Standard компоненталар палитраси хусусият услуб ва ходиса

Загружено в:

20.09.2019

Скачано:

0

Размер:

140.5 KB

Скачать

Standard компоненталар палитраси х усусият услуб ва ходиса Режа: 1. Ҳусусият, услуб ва ходиса 2. Standard компоненталар палитраси 3. Компоненталардан фойдаланиб дастур яратиш

Ҳусусият, услуб ва ходиса Объектли дастурлаш – бу таркибида объект тушунчаси бўлган дастурларни қайта ишлаш услубидир. Қўйилган масалалар объектлар ёрдамида ечилса, улар объектли дастурлар деб аталади. Ундаги асосий дастур объектлар кетма-кетлигини ўзида сақлайди ва уларни бир-бири билан боғлайди. Класс – бу мураккаб кўринишга эга бўлиб, бир жойга жамланган функциялар ва маълумотлар ёзувларини ўзида мужассамлаштиради. Қуйидаги мисолда оддий синфни эълон қилиш йўлини кўриб чиқайлик: 1: class TPerson 2: { 3: private : 4: string fname; 5: string faddress; 6: public : 7: void show(); 8: }; Класснинг ўзгарувчилари ҳусусият деб аталади. Функциялари эса услуб (метод) деб номланади. Юқоридаги мисолда TPerson – класс номи, fname ва faddress – ҳусусиятлар ёки майдонлар, show() – класснинг услуби (методи) деб аталади. Ҳусусиятлар иловалар яратиши ва бошқарилишида компонентлар ташқи кўриниши ва амал қилишни бошқариш имкониятини беради. Одатда компонента хоссасининг қийматлари иловаларни яратиш вақтида Объектлар инспекториёрдамида амалга оширилади. Келтириладиган мисоллар тушунарли бўлиши учун хоссалар қийматлари қиймат бериш оператори ёрдамида амалга оширилади. Шуни таъкидлаш керакки, компонентлари барча хоссага эга бўлмаслиги мумкин.Масалан, баъзи бир компоненталарда сарлавҳа ҳусусияти мавжуд бўлса, бу ҳусусият баъзи бир компоненталарда мавжуд эмас. Бундай турдаги ҳусусиятлар бир ёки иккита эмас.

Ходиса – бу объект ёрдамида бирон бир иш бажаришдан иборат. Ходиса бажарилганидан сўнг шу объект ёрдамида қандайдир маълумотлар қайта ишланади. Масалан, ручкани оладиган бўлсак, ручка бу объект, унинг ходисаси бирон–бир бошқа объектнинг устида харакатидир. Объектга йўналтирилган дастурлаш тилларида ходисани ажратиб олиш учун хосиданинг номи олдига On сўзи қўшилган. Масалан, объектнинг чертиш, босиш маъносини англатувчи Click ходисаси OnClick деб номланган. Standard компоненталар палитраси Иловалар интерфейси яратиш учун C++Builder визуал компоненталарининг кенг тўпламини тақдим қилади. Уларнинг асосийлари компоненталар палитрасининг Standard, Additional va Win32 варақларида жойлашган. Standardварағидаги интерфейс компоненталарининг аксарияти Windows операцион тизими бошланғич версияларида ишлатилган объектлардан иборат: 2.2.1 – расм: Standard компоненталар палитраси Frames – Фреймлар; MainMenu –асосий меню. Бош меню командалари панелини ва уларга мос келадган тушиб қоладиган менюларни яратади. Барча меню буйруқларининг идентификаторлари менюнинг ҳар қандай конкрет буйруғига кириш ҳуқуқига эга бўлган Items ҳусусияти билан аниқланади, AutoMerge ҳусусияти Merge ва Unmerge методлари билан биргаликда турли шаклдаги менюларнинг бирлашиш жараёнини бошқаради; PopUpMenu – оқиб чиқувчи меню. Шакл ёки биронта бошқа компонента учун махсус меню яратади. Эътиборга олинг, айнан шу мақсад учун ҳар қандай бошқа компонента PopUpMenu ҳусусиятига эга бўлиб, бу ҳусусиятда сиз унинг билан боғлиқ менюга иқтибос қилишингиз мумкин. Агар сиз сичқончанинг ўнг тугмасини шаклга ёки берилган компонента мансуб бўлган бирон бошқа элементга босиш билан махсус меню экранда пайдо бўлишини хоҳласангиз, AutoPopup ҳусусиятининг true қийматини

