ПМР спектрларни соддалаштириш усуллари - Химия - Рефераты

ПМР спектрларни соддалаштириш усуллари

Загружено в:

20.09.2019

Скачано:

0

Размер:

92 KB

ПМР спектрларни соддалаштириш усуллари Режа: 1. Изотопли ўрин-алмашишлар усули 2. Қўш ядровий резонанс усули

Мураккаб спектрларни тахлил қилиш учун амалиётда қуйидаги соддалаштириш усулларидан фойдаланилади: 1. Молекуладаги водород атомларини дейтерий атомга алмаштирилиб айрим спин-спинлар таъсирини йўқотиш. 2. ПМР спектрларни асбобларнинг юқори частотали турларида (220, 320, 500 МГц) олиш. Бу турларда олинган спектрлар 60, 100 МГц лиларда олинган мураккаб спектрлар сигналларини янада ажралиб чиқишга сабабчи бўлади. 3. ЭҲМ ёрдамида квант-механик ҳисоблар олиб бориш. 4. Қўш ядровий резонанс усулини тадбиқ этиш. Бу усулларнинг биринчи ва тўртинчи турлари билан батафсил танишиб чиқамиз, иккинчи ва учинчи усуллардаги юқори частотали замонавий спектрометрларни сотиб олиш муаммо ҳисобланади, шунинг билан бир қаторда ЭҲМ ёрдамида ҳисоблаш ишлари ҳам анча мураккаб, мутахассислардан эса махсус тайёргарликни талаб этади. 1. Изотопли ўрин-алмашишлар усули Мураккаб спектрларни тахлил қилишда намунанинг ПМР спектрини изотопга ўрин алмаштирилган спектр билан таққослаш маълум даражада ёрдам беради. Водород атомини дейтерий атомига алмаштириш амалиётда кенг ўрин олган. Дейтерий атоми массаси жуфт, тартиб номери тоқ сон бўлгани учун унинг спини яхлит сон, яъни 1 га тенг. Водород атомини дейтерийга алмаштирилса молекуладаги электронлар зичлиги деярли ўзгармасдан қолади. Агар ўринбосар спини нолга тенг бўлса, спин-спинлар таъсири натижасида содир бўлган спектрнинг мураккаблашишига барҳам берилади. Дейтерий бу синфдаги ўринбосарга кирмайди, аммо улар кўпинча магнитли хусусияти бўлмаган ўринбосарлар деб қаралади, чунки дейтерий яхлит спинга эга бўлгани учун протон ҳосил қиладиган соҳадаги частоталарда

сигнал ҳосил қилиши мумкин эмас, бундай ядролар ядро-квадрупол резонанси услуби ёрдамида ўрганилади. Демак, молекуладаги айрим водород атомларини дейтерийга алмаштириб спектрларнинг мураккаб чиқишига сабабчи бўлган спин-спин таъсирлар йўқотилади. Масалан, пиридин молекуласининг спектри жуда мураккаб, яъни унда бир-бирига эквивалент бўлмаган протонлар бўлгани уни АВ 2 Х 2 системага киритиш мумкин (46-расм). N A B X расм. Пиридиннинг 60 МГц ли спектрометрда олинган ПМР спектри. 2- ва 6-ҳолатлардаги пиридин молекуласининг протонлари бошқа протонларга нисбатан кучсизроқ майдонда намоён бўлади, бунга асосий сабаб уларга нисбатан ёнма-ён жойлашган, тақсимланмаган электронлари бўлган азот атомининг таъсири ҳисобланади. 3-, 4-, 5-протонларнинг мураккаб чиқишига сабаб улар орасидаги спин-спинлар таъсирининг мавжудлигидир. Агар 2- ва 6-ҳолатдаги протонларни дейтерийга алмаштирилса, бу протонлар спин-спин таъсирида қатнаш-маганлиги учун 2,6-дейтеропиридин спектри соддалашиб, АВ 2 системали спектрга айланади. N A B DD

