Деталларни полимерлар (синтетик ашёлар) воситасида тиклаш - Машиностроение - Рефераты

Деталларни полимерлар (синтетик ашёлар) воситасида тиклаш

Загружено в:

20.09.2019

Скачано:

0

Размер:

1987.5 KB

Деталларни полимерлар (синтетик ашёлар) воситасида тиклаш Режа : 1. Деталларни ти к лашда қўлланиладиган полимер ашёларнинг физик механик ҳусусиятлари. 2. Реактопластлар ва термопластларнинг тавсифи. 3. Дарзли жойларни тиклаш усуллари тахлили

1. Деталларни тиклашда қўлланиладиган полимер ашёларнинг физик механик ҳусусиятлари. Пластмассалар таркиби Боғловчи элементлар Тўлдиргичлар Пластификаторлар Ўтиргичлар Ранг берувчилар Катализаторлар Махсус хоссалар берувчи бошқа қўшимчалар Полимерлар гурухи Реактопластлар Термопластлар Ейилган ва шикастланган деталларни, синиб тушган қисмларни ва бошқа нуқсонларни полимер қопламалар ёткизиб ва елимлаб ёпиштириб тиклаш мумкин. Бу усулда тиклаш олдидан деталларнинг тикланадиган сиртлари тозаланиб, ялтиллатилади, бироз ғадир-будур қилинади ва ацетон ёки бошқа эритгичлар ёрдамида ёғдан тозаланади. Полимер қопламаларни ёткизиш: Буюм сиртининг ейилиш ва шикастланиш турига қараб деталлар полимер (пластмасса) ашёларни пуркаб ёки эпоксид пасталарни суртиб тикланади. Кукун пуркашнинг 20 дан ортиқ усули бор, буларнинг ичида газ плазмали, уюрмали, тебранма пуркаш кенг қўлланилади. Газ алангали пуркаш ем-хашак йиғиш комбайинларининг кабиналаридаги пачоқ жойларни ПФН-12, ТПФ-37 ва бошқа кукунлардан

фойдаланиб тиклашда қўлланилади, деталларнинг ейилган сиртларини тиклаш учун эса А маркали капрон кукуни ишлатилади. Кукунлар УПН тоифасига ускунада пуркалади. Ускуна аралаштиргич - бакча ва пуркаш горелкасидан иборат. Расм Газ-алангали чанглатиб пуркаш ускунаси схемаси. Горелкага ацетилен, сиқилган ҳаво ва ҳаво-кукун аралашмаси келтирилади. Ускунани ишга тушириш олдидан аввал аралаштириш камераси жумраги очилади, сўнг ацетилен жумраги очилади. Ҳосил бўлган ёнувчи хаво-ацетилен аралашмаси газ горелкасининг айлана тиркишига келади ва шу ерда ёқилади. Бу аланга ёрдамида деталнинг сирти 210-260 С гача қиздирилади. Кукун сурадиган инжекторнинг ҳаво жумраги очилади. Ҳаво фильтр орқали бакчага кириб, унинг ичидаги кукунни уюрмалантиради. Ҳосил бўлган ҳаво кукун аралашмаси инжектордан чиқаётган ҳаво оқимига эргашиб канал орқали сопло тешигига келади.. Кукунлар горелканинг газ алангасидан ўтиб, суюқлашади ва сиқилган ҳаво

