Мактабгача таълим муассасаларида турли ёш гуруҳларида қуриш ясашга ўргатиш - Дошкольное и начальное образование - Рефераты

Мактабгача таълим муассасаларида турли ёш гуруҳларида қуриш ясашга ўргатиш

Загружено в:

20.09.2019

Скачано:

0

Размер:

834.2216796875 KB

Мактабгача таълим муассасаларида турли ёш гуруҳларида қуриш ясашга ўргатиш Режа: 1. Қуриш-ясаш материалларининг турлари. 2. Қоғоздан қуриш - ясаш. 3. Қоғоз ва табиат материалларидан қуриш - ясаш

Мактабгача таълим муассасаларида турли ёш гуруҳларида қуриш- ясашга ўргатиш методлари, турлари Қоғоздан қуриш-ясашга ўргатиш, ишларини таҳлил қилиш, турли ёш гуруҳлари учун қуриш-ясаш машғулотларининг интерфаол ишланмаларини ишлаб чиқиш. Қуриш-ясаш лотин тилидан олинган бўлиб, турли предметларни, қисм ва элементларни маълум бир ҳолатга келтириш, маъносини билдиради. Қуриш-ясаш фаолияти – амалий фаолият бўлиб, олдиндан белгиланган, бирор мақсадга қаратилган реал воқеаликдир. Қуриш-ясаш материалларининг турлари. Мактабгача таълим муассасаларида болаларга қуриш-ясаш фаолиятини ўргатишда қурилиш материали, турли конструкторлар, қоғоздан, табиат, ташландиқ материалларидан фойдаланилади. Материални тури- қуриш ясаш турини аниқлаб беради. 1. Қурилиш материаллари. Қурилиш материали- майда ва йирик-геометрик фигуралардан (куб, цилиндр, призма ва ҳоказо) иборат. Машғулотларда қурилиш материалларидан турли хил тўпламлардан фойдаланилади: М.П.Агаповнинг № 2, 3, 4, 5, 6, 7. мазмунли тўпламлар: Кичик қурилиш материаллари: “Космодром”, “Темир йўл вокзали” ва бошқалар. 2. Конструкторлар. Мактабгача таълим муассасасаларда конструкторлардан (тахтали, пластмасса, металл ва керамика) фойдаланадилар. Бу тўпламлар орқали турли конструкциялар ясаш мумкин. Тарбиячи раҳбарлигида болалар оддий бирлаштириш усулидан суратлар

бўйича турли хил ҳаракатли конструкциялар ясайдилар. Асосий диққат болаларни маълум қисмларини бирлаштириш малакаларини шакллантиришга қаратилади. Бунда болаларни қўлларини мускуллари иштирок этади, қўл мускуллари ҳали яхши ривожланмаган бўлади. Тарбиячи раҳбарлиги остида болалар янги бирлаштириш йўлларини ва турли хил характердаги конструкцияларни расмга, чизмага қараб яратишга ўрганадилар. Бу ишларни болаларга таклиф этишдан олдин, тарбиячининг ўзи бу конструкторлар, уларга берилган методик кўрсатмалар билан яхшилаб танишиб, ўрганиб чиқиши зарур. Болаларга қурилиш материаллари ва конструкторлар тўплами ҳаммаси бирданига берилмайди, балки аста-секин, кетма-кет болаларнинг ўзлаштиришларига қараб берилади. Лего, мозаика, “Танграм”, “Тухум” булар стол ўйинлари ҳисобланиб, болаларни конструкторлик, дизайнерлик, яратувчанлик ҳислатларини шакллантиради ва ривожлантиради. Қоғоздан қуриш-ясаш. Оригами. Бу қоғозни буклаш йўли билан нарса ясаш маъносини билдиради. Киригами . Бу қоғозни йиртиш ёки симметрик қирқиш йўли билан ясаш йўли билан нарса ясаш маъносини билдиради.

