Auditorlik faoliyatini rejalashtirish - Экономика - Рефераты

Auditorlik faoliyatini rejalashtirish

Загружено в:

20.09.2019

Скачано:

0

Размер:

147.5 KB

Auditorlik faoliyatini rejalashtirish Reja: 1.Auditorlik faoliyatini rejalashtirishning maqsadi, vazifalari, bosqichlari va asosiy tamoyillari 2. Auditning umumiy rejasini tuzish 3. Auditning dasturini tuzish

1. Auditorlik faoliyatini rejalashtirishning maqsadi, vazifalari, bosqichlari va asosiy tamoyillari Har qanday faoliyat, xususan auditorlik faoliyati ham samarali bo’lishi uchun dastavval, uning puxta va aniq rejasi yoki dasturini tuzish lozim. Ularning mazmuni qo’yilgan maqsad va uni bajarish uchun belgilangan aniq vazifalardan kelib chiqadi. Auditning maqsadlari xususan quyidagilardan iborat: buxgalteriya hisobining holatini ekspertiza yo’li bilan baholash, yillik moliyaviy hisobot ma’lumotlarining xaqqoniy-ligini tekshirish va tasdiqlash valyuta muomalalarini taftish qilish, aktsiyalar va boshqa qimmatli qog’ozlar emissiyasi prospektining ma’lumotlarini tasdiqlash, korxonaning moliyaviy barqarorligini mustaxkamlash bo’yicha tadbirlar ishlab chiqish, iqtisodiyot va moliyaviy huquq sohasidagi yangi qonunchilik hujjatlari bo’yicha aniq maslahat (konsultatsiya) o’tkazish va xokazo. Auditni rejalashtirish chog’ida auditorlik tashkiloti tomonidan qo’llaniladigan me’yorlar №3 «Auditni rejalashtirish» nomli auditorlik faoliyatining milliy standarti (AFMS) bilan belgilanadi. Yuqorida ta’kidlanganidek, audit rejasini puxta tuzmasdan sifatli auditorlik tekshiruvi o’tkazish mumkin emas. Shu boisdan ushbu standartga batafsilrok to’xtalib o’tamiz. Amalda, auditni rejalashtirish jarayoni auditorlik tashkiloti bilan xo’jalik yurituvchi sub’ekt o’rtasida shartnoma tuzilgunga qadar boshlanadi. Bu holat ko’p hollarda, agar mijoz bilan shartnoma tuzilmasa, auditni rejalashtirish bilan bog’liq xarajatlar qaysi manbalar hisobidan mablag’ bilan ta’minlanishi to’g’risidagi savolni yuzaga keltiradi. Keyinchalik shartnoma tuzilgan holda auditni dastlabki rejalashtirishga doir ishlar qiymati o’tkaziladigan auditorlik xizmatining umumiy qiymatiga qo’shiladi, aks holda u auditorlik tashkilotining mablag’lari hisobidan amalga oshirilishi lozim. Rejalashtirish auditorlik tekshiruvini boshlangich bosqichi bo’lib, auditorlar reja tuzulgunga qadar bevosita tekshiruv jarayonini boshlamasliklari lozim. Standartga muvofiq auditni rejalashtirish quyidagi bosqichlarga bo’linadi: a) auditni dastlabki rejalashtirish; b) auditning umumiy rejasini tayyorlash va tuzish; v) audit dasturini tayyorlash va tuzish.

Ushbu standart har qanday korxonani auditorlik tekshiruvidan o’tkazishda ham audit rejasini, ham audit dasturini tuzishni talab etadi. Darhaqiqat, yirik xo’jalik yurituvchi sub’ektning hisobotlarini tasdiqlash uchun katta auditorlik guruhi tomonidan tekshiruv o’tkazilganida bunday ko’p bosqichli rejalashtirish zarur. Biroq, bizning fikrimizcha, unchalik katta bo’lmagan xo’jalik muomalalari kam sodir bo’ladigan, bir turdagi mahsulot ishlab chiqarish (ish, xizmat bajarish) bilan shugullanuvchi mikrofirmalarda audit o’tkazganida, bunday keng qamrovli reja tuzish maqsadga muvofiq emas. Agar auditorlik tashkilotining ko’pchilik mijozlari kichik biznes korxonalariga taalukli bo’lsa, u holda unchalik katta bo’lmagan tuzatishlar kiritilganida ko’pchilik korxonalarni tekshirish uchun mos keladigan namunaviy audit rejasi ishlab chiqish va rejalashtirish chog’ida audit dasturini batafsil tuzishga maxsus e’tibor qaratish zarur. Bunday namunaviy rejalar bir nechta bo’lib, ular bir- birlaridan turli biznesga ega korxonalar uchun farq qilishlari mumkin. Masalan, savdo korxonalari, ishlab chiqarish va xizmat ko’rsatish korxonalari va xokazo. Shuningdek auditor qandaydir boshqa tamoyillar bo’yicha umumiy namunaviy rejalar ham tuzishi mumkin. Agar umumiy audit rejasi sifatida namunaviy reja tanlansa, u holda rejalashtirish chog’ida asosiy e’tiborni audit dasturini tuzishga qaratish zarur. Rejalashtirish auditorlik guruhi rahbari tomonidan audit o’tkazishning umumiy tamoyillari kabi, xususiy tamoyillariga ham muvofiq amalga oshirilishi lozim. Ular:  uyg’unlik (komplekslik);  uzluksizlik,  maqbullik. Uyg’unlik tamoyili auditning dastlabki rejasini tuzishdan tortib, to umumiy rejasi va dasturini tuzgunga qadar bo’lgan barcha bosqichlarning o’zaro bog’liqligi va muvofiqligini ta’minlashni nazarda tutadi. Rejalashtirishning uzluksizlik tamoyili tekshiruvda ishtirok etadigan auditorlarga kelishilgan topshiriklar belgilanishi va rejalashtirish bosqichlarining muddatlar hamda tarkibiy bo’linmalar bo’yicha bog’liqligida ifodalanadi.

Auditni rejalashtirishning maqbullik tamoyili shundan iboratki, rejalashtirish chog’ida auditorlik tashkiloti o’zi belgilagan mezonlar asosida auditning umumiy rejasi va dasturidan maqbulini tanlash imkoniyatiga ega bo’lishi zarur. Auditorlik tekshiruvi uzoq vaqt davom etganida, auditor mijozning moliya - xo’jalik faoliyatidagi va qonunchilikdagi o’zgarishlarni hisobga olgan holda reja va dasturga zarur tuzatishlar kiritishi mumkin. 2. Auditning umumiy rejasini tuzish Auditning umumiy rejasi: mijoz faoliyati bilan tanishish, dastlabki rejalashtirish, tekshiriladigan xo’jalik yurituvchi sub’ektning ichki nazorat tizimini baholash, tanlash hajmi va jiddiylik darajasini aniqlash, audit dasturini tayyorlash, auditni bevosita o’tkazish jarayoni (dasturni bajarish), bajarilgan ishlar natijalarini tahlil qilish, barcha oraliq va umumiy hujjatlarni tayyorlash, tekshiruv natijalarini mijozga taqdim etish va hokazolarni o’z ichiga olgan holda audit o’tkazishning barcha bosqichlarini aks ettirishi lozim. Standartda ko’rsatilishicha, auditor umumiy rejada audit o’tkazish muddatlari va audit o’tkazish grafigini tuzishni, auditorlik hisoboti (xo’jalik yurituvchi sub’ekt rahbariyatiga yozma axborot) va auditorlik xulosasi tuzishni nazarda tutishi lozim. Rejalashtirish chog’ida auditor quyidagilarni hisobga olishi zarur:  kelgusi davrdagi vaqt sarfi hisob-kitobi (takroriy audit o’tkazish hollarida) va haqikiy mehnat xarajatlari;  muhimlik darajasi;  auditorlik guruhini tuzish, audit o’tkazishga jalb qilinadigan auditorlar soni va malakasi;  auditorlarni, ularning malakaviy darajalari va lavozimlariga muvofiq audit o’tkaziladigan muayyan uchastkalarga taqsimlash;  auditorlik guruhining barcha a’zolariga yo’l-yo’riq ko’rsatish, ularni mijozning moliya-xo’jalik faoliyati bilan tanishtirish ;  auditorlik guruhi rahbarining reja bajarilishi va yordamchi auditorlar ishlari sifati ustidan nazorat o’rnatishi;

 auditorlik amallarini bajarish bilan bog’liq uslubiy masalalarni tushuntirish. Auditning umumiy rejasi Tekshirilayotgan tashkilot OAJ «Malika» Audit davri 10.03.13 - 25.03.13 Kishi-soatlar soni 749 Auditorlik guruhi rahbari AkbarovS.I. Auditorlik guruhi tarkibi Po’latov G.R., Mavlonov V.T., Salimov D.G. Rejalashtirilayotgan auditorlik xatari 0.0166 Rejalashtirilayotgan jiddiylik darajasi 21.800 so’m Rejalashtirilayotgan ish turlari O’tkazish Bajaruvchi davri A-bosqich. Dastlabki rejalashtirish 1. Uchrashuv bayonnomasi 10.03.13 Vasikov P.N. 2. Anketa – (so’rovnoma) 10.03.13 Vasikov P.N. 3. Takliflar va majburiyatlar – xati 10.03.13 Vasikov P.N. 4. Auditga shartnoma va unga ilovalar 11.03.13 Pulatov G.R. 5. Ishni boshlash to’g’risida xat 12.03.13 Vasikov P.N. 6. Byurtmachidan og’zaki va yozma axborotlar 11.03.13 Pulatov G.R. olish 7. Bankdagi yozuvlar 11.03.13 Pulatov G.R. 8. Uchinchi shaxsdan so’rash 12.03.13 Mavlonov V.T B-bosqich. Auditni rejalashtirish 1. Faoliyatni o’rganish(moliyaviy hisobot 12.03.13 Akbarov S.I. shakllari) 2. Byurtmachining moliyaviy holati tahlili 12.03.13 Akbarov S.I. 3. Auditorlik tavakkalchiligi aniqlash 11.03.13 Pulatov G.R. 4. Auditdagi muxumlik hisob-kitobi 13.03.13 Pulatov G.R. 5. Auditning umumiy rejasi 13.03.13 Akbarov S.I. 6. Audit o’tkazish dasturi 13.03.13 Vasikov P.N. V- bosqich. Auditorlik dalillarini to’plash va xujjatlashtirish 1. Buxgalteriya hisobining har bir AkbarovS.I.,

bo’limini nazorat vositalari testlari va mohiyatiga ko’ra auditorlik rusum- qoidalari asosidagi tekshiruvi: ( Asosiy vositalar; Nomoddiy aktivlar; Investitsiyalar; Kapital qo’yilmalar; Tugallanmagan qurilish; Tovar-moddiy zaxiralar; Debitorlik qarzlari; Pul mablag’lari; Hisobdor shaxslar; Xodimlar bilan hisob-kitoblar; Xususiy kapital; Qarz va kreditlar; Kreditorlik qarzlari; Soliq va ajratmalar; Realizatsiya, tannarx; Operatsion va moliyaviy faoliyatdan olingan daromad va xarajatl ) 14.03.13- Pulatov G.R., 21.03.13 Mavlonov V., Salimov D.G. 2.Tahliliy amallar S – bosqich. Yakuniy bosqich 18.03.13- 22.03.13 1. Auditning yakuniy muolajalarini bajarish 23.03.13 Pulatov G.R. 2. Auditor hisoboti va auditlik xulosa 24.03.13 Akbarov S.I. 3. Auditning sifatning ichki nazorati 24.03.13 Akbarov S.I. 4. Buyurtmachi bilan audit natijalari xaqida muloqat 25.03.13 Akbarov S.I. Auditorlik tashkiloti rahbari Vasikov P.N. Auditorlik guruhi rahbari AkbarovS.I. Auditorlik tekshiruvini amalga oshirish chog’ida ko’p hollarda mijoz faoliyatini 100% to’liq tekshirish mumkin bo’lmaydi. Shu boisdan rejada auditorlik tanlash qay tarzda amalga oshirilishini ko’rsatish zarur

Audit umumiy rejasi va dasturining ayrim bo’limlarini xo’jalik yurituvchi sub’ekt rahbariyati bilan kelishish ko’zda tutilgan bo’lib, bunda auditorlik tashkiloti audit uslublari va usullarini tanlashda mustaqil bo’lib qoladilar. Ko’p hollarda bunday kelishish, mijoz faoliyatining ayrim uchastkalarini batafsilroq tahlil etish bilan bog’liq masalalarni rejalashtirish bosqichida ko’zda tutish, auditorning tekshiruv chog’idagi hatti-harakatlari mijoz-korxona rahbariyati uchun tushunarli bo’lishi, shuningdek auditorning ish jadvaliga muvofiq talab qilinadigan hujjatlar mijoz tomonidan tezkorlik bilan taqdim qilinishi va tekshiruvning u yoki bu bosqichida zarur bo’ladigan moliyaviy xizmat xodimlarini ishdan ozod etish uchun maqsadga muvofiqdir. 3. Auditning dasturini tuzish Standartga muvofiq auditning umumiy rejasi tuzilganidan so’ng audit dasturi tuzilib, unda barcha auditorlik amallarining batafsil ro’yxati bayon qilinishi zarur. Dastur auditorlar uchun batafsil yo’riqnoma bo’lib, unda tekshirilishi lozim bo’lgan buxgalterlik hisobining barcha bo’limla-rini tekshirish, shuningdek ichki nazorat tizimini tahlil qilish bo’yicha ularning barcha hatti-harakatlari aks ettirilgan bo’lishi lozim. Audit dasturini tuzish yuzaki bajarilmasligi lozim, chunki u auditorlar ishidagi ta’sirchan nazorat dastagi bo’lib xizmat qiladi, dasturning har bir bo’limi bo’yicha auditor xulosalari esa auditorlik hisoboti va auditorlik xulosasini tuzish uchun asos bo’lib xizmat qilishi lozim. №3-«Auditni rejalashtirish»nomli AFMS, №14-«Au-ditorlik tanlash», №9«Jiddiylik va auditorlik riski», №6-«Auditni hujjatlashtirish» va auditorlik tekshiruvini amalga oshirishni tartibga soladigan boshqa standartlar bilan o’zaro chambarchas bog’liq. Shunday qilib, boshqa standartlardagi talablarni o’rganmasdan va izchil bajarmasdan, ushbu standart talablarini bajarish mumkin emas. Auditor o’z ishini shunday rejalashtirishi lozimki, buxgalterlik (moliyaviy) hisobotlarini, moliya-xo’jalik muomalalarining ishonchliligini va qonuniyligini,

hamda ular buxgalteriya hisobi schyotlarida aks ettirilishining to’g’riligini o’z vaqtida va sifatli auditorlik tekshiruvidan o’tkazilishi kerak. Auditni rejalashtirish quyidagilarni ta’minlashi lozim: a) buxgalterlik hisobi va hisobotining holati hamda ichki nazorat tizimining samaradorligi to’g’risida zarur axborotlarni olish; b) bajarilishi lozim bo’lgan nazorat amallarining mazmunini, o’tkazish vaqtini va hajmini aniqlash; Auditni rejalashtirish kutilayotgan ishlar rejasini tuzish va auditorlik dasturini ishlab chiqishni o’z ichiga oladi. Kutilayotgan ishlar rejasida quyidagi ko’rsatkichlar aks ettiriladi:  audit o’tkazish muddati va ishlarning davomiyligi;  bajariladigan ishlar hajmi;  auditor qo’llaydigan usullar va amallar. Auditor o’z rejasini tekshiriladigan korxona rahbariyati va xodimlari bilan muhokama qilishi mumkin. Bu o’tkaziladigan auditning ta’sirchanligini oshirish va auditorlik amallarini korxona xodimlari faoliyati bilan muvofiqlashtirishga imkon yaratadi. Auditor rejani yaxshi va sifatli tuzish hamda ishlarning kutilayotgan hajmini aniq hisobga olish uchun eng avvalo:  auditorlik tekshiruvi o’tkazish shartnomasi shartlarini o’rganishi;  o’tkaziladigan auditning eng muhim masalalarini ajratib olishi;  maxsus e’tibor talab qiladigan shartlarni aniqlashi;  tekshiriladigan korxona faoliyatining predmetini hisobga olgan holda yangi qonunlar, nizomlar, yo’riqnomalar va boshqa aloqador me’yoriy hujjatlarning auditga ta’sirini o’rganishi;  tekshiriladigan korxonaning hisob tizimi va ichki audit tizimining ishonchlilik darajasini aniqlashi;  ichki auditorlarning ishlarini va ularni auditga jalb qilish mumkinligini tahlil qilishi;

 korxonaning alohida balansga ajralib chiqarilgan filiallari, vakolatxonalari, bo’limlari va maxsus bo’linmalarida audit o’tkazish maqsadga muvofiqligini o’rganishi;  ekspertlarni jalb qilish zarurligini aniqlanishi lozim. Auditorlik tekshiruvi chog’ida audit rejasiga tuzatishlar kiritilishi mumkin. Auditorlik tekshiruvining dasturi Audit bo’limi : Asosiy vositalar Tekshirilayotgan tashkilot OAJ «Malika» Audit davri 14.03.13 - 25.03.13 Kishi-soatlar soni 120 Auditorlik guruhi rahbari AkbarovS.I. Auditorlik guruhi tarkibi Po’latov G.R., Mavlonov V.T., Salimov D.G. Rejalashtirilayotgan auditorlik xatari 0.0166 Rejalashtirilayotgan jiddiylik darajasi 12.500 so’m Auditorlik tadbirlari ro’yxati O’tkazish davri Bajaruvchi Auditorning ish hujjatlari I zoxl ar Xujjatlarni olish A.Nazorat vositalari testlari 1. Ichki nazorat tizimi bo’yicha test o’tkazish (INT) 14.03.2013 Pulatov G.R. Savolnoma 2. Buxgalteriya hisobi tizimi bo’yicha test o’tkazish (BHT) 14.03.2013 Pulatov G.R. Savolnoma 3. Buxgalteriya hisobi maqsadi uchun tuzilgan hisob siyosatining tahlili 14.03.2013 Mavlonov V.T. Savolnoma 4. Soliq hisobi maqsadi uchun tuzilgan hisob siyosatining tahlili 14.03.2013 Mavlonov V.T. Savolnoma 5. Buxgalteriya balansi va buxgalteriya hisob registrlaridagi 14.03.2013 Salimov D.G. Savolnoma

ko’rsatkichlarning bir xilligini tekshirish 6. Auditorlik tanlash hisob- kitobi 15.03.2013 AkbarovS.I. Xisob-kitoblar 7.Tanlab olish miqdori va tuzilishi 15.03.2013 Salimov D.G. Xisob-kitoblar 8. Monetar tanlab olishning tuzilishi 15.03.2013 Salimov D.G. Xisob-kitoblar 9.Stratifikatsiyali tanlab olishning tuzilishi 15.03.2013 Salimov D.G. Xisob-kitoblar B.Mohiyati bo’yicha muolajalar 1. Inventarizatsiya 17.03.2013 Pulatov G.R. Buyruk, inventarizatsiya xujjatlari,moddiy javobgarlik shartnomasi 2. Shartnomalarni ko’rib chiqish (tekshirish) 18.03.2013 Mavlonov V.T. Shartnomalar, kelishuv baennomasi 3. AV kirimi, chiqimi va hisobini hujjatlashtirilishini to’g’ri rasmiylashtirilganligini tekshirish 19.03.2013 Salimov D.G. Dalolatnoma,buyruk, smeta loixa xujjatlari 4. AV aktivlarga kiritilish mezoniga mosligini tekshirish 20.03.2013 Pulatov G.R. Boshlangich xujjatlar, xisob registrlari 5.AV baholash va kirimini hisobda qayd etilishini qonunchiliqga va hisob siyosatiga mosligini tekshirish 21.03.2013 Mavlonov V.T. Kabul kilish – topshirish aktlari, inventar kartochkalar 6. AV hisobi va amortizatsiya hisoblashni to’g’riligini va uni 22.03.2013 Salimov D.G. Asosiy vositalar eskirishining xisob

hisob siyosatiga mosligini tekshirish kitobi, xisob registrlari, xisob siyosati 7.AV ta’mirlash xarajatlarini rasmiylashtirish va hisobini to’g’riligini tekshirish 22.03.2013 Mavlonov V.T. xisob siyosati , buyruk, smeta, shaxslar xisobotlari 8 Asosiy vositalarni qayta baholash va natijalarni hisobda aks ettirilishi 23.03.2013 Pulatov G.R. inventarizatsiya xujjatlari, xisob registrlari 9. Sotib olingan va chiqib ketgan AV bahosini hisob ma’lumotlari bilan solishtirib, tekshirish 23.03.2013 Salimov D.G. Boshlangich xujjatlar, xisob registrlari 10.Hisobotlardagi muhim axborotlarni oshkor qilinishini tekshirish 24.03.2013 Mavlonov V.T. Boshlangich xujjatlar, xisob registrlari S. Bo’lim bo’yicha yakuniy ma’lumotlar 1.Xato va kamchiliklarning taxminiy ro’yxati 24.03.2013 Pulatov G.R. Xisob-kitoblar 2. Tizimli (sistemali) kamchiliklar to’g’risida ma’lumot 24.03.2013 Pulatov G.R. Xisob-kitoblar 3. Me’yoriy hujjatlar bo’yicha aniqlangan kamchiliklar ro’yxati 25.03.2013 AkbarovS.I. Xisob-kitoblar 4. Audit bo’limi bo’yicha xulosa 25.03.2013 AkbarovS.I. Xisob-kitoblar Auditorlik tashkiloti rahbari Vasikov P.N. Auditorlik Guruhi rahbari AkbarovS.I.

Auditorlar tekshiruv vaqtida ular tomonidan bajariladigan ishlarning hajmi va sifatini tasdiqlaydigan, asosiy hujjatlardan bo’lib hisoblangan, ish hujjatlarini tuzishlari lozim. Bu hujjatlar ixtiyoriy shaklda tuzilib, ularda mijoz to’g’risidagi zarur ma’lumotlar; bajariladigan ishlarning batafsil bayoni bo’lishi lozim. Xususan quyidagilar ko’rsatiladi: tekshiruv o’tkazish uslubi (yoppasiga yoki tanlab), yoki tekshiriladigan hujjatlarning hajmi; tekshiruv natijasida aniqlangan kamchiliklar; tekshiruvga taqdim etilmagan dastlabki va boshqa hujjatlar ro’yxati; amaldagi qonun-chilikka mos kelmasliklar; aniqlangan kamchiliklarni bar-taraf qilish usullari to’g’risida auditorning fikrlari; mijozining moliya-xo’jalik faoliyatini yaxshilashga qaratil-gan boshqa tavsiyalar. Shuningdek, ish hujjatlarida: mijoz-korxonaning ichki xo’jalik nazorat tizimini (ushbu tizimning ijobiy tomonlari va salbiy jihatlarini ajratib ko’rsatgan holda); o’tgan yildagi audit dasturi va uning natijalarini aks ettirish zarur. Ish hujjatlari auditning yaxshi rejalashtirilganligini, to’plangan ma’lumotlar ishonarliligini, auditorlik xulosasining amalga oshirilgan audit natijalariga muvofiqligini tasdiqlashi lozim. Zarur hollarda auditor haqiqatan ham aynan shunday auditorlik xulosasi tuzish uchun etarli guvohliklar to’planganligini ham baholashi zarur. Ish hujjatlaridagi tafsilotlarning tasdiqlangan moliyaviy hisobotdagi ma’lumotlardan farq qilmasligi o’ta muhimdir. Auditorlik xulosalari yaqqol va ikki xil ma’no bildirmaydigan bo’lishi lozim. Auditorning ish hujjatlari maxfiy hisoblanadi. Audit yakunlanganidan so’ng ish hujjatlarini himoyalash bo’yicha barcha zaruriy choralar ko’rilishi kerak. Ish huj-jatlari begona shaxslarga, agar boshqa holatlar O’zbekiston Respublikasi qonunchiligida ko’zda tutilmagan bo’lsa, faqat mijoz-korxonaning roziligi bilan berilishi mumkin. Auditorlik tashkilotlarining ish faoliyatini umumiy rejalashtirish ikki bosqichga bo’linadi. Birinchi bosqichda tekshiriladigan korxona o’rganilib, bayon qilinadi va o’tka-ziladigan tekshiruvning asosiy o’lchamlari aniqlanadi, ikkinchi

bosqichda esa tekshiruv strategiyasi ishlab chiqiladi va barcha oldinda turgan ishlarning batafsil bayoni tuziladi.

ADABIYOTLAR RO’YXATI 1. O’zbekiston Respublikasining “Buxgalteriya hisobi to’g’risida”gi Qonuni - Toshkent 1996 y. 30 avgust. 2. O’zbekiston Respublikasining “Auditorlik faoliyati to’g’risida”gi Qonuni (yangi tahriri) 2000 y. 26 may. (O’zR 13.12.2002 y. 447-II-son Qonuni, O’zR 04.04.2006 y. O’RQ-28-son Qonuni, O’zR 10.10.2006 y. O’RQ-59-son Qonuni, O’zR 17.09.2007 y. O’RQ-110-son Qonuni, O’zR 09.09.2009 y. O’RQ-216-son Qonuni asosidagi o’zgartirishlar bilan) 3. O’zbekiston Respublikasi Prezidentining 2007 yil 4 apreldagi PQ-615-son Qaroriga ilova «Auditorlik tashkilotlari to’g’risida» Nizom. 4. Do’smuratov R.D. Audit asoslari.-T.: O’zbekiston milliy entsiklopediyasi. 2003.-612 s. 5. Audit. Darslik 1-jild. M.M.Tulajodjaeva, Sh.I.Ilxomov, K.B.Axmadjonov va boshq.-T.: NORMA.-2008.-320 b. 6. Audit. Darslik 2-jild. M.M.Tulajodjaeva, Sh.I.Ilxomov, K.B.Axmadjonov va boshq.-T.: NORMA.-2008.-320 b. 7. Аудиторлик фаолияти буйича услубий кулланмалар тупалами./ Х.Косимов, Л.Югай, А.Хошимова, Б.Пардаев, Б.Абдуназаров.-Тошкент, 2010.-320 б. 8. Сборник методических указаний по аудиту/ Х.Косымов, Л.Югай, А.Хошимова, Б.Пардаев, Составитель: Б.Абдуназаров.-Ташкент, 2009.-304 с. 9. Аудит: учебник для студентов вузов, обучающихся по экономическим специальностям / под ред. В.И Подольского. М.: – “ ЮНИТИ – ДАНА”, – 2009 г. – 744 стр. 10. Жминько С. Внутренний аудит. – Ростов н/Д: “Феникс ”, 2008 г. –316 стр.

11. Подольский В. Аудит. Учебник. – М.: Изд. Юрайт, 2010 г. – 605 стр. 12. Суйц В. Аудит. Учебное пособие. – М.: “КНОРУС ”, 2010 г. – 168 стр.

Похожие

Kichik biznes va tadbirkorlik faoliyatini rejalashtirish

O’zbekiston Respublikasida auditorlik faoliyatini tashkil qilishning huquqiy asoslari

Auditorlik tanlash

Auditorlik dalillar

Kichik biznes va tadbirkorlik faoliyatini tashkil etish, rejalashtirish va tahlil etish