Агар 4-ҳолатдаги водородни дейтерий атоми билан алмаштирилса, 4- дейтеропиридин В 2 Х 2 системага айланади, натижада унинг ПМР спектри соддалашиб сигналлари аниқ ажралган кўринишга эга бўлади (47-расм). N D B XX B расм. 4-дейтеропиридиннинг ПМР спектри Номаълум моддаларнинг ПМР спектрларини олишда водород атомлари дейтерийга алмаштирилган эритувчилар кенг миқёсда фойдаланилади, чунки бундай эритувчиларда протон бўлмагани учун намунанинг спектридаги сигналларга халақит бермайди. Бундай эритувчиларга оғир сув ( D 2 О), дейтероацетон ( CD 3 С0 CD 3 ), дейтерометанол (С D 3 О D ), дейтерохлороформ ( CDCl 3 ) лар мисол бўлиши мумкин, аммо бу эритувчилар изотопсиз бирикмаларга нисбатан анча қиммат туради.

2. Қўш ядровий резонанс усули Қўш ядровий резонанс услубини биринчи марта америкалик олим Блох таклиф қилган, қўш резонанс ёрдамида оддий спектр олиш учун керакли бўлган частотага қўшимча кучли частотали майдон таъсир этилиб айрим спин-спинлар таъсирига барҳам берилди. Масалан, бир-бири билан таъсирлашиб турган А ва В протонлар бўлса, агар ўлчанган частотага қўшимча частота, яъни В протоннинг резонанс частотасига мос келган частота билан таъсир этилса, у тўйинган ҳолига келиб А протон билан таъсирланиши йуқолади ва унинг бошқа протонлар билан ҳам спин-спин таъсири йўқолади. Шунинг учун ҳам бу услуб "спин-спинлар" таъсирини йўқотиш ( spin deconpling ), "қўш нурлантириш" ёки "қўш резонанс" услуби ҳисобланади. Бу усулни ишлатиш учун протонларнинг кимёвий силжиш қиймати спин-спин таъсир константа қийматидан юқори бўлиши зарур. ЯМР қўш резонанс услубини ишлатишнинг иккита тури мавжуд: 1-тури: Мураккаб спектр соддалашади, яъни бир протонни кучли нурлантириб олинган спектр тахлил қилинади. 2-тури: Спин-спинлар таъсирининг йўқотилиши сигнал бошланғич спектрда беркинган ҳолда бўлганда ҳам резонанс сигналларнинг жойини аниқ билишга ёрдам беради. Айрим ҳолларда уч маротабали резонанс услубидан ҳам фойдаланиш мумкин. Унинг асосида қўш резонанс қонунияти ҳам ётиб фақат бунда ядрони тўйинтириш учун 2 та қўшимча радиочастота ишлатилади. 2,3-дибромпропеннинг ПМР спектрини қўш ядровий резонанс ёрдамида тахлил қилиш тартиби билан танишиб чиқамиз. CH ( C ) H B r C CB r H B H A

Бу бирикманинг спектрида уч гурух (А,В,С) ноэквивалент протонларнинг сигналлари намоён бўлади (48-расм). Биринчи дублет (С-гурухи) - СН 2 - Br гурухининг протонларига тегишли бўлиб, ички айланиш хусусиятига эга бўлгани учун, иккала протонлар ҳам эквивалент ҳолатга келади. Иккита бошқа сигналлар (В ва А гурухлари) қўшбоғга боғланган, С  С боғ атрофида эркин айланиш бўлмагани учун иккала протон бир-бирига эквивалент эмас, шунинг учун улар айрим соҳаларда намоён бўлади. Б y сигналлар хақиқий квартет ҳосил қилмасдан мураккаб тузилишга эга, чунки улар CH 2 -Вг даги протонлар билан ҳам спин- спинлар таъсирида бўлади (В-хақиқий дублет эмас, А-мультиплет). Шуни таъкидлаш лозимки, мураккаб спектрларни қўш резонанс услубини қўллаб тахлил қилиш учун ЯМР спектрометрларнинг иш частоталари 100 МГц дан юқори бўлганда керакли муҳим маълумотларни олиш мумкин. расм. 2,6-дибромпропеннинг ПМР спектри.

