Sabzavot va mevalar ularning turlari sifat ko‘rsatkichlari - Экономика - Рефераты

Sabzavot va mevalar ularning turlari sifat ko‘rsatkichlari

Загружено в:

20.09.2019

Скачано:

0

Размер:

96 KB

Sabzavot va mevalar ularning turlari sifat ko‘rsatkichlari R e j a 1.Sabzavot va mevalarning kimyoviy tarkibi 2.Ildizmevali o‘simliklar 3.Karam sabzavotlar 4.Pomidorsimon sabzavolar 5.Desert sabzavotlar 6.Sifat ko‘rsatkichlari

Sabzavot va mevalar insonlarni ozuqlanishida katta ahamiyatga ega chunki, qimmatli ozuqa moddalarining manbai meva va sabzavotlar hisoblanadi, ovqatni yaxshi hazm bo‘lishida ham ko‘maklashadi. Ayniksa yangi sabzavot va mevalar ko‘pgina vitaminlar va mineral moddalarni saqlovchi sifatida muhim axamiyatga egadir. Sabzavot va mevalarni yangi holda uzoq vaqt saqlash, tashish va sotishda bo‘ladigan isrofgarchilikni maksimal kamaytirish xozirgi kunning dolzarb masalalaridan hisoblanadi. Yangi sabzavot va mevalarni yetkazish hajmini oshishi bilan birga ularni sanoatda qayta ishlab quritilgan, tuzlangan, marinovka qilingan, tez muzlatilgan va sabzavot-meva konservalarini tayyorlash miqdori ham bir muncha ortadi. Sabzavot va mevalarning kimyoviy tarkibi. Sabzavotlarning ozuqalik qimmati ularning kimyoviy tarkibiga bog‘liq bo‘lib asosan qancha uglevodlar, vitaminlar, mineral va boshqa moddalar borligiga qarab aniqlanadi Meva va sabzavotlar ishtaxani ochadi, oqsillar bilan, yog‘larning hazm bo‘lishini yaxshilaydi. Insonning salomatligini va kasalliklarga qarshilk ko‘rsatishi saqlab boradi. Suv. Sabzavot va mevalarning tarkibidagi suvni miqdori o‘rtacha 80-90%, bodring, rediska, salat tarkibida esa 93-97% ni tashkil etadi. Suvning axamiyatini belgilab beradigan xususiyatlari quyidagilardan ibora: yuqori issiq o‘tkazish va issiqlik sig‘imigi egalik, hamma haroratlarda bug‘lanishi (hatto 00 S pastda ham) va polyarligidir. Tarkibida namligi yuqori bo‘lgan sabzavot va mevalar saqlanayotgan muhitda nisbiy namlikni katta bo‘lishini talab qiladi. Bargi ishlatiladigan sabzavotlarni havoni nisbiy namligi 95% gacha, piyozli sabzavotlar esa 75% bo‘lgan sharoitda saqlanadi. Sabzavot va mevani hujayrasidagi suvni katta qismi (85% gacha) erkin holatda bo‘lib, ularni quritganda osonlikcha chiqarib

yuborish mumkin. Sabzavot va mevalarni saqlaganda namligini yo‘qotadi, bu esa ularni massasini yo‘qotishga olib keladi. Uglevodlar. Sabzavot va mevalarning tarkibidagi uglevodlar asosan monosaxarid va disaxarid ko‘rinishida bo‘ladi. Ko‘pgina sabzavot va mevalarni tarkibidagi qandi glyukoza va fruktoza (uzum, karam va boshqalar) ko‘rinishida bo‘ladi. Ba’zi bir sabzavot va mevalarda (piyozli sabzavot, shaftoli va boshqalar) saxaroza ko‘rinishida bo‘ladi. Qandni kam uchraydigan ko‘rinishi bo‘lgan rafinoza, kisloza, maltoza kam miqdorda (0,5% gacha) uchraydi. Qandining miqdori ko‘p bo‘lgan sabzavot va mevalarga uzum (25% gacha), qovunni (15%) misol qilib keltirish mumkin. Sabzavot va mevalarni mazasi va rangi, qayta ishlashga loyiqligi, tashishga chidamligi ularning tarkibidagi turli shakldagi qandlarning bir-biriga va kislota miqdoriga nisbatan loyiq bo‘ladi. Polisaxaridni turi bo‘lgan kraxmal kartoshkada 20% gacha bo‘lishi mumkin. Boshqa sabzavot va mevalarda esa ko‘pi bilan 1% ni tashkil qiladi. Pishib yetilmagan sabzavot va mevalraning (olma, behi) tarkibida kraxmalni tarkibi kamroq bo‘ladi. Polisaxaridlardan gemitsellyuloza va kletchatka, sabzavot va mevalrani asosan po‘stida 2,0-2,5% gacha bo‘ladi. kletchatka hazm bo‘lmaydigan ikkinchi darajali polisaxaridlarga kiradi. Lekin bu modda inson a’zosidan xolestrin va boshqa zararli moddalarni chiqarib tashlashga katta ahamiyatga ega. Gemitsellyuloza geksozanlar va pentozanlarga bo‘linadi. Geksozanlar inson a’zosida hazm bo‘ladi. Sabzavot va mevalar tarkibida geksozanlar saqlash davrida gidrolizga uchrab geksozanlarni hosil qiladi, ular esa shirin maza beradi. Pentozanlar esa hazm bo‘lmaydi, lekin pentozangacha parchalanadi, hosil bo‘lgan modda nuklein kislotasini sintezida qatnashadi. Inulin sabzavot va mevalarda ham uchraydi, sarimsoqda (15-20%), tapinamburda (13-20%) bo‘ladi. Gidrolizga uchrab fruktozani hosil qiladi. Mazasi shirin bo‘lib, yaxshi hazm bo‘ladi. Peklin moddalari uglevodorod tabiatiga xos yuqori molekulali brikmadir. Kimyoviy

jihatdan protopektin, pektin va pektin kislotaga bo‘linadi. Protopektin moddasi pektinni kompleks polimeridir, ya’ni pektinni molekula qoldig‘i kalsiy, magniy va fosfor orqali sellyuloza va gellitselyulozaga brikkan. Protopektin fermentlar ta’sirida yoki qaynatilganda pektin, sellyuloza va gemmitselyuloza hosil bo‘ladi. protopektin moddasi suvda erimaydi, to‘qimaga qattiqlik beradi. Pektin metil efiri qoldig‘i bilan pektin kislotani kislorod orqali bog‘langan polimeridir. Pektin mahsulolarni quyulturuvchi xususiyatiga ega. Pektinni g‘uyulturuvchi xususiyatiqand va kislotani konsentratsiyasiga va muhiti rN ga bog‘liqdir. Pektinnni quyultirish uchun kerak bo‘lgan moddalarning optimal miqdori (% da): qand-60, kislota-1, pektin-0,5-1,5; rN-3,1-3,5 bo‘lishi kerak. Toza holda ajratib olingan poroshok yoki konsentrat holdagi pektinni ko‘pgina qandli qandolat mahsulotlarini (djem, varenye, povidlo, marmelad, pastila va boshqalar) quyultirishga ishlatiladi. Sabzavot va mevalarani qaynatilganda protopektin pektinga aylanadi va ularni yumshatadi. Karamni tuzlaganda pektin moddasi kalsiy ionini biriktirib olishi natijasida tayyor mahsulot qirsildoq bo‘ladi. Organik kislotalar. Organik kislotalar sabzavot va mevalrani hujayrasida bog‘liq yoki erkin holda bo‘lishi mumkin. Erkin holdagi kislotalar sabzavot va mevalarga maza beradi. Eng ko‘p tarqalgan organik kislotalardan olma, limon va vino (uzum) kislotalarini keltirish mumkin. Organik kislotalarning umumiy miqdori 0,1 da 6: gacha (limonda) bo‘ladi. Kislotasini miqdoriga qarab sabzavot va mevalar 3 ta guruhga bo‘linadi: 1.Kislotasi yuqori bo‘lgan 2-7%; qora, qizil, oq smorodina, olcha, ryabina, tog‘olcha, yovvoyi tog‘ olmasi, oblepixa, klyukva, limon va nordon sabzavotlar-1- 1,5%; shavel, ravoch; 2.kislotasi o‘rtacha bo‘lgan mevalar-0,5-1,5% urug‘li, danakli, rezavor mevalar, sitrusli mevalar; sabzavotlar-0,5-0,8% pomidori;

3.Kislotasi past bo‘lgan mevalar-0,1-0,2%, shavel, ravoch va pomidordan boshqa hamma sabzavotlar. Sabzavot va mevalarni nordonligi kislotalarni miqdoriga va sifatiga bog‘liq bo‘ladi. Sabzavot va mevalraning mazasini obyektiv baholash uchun qandni shirinlik darajsini hisobga olgan qand kislota koeffitsiyenti hisoblanadi. Kkk= S glyukoza*100+S fruktoza*200+S saxaroza*145/ S kislota Bu yerda: S-moddaning miqdori, %, Organik kislotalar mevani to‘qimasida turli miqdorda tarqalgan bo‘lib, po‘sti va urug‘ida kamroq, mag‘zida ko‘proqdir. Azotli moddalar. Azotli moddalarga oqsil va azot tutuvchi boshqa moddalar kiradi. azotli moddalar sabzavot va boshqa mevalar tarkibida nisbatan kam (0,6-7%) bo‘lsa ham ularni hayot faoliyatida katta ahamiyatga ega. Maslina va dukkaklilar tarkibidagi oqsilni msiqdori (4-6%) bo‘lib alohida ajralib turadi. Sabzavot va mevalara oqsildan tashqari yana erkin holdagi amonokislotalar, fermentlar, nuklein kislota, amidlar, glikozidlar, nitratlar va boshqalarni o‘zida saqlaydi. Amonokislotalar modda almashinuvida aktiv qatnashadi va oqsilni sintez bo‘lishida ishtirok etadi. Sabzavot va mevalarni saqlash davrida tinimsiz oqsilni gidrolizi (amonokislotagacha) va qaytar jarayon-amonokislotalardan oqsil sintez bo‘lishi jarayoni ketadi. Sabzavot va mevalrani saqlashda ma’lum davrda oqsil muvozanati buziladi. Kartoshkani saqlaganda tinch holatga o‘tish davrida oqsilni sintezi tezlashadi va uning miqdori oshib ketadi, ko‘karish davrida esa oqsil gidrolizga uchraydi va hosil bo‘lgan amonokislotalar ko‘zchalari tomon harakat qiladi. Glikozidlar fitopatogen mikroorganizm bilan zararlanishidan saqlovchi, sabzavot va mevalraga spetsifik maza va xushbo‘y hid beruvchi moddalar guruhidir. Solanining miqdorini (25 mg/100g dan) oshib ketishi o‘rinsiz bo‘lib, inson a’zosini

zaharlashi ham mumkin. Kartoshka quo‘sh nurida saqlanganda solanin bilan birga xlorofil ham hosil bo‘ladi, shuning uchun rangi ko‘k bo‘lib qolgan kartoshkani iste’mol qilish xavflidir. Achchiq bodomni tarkibida ko‘p miqdorda amigdalin bo‘lib uning tarkibiga sinil kislotasi kiradi, shuning uchun achchiq bodomni iste’mol qilish zararlidir. Xalq tabobatida achchiq bodom nafas qisishi kasalligini davolashda ishlatiladi. Amigdalin glikozidi achchiq o‘rik danagida, shaftoli va olcha danagida ham bo‘ladi. Sitrusli mevalar glikozidi-gesperidin va naringin flavonoidlar guruhiga mansub bo‘lib, R-vitamin aktivligiga ega. Uni oksidlanishdan qand eritmasi amonokislotalar, oqsil, olitin gugurt birikmalari, kislotalar saqlaydi. R guruh vitaminlar. R vitaminlari katta bo‘lib, asosiylari rutin, kversitin, kversetrin hamda sitruslarni flavansidlari naringin, geperidindir. R vitamin aktivligini egalllagan 150 ga yaqin modda aniqlangan. Insonning bir kunlik talabi 25 mg bo‘lib, uni yangi sabzavot, meva va choy hisobiga qondiriladi. Sabzavot va mevalarni saqlaganda R vitamin aktivligi parchalanish va oksidlanish hisobiga kamayadi. Sabzavot va mevalarni qayta ishlaganda R vitaminni yo‘qolishini past haroratda (70-850 S) termik ishlov berib, oksidlovchi fermentlarni ishini to‘xtatib yoki sulfitatsiya qilib kamaytirish mumkin. Vitamin V9 yoki Foliyeva kislota. Vitamin V9 qizil va oq qon tanachalarini paydo bo‘lishini rag‘batlantiradi. Bir kunliyek vitamin V9 ga bo‘lgan iste’mol qilish ehtiyoji 0,2-0,4 mg bo‘lib qisman chngi sabzavot v amevalarni iste’mol qilish hisobiga qondiriladi. Sabzavot va mevalarda foliyeviya kislota 0,5-15 mkg/g ni tashkil qiladi. Bu vitaminga zemlyanika boy (16 mkg/g), ukrop, petrushka, salat va limonda (2,5-5,5 mkg/g) kamroq, qolgan sabzavot va mevalarda 2 mkg/g dan kamroq bo‘ladi. Vitamin K1 (nartoxinon) ko‘k sabzavotda ko‘p miqdorda bo‘ladi, misol uchun shpinatda va xlorofillni tarkibiga kiradi. Sabzaavot va mevalarda vitamin K ni miqdori 0,14-2,0 mg% ni tashkil qiladi.

Kishini bir kunlin vitamin K ga bo‘lgan ehtiyoji 0,2-3,0 mg bo‘lib uni 30% ini sabzavot va mevalarni hisobiga qondiriladi. Vitamin YE guruhi (tokoferol) odamlar va hayvonlarni pushtsiz bo‘lishidan asraydi, lipidlarni ko‘p oksidlanishidan saqlaydi. Vitamin YE ga bo‘lgan bir kunlik ehtiyoj 10-20 mg ni tashkil qilib uni 5-10% nigina sabzavot va meva hisobiga qondiriladi. Sabzavot va mevalarni tarkibida 0,1-10,3 mg% bo‘ladi. Vitamin YE uchta formalarda bo‘ladi. Takorofel eng katta biologik aktivlikka ega bo‘ladi. Takoferollar faqat o‘simlikda sintez bo‘ladi. Karotinlar mevalraga sariq rang beradi. Karotinlar yog‘da eriydi. Xren va gorchitsa tarkibidagi sinigrin glikozidi ularga spetsifik maza beradi, mirozinaza fermenti ta’sirida parchalanib gorchitsani almil yog‘ini hosil qiladi. Hosil bo‘lgan gorchitsa yoki o‘tkir hid va achchiq maza beradi. Mineral moddalar. Sabzavot va mevalarni tarkibidagi mineral moddalar, mikro va ultramikroelementlarga bo‘linadi. Mineral moddalarga har xil bargli va karam sabzavotlari boy bo‘ladi. Shavel, bryussel va rangli karam, petrushka, piyoli sabzavotlarda mineral moddalar (2-2,5% gacha) ko‘p bo‘ladi. Mineral moddalarning eng ko‘p miqdorini kaliy elementi, karam kalsiy elementini o‘zida ko‘proq yig‘adi. Mineral moddalar ishqoriy muhit hosil qiladi va kishi a’zosidagi nordon muhitni muvozanatga keltirishda katta ahamiyatga ega. Mineral moddalar ferment, rang beruvchi moddalar, qon gemoglobini, o‘simlik ko‘k qismidagi xlorofill tarkibiga kiradi. Shu bilan birga sabzavot va mevalarni kimyoviy moddalar bilan ishlov berilganda, mis, qo‘rg‘oshin, mishyak ham tushib qolishi mumkin. Fosfirigi, kaliyli mineral o‘g‘itlar bilan esa ftor, stronsiy, uran, radiy va boshqalar tushishi mumkin. Zararali va zaharli mineral moddalarni sabzavot va mevaga tushmasligini oldini olish uchun kimyoviy ishlov berilganda ularni dozasi va muddatlariga e’tibor berish kerak va mineral o‘g‘it berganda har xil saqlash vositalarini qo‘llash kerak.

Vitaminlar. Sabzavot va mevalar vitaminlarga boy bo‘lib, bu esa ularni biologik aktivligini belgilab beradi. Vitaminlar 2 ta guruhga bo‘linadi: suvda eruvchi vitaminlar - V1, V2, V3, V6, RR, N foliyevaya kislota, yog‘da eruvchi vitaminlar YE, D, K va provitaminlar. Sabzavot va mevalar vitamin S (askorbin kislotasi) manbai bo‘lganligi bilan qimmatli hisoblanadi. Vitamin S ipovnik, ko‘k grek yong‘og‘ida-2500 mg/100 g gacha, qora smorodinadi-300 mg/100 g, shirin garimdorida-120 mg/100 g gacha, achchiq garimdorida-250 mg/100 g gacha bo‘ladi. Aksorbin kislotasini oksidlanishi harorat, og‘ir metall tuzlari, ishqor, ultrabinafsha nur ta’sirida tezlashadi. Karotinlarni asosiy manbai quyidagilar sabzida-16-35 mg/100 g, bargli sabzavotlardan petrushkada-8 mg/100 g gacha, pomidorda 1,5 mg/100 g gacha, o‘rikda-2 mg/100 g gacha bo‘ladi. Karotinlar sabzavot va mevalarni saqlaganda va ulardan turli ovqatlar tayyorlanganga yaxshi saqlanadi. Kishini karatinlarga bo‘lgan bir kunlik ehtiyoji 3-5 mg ni tashkil qiladi. Karotinlar kishilar infarkt miokardi bo‘lganda yurak tomirlarida kislorod yetishmasligini, qariganda kislorod yetishmaslik kasalliklarini davolanishiga yordam beradi. Vitamin V1 ni asosiy manbai kartoshkadir. Fenol moddalar. Bu moddalar sabzavot va mevalarga rang beradi va har xil kasallikka qarshi chidamli qiladi. Fenol moddalardan xlorogen kislota va oshlovchi moddalarni ko‘rib chiqamiz. Xlorogen kislota kartoshka va olmani mag‘zini qorayishida ishtirok etadi va antimikrob xususiyati bor. Oshlovchi moddalar sabzavot va mevalarda to‘q rang hosil bo‘lishida qatnashadi, tahir maza beradi. Bu moddaning manbai anorni po‘sti va ba’zi bir tropik o‘simliklarni mevasidir. Rang beruvchi moddalar. Xlorofill o‘simlik to‘qimasini yashil rangga bo‘yaydi. Karotonoid tipidagi pigmentlar: likopin, karotin va har xil ksantrofillar sabzavot va

mevalarga sariq rang beradi. Ko‘pgina sabzavot va mevalrada karatonoidlar saqlash davrida kamayadi. Faqat sabzida terib olgandan keyingi davrda karotinni biosintezi kuzatiladi, buning natijasida uning miqdori oshadi. Qayta ishlaganda karotonoidlar kislorod bilan oksidlanishi natijasida parchalanadi. Yangi sabzavotlar. Sabzavotlar ikki sinfga bo‘linadi: vegatativ va generativ. Vegatativ sinfida yosimlikning ildizi, tuganak mevasi, bargi, poyasi, piyozboshi va boshqalar ovqatga ishlatiladi. Generativ sinfida yosimlikning mevasi iste’mol qilinadi. Sabzavotlarni vegatativ sinfi quyidagi guruhlarga bo‘linadi: tuganak mevali o‘simliklar-kartoshka, batat, topinambur; -ildizmevali o‘simliklar-sabzi, lavlagi, rediska, turp, sholg‘om, bryukva, oq ildizli ko‘katlar, xren; -karam ekinlar-oq karam, qizil karam, savoyskiy karam, rangli karam, bryussel karami, sholg‘om karami; -piyozsimon sabzavotlar-piyoz, ko‘kpiyoz, porey piyoz, batun piyoz, sarimsoq. -salat-ismaloq sabzavotlar-salat, ismaloq, shavel; -desert sabzavotlar-sarsabil, artishok, ravoch; -ziravor sabzavotlar-ukrop, jambil, tarxun, rayhon, mayoran, kashnich. Mevali sabzavotlar quyidagi guruhlarga bo‘linadi: -kovakdosh sabzavotlar-bodring, kovak, kabachki, patison, tarvuz, qovun; -pomidorsimon sabzavotlar-pomidor, baqlajon, qalampir, dukkakli va donli sabzavotlar, sabzavot no‘xat, sabzavot loviya, shirin makkajo‘xori. Yangi sabzavotlarning kimyoviy tarkibi 3- jadvalda berilgan. 3-Jadval. Sabzavotning nomi Quruq moddalar Oqsili S vitamin mg %

Tugunakli mevali o‘simliklar. Kartoshka. Kartoshka aholi ovqatida iste’mol qilish normasi bo‘yicha nondan keiyngit ikkinchi o‘rinda turuvchi mahsulot hisoblanadi. Kartoshkaning tugunagi yer ostidagi yo‘g‘on poyaning po‘sti va mag‘izidan iborat bo‘ladi. Tugunakning yuzasida ko‘zlari bo‘lib, ularning har birida 3-4 tadan kurtagi bo‘ladi. Tugunak pishib yetilishi davrida po‘sti deb yuritiladigan ko‘p qatlamli ikkilamchi probka- to‘qima kovlab oladi. Po‘sti tugunakli qurishdan, mikro a’zolari bilan zararlanishdan saqlaydi. 100 g kartoshkaning quvvat qiymati 347 kJ ni tashkil etadi. Kartoshkani nimaga muljallanganiga qarab shartli ravishda ho‘raki, texnik, xashaki va universal navlarga bo‘linadi. Kartoshkaning xo‘raki navining mazasi yaxshi, silliq yupqa po‘stida sayozgina ko‘zlari, shakli esa dumaloqroq bo‘ladi, mag‘i oq, artilganda va to‘g‘ralganda tez qoraymaydi. Kartoshkaning universal navlarida kraxmal ko‘p bo‘ladi, pishirayotganda ezilib ketadi. Kartoshka yetilish vaqtiga qarab ertagi, (90 kun) o‘rtagi (120 kun) va kechki (150 kun) bo‘ladi. Ertagi navlarga: Zarafshon, Epikur, Epron, tezpishar Prekulskiy navlar; o‘rtapishar navlarga: Ella, Lyubimits, peredovik, Xo‘raki-26 navlari; kechki pishar navlarga: Olev, Temp, Obidov-2, Karchibarg Gollandskiy navlari kiradi. Kartoshkani texnik maqsadlarda spirt, kraxmal olish uchun ishlatiladi. Kartoshkani sifatini baholash. Kartoshkani sifatini tashqi ko‘rinishi, hidi, mazasi, katta-kichikligi bo‘yicha baholanadi. Yuzasini 1/4 qismidan ko‘prog‘i yashil rang bo‘lsa, so‘lib qolgan, yarimta, bo‘laklar, ezilgan, kemiruvchi zararlangan, muzlangan, irigan tugunaklar, hamda organik mineral aralashmalar bo‘lishi mumkin emas. Kartoshkani kasalliklari. Kartoshkada ko‘pincha fuzarium, fitoftora, ho‘l chirish, halqasimon chirish, qo‘tir kasalliklari bo‘ladi. Fuzarium (quruq chrish)

zamburug‘dan kelib chiqadi. Tugunaklar yuzasida to‘q jigarrang dog‘lar tarzida paydo bo‘ladi. Fitaftora-zamburug‘lar keltirib chiqaradigan kasallik, u kartoshka mag‘zini chirigan massaga aylantirib qo‘yadi. Oddiy qo‘tir-bu tugunaklar yuzasidagi kichik-kichik yarachalar, sochma qo‘tir so‘galsimon hosilalar ko‘rinishida bo‘ladi. Ho‘l chirish kartoshka mag‘zini noxush hidli massa darajasigacha yumshatib yuboradigan bakteriyalardan kelib chiqadi. Halqasimon chirish kartoshka mag‘zi ichida qora halqalar hosil qiladigan bakteriyalardan kelib chiqadi. Topinambur (yer noki). Bu ko‘p yillik serhosil ekin. Mamlakatimizning janubida o‘sadi. Tugunaklari yuzasidan yirik do‘ng ko‘zlari bor. Ovalsimon, uzunchoq bo‘ladi. Tugunaklarining rangi sarg‘ish-oq, pushti, qizil, binafsha rang. Mag‘zi oq, sersuv, shirinroq. Topinambur tarkibida inulin-20% gacha, saxaroza-5% gacha va azotli moddalar-30% bo‘ladi. Topinambur qovurilgan holda iste’mol qilinadi. Topinamburni mollarga ozuqa sifatida, inulin va spirt olishda ishlatiladi. Uni kuzda yoki bahorda yeg‘ib olinadi, tugunaklari sovuqqa chidamli bo‘lib, qazilmay, qishda yerda qolib ketsa ham bo‘ladi. Topinambur qurg‘oqchilik bo‘ladigan (kartoshka o‘smaydigan) nohiyalarda ekilsa yaxshi hosil beradi. Batat (shirin kartoshka). Batat Janubiy Amerika, Yaponiya, Xitoy, Hindiston, Yangi Zenlyandiya, Fillipin orollarida o‘sadi. Uning shakli va rangi har xil, o‘sib ketgan yon ildizlari ovqatga ishlatiladi; batat kartoshkadan yirikroq bo‘ladi. Batatning tarkibida: qand-6%, kraxmal-20%, oqsil-2% bo‘ladi. Batatni harorati 90 S li xonalarda saqlanadi. Ildizmevali o‘simliklar. Sabzi. Sabzi provitamin A, karotin, mineral moddalarni manbai hisoblanadi. Sabzi yurak-qon tomir sistemasiga yaxshi ta’sir qiladi, kamqon odamlarga foydasi bor. Sabzini yaxshi navlarini tarkibida karotin ko‘p bo‘ladi, mag‘zi suvli, mayin va o‘zagi kichkina bo‘ladi. Ildizmevasining shakli va uzunligiga qarab xo‘raki

sabzilar yassi-dumaloq shaklli, uzunligi 3-5 sm-Parij mushak sabzisi; ildizmevasi silindirsimon va konussimon, uzunligi 8-20 sm Geranda, Nantskiy va Shantane, qizil mirzoyi, mushak, ildizmevasi urchuqsimon cho‘ziq uzunligi 20-45 sm- Valeriya sariq mirzoyi navlariga bo‘linadi. Sabzining ildizmevasi yangi, butun, toza, shakli qing‘ir-qiyshiq bo‘lmasligi, rangi bir tusli, shu botanik navga xos, bandining uzunligi ko‘pi bilan 2 sm bo‘lishi kerak. Ildizmevasining eng katta ko‘ndalang kesimini diametri 2,5 sm dan 6 sm gacha bo‘lishi kerak. Bir partiya standart sabzi orasida 10% gachasi belgilab qo‘yilgan kattaliklardan 0,5 sm farq qilishi mumkin. Sabziga yopishgan tuproq 1% dan oshmasligi kerak. Lavlagi. Qandli yuqori bo‘lgan ildizmevali o‘simlik bo‘lib saxarozani manbai hisoblanadi. Uning tarkibida qand, azotli moddalar (1-jadval) mineral moddalar (1%), kaliy, kalsiy, magniy, fosfor, temir va kobalt tuzlari tarzida bo‘ladi. Lavlagida S1, V1, V2, RR, R va vitaminlari bor. Uning davolash xususiyatlari bor, u ichak ishini yaxshilaydi, aterosklerozni oldini oladi va modda almashuvini tartibga solib turadi. Kesimida eti to‘q rangli va oq xalqalari kam, shakli yassiroq dumaloq, o‘rtacha kattaligidagi lavlagini oshbop xususiyatlari eng yaxshi bo‘ladi. Xo‘raki lavlagining eng yaxshi ro‘zg‘orbop botanik nav navlari quyidagilar: Bordo, Misiriy, Yassi, Nesravnenniy, Gribovskiy, Bordo-etida halqasi yo‘q, to‘q qizil eng yaxshi navlaridan biri; Nesravnenniyning eti mayin, rangi to‘q, a’lo darajada mazali. Lavlagining ildizmevasi, yangi, toza, butun, kasallanmagan, xo‘l tegmagan bo‘lishi kerak. Uzilganda o‘zida qolgan bandini uzunligi ko‘pi bilan 2 sm bo‘lishi kerak. Ildizmevalar orasida yorilganlari, singanlari, shakli qing‘ir-qiyshiq, bargi notug‘ri qirqilganlari 5% dan ortiq bo‘lmasligi kerak. Ko‘ndalang kesimining diametri 5 dan 14 sm gacha bo‘lishi kerak. ildizmevasiga yopishib qolgan tuproq 1% dan oshmasligi kerak.

Sholg‘om. Sholg‘om etini ta’mi o‘ziga xos, tarkibida 4-6% gacha, vitaminlardan S (40 mg/100 gacha), V1, V2, RR, mineral moddlar bo‘ladi. Sholg‘om ildizmevasini shakli dumaloq-yassi, rangi sariq yoki oq bo‘ladi. Sholg‘omning eti sersuv bo‘lib, xomligicha, qaynatib pishirilgan, qovurib, yopib, bug‘lab pishirilgan tarzda iste’mol qilinadi. Sholg‘omni yerga ko‘mib qo‘yilsa, vitaminlarini yo‘qotmasdan uzoq vaqt saqlanadi. Sholg‘omning eng yaxshi navlari-Petrovskiy, Milanskiy, oq Mayskiy, Namangan, Samarqand. Tarkibidagi gorchitsa yog‘i (izotiotsianat-15 mg % gacha) sholg‘omga o‘ziga xos maza beradi. Rediska. Rediska eng ertagi va qisqa vaqtda pishib yetiladigan ildiz mevali o‘simlikdir. Rediska sersuv bo‘lib xomligicha iste’mol qilinadi. Rediska S vitamini, mineral moddlar, ayniqsa kaliy va temir tuzlarining manbai hisoblanadi. Rediskani yopiq (teplitsa, parnik) va ochiq tuproqda yetishtiriladi. Rediska ildizmevasining tarkibidagi glikozidlar bilan efir moylariga bog‘liq alohida ta’mi va hidi bo‘ladi. Eng yaxshi ro‘zg‘orbop-botanik navlari: Saksa, yax, sumalak, oqtumshuq, Toshkent oq rediskasi, mayskiy va dungar. Rediskaning ildizmevasi yangi, toza, yosh, eti sersuv mayin, shakli va rangi har xil, yangi yashil bargli bo‘lishi kerak. Eng katta diametri bo‘ylab o‘lchami 1,5 sm va undan ortiq, cho‘ziq navlarining uzunligi 6 sm va undan ortiq bo‘ladi. Turp. Turpning ildizmevasi askorbin kislotasiga boy (30-40 mg/100 g) bo‘lib tarkibida yana qand (6,0% gacha), azotli moddalar (2% gacha), mineral (ko‘p miqdorda kaliy) moddalar glikozidlari bor. Turpning tarkibida fosfalinaza fermenti ko‘p bo‘lib, u inson a’zosida yog‘ni parchalashga xizmat qiladi. Uning achchiqroq- shirin ta’mi va o‘ziga xos hidi bo‘ladi. Turpning tarkibida yog‘ moddalarining parchalanishida ishtirok etuvchi fermentlardan lipaza, fosfalinaza bo‘ladi. Bryukva. Bryukva ildizmevasi tarkibida qand (7,5% gacha) vitaminlar S1, V1, V2, RR, karotin, efir moyi bo‘ladi. Kaliy, kalsiy, temir tuzlari bo‘ladi. Bryukvani xomligicha, qaynatib, dimlab pishirilgan holda iste’mol qilinadi. Ildizmevasining

shakli sharsimon yoki yassi-dumaloq bo‘ladi. Eti sarig‘i qimmatli hisoblanadi. Krasnoselskiy navi eng yaxshi bryukva hisoblanadi. Tarkibidagi gorchitsa yog‘i (izotiotsianat) o‘ziga xos maza beradi. Oq ildizli ko‘katlar. Oq ildizli ko‘katlarga petrushka, pasternak, selderey va xren kiradi. Ular tarkibida qand (6,5-9,4%), vitaminlardan S1, V1, V2, RR, karotin bo‘ladi. Ko‘katlar tarkibidagi efir moyi unga xushbo‘y hid beradi. Petrushkaning ildizi ham, bargi ham iste’mol qilinadi. Petrushka ildizi tarkibida efir moyi, bargi tarkibida esa S vitamini bor. Yangi va quritilgan petrushka ziravor sifatida ovqatlarga, konserva qilishda, sabzavotlarni tuzlashda, marinadlar tayyorlashda qo‘shimcha sifatida ishlatiladi. Petrushkani «Shirin», «Gribovskiy», navi keng tarqalgan. Petrushkaning parhezbopliik va davolovchi xususiyatlari bo‘lib, tabobatda buyrakni davolashda ishlatiladi. Petrushkani ildizi yangi, toza, sog‘lom, butun, bargsiz bo‘lishi kerak. Pasternakning tarkibida pektin S vitamini bor. Uning tarkibidagi efir moyi (3%) o‘ziga xos hid taratib turadi. Pasternakning shakli dumaloq konussimon va rangi oq bo‘ladi. Pasternak ildizi oshpazlikda konservalarni tayyorlashda ziravor sifatida ishlatiladi. Eng ko‘p tarqalgani student, ertagi Dumaloq navlari hisoblanadi. Ildizmevasi yangi, toza, sog‘lom, bargsiz bo‘lishi, shakli qing‘ir bo‘lmasligi kerak. Pasternakni cho‘zinchoq shakldagi ildizmevasini eng katta diametri esa kamida 3 sm bo‘lishi kerak. Selder. Selderning ildizi, bargi va poyasi ishlatiladi. Biologik va ozuqalik qimmati bo‘yicha petrushkadan keyingi o‘rinda turadi. Selder oq ildizi ko‘katlarning eng mayini va eng xushbo‘yi hisoblanadi. Selderning ildizi sharsimon, ildiz mevasi o‘tkir, xusht’am bo‘ladi. Keng tarqalgan navlari: Yablochniy, snejniy shar, Griborskiy ildiz. Oshpazlikda ziravor sifatida ishlatiladi. Selderni bargi juda ko‘p bo‘lib, yangi va quritilgan holda ziravor

sifatida ishlatiladi. Selderning bargida 60 mg/100 g gacha askorbin kislotasi, 3-4 mg/100 g karatin, 3% gacha oqsil va talygina miqdorda mineral moddalar bo‘ladi. Selder poyasi salat tayyorlashda ishlatiladi. Unda 3-4 si gacha yetadigan sersuv barg poyalar bo‘ladi. Selderning uchchala turi ham yangi, toza, sog‘lom bo‘lishi kerak. ildiz mevasining eng katta ko‘ndalang kesimi diametridagi o‘lchami kamida 4 sm bo‘lishi kerak. Karam sabzavotlar. Oq karam, qizil karam, savoy karam, gulkaram, bryussel karami va kolrabi karam sabzavotlariga kiradi. Karam sabzavotlar askorbin kislotasi (1-jadval), karotin, mineral moddalarning manbai hisoblanadi. Karamni hamma turlarida gorchitsa yog‘i bo‘lib ular o‘ziga xos maza beradi. O‘sib kelayotgan a’zo uchun kerakli bo‘lgan kalsiy, fosfor, to‘liq qimatli oqsilga boydir. Karam sabzavotlarda xolesterin miqdorini kamaytiradigan fol kislota, sklerozga qarshi ta’sir etuvchi xolin moddasi bor. Oq karam tarkibida oshqozon yarasi kasalligini davolashda ishlatiladigan U vitamini bor. Oq karam. Hosildor sabzavot o‘simligi hisoblanadi, tashishiga chidamli, yaxshi saqlanadi. Barcha karam sabzavotlaridan eng ko‘p tarqalgan o‘simlik. Oq karam homligicha, oshpazlikda, tuzlash konservalar tayyorlash uchun ishlatiladi. Oq karam sersuv oq barglardan iborat. Oq karam tarkibida oqsil (1-jadval), qand, mineral moddalar (ko‘p miqdorda kaliy va fosfor tuzlari), vitaminlar bor. Oq karamni vegatatsion davri bo‘yicha ertagi, o‘rtagi va kechki navlariga bo‘linadi. Ertagi navlar-Slava, Griborskiy slava, Podarok, kashirka. Kechka navlar-Amger, Zimovka, kechki Moskovskiy. Kechki navlarni uzib olgandan keyin keyingi faslgacha saqlash mumkin. Oq karam boshlari sifati bo‘yicha standart talablariga javob berishi kerak: yangi, toza, zich bo‘lishi, yumshoq bo‘lmasligi kerak. O‘zagining uzunligi-ko‘pi bilan 3 sm bo‘lishi kerak. Boshlar ularga zich yopishib turadigan ko‘k yoki oq barglarigacha yetkazib tozalangan bo‘lishi kerak. Karam boshining og‘irligi ertagi

karamda-kamida 0,4 kg, o‘rtagi va kechki karam-kamida 0,8 kg bo‘ladi. 1 fevraldan boshlab tozalash vaqtida boshining yuzidan ko‘pi bilan 1/8 qismi kesib tashlanganda og‘irligi kamida 0,5 kg qolgan karamlarni sotishga ruxsat etiladi. Qizil karam. Barglari tarkibidagi antotsian sianidin bo‘lgani uchun qizil karam boshlari binafsha-qizil rangdan to‘q qizil ranggacha bo‘yalgan bo‘ladi. Bu karam boshlarining kattaligi oq karamga nisbatan kichikroq (1,5-3 kg), lekin undan zichroq, yaxshi saqlanadigan bo‘ladi.Bu karamni yangi holicha va marinovka qilib ishlatiladi. Eng tarqalgan navlari, Gako, Toshbosh, Zenit. Qizil karamning boshlari yangi, toza, butun, yetarli shakllanib bo‘lgan, zich, bo‘lishi kerak. O‘zagining uzunligi-ko‘pi bilan 2 sm; karam boshining og‘irligi-kamida 0,6 kg. Qishda saqlangandan keyin (1 fevraldan boshlab) ko‘pi bilan 1/8 qismi kesib tashlangan tozalangan boshining og‘irligi kamida 0,5 kg bo‘lgan karamlarni sotishga ruhsat etiladi. Savoy karami. Savoy karamini barglari qat-qat burmali, och yashil rangli, nafis mazasi bilan ajralib turadi. Savoy karami tarkibida azotli moddlar va mineral moddlar, S vitamini (70 mg %) oq karamdagidan ko‘proq bo‘ladi. Yangiligida iste’mol qilinadi. SHo‘rva va garnirlar tayyorlash uchun ishlatiladi. Keng tarqalgan navlari Venskiy ertagi, Verto, Yubileyniy, Savoy karamini sifat ko‘rsatkichlari standart ltalablariga javob berishi kerak: boshlari yangi, butun, yetarlicha shakllangan, barglari pufakcha-pufakcha, kasallaik va shikastlanganlik nishonalari bo‘lmasligi kerak. O‘zagining uzunligi kamida 3 sm, og‘irligi kamida 0,4 kg bo‘lishi kerak. Gulkaram. Gulkaram o‘zining yoqimli mazasi bilan alohida ajralib turadi, askorbin kislotasi (120 mg/100 g gacha), oqsilni (3% gacha) manbai hisoblanadi. Ovqatga o‘sib yetilmagan oq rangli to‘pguli (boshi) ishlatiladi. U yaxshi hazm bo‘ladigan va parxezbop mahsulot hisoblanadi. Bu karamni suvda qaynatib, sho‘rvaga solib,

yengil qovurib, marinadlab, nomakobda yaxlatib, konserva qilib iste’mol qilinadi. Eng ko‘p tarqalgan navlari: Otechestvenniy, Movir-74, ertagi Gribovskiy 1355. Gulkaramni standart boshlarining o‘lchami eng katta ko‘ndalang diametri bo‘ylab 8 sm dan kam bo‘lmasligi, o‘zi zich, oq yoki oq-sariq, yangi, toza, zararkunandalar bilan zararlanmagan va shikastlanmagan arglari ko‘karib ketmagan va ildizi so‘nggi yaprog‘idan ko‘pi bilan 2 sm pastda bo‘lishi kerak. Bryussel karami. Bryussel karami yuqori biologik qimmatga ega bo‘lgan sabzavot hisoblanadi. U balandligi 1,5 m gacha yetadigan poya ustida tugiladigan, diametri 2-6 sm, ko‘kish yumshoq boshdan iborat. Bu karamning tarkibida oqsili (4,8%), mineral moddalari (1,3%), S vitamini (120 mg/100 g) ko‘p bo‘ladi. Uning ta’mi juda yaxshi bo‘lib, sho‘rva, garnir tayyorlashda, suvda pishirib, tuzda muzlatib ishlatiladi. Eng yaxshi navlari: Gerkules, Ermutskiy. Bryussel karamining boshlari shakllanib yetilgan, sog‘lom, butun, toza kasallanmagan va shikastlanmagan bo‘lishi kerak. Kolrabi. Oq rangli mayin va sersuv etli yo‘g‘onlashgan yer ustki poyasi ovqat sifatida ishlatiladi. Mazasi o‘ziga xos bo‘lib oq karam mazasiga o‘xshab ketadi. Xomligicha, suvda pishirib, dimlab, quritib iste’mol qilinadi. Kolrabi tarkibida oqsil (2,8%), qand (7,4%), S vitamin (50 mg%) bo‘ladi. Navlari-Oq Venskiy, Ko‘k Venskiy, Goliaf. Standart talablariga ko‘ra poya mevasi pishib o‘tib ketmagan, po‘stlog‘i oq-yashil yoki binafsha rang, eti oq rangli sersuv bo‘lishi kerak. Ertagi navlarida poya mevasining o‘lchami eng katta, diametri bo‘ylab 10 sm dan oshmasligi, kechpishiriladi esa 20 sm dan ortmasligi kerak. Piyozsimon sabzavotlar. Sabzavotlarni bu turini xomligicha, ovqatga solib va konservalar tayyorlaganda ishlatiladi. Uning tarkibida efir moylari va glikozidlari o‘ziga xos maza va hid

beradi. Piyozsimon sabzavotlar tarkibida fitonsidlarning borligi ularning shifobaxsh ahamiyatiga ega ekanligiga sabaab bo‘ladi. Piyoz va chesnok yuqori nafas yo‘llari shamollaganda, astma va hakozolar bilan kasallanganda shifobaxsh ta’sir qiladi. Piyoz O‘zbekistonda asosiy sabzavtlardan biri bo‘lib, u respublika bo‘yicha iste’mol qilinadigan sabzavotlarni 18% ini tashkil etadi. O‘zbekiston sharoitida piyozning asosan yarim achchiq va chuchuk navlari yetishtiriladi. O‘zbekistonda yetishtiriladigan piyoz navlari quyidagilar: Andijon, Marg‘ilon, Samarqand-172, Farob-167, Dongon-56, Koba-132, Leninobod, Qoratol. Piyoz yetilib pishgandan so‘ng yeg‘ishtirib olinadi va u ustki po‘sti va bandi kesilib yirikligi va sifatiga qarab saralanadi. Yirik, toza, qurigan piyozlar yashiklarga va qoplarga joylanib savdoga chiqariladi yoki saqlash uchun yuboriladi. Savdoga chiqarilgan piyoz partiyasi bir hil navli, yaxshi quritilgan bir tekis yiriklikda va rangda bo‘lishi kerak. Piyozning ustida 2-3 qavat quruq po‘sti bo‘lib, bandi kamida 3-5 sm qoldirilib irqilgan va yaxshi quritilgan bo‘lishi kerak. Piyoz o‘lchami eng yo‘g‘on diametri bo‘ylab uzunchoq tuxumsimon shakllari uchun-3 sm, qolgan navlari uchun-4 sm dan kam bo‘lmasligi zarur. Mayda, quruq, po‘stsiz, zaharlangan, bosha tusli piyozlarning umumiy miqdori 5% bo‘lishi mumkin. Yaxshi qurimagan, bandi nam piyozlarning hamma navlari uchun 1 sentbbrga qadar 15% gacha, 1 sentabrdan so‘ng 5% bo‘lishi mumkin. Ko‘klam faslida uzunligi 1 sm gacha ko‘kargan piyozlar 10% gacha bo‘lishiga ruhsat etiladi. Ko‘k piyoz-savdoga bosh piyozdan tashqari mavsumlik mahsulot sifatida ko‘k (barra) piyoz ham chiqariladi. Tarkibida S vitamini, karotin bor, yangiligicha ishlatiladi. Piyozning ko‘k bargi piyoz bosh bilan birga sotuvga chiqariladi (bargining uzunligi-kamida 20 sm). Ko‘k piyoz barglari yangi toza (loy yopishmagan) bo‘lib va sarg‘ayib qolmagan bo‘lishi kerak.

Porey piyoz. Ovqatga yo‘g‘onlashgan poyachasi va ko‘k mayin yassi barglari ishlatiladi. Bu piyozning ta’mi salgina achchiq, shuning uchun salat qilishga va zaravor siftida ishlatiladi. Batun piyoz. Bu piyoz ko‘p yillik piyoz bo‘lib uning hosili 3 yil davomida yig‘iladi. Batun piyoz tarkibida 68-80 mg/100 g vitamin S bo‘ladi. Ovqatga vitaminga boy naycha barglari ishlatiladi. Sarimsoq. Umumiy qobiq bilan qoplangan, 3-20 bo‘lakchadan iborat murakkab piyozboshdir. Sarimsoq tarkibida ko‘p miqdorda quruq moddasi (30% gacha), oqsillar (6,5%), mineral moddlar (1,5%) bo‘ladi. Tarkibidagi dialil-disulfid efir moyi va fitonsidalar unga achchiq maza va o‘ziga xos hid va bakteritsid xususiyati beradi. Sarimsoq tarkibidagi askorbin kislotasi va karotin miqdori bilan ham qimmatli hisoblanadi. Sarimsoq sabzavot sifatida hom va pishirilgan holdla iste’mol qilinishidan tashqari, konserva sanoatida, meditsinada keng qo‘llaniladi. O‘zbekistonda sarimsoqning Dungan, O‘zbekiston, Andijon navlari yetishtiriladi. Sarimsoqni sifati standart talablariga javob berishi kerak: diametri 2,5 sm dan kam bo‘lmasligi, quruq bandining uzunligi 2-3 sm bo‘lishi kerak. Bir tup sarimsoqda shikastlangan, donlari tushganlari 4% dan oshmasligi shart. Ko‘klam faslida bandi 2 sm gacha ko‘kargan bo‘lishi mumkin. Salat-ismaloq sabzavotlar. Salat-ismaloq sabzavotlarga salat, ismaloq va shovul kiradi. Bularning azotli va mineral moddlarga (temir, fosfor, yod, kalsiy) vitaminlarga (S, R, K, V guruh, karotin) boy sersuv yangi barglari ovqatga ishlatiladi. Salat. Salatning asosan uch turi yetishtiriladi: bargli, o‘rama va Romen. Bargli salat-och yashil rangli bargi uzun. Tupbarg tashkil etadigan tezpishar o‘simlik. Eng ko‘p tarqalgan navi-Moskovskiy parnik-salat. Barg salatning tup bargi yangi, toza, qotib ketmagan, gulpoyasiz barglardan iborat bo‘lishi kerak. Bargining uzunligi ildiz bo‘g‘zidan boshlab kamida 8 sm.

O‘rama-salatni o‘rtasida uzunligi 10 sm dan oshmaydigan, och yashil barglardan iborat ko‘k boshi bo‘ladi. Salatoshlar qotib ketmagan barglardan dumaloq yoki yapaski dumalok shaklda o‘ralgan, yangi bo‘lishi, boshi eng katta ko‘ndalang diametri bo‘ylab kamida 8 sm bo‘lishi kerak. Romen salati dag‘al barglardan iborat, cho‘zinchoq oval shakldagi juda po‘k bosh hosil qiladi. Kuz va qish fasllarida iste’mol qilish uchun yetishtiriladi. Ismaloq (shpinat). Sersuv to‘q yashil go‘shtdor barglari yangiligicha iste’mol qilinadi, oshpazlikda ham ishlatiladi. Erta bahorda ismaloqni ko‘kat sabzavotlarga qo‘shib ko‘k somsa qilinadi. Ismaloq yovvoyi holatda O‘rta Osiyoda, Kavkazda ko‘plab uchraydi. Qishloq xo‘jaligida Viktoriya, Rostov va Golland navlari yetishtiriladi. Savdoga ko‘kat sabzavot sifatida chiqariladi. Ismaloq barglari yangi, sarg‘aymagan, gulpoyalari yo‘q va tuproq yopishmagan bo‘lishi kerak. Shovul. Ko‘p yillik o‘simlik bo‘lib, barvaqt yetiladi. Gulpoyalar hosil bo‘lguncha chiqqan yangi barglari iste’mol qilinadi. Shovul kislota va shovul kislota tuzi mazasini nordon qilib turadi. Bu moddalarni ko‘p miqdorda iste’mol qilish kishi a’zosiga, ayniqsa buyrak kasali bor odamlarga zararli. Shovul tarkibida ko‘p miqdorda temir (0,014-0,024%), kaliy, kalsty moddalari va vitamin S bor. Desert sabzavotlar. Ravoch, sarsabil va artishov desert sabzavotlarga kiradi. Desert sabzavotlar ko‘p yillik o‘simlik bo‘lib boshqa sabzavotlardan oldin yetiladi va S vitamin manbai bo‘ladi. Ravoch. Ko‘p yillik yovvoyi holda o‘sadigan o‘simlik, asosan O‘rta Osiyo va Sibir dalalarida uchraydi. Iste’mol uchun sersuv, nafis, nordon mazali 30-60 sm uzunlikdagi bargi-bandi foydalaniladi. Ravoch tansiq sabzavot sifatida iste’mol qilinadi, sho‘rvaga ham qo‘shish mumkin, ichimliklar, konservalar tayyorlashda ishlatiladi. Meditsinada ravochdan surga dori tayyorlanadi. Savdoga ravoch yangiligicha dasta holatda bog‘lab chiqariladi.

Sarsabil. Yangi sersuv shoxlari shirinroq mazali va nafis hidli bo‘ladi. Sarsabil tarkibida qandlar, azotli va mineral moddalar, S va A vitaminlari bor. Sarsabilni suvda pishirib (moy va sous bilan), go‘shtli taomlar garniri sifatida, shuningdek konserva tayyorlab va quritib iste’mol qilinadi. Tuproq tagida o‘sgan tomirlari yosh, yangi, sersuv, butun boshli, yo‘g‘onligi 0,5-2,5 sm va uzunligi 18-20 sm bo‘lishi kerak. Artishok. Iste’mol uchun ochilmaganseret savatsimon gul quyechasi va yosh barglarining qismi ishlatiladi. ularni tarkibida qand ko‘p (12,7%). Artishokni suvda pishirib yog‘ yoki sous bilan iste’mol qilinadi. Savdoga artishok mevasi kichik bandi bilan uzib chiqariladi. Uzilgandan keiyn salqin xonalarda 2-3 oygacha saqlanishi mumkin. O‘zbekiston sharoitida deyarli uchramaydi. Bu sabzavot faqat konservalangan holda bo‘lishi mumkin. Sifat ko‘rsatkichlar. Sabzavot va mevalar turlari qancha ko‘p bo‘lishiga qaramay ularning sifat ko‘rsatkichlari ikki turga bo‘lib o‘rganiladi. Tashqi ko‘rinishi va spetsifik ko‘rsatkichlaridir. Tashqi ko‘rinishi, rangi, shakli, sirti ko‘rinishiga qarab aniqlanadi. Rangi – bu mahsulotni iste’molni xususiyatini shakllantiruvchi asosiy omil hisoblanadi. Mevalarda pishib yetilganini, saqlash muddatini va iste’molga yaroqlilik darajasi namoyon bo‘ladi. Ayrim xollarda rangi mahsulotning kasalganligini ham bildiradi. Mevalar rangini quyosh nuridan keragicha foydalanganligini ham bildiradi. Masalan, kartoshka yer yuzasida qolsa rangi yashil bo‘ladi va sifati past bo‘ladi. Ma’lumki, yashil rangda xlorofil donachalari ko‘p bo‘lib, tarkibida fitotsen brikmalari bor. Ular achchiq taxir ta’m beradi ba’zan organizmda zaxarlanishni ham yuzaga keltiradi. Shakli, bu yerda ham shakli, ko‘rinishi hamma mahsulotlar uchun o‘ziga xos xususiyatdir. Masalan, lavlagi, turp, sholg‘om va boshqalar kesakli yerda yaxshi yetiladi, shakli chiroyli bo‘ladi. Kartoshka esa cho‘tir, qiyshiq-qing‘ir bo‘lib shakllanadi va iste’mol xususiyati pasayadi. Tashqi

ko‘rinishida mexanik ta’sirlar natijasida zaxa bo‘lishi, ezilishi va bo‘linishi ham mahsulot sifatiga jiddiy ta’sir ko‘rsatadi. Xajmi, massasi standart talablardan biri bo‘lib, deyarli hamma mahsulotlar uchun zarur ko‘rsatkich hisoblanadi. Masalan, olma, nok, shaftoli uchun xajmining kattaligi ijobiy bo‘lsa, bodring baqlajon va rezavor mevalar uchun salbiy ko‘rsatkich hisoblanadi. Shu sababdan massa ko‘rsatkichi umumlashgan xolda ifodalanadi. Spetsifik ko‘rsatkichlar biologik, fiziologik, kimyoviy tarkibi inobatga olinadi. Bu yerda yetilganlik darajasi degan tushuncha bor. Aynan yetilganlik darajasi iste’mol xus usiyatidan kelib chiqqan xolda qaraladi. Masalan, bodring pishib yetilsa, unda nasl qoldirish xususiyati namoyon bo‘ladi. Ammo iste’mol xususiyati to‘la buzuladi. Tarvuz, qovun, pomidor uchun aksincha, yetilmasa iste’mol qilib bo‘lmaydi. Spetsifik ko‘rsatkichlar asosan mahsulotni tarkibidagi oziqaviy qiymatini belgilovchi oqsil, yog‘lar, kraxmal, vitaminlar va boshqa aktiv brikmalar miqdori asosiy ko‘rsatkich bo‘lib hisoblanadi. Masalan, uzumda shakar moddasining miqdori asosiy ko‘rsatkichdir (12-15%), kartoshkada kraxmal miqdori (14-16%), bu ko‘rsatkichlar o‘sish sharoitiga yerni mineral moddalarga boyligi, agrotexnikaga bog‘liqdir.

Foydalanilgan adabiyotlar 1.А. Баҳромов Товаршунослик асослари ТДИУ, I -қисм Т.: 1976 2.Н.Г. Прохорова Озиқ-овқат моллари товарпшунослик Ўрта ҳунар-техника билим юртлари учун дарслик, Т.: Ўқитувчи 1991 3.А. Баҳромов Товаршунослик асослари ТДИУ, II -қисм Т.: 1976 4.Ш.З. Убайдуллаев Озиқ-овқат товарлари товаршунослиги. Нашрда 5. М.И. Дмитрeенко Экспертиза качества и обраружения фалсификаци продовольственных товаров. Москва, 2003 6. И.П. Чепурной Идентификация и фалсификация продовольственных товаров. Учебник. Москва, 2002 7. Е.В. Жиряева Товароведение. Учебник. СПб.: 2002 Stan d art – Ўзстандарт Агентлигининг журнали. Т.: №1, 20 0 3

Похожие

Tovarlarga bo‘lgan talablar ularni iste’mol xususiyatlari va sifat ko‘rsatkichlari.

Mijozning kreditga layoqatlilik ko‘rsatkichlari va ularning tahlili

Birja bitimlari va ularning turlari

Savdo shartnomalari va ularning turlari

Variatsiya ko‘rsatkichlari