Кусудама . Бу қоғозни буклаш йўли билан гул ясаш маъносини билдиради. Цукудама . Бу кусудама модулларидан қўғирчоқ ясаш маъносини билдиради. Барчаси битта сўз билан “оригами” деб юритилади. Қоғоз ва табиат материалларидан қуриш –ясаш. Мактабгача таълим муассасасида турли хил ўйинчоқларни ясаш учун қоғоздан табиат материалидан кенг фойдаланилади. Болаларга қоғознинг турли хил турлари берилади: ватман, картон, юпқа ва турли қоғозлар. Тарбиячи болалар билан бирга табиий материалларни тайёрлаб, бир йил ичида уларни ғамлайди. Ёзда сомон, манзарали дарахт мевалари, ёнғоқлар терадилар. Мевалар уруғи яхшилаб ювилиб қуритилади, бундай уруғлар махсус кутиларда сақланади. Бу хилдаги қўлланмаларни ясаш учун қуйидаги материаллардан ҳам фойдаланилади: қоғоз, картон, пластилин, сим, гугурт чўпи, елим, қайчи. Қоғоз табиат ва ташландик, материаллари. Бу материаллар болалар боғчасида турли-туман ўйинчоқлар ясаш жараёнида фойдаланилади. Бу жараён фақатгина фойдали бўлибгина қолмай, балки қизиқарли ва болалар томонидан севиб бажариладиган жараёндир. Болалар хилма-хил турлардаги қоғозлар билан ишлайдилар. Хилма-хил табиат материаллари манзарали дарахт мевалари, шох-шаббалар ва бошқалар. Тарбиячи болалар биргаликда

табиат материалларини олдиндан тайёрлаб боради. Масалан: уруғлар, данаклар, яхшилаб ювилиб, қуритилиб йиғилади. эман ва каштан ёнғоқларининг дарахтдан тўкилиши билан териб оладилар. Чинор ва ясень дарахтининг уруғи эса қишда йиғилади. Ҳар бир табиат материалининг тури алоҳида қутичаларда сақланади. Шунингдек, улардан ўйинчоклар ясашда, ёрдамчи материаллар, қоғоз, картон, пластилин, симлар, елим ва мехнат қуролллари, қайчи, бигиз, игна ва бошқалар қўлланилади. Ўрта гуруҳда табиий материал ва қоғоздан қуриш –ясашга ўргатишнинг вазифалари. Болаларни янги қурилиш материали–қоғоз билан, унинг хусусияти билан таништирилади. Ўрта гуруҳ тарбияланувчилари табиат материали бўлган – шох, барг, илдиз, турли ёнғоқлар, уларни пўстларидан нарса ясашга ўргатиб борилади. Тарбиячи болаларга табиий материалнинг борлиги ва уни турли хил нарсаларни ясашда кераклигини ёритиб беради. Болаларда умумий кўникма ва малакалар шаклланиб боради, яъни предметларни текшириш, кетма-кетликка асосланиб ишлаш, бошлаган ишни оҳиригача бажариш, ҳамда қўлларни аниқ ҳаракатланиш ва ҳоказолар. Дастлабки машғулотда тарбиячи болаларга бир неча предметларни, қоғоздан ясалган ўйинчоқларни кўрсатиб уни буклаб, ёпиштириш орқали арчани ясатиш учун, ўйин ва совғалар учун турли хил қизиқарли ўйинчоқлар ясаш мумкинлиги ҳақида гапириб беради. Биринчи машғулотдаёк болалар тарбиячини кўрсатмаси ва тушунтириши асосида қоғозни тенг иккига буклашни ўрганадилар. Кейинги машғулотларда арча учун ўйинчоқ, совға ясалган пайтларда бу кўникма мустаҳкамланади. Машғулотларда уйча, автобус, юк машинасини ясатганларида болалар тайёр элементлардан ўйинчоқ ясаш, асосий қисмга алоҳида қисмларни ёпиштиришни ҳам ўрганадилар. Масалан: уйчага–эшик,

деразани; автобусга–ойна, ғилдирак ёпиштирадилар. Топшириқни бундай турини бажариш фақат техник малакаларни шакллантириб қолмай, балки болаларни ақлий фаолиятини, мустақил ишини ҳам ривожлантиради. Ўйинчоқни ясашдан аввал болалар қайси қисмни бир бири билан бирлаштиришни, қайси қисмни ёпиштириш кераклигини ўйлайди. Ёз пайтида болалар табиий материаллардан фойдалана бошлайдилар. Аввало тарбиячи болаларни шу материал билан олдиндан ясалган содда қурилмалар билан таништириб, алоҳида предметларни, улар ўртасидаги ўхшашлик, ундан қандай фойдаланиш кераклигини тушунтиради. Табиий материал, қоғоздан қуришясаш машғулоти, қурилиш материали билан қуриш-ясаш машғулоти алмашиниб туради. Ўрта гуруҳда табиий материал ва қоғоздан қуриш –ясашга ўргатишнинг метод ва усуллари. Ўргатишнинг асосий усули – намунани кўрсатиш ва тушунтиришдир. Тушунтириш қисқа ва аниқ бўлиши керак. Тарбиячининг аниқ, тушунарли қилиб тушунтириши учун болалар вазифани тўлиқ бажаришлари лозим. Қоғоздан уйча ясаш давомида, тарбиячи болаларга тайёр уйчани кўрсатади (қалин қоғоз 2 га букланган, устида эса трубали том) ва у нимадан қилинганини сўрайди. (қоғоздан–уй, рангли қоғоздан эса томи, полоскадан труба, дераза, эшиклар ва ҳоказо). Олдинги тажрибаларга таянган ҳолда, тарбиячи болалар билан бирга уйчани кетма- кетлик асосида қуришни давом этади. Қачонки болаларга мураккаб конструкция берилса, уларни тажрибаларини ҳисобга олган ҳолда тарбиячи бажариш усулини тўлалигича кўрсатиб, тушунтириб беради. Агар ясаладиган нарса содда бўлса, болалар ўзлари мустақил бажаришлари мумкин, лекин тарбиячи намунани болаларга кўрсатади. Масалан, ёзув китобчалари ясаш машғулотида тарбиячи болаларга бир неча хил аппликация билан безатилган ёзув китобчаларини намойиш

қилади ва болалардан мустақил бажариб, сўнг уни безашни илтимос қилади. Йилни охирида болаларда қоғоз билан ишлаш тажрибаси ортганлиги учун тарбиячи болани хоҳишлари бўйича қуриш-ясаш машғулоти ўтказади. Тарбиячи бу машғулотдан 1-2 кун олдин болаларни қоғоздан ясалган нарсаларни кўргазма қилиб, болаларга уларни қандай ясалганлигини эслатиб қўяди. Машғулот давомида тарбиячи болалар ишига раҳбарлик қилиб текшириб боради. Тайёр бўлган нарсаларни таҳлил қилганда тарбиячи асосий эътиборни тўғри ва озода бажарилган ишларга қаратади. Табиий материалдан нарса ясашга ўргатиш йилнинг оҳирида бошланади. Масалан: ёнғоқ пўстидан типратикан ясашга ўргатишдан олдин тарбиячи болаларга типратиканни ўзини кўрсатади. Ёки унинг расмини кўрсатади, уни танаси игна билан қопланганлигини, оёқлари калталигини тушунтиради. Кейин машғулотда тайёр ўйинчоқ билан ростакам тирик типратиканни солиштиради, сўнг уни қандай ясашни бир бир кўрсатади. Унинг танаси ёнғоқ пўстидан, игналари, юзи пластилиндан ясалади. Аввал ёнғоқ устига пластилин суртилади, юз тузилиши ва игналарини ясайди. Машғулот давомида болаларга маслахат бериб ёрдамлашади. Болаларнинг барча ясаган нарсалари маълум бир мақсад учун ишлатилади. Альбомлар– расм учун, юк машинаси. Уйчалар–ўйинлар учун. Шунда болаларда қизиқиш уйғонади, шунинг учун нарсаларни қизиқиб чиройли тоза бажарадилар. Қуриш-ясаш учун керак бўлган материални тайёрлаш тарбиячидан кўп вақтни талаб этади. Қурилиш материаллари билан турли хил предметларнинг турлича тимсолларини яратиш каби ижодий болаларда шакллантириш амалга оширилади. Катта гуруҳда табиий материал ва қоғоздан қуриш –ясашга ўргатишнинг вазифалари.

Болаларга қоғозни тенг буклаш, тўрт буклаш, букланган жойни текислаш малакалари ўргатиб борилади. Қоғозни 16 квадратларга буклаш, бурчак ва томонларини аниқ жойлаштириш, доирани диаметри бўйлаб буклаш ва конус ҳосил қилиб ёпиштиришни ўргатилади. Масалан: қоғоз цилиндирни бирлаштириб турли, мураккаб бўлмаган композицияларни ясайдилар. Яна болалар гугурт қутисини бир-бирига ёпиштириб нарсалар ясашни ҳам ўрганадилар. Табиий материаллардан арча шишкаси, гулнинг уруғлари, ўтлар, ёнғоқдан турли нарсалар ясаб, уларни елим, гугурт билан бирлаштиришни, тўғри фойдаланиш каби малакаларни эгаллаб борадилар. Болалар ўз фаолиятларини режалаштириш ва шуни мустақил бажаришни ҳам ўрганадилар. Дастлабки машғулотларда ўтган материаллар такрорланади, натижада болалар қоғозни тенг буклаш, томонларини қўл билан текислаш малакаси янада мустаҳкамланади. Болалар бу амалларни қандай бажаришни эсга оладилар. Биринчи машғулотда қоғоздан саватча ясайдилар. Тайёр намунани кузатиб бўлгач, тарбиячи квадрат қоғозни қандай буклаб қирқиш, қандай ёпиштиришни кўрсатади. Саватчани бандини қандай ёпиштиришни эса, болалар ўзлари ўйлаб топадилар. Иккинчи машғулотда эса квадратни диагонал бўйича буклашни ўрганадилар. Бунда квадрат қоғозни 16 квадратга буклаш кўрсатилмайди. Тарбиячи тушунтираётганда икки томони қирқилган, букланган тайёр квадратдан фойдаланилади. Болалар олдинги машғулотдан олган билимларини уйча қуриш да қўллайдилар, ўзлари қирқиб ёпиштирадилар. Машғулотни бошида намунани кузатаётганда тарбиячи ишни қандай бажаришни болаларга ўргатади ва ёрдам беради. Қоғоздан нарса ясашни

маълум бир вақтдан сўнг қайтариш мумкин, лекин болалар ўзлари мустақил бажарадилар (очиқ қути). Тайёр шакллардан бирор бир нарсани ёпиштириш орқали ясашни болалар аста-секин ўрганадилар. Биринчи машғулотда тарбиячи гугурт қутисидан қандай қилиб автобус ясашни кўрсатади: қутини қандай қилиб бир-бирига ёпиштириш, ғилдиракларни қандай қилиб бирлаштиришни ва ҳоказо. Болалар топшириқни кўрсатиш ва тушунтириш асосида бажарадилар. Иккинчи машғулотда тарбиячи болалардан автобусни қандай ясаганларини эслатиб, сўнг тайёр ясалган мебелни бир неча намунасини болаларга намойин қилади. Бу қурилмаларни болалар кузатиб бўлгач, уни қандай қилиб бир- бирига ёпиштирилганлигини ва бошқаларни кўрадилар. Қуришлари керак бўлган предмет учун керакли материаллар танлайдилар. Бу машғулотларда ҳосил бўлган малакаларни тарбиячи болаларни ўйлаганлари бўйича нарса қуриш машғулотларда мустаҳкамлайи. Бунда болалар ўзлари қайси материалдан нима ясашларини, қандай қилиб ясашларини мустақил бажарадилар. Лекин кейинги машғулотларда мавзу анча мураккаблашади; яъни қути, картон, қоғоздан юк машина, кема ясаш ва ҳоказо. Бу пайтда тарбиячи яна болалар билан биргаликда иш олиб боради, яъни ўзи кўрсатиб, тушунтириб беради. Иш фаолиятини бундай олиб борилиши болаларни кейинги ижодий фаолиятида катта аҳамиятга эга. Болаларга доирани диаметр бўйлаб буклаш, конусни ёпиштириш, контур бўйлаб қирқишдан аввал, тарбиячи парашют, узун кўйлак кийган қизча, ўйинга тушаётган қизчани ясашни ўргатади. Шундай қилиб топшириқ мураккаблашиб боради: болалар тайёр ярим доирадан қирқишни ўрганадилар. Бу жараённи тарбиячи тушунтиради, қолганини эса болалар бажаради. Йил охирида болалар ўз билимларини текширадилар. Квадратни диагонал бўйлаб буклаш томонлари, бурчакларни тўғри бирлаштириш, қайиқ, ўйинчоқлар ясаш машғулотларда ўрганадилар. Машғулотларда болалар тайёр мураккаб бўлмаган андоза бўйича ишлашни ҳам ўрганадилар. Шундай қилиб болалар цилиндрни турли конструкцияларга бирлаштиришни эгаллайдилар. Уларда фикрлаш, ижодиёт, фантазия ривожланиб боради.

Бошқа материаллардан нарса ясашга ўргатишдан олдин тарбиячи материални хусусияти билан таништиради, болаларга шу материални ушлаб, уни қандай эканлигини сўрайди, поролон-юмшоқ, енгил, уни эзса яна ўз ҳолатига қайта олади. Поролондан болалар қорбобо, найзали гул, қуёнча, жўжа ва ҳоказолар ясайдилар. Нарса ясашни тушунтираётганда тарбиячи асосий диққатни алоҳида предметларни қандай бирлаштиришга қаратади, машғулот давомида эслатиб ўтади. Янги йил байрамида болалар арча ўўйин чокларни ясайдилар: қоғозни қат-қат қилиб (гормошка) буклаб ундан (турли) симметрик шакллар қирқадилар. Болалар ўз ўйлаганлари бўйича қоғоз, картон, бошқа материалдан нарса ясаётганида аввал олган билимларини ишларида қўллайдилар. Катта гуруҳда табиий материал ва қоғоздан қуриш –ясашга ўргатишнинг метод ва усуллари. Болаларга қоғоз ва бошқа материалдан нарса ясашга ўргатишда тарбиячи нарсаларни кетма-кет кўрсатиш, тайёр намунани кузатиш, болалар билимини текшириш учун саволлар бериш, бажариш усулини кўрсатишдан кенг фойдаланади. Методни танлаш ва уни амалда қўллаш ўргатишнинг вазифасига боғлик. Цилиндрдан нарса ясашга тарбиячи цилиндрни қандай ясашни тушунтрмайди, чунки бу шакл болаларга таниш. Бу ўйинчоқ қандай қисмлардан қилинган? Чизиқчани қандай қилиб цилиндрга айлантириш мумкин? каби шунга ўхшаш саволлар берилади. Бундай саволлар болаларга иш фаолиятини қандай боришини эслатади, қисмларни бирма-бир бирлаштириш кераклигини тушунтиради. Бошқа машғулотда тарбиячи тайёр намунани кузатиб бўлгач, квадрат қоғозни иккига буклаш, доирани тенг иккига буклашга таклиф этади. Болалар кема ҳосил қилиш учун, нима қилиш кераклигини айтиб берадилар. Агар улар жавоб беришда қийналсалар ёки

нотўғри жавоб берсалар, тарбиячи тўғрилаб айтиб беради. Болалар диққатини янги ясаладиган нарсага қаратиш учун тарбиячи машғулотга 1-2 кун қолганда қўл ишлари бурчагида намуналар кўргазмасини ташкил қилади. Масалан: кичик композициялар ташкил қилади, цилиндрдан 2 хил фигура- тулки ва қуён, 2 айиқча, ёки турли ўйинчоқлар намойиш қилади. Тарбиячи бу ўйинчоқларни кўрсатмаётганда болалар диққатини уларни бир-бирига қандай бирлаштирилганлигига қаратади. Машғулотда тарбиячи баъзан янги усулни индивидуал тарзда кўрсатиб беради. Болалар паралондан доирача ҳосил қилишни ўрганганларидан сўнг тарбиячи ҳамма болаларга доирачани сим билан бирлаштиришни кўрсатади. Болалар ўз ишларини бажараётганларида тарбиячи қийналган болаларга ёрдам беради. Тарбиячи машғулот пайтида болаларга аввалдан бу ўйинчоқлар, нарсаларни нима учун ясашларини, нима учун кераклигини айтиб ўтади (ўйин учун, кичкинтойларга совға учун арчани безатиш учун ва ҳоказо). Қуриш ясаш машғулотларини тарбиячи турли қурилиш материаллардан фойдаланилган ҳолда олиб бориши лозим. Қоғоздан қуриш-ясаш 1 этап 2 этап 3 этап Тайёр ҳолати Тайёрлов гуруҳда табиий материал ва қоғоздан қуриш–ясашга ўргатишнинг вазифалари. Машғулотда болалар қоғоз билан ишлаш кўникма ва малакасини эгаллаб борадилар: қоғознинг турли томонларига буклаш, диагонал бўйлаб бўлиш, тайёр андазани буклаш шаблон бўйича қисмларни қирқиш. Тайёрлов

гуруҳда болалар турли нарсалар ясайдилар- ўйинчоқлар. Картон ёрдамида ўйинчоқлар тайёрланади (масхарабоз , қўлини қимирлаётган қуён…) қутидан, картон ва қоғоздан (автомашина, юк крани, трактор, уй) қуриш мумкин. Қоғоз картон, табиий материалдан (илдиз, таёқча ва бошқа лар) сувда ўйналадиган ўйинчоқлар, (кемача, баржа) қуриш мумкин. Тарбиячи бу ўйинчоқларни нима учун қўлланилишини болаларга ўргатади. Табиий материаллардан нарса ясаш машғулотида тарбиячи болаларга шох-шабба, шишка, уруглардан фойдаланиб, бу фигураларнинг алоҳида қисмларини турли усулда бирлаштиришни (елим, сим, гугурт чўпи, пластилин билан ва…) ўргатади. Болалар турли шаклларни одам, ҳайвонларни, қуш, балиқ, капалакларни, арчани уруғи, ёнғоқ постидан, ўз ўйлаганлари бўйича, тарбиячининг топшириғи бўйича ясайдилар. Болаларга яна шохлар, илдизларни таниш бўлган эртак қахрамонларига ўхшаганларини топишни ҳам ўргатиб борилади. Бу фаолият орқали болаларни фантазия, тасаввурларини ривожланиб боради. Қоғозни чизилган чизик буйлаб буклаш, андаза бўйича ишлаш малакаси мебел ясаш машғулотида шаклланиб, мустаҳкамланади. Намунани кўзатгач болалар ундан нима ясаш мумкинлигини аниқлайдилар. Бир стол атрофида ўтирган болалар, ишни бўлиб олиб (бир бола, диван, бошқаси кресло ва ҳоказо). Стол стулнинг оёқларини баландлигини аниқлайди. Худди шу мавзу бўйича яна бир машғулот ўтказилади, бунда болалар ўзлари андаза қилиб, уни тўғри буклаб турли мебеллар ясайдилар. Бундан ташқари улар линейка билан чизиқ чизиш, ўзунлик, энини ўлчашни ҳам ўрганади. Тарбиячи фақат чизғич билан қандай ишлашни кўрсатиб беради, колган кисмини болалар мустақил бажарадилар. Машғулот бошланишидан олдин болалар бир- бирлари билан нима ясашларини гаплашиб оладилар ва керакли материалларни ўз столларига жойлайдилар. Бундай машғулотлар болаларни қўл мускулларини ривожлантириб қолмай, балки уларни хотира, фикрлаш, ижодларини ишдан олдин планлаштириш қобилятларини ҳам ўстиради. Айтайлик, янги йил байрамига болалар машғулотда арча ўйинчоқларини

ясайдилар. Болалар намунани ўзлари танлаб, материалларни тайёрлаб, мустақил бажарадилар. Бу машғулотда болалар аппликация машғулотида олган билимларини қўллайдилар: қоғозни кўп буклаб бир хил типли фигураларни қирқадилар. Тайёрлов гуруҳда тарбиячи болаларни олдинги гуруҳларда олган билимларини, малакаларини мустаҳкамлайди. Болалар ўз ўйлаганлари бўйича мавзу танлаб, керакли материалларни танлаб, ишни нимадан бошлаш, унинг қисмларини қандай бирлаштиришни мустақил бажара оладилар. Тарбиячининг ёрдами билан болалар автомашина, картондан ҳаракатланувчи ўйинчоқлар (қуён, матрёшка, айиқ ва ҳоказо) ни асосий қисмга майда қисмларни ип билан бирлаштирадилар. Тарбиячи янги материални тушунтираётганда унинг қисмларини бирлаштиришга болалар диққатини қаратади, мавзуга икки машғулот ажратилади. Биринчисида болалар қуёнча ва айиқни қирқадилар, бошқа машғулотда ҳайвонларни, қўғирчоқларни қирқадилар. Табиий материалдан нарса ясаш машғулоти кўпинча ёзда ва кузда олиб борилади. Машғулотга бир неча кун қолганда тарбиячи мавзу номини айтиб, мавзуга оид материалларни йиғишни илтимос қилади. Машғулот давомида болалар қандай қилиб қисмларни бир- бирига бирлаштираётганликларини кузатиб борилади. Бир стол атрофида ўтирган болалар бирга фикрлашиб, композиция ташкил қиладилар. Тарбиячи болаларга қарағайнинг очилмаган шишка-уруғидан капалак, балиқчалар ясашни ўргатади. Болалар олган билим, малакаларини бошқа машғулотларда қўллайдилар. Тайёрлов гуруҳда табиий материал ва қоғоздан қуриш –ясашга ўргатишнинг метод ва усуллари. Тайёрлов гуруҳда болалар катта техник малакаларни талаб қилувчи анча мураккаб конструкцияларни ўзлаштириб берадилар. Шунинг учун

тарбиячи нарсалар ясашни, унинг бажарилиш усулларини аниқ тушунтириб, кўрсатиш услубидан тез-тез фойдаланади. Тарбиячи балконли уйни қуриш мавзусида аввал кўп қаватли балконли уй конструкциясини тайёр ҳолда кўрсатади, сўнг ишни ўзи кўрсатиб, уйни қандай ясалишини қоғозни буклаб, балконларини ясаш учун қирқиб, уни томини қандай жойлашишини кўрсатиб беради. Агар машғулотда болалар танишиш усулини қўлласалар, тарбиячи фақат намунани кузатиш ва қисман кўрсатиш билан чекланади ҳалос, ёки болалар билимини фаоллаштирувчи саволлар бериши мумкин. Арча ўйинчоғини ясаш машғулотида тарбиячи болаларга намунани кўрсатгач, уни қандай қирқишни болалардан сўрайди. Улар бунга жавоб берадилар, сўнг ўзлари мустақил бажарадилар. Агар ясалаётган нарса масалан: ҳаракатланувчи ўйинчоқлар, кўп вақтни олса, болалар қийналсалар, тарбиячи машғулотни иккига бўлиши мумкин. Биринчи машғулотда тарбиячи картондан ясалган ўйинчоқларни кўрсатиши, бугунги театр ўйинига ҳам худди шундай ўйинчоқлар ясашлигини айтиб ўтади. Лекин бу ўйинчоқни чизиб бериш лозим, сўнг болалар ҳайвончани ўйлаб топиб чизиб бўяйдилар. Иккинчи машғулотда болалар тарбиячининг тушунтириши ва кўрсатмаси асосида ўйинчоқ ясайдилар. Ўйинчоқ ясаш машғулоти аввалдан тайёрликни талаб қилади. Тарбиячи бу ишга болаларни жалб қилади. Улар материал тайёрлашга ёрдамлашадилар: қоғоз қирқадилар, шакли бўйича жойлаштирадилар, қоғозни олдидан (мебелни оёғи учун) труба қилиб ёпиштирадилар. Болалар ўз ўйлаганлари бўйича машғулотнинг яхши ўтиши аввлдан тайёргарликка боғлик: болалар қанчалик материалларни ясайдиган предметларини тез топсалар, нима ясашларини олдиндан билсалар, шунчалик машғулот қизиқарли бўлади. Тарбиячи машғулот учун болалар билан

турли ўлчам, турли шаклдаги дарахт, гул, буталарнинг уруғларини, шох, маккажўхорини дони, береста, мох ва бошқа кўпгина табиий материалларини йиғадилар. Болалар олдиндан ўйлаган нарсалари учун материаллар йиғадилар: йирик уруғ танаси учун, майда уруғ боши учун, турли шохлар–қўл, оёқ, панжалар учун. Тарбиячи болаларга йиғган материалдан нарсалар ясашни ўргатади, яъни болалар диққатини шу материаллар ҳайвонларни фигураларига ўхшаб кетишига (югураётган кийик, туя қуш, одамлар ва ҳоказо) қаратади. Бу нарсаларни ясашда тарбиячи ҳам иштирок этиши мумкин. Болалар тайёр фигураларни тагликка ўрнатаётганларида тарбиячи тагликни мих билан тешиб беради ёки капалакларни қанотларини шишкага жойлаштириб беради. Бу барча ясалган нарсалардан кўргазма уюштирилади. 8-март байрамига, ота- оналар мажлисига бағишланади. Бу кўргазмалар болалар ишини янада яхши бўлишига ёрдам беради ва болаларда жавобгарлик ҳиссини эстетик дидларини янада ўстирадилар.

Адабиётлар рўйхати: 1. Такомиллаштирилган “Болажон” таянч дастури. Т.: 2016. 2.Мактабгача таълимга қўйиладиган давлат талаблари. Т.: 2017 “Билимдон” дастури. Т.: 2014 3.Амирова. Г.А., Сулаймонов А.П., Джураева Б .Р. Мактабгача таълим муассасаларда аппликация машғулотлари. Т., 2014. 4.Д.Т Сабирова. Мактабгача ёшдаги болаларда тасвирий саводхонлик элементларини шакллантириш. (13.00.01.-Педагогика назарияси ва тарихи ихтисослиги бўйича ёзилган диссертациянинг автореферати). Т.2007 5.“Бола шахсини ривожланишининг долзарб муаммолари”. Халқаро илмий- амалий анжуманининг тезис ва мақолалар тўплами. 2008 йил. 6.Джалалова Д.Х. Основные тенденции развития современной японской школы. Автореферат дис.к.п.н. 2004. 7.Титов В.А.Педагогика зарубежных стран (сравнительная педагогика). АПриор, 2010.

Похожие

Мактабгача таълим муассасининг турли ёш гуруҳларида қуриш ясашга ўргатиш методлари

Мактабгача таълим муассасаларида машгулотларни ташкил этиш

Мактабгача таълим муассасаларида лой иши машғулотлари

Мактабгача таълим муассасаларида мултимедиа технологияларини жорий этиш

Мактабгача таълим муассасаларида жисмоний тарбия йўриқчисининг вазифалари