5-rasm. Almashuvchan ko’p qirrali qattiq qotishmali plastinalarni mexanik usulda mahkamlash sxemalari: a – qisqich bilan yuqoridan; b – teshik orqali richag bilan; v – konussimon kallakli vint bilan; g – shtift bilan teshik orqali va qisqich bilan

Kesuvchi keramika dumaloq, kvadrat, uchburchak va romb shaklida turli o’lchamlarda ishlab chiqariladi. Negativ keramika plastinalar ham keskich tutqichiga qattiq qotishmalar kabi yuqoridan pastga qarab mahkamlanadi (6- a rasm). O’ta qattiq materiallarga olmoslar (tabiiy va sintetik) va el’borlar (bor nitridi asosidagi polikristallar asosli) kiradi. Olmoslarning o’lchamlari juda kichik bo’lganligi uchun ularni tutqichga kavsharlash yoki mexanik usullar bilan mahkamlanadi. Olmosni tutqichga to’g’ridan to’g’ri o’rnatiladi (6- b rasm) yoki oraliq qistirma qo’llab (6- v rasm) mahkamlanadi. Olmosni mexanik usulda mahkamlash 6- g rasmda ko’rsatilgan. Olmosli keskichlarni charxlashning geometrik parametrlari; γ =0... 5º, α =8...12º, φ =2...45º. Keskich cho’qqisi r =0,2...0,8 mm radius bilan dumaloqlanadi yoki bir nechta faskalar bilan dumaloqlanadi (6- d rasm).

6-rasm. Tokarlik yig’ma keskichlari: a – keramik plastikani mexanik ususlda mahkamlash; b – olmos kristalini kavsharlash; v – oraliq qistirma bilan; g – olmos kristalini mexanik usulda mahkamlash; d – olmos keskichlarning kesuvchi tig’larini shakllari (to’g’ri burchakli, radiusli, faskali); e – kavsharlangan 3. Tokarlik keskichlarini loyixalashda qirindi hosil qilish va sindirish usullari

Kesish zonasidan qirindini olib chiqib ketish muammosi muhim ahamiyatga ega bo’lib, qattiq qotishmali keskichlarni qo’llashda va plastik materiallarga ishlov berishda kesish tezligini yuqoriligi sababli qirindini hosil bo’lish hajmi ortadi, shakli o’zgaradi. Uzluksiz lenta shaklidagi yuqori xaroratgacha qizigan qirindi zagotovka va keskichga o’ralib ishlov beriluvchi yuza sifatini buzadi va ishchiga havf tug’diradi. Yuqoridagi sabablarga ko’ra qirindini detal va keskichdan olib tashlash uchun ishchi dastgohni to’xtatishga majbur bo’ladi. Qirindini tashish qulay bo’lishi uchun uni aloxida bo’lakchalar, segmentlar, halqalar, uzun yoki kalta prujina shaklida olishga, qirindini burash va sindirishni mahsus usullari qo’llaniladi. Odatda buning uchun keskichni oldingi yuzasida qirindini yurish yo’nalishida o’yiq, kanavka, sferik shaklidagi chiqiq shaklida maxsus to’siqlar yoki kesuvchi tig’ bo’ylab chuqurchalar hamda sozlanuvchi qirindi sindirgichlar qo’llaniladi va ular 7-rasmda keltirilgan. Cho’kmalar (lunki) (7- a , b rasmlar) va kanavkalar (7- v rasm) dastlabki va yarim toza ishlov berishda qo’llanilib, olmosli jilvir tosh bilan jilvirlab hosil qilinadi. Har bir alohida materialga va kesish rejimi uchun parametrlarni ( f, r, a, b va boshq.) tajriba yo’li bilan aniqla-nadi, shuning uchun ular universal emas. Asosiy va yordamchi kesuvchi qirralar bo’ylab manfiy old burchakli o’zgaruvchan kenglikka ega bo’lgan faska yuqori legirlangan po’latlarga ishlov berishda qirindini yaxshi maydalaydi, ammo keskich turg’unligini bir muncha pasaytiradi (7- g rasm). O’rnatiluvchi qirindi sindirish elementlarining sozlanmaydigan (7- d rasm) va sozlanuvchan (7- e rasm) turlari mavjud. O’rnatiluvchi sozlanmaydigan elementlarni kesuvchi plastinaning ustki qismiga kavsharlab qo’yiladi. Bunday qirindi sindirish kesuvchi plastinaning turg’unligini pasaytirmaydi, ammo asosiy kesuvchi qirraga nisbatan holatini aniq tanlashni talab etadi. Keskichni charxlab o’tkirlash vaqtida ushbu plastinani olib tashlash kerak bo’ladi, shuning uchun ular ishlab chiqarishda kam qo’llaniladi.