оқими ёрдамида деталнинг тайёрланган сиртига пуркалиб, қалинлиги 10 мм гача борадиган қатлам ҳосил қилади. Горелкадан деталнинг қопланадиган сиртига бўлган оралиқ 70-150 мм, горелканинг силжиш тезлиги 1,5- 1 см/мин. Горелканинг цилиндрик соплосини бир марта ўтказганда сиртни қоплаш кенглиги 15-20 мм, ясси сопло билан эса 65-70 мм ни ташкил этади. Горелкага бериладиган ацетилен сарфи 10-15 м3 ни соат бўлганда босими 0,5 кПа дан кам бўлмаслиги керак. Уюрмали пуркаш усули ишқаланиб ейилган сиртлар (коромислоларнинг втулкалари, муштчали валлар ва бошқа майда деталлар) ни тиклашда қўлланилади. Бу усул дастлаб қиздирилган детални ҳаво ёки инерт газ оқимида уюрмаланган (сохта суюқлантирилган) полимер кукун қатламига чўктиришга асосланган. Детал дастлаб термик печда ёки газ горелкаси билан 280- 300 С гача қиздирилади ва камерага жойланади. Говак тўсик устига камида 100 мм қалинликда кукунсимон капрон сепилади. Пўлат пластина тешиклари (0,8- 2,0 мм) гача кукун тиқилиб қолмаслиги учун унинг усти газлама билан ёпилади. Сўнгра труба бўйлаб тўсиқ орқали камерага 0.1-2.0 Мпа босим остида сиқилган ҳаво, инерт ёки бошқа газ берилади. Бу газ кукунларини муаллак ҳолатга келтириб, суюқлик хоссаларини беради. Кукун заррачалари деталнинг иссиқлиги ҳисобига суюқланади ва уни 2 мм гача калинликда полимер қатлами билан текис қоплайди.

Расм. Полимерларни уюрмали пуркаш ускунасининг схемаси: 1- сўриш ускунаси, 2 – тўсиқ, 3 – камера, 4 – тортувчи мослама, 5 – редуктор, 6 – азотли баллон. Тебранма пуркаш уюрма пуркашдан фарқ қилиб, бунда кукун камера резина туби (диафрагма)нинг титраши ҳисобига қайнаётган суюқлик хоссасини олади, яъни кукун қатлами сохта суюқ холатга келади. Елимлар, замазка (ёпишқоқ қоришма) ва пасталардан фойдаланиш. Таъмирлаш ишларида деталларни ёпиштириш, дарз ва ёриқларни ямаш, қўзғалмас ва резьбали бирикмаларни тиклаш учун елимлар, ёпишқоқ қоришмалар ва пасталардан тобора кўпроқ фойдаланилмоқда. Синтетик елимлар бир жинсли ва турли жинсли ашёларни бир-бирига мустахкам бириктириш имконини беради. Елим ўз таркибидаги асосий модда миқдорига қараб: фенолли, карбинолли, эпоксидли, полиамидли гурухларга бўлинади. Металл қисмлар пластмассалар ва газламалар кўпинча фенолли, эпоксидли ва карбинолли елимлар билан ёпиштирилади. БФ- 2, БФ-4, БФ-6, БФ-52Т ва бошқа фенолли елимлар саноатда тайёр холда чиқарилади. Улар герметик идишда ва коронғи биноларда сақланади. Дарз ва ёрилган деталларни таъмирлаш. Двигателлар цилиндрлари блоки, блокларнинг каллаклари, узатмалар қутисининг картери ва бошқа деталлар дарз кетган ва ёрилганда уларни эпоксид смолалардан фойдаланиб таъмирлаш мумкин. Таъмирлаш корхоналарида ЭД-16 маркали эпоксид смоласи кенг қўламда ишлатилади. Бу смола оч жигарранг, тиниқ ковушок бўткадан иборат. Бу смолани ёпиқ идишда уй хароратида узоқ вақт сақлаш мумкин. Эпоксид смола қотиргич таъсирида қотади. Котиргич сифатида алифатик (полиэтилен-полиамин) ароматик аминлар (АФ-2) куйи молекулали полиамидлар (Д-18, Л-19, Л-20) дан фойдаланилади. Шулардан

полиэтиленполиамин–глицеринсимон суюқлик (оч сариқ ранглидан қорамтир ранглигача бўлади) қотиргич сифатида кенг кўламда қўлланилади. Қотган эпоксидли смоланинг эгилувчанлиги ва зарбий мустахкамлигини ошириш учун унга пластификатор қўшилади. Пластификатор сифатида сарғиш мойли суюқлик дибутилфталатдан кенг фойдаланилади. Реактопластлар ва термопластларнинг тавсифи. Реактопластлар нормал меъёрий хароратда суюқ ёки каттиқ ҳолатда бўлиши мумкин улар маълум хароратгача қиздирилганда ковушкоқ- оқувчан холатга киради. Қиздириш давом эттирилганда улар қотади ва қандай харорат бўлишига қарамай, ўз холатини ўзгартирмайди. Бу жараён қайта тикланмайди. Чунки реактопластларни қайтадан пластик холатга ўтказиб бўлмайди. Термопластлар нормал хароратда каттиқ ҳолатда бўлади. Қиздирганда юмшайди, бу холатда уларга исталган шаклни бериш мумкин. Термопластлар совутилгандан кейин яна қотади, қайта қиздирилганда ўз пластик ҳолатини сақлайди, яъни кейинчалик яна фойдаланишга яроқли бўлади. Аралашманинг физик-механик, ишқаланувчанлик ёки ишқаланишни камайтирувчанлик хоссаларини яхшилаш, иссиқка бардошлилигини, иссиқ ўтказувчанлигини ошириш ва нархини камайтириш учун унинг таркибига тўлдиргичлар киритилади. Тўлдиргичлар сифатида чўян, темир, алюминий кукунлари, асбест, цемент, қум, графит, шишатола ва бошқа ашёлардан фойдаланилади. Эпоксидли аралашма куйидаги тартибда тайёрланади: ЭД-16 эпоксидли см о ла солинган идиш термошкафда ёки кайноқ сувли идишда 60- 80С хароратгача иситилади ва ундан зарур миқдорда эпоксидли смола олиниб бошқа кичик идишга солинади. Ажратиб олинган смолага зарур микдорда оз-оздан пластификатор-дибутилфталат қўшилади.

Пластификаторни қўшиш вақтида қоришма 5-8 минут давомида яхшилаб аралаштирилади. Ҳосил қилинган аралашмага оз-оздан зару р миқдорда тўлдиргич солинади. Қоришма 8-10 минут давомида аралаштирилади. Тайёрланган қоришмани узоқ вақт сақлаш мумкин. Қоришмани ишлатишдан олдин унга оз-оздан зарур миқдорда қотиргич қўшилади ва 5 минут давомида аралаштирилади. Эпоксидли қоришма қотиргич қўшилгандан кейин 20-25 минут ичида ишлатилиши лозим. Қоришмани тайёрлашда келтирилган маълумотларга аниқ риоя қилиш керак. Эпоксидли қоришмалар таркиби. Компонентлар Таркиблар (вазний улушлар) А Б В Г Д ЭД-16 смоласи 100 100 100 100 - К-115 компаунд - - - - 120 Дибутилфталит 10-15 15 15 - - Полиэтилинполиамин 8 10 10 - - Л-19 олигоамид - - - 30 - АФ-2 қотиргич - - - - 30 Темир кукун - 160 - 120 - Цемент - - - 60 - Алюминий упа - - 25 - - Графит - - - - 70 Деталларни босим остида қ у йиб тиклаш. Деталларни босим остида қуйиб тиклашга тайёрлаш сиртни ейилиш изи кетгунга қадар йўниш, ёғсизлантириш ва фосфотлашдан иборат. Деталлар 2 л. сувга 1 кг суперфосфат қўшиб тайёрланган эритмага фосфотланади. Деталлар қайнаб турган суперфосфат эритмасида 5-10 минутга чўктирилади, сўнг кальцияланган соданинг 5 фоизли эритмасида, кайноқ сувда ювилади ва қуритиш шкафида 130-150 С хароратда 5-10 минут сақланади. Қуйиш машинасининг солиш бункерига 610 г полиамид солинади. Полимер ашё қуйиш машинасининг ашё цилиндрига берилади ва унда 30- 40 минут давомида 240-270 С хароратгача қиздирилади. 240 С хароратгача

қиздирилган детал дастлаб 80-100 С гача қиздирилган шакл берувчи тахтакачга ўрнатилади. Қуйиш машинасининг поршени ўнгдан чапга харакатланганда суюқланган полимер ашё цилиндрдан сиқиб чиқарилади ва у шакллантириш сирти билан ейилган детал сирти орасидаги тиркишни тўлатади. Шунда суюқ ашёнинг харорати ашёнинг суюқланиш хароратидан 20 С га юқори, қуйманинг солиштирма босими 30-35 Мпа, босим остида туриш вақти 20 соат бўлиши керак. Шундан кейин босим пасайтирилади, прессформа ажратилади, ундан тикланган детал чиқариб олинади, чоклар тозаланади ашёнинг оқиб қолган ортиқча бўлаклари олиб ташланади, деталга мойда 120- 130 С хароратда 1,5-2 соат давомида термик ишлов берилади. Сўнг детал мой билан бирга 100 С гача совитилади ва очиқда уй хароратигача совитилади. Таъмирланган деталнинг ўлчамларини босим остига қуйгандан 24 соат кейин текшириш керак. Деталларни босим остида қуйиб тиклаш усулида иш унуми юқори бўлади, деталларга қўшимча механик ишлов бермасдан топшириқда кўрсатилган ўлчамларни ҳосил қилиш мумкин. Хар бир детал учун алоҳида прессформа тайёрлаш зарурлиги ва полимер қатлам детал сиртига нисбатан суст ёпишиши бу усулнинг камчилигидир. Деталларга кукунсимон полимерлар ёткизиб тиклаш. Детал сирти кукунсимон ускуна очиқ тогора говак тўсиқ, пневматик камера ва электромагнитли тебратгичдан иборат. Ускуна пружиналарга ўрнатилган. Говак тўсиқ ускунанинг асосий қисмларидан бири бўлиб ҳисобланади. Говак ашёнинг говаклик даражаси 50 фоиз бўлганда говакларнинг (тешикларнинг) ўлчамлари 40-150 мкм бўлиши керак. Говак тўсиқларни тайёрлаш учун шиша кукун қалинлиги 20 мм ли сопол плиталар бир неча қават шиша тола, ДК-7 пластмасса, техник намат ва бошқа ашёлардан фойдаланилади.

Сиқилган газ пневматик камерага берилганда говак тўсиқдан ўтиб, жуда кўп майда оқимларга парчаланади. Тинч ётган полимер заррачалар газ оқимчаларига эргашиб, юқорига кўтарила бошлайди. Айни вақтда бу заррачаларга уларнинг огирлик кучлари таъсир этади. Қарама-қарши йўналган иккита куч таъсирида, шунингдек идиш деворларига ва ўзаро тўқнашиши натижасида кукун заррачалари тартибсиз харакатда бўлади. Электромагнитли тебратгич ишга туширилганда ускунанинг иш камераси кукунсимон полимер билан бирга 50-100 Гц частота билан мажбурий тебрана бошлайди. Қукунсимон полимерларга сиқилган газ ва тебранишларнинг биргаликда ва бир вақтда таъсир этиши натижасида полимер ашё сохта суюқ ҳолатга ўтади. Детални полимер қатлам ёткизишга тайёрлаш учун ейилган сиртга ейилиш изи бутунлай йўқолгунга қадар механик ишлов берилади, бу сиртни жилвир коғоз билан тозалаб, ёғсизлантирилгандан сўнг фосфотланади. Деталнинг қопланмайдиган сиртлари беркитилиб, ажратиб қ у йилади , унга суюқ шиша ёки иссиқка бардошли силикоп лак суртиб қўйилади. Кукунсимон поликапрондан қоплама ёткизилганда детал 290 С га қиздирилади. Сўнгра детал сохта суюқ қатламга 5-20 соатга ботирилади. Кукун заррачалари деталнинг қизиган сиртига урилиб, ўтириб қолади ва суюқланиб, текис қоплама ҳосил қилади. Детални сохта суюқ қатламда тутиб тури ш вақти қопламанинг зарур қалинлигига боғлик. Шундан кейин детал ускунадан чиқариб олинади, сиқилган ҳаво билан пуфланади. 110-130 С хароратда 5-10 минут давомида мойда термик ишлов берилади ва ҳавода совитилади. Детални зарур ўлчамгача келтириш учун унга механик ишлов берилади. Трактор ҳамда автомобиллар кабиналари ва қанотларидаги пачоқ жойларни текислаш.

Юпка пўлат тахтачалардан тайёрланган машина деталлари пачоқланганда ва шикастланганда пайванд чоклар газ алангали пуркаш усулида тикланади. Газ алангали пуркаш моҳияти шундан иборатки, ҳаво оқимига эргашган кукунсимон ашё заррачалари газ алангасидан ўтказилади. Натижада ашё заррачалари қизийди ва суюқланади, деталнинг аввалдан қиздирилган сиртига урилиб, ёйилади ва қоплама ҳосил қилади. Дарзли жойларни тиклаш усуллари тахлили Дарзнинг чегаралари аниқланади. Унинг чегаралари диаметри 3мм ли парма билан пармаланади, қирралари 3 мм чуқурликда 60-70 0 бурчак хосил қилиб ишланади. Елим суркаладиган жойлар (дарзларнинг 20-25 мм атрофлари) метталли ялтирагунча тозаланади. Шиша тўқима ёки техникавий бўздан иккита устқўйма қирқиб олинади. Дарз жой ва тозаланган участка ацетон ёки юқори сортли бензин билан икки карра ёғсизлантирилади. Эпоксидли таркиб тайёрланади. Зарур миқдорда епоксидли смола тортиб олинади, смола солинган идиш 60-80 0 температурали иссиқ сувга солинади, зарур миқдорда пластификатор (дибутилфталат) тортиб олинади ва уни смолага солиб, тўхтовсиз аралаштирилиб турилади; хосил қилинган таркиб 5 мин давомида аралаштирилади. Аралаштиришни тўхтатмасдан унга зарур миқдордаги тўлдиргич ва қотиргич (полиетиленполиамин) қўшилади. Елимли таркиб шпатель билан ёриққа ва биринчи устқўймага суркалади. Устқўйма ёриққа қўйилади ва усеида ролик юргазилади. Елимли таркиб иккинчи устқўймага суркалади; бу устқўйма биринчи устқўйманинг устига ёпиштирилади ва устидан ролик бостирилади. Деталь қуритишга қўйилади Эпоксид смоласи асо c ида тайёрланадиган клей ва унинг таркибидаги моддалар оғирлиги.

жадвал Т/р Аралашма Аралашмани иссиқ холатдаги қотиши Аралашмани совуқ холатда қотиши А Б В Г 1. Смола ЭД-6 100 100 100 100 100 2. Дубитилфталат 10-20 10-15 15 15 3. Темир кукуни 160 4. Алюминий кукуни 25 5. 500 маркали цемент 120 6 Малина ангидриди 30-35 7. Полиэтиленполиамин 8 7 7 7 Расм Деталнинг ёриқларини тўлдириш схемаси: 1- деталь, 2 – эпоксид смола таркибли аралашма, 3 – шиша мато, 4 – ролик.

расм. Нуқсонли детални тиклаш схемаси: 1 – металл накладка, 2 – детал, 3- шиша мото, 4- сим, 5 – аралашма. 3. Думалаш подшипникларининг қўзғалмас бирикмаларини тиклаш. Думалаш подшипникларининг қўзғалмас бирикмаларини полимер ашёлардан фойдаланиб тиклаш технологик жараёнини анча оддийлаштиради, машиналарни таъмирлашга мехнат сарфини ва таннархини камайтиришга имкон беради. Думалаш подшипнигигинг қўзғалмас бирикмалари эпоксидли қотишмалардан, эгилувчанлигини ўлчовчи асбоблардан ва ўзгармас герметиклардан фойдаланиб тикланади. Подшипникларни елимлаб тиклашда сиртлар ялтиллатиб тозаланади, ёғсизлантирилади ва 10 мин давомида қуритилади. Сўнгра сиртларига текис қилиб ЭД-16 эпоксид смоласи асосида тузилган А таркибли модда (жадвал 1)суртилади. Шариқоподшипникларни ЭД-6 эпоксид смола асосидаги аралашмалар ёрдамида таъмирлаш.

Аралашмани суртилгандан сўнг дархол подшипник прессланади ва қуйидаги режимларни бири билан мустахкамланади. Харорат (градус) 20 40 60 80 100 Тутиб туриш вақти (соат) 72 25 4-5 2-3 1-2 Ташқи обойма ва уя юзаси ацетон билан тозаланиб 5-10 мин қуритилади

Уянинг ички юзаси пневматик шилиш машинасида ёки наждакли қоғозда ялтиратиб тозаланади. Уя юзаси ва подшипникнинг ташқи обоймаси яна бир бор ацетон билан ёғсизлантирилади ва 5-10 минут қуритилади. Мустахкамлаш жараёнидан сўнг ортиқча чиқиб қолган аралашмалар тозаланади. Резбали бирикмаларни ЭД-6 эпоксид смола асосида таъмирлаш.

Шпилка ости резбалсрининг эйилиши ва бузилиши. Носоз резбали даталлар Шпилка ости резбаларининг нуқсонлари ва ейилишлари. Резва ва илашувчи юзалар пўлат шетка билан тозаланади. Резбали юзалар ацетон билан тозаланиб 5-10 мин қуритилади А коришма тайёрланади. Резбали юзалар ацетон ёрдамида иккиламчи ёғсизлантирилади ва

5-10 мин қуритилади. Илашиш юзаларига юпқа қоришма сурилади. Ортиқча ва оқиб чиққан қоришма томпон билан тозаланади, қуйидаги режимларнинг бири орқали қоришма мустахкамланади. Харорат (градус) 20 40 60 80 100 Вақт (совт) 72 25 4-5 2-3 1-2 Ейилган резбалар шилиниб янги, катта ўлчамдаги резба очилади.Шилиш ва резба ўлчамлари деталларни полимер материаллар билан таъмирлаш технологик харитаси албомидан танланади. Корпусдаги резбадагидек резбали вертиш тайёрланади, юза ва вертиш ацетон билан ёғсизлантирилади ва 5-10 минут қуритилади.

Йиғишдаги илашишдаги резбаларнинг ейилиши ва бузилиши. А қоришма тайёрланади. Резбали юзалар ацетон ёрдамида иккиламчи ёғсизлантирилади ва 5-10 мин қуритилади. Илашувчи юзаларга қоришма юпқа холда сурилади ва тешикка вертиш махкамланади. Ортиқча ва оқиб чиққан қоришма томпон билан тозаланади, жадвалдаги режимларнинг бири билан қоришманинг мустахкамлиги ортирилади.

.Янги тешик очилиб керакли ўлчамдаги резба очилади

Фойдаланилган адабиётлар : 1. Омаров А., Қаюмов А. Машинасозлик технологияси. -Тошкент: Фан 2003. -380б 2. Ф.П. Гурин ва бошқалар. Автомобилсозлик технологияси. /С.М. Қодиров тахрири остида таржима қилинган -Тошкент:ТАДИ. 2001.-250б 3. Ф.В. Гурин, В.Д.Клепиков, В.В.Рейн. Технология автотракторостроения. - М.: Машиностроение, 1981.-295с. 4. В.Ф. Гурин, М.Ф. Гурин. Технология автомобилестроения –М.: Машиностроение, 1986. -286с 5. А.А. Маталин. Технология машиностроения -М.: Машиностроение, 1985. – 496с. 6. Г.Н. Мельникова, Дальский А.М. Технология машиностроения. I и II часть. -М: МГТУ им. Н.Э. Баумана. 1998. Iчасть-563с, IIчасть-640с 7. Абдусатторорв Т., Лебедев О.В., Ахмедов Б.Ш. Транспорт машинасозлиги технологияси. –Тошкент: 2003 й.-115б 8. Справочник технолога машиностроителя../ под редакцией Р.К. Мирзорякова и др. -М.: Машиностроене, 1985г.Том 1-451с. и 2-423с

Похожие

Деталларни бошқа усулларда тиклаш

Машина деталларини таъмирлаш

Деталларни базалашда ишлов беришда деталларни дастгоҳларда ўрнатиш

Машина ва ускуналарни таъмирлашдаги ишлаб чиқариш ва технологик жараёнлар тўғрисидаги тушунча

Қутисимон деталларни тайёрлаш технологияси