ўрнатинг. Воқеа қайта ишлатгичи – OnPopup ёрдамида бевосита махсус менюнинг пайдо бўлиши олдидан бажариладиган қиймат қайтармайдиган функцияни аниқлаш мумкин. Label – фойдаланувчи соҳасидаги бирор жойни белгилаш. Шаклда таҳрир қилиб бўлмайдиган статик матннинг тўртбурчак соҳасини акс эттиради. Одатда матн бошқа компонента номидан иборат бўлади. Ном матни Caption ҳусусиятининг қийматидир. Alignment ҳусусияти матнни текислаш усулини аниқлайди. Шрифт ўлчами автоматик тарзда соҳанинг максимал тўлдирилишига мос келиши учун, AutoSize ҳусусиятининг true қийматини ўрнатинг. Калта соҳа ичида матннинг ҳаммасини кўриш имконига эга бўлиш учун, WordWrap ҳусусиятининг true қийматини беринг. Transparent ҳусусиятининг true қийматини ўрнатсангиз, бошқа компонентанинг бир қисмини тўғри унинг устида жойлаштирилган ном орасидан кўриниб турадиган қилишингиз мумкин. Edit – бир сатрли матн тахрирлагич. Ахборот якка сатрини киритишидаги таҳрир қилинадиган тўртбурчак соҳани акс эттиради. Таҳрир соҳасининг ичидаги бошланғич нарсаларни Text ҳусусиятининг қиймати бўлган сатр аниқлайди. TEdit компонентаси TCustomEdit синфининг тўғридан-тўғри ҳосиласи бўлиб, унинг барча ҳусусиятлари, методлари ва фоқеаларига ворислик қилади. Memo – кўп сатрли матн тахрирлагич. Ахборотнинг кўплаб сатрини киритишидаги таҳрир қилинадиган тўртбурчак соҳани акс эттиради. Таҳрир соҳасининг ичидаги бошланғич нарсаларни Lines ҳусусиятининг қиймати бўлган сатрлар массиви аниқлайди. Ушбу ҳусусият қиймати устунида тугмачани боссангиз, рўйхат элементлари муҳаррирининг дарчаси очилади. TMemo компонентаси TCustomMemo синфининг тўғридан–тўғри ҳосиласи бўлиб, унинг барча ҳусусиятлари, методлари ва воқеаларига ворислик қилади.

Button – стандарт тугма.Ёзувли тўртбурчак тугмани яратади. Тугмача босилганда, дастурда бирон–бир хатти –ҳаракат бажарилади. Тугмачалар кўпроқ диалогли дарчаларда қўлланади. Default ҳусусиятининг true қиймати томонидан танлаб олинган яширин тугмача, диалог дарчасида ҳар гал Enter клавишаси босилганда, OnClick ходиса қайта ишлатгичини ишга туширади. Cancel ҳусусиятининг true қиймати танлаб олган узиш тугмачаси, диалог дарчасида ҳар гал Escape клавишаси босилганда, OnClick воқеа қайта ишлатгичини ишга туширади. TButton компонентаси TButtonControl синфининг ҳосиласи ҳисобланади. CheckBox – бир–бирига боғлиқ бўлмаган танлаш (белгилаш) дарчаси. Иккита ҳолатга ҳамда тавсифий матнга эга бўлган квадрат чекбоксни яратади. Бокс ҳолатини билдирувчи «check» бирон–бир вариантнинг танланишига мос келади (бокс устидан тортилган чизиқ билан белгиланади), «uncheck» ҳолати эса танлов олиб ташланишига мос келади – бунда Checked компонентасининг ҳусусияти мос равишда ўзгаради ҳамда OnСlick воқеаси юзага келади. Тавсифий матн Caption ҳусусиятида сақланади. AllowGrayed ҳусусиятининг true қийматини ўрнатиб, боксни тўқроқ рангли (масалан, кулранг) қилиш мумкин. State ҳусусияти жорий ҳолатни ва бокс рангини акс эттиради. TCheckBox компонентаси TButtonControl синфининг ҳосиласидир. RadioButton – бир соҳадаги бир–бирига ўзаро инкор қилувчи танлаш. Иккита ҳолатга ҳамда тавсифий матнга эга бўлган юмалоқ тугмачани яратади (бунда тавсифий матн юмалоқ тугмачанинг вазифасини спецификация қилади). Radio-тугмалар бир-бирини истисно қиладиган танлов вариантларининг тўпламидан иборат: яъни ушбу вақт дақиқасида фақат битта тугма танлаб олиниши мумкин (ички қора доирача билан белгиланади), аввал танланган тугмадан эса танлов автоматик тарзда олинади. Radio-тугма босилганда, checked компонентасининг хусусияти ҳам мос равишда ўзгаради ва OnClick воқеаси юзага келади.