O’rnatiluvchi sozlanuvchi qirindi sindirgich alohida qurilma ko’rinishida bo’lib dastgohning supportiga mahkamlanadi. Uning ishchi qismi kesuvchi qirraga nisbatan ma’lum holatda o’rnatiluvchi kavsharlangan qattiq qotishmali plastina shaklida bo’ladi va qirindini ishonchli sindirib maydalashni ta’minlaydi. Ushbu qurilma kesish rejimi o’zgartirilganida kesuvchi qirraga nisbatan plastinani sozlash imkonini beradi. Uni murakkabligi va qirindini olish sharoitini og’irlashtiradigan konstruktsiyasining kattaligi, uning asosiy kamchiligidir.

7-rasm. Qirindini sindirish usullari: a,b – cho’kmalar (lunka); v – faska; g – faska ( γ f <0); d – o’rnatiluvchi sozlanmaydigan plastina; ye – sozlanuvchi qirindi sindirgich

Nazorat savollari 1. Dastgohning turi bo’yicha keskichlar qanday turlarga bo’linadi? 2. Operatsiya turi bo’yicha keskichlar qanday turlarga bo’linadi? 3. Konstruktsiyasi bo’yicha keskichlar qanday turlarga bo’linadi? 4. Kesuvchi qismining materiali bo’yicha keskichlar qanday turlarga bo’linadi? 5. Tokarlik o’tuvchi keskichlarining konstruktiv elementlarini gapiring. 6. Tokarlik o’tuvchi keskichlarining geometrik parametrlarini gapiring. 7. Randalash keskichlari to’g’risida nimalarni bilasiz? 8. Qattiq qotishmali keskichlar haqida nimalarni bilasiz? 9. Almashuvchi ko’p qirrali plastinalarning afzalliklari va kamchiliklarini gapiring. 10. Qirindini hosil qilish va sindirish usullarini gapiring.

FOYDALANILGAN ADABIYOTLAR 1. Кожевников Д . В ., Гречишников В . А ., Кирсанов С . В ., Кокарев В . Н ., Схиртладзе А . Г . Режущий инструмент : Учебник для ВУЗов . Под ред. Кирсанова С.В., М.: Машиностроение, 2004. 512 с.: ил. 2. Справочник конструктора-инструментальщика. Под ред. В.А. Гречишникова и С.В. Кирсанова. 2-е изд., перераб. и доп. - М.:Машиностроение, 2006. 542 с., ил. (Библиотека конструктора). 3. Проектирование фасонного режущего инструмента: Учебное пособие. Сам.гос.тех.ун-т, сост. Ю.И. Иванов. Самара. 2005. 116 с. Допущено УМО АМ в качестве учебного пособия. 4. Справочник конструктора-инструментальщика: Под общ. ред. Баранчикова В.И. - М.:Машиностроение. 1994. 560 с., ил. - (Библиотека конструктора). 5. Металлорежущие инструменты: Учебник для ВУЗов по спец. «Технология машиностроения», «Металлорежущие станки и инструменты» (Сахаров Г.Н., Арбузов О.Б., Боровой Ю.Л. и др.) - М.: Машиностроение, 1989. 328 с., ил. 6. Справочник технолога-машиностроителя. т.1 и т.2. Под ред. Косилова А.Г. и Мещерикова Р.К - Машиностроение, 2002. 495 с., ил. 7. Грановский Г.И., Грановский В.Г. Резание материалов. М. :Высш.шк., 1985. 305 с., ил.

Похожие

Rezba kesuvchi asboblar

Tish kesuvchi asboblar

Paxtani tozalash mashinalari ishchi qismlarini tayyorlash texnologiyasi

Avtomobilsozlik texnologiyasining istiqbollari

Parmalar