Флотация усулида бойитиш технологиялари - Химия - Рефераты

Флотация усулида бойитиш технологиялари

Загружено в:

01.10.2022

Скачано:

0

Размер:

165.5 KB

Флотация усулида бойитиш технологиялари Режа: 1. Нодир металлар рудаларининг флотацияси 2. Сульфидли рудаларнинг флотацияси 3. Мисли рудаларнинг флотацияси 4. Рангли металлар оксидли ва аралаш рудаларининг флотацияси 5. Мисли оксидли ва аралаш рудалар 6. Қўрғошинли оксидли ва аралаш рудалар

Нодир металлар рудаларининг флотацияси Нодир металларга олтин, кумуш, платина ва платиноидлар киради. Бундай металлар рудаларини флотация усулида бойитиш ўзига ҳос хусусиятларга эга. Ҳозирги вақтда кўпгина олтин саралаш фабрикаларида сульфидли минераллари бўлган рудалар қайта ишланмоқда. Бундай рудаларда олтин қисман сульфидлар билан боғланган ҳолда, қисман эса эркин ҳолда учрайди. Кўп ҳолларда бундай рудалар қайсар рудалар турига киради. Замонавий олтин ажратиш фабрикаларида бундай рудалар флотация усулида бойитилади. Шуни таъкидлаш лозимки 90 % дан ортиқ олтин ажратиш корхоналари флотация усулини ҳўллайди. Бунга сабаб, сульфидли рудалардан оддий синиллаш усулини ҳўллаб олтинни ажратиб бўлмайди. Олтинни ажратишда флотация усулининг хусусияти шундан иборатки, у бойитмага фақат эркин холдаги олтинни эмас, балки сульфидлар билан боғланган олтинни хам ажратиб беради. Шунинг учун кўпинча олтиннинг флотобойитмага ажралиши юқори, флотация чиқиндилари эса кам миқдорда олтин сақлаб, уларни чиқиндилар майдонига жўнатиш мумкин. Айрим ҳолларда флотация усулида бойитиш олтин сақловчи бойитмада ҳамма олтиннинг йиғилишига имконият бермайди. Шундай бўлса ҳам бу ҳолда флотацияни ҳўллаш мақсадга мувофиқ, чунки у олтиннинг синиллаш, гравитацион бойитиш, амальгамация усуллари билан ажратиб бўлмайдиган қайсарроқ қисмини бойитмага ўтказишга имкон беради. Олинган флотобойитма махсус равишда қайта ишланади, бу эса руданинг бутун массасини қайта ишлашдан арзонроқ. Олтинни флотация чиқиндисидан синиллаш орқали ажратиб олинади. Олтинли рудаларни флотация усулида бойитишда бир вақтнинг ўзида ҳам сульфидли минералларнинг, ҳам эркин ҳолдаги олтиннинг флотацияси содир бўлади. Олтиннинг ўзи эса ўзига хос физик-кимёв хоссаларга эга бўлиб, улар

учун сульфидли ва бошқа минералларнинг флотациясига нисбатан бошқа шароитлар талаб қилинади. Олтинли ва бошқа олтинли минералларнинг флотациясида сульфгидрил тўпловчилар: ксантогенатлар (бутил, амиль, этиль ксантогенатлари) ва аэрофлотлар ишлатилади. Олтиннинг юзасида тўпловчи реагент бироз вақт сув ёки ҳаво билан тўқнашгандан кейин ўрнашади. Сувдаги кислороднинг концентрацияси ортиши билан тўпловчи қаватининг зичлиги ортади. Флотацион бўтанада цианид, натрий сульфиди, ишқор, натрий сульфати, мис купороси каби реагентлар учраб туради. Улар олтиннинг флотациясини озми-кўпми сусайтиради. Энг кучли сўндирувчи - натрий сульфиди. Унинг эритмадаги концентрацияси 0,1 г/л бўлганда ксантогенатнинг олтин юзасидаги адсорбцияси тўлиқ тўхтайди. Бундан ташқари, натрий сульфиди олтиннинг юзаси билан кимёвий таъсирлашиб, олтиннинг сульфидини ҳосила қилади. Эритманинг рН и ортиши билан ксантогенатнинг олтинга адсорбцияланиши ва флотацияланиши камаяди. Лекин пасайиш даражаси ишлатилаётган ишқорнинг турига боғлиқ. Оҳак энг кучли таъсир этади, сода ва айниқса ишқор эса олтиннинг флотациясини камроқ сусайтиради. Кислотали муҳитда олтиннинг флотацияланиши нейтрал муҳитдагига нисбатан камроқ. Бу эритманинг рН и камайиши билан ксантогенатнинг адсорбцияси камаяди. Одатда олтиннинг ва олтинли сульфидларнинг флотацияси рН 7,5-8,5 да олиб борилади ва бунда муҳитнинг мословчилари сифатида сода ишлатилади. Кўпик ҳосил қилувчилар сифатида қайрағоч ёғи, Т-66 реагенти ишлатилади. Кам сульфидли рудаларнинг флотациясига алоҳида этибор берилади. Агар рудада сульфидлар кам бўлса, кўпик беқарор бўлади ва олтиннинг, айниқса, йирик олтиннинг флотацияси йомонлашади. Бундай ҳолларда кўпикнинг барқарорлигини ошириш мақсадида бироз ёғ кислотали реагентлар, масалан, натрийолеати.

Олтиннинг ажралишини ошириш мақсадида баъзан фаоллаштирувчилар, масалан, мис купороси қўшилади, у оксидланган олтинли сульфидлар юзасининг флотацияланишини яхшилайди. Олтинли руда таркибидаги пуч тоғ жинсларини сўндириш учун суюқ шиша, карбоксиметил целлюлоза ва бошқа реагентлар ёрдамида амалга оширилади. Флотацион бойитишнинг схемалари ва тартиблари руданинг таркибий қисмига боғлиқ бўлиб, ҳилма-ҳиллиги билан ажралиб туради. Лекин флотацион схемаларнинг умумий томонлари хам бор. Барча турдаги рудаларни бойитишда босқичли флотация (кўпинча, икки босқичли) ишлатилади. Босқичли флотацияни ҳўллаш олтинли сульфидларнинг ўта янчилишининг олдини олади ва бу билан олтиннинг флотобойитмага ажралишини оширади. Флотацион бойитиш схемаларининг иккиламчи умумий хусусияти уларда тозалаш операцияларининг камлиги ёки умуман йўқлигидир. Бу ҳол рудада олтиннинг қийин флотацияланувчи заррачаларининг иштирок этиб уларнинг бойитмани тозалаш вақтида осон йўҳолиши билан тушунтирилади. Шунинг учун кўпгина олтин ажратиш фабрикаларида олтиннинг юқори ажралишини таъминлайдиган унча бой бўлмаган бойитмани олишни авзал кўрилади. Флотацион бойитиш олтин билан бирга учрайдиган йўлдош элементларни ажратишда хам кенг ишлатилади. Мисол тариқасида олтинли мис рудаларининг флотациясини келтириш мумкин. Бунда бойитмага олтин билан бирга миснинг сульфидлари хам ўтади. Олинган бойитмадан мис эритиш заводларида хам мис, хам олтин ажратиб олинади. Сульфидли рудаларнинг флотацияси Сульфидли рудалар сульфидли минералларнинг юқори флотацияланиш хусусиятига эга эканлиги туфайли флотация усулида бойитиш учун жуда қулай обьект хисобланади . Саноат миқёсида флотация усулида бойитилувчи сульфидли рудаларга халькопирит СиFeS 2 , халькозин Си 2 S, пирит FeS 2 ,

арсенопирит FeАsS, галенит РвS, сфалерит ZnS, борнит Си 3 FeS 3 ва ковеллин СиS, камёб металлар сульфидлари МоS 2 , Нg S, Sв 2 S 3 ва хоказолар киради. Сульфидли минералларнинг ахамияти уларнинг таркибида рангли ва камёб металлар борлиги ва кўпчилиги нодир металлар хамда ўта қиммат тарқоқ элементлар-индий, галлий, таллий, селен, теллур, кадмий, рений кабиларни олишнинг манбаи эканлиги билан ортиб бормоқда. Сульфидли рудаларнинг кўп компонентли эканлиги уларни комплекс ишлатиш, яъни улар таркибидаги барча қайта ишлашга яроқли қимматбахо элементларни ажратиб олишни мақсад қилиб қўяди. Сульфидли рудаларнинг флотациясида тўпловчи сифатида сульфгидрил реагентлар - ксантогенатлар ва тиофосфатлар, кўпик хосил қилувчи сифатида эса қайрағоч ёғи ва турли радикалли спиртлар ишлатилади. Сульфидли рудаларнинг флотация усулида бойитишда фаоллаштирувчи ва сўндирувчи реагентлар ишлатиш хисобига юқори сифатли концентратлар олишга имкон берувчи селектив флотация кенг ҳўлланилмоқда. Мисли рудаларнинг флотацияси Табиатда мис минералларининг 170 дан ортиқ тури мавжуд бўлиб , улар орасида саноат ахамиятига эгалари қуйидагилар : сульфидли - халькопирит , борнит , халькозин , ковеллин , энаргит ; оксидли - малахит , азурит , хризоколла , халькантит , куприт . Шунингдек, аралаш таркибли рудалар хам учрайди. Халькопирит СиFeS 2 - латун-сариқ тусли метал ялтироқлигига эга ва 35 % атрофида мис сақлайди. У табиий гидрофоб хусусиятига эга. Тўпловчи сифатида дитиофосфат ва ксантогенатлар ишлатилганида яхши флотацияланади. Халькопиритга цианидлар сўндирувчи таъсир кўрсатади. Борнит Си 5 FeS 4 - таркибида 63,3 % мисс сақлайди ва тўққизилдан сариқ кўкгача рангга эга. Халькопиритга ўхшаб ксантогенатлар иштирокида яхши флотацияланади. Комплекс темир цианидлари билан сўндирилади.

Халькозин Си 2 S сариқ ёки қўрғошин-кулранг тусли метал ялтироқлигига эга минерал, 80 % атрофида мис сақлайди. Ксантогенатлар ва аминлар ёрдамида яхши флотацияланади. Цианидларнинг катта сарфида натрий сульфити Na 2 SO 3 , гипосульфит Na 2 S 2 O 3 иштирокида сўндирилади. Миснинг оклидли минералларидан кўп тарқалгани малахит СиСО 3 . Си(ОН) 2 . Минералнинг ранги оч яшил, баъзан тўқ яшил. 57 % атрофида мис сақлайди. Малахитнинг тарибига ўхшаш, лекин оч кўк ёки тўқ кўк рангга эга минерал азурит дейилади. Малахит ва азурит кучсизроқ флотацияланиш хусусиятига эга. Мисли рудаларда пуч тоғ жинсларининг минералларидан кварц, кальцит, дала шпати кенг тарқалган. Кўпчилик мисли рудаларда йўлдош элементлар сифатида олтин, кумуш, рух, молибден, осмий ва бошқа металлар учрайди. Мисли рудаларнинг турига мисли қумтошлар, миспорфирли ва яхлит сульфидли ёки мисс-колчеданли рудалар киради. Мис-порфирли рудалар 3-4 % сульфидларни ва деярли хар доим мис билан биргаликда ажратиб олинадиган молибденни сақлайди. Мис-қумтошли рудалар 90 % гача асосан пирит кўринишидаги сульфидларни сақлайди. Фақат мис сульфидларни сақловчи мис-порфирли рудалар нисбатан содда технологик схема бўйича бойитилади, бу холда фақат мис минералларини пуч тоғ жинсларидан ажратиб мис концентрати ва чиқинди олиш керак. Рудани керакли йирикликкача майдалаб ва шарли тегирмонда майин туюлгач сода ёрдамида ҳосил қилинадиган ишқорий мухитда флотацияланади. Тўпловчи сифатида ксантогенат ишлатилади. Асосий флотация концентрати бир ёки икки марта тозаланади. Бундай рудаларни флотациялашда 20-25 % мис сақловчи мисли концентрат олинади. Миснинг бойитмага ажралиши 95 %. Мисли бойитмаларга қўйиладиган техник талаблар 7- жадвалда келтирилган. 7-жадвал Мисли бойитмаларга қўйиладиган техник талаблар

Бойитма нави миқдори, % мис, > қўшимчалар, < рух қўрғошин КМ-0 40 2 2,5 КМ-1 35 2 3 КМ-2 30 3 4,5 КМ-3 25 5 5 КМ-4 23 10 7 КМ-5 20 10 8 КМ-6 18 11 9 КМ-7 15 11 9 ППМ-8(мисли оралиқ махсулот) 12 11 9 Мис-пиритли рудалар мис минералларидан ташқари пиритнинг ҳам сезиларли улушини сақлайди. Мис-пиритли рудалар қуйидагича бойитилади. Рудани керакли йирикликкача янчиб кучсиз ишқорий мухитда флотацияланади. Мис ва пиритнинг сульфидлари битта коллектив мис-пиритли концентратга флотацияланади ва бунда пуч тоғ жинсларидан ажралади, сўнгра коллектив бойитма тозаланади ва шарли тегирмонда мис минераллари ва пирит ўсимталарини ажратиш учун қайта янчилади. Қайта янчилгандан кейин мис-пиритли бойитма мис минералларини пиритдан ажратиш учун селектив флотацияланади. Бунинг учун пирит охак билан сўндирилади ва у чиқинди таркибида ҳолади, мис минераллари эса кўпикли махсулотга ўтиб, мис бойитмасини ташкил этади. Яхлит мис-пиритли рудалар нисбатан қийинроқ бойитилади. Бу мис- пиритнинг миқдори кўп бўлгани учун юқори сифатли мисли бойитма олишни қийинлаштиради. Яхлит мис-пиритли рудаларни флотациялашда аввал охак билан ҳосил қилинадиган кучли ишқорий мухитда мисли флотация ўтказилади. Охак пиритни сўндиради. Тўпловчи сифатида ксантогенат ишлатилади.

Агар рудада пуч тоғ жинслари кам бўлса мисли флотациядан кейинги олинадиган чиқинди пиритли бойитма хисобланади ва аксинча рудада пуч тоғ жинслари кўп бўлса, флотациянинг II босқичи ўтказилади ва пирит бойитмага ажратилади. Пуч тоғ жансларидан ташкил топган ҳолдиқ чиқинди сифатида четлаштирилади. Мисли флотацияда пирит охак билан сўндирилгани учун уни фаоллаштириш керак, яъни унинг флотацион қобилиятини тиклаш керак. Бунга сульфат кислота ёрдамида эришилади. Пиритли бойитмаларга қўйиладиган техник талаблар 8- жадвалда келтирилган 8-жадвал. Пиритли бойитмаларга қўйиладиган техник талаблар Бойитма нави Миқдори, % Олтингугурт, > Қўшимчалар, < Қўрғошин рух ва Намлик КС 47 1 3,8 Ф-1 КСФ-2 45 1 3,8 КСФ-3 42 1 3,8 КСФ-4 38 1 3,8 Мис-рухли рудалар мураккаброқ технологик схема бўйича бойитилади ва мисли хамда рухли бойитма олинади. Рухнинг асосий минерали сфалерит ZnS ҳисобланади. Сфалеритнинг зичлиги 3,5-4,3 г/см 3 , рухнинг миқдори 67,1 %. Мис-рухли сульфидли рудаларни бойитиш учун технологик схемаларнинг бир неча хил вариантлари ишлатилади, уларнинг ичида иккитаси энг кў тарқалган: Селектив флотация схемаси, бунда жараённинг бошида мис сульфидлари флотацияланади, мис флотацияси чиқиндиларидан сфалерит флотацияланади. Рухли флотация чиқиндиси пиритли бойитма бўлиши мумкин ёки ундан пирит флотацияланади;

Коллектив-селектив флотация схемаси, бунда жараённинг бошида мис- рухли ёки мис-рух-пиритли бойитма олинади ва у кейин тегишли равишда иккита ёки учта бойитмага ажратилади. Рухли бойитмаларга қўйиладиган техник талаблар 9- жадвалда келтирилган. 9- жадвал Рухли бойитмаларга қўйиладиган техник талаблар Бойитма нави Миқдори, % Рух, > Қўшимчалар, < Темир Кремнезем Мис Мишяк КЦ-1 56 5 2 1 0,05 КЦ-2 53 7 3,5 1,2 0,1 КЦ-3 50 90 4 1,5 0,3 КЦ-4 45 12 5 2,5 0,5 ПЦ(рухли оралиқ махсулот) 40 16 6 3,5 меёрланмайди Мис-рухли рудаларни флотациялашда қуйидаги флотация реагентлари ҳўлланилади. Тўпловчи сифатида бутил ксантогенати ёки бутил аэрофлоти ишлатилади. Сфалеритнинг сўндирувчилари сифатида рух купороси, натрий сульфиди, цианидлар, сульфит ва натрий тиосульфити ишлатилиб уни миснинг сульфидли минералларидан ажратишга имкон беради. Бир қатор бойитиш фабрикаларида сўндирувчи сифатида натрий сульфиди рух купороси билан биргаликда ёки натрий сульфити натрий сульфиди билан биргаликда ҳўлланилади. Бу миснинг сульфидли минералларига хам сўндирувчи таъсири кўрсатишидан қочиши учун ниҳоятда эҳтиёт ва аниқ ўлчашни талаб қиладиган цианидларни ишлатишдан воз кечишга имкон беради. Рухли бойитмаларга қўйиладиган техник талаблар жадвалда келтирилган.

Рангли металлар оксидли ва аралаш рудаларининг флотацияси Мисли рудалар оксидли минералларининг саноат ахамиятига эгалари қаторига малахит Си СО 3 .Си(ОН) 2 -(57,4 % мис сақлайди, солиштирма оғирлиги 4г/см 3 , қаттиқлиги 4). Ундан камроқ ахамиятга эгаси хризоколла СиSiO 3 .H 2 O-(36,1 % мис) ва куприт Си 2 О (88,8 % мис) сақлайди. Қўрғошинли рудаларнинг оксидли минералларидан саноат ахамиятига эгалари церуссит РвСО 3 (77,6 % қўрғошин сақлайди, солиштирма оғирлиги 6,5, қаттиқ- лиги-3) ва англезит РвSО 4 (68,3 % қўрғошин,солиштирма оғирлиги 6,3, қаттиқ- лиги -3). Шунингдек, қўрғошиннинг оксидли минералларидан арсенатли, вана- датли, фосфатли ва бошқа мураккаб таркибли минераллари хам саноат ахамиятига эга. Рухли рудаларнинг оксидли минераллари асосан смитсонит ZnCO 3 (52 % рух, солиштирма оғирлиги- 4,3, қаттиқлиги -5 кўринишида учрайди). Бундай рудаларни бойитишнинг қуйидаги усуллари мавжуд: - дастлабки сульфидлаш (суьфидловчилар сифатида натрий сульфиди N 2 S, аммоний сульфиди (NН 4 ) 2 S ва шунга ўхшаш реагентлар бошқа реагентлар) хамда сульфидли флотацияда ишлатиладиган тўпловчилар ёрдамида флотациялаш. Бу усул энг кўп ишлатилади; - карбоксил тўпловчилар ишлатиб тўғридан тўғри флотациялаш. Бу усул фойдали минералларни юқори даражада ажратишга имкон беради, карбоксил тўпловчиларнинг селективлиги паст бўлгани учун кенг ҳўлланилмайди; - реагентларни катта сарфида юкори спиртларнинг ксантогенатларини ҳўллаб флотациялаш. Бу усулнинг кенг тарқалмаганлигига сабаб юқоридаги реагентларнинг нархи баландлиги ва биринчи усулга нисбатан бирон-бир афзаллиги йўқлиги; - биргаликда қўшилган усул - оксидли ва аралаш мисли рудаларга тегишли бўлиб, янчилган руда дастлаб мисни танлаб эритиш учун сульфат кислота эритмасида ишланади, темир ёрдамида цементацияланади ва кейин цементли мис эримайдиган сульфидлар билан биргаликда флотацияланади.

Гидрометаллургиянинг флотация билан бундай қўшилиши натижасида қийин бойитилувчи оксидли рудалардан мисни юқори ажралишига эришишни таъминлайди. - меркаптанларни ҳўллаб тўғридан-тўғри флотациялаш. Бу усул меркаптаннинг ҳиди ниҳоятда ёқимсиз бўлгани туфайли ишлатилмайди. Мисли оксидли ва аралаш рудалар Оксидли мис минералларидан осон сульфидланувчи ва яхши флотацияланувчиси - малахит ва азурит. Хризоколллани хам сульфидлаш мумкинлиги исбот қилинган, лекин унинг флотацияси саноат миқёсида ўзлаштирилмаган. Малахитли ва азаритли рудаларнинг флотациясида натрий сульфидининг сарфи ўртача 1-2 кг/т рудага. Сульфидловчи одатда бўтанага бир неча приёмда берилади. Тўпловчилар сифатида кўпинча ксантогенатлар, камроқ дитиофосфатлар ёки айрим холларда сулфгидрил тўпловчилар билан тошкўмирли ё сланецли смолалар биргаликда ишлатилади. Оксидли рудаларда катта миқдорда шламларнинг бўлиши пептизаторлар (кўпинча суюқ шиша) ишлатишга олиб келади. Флотация схемалари одатда содда: асосий флотация, назорат флотацияси ва бойитмани бир - икки марта тозалаш. Оксидли ва аралаш мисли рудаларни бирлашган флотация гидрометаллургия усули. Бу усулнинг ҳўлланилиши шундан келиб чиққанки, флотация боғланган мис минераллари сақловчи хризоколла, куприт, шунингдек, алюмосиликатлар ёки темир гидрооксидларидан мисни тўлиқ ажратиб олишни таъминламайди, ва у флотация чиқиндилари таркибида деярли тўлиқ йўҳолади. Шу билан бир қаторда миснинг кўпчилик оксидлари бирикмалари сульфат кислотанинг кучсиз эритмасида яхши эрийди. Бирлашган усулнинг мохияти мисни янчилган рудадан сульфат кислотада танлаб эритишдадир. Мис эригандан кейин уни темир кукуни (ёки майдаланган чўян қиринди) қўшиб цементацияланади. Бунда қуйидаги

реакция бўйича темир заррачалари юзасида метал холидаги миснинг чўкиши содир бўлади: Fe+CuSO 4 =FeSO 4 +Cu (50) Цементациядан кейин бўтанани флотация машинасига ўтказилади ва у ерда цементланган мис ва шу шароитда флотацияланишга қодир минераллар (олтин сақловчи пирит, мис сульфидлари ва бошқалар) нинг флотацияси содир бўлади. Сульфад кислотанинг катта миқдорда сарфланиши ва жараённинг кислотали мухитида кетиши (аппаратларнинг занглашига олиб келиши) бу усулнинг камчилиги хисобланади. Бироқ, гидрометаллургия билан флотациянинг муваффқиятли бириктирилганини хисобга олсак, бирлашган усул нафақат гидрометаллургияга балки, флотацияга нисбатан бир қатор мухим афзалликларга эга: • танлаб эритилгандан кейин рудани фильтирлаш операцияси бўлмайди; • оксидли мис билн бир қаторда сульфидли мисни ва рудани фақат гидрометаллургик қайта ишлашда йўҳолиб кетадиган олтин сақловчи пиритни амалда тўлиқ ажратиб олиш мумкинлиги. • сульфидлар билан боғланган олтиннинг юқори ажралиши. Флотацияга нисбатан бирлашган усул қийин флотацияланувчи ва флотацияланмайдиган минераллар хисобига мисни юқорироқ даражада ажралишини ва бойроқ мисли концетрат олишини таъминлайди. Мисол тариқасида бирлашган усулнинг аппаратлар занжири схемасини келтирамиз (23-расм). Оксидли мис минераллари сульфат кислотанинг кучсиз эритмаларида (0,5-3 %) яхши эриши мумкин. Эришда мис сульфати хосил бўлади. Сульфидли минераллар бу холда хамма эритмада иштирок этувчи уч валентли темир сульфати иштирокида эрийди, лекин уларнинг эриши сезиларсиз. Оксизли минераллардан малахит ва азурит тез ва осон эрийди; фосфат ва алюмосиликатлардан мис секин ва тўлиқмас эрийди.

23-расм. Оксидли ва аралаш мисли рудаларни флотация- гравитацияни ҳўллаб бирлашган усулнинг аппаратлар занжир схемаси. 1-шарли тегирмон; 2- классификатор; 3- бўтанани иситиш учун чан; 4.5.6- аралаштирувчи чанлар;7- асосий флотация учун флотомашина; 8- назорат флотацияси учун флотомашина; 9- тозалаш флотацияси учун флотомашина; 10- насос. Сульфат кислотанинг концентрацияси ортганда фақат мис минералларининг эриш тезлиги ортмасдан пуч тоғ жинслари минералларининг хам эриш тезлиги ортади, бу эса сульфат кислотанинг ортиқча сарфланишига олиб келади. Кислотанинг сарфи руданинг минерал таркибига боғлиқ. Карбонатли мис минераллари одатдаги хароратда яхши эрийди, лекин баъзи бир қайсар рудаларни танлаб эритишда бўтанани иситиб хароратни иситиб 45-70 0 га етказиш керак. Мисни цементациялаш учун темир кукун ҳолида ёки чўян қириндилари ҳолида қўшилиши керак. Миснинг темир ёрдамида чўкиши мис заррачаларининг юзасига боғлиқ; цементли миснинг флотациялаш самарадорлигини ошириш учун заррачаларнинг ўлчами 0,1-0,74 мм бўлиши керак.

Назарий жихатдан темирнинг сарфи хар 1 кг мис учун 0,9 кг атрофида бўлади. Темирнинг амалдаги сарфи бундан юқори, чунки темир оксидланади ва заррачалар юзаси пассивлашади. Цементли мис хам тез оксидланади (бу эса флотацияга салбий таъсир кўрсатади) шунинг учун цементлаш чанларида аралаштириш аэрациялашсиз олиб борилиши керак. Оксидланган цементли мис кислота таъсирида тез эритмага ўтади. Бунинг олдини олиш учун цементация жараёни катта тезликда олиб борилиши керак, бунга эса етарли миқдордаги темирни ишлатиб ва унинг заррачаларининг юзасини катталаштириш хисобига эришилади. Цементли мис осон флотацияланади. Қўрғошинли оксидли ва аралаш рудалар Оксидланган кургошинли рудаларни бойитишда одатда уларни дастлабки сульфидлаш ва кейин ксантогенатлар ёрдамида флотациялаш кулланилади. Флотациядан олдин руда, купинча, темир гидрооксидларини, лой ва бошкаларни йукотиш учун шламсизлантирилади. Тупловчилар сифатида одатдаги сульфгидрил тупловчилар ишлатилади. Кургошинли минералларнинг юкори солиштирма огирликка эгалиги уларга бирлашган флотация-гравитация схемаларини куллашни максадга мувофик килиб куяди. Гравитация бойитиш аппарати сифатида концентрацион стол ишлатилади. Кургошиннинг асосий саноат ахамиятига эга оксидли рудалари- церуссит ва англезитнинг флотация хоссалари бир - бирига жуда якин, лекин англезит церусситга нисбатан кийинрок сулфидланади. Натрий сульфидининг ортикча микдори, худди галенитга ухшаб, церуссит ва англезитнинг флотация кобилиятини сундиради. Агар рудада гипс иштирок этса, у эритмага утиб церусситнинг сульфидланиши даврида сикиб чикарилган карбонат ионлари билан богланиб

калций карбонатга айланади ва церуссит юзасига утириб, унинг сульфидланишини кечиктиради. Бунга монелик курсатиш учун натрий сульфиди урнига натрий гидросульфидидан фойждаланиш тавсия килинади. Бунда эримайдиган кальций корбанат урнига эрийдиган кальций бикорбанат хосил булади. Бундай холларда аммоний тузлари(аммоний хлорид ёки аммоний сульфат) ни ишлатиш хам ижобий таъсир этиб, калций карбонатнинг эрувчанлигини оширади. Натрий сульфидини бўтанага бериш турлича амалга оширилади. Баъзилар уни жараённи битта нуктасига бир йўла бериб, бўтанани сульфидловчи билан нисбатан узоқроқ таъсирлашувини тавсия килсалар, бошкалари бунинг аксича, натрий сульфидини жараённинг бир нечта нуктасига беришни тавсия киладилар. Мураккаб сульфидли-оксидли қўрғошинли ва қўрғошинрухли рудаларни бойитишда сульфидли ва оксидли минераллар алоҳида-алохида флотацияланади, чунки оксидли рудаларни сульфидлаш учун бериладиган натрий сульфиди бир вақтнинг ўзида сульфидларнинг флотацион қобилиятини сўндириши мумкин. Аралаш сульфидли-оксидли қўрғошин - рухли рудалар қуйидаги схема бўйича флотацияланади: рудани икки босқичда флотациялангандан кейин барча сульфидларнинг коллектив флотацияси амалга оширилади, бунда қўрғошин ва рухнинг оксидли минераллари чиқинди таркибида ҳолади. Сульфидли коллектив бойитмадан натрий сульфиди десорбцияланади ва ундан кейин селектив флотация ўтказилиб, сульфидли қўрғошинли ва рухли бойитма олинади. Бунда сўндириш учун натрий сульфиди ва сфалеритни фаоллаштириш учун мис купороси ишлатилади. Коллектив сульфидли флотация чиқиндилари оксидли қўрғошин ва рух минералларини сақлайди, уларни аввал сульфидланади, кейин эса церуссит, англезит ва қисман бошқа оксидли қўрғошинли минераллар флотацияланади.

Рудани биринчи янчиш 40 %-0,074 мм ли синфгача, иккинчи янчиш эса 77 % - --0,074 мм гача. Қуйидаги флотация реагентлари ишлатилади: сода-1,051,3 кг/т; цианплав-0,28 - 0,4 кг/т; бутил ксантогенати 0,225 кг/т; натрий сульфиди-1,18 - 1,55 кг/т; дитиофосфат -0,025 кг/т; рух купороси -0,34 - 0,5 кг/т; мис купороси -0,05-0,07 кг/т; охак - 1.15-1,58 кг/т.

Адабиётлар : 1. Глембоцкий В.В. «Флотационные методы обогащения» М: Недра, 1981 304 с. 2. Егоров В.П. «Обогащение полезных ископаемых» М.Недра, 1986, с. 158. 3. Умарова И.К. «Фойдали қазилмаларни бойитиш технологияси». Ўқув ҳўлланма Тошкент, ТошДТУ 2004. 4. Умарова И.К. «Фойдали қазилмаларни қайта ишлаш ва бойитиш». Ўқув ҳўлланма Тошкент, ТошДТУ 2002. 5. Абдурахмонов С. «Гидрометаллургия жараёнлари ва дастгохлари». Навоий, НДКИ, 2001, 288 б. 6. Абдурахмонов С, Қурбонов Ш.Қ., Ҳолиқулов Д.Б. «Минералларни саралаш жараёнлари назарияси» НавоийОлмалиқ-2006, 200 б. 7. Ахмедов Н.А. Состояние и задачи технологических исследований руд Узбекистана. Проблемы переработки минерального сырья Узбекистана. Материалы республиканского научно-технического семинара, Ташкент-2005.

Похожие

Фойдали қазилмаларни флотация усулида бойитиш жараёнлари хақида умумий маълумотлар

Флотация технологияси

Кимёвий ишлаб чикаришда

Кимёвий ишлаб чикаришда хом ашё

Иссикликнинг конвекция усулида таркалиши