Қўш резонанс услубини ишлатиб сигналларнинг мураккаб тузилишига барҳам бериш мумкин. Қуйидаги расмда С гурухга юқори частотали майдон берилмасидан аввалги В ва А гурухларнинг спектри (а) ва қўйилгандан кейинги спектри (б) берилган. Бу спектрни бошқа ядролар таъсирида бўлмаган икки протонли системанинг спектри деб қараш мумкин. Агар қўш резонанси фақат битта ядро бўйича олиб борилмасдан, кетма-кет бошқа ядролар бўйича олиб борилса, бундай услубни "ИНДОР амалий ишлари" деб айтилади. ' Агар иккита таъсирланувчи протонлар кимёвий силжиш қийматлари ва уларга мос бўлган спин-спинларнинг константа қиймати яқин бўлса, бундай системаларга қўш резонанс услуби ишлатиб бўлмайди. Бундай ҳолларда керакли маълумотни олиш учун иккинчи радиочастота майдонининг кучланишини анча камайтириш керак. Иккинчи радиочастотали майдонни тажрибада ишлатилганида аниқ спин ўтишлар кучсиз уйғунлаштирилади, буни адабиётларда "Тиклинг тажрибаси" ёки проф. В.Ф.Бўстровнинг таклифига биноан "локалли қўш резонанс тажрибаси" деб ҳам айтилади. Бу услуб қўш резонансга ўхшаса ҳам, буни спин-спин таъсирни йўқотадиган усул сифатида қаралмайди, чунки бу услуб асосидаги ҳодиса қўш реэонансдан тубдан фарқ қилади.

"Тиклинг - тажрибаси" частота бўйича спектрни ёйиб ёзишда фойда бериши мумкин, аммо бу натижалар майдон бўйича ёйиб ёзишда эътиборга олинади. Протон сигналлари бир-бирига яқин турганда сигнал аниқ бўлмайди, буни қўш резонанс орқали анализ қилиш қийин. Бунда "Тиклинг тажрибаси" эътиборга олиниб амалда ишлатилади. Шундай қилиб, беркинган резонанс сигналларни аниқлашда, яъни бир-бири билан кучли таъсирда бўлган иккита протоннинг кимёвий силжишлари бир-биридан жуда кам фарқ қилганда кучсиз уйғунлаштирадиган радиочастотали майдон ишлатадиган қўш резонанс - "Тиклинг тажрибаси" кенг кўламда қўлланилади.

Адабиётлар рўйхати 1. Бенуэлл К. Основў молекулярной спектроскопии, М.,"Мир" 1985. 2. Бахшиев Н.Т. Введение в молекулярную спектроскопию, Л., Изд-во ЛГУ, 1987. 3. Мельникова К.Б. Элементў кoлeбaтeльнoй спектроскопии и их применение в химии, Киев, 1983. 4. Ельяшевич М.А., Степанов Б.М., Волькенштейн М.В. Колебание молекул, М. 1949. 5. Казицина Л.А., Куплетская Н.Б. Применение УФ, ИК, ЯМР и масс- спектроскопии в органической химии, М, Изд-во МГУ, 1979. 6. Вилков Л.В., Пентин Ю.А. Физические исследования в химии, том 1, М., Вўсшая школа, том 2, 1989. 7. Драго Р. Физические методў в химии, т 1,2. М., "Мир" 1981. 8. Афанасьев В.А., Заиков Г.Е. Физические методў в химии, Изд-во "Наука" М., 1984. 9. Иоффе Б.В., Костиков Р.Р., Разин В.В. Физические методў определения строения органических соединений, М.,"Вўсшая школа", 1984. 10. Фрайфельдер Д. Физическая биохимия. М., "Мир", 1980. 11. Бранд Дж, Эглинтон Г. Применение спектроскопии в химии, М.,"Мир",1967, 354с. 12. Сильверстейн Р., Баселер Т., Моррил Т. Спектроскопическая идентификация органических соединений, М.,1977.

Похожие

ПМР спектроскопиясининг параметрлари

13С – спектроскопия. Кимёвий силжиш ва спин-спин таъсир константалари. Фурье спектроскопия

Моносахаридлар ва ҳосилаларининг ЯМР ва масс-спектрлари

Коррозияга карши химоя усуллари

Коллоид золларнинг олиниш усуллари