Пептидлар, оқсиллар ва нуклеин кислоталарнинг ЯМР спектроскопияси - Химия - Рефераты

Пептидлар, оқсиллар ва нуклеин кислоталарнинг ЯМР спектроскопияси

Загружено в:

20.09.2019

Скачано:

0

Размер:

134 KB

Пептидлар, оқсиллар ва нуклеин кислоталарнинг ЯМР спектроскопияси Ядро магнит резонанс (ЯМР) спектроскопия биополимерларнинг тузилишини ўрганишда ишлатиладиган физикавий услублардан бири ҳисобланади. Бу услубнинг бошқалардан устунлиги қуйидагилардан иборат: 1. Назарияси етарли ривожланиб жуда яхши ўрганилган ва ЯМР спектрдан айрим молекулалардаги махсус атомларнинг қандай жойлашганини билиш мумкин. 2. Молекуладаги водород атомининг миқдори ва ҳолатини аниқлаш мумкин. 3. Ҳар хил атомларни (масалан, Н, N, 13 С ва Р) ҳам ўрганилиши мумкин. ЯМР спектроскопия айниқса молекуляр массаси <500 бўлган кичик молекулаларни ўрганишда аниқ маълумотлар беради, аммо макромолекула спектрида бир-биридан ажралиб чиқмаган кўп миқдордаги резонанс сигналлари мавжуд бўлиб, уларни аниқ тахлил қилиш кўп ҳолларда анча қийинчилик туғдиради. Бундан ташқари биополимерлар тузилишини ўрганишда ЯМР услубининг чегараланганлиги фақат спектрларнинг мураккаблиги бўлмасдан, балки замонавий асбоб ускуналарнинг кўпинча танқислигидандир. Ўрганиладиган молекула ҳақида ахборот олиш учун ЯМР нинг тўртта параметридан фойдаланилади, булар сигналларнинг ҳолати (кимёвий силжиш), уларнинг интенсивлиги (сигналлар сатхи), кенглиги ва ажралиб чиқиши (спин-спинларнинг ўзаро таъсири). Ҳар бир параметр қандай ахборот беришини кўрамиз. 1. Сигналларнинг ҳолати ёки кимёвий силжиш бошқа ядролар ёки жуфтлашмаган электронларнинг ҳосил қилган локал магнит майдонлари билан аниқланиб, натижада ядро атрофидаги магнит майдони ташқаридан

берилган магнит майдонидан фарқ қилади, шунинг учун ҳар хил кимёвий силжиш қийматлари кузатилади. 2. Сигналларнинг интенсивлиги маълум кимёвий қуршовга эга бўлган ядроларнинг сонига пропорционалдир. Сигналларнинг юзаси ядронинг электронлар қуршовига боғлиқ эмас. 3. Макромолекула спектрида резонанс сигналининг кенглиги биринчи навбатда молекула харакати билан белгиланади. Бу жараён спин— панжарали, спин—спинли релаксациялар билан изозҳланади. Агар спин— спин релаксация вақти (Т), молекула тез харакатда бўлганда катта қийматга эга бўлса олинган сигналлар тор шаклда намоён бўлади. 4. Сигналларнинг ажралиб чиқиши ёки уларнинг мулътиплетлиги бир —бири билан таъсирлашишидан вужудга келади. Мулътиплетнинг бўлишлиги мезон сифатида сигналларнинг юзаси бир-бирига нисбатан эътиборга олинади. Бунда дублет учун 1:1, триплет учун 1:3:1, квартет учун 1:3:3:1, квинтет учун эса 1:4:6:4:1 ва ҳоказо. Юқоридаги параметрларни эътиборга олиш билан бир қаторда биополимерлар спектрларини тахлил қилишда қуйидаги қоидаларга риоя қилиш керак: 1. Айрим кимёвий гурух протонларининг кимёвий силжиш қиймати, шундай гурухлар (метил, этил, оксигурухлар) айрим аминокислота ёки нуклеотид қисми бўлганда, молекуланинг ўзгариши билан қийматлари ҳам ўзгаришга учрайди. 2. Агар бирикма биополимернинг мономер бўлаги бўлса, протоннинг кимёвий силжиши, бошқа гурухлар ёки молекулаларнинг яқинлигига боғлиқ. 3. Агар макромолекулага кимёвий ёки физикавий таъсир натижасида айрим протоннинг кимёвий силжиш қиймати ўзгарса, макромолекуланинг протон жойлашган қисмида структуравий ўзгариш бўлганлигини тасдиқлайди.

4. Мультиплет сигналларнинг ажралиб чиққанлик сонига қараб, қандай гурух ён томонда тургани ҳақида ахборот олинади. Масалан, квартет сигналининг кузатилиши метил гурухи борлигидан далолат беради. 5. Сигнал чизиқларининг кенглиги ядронинг харакатчанлигига боғлиқ. Агар ядро тез харакат қилса, масалан, кичик молекулаларда, чизиқлар тор шаклда, секин харакат қилса макромолекулада чизиқлар кенг шаклда намоён бўлади. Сигналлар кенглиги орқали полимердаги функционал гурухлар ёки мономер бўлакларининг харакатчанлиги ҳақида маълумот олиш мумкин. 6. Макромолекуланинг маълум бир қисмига лиганднинг боғланиб қолиши макромолекуланинг ва лиганднинг спектрига таъсир этади, яъни боғланиб қолган жойдаги протонларнинг сигналлари кенг шаклда намоён бўлади, бунга асосий сабаб боғланган жойдаги харакатчанликнинг камайишидир. Биополимерларнинг спектрларини тахлил қилиш услублари қуйидагича амалга оширилади: 1. Аминокислоталар, нуклеотидлар, айрим функционал гу рухларнинг спектрлари маълумотининг жадвали тузилади. K ўпгина бундай бирикмаларнинг ЯМР спектрида ўзига хос резонанс частоталари бўлиб, уларни мураккаб спектрдан топиб тахлил қилиш мумкин. 2. Агар оқсил молекуласидаги аминокислоталар кетма-кетлиги маълум бўлса, уларни ферментлар ёрдамида парчалаб, улардан ҳосил бўлган тозаланган бўлакларнинг спектрини алоҳида-алоҳида ўрганиш мумкин, аммо бу услуб чегараланган бўлиб, айрим гурухларнинг кимёвий силжиш қиймати турли хил бўлакларда бир хил эмас. Бу услуб юқори молекулали пептидларни ўрганишда аҳамиятли эмас, аммо уни олигопептидларни ў pra нишда ишлатиш мумкин. 3. Биополимерлар занжирининг маълум қисмларида кимёвий реакциялар ёки улар билан лигандларнинг боғланиб қолиши баъзи бир сигналларнинг йўқолишига, ҳамда айрим ҳолларда уларнинг силжиб

чиқишига сабаб бўлади. Бундай жараёнларда конформацияларнинг ўзгариб кетиши ҳам кузатилади. 4. Айрим биополимерлар гурухларининг протонлари эритувчиларда танловли дейтерий алмашинишга учрайди, бу ҳолда дейтерийга алмашган протонлар спектрларда йўқолади. 5. Рентген—тузилиш ёрдамида фазовий тузилиши аниқланган оқсил ва полипептидларнинг ЯМР спектрлари олинган, бу маълумотларни таққослаш мумкин, аммо рентген берган маълумот кристаллик ҳолат учун, ЯМР нинг эса эритмадаги ҳолатга тегишли эканини эътироф этиш зарур. Шунинг учун ҳам физикавий услубларни ҳамжиҳатликда ишлатиш мақсадга мувофиқ ҳисобланади. ЯМР спектроскопия ёрдамида оқсилларнинг тузилиши ва турли хил таъсирлар натижасида уларнинг тузилишларида ишлаш частотаси 200 МГц ва ундан юқори бўлиши зарур ЯМР спектрда айрим аминокислоталар қолдиғига мос келувчи сигналларни аниқлаш мумкин. Лизоцим ферментининг иссиқлик таъсиридаги денатурация жараёнидан кейинги тузилиши ЯМР спектри 220 МГц ли спектрометрда ўрганилган. Эритувчи сифатида D 2 O ни ишлатишдан мақсад Н 2 О оқсилнинг кўп сигналларини беркитиб қўйиш хусусиятига эга. N - H гурухининг сигналлари 6—11 м.у. намоён бўлиши керак, аммо N Н ND га алмашгани учун бу соҳада намоён бўлмайди. Шу сабабли спектрларда асосан СН гурухларининг тегишли бўлган сигналлари келтирилган (72-расм).

72-расм. Лизоцим ферментининг D 2 O даги харорат таъсиридаги ЯМР спектрлари. Денатурацияга учраган лиозимнинг спектри (80°) айрим аминокислоталар спектрларининг йиғиндисига яқин. Масалан, аланин қолдиқларининг барча 12 та метил гурухларининг сигнали 1,14 м.у. (310 Гц). Алифатик аминокислоталарнинг бошқа СН гурух протонлари 200—450 Гц оралиғида, трифтофан, тирозин, фенилаланин, гистидин ароматик халқаларининг СН гурухи 6,5—8,2 м.у. (1500-1700 Гц) оралиғида намоён бўлади. Денатурацияга учрамаган (35—65°) лизоцимнинг ЯМР спектри денатурацияга учрагандан (80°) кескин фарқ қилади. Ўзгармаган намунанинг спектрида 100-200 Гц оралиғида янги чизиқлар бўлиб, булар ароматик ҳалқага яқин турган метил гурухларининг протон сигналлари бўлиши мумкин.  35 ва  65° да олинган спектрлар бир-бирига жуда ўхшаш, бу эса бошланғич тузилиш анча мустахкам эканлигини, яъни бу ерда бир ҳолатдан иккинчи ҳолатга бу температура таъсирида кузатилмаётганини кўрсатади. Демак, денатурация жараёни 65° дан юқори температурада бошланар экан. Шуни ҳам эътироф этиш зарурки, кўп ҳолларда олинган c пектр билан ҳисоблаб чиқарилган спектрлар бир-бирига тўғри келмайди. Ҳар хил

оқсилларнинг спектрларидаги ўзгаришлар кўзга ташланиб туради, аммо бундай спектрларда қандайдир умумийлик борлигини кўриш мумкин. Масалан, протон N ёки С—соҳаларидаги аминокислоталарда ёки пептид боғидаги азотга қўшни ҳолатда жойлашган бўлса катта кимёвий силжиш қийматларига эга бўлади, аммо протон пептид боғининг углероди ёки азотига яқинроқ жойлашган бўлса кичик қийматли кимёвий силжишга эга бўлади. Бундан ташқари, оқсил бошланғич ҳолатидаги ўзгармаган конформацияда бўлса  —спиралли кўринишда жойлашган аминокислота протонларининг айримлари ўзига хос кимёвий силжишга эга бўлади, аммо оқсил учламчи тузилишда бўлганда аминокислоталар бир-бирига яқин тургани учун сигналларнинг қийматлари ўзгариши мумкин. Сигналлар интенсивлиги ва кенглиги турли хил оқсиллар учун бир хил эмас, яъни бунда умумийлик қонунияти кузатилмайди. Оқсилларнинг иккиламчи ва учламчи тузилишлари ЯМР спектрига таъсир этади, аммо уни тахлил қилиш анча мураккаб. Бунга асосий ca баб, оддий оқсил молекуласи 800 га яқин резонанс чизиқларини ҳосил қилиши керак, буларнинг кўп қисми спектрда бир-бирининг устига тушиб аниқ кўринмайди. Бундан ташқари спектрдаги чизиқларни тўғри ва аниқ тахлил қилиш учун оқсилдаги аминокислоталар кетма - кетлиги маълум бўлиши зарур. Ҳозирги вақтда оқсилларни ўрганишда ЯМР спектроскопия асосан бешта ҳолатларда ишлатилиши мумкин:  -  —спиралли конформацияда аминокислоталарнинг улушини аниқлаш. Бунинг натижасида рентген тузилиш анализ орқали аниқланган оқсилни эритмада қандай ҳолатда бўлиши ҳақида маълумот олинади;  - спиралли тузилишдан тартибсиз йиғилганлик ҳолатига ўтишни ўрганиш;  — оқсил айрим қисмларининг конформациясини аниқлаш;  — оқсилнинг маълум қисмларига кичик молекулали лигандлар ва металл ионлари боғланишини ўрганиш;

 — оқсиллардаги актив парамагнит марказлар борлигини тадқиқот қилиш; ЯМР спектроскопия ёрдамида ҳозирги вақтда асосан нуклеин кислоталарининг кичик молекуляр массали бўлакларининг тузилиши ва конформацион ҳолати яхши ўрганилган. Нуклеин кислоталарининг таркибига кирувчи гетерохалқали асосларининг резонанс чизиқлари кучсиз майдонда (9,0—5,5 м.у.) намоён бўлиб яхши ажралиб чиққан дублет кўринишида бўлади. 1960 йилда Жардецкий томонидан пурин асосига мансуб халқаларнинг 8-ҳолати бўйича танловли дейтерий атомига алмашилган ҳосилаларнинг ЯМР спектрлари ўрганилиб Н 2 ва Н 8 —протонларнинг сигналлари тўла тахлил қилинди. Пиримидин қаторининг ҳосилалари учун эса Н 6 ва Н 5 — протонлар сигналини тахлил этиш урацил, цитозин ва тиминлар спектрларини таққослаб олиб борилди. Бу тадқиқот ишларининг олиб борилиши натажасида қатор нуклеозидлар ва нуклеотидларнинг гетерохалқали сигналлари аниқланади (18-жадвал). 18-жадвал Бирикмалар Концентра-ция, Кимёвий силжиш,  м.у. моль  л Н-8, Н-6 Н-2, Н-5 Аденозин 0,1 8,48 8,67 1-Метилгуанозин 0,02 8,41 - Инозин 0,09 8,76 8,65 2-Дезоксиаденозин 0,1 8,75 8,68 Цитидин 0,09 8,29 6,51 Уридин 0,09 8,27 6,32 Тимидин 0,09 8,08 2,35(СН 3 ) 5-АМФ 0,1 8,96 8,70 5-УМФ 0,02 8,40 6,37 Н 8 ва Н 2 протонларнинг кимёвий силжиш қиймати пуринга, Н 6 ва Н 5 эса пиримидин ҳосилаларига тегишлидир. Пурин ҳосилаларидаги Н 2 ва Н 8 сигналларининг қиймати кейинчалик турли хил синтетик пурин, аденин, гуанин ҳамда 8- ва 2-

ҳолатларда дейтерий жойлашган ҳосилаларининг ЯМР спектрлари ҳам чуқур ўрганилиб тасдиқланилди. N N N NN H 2 п е н тоз а3 4 8 91 2 56 7 N NN H 2 O п е н тоз а123 4 5 6 2-дезоксирибоза ва рибозанинг ноэквивалент протон сигналлари 4,0-6,8 м.у. оралиғида намоён бўлади, аммо бунда Н 1 протон бу соҳада кузатилмайди, чунки бу протон сигнали D 2 O таркибидаги Н 2 О сигналлари билан беркилиб қолади. 4,0-4,8 м.у. оралиғида намоён бўладиган мультиплет сигнал оксиметилен гурухидаги СН 2 гурухининг протонларига тегишли ҳисобланади. 19-жадвалда аденозин-монофосфат (АМФ) изомерлари рибоза қисми сигналларининг кимёвий силжиш қийматлари берилган. 3 4 8 91 2 56 7 N N N NN H 2 C O C O H O C HH H O P O HO OH 1 ' 2 ' 3 '4 ' 5 ' Аденозин-3-фосфат(3'-АМФ) 19-жадвал Бирикмалар Кимёвий силжиш,  м.у. Н-1’ Н-2’ Н-3’ Н-4’ Н-5’ Н-6’ 2-АМФ 6,09 4,98 4,57 4,26 3,88 3,80 3-АМФ 6,10 4,74 4,66 4,38 3,27 3,83 5-АМФ 6,01 4,70 4,44 4,29 3,95 3,95

ЯМР спектроскопия нуклеозидлар конфигурациясига боғлиқ  ва  - аномерлар ҳақида маълумот олишга имкон беради. Дезоксирибоза қаторидаги  ва  -аномерли нуклеозидларнинг ЯМР спектрлари ўрганилиб,  -аномерда Н 1 протон сигнали триплет ҳолатда,  - аномерларда эса квартет ҳолатда намоён бўлишини аниқланган. Мононуклеотидлар айрим ҳосилаларининг ЯМР спектрлари яхши ўрганилиши билан бир қаторда олигонуклеотидларнинг спектрларини ўрганишга бағишланган адабиётлар мавжуд бўлиб, уларда эритмадаги конформацион ҳолатлар ҳақида керакли маълумотлар баён этилган. Пурин ҳалқаси тутган динуклеозидфосфатларнинг ЯМР спектрларидан адениннинг Н 2 ва Н 8 протонлари, гуаниннинг Н 8 протони ва қандларнинг Н 1 даги протонларининг сигналларини аниқ топиш мумкин. Пиримидин халқаси тутган цитозин ва урацилнинг Н 6 ва Н 5 протонлари ва тиминнинг метил гурухига тегишли протон ҳам спектрда аниқ кузатилади. Динуклеотидларнинг ЯМР спектрига нисбатан мононуклеотидларнинг спектрларини тахлил қилиш осон, чунки моноҳосилалар жуда кўп синтез қилиниб уларнинг спектрлари ҳам яхши ўрганилган. Динуклеотидлар, динуклеозидлар спектрларида резонанс сигналлар мононуклеотидларникига нисбатан кучсиз магнит майдони соҳасида ҳосил бўлади. 73-расмда аденозин-фосфат цитидин ва цитидин-фосфат аденозин (АрС ва СрА) динуклеотидларнинг ва аденозин (А) ҳамда цитидин (С) нинг ЯМР спектрлари келтирилган. Динуклеотидларнинг спектрларини тахлил қилиш кетма-кетлигини қуйидагича олиб бориш мумкин. Юқори хароратда пурин халқасидаги Н 8 протон дейтерийга осон алмашади. Шунинг учун намунага D 2 O солиб қиздирилса ва кейин спектр олинса Н 8 протоннинг интенсивлиги камаяди, чунки бу шароитда Н 8 маълум фойизларда дейтерийга алмашади. Цитидин халқасидаги Н 5 ва Н 6 протонлар бир-бирига яқин. Булар ўртасида спин-спин таъсир бўлгани учун ҳар бир протон дублетга тақсимланади, мононуклотидли цитидинда константа қиймат 7,5 Гц га тенг. Бу константа

таъсиротда бўлган протонлар жойлашган кимёвий боғ орасидаги бурчак қийматига боғлиқ. Пиримидин халқаси ясси тузилишли бўлиб, ички эркин айланишга эга эмас, шунинг учун цитидиндаги Н 5 ва Н б лар орасидаги таъсир бурчаги мономерда ҳам димерда ҳам бир хил қийматга эга. Бу протонлар спектрда бошқа протонлардан ажралиб айрим ҳолда ҳосил бўлгани учун уни димерли тузилиш спектрида ҳам осон топилади. 73-расм. Цитидин (С), аденозин (А) ва динуклеотидлар - цитидин- фосфат аденозин (СрА), аденозинфосфат цитидин (АрС) ларнинг Н 2 , Н 8 , Н 5 , Н 6 , Н 1 протонларнинг резонанс сигналлари. Аденозин ва цитидиндаги рибозанинг Н 1 даги протон сигналларини аниқлаш зарур. Булар дублет ҳолатида пайдо бўлишига сабаб, қўшни бўлган Н 2 протонлар балки спин-спин таъсирида бўлади, аммо мономер ва димерларда спин-спинлар константа қийматлари ҳар хил, адениннинг Н 1 даги

кимёвий силжиши цитидиннинг Н 1 дагисига нисбатан катта қийматда бўлиб кучсиз магнит майдони соҳасида намоён бўлади. Шундай қилиб, динуклеотидлар ЯМР спектрларининг тахлилида албатта уларнинг таркибига кирувчи мономер бўлакларининг ҳам ЯМР спектрлари олиниб сигналларнинг кимёвий силжиш қийматлари, спин- спинларнинг таъсир константаси қийматлари бир—бири билан таққосланади, ўзгариш сабабларини тузилишларидаги ўзига хослик ҳолатлар эътиборга олиниб, мураккаб тузилишли молекула конформацияси аниқланади. Ҳозирги вақтгача ЯМР полинуклеотидларнинг тузилишини ўрганишда кам маълумот беради, бунга асосий сабаб олинган спектрнинг сигналлари ажралмаган, кенг шаклда намоён бўлиб тахлил қилишда қийинчилик туғдиради. Шунинг учун олиб борилган ишлар асосан ди- ва тринуклеотидларга бағишланган бўлиб, бунда фақат бу бирикмалардаги таркиблар аниқланмасдан, балки ҳар бир бўлакнинг кетма—кетлиги ва конформациясини ҳам ўрганиш мумкин. Умуман олганда, ЯМР спектроскопия имкониятлари худди ОВД ва АД га ўхшаб три— ва тетрануклеотидларни ўрганишгача e тарли деб ҳисоблаш мумкин. Биополимерларнинг миқдори жуда оз бўлганда уларни ЯМР спектроскопиянинг Фурье алмаштиргичли услуби ёрдамида ўрганиш мақсадга мувофиқ ҳисобланади. Бу услуб ёрдамида биополимернинг 13 С бўйича ЯМР спектри олинади. 13 С нинг кимёвий силжиш қиймати протонникидан 50 маротаба катта, ҳамда сигналларнинг ажралиб чиқиши ҳам юқори бўлгани учун атомларнинг қандай қуршовда бўлиши, унга таъсир этадиган ҳолатларни жуда аниқ билиш мумкин, аммо шуни ҳам таъкидлаш зарурки, ҳамма вақт ҳам 13 С нинг берган маълумотлари ПМР спектроскопиянинг маълумотлари каби тўла бўлмайди, шунинг учун бу услубни биргаликда ишлатиш мақсадга мувофиқдир.

Адабиётлар рўйхати 1. Бенуэлл К. Основў молекулярной спектроскопии, М.,"Мир" 1985. 2. Бахшиев Н.Т. Введение в молекулярную спектроскопию, Л., Изд-во ЛГУ, 1987. 3. Мельникова К.Б. Элементў кoлeбaтeльнoй спектроскопии и их применение в химии, Киев, 1983. 4. Ельяшевич М.А., Степанов Б.М., Волькенштейн М.В. Колебание молекул, М. 1949. 5. Казицина Л.А., Куплетская Н.Б. Применение УФ, ИК, ЯМР и масс- спектроскопии в органической химии, М, Изд-во МГУ, 1979. 6. Вилков Л.В., Пентин Ю.А. Физические исследования в химии, том 1, М., Вўсшая школа, том 2, 1989. 7. Драго Р. Физические методў в химии, т 1,2. М., "Мир" 1981. 8. Афанасьев В.А., Заиков Г.Е. Физические методў в химии, Изд-во "Наука" М., 1984.

Похожие

Биополимерларни физикавий тадқиқот қилиш усуллари

Парамагнит нишонлаш услуби ёрдамида оқсиллар ва нуклеин кислоталар тузилишини ўрганиш

Биополимерларнинг рентген-тузилиш анализи

ЯМР усулларнинг ишлатилиш соҳалари

Металл-органик бирикмалар оқсиллар нуклеин кислоталар липид фермент витамин гармон