Одатда radio-тугмалар аввалдан шаклда ўрнатилган контейнер ичига жойлаштирилади. Агар битта тугма танланган бўлса, ушбу гуруҳга мансуб барча бошқа тугмаларнинг танловлари автоматик тарзда олиб ташланади. Масалан, шаклдаги иккита radio-тугма, агар улар бошқа-бошқа контейнерларда жойлашган бўлсагина, бир пайтнинг ўзида танлаб олиниши мумкин. Агар radio-тугмаларнинг гуруҳланиши очиқ-ойдин берилмаган бўлса, бу ҳолда уларнинг ҳаммаси, яширин ҳолда, контейнер дарчалари (Tform, TGroupBox ёки TPanel) дан бирида гуруҳланади. TRadioButton компонентаси TButtonControl синфининг ҳосиласидир. ListBox – танланадиган сатрлар рўйхати. Танлаш, қўшиш ёки ўчириш учун мўлжалланган матн вариантлари рўйхатининг тўртбурчак соҳасини акс эттиради. Агар рўйхатдаги барча элементлар ажратилган соҳага сиғмаса, рўйхатни айлантириш линейкаси ёрдамида кўриб чиқиш мумкин. Рўйхат элементлари Items ҳусусиятининг ичида, дастур бажарилиш вақтида танлаб олинадиган элемент рақами эса ItemIndex ҳусусиятининг ичида жойлашган бўлади. Рўйхат элементлари матн муҳаррирининг дарчаси Items ҳусусияти қийматининг графасида тугмача билан очилади. Рўйхат элементларини Items объектининг Add, Append, Delete ва Insert методлари ёрдамида динамик тарзда қўшиш, ўчириш, орасига жойлаш ва ўрнини алмаштириш мумкин. Масалан: 1: LisBox1->Items->Add(«Ro’yxatning oxirgi elementi»); Sorted ҳусусиятининг true қиймати рўйхат элементларини алифбо тартибида навларга ажратиб жойлаштиради. TlistBox компонентаси TcustomListBox синфининг ҳосиласи бўлиб, унинг барча ҳусусият, метод ва воқеларига ворислик қилади. ComboBox – очилувчи рўйхатга эга бўлган танлаш. Таҳрир соҳаси ҳамда матн вариантларининг тушиб қоладиган рўйхати комбинациясини танлаш учун яратади.

Text хусусиятининг қиймати бевосита таҳрир соҳасига киритиб қўйилади. Фойдаланувчи танлаб олиши мумкин бўлган рўйхат элементлари Items хусусиятининг ичида бўлади, дастурнинг бажарилиш пайтида танлаб олиниши мумкин бўлган элемент рақами ItemIndex хусусиятининг ичида бўлади, танлаб олинган матннинг ўзи эса SelText хусусиятининг ичида бўлади. SelStart ва SelLength хусусиятлари матннинг қайси қисмини танлаб олишни белгилаб бериш ёки матннинг қайси қисми танлаб олинганини билиш имконини беради. Items объектининг Add, Append, Delete ва Insert методлари ёрдамида рўйхат элементларини динамик тарзад қўшиш, ўчириш орасига қўйиш ва ўрнини алмаштириш мумкин, масалан: 1: ComboBox1->Items->Insert(0, «Ro’yxatdagi birinchi element»); Sorted хусусиятининг true элементи рўйхат элементларини алифбо тартибида навларга ажратилишини таъминлайди. TComboBox компонентасининг турини Style хусусиятидан танлаб олиш мумкин. TComboBox компонентаси TCustomComboBox синфининг ҳосиласи бўлиб, унинг барча хусусиятлари, методлари ва воқеаларига ворислик қилади. ScrollBar – соҳа бўйича ҳаракатлантириш йўлаги. Дарча, шакл ёки бошқа компонента ичидагиларини кўриб чиқиш учун, масалан, бирон–бир параметр қийматини берилган интервал ичида ҳаракатланиши учун, югургичли айлантириш линейкасини яратади. Айлантирилаётган объект хулқ-атворини OnScroll воқеалар қайта ишлатгичи аниқлайди. Фойдаланувчи линейканинг ўзида сичқончани босганда (югургичнинг ҳар иккала томонида), югургич қанчага сурилиши кераклигини LargeChange ҳусусиятининг қиймати аниқлаб беради. Фойдаланувчи сичқончаним стрелкали тугмачалар (линейка охиридаги) устида босганда ёки позициялаш тугмачаларини босганда, югургич қанчага сурилиши кераклигини SmallChange ҳусусиятининг қиймати аниқлаб беради. Min ва Max ҳусусиятларининг қийматлари югургичнинг йўл қўйилиши мумкин бўлган жой алмашинувлари интервалларини белгилайди. Сизнинг

дастурингиз югургични Position ҳусусиятининг қиймати аниқлаб берадиган керакли позицияга жойлаштириши мумкин. SetParams методи бир пайтнинг ўзида Min, Max ва Position га тегишли барча ҳусусиятлар қийматларини аниқлаб беради. GroupBox – номланадиган контейнер соҳа; Тўғри бурчакли рамка кўринишидаги контейнер бўлиб, у қандайдир бир интерфейс элементларининг мантиқий боғланган гуруҳини шаклда визуал бирлаштиради. Бу компонента Windows нинг бир номдаги объектнинг инкапсуланишидан иборат. RadioGroup – ўзаро бир–бирини инкор қилувчи танлашлар гуруҳи. Тўғри бурчакли рамка кўринишидаги контейнер бўлиб, у бир-бирини мантиқан истисно қиладиган radio-тугмалар гуруҳини шаклда визуал бирлаштиради. Radio-тугмалар битта контейнерга жойлаштирилганда «гуруҳланади». Бу гуруҳдан фақат битта тугмача танлаб олиниши мумкин. TRadioGroup компонентасига тугмаларни қўшиш учун, Items хусусиятининг таҳрири бажарилиши керак. Items хусусиятининг навбатдаги сатрига ном берилса, шу тугма гуруҳловчи рамкада пайдо бўлади. Ушбу дақиқада қайси тугма танлаб олиниши кераклигини ItemIndex хусусиятининг қиймати аниқлаб беради. Columnsхусусиятининг тегишли қийматини жойлаштириб, сиз radio тугмаларни бир неча устунга гуруҳлашингиз мумкин. Panel – контейнер соҳа. Бошқа компонентларни ўз ичигаолиши мумкин бўлган бўш панелни яратади. Сиз TPanel дан ўз шаклингизда инструментлар панели ёки ҳолатлар сатрларини яратиш учун фойдаланишингиз мумкин. TPanel панел компонентаси TCustomPanel синфининг ҳосиласи бўлиб, унинг барчахусусиятлар, методлари ва воқеалари тўлиқ ворислик қилади. ActionList – амаллар (стандарт буйруқлар, боғланадиган функциялар) рўйхати.

Визуал компоненталарнинг баъзи бир ҳусусиятларини кўриб чиқамиз. Align ҳусусияти қуйидаги қийматларнинг бирини қабул қилиши мумкин: – alNone –тўғрилаш амалга оширилмайди. Компонента иловани яратиш пайтида қаерга жойлаштирилган бўлса, шу жойда қолади; – alTop –компонента контейнернинг қисмига кўчирилади, компонента баландлиги ўзгармайди, эни эса контейнер энига тенг бўлади; – alBottom – alTop га ўхшаш, фақат компонента контейнер пастига жойлашади; – alLeft –компонента контейнернинг чап томонига кўчади, эни ўзгармайди, бўйи эса контейнер бўйига тенглашади; – alRight – alLeft га ўхшаш, фақат компонента контейнернинг ўнг томонига кўчади; – alClient–компонента контейнерни тўла эгаллайди. Мисол:Panelни формага нисбатан тўғрилаш. 1: Panel1->Align=alTop; 2.2.2 – расм: Panelни юқорига жойлаштириш. Color компонента фонининг рангини аниқлайди. Colorҳусусиятининг қиймати 4 байтли 16 саноқ системасидаги сон бўлиб, унинг катта байти ранг палитрасини аниқлайди (одатда $00), кичик учта байти қизил, яшил ва кўк рангларнинг RGB интенсивлигини аниқлайди. Бу рангларни турли нисбатдаги аралашмасидан натижавий ранг хосил бўлади. Масалан, $000000 –қора, $FFF–оқ, $0000F–қизил, $00F00 –яшил, $F0000 –кўкрангни беради. Ранглар қийматини константалар орқали бериш анча қулай. Масалан, clAqua–оч кўк ($FFF00), clBlack – қора ($000000) ваҳоказо. Ctr3D ҳусусияти Boolean турида бўлиб, визуал компонента кўринишини аниқлайди. Агар Ctr3D қиймати false бўлса, компонента икки ўлчамли тасвир

кўринишида, агар true бўлса–уч ўлчовли тасвирланади (келишилган ҳолдаги кўриниш). Cursor ҳусусияти сичқонча кўрсатгичининг кўринишини аниқлаб беради. Бу кўринишлар ранг – баранг, улар ичида энг асосийлари қуйидаги ўзгармаслар билан берилади: – crDefault–сичқонча кўрсатгичи келишув бўйича (одатдаги стрелка) ; – crNone– кўрсатгич кўринмайди; – crArrow–кўрсатгич стрелга кўринишида; – crCross–кўрсатгич хоч кўринишида; – crHourGlass–кўрсатгич кутиш режими кўринишида. Enabled ҳусусияти Boolean туридабўлиб, компонентани фаоллигини, яъни сичқончадан ёки клавиатурадан келаётган сигналларга акс таъсир бера олишини аниқлайди. Агар ҳусусият true (келишилган ҳолат қиймати) қийматга эга бўлса, компонента фаол ҳисобланади. Компонентанинг фаол бўлмаган ҳолатини сарлавҳанинг ёки матннинг оқарган рангда эканлиги билдиради. Айрим ҳолларда қандайдир компонента ўчирилган (блокировка қилинган) бўлади, агар у билан боғлиқ қандайдир амални бажаришни иложи бўлмаса. Масалан, Save тугмаси ҳужжатни сақлаш амалини бажарадиган бўлсин, агар сақланадиган ҳужжатнинг ўзи бўлмаса, сақлаш амалининг маъноси йўқ. Бундай ҳолларда тугма фаол бўлмаган ҳолатга ўтказилади: 1: Save->Enabled = false; 2.2.3 – расм: Тугманинг Enabled ҳусусияти. Font ҳусусияти визуал компонента аксланувчи матн шрифтини аниқлайди. Ўз навбатида TFont синфи шрифт параметрларини бошқаришга имкон берувчи ҳусусиятларга эга. Буларнинг ичида асосийлари қуйидагилар:

– Name–шрифтни номини аниқлайди; – Size–пунктларда шрифт ўлчамини беради; – Style–шрифт стилини беради; – Color – Matn рангини бошқаради. Height ва Width ҳусусиятлари компонентанинг мос равишда вертикал ва горизонтал ўлчамларини пикселларда беради. Left ва Top ҳусусияти компонентанинг у жойлашган контейнерга (форма ёки панелга) нисбатан координаталарини аниқлайди. Ўз ўрнида форма ҳам компонента ва унинг координаталари экраннинг чап юқори бурчагига нисбатан аниқланади. Hint ҳусусияти курсор компонента соҳасида ва бир неча сония ҳаракатсиз ҳолатда бўлганда экранга ёрдамчи матнни чиқаради. Ёрдамчи матн сариқ фондда чиқади ва компонентанинг ишлатилиш мақсадини қисқача ёритади. Ёрдамчи матн экранда пайдо бўлиши учун boolean туридаги ShowHint ҳусусиятининг қийматини true деб аниқлаш зарур. TabOrder ҳусусияти контейнердаги компоненталарнинг фокус олиш тартибини аниқлайди (“Tab” тугмаси босилганда), яъни компоненталар "айланиб" чиқиш кетма – кетлигини аниқлайди. Келишув бўйича бу кетма – кетлик формани кўринишини яратишда компоненталарни контейнерга жойлаштириш тартибига мос келади: биринчи компонентанинг TabOrder ҳусусиятининг қиймати 0, иