Аммиак ва азот кислотасини ишлаб чиқариш технологияси тўғрисида тушунча - Химия - Рефераты

Аммиак ва азот кислотасини ишлаб чиқариш технологияси тўғрисида тушунча

Загружено в:

08.11.2023

Скачано:

0

Размер:

864.9599609375 KB

Аммиак ва азот кислотасини ишлаб чиқариш технологияси тўғрисида тушунча Режа: 1.Азот бирикмалари ва унинг халқ хўжалигидаги аҳамияти. 2.Атмосфера азотини фиксациялаш усули .

Азотнинг хом aшё манбалари ва ишлатилиши. Азот табиатда эркин ҳолда ва бирикмалар шаклида бўлади. Азотнинг асосий қисми атмасферада ( масса бўйича 75,6%) эркин ҳолда бўлади. Бирикмалар шаклида эса ер пўстлоғининг 0,4 % ни (масса бўйича) азот ташкил этади. У турли органик моддалар таркибида, одам, хайвонлар ва ўсимликлар организмида, қазилма бойликлар, кўмир, нефт, торф, сланец таркибида учрайди. Анорганик бирикмалар шаклида азот кам учрайди. Унинг натрий нитрат тузи (Чили селитраси) Чилида ва жанубий Африкада, калий нитрат (Ҳинд селитраси) эса Ҳиндистонда топилган. Маьлум миқдор аммоний сульфат тузи кўмирни кокслашдан олинади. Азот тирик табиатда одамлар, ҳайвонлар ва ўсимликлар ҳаётида бениҳоят муҳим рол ўйнайди, муҳим озуқа махсулоти ҳисобланади. У оқсил таркибига киради. Организмда муҳим биокимёвий жараёнларда иштирок этади. Аммо одам ва ҳайвонлар, ўсимликлар, микрорганизмлар танасида оксидлар ёки бошқа органик моддалр (ферментлар, витаминлар, гармонлар, нуклеин кислоталар ва бошқалар) синтезида элементар ҳолдаги азот эмас (у жуда инерт элементдир, унинг дисоцияланиш энергияси 945 кЖ/моль бўлиб, атомлари орасидаги боғлар жуда мустаҳкамдир, таққослаш учун хлор молекуласининг диссоцияланиш энергиясини 243 кЖ/моль олиш мумкин) балки унинг бирикмалари иштирок этади. Азот бирикмалари бўёқлар, пластмассалар (аминопластлар) кимёвий толалар (капрон, нейлон, энант, полиамид толалар) сураткашлик препаратлари, дори- дармонлар, портловчи моддалар, азотли ўғитлар, аммиак ва нитрат кислотаси ва бошқа ўнлаб халқ хўжалиги учун муҳим бўлган қатор маҳсулотлар ишлаб чиқаришда ишлатилади. Ишлатиш соҳаларининг кенглиги, азот бирикмалари манбаларининг эса камлиги, атмосфера азотини бириктириб олиш муаммосини кўндаланг қилиб қўйди. Атмосфера азоти битмас-туганмасдир. Ҳар гектар ер юзасига тўғри келадиган атмосфера азотини массаси 80 000 тоннага тенгдир.

Атмосфера азотини бирикмага айлантириш усуллари Атмосфера азотини табиатда фақат тугунак бактериялари (дуккакли ўсимлмклар илдизида бўлади) ўзлаштира олади. Яна чақмоқ чаққанда ҳаво да азот оксидланади, ёгин билан бирга ерга тушади.1898 йилда олимларнинг Британия ассоциацияси мажлисида Крукс технологлар учун мухим муаммони ypтага ташлади: "Атмосфера азотини боглаб олиш буюк кашфиётлардан бири бўлиб, уни кимёгарлар ихтирочилигидан кутиш керак" деган эди. Шундан кейин кўп утмай бу кашфиёт амалга ощди. XX асрнинг бошларида атмосфера азотини бириктириб олишнинг уч усули топилди: 1. Цианамидли усул ; 2. Электр ёй усули ; З. Аммиак синтези усули. Цианамидли усулда (I904 йилда Фрак ва Каролар бу усулни кашф этишган) юқори ҳароратда охакка кумир кушиб махсус печларда киздирилади. Сўнгра ҳосил бўлган кальций карбид цианамидга айланади. 21000 03 СаС СО С СаО С       кЖ С СaCN N СаС С 301 2900 22 0        Кальций цианамид, цианамид –NH2 CN нинг ҳосиласи бўлиб, кукунсимон кулранг модда (цианамиднинг тузилиши куйидагича H2N-С=N. Унга сув буғи таъсир эттирилганда осонликча парчаланиб аммиак ва кальций карбонатга айланади, Сa(CN) 2 +3H 2 O=СaСO 3 +2NH 3 +75 кЖ Шу усулга асосланган биринчи аммиак заводи 1901 йилда Италияда курилиб ишга туширилди. Унинг махсулдорлиги 4 минг т/ йилга тенг бўлади. Бу усулда ишлаб чикарилган аммиак кимматга тушар эди, 1 т цианамидга 12000 кВт/с электр энергияси сарфланади. Электр ёй(плазма) усули (I904 йилда кашф этилrан). Aтмосфера азотини паст ҳароратли плазмага (2200 К дан юқори одатда 103 -105 К ҳароратда)

тугридан тугри кислород билан оксидлашга асосланган (электр учкунида азот ёнишини Кавендиш ва Пристли топган эди). Паст ҳароратли хаво плазмаси бу ионлашган хаво бўлиб, газ ионлари ва эркин электронлардан иборат бўлади. Плазма холати юқори частотали электр ёйида газларнинг зарядсизланишидир, ядро peaкцияларида кузатилада. Плазма усулига асосланган биринчи завод I901 йилда шимолий Америкада курилиб ишга туширилди. Бу усулда кўп энергия сарфланади. (1т NО олиш учун 60.000 кВт/с электр энергияси сарфланади) NО нинг унуми паст (5%) бўлади. NО нинг тан нархи кимматга тушади. Аммиакли усулда N 2 тугридан тугри H 2 билан бириктирилади. Бу ҳароратда, босим ва каттализатор иштирокида боради. H NH H N     3 2 2 2 3 Бу усулда олинган аммиакнинг тан нархи анча apзoнra тушади. Хозирги вактда бу усул аммиакни саноатда ишлаб чикаришнинг бирдан-бир усулидир. Бу усулни анча вактгача куллашнинг иложи булмади. Чунки бунда юқори босим (1000 атм. гача) талаб килинарди. Юқори босимни факатгина XX асрнинг 10 йилларида ҳосил килиш мумкин булди. Бу усулни биринчи бўлиб 1908 йилда немис олими Габер кашф этди, 1913 йилда уни ишлаб чикаришга тадбик этди. Бу кашфиёт учун 1920 йилда Нобелъ мукофотига сазовор булди. Бу усулга асосланиб биринчи завод Германияда курилди, унинг махсулдорлиги 20-25 т/cyткaга тенг бўлиб, реакция 200-225 атм. босим ва 550°С ҳароратда, каттализатор иштирокида олиб борилади. Унуми 8-9 % га тенг собик СССР да биринчи аммиак синтези заводи 1927 йилда курилиб ишга туширилган. Хозирги пайтда аммиак ишлаб чикариш сохаси анча ривожланган бўлиб жахонда 1980 йилда 67,5 млн.т. жумладан собик СССРда 16,73 млн.т. АКШ да 17,26 млн.т. синтетик аммиак ишлаб чикарилди. Хозирги пайтда (аммиак) атмосфера азотини бириктириб олишнинг микробиологик усули кашф этилган. Хеч кандай юқори ҳароратсиз, босим ва каттализаторсиз лабо -

ратория шароитида атмосфера азотини бириктириб олиш мумкинлиги аникланди. Келажакда ушбу усул билан жуда арзон азот бирикмалари ишлаб чикариш йулга куйилади. Аммиак сентези учун азот водородли apaлaшманинг олиниши ва toзaлаш усуллари Аммиак синтези учун 1:3 нисбатда азот водородли аралашма керак бўлади. Азот саноатда суюк хаводан ажратиш йули билан олинади. Хаво таркиби хажм жихатдан улчанганда 78 % aзoт, 21 % кислород ва 0,94 % аргондан иборатдир. Яна хаво таркибида оз микдорда CО 2 , H 2 , Ne, He, Kr, Xe лар учрайди. Хаво аввал катта босимда сикилиб совутилади, суюлтирилади, сунгpa суюк хаво таркибидан компонентларнинг кайнаш ҳароратларининг ҳар хиллигидан фойдаланиб (Қ.t: N 2 -105 . 80, O 2 -1830, Ar-185,7°С). Ректификация минораларида Фракцияларга ажратилиб тоза холда N 2 , O 2 ва Ar олинади. Водород саноатида турли йўллар билан олинади: 1. Метан ва уни гомологларини конверцияси ; 2. Каттик ёкилгини газга айлантирганда ҳосил бўлган СО ни конверцияси ; 3. Кокс газларини ажратиш; 4. Сувни ёки NaCl эритмасини электролиз килиш оркали олинади. Иктисодий курсаткичлари жихатидан энг арзон ва асосий саноат усули биринчи усулдир. Метан конверциясининг (конверция лотинча conversio сузидан олинган бўлиб, узгариш,айланиш маъносини англатади) биринчи махсулоти синтез газ (mCO+nH 2 ) деб аталади. У водород олишдан ташкари метанол синтези, юқори молекуляр огирликка эга бўлган спиртлар синтези, синтетик бензин синтези ва бошкалар (сунгги пайтларда СО гази темир рудаларидан, темирни қайтариб тоза темир олишда хам ишлатила бошланди). синтезида хам кўп ишлатилади. Конверсия усули метанни сув буғи ёки кислород билан оксидланишига асосланган:

кЖ H CO O H CH 206 3 2 2 4     кЖ H CO O CH 35 2 5,0 2 2 4    Кейин ҳосил бўлган СО ни сув буғи билан конверсия килинади. кЖ H CO O H CО 41 2 2 2     Метанни сув буғи билан конверсияси реакциясини умумий xолда куйидагича ёзиш мумкин : кЖ H CO O H CH 116 4 2 2 2 2 4     (эндотермик реакция) Метан ва СО конверсиялари каттализатop иштарокида (СН 4 учун никел, СО учун темир, хром, рух хром мисли каттализаторлар кулланилади) боради. Рух хром мисли каттализатор кулланганда СО конверцияси паст ҳароратда (250-300 0 С) боради. Конверцияланган газ таркибида колган СО нинг микдори 0,2 -0,4 % дан (хажм буйича) ошмайди. Бундай холларда кўпинча СОдан тозалаш учун абсорбсион усул урнига факат метанлаш- гидрогенлашдан фойдаланиш мумкин. Юқорида келтирилган реакциялардан маълумки олинган водород гази тоза эмас, таркибида 30 % гача СО 2 0,5-4 % гача СО саклайди. Озрок микдор О 2 бирикмалари билан ифлосланган бўлади. Бу аралашмалар аммиак синтезида ишлатиладиган каттализаторни заҳар лайди. Шунинг учун уларни тозалаш керак бўлади. Водородни бегона аралашмалардан тозалашнинг турли усуллари кулланилади : а) каттик сорбентлар билан аралашмаларни адсорбцияси ; б) суюк сорбентлар билан абсорбцияланиш ; в) чукур совутиш билан аралаштирмаларни конденсациялаш ; г) катталик гидрогенлаш ва бошкалар . а) Усул билан бегона қўшимчалар кам бўлган да ( S сакловчи бирикмаларда) кулланилади ; б) усул СО2 ва СО лардан тозалашда ишлатилади ; в) усул кимматга тушганлиги учун хозирги пайтларда аммиак ишлаб чикаришда кулланилмайди (азотнинг бошка бирикмалари саноатида кулланилмокда) ; г) усул СО 2 , СО ва О 2 нинг микдори кам бўлган да кулланилади. Конверция газини олтингуруртли бирикмалардан тозалаш. Табиий газ таркибида турли S ли бирикмалар саклайди: H 2 S, CS 2 , COS меркаптанлар

(асосан этил меркаптан C 2 H 5 SH 5-30 мг/м 3 гача) ва бошкалар. Барча S бирикмаларни 350-450 0 С ҳароратда кобалть - молибденли каттализатор иштирокида H 2 S гача гидрогенланади: CS 2 +4H 2 = 2H 2 S+CH 4 RSH +H 2 = H 2 S+RH COS +4H 2 = H 2 S+CH 4 +H 2 O Ҳосил бўлган H 2 S каттик ёки суюк адсорбентлар ёрдамида адсорбцияланади . Каттик адсорбент сифатида активланган кумир , темир гидроксиди , рух оксиди ва суюк абсорбент сифатида : аммиакли сув этаноламинлар , мишьяк содали эритма , карбонатлар эритмалари ва бошкалар ишлатилади . Айникса , рух оксиди кўп ишлатилади . – ( ГИАП – 10 адсорбенти ). ZnO+H 2 S =ZnS +H 2 O Тозаланган H 2 S нинг микдори I мг / м 3 дан ортик булмайди . Бу реакция 400-500 0 С да боради. К о н в е р ц и я газини СО 2 дан тозалаш. Конверция гази таркибида 17-30 % гача СО 2 саклайди. Уни суюк сорбентлар ёрдамида: сув, этаноламин, ишкор, эритмалари билан тозалайдилар. СО 2 бошка қўшимчаларга нисбатан босим oстида совук сувда яхши эрийди. Мана шу хоссасига асосланиб СО 2 сув билан юттириб ажратиб олинади. Бунинг учун ичи насадкали минораларда газ, сув сачратиш билан (2-3 мПа босимда) ювилади. Минорадан окиб тушувчи сув турбинани айлантиради, кайсики у на сос билан бирга махкамланган бўлади. Насос сувни кутариб яна минорани сугоришга беради. Натижада унга берилувчи энергия тежалади. Турбинада босим пасаяди атмосфера босимига тенглашади, Haтижада сувда эриган СО 2 ва водород газлари (80 % СО 2 , II Н) десорбцияланиб ажралиб чикади. Бy газ (СО 2 ) йигиб олинади, турли максадларда ишлатилади. масалан, карбамид синтезида, курук муз тайёрлашда ва бошка махсулотлар олишда ишлатилади. Бу усулнинг камчилиги кўп электр энергияси сарфланиши ва анча водороднинг йукотилишидадир. Шунинг учун хам кейинги йилларда бу усул кўп

кулланилмайди, балки сорбсион ва селективлик хоссаси сувдан анча юқори бўлган этаноламин билан тозалаш кенг кулланилмокда. Бунда моно- ва ди- этаноламиннинг (НО-CH 2 - CH 2 - NH 2 ва NН (CH 2 - CH 2 OH) 2 cувдаги 15 % ли эритмасига СО 2 юттирилади. СО 2 +RNH 2 + H 2 O = (RNH 3 ) 2 СО 3 СО 2 +(RNH 3 ) 2 СО 3 + H 2 O =2RNH 3 HCО 3 (R –НО-CH 2 - CH 2 -) Юттириш жараёни 40-45 0 С да олиб борилади. Абсорбцияланиш натижасида ҳосил бўлган карбонат ва гидрокарбанатлар 120 0 С да десорбентда СО 2 ажратиб парчаланадилар. Юттирувчи сифатида метанол, пропилен карбонат, сульфолон каби моддалар хам ишлатилиши мумкин. (С4Н6О3 - пропилен карбонат, С 4 Н 8 SO 2 -cульфолан). Газни СО дан тозалаш. Мис аммиаклиэритма билан юттириш, суюк азот билан катталитик гидрогенлаш каби усуллар билан амалга оширилади. Кенг кулланиладигани суюк азот билан ювиш усулидир. Бунда газ каттализатор заҳар ларидан (СО, Н 2 S), қисман СН 4 ва ароматик углеводородлардан инерт аралашмалардан тозаланади. Бу қўшимчалар хаммаси суюк азотнинг ҳароратсидан кура юқори ҳароратда кайнайди, шунинг учун конденцияланади ва суюк азотда эрийди. Ювиш колоннасида шундай ҳарорат сакланадики бунда N: H 2 нисбати тахминан 3:1 бўлиб водород гази N 2 билан туйинади. Катталитик гидрогенлаш (метанлаш), СО ва СО2 микдори I % гача бўлган да кулланилади. Бунда никель каттализатори (алюминий оксидига шимдирилган бўлади) ва 200-400 0С ҳароратда куйидагича реакция асосида боради : СО+3Н 2 =СН 4 +Н 2 О ; СО 2 +Н 2 =СН 4 +2Н 2 О ; О 2 +Н 2 =2Н 2 О . Газни СО дан тозалаш мис газининг (СО) мисаммиакли эритмага абсорциялаш деганда мисс аммиакли комплекс ҳосил булишига асосланган.

Оддий шароитда мис аммиакли эритманинг ютиш кобилияти пacт, аммо ҳароратни пасайтириб босим оширилса, у кучаяди. Шунинг учун хам СО ни тозалаш юқори босим (10-32 МПа) ва паст ҳароратда (0-10 0 С) бундан паст булса эритма кристалланиб колиши мумкин) олиб борилади. Oдатда кучсиз кислоталар; сирка, чумоли, карбонат кислоталарининг мис аммиакли эритмалари кулланилади. Масалан, мис ацетатининг мис аммиакли эритмасига СО ни абсорбцияланиш реакцияси куйидагича боради:        ) ( 3 3 3 2 3 H CO NH Cu NH CO NH Cu       Реакция қайтар реакциядир. Абсорбентни perенерациялаш учун босимни атмосфера босимигача камайтирилиб, 80 0 С гача киздирилади. Тозалашнинг абсорбцион усулида конверцияланган газ таркибида I % гача (хажм буйича) СО 2 ва СО колади. Сўнгра у факат катталитик гидрогенлаш йули билан тозаланади. Аммиак синтези Аммиак синтезининг назарий асослари. Аммиак синтези реакцияси қайтар реакция бўлиб иссиқлик чикиши билан боради. кЖ NH H N 106 2 3 322    Реакцияда газнинг хажми 2 марта камаяди: Ле-Шателье принципига мувофик ҳароратни ошириш NH 3 ни парчаланиши томон, босимни ортиши эса реакцияни NH 3 ни синтезланиши томон беришини таъминлайди. Уй тeмпературасида 1 атм. (1.01-105 Па) босимда реакция мувозанати тулик аммиак синтези томон силжийди, аммо реакция унуми жуда паст бўлади. Реакция каттализатор таъсиридагина етарли даражада тез кетади. Аммо каттализатор 400-500 0 С да активлик курсатади. Бундан юқори ҳароратда аммиак синтези юқори босимдагина боради. Реакция унумининг температура ва босимга богликлигини куйидаги жадвалда (5-жадвал) куриш мумкин. Реакция унумининг ҳарорат ва босимга богликлиги.

5-Жадвал. Ҳарорат, 0 С Аммиакнинг микдори, % 30 МПа 100 МПа 200 300 400 500 600 700 89,94 70,96 47,00 26,44 13,77 7,28 98,29 92,55 79,82 57,47 31,43 12,83 5-жадвалдан куриниб турибдики мувозанатни NH 3 ҳосил булиши томон силжитиш учун юқори босим ва паст ҳарорат керак бўлади. Хатто энг юқори босимда хам каттализатор кулланилмаса реакция унуми паст бўлади. Ишлаб чикариш шароитида реакция 400-500 0 С ҳароратда каттик каттализатор иштирокида ва босимда олиб борилади.Аммиак синтези реакциясида: темир, уран, осмий, радий, платина, молибден ва бошқа металлар актив каттализатор бўла олиши аниқланган. Энг активи уран ва осмийдир, аммо қимматлиги ва заҳар ларга чидамсизлиги учун улар қўлланилмайди. Саноатда темир каттализатор кенг қўлланилади. Бу ҳам арзон ҳам анча актив, юқори ҳароратга ва заҳарларга чидамли, H 2 S ва бошқа S ли бирикмалар Fe ни қайтмас қилиб заҳарлайди. Агар 0 , 1 % S ли бирикма бўлса (азот водородли газлар аралашмасида) каттализатор активлигини 50 % га 1 % S- ли бирикма бўлса 100 % га пасайтиради. H 2 O, CO, CO 2 лар эса каттализаторни жуда кучли заҳарлайди, аммо қайтар заҳарланади, (яъни, яна каттализаторни активлаш мумкин бўлади) . Каттализаторни тайёрлаш учун магнит темиртош (Fe 3 O 4 ) кислород иштирокида ва промоторлар:(промоторлар актив юзали структурага эга бўлган, каттализатор массасининг ҳосил бўлишини таъминловчи,таъсирга эга бўлган бирикмалардир) ва бошқа бирикмалар билан аралаштириб

суюқлантириш йўли билан тайёрланади,сўнгра каттализатор водородли аралашма билан тоза метал ҳолдаги темиргача қайтарилади. Аммиак синтези бу типик гетероген катталитик жараён бўлиб бир неча босқичда боради: 1 . Газлар аралашмасидан азот ва водороднинг каттализатор сиртига ва ички ғовакларига адсорбцияси ; 2. Каттализаторга газларнинг кимёвий адсорпцияланиши ; 3. каттализатор сиртида азотнинг водород билан ўзаро таъсири. Бунда азот каттализатордан электрон олади, водород эса каттализаторга электронлар беради, яъни уни йўқотган электронлари ўрнини тўлдиради. Бунинг натижасида навбат билан: имид-амид ва аммиак ҳосил бўлади. Бу жараённи қуйидагича тасвирлаш мумкин: Fe+N N  N =N    H2 NH-NH    H2 NH 2 *NH 2    H2 H 3 N *NH 3 Fe Fe Fe Fe Аммиак синтези қурилмасининг юқори ва бақарор маҳсулдорлигини таъминлашнинг асосий шартлари қуйидагилардир : 1. Азот водороди аралашманинг юқори даражада тозаланиши (инерт газлар ва каттализатор заҳарларидан тозалаш) ; 2. N 2 :H 2 нисбатани 1:3 ҳолатда сақлаш; 3. каттализаторнинг ҳамма жойида ҳароратни оптимал сақлаш; 4. Контакт апаратига қирувчи газлар аралашмаси таркибида NH 3 миқдорини камайтириш ; 5. Синтез минорасининг такомиллашган конструкциясини яратилиши. Ў р т а ч а б о с и м д а а м м и а к с и н т е з л а ш. Саноатда синтетик аммиак ишлаб чиқариш қўлланиладиган босимга қараб уч хил бўлади : 1. Паст босимда-10 МПа гача ; 2. Ўртача босимда-25-60 МПа; 3. Юқори босимда-60-100 МПа.

Ҳозирги вақтда кўпинча ўрта босимда аммиак ишлаб чиқариш қўлланилади. Ўртача босимда аммиак ишлаб чиқаришнинг технологик схемаси 62- расмда берилган. Тоза ва айланма газлар аралашмаси кўп поғонали турбокомпрессорда 5 (буғ,ҳаво,газлар билан ишловчи моторга турбина дейилади, кампрессор ҳавони ёки газларни сиқувчи аппарат). 30-22 МПа гача сиқилиб аммиак синтези калонасига берилади, қайсики унда 1. аммиак синтезланади. Синтез калонасида (калона-устун) чиққан таркибида ҳажм жиҳатдан 20% гача NH 3 сақловчи газ (ҳароратси 400 0 С ) аввал буғ ҳосил қилувчи қозон орқали ўтиб сувли совутгичга 3 га боради. Сўнгра 30-40 0 С ҳароратгача совийди ва сператорга 3 (ажратувчи аппарат) боради. Сепараторда аммиакнинг бир қисми газлардан ажралади, коденсатрланади. Реаксияга киришмай қолган айланма газлар циркуляцияси газлари дейилиб компрессорда 5 суриб олинади. Аммиак ҳосил бўлишига сарфланган газ миқдорига тенг миқдордаги тоза азот водородли газлар аралашмаси билан қўшилиб аммиакли газлар аралашмасидан тўлиқроқ ажратиш учун конденсация калонасига юборилади. Бундай қилиш тоза азот водородли газлар аралашмасини суюқ аммиак буғлантиргичда 7 ва конденсаторда 6 аралашган суюқ аммиак билан бевосита тўқнашуви натижасида -10 0 С гача совутиш орқали CO 2 ва CO лардан янада қўшимча равишда тозалаш ҳамда аммиакни тўлиқроқ ажратиш имконини беради. Газ конденсация калонасидаги 6 иссиқ алмаштиргичнинг ташқи томонидан – қувурлар аро бўшлиқдан (а) ҳамда газ ажратгичдан (в) насатка (б) (томчиларни ушлаб қолади) орқали ўтиб (газни иссиқлигидан аммиак буғланади, газ эса совийди) совиган газ яна конденсация Колоннага 5 киради

ва суюқ аммиакдан ажралиб насатка орқали иссиқ алмаштиргичнинг ичидан ўтади, ўз иссиқлигини бир қисмини кираётган газга бериб синтез калонасининг юқори қисмидан киради. Циркуляция газлари таркибида аста – секинлик билан инерт қўшимчалар (CH4 Ar) тўпланиб миқдори кўпайиб боради. Бу ҳолат реаксия унумдорлигига салбий таъсир этади. Шунинг учун вақт – вақти билан циркуляция газлари ташқарига чиқариб юборилади ва таркибидаги қўшимчаларни шундай йўл билан камайтириб турилади. Аммиак синтезлаш қурилмасининг асосий қисми синтез Колоннасидир (63- расмга қаранг). Колонна 175-200 мм, (одатда хромванадийли) пўлатдан ясалган силиндрсимон корпус бўлиб устки ва остки қисми қопқоқ билан беркитилган.Колоннанинг баландлиги 12-20 м. Ҳозирги замон Колонналарининг ички диаметри 1,0 -2,8 м бўлади.Колонналар лойиҳаси асосан компуснинг катталиги ва ички насаткасининг тузилиши билан фарқ қилади. Колонна корпусининг ичида насатка (ички қурилма) бўлиб у каттализатор қуттиси ва иссиқ алмаштиргичдан иборат бўлади. Каттализатор қуттиси колоннанинг юқори қисмига жойлашган бўлиб каттализатор ораларига ва колоннанинг остки қисмига қувурсимон иссиқ алмаштиргич ўрнатилган. Булар жараённинг автотермиклигини (ўзини –ўзи иссиқлик билан таъминлаш) таъминлайди. Каттализатор, қувурсимон ҳолда жойлаштирилган реакторлар, қайтар изотемик жараёнда оптимал ҳарорат режимини таъминлай олади. Ҳозиги замон йирик аммиак синтези қурилмаларида токчали синтез Колонналари қўлланилмоқда. Бунда каттализатор қуттисига ўрнатилган

токчаларга каттализатор қўйилади. Каттализаторнинг миқдори (қаватнинг қалинлиги) газ тезлигининг камайиши ва газнинг аммиакга айланиш даражасининг камайиши билан ортиб боради. Токчали синтез калонасида ҳарорат режими оптималга яқин. Шунинг учун маҳсулдорлик ҳам қувурсимон колонналарга нисбатан токчали, колонналарда анчагина юқори бўлади. Ҳарорат режимини оптималга жуда яқинлаштириш учун токчали синтез колоннасида каттализаторни муаллақ турувчи ҳолда жойлаштири ва оралиғига совутгичлар ўрнатиш лозим. Аммиак ишлаб чиқаришнинг ҳозирги замон схемаси. Янги қудратли йирик ишлаб чиқариш қурилмаларини лойиҳалашда фан ва техниканинг сўнгги ютуқларига асосланиб, энг кам энергия, капитал маблағ сарфланган ҳолда юқори унумдорлик билан энг арзон тайёр маҳсулот ишлаб чиқариш мақсад қилиб қўйилади. Аммиак ишлаб чиқаришда бу мақсадга, реакция иссиқлигидан тўлиқроқ фойдаланиш имкониятини берувчи йирик агрегатларни барпо этиш орқали эришилади. Шунда энг сўнгги фан ютуқлари асосида ишловчи метан конверсияси билан бирга аммиак синтезини қўшиб амалга оширувчи аммиак синтези қурилмасининг схемаси 64-расмда берилган. Бунда ҳаво билан совутувчи аппаратлар кенг қўлланилган, бу сув сарфини ҳам анча камайтиради. Бу эса ҳукуматимизнинг техник мақсадларда сув сарфини камайтириш ҳақидаги қарорларига амалий жавобдир. Бу заводнинг қуввати 1500т/суткага тенг бўлиб: бунда икки босқичли буғ ҳаволи метан конверсияси, СО нинг юқори ва паст ҳароратли конверсияси, моноэталомин билан СО 2 дан тозалаш, СО ва СО 2 дан катталитик гидрогенлаш йўли билан батамом тозалаш усуллари қўлланилади. Табиий газ (СН 4 ) 4МПа босим остида олтингугуртли бирикмалардан тозалангач 3,7:1 нисбатда сув буғи билан қўшилиб чиқиб кетувчи газлар иссиқлиги билан иссиқ алмаштиргичда 4 қизиб, табиий газ ёқилувчи қувурсимон метан конверторига 5 келади. Метаннинг сув буғи билан

конверсияси СО ҳосил бўлгунча никель каттализатори иштирокида ва 800- 850 0 С ҳароратда олиб борилади. Конверсиянинг биринчи босқичидан кейин конверцияга учраган газнинг таркибида 9-10% метан қолади. Сўнгра газ ҳаво билан аралаштирилиб шахтали метан конвенторига 7 юборилади. У ерда 900- 1000 0 С да қолган метан ҳаво кислороди билан (буғ газининг нисбатан 0,8:1) конверсияга учрайди. Шахта конверторидан газ, буғ ҳосил қилиш қозонига юборилади. Бу қозонда юқори параметрли буғ (10МПа, 480 0 С) ҳосил бўлиб, у марказдан қочма компрессорларнинг турбинасини ҳаракатга келтириш учун фойдаланилади. Газ, буғ ҳосил қилиш қозонидан углерод (II) оксидининг, икки босқичли конверциясига боради. СОнинг конверцияси аввал биринчи босқичли конверторда 9 ўртача ҳароратли темир хромли каттализатор иштирокида 430-470 0 С да, кейин эса иккинчи босқичли СО конверторида 10- рух-хром-мисли каттализатор иштирокида 200-260 0 Сда боради. Иккинчи босқичли СО конверторидан чиққан газлар иссиқлиги газни СО 2 дан тозаловчи абсорбентдан чиққан моноэтаноламин эритмасини регенерациялаш учун сарфланади. Сўнгра газ СО 2 дан тозаланиши учун совуқ моноэтаноламин билан суғорилиб турувчи абсорберга боради. У ерда 30-40 0 С да, газ СО, СО 2 ва О 2 дан тозаланади. Абсорбердан чиқгач газ таркибида 0,3% гача СО, 30-40 м 3 СО 2 сақлайди. 280-350 0 С да никель каттализатори иштирокида метаноторда 15 гидрогенланади. Метанатордан чиққан тозаланган газларнинг иссиқлиги аввал заводда ишлатиладиган сувларни қиздириш учун сарфланади. Кейин эса газлар ҳаво совутгичларда яна совутилади ва реакция натижасида ҳосил бўлган сувдан тозалаш учун сув ажратгичдан (расмда кўрсатилмаган) ўтказилиб, тоза азот водородли газ олинади. Азот водородли газ аралашмасини 30 МПа гача сиқиш учун ва синтез агрегатда газларнинг циркулизацияланиши учун марказдан қочма компрессорлар ишлатилади. Тоза азот водородли аралашма газ аммиакли совутгич 18 ва сеператордан иборат бўлган иккиламчи конденцация системаси 19-20 олдида циркуляция гази билан қўшилади. Сўнгра иккита иссиқалмаштиргичлардан 21,22 ўтиб токчали синтез колоннасига 25 киради.

Реакцияга киришган газлар синтез коллонасидан 320-380 ҳароратда чиқиб аввал таъминот сувини қиздирувчи аппаратдан 22 кейин “иссиқ” иссиқ алмаштиргичдан ўтиб 23 ҳаво совутгичларидан 24 “совуқ” иссиқ алмаштиргичдан 21 ва суюқ аммиакни ажратувчи сеператордан 19-20 га ўтиб кейин циркуляция компрессорига 16 боради. Суюқ аммиак эса сеператордан суюқ аммиак омборига боради. Азот саноатини ривожлантиришнинг асосий вазифаси, бу йирик қудратли (Т0 3000 т/суткагача NH3 ишлаб чиқарувчи агрегатлар яратишдан, янги анча актив заҳарлинишга, куйишга чидамли бўлган, паст ҳароратда активлик кўрсатувчи каттализаторлар яратишдан иборатдир. Республикамизда “Навоийазот” ишлаб чиқариш бирлашмаси, Олмалиқ аммофос ва Фарғона азотли ўғитлар заводлари ҳар йили 1,5 млн.т. ўғит ишлаб чиқаради. Нитрат кислота ишлаб чиқариш. Хоссалари, ишлатилиши ва олиниши. Хоссалари. Кимёвий тоза, сувсиз 100 %ли нитрат кислота- рангсиз суюқлик, ўткир ҳидли, зичлиги 1,52 г/см3, +82,6 0 С да қайнайди, 41,6 0 Сда музлайди. Сув билан ҳар қандай нисбатларда аралаша олади. Суюлтирилганда иссиқлик чиқиши гидратлар ҳосил бўлишидан далолат беради (HNO 3 ·H 2 O, HNO 3 ·2H 2 O). 68,4 %ли нитрат кислотаси эса азеотроп аралашма бўлиб 121,90С да қайнайди (65-расм), бунда у сув билан бирга қўшилиб ҳайдалади. Нитрат ислота иссиқлик ва ёруғлик таъсирида парчаланади. 4HNO 3 → 2H 2 O + 4NO 2 + O 2 Ажралиб чиққан азот (IV) – оксиди кислотада эриб, уни қўнғир ёки қизил (эриган NO 2 нинг миқдорига қараб) рангга бўяйди. Шунингдек нитрат кислота кучли оксидловчидир. У олтин, платина, тантал, радий, иридийдан бошқа барча металларни эритиб тегишли нитратлар ёки оксидларга айлантира олади. Концентрланган нитрат кислота айрим металларни пассивлаштиради. (У совуқ ҳолда темирни пассивлаштиришини Ломонов

аниқлаган эди.) масалан, темир, хром, алюминийлар ўз юзасини юпқа оксид парда ҳосил қилиб, метални нитрат кислотасининг такрор таъсиридан ҳимоя қилади. Шу хоссасидан фойдаланиб, концентрланган нитрат кислотаси пўлат ва алюминий бочкаларда ёки резервуарларда ташилади ва шу хилдаги идишларда сақланади. Кўпгина органик моддалар, шу жумладан одам ва ҳайвон тўқималари ҳам нитрат кислота таъсирида емирилади (масалан, биокимё курсида оқсилларнинг ксантопроетеин реакцияси) баъзи бирлари эса концентрланган нитрат кислотаси таъсирида ёниб кетиши мумкин. Нитрат кислата ва унинг оксидлари (NO ва NO 2 ) ўта заҳарли бўлиб, атмосферада унинг чегаравий ҳавфли концентрацияси 0,1 мг/м 3 га тенгдир. Ишлатилиши. Нитрат кислотаси аҳамияти ва ишлатиш соҳасининг кенглиги бўйича бошқа анорганик кислоталар орсида фақат сульфат кислотадан кейинги иккинчи ўринда туради. Жуда кўп соҳаларда ишлатилади. Дунёда ишлаб чиқариладиган нитрат кислотанинг 75 %и азотли ўғитлар ишлаб чиқаришда, 15 %и портловчи моддалар олишда, органик бўёқлар, 10%и бошқа нарсалар: органик реактивлар, нитролаклар, пластмассалар, киноплёнкалар, сунъий толалар ва бошқа органик моддалар ишлаб чиқаришда ишлатилади. Яна у дори-дармонлар олишда оксидловчи сифатида, суратхоналарда, нитрозали усулда сульфат кислота ва бошқа кўпгина маҳсулотлар ишлаб чиқаришда ишлатилади. Олиниши. Нитрат кислота VIII асрдан буён маълум. Минг йиллардан кўпроқ вақтдан бери уни селитрани темир кўпороси ёки қўш тузлар- аччиқ тошлар билан аралаштириб қиздириш йўли билан олинган. XVIII асирнинг охирларида ХХ асирнинг 20-йилларигача нитрат кислата факат табий селитрадан конц. сулфат кислата таъсир эттириб олинган. NaNO 3 +H 2 SO 4 =HNO 3 +NaHSO 4 Нитрат кислатанинг азот оксидларидан олиш мумкинлиги илгари вақтлардан буён маълум.

3 2 2 2 HNO NO NO O H O      Аммо азот оксидини саноатда олишнинг тузукроқ усули узоқ йиллар давомида топилмади. Азот оксиди олишнинг биринчи плазма (электр ёй) усули иқтисодий самарадорлиги даражаси пастлиги учун халқ хўжалиги соҳасида кенг тарқалмади. Аммо бу усулда табиатда ҳаводаги электр разряди пайтида азот ва кислароддан азот оксидлари ҳосил бўлиб туради. Масалан чақмоқ чаққанда 1500кг гача азот бирикма ҳолга ўтади ва у қор ва ёмғир сувларида эриб азот бирикмалари шаклида ерга тушади ва ерни азотга бойитади. Иккинчи усул аммиакни оксидлаш усулидир. Бу усул 1839 йилда Кюльман NH 3 платина иштирокида азот оксидига айлантириш мумкин эканлигини аниқлаган пайтдан бошлаб маълум. Аммо бу жараённи саноатда ишлаб чиқаришга татбиқ етиш мақсадида ХХ асирнинг бошларидагина В.Оствольд чуқур ўрганди. Натижада 1909 йилда Германияда Остволъд усули бўйича биринчи тажриба заводи қурилди. Кейинчалик Европанинг кўпгина мамлакатларида (Белъгия, Ангилия) ҳам юқоридагидек заводлар кўрила бошланди. Аммо бу заводларнинг маҳсулдорлиги паст эди (масалан, Германиядаги завод йилига 1800т кучсиз нитрат кислата ишлаб чиқарарди холос). 1914-16 йилларда инженер И.И.Андреев аммиакнинг оксидланишга турли факторларининг таъсирини ўрганиб бу жараённи анча таккомиллаштирди. I.Андреев лойихаси асосида Россияда биринчи нитрат ишлаб ишлаб чиқариш заводи, 1917 йилда Юзовка хозирги Донецкий шаҳрида қурилди. Унда кўмирни кокслашда олинадиган аммиакни ажратиб олиш ва тозалашнинг янги усули қўлланилади. Контакт аппаратининг кенг юзали констуруксияси ва платина – иридийли каттализатордан фойдаланиш юттириш миноралари қурилишида кислатага чидамли гранитдан фойдаланиш каби кўбгина ижобий янгиликлар қўлланилиши сабабли завод маҳсулдорлигини анча оширишга эришилди. И.И.Андреевнинг бу соҳадаги

ишлари совет ва ҳатто дунёда нитрат кислата ишлаб чиқариш тараққиётига катта ҳисса бўлиб қўшилди. Саноатда нитрат кислатанинг қуйидаги турлари ишлаб чиқарилади. 1.Кучсиз ёки суюқ ҳолда; 1-нав -56 %ли. 2-нав -47 %ли. 3-нав -45 %ли. 2.Концентрланган. 1-нав -98 %ли. 2-нав -97 %ли. 3.Меланж (франсузча сўз бўлиб аралашма маъносини англатади) 89 % нитрат кислата.7,5 % сулфат кислатадан иборат.

Adabiyotlar: 1. K.P.Abduraxmanov, O’.Egamov “Fizika kursi” darsligi, Toshkent.: Aloqachi 2013 y. 2. K.P.Abduraxmanov, O’.Egamov “Fizika kursi” darslik, Toshkent, “O’quv ta’lim metodikasi” 2015 y. 3. Савельев И. В. Курс физики. М.: Наука 1989 т. 1 4. Савельев И. В. Курс физики. М.: Наука 1989 т. 2 5. Савельев И. В. Курс физики. М.: Наука 1989 т. 3 6. Савельев И. В. Сборник вопросов и задач по общей физик е . М.: АСТ. Астрель. 2005. С.320. 7. К.П.Абдурахманов, Ў.Эгамов “ Физика курси” дарслиги, Тошкент, 2010 й. 8. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.496 (1том) 9. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.416 (2том) 10. Трофимова Т.И. Курс физики.М.Высшая щкола 1999.С.543 Интернет сайтлар: 1. www.ziyonet.uz ; 2. www.estudy.uz ; 3. www.fizika.uz ; 4. www.elearning.uz ; 5. www.bilim.uz ; 6. www.edx.uz ; 7. www.my.estudy.uz ; 8. www.conrsera.org.uz ;

Похожие

Аммиак ва нитрат кислотани ишлаб чиқариш

Полистирол ишлаб чиқариш технологияси

Синтетик ювувчи моддаларни олиш усуллари ва ишлаб чиқариш технологияси

Электрокимёвий ишлаб чиқариш

Кимё технологик системалар