Sanoat pechlarining texnik xarakteristikasi - Тепловая инженерия - Рефераты

Sanoat pechlarining texnik xarakteristikasi

Загружено в:

20.09.2019

Скачано:

0

Размер:

236.5 KB

Sanoat pechlarining texnik xarakteristikasi Reja . 1.1. Sanoat pechlarining turlari 1.2. Ishlash printsipiga ko’ra turlanishi 1.3. Pechlarda ochiq va bilvosita qizdirish sxemalari Tayanch iboralari: yoqilg’i, massa almashinuvi, yonish jarayoni, ishlov berish

1.1. Sanoat pechlarining turlari Sanoat pechlarida bir vaqtning o’zida qator murakkab jarayonlar kechadi: yoqilg’ining yonishi va gazlashtirilishi, ishchi bo’shliqda yonish mahsulotlarining harakatlanishi, issiqlik va massa almashuvi jarayonlari, ishlov berilayotgan materiallarning ekzotermik yoki endotermik kimyoviy o’zgarishlari bilan bog’lik bo’lgan jarayonlar va hokazo. Bu jarayonlar o’zaro bog’langan bulib, ularnig barchasi birgalikda yig’indi jarayonini tashkil qiladi. Bularning ichida issiqlik uzatish jarayoni eng muximi hisoblanadi. Pechlarda turli metal va nometal materiallar: kulolchilik buyumlari, bog’lovchi materiallarning xom-ashyosi, kimyoviy xom-ashyosi va boshqalar qizdiriladi. Eritish jarayonlarida barcha jismlar oldin qizdiriladi . Turli pechlarda metal buyumlarning yuzlari orqali qizdirish amalga oshiriladi . Bu paytda pechning ishchi bo ’ shlig ’ ida joylashtirilgan buyumlar harakatsiz xolatda bo ’ lishi yoki sekin harakatlanishi mumkin . Issiqlik almashuvi odatda qizdirish usuliga bog ’ liq bo ’ ladi . Qizdirishning quyidagi usullari mavjud: texnologik jarayonning turi bo’yicha: a) materiallning tuzilishi va fizik-kimyoviy xosallari o’zgarmaydigan yoki ularning o’zgarishi kuzatiladigan qizdirish; 1) б ) shixta (ruda, toshkol, yoqilg’i va boshqalar aralashmasi) materiallarini qizdirish; 2) issiqlik tashuvchidan foydalanish usuli bo’yicha: а ) yonish mahsulotlari bilan ochiq (to’g’ridan - to’g’ri) qizdirish; b) yonish mahsulotlarini yoki buyumlarni ajratib quyilgan (izolyatsiyalangan) holda bilvosita qizdirish; в ) oraliq bo’g’indagi issiqlik tashuvchining mavxum qaynash qatlamida qizdirish. qizdirilayotgan materiallarning aerodinamik xolati bo’yicha: a) materialning harakatsiz (zich) qatlamida qizdirish; b) materialning "mavxum qaynash" qatlamida qizdirish; в ) muallaq xolatdagi material qatlamida (uyurmali, girdobli) qizdirish. Pechlarda qizdirish ochiq usulda va ayrim xollarda bilvosita (biror vosita yordamida) amalga oshiriladi. Ochiq qizdirish (1.1-rasm ) eng oddiy usulda

hisoblanadi, unda tutun gazlari qizdiriladigan material bilan bevosita to’qnashadi. Bu usul eritish, qizdirish va toblash pechlarida qo’llaniladi. To’g’ridan-to’g’ri qizdirish amalga oshiriladigan pechlar o’z navbatida quyidagi turlarga bo’linadi: ishchi bo’shlig’i katta erkin hajmga ega bo’lgan pechlar, bo’lakli materiallarga ishlov berish uchun mo’ljallangan shaxtali (quduqsimon) pechlar, qaynovchi qatlamli pechlar, tsiklonli (girdobli) pechlar va boshqalar. 1.1. a-rasmda ishchi bo’shlig’i katta erkin hajmga ega bo’lgan pechning sxemasi tasvirlangan. Qizdiriladigan material pech tubida joylashadi uning ustida esa katta erkin hajm bo’lib, unda yoqilg’i yoqiladi. Erkin hajmning mavjudligi yonish alangasini qizdirilayotgan materialga yaqinlashtirish imkonini beradi, bu esa juda muhimdir, chunki bu paytda issiqlik uzatish jiddiy jadallashadi. 1 .2. Ishlash printsipiga ko’ra turlanishi Natijada pechning yuqori unumdorligi ta‘minlanadi, issiqlikning solishtirma sarfi kamayadi.bunday pechlarning ishchi bo’shlig’ining xar bir nuqtasida taxminan bir xil harorat kuzatiladi. Metodik (rejali qizdiriladigan) pechlarda (1.1 b-rasm) esa harorat o’zgaruvchan bo’ladi. Po’lat buyumlarni ochiq qizdirish paytida metall yuzasi oksidlanadi va uglerodsizlanadi. Buning oldini olish uchun yoqilg’i xavo sarfi koeffitsentining kichik qiymatlarida, ya’ni α = 0,4-0,5 da yoqiladi. Talab qilingan haroratlar darajasiga erishish uchun yoqishga berilayotgan xavoni 800°C gacha qizdiriladi yoki kislorod qo’llaniladi. Keyinchalik chala yonish mahsulotlari to’la yondiriladi va havoni qizdirish yoki boshqa maqsadlar uchun foydalaniladi. Aylanuvchi barabanli pechlarda erkin hajm pechning o’qi bo’ylab joylashadi; bu pechlarda turli sochiluvchan yoki bo’lakli materiallar toblanadi. Pechning ichki qoplamasi baraban bilan birga aylanib, navbatma-navbat goh qizigan gazlar bilan, goh qizdiriladigan material bilan to’qnashadi, bu esa issiqlik uzatilishini jadallashtiriladi. Shaxtali (quduqsimon) pechlarda (1.1, g-rasm) ishchi bo’shliq bo’lakli material qatlami bilan to’ldiriladi va tutun gazlari bo’lakchalar hosil qilagan kanallar orqali oqib o’tadi; bu kanallarning ko’ndalang kesimi pech balandligi bo’yicha bir xil emas, shuning uchun gazlarning tezligi doim o’zgarib turadi. Tezlikning o’zgarishi oqimning girdobli harakatlanishiga va konvektov issiqlik uzatilishining ortishiga sabab bo’ladi, ammo bu o’z navbatida material qatlamining qarshiligini oshiradi.

1.3. Pechlarda ochiq va bilvosita qizdirish sxemalari Turli xildagi sochiluvchan materiallar pechlarda qatlamli usulda yoki mavxum qaynash qatlamida yoki, muallaq uchish xolatida qizdirilishi mumkin. Mayda zarrachali materiallarning "mavxum qaynash" qatlamidagi issiqlik almashuvi jarayonlari juda jadal kechadi. Buning asosiy sababi-pechning butun hajmi bo’yicha materialning yaxshi aralashishi va shu materialning xar bir zarrasi atrofidan qizdiruvchi gazlarning oson va jadal oqib o’tishidir. Shuning uchun qaynovchi qatlamli pechlar metallurgiya va kimyo sanoatida mayda zarrachali ruda va kontsentratlarni hamda oltingugurt kolchedanini toblash (pishirish) uchun,

neftni qayta ishlash sanoatida esa neft mahsulotlarini kataliz krekinglash uchun keng qo’llaniladi. Shu bilan birga qizdirishning tsiklonli (girdobli) usuli keng qo’llanilmoqda. Bu usulda girdobli harakat amalga oshirilgani uchun issiqlik almashuvi jarayonlari keskin jadallashadi va natijada tsiklonli pech (1.11-rasm) unumdorligining yuqori bo’lishi ta’minlanadi. Bu usul ishlab chiqarishning turli sohalarida qo’llanishi uchun keng istiqbollarga ega. Materiallarni bilvosita qizdirish paytida u tutun gazlaridan ajratilgan (yakallangan) holda bo’ladi va unga issiqlik (ajratuvchi) devor orqali uzatiladi. Masalan, koks batareyalarida issiqlik tutun gazlaridan ko’mir shaxtasiga retortarning yon devorlari orqali uzatiladi. Bu bilan havosiz muhitda ko’mirni quruq xaydash jarayoni amalga oshiriladi. Bilvosita qizdirish pechlariga mufel pechlari va radiatsion quvurli pechlar (1.2-rasm) misol bo’la oladi. 1.2-rasm. Pechlarda bilvosita qizdirish sxemalari. α - mufel pechi; b-raditsion quvurli pech.

Po’lat qismlarga issiqlik bilan ishlov berish (pishirish, toblash, tsementatsiya) ga mo’ljallangan mufel pechlarida ishlov beriladigan buyumlar tutun gazlaridan mufel yordamida ajratilgan bo’ladi. Po’lat qismlar bilan tutun gazlarining bevosita to’qnashishi mumkin emas, chunki bu hol po’latning oksidlanishiga yoki uglerodsizlanishiga olib keladi. Buyumlar mufel orqali o’tadi (1.2,a-rasm), mufelning ichi esa himoyalovchi gaz bilan to’ldirilgan bo’ladi. Issiqlik mufel devori orqali uzatiladi. Radiatsion quvurli pechlarda (1.2,b-rasm) qizigan tutun gazlari radiatsion (nur tarqatuvchi) quvurlar orqali o’tadi. Issiqlik quvur devorlari orqali uzatiladi, pechning ishchi bo’shlig’i esa himoyalovchi gaz bilan to’ldiriladi. Umuman olganda bilvosita qizdirish to’g’ri qizdirishga nisbatan ancha murakkab va qimmatdir

Adabiyotlar: 1. Шаисмалов А. Ш. Топливо и основы горения. Ташк.- типография ТашГТУ, 1998-150с. 2. Алимбоев А.У. Саноат ва иситиш qозонхоналари. Ташкент. Типография ТашГТУ, 1998-130с. 2. Бухаркин Е.Н. Тепловые и гидравлические режыми отопительных конденсационных котлов, М; Энергоатомиздат, «Промышленная энергетика» 1996 – 20 – 24с.

Похожие

Sanoat pechlari va o‘txonalari

Sanoat pechlarida ichki va tashqi issiqlik almashuvi holatlari

Pech o’txonasida yoqiladigan yoqilg’i yonish mahsulotlari hajmini hisoblash

Yuqori haroratli sanoat pechlari va ulardagi bevosita va bilvosita qizdirish usullari

Elektr qizdirgichlarining ishlash prinsiplari ularning turini aniqlash usullari