Эритмалар хақида маълумот - Химия - Рефераты

Эритмалар хақида маълумот

Загружено в:

20.09.2019

Скачано:

0

Размер:

95.5 KB

Эритмалар хақида маълумот РЕЖА: 1. Эриш жараёни. 2. Суюлтирилган эритмалар. Осмотик босим ва Ванд-Гофф қонуни. 3. Эритувчи ва эритма устидаги босимнинг температурага қараб ўзгариши. Раулғ қонуни. 4. Электролитларнинг эритмалари. 5. Электролитик диссоциланиш назарияси. Эриш жараёни. Д.И. Менделеевнинг гидратлар назарияси.

Қадимги алхимиклар “Химия - табиий жисмларни қандай эритишни ўргатадиган сан ъ атдир”, - деб ёзган эдилар. Химия фанига берилган бу тариф жуда тор манода бўлса ҳам, моддаларнинг химиявий ўзгаришида эриш жараёнини жуда катта аҳамияти борлигини кўрсатади. Таркибида икки ёки бир неча модда бор жинсли системалар эритмалар дейилади. Эриш жараёни бир модда млекулалари ёки ионлари орасида оддий тақсимланишидангина иборат бўлиб қолмай, балки айни моддалар орасида турли хил физик ва хими к ўзаро та ъ сирлар ҳам бўлиши мумкин. Эритмада қайси модданинг миқдори кўп бўлса ёки қайси модда ўз агрегат холатини ўзгартирмаган бўлса шу модда эритувчи, қолгани эса эриган модда дейилади. Эритмалар эриган модда заррачаларининг катта кичиклигига қараб чин эритмалар, коллоид эритмалар ваз дағал дисперс системаларга бўлинади. Чин эритмада эриган модда заррачаларининг ўлчами 1 нонаметр (10 -6 мм)дан кичик, коллоид эритмада 1 дан 100 нанометргача, дағал дисперс системаларда эса 100 нанометрдан катта бўлади. Эритмалар агрегат ҳолатига кўра у ч г урух га бўлинади: газлар аралашмаси (масалан, ҳаво); суюқ эритмалар; қаттиқ эритмалар (масалан, мис билан никел қ отишмаси, бу қотишмадан чақа пул ясалади). Халқ хўжалигида, айниқса, қишлоқ хўжалигида асосан, суюқ эритмалар билани иш кўрилганлиги сабабли биз суюқ эритмаларни батафсил кўриб иқиш билан чекланамиз. Суюқ эритмаларга газларнинг суюқликдаги, суюқликларнинг суюқликдаги ваз қаттиқ моддаланинг суюқликдаги эритмалари киради. Эритмангинг энг муҳим характғеристғикаси унинг концентрациясидир. Эритманинг муайян миқдордаги эриган модда миқдори эритманинг концентрация дейилади. Эриган модданинг миқдори эритманинг массасига ёки хажмига нисбатан олинишига қараб оғирлик ёки хажмий

концентрация бўлади. Эритманинг оғирлик концентрацияси, одатда, прцессларда ифодаланади ёки эритманинг зичлиги билан берилади. Масалан, 100 граммида 10 г туз ваз 90 г сув бор эритма 10% эритма дейилади. Эриган модданинг массаси мольларда ёки 1 л эритмадаги грамм эквивалентларда берилганлигига қараб хажмий концнтрация молярлик ёки нормаллик билан ифодаланади. Агар 1 л эритмада n моль эриган модда бўлса, хажмий концентрация С = n/v га тенг. Ҳажмий концентрациясига титр ҳам киради. 1 см 3 эритмадаги эриган моданинг граммлар сони билан ифодаланадиган ваз эриган модда молекулаларининг қутбланганлиги катта таъсир этади. Қутбланганлик шундай иборатки, айрим моддалар молекуласида электр зарядли нотекис тақсимланганлиги сабабли молекуланинг бмр қисмида мусбат зарядлар, иккинчи қисмтида эса манфий зарядлар кўпайиб қолади. Молекуланинг қутбланганлик даражасини тушунтириш учун диполь деган тушунча киритилади. Катталик жихатидан тенг, лекин ишораси қарама-қарши бўлган ва бир-биридан маълум l масофада турган икки электр заряд (е+ ва е- дан иборат система) диполь дейилади. Зарядлар ўлчамининг улар орасидаги масофага кўпайтмаси диполь момент дейилади ва m билан ишораланади: m = еl Диполь моменти СИ системада к.м. билан ифодаланади (электрон заряди 1,6 * 10 -19 Кл (кулон)га, молекуланинг чизиқли ўлчами эса 10 -10 м га тенг). Баъзи моддалар молекулаларнинг диполь моменти қийматлари 2- жадвалда келтирилган. Молекула m * 10 -16 Молекула m * 10 -16 С 6 Н 6 НCl NH 3 0 1,03 1,46 CH 3 OH CH 3 CH 2 OH CH 3 COOH 1,68 1,70 1,73

CH 2 Cl 2 1,55 H 2 O 1,84 Эритмаларнинг қутбланганлик даражаси уларнинг диэлектрик доимийси ( диэлектрик сингдирувчанлиги ) деган катталик билан ҳам баҳоланади . Бу катталик иккита электр заряд орасидаги тортилиш ёки итарилиш кучи айни муҳитда вакуумдагидан ( e = 1) қанча кичик эканлигини кўрсатади . Одатда, кучли даражада қутбланган молекулали суюқликларнинг диэлектрик доимийси катта бўлади. Молекулалари қутбланган моддалар қутбланган эритувчиларда эритилганда турли катталикдаги ассоциатлар (бирлашган молекулалар) ҳосил қилади. Д.И.Менделеев этил спирт сувда эритилганда эритманинг умумий хажми камайиб иссиқлик чиқишини баъзи қаттиқ моддалар сувда эритилганда эса эритманинг температураси пасайишини кўрсатади ва шу асосда ўзининг гидратлар назариясини яратади. Бу назарияга кўра эриш мураккаб физик-химявий жараён бўлиб, бунда эриган модда молекулалари эритувчи молекулалари билан ўзаро таъсирлашиб, беқарор бирикмалар - солғватлар ҳосил қилади. Агар эритувчи сув бўлса, ҳосил бўлган бирикма гидрат дейилади. Гидратлар концентрация ва температура ўзгариши билан парчаланади ёки бошқа бирикмаларга айланади. Масалан, бир чақмоқ қанд сувга ботирилганда гидратланиш содир бўлади, яъни сув молекулалари қанд молекулаларини ўраб олади ва улар билан гидрат ҳосил қилади. Бунда, табиийки, иссиқлик ажралиб чиқади. Лекин гидрат ҳосил қилиш учун сув молекулалари кристаллдан қанд (шакар) молекулаларини ажратиб олиш керак, бунинг чун эса энергия сарфлаш лозим. Демак, агар гидратланинш жараёнида кристалл панжарадан молекулани ажратиб олишда сафланганига қараганда кўп иссиқлик сиқса, эриш жараёнида эритма исийди. Аксинча, агар қаттиқ модда кристалини парчалашга гидратланишда ажралиб чиққанига қараганда кўп иссиқлик талаб қилинса, у холда эриш жараёнида эритма совийди. Спирт сувда эритилганда умумий хажмининг камайиши ҳам гидратлар ҳосил бўлиши ва молекулаларнинг бир-бирининг зичлаштириши билан тушунтирилади.

Суюлтирилган эритмалар. Осмотик ва Вант-Гофф қонуни. Юқорида айтиб ўтилгандек, эритмада эриган модда молекулалари билан эритувчи молекулалари орасида физик ва химиявий ўзаро таъсирлар бўлгани учун эритманинг хосслари эриган модданинг ва тоза эритувчининг хоссаларидан фарқ қилади. Бунинг концентрацияси юқори бўлса, эрган модда молекулаларининг бир-бири билан ўзаро таъсири ҳам кучли бўлиб, бу ҳам эритманинг хоссларини анчагина ўзгартириб юборади ва уларни ўрганиш қишинлашади. Шу сабабли эритмаларнинг кўп хоссалари суюлтирилган эритмалар учун келтириб чиқарилган. Суюлтирилган эритмаларда эриган модда заррачалари орасида эритувчининг жуда кўп молекулалари бўлганлигидан бу заррачалар орасида ўзаро таъсир шу қадар кучсизки, у эритманинг хоссаларига деярли таъсир этмайди. Суюлтирилган эритмаларнинг хоссалари эриган моддаларнинг заррачалари таркибига ва уларнинг ўлчамига боғлиқ бўлмайди, шу жихатда суюлтирилган эритмалар газларга ўхшайди. Бундай эритмаларнинг ҳоссалари х а жм бирлигидаги заррачалар сонига, яъни концентрациясига боғлиқ бўлади, холос. Эни эритмалар учун хос бўлган осмос ходисаси билан танишиб чиқамиз. Бирор модданинг битта эритувчида икки хи л концентрацияли эритмасидан олиб, уларни ўзаро ярим ўтказгич парда (тўсиқ) билан ажратамиз. Бунда парда эритувчи молекулаларни ўтказиб, эриган модда молекулалари тутиб қолади, деб фараз қиламиз. Кўп ҳайвон ва ўсимлик тўқималари ана шундай парда вазифасини ўтай олади. Эритмалар бир-биридан ана шундай парда ёрдамида ажратилганда эритувчи молекулалари паст концентрацияли эритмадан юқори концентрацияли эритмага ўта бошлайди. Аслида эритувчи ҳам юқори концентрацияли эритмадан паст концентрацияли эритмага ҳам ўтади, лекин бунда жуда оз молекулалар ўтганлиги сабабли уни ҳисобга олмаса ҳам бўлади. Эритувчи молекулалари паст концентрацияли эритмадан (ёки тоза

эритувчидан) юқори концентрацияли эритмага ўтганида эритманинг хажми ортади ва концентрацияси пасаяди. Бу ҳодиса (эритувчининг парда орқали эритмага ўтиши) осмос ходисаси дейилади. Эритувчи молекулалари юқори концентрацияли эритмага ўтишида унга қандайдир босим билан таъсир қилади. Анашу босим осмотик босим дейилади. Иссиқ ҳаво таъсирида сўлий бошлаган ўсимлик баргига сув пуркалганда унинг қайтадан “тирилтириши” ҳам осмос ҳодисасига асосланган. Бунда ўсимликнинг барг хужайраси сиртидаги қобиқ парда хужайрадаги моддаларнинг ташқарига чиқармайди, лекин ташқаридан шишиб, яна ўзининг аввалги ҳолига келади. Ўсимликлардаги осмос ҳодисасини дастлаб немис олими В.Пфеффер кашф этган ва ўрганган. У ўзи ясаган осмометр ёрдамида осмотик босимининг температурага ва эритманинг концентрациясига боғлиқлигини аниқлаган. Эритманинг осмотик босимини ўлчаш учун деворлари ярим ўтказгич ҳусусиятига эга, учи най қилиб чўзилган идишга эритма солиниб, сувли идишга ботириб қўйилади. Бундан ташқари идишдаги сув ички идишдаги эритмага киради ва эритма най бўйлаб кўтарила бошлайди. Натижада ички идишдаги эритманинг гидростатик босимини ҳам орта бошлайди ва сув молекулалдарининг тескарига, яъни ички идишдан ташқи идишга ўтиши ҳам кўпаяди. Ниҳогят,найдаги кўтарилаётган эритманинг баландлиги маълум даражага етгач (h), сувнинг ташқи идишдан ички идишга ўтиш тезликлари тенглашади ва найда эритма кўтарилмай қолади. Ана шундай мувозанатга тўғри келадиган босим осмотик босимни билдиради. Шундай қилиб, ярим ўтказгич тўсиқ билан ажратилган соф эритувчи билан сувозантага келитриш учун эритмага қуйилиши лозим бўлган босим осмотик босимга тенг. Тажрибаларнинг кўрсатишича, жуда суюлтирилган эритмаларда осмотик босим p эриган моданинг концентрациясига (система) ва абсолют температурага (Т) тўғри пропорционал бўлади: p = с * R * T

бунда R - универсал газ доимийси. Бу тғенглама идеал газларнинг холат тенгламасига (РV=nRT) жуда ўхшайди, фақат Р ўрнига p ва n/v ўрнига эритманинг концентрацияси С олинган. Бу тенглама Вант-Гофф қонунининг тенгламаси бўлиб, у қуйидагича таҳрифланади: суюлтирилган эритмада эриган модда шу температурада газ холида бўлиб, эритма эгаллаган ҳажмни эгаллаганда қанча босими кўрсатилса, эритманинг осмотик босими шу босимга тенг бўлади. Осмотик босимнинг юқорида келтирилган тенгламасига электролитик диссоциланишга учрамайдиган барча суюлтирилган эритмалар учун мос келади. Диссоциланадиган эритмаларда заррачалар сони кўп бўлганлиги сабабли уларнинг осмотик босими бу тенглама асосида топилгандан анча катта бўлади. Осмотик босими бир хил бўлган эритмалар изотоник эритмалр дейилади. Осмос ўсимликларнинг ўсиши ва ривожланишида ҳам муҳим ролғ ўйнайди. Осмотик босим туфайли сув ўсимликларнинг хужайраларига киради ва дарахт учларидаги баргларга бориб етгунча ўнлаб метр юқорига кўтарлади. Ҳар қандай тирик хужайранинг ярим ўтказгич хусусиятлари қобиғи ки сиртқи протоплазма қатлами бўлади. Ҳужайра эритмага ботирилганда эритманинг концентрацияси худжайра ширасининг концентрациясидан паст бўлса, хужайрага сув шимилади. Агар бу фарқ жуда катта бўлса, хужайра ширасининг осмотик босими ҳам жуда катта бўлади ва сув анча юқорига кўтарилади. Ўсимлик организмининг ривожланиши тупроқ эритмасининг осмотик босими билан хужайра ширасининг осмотик босими орасидаги нисбат катта аҳамиятга эга. Хужайра ширасининг осмотик босими тупроқ эритмасининг осмотик босимидан катта бўлганидагина ўсимлик нормал ривожланиши мумкин. Осмотик босим ўсимликларда сувнинг харакатланишини ва унинг илидизан баргларнинг учига қадар кўтарилишини таҳминловчи асосий кучдир. Барг хужайраларидан сув буғланиб кетганда у сувни ўзак

хужайраларидан осмотик босим туфайли сўриб олади, ўзаклар эса илдиз хужайраларидан, илдиз тупроқдан сувни сўриб олади. Эритувчи ва эритма устидаги босимнинг температурага қараб ўзгариши. Раулғ қонуни. Маълумки ҳар қандай суюқлик устидаги босим дейилганда унинг тўйинган буғ босими тушунилади. Суюқликнинг тўйинган буғ босими берилган температурада ўзгармас катталикдир. Температура кўтарилиши билан ҳар қандай модданинг тўйинган буғ босими ортади. Бунга сабаб аввало, температура кўтарилиши билан молекулалар харакатининг ўртача кинетик энергияси ортиши ванатижада суюқлик молекулаларининг ўзаро тортишиш кучини енгиб, суюқликдан ажраладиган ва буғга ўтадиган молекулалар сонининг кўпайишидир. Иккинчидан, буғланиш эндотермик жараён, яъни у иссиқлик ютилиши билан боради, шу сабабли температура кўтарилганда тўйинган буғ босими ортади. Бу фикрлар, асосан, соф эритувчилар учун тўғри келади. Эритма устидаги буғ босими эса температура билан бир қаторда шу эритмадаги эриган модданинг миқдорига ҳам боғлиқ бўлади. Эритувчининг эритма устидаги тўйинган буғ босими тоза эритувчининг устидаги буғ босимидан доимо кичик бўлади. Эритманинг концентрацияси қанча юқори бўлса, унинг устидаги буғ босими шунча кичик бўлади. Чунки концентрация ортган сари эритманинг хажм бирлигида эритувчининг миқдори камая боради Француз олими Франсуал Мари Раулғ (1830-1901) кам учувчидан моддаларнинг суюлтирилган эритмалари учун қуйидаги қонунни кашф этди: эритувчининг суюлтирилган эритма устидаги тўйинган буғ босимининг нисбий пасайиши эриган модданинг моляр қисмига тенг: Р 0 1 - Р 1 -------------- = N 2 Р 0 1

бунда Р 0 1 тоза эритувчининг тўйинган буғ босими, Р 1 - эритма устидаги тўйинган буғ босими, N 2 - эриган модданинг моляр қисми. n 2 N 2 = ---------- n 1 + n 2 бунда n 2 - эриган модданинг моль сонлари, n 1 - эритувчининг моль сонлари. Раулғ қонуни тенгламасини ўзгартириб ёзсак Р 1 = Р 0 1 N 1 бунда N 1 - эритмадаги эритувчининг моляр қисми. Демак, берилган эритма учун буғ босимининг пасайиши эриган модда билан эритувчининг табиатига ва температурага боғлиқ бўлмай, фақат эритманинг концентрациясига боғлиқ. Бу қонун Раулнинг тонометрик қонуни деб аталади. Раулғ қонуни жуда суюлтирилган (ва идеал) эритмалар учунгина тўла мувофиқ келади. Эритманинг концентрацияси ортган сари бу қонундан четга чиқиш даражаси ҳам орта боради. Суюлтирилган эритмаларнинг музлаш ва қайнаш температураларининг концентрацияга қараб ўзгариши. Маълумки, суюқликнинг тўйинган буғ босими атмосфера босимига тенг бўладиган температура шу суюқликнинг қайнаш температураси дейилади. Модданинг қаттиқ ҳолатдаги буғ босими унинг суюқ ҳолатдаги буғ босимига тенг бўладиган температура, яъни модданинг кристаллана бошлаш температураси музлаш температураси дейилади. Қаттиқ модда бирор эритувчида эритилганда эритувчининг буғ босимини пасайишини юқорида кўриб ўтдик. Буғ босими пасайганда эритма тоза эритувчига босимини ташқи атмосфера босимига етказиш учун юқорироқ температурагача қиздириш керак бўлади.

Электролитик диссоциланиш содир бўлмайдиган суюлтирилган эритмалар қайнаш температурасининг кўтарилиши D t қайн эриган модданинг моляль концентрациясига (С) пропорционал бўлади: D t қайн = Е қайн * С бунда Е қайн - ҳар қайси эритувчи учун ўзгармас бўлган пропорционаллик коэфициенти; у эритувчининг эбулиоскопик константаси дйилади. С нинг қиймати, одатда, 100г эритувчда эриган модданинг мольлар сони билан ифодаланади. Юқоридаги тенгламага С нинг қиймати (С=g/М) қўйсак, Бу формула ёрдамида концентрацияси маълум бўлган эритманинг қайнаш температурасини ўлчаш йўли билан эриган модданинг молекуляр массасини аниқлаш мумкин. Баъзи эритувчиларнинг эбулиоскопик константаси қийматлари 3-жадвалда берилган. 3-Жадвал Баъзи эритувчиларнинг эбулиоскопик константаси. Эритувчи Е қайн, С 0 Эритувчи Е қайн, С 0 Сув Этил спирт Диэтил эфир 0,52 1,14 1,83 Бензол Хлороформ Углерод тетрахлорид 2,64 3,80 4,88 Эритманинг музлаш температураси эса тоза эритувчининг музлаш температурасидан доимо паст бўлади. Раулғ турли моддаларнинг сувдаги бир моляль эритмаси (1000 грамм сувда эритма моль модда эриган) -1,86 0 С да музлашини аниқлади. Бу хол эритма музлаш температурасининг пасайиши эриган модданинг табиатига эмас, балки эриган модда молекулалари сонига боғлиқ эканлигини кўрсатади. Тажрибадан олинган маълумотларга кўра электролитик диссоциланиш содир бўлмайдиган суюлтирилган эритмаларда эритма музлш

температурасининг пасайиши эриган модданинг молял ь концентрациясига пропорционалдир: D t м = К * С бунда D tм - эритма музлаш температурасининг пасайиши, К - криоскопик константа, турли эритувчилар учун унинг қийматлари жадвалларда берилади; С - эритманинг моляль концентрацияси. Концентрация С 1000г эритувчида эриган модданинг моль сонлари билан ифодаланади. С =1 бўлганда D tм = К, яъни коэффициент К 1000г эритувчида эритма моль модда эритилгандаги эритма музлаш температурасининг пасайишини кўрсатади. Шу сабабли бу коэффициент эритувчи музлаш температурасининг молекуляр пасайиши ёки эритувчининг криоскопик (грекча “криос” - совуқ, муз демакдир) константаси дейилади. Константа К нинг қиймати ҳар қайси эритувчи учун ўзгармас миқдор бўлиб, эриган модданинг табиатига боғлиқ эмас. Эриган модданинг молекуляр массасини ва эритмаларнинг осмотик босимини криоскопик усулда аниқлаш. Эритма музлаш температурасининг пасайиши асосида эриган модданинг молекуляр массасини топиш мумкин. Бунинг учун қуйидагича иш юритамиз. Музлаш температурасининг пасайиши формуласида концентрация (С) ни эриган модданинг моль миқдори m, унинг молекуляр массасини М десак, С = m/M бўлади, буни музлаш температурасининг пасайиш формуласига қўямиз: m D tм = Kм --------, бундан M К м m M = --------- D t м

Масалан, 1000г сувда 4,37г спирт эритилганда музлаш температурасининг пасайиши 0,177 0 С бўлди. Маълумки, сув учун К м =1,860. Бўларни формулага қўйсак, 1,86 * 4,37 М = ---------------- = 46 0,177 Электролитик диссоциланиш назрияси. Кислота, туз ва асослар сувда эритилганда электр токини ўтказадиган эритмалар ҳосил бўлади. Бу ҳодисани текшириш натижасида С.Аренниус 1887 йилда электролитик диссоциланиш назариясини яратади. Бу назарияга кўра, электролит моддалар сувда эритилганда уларнинг молекулалари мусбат ва манфий зарядланган заррачаларга ажралади - диссоциланади. Бунда қандай модда эритилганига қараб эритмада мусбат ионлар - водород ҳамда металл ионлари ва манфий ионлар гидроксил ҳамда кислота қолдиғи ионлари ҳосил бўлади. Электролитлар эриталганда молекулалрнинг ҳаммаси эмас, балки бир қисм ионларга диссоциланади. Молекулаларнинг ионларга ажралиш даражаси диссоциланиш даражаси билан белгиланади. Ионларга ажралган молекулалар сонининг эритмадаг умумий молекулалар сонига нисбати диссоциланиш даражаси ( a ) дейилади. Молекулаларнинг ионларга диссоциланиши эритмадаги заррачалар сонини кўпайтиради, натижада эритманинг хажм бирлигидаги заррачалар билан ўлчанадиган концентрацияси ҳам ортади. Масалан, диссоциланишга қадар эритмада эриган модданинг Nта молекуласи бўлган бўлса, дисоциланган молекулалар сони a N, диссоциланмаган молекулалар сони эса (1- a ) бўлади. Диссоциланган ҳар қайси молекула ион ҳосил қилади, деб фараз қилсак, a N молекула

диссоциланганда a N та ион ҳосил бўлиши керак. Диссоциланмаган молекула ва ионларнинг умумий сони (1 - a ) N + a Nn = [1 + a ( n - 1)] N Бунда, изотоник коэффициент i қуйидагига тенг: 1+ a ( n - 1) N i = ----------------------- ёки i = 1+ a ( n - 1) N Бинар электролит учун i = 1 + a . Шундай қилиб, эритма осмотик босимининг кўтарилиши, музлаш температурасининг пасайиши, қайнаш температурасиннг кўтарилиши ва эритувчининг эритма усулидаги буғ босимининг камайиши сабаблари тушунарли бўлиб қолди. С.Аррениус назариясининг аҳамияти катталиги билан бирга бу назария фақат кучсиз электролитларга, эритмадаги ионлар орасидаги ўзаро таъсирни ҳисобга олмаса ҳам бўладиган концентрацияли электролитларгагина татбиқ этилишини унутмаслик керак. Катта концентрацияли эритмаларда С.Аррениус назарияси асосида ҳисоблаб топилган маълумотлар ҳақиқийсидан маълум даражада фарқ қилиши табиийдир.

Похожие

Эритмалар

Эритмалар термодинамикаси

Дисперс системалар. Эритмалар

Эритмалар ва унинг хоссалари

Фойдали қазилмаларни флотация усулида бойитиш жараёнлари хақида умумий маълумотлар