Ўткир Носирович Мусаев (1936-2007) - Химия - Рефераты

Ўткир Носирович Мусаев (1936-2007)

Загружено в:

20.09.2019

Скачано:

0

Размер:

28.765625 KB

Ўткир Носирович Мусаев (1936-2007) Уткир Носирович Мусаев 1936 йилнинг 7 сентябрида Тошкент шаҳрида туғилган. 1953 йилда ўрта мактабни тугатгач, Урта Осиё Давлат университети (САГУ) нинг кимё факультетига ўқишга киради ва физикавий кимё кафедрасида мазкур соҳа бўйича мутахассис сифатида шакллана бошлайди. У.Мусаевнинг илк тадқиқотлари полимерларни радиацион модификациялаш ва янги мономерларни радиацион полимерлаш муаммоларига багишланди. У 1963 йилда полимерларнинг радиацион кимёси соҳасида номзодлик диссертациясини ҳимоя қилди.1966 йилда ёш олим физикавий кимё кафедрасининг доценти сифатида табиий бирикмалар -алкалоидлар ва бошқа биологик фаол бирикмалар асосида сувда эрувчан ва физиологик фаол полимерлар синтези бўйича илмий <тадқиқотлар бошлайди. Бу эса кафедрада янги илмий йўналиш очишга асос бўлиб хизмат қилади. У 1975 йилда докторлик диссер тациясини ёклайди. 1979 йилда полимерлар кимёси кафедрасининг очилишида бош-қош бўлиб, умрининг охиригача кафедрага бошчилик қилади. 45 йил давомида университетда профессор Ў. Мусаев раҳбарлигида ва унинг бевосита иштирокида алоҳида комплекс хоссаларга эга, мономерлар ва полимерларнинг нозик органик синтези соҳасида ҳамда тиббиёт ва ветеринарияда қўллаш учун дори воситаларининг янги авлодини, халқ х}'жалиги учун махсус органик ионалмаштирувчи ва каталитик фаол материаллар яратиш мақсадида ҳар томонлама илмий тадқикотлар олиб борилди. Ў.Мусаев органик бирикмалар синтези ва уларни кимёвий модификациялаш соҳасида йирик олим ҳамда илмий ташкилотчи эди. У жаҳон амалиётида биринчи марта аник йўналишда узок муддат таъсир қилиш хоссасига эга сувда эрувчан фармакологик фаол полимерлар олиш учун

алкалоидлар ва бошқа физилогик фаол бирикмаларнинг янги тўйинмаган органик ҳосилаларини синтез қилиш бўйича тадқиқотлар бошлаган. Олим томонидан Ўзбекистонда янги тиббий полимерлар илмий мактаби яратилди, бу эса органик кимёнинг янги соҳаси - тиббий - биологик полимерлар кимёси йўналиши ташкил бўлиши ва ривожланишига катта ҳисса қўшди. Бу йўналиш кимё, тиббиёт ва биологиянинг тутагаувида муваффақиятли ривожланмоқда. Ў.Мусаевиинг илмий тадқиқотлари N - алмашган акрил- ва метакриламидлар, а,р — тўйинмаган кислоталарнинг аминоалкил эфирлари, акрил, метакрил, итакон кислоталарнинг мураккаб эфирлари ва оддий винил эфирлари туридаги мономерлар қаторини, сезиларли даражада кенгайтирди. Аминокислоталар ва қатор алкалоидларнинг N — карбоксиан- гидлари янги синфларики синтез қилиш усуллари яратилди. Бу эса полипептид табиатли сувда эрувчан фармакологик фаол полимер лар ҳамда ён занжирда саратон касаллигига карши фаолликка ва анестетик хоссага эга бирикмалар тутувчи карбо - гетерозанжирли блок сополимерларнинг янги синфларини олиш имконини берди. Ў. Мусаевнинг олтин, молибден, рений ва бошқа нодир металларни ажратиб олиш ва инсоннинг гепатит ва бошка турли хил касалликларида қонни заҳарли метаболитлардан тозалаш учун гемосорбентлар сифатида ишлатиладиган органик ионалмаш- тирувчилар синтези соҳасидаги тадқиқотлари алоҳида аҳамиятга эга. Биринчи марта фармакологик фаол полимерларнинг уларнинг макромолекуляр харакгеристикаларига боғлиқ томонлари систе матик равишда ўрганилди ва полимер препаратларппинг фаолликни намоён қилишида «полимерлик самараси» мавжудлиги кашф қилинди ва бу тиббиёт, ветеринария ва экология учун истиқболли янги полимерлар қаторини яратиш имконини берди. Лупинин алкалоиди асосида организмни детоксикациялаш жараёнида ва юрак - томир жарроҳлиги амалиётида ишлатиш учун мўлжаллангаи янги юқори самарали, кам заҳарли гепарин антогонисти яратилди. Йирик шохли қорамолларнинг инфекцион ва инвазион касалликларини

даволаш ва уларнинг олдини олиш мақсадида органик доривор бирикмаларнинг полимер ҳосилалари олкнган ва ветеринария амалиётига татбиқ қилинган. Биринчи марта маҳаллий хом ашёлар асосида олинган пектин полимерларидан фойдаланиб тетрамизол ва бошка антигельминт препаратларнинг таъсири пролонгацияланган. Синтез қилинган бундай препаратлар синов-ларда пролонгацияланиши билан бирга юкори самарадорликни кўрсатган. Гельминтозларнинг олдини олиш учун қўйлар организмига бир марта юборилган бундай препаратлар 3 ой давомида ўз таъсирини кўрсатган. Эхинококкозга қарши ишлатиш учун истиқболли полимер препаратлар олинган. Азидин ва диамидиннипг пролонгацияланган таъсирга эга полимерли ҳосилалари олинган. Йирик шохли қорамол организмига юборил ган полимерли диамидин 40 - 50 кун давомида ҳайвонларнинг пироплазмоз касаллиги билан огришининг олдини олган. Синтез қилинган полимерли антипротозой преиарати Ветеринария Бош бошкармаси томонидан республика хўжаликларида кенг микёсда синовлар ўтказиш учун тавсия қилинган. Инфекцион касалликларни гемосорбция усули билан даволашда организмни сорбцион детоксикациялаш мақсадида ишлатиладиган янги полимер ионалмашувчи материаллар синтез қилинган. Камё'б ва нодир металларни ажратиб олиш, оқава сувларни заҳарли металл- ионларидан тозалаш мақсадида гидрометаллургияда фойдаланиш ва саноат ишчиларини заҳарли ва зарарли газлардан индивидуал ва коллектив ҳимоя қилишда фильтр материаллар сифатида фойдаланиш учун янги толасимон, тўқима ва донадор ионалмашувчи материаллар олинган ва ишлаб чиқариш амалиётига жорий этилган. Профессор У. Мусаевнинг тиббий - биологик полимерлар, хусусан, стимул- - сезгир полимерлар синтези ва уларнинг хоссаларини ўрганишдан иборат тиббий-биологик полимерлар кимесининг мутлако янги соҳасидаги тадқиқотлари катта аҳамиятга эга. Юқори бўкувчан гидрогеллар кўринишидаги бундай «ақлли» полимерлар деб аталувчи полимер системалар

организмдаги жуда кичик ўзгаришларга жавоб бериб ўз таъсирини кўрсатади. Бундай системалар ҳозирда тиббиётда, биологияда, биотехнологияда ва бошқа соҳаларда кўлланилмоқца. Улардан организмнинг талабига кўра дори компонентларини ажратиб берувчи доривор моддаларнинг янги авлодини яратишда фойдаланиш мумкин. Профессор У. Н. Мусаевнинг полимерлар кимёсини ривожлантиришга қўшган ҳиссаси ватанимиз ва хориж олимлари томонидан эътироф этилган. Унинг илмий ютуқлари халқаро илмий анжуманларда (Москва, Тошкент, Прага, Сеул, Будапешт, Туркия, АҚШ, ХХР ва ҳ.к.) маърузалар қилинган. У иқтидорли олим ва илмга чанқоқ ёшларнинг устози эди. Ў.Мусаев полимерлар кимёсида эришган ютуқлари учун 1990 йилда «Ўзбекистонда хизмат кўрсатган фан арбоби» фахрий унвони билан такдирланган.

Адабиётлар: 1.Каримов И.А. “Ўзбекистон ХХI аср бўсағасида: хавфсизликка тахдид ва барқарорлик шартлари ва тараққиёт кафолатлари.”Т. 1997 105-128 бетлар. 2.Тўхтаев А. “Экология” Т. Ўқитувчи-1998. 3.Ғуломов М. Жўраев Й. “Экология. Жиноят ва жазо” Т. 1991 4.Алимов Т.А. Рафиқов А.А. “Экология хатолик сабоқлари” Т. “Ўзбекистон”1991

Похожие

Туйғун Мирзааҳмедович Бобоев

Абдуҳамид Ғофурович Маҳсумов

Polimerlarning kimyoviy sinflanishi

Makromolekula zanjirining tuzilishi

Molekulyar massani eritmaning osmotik bosimi orqali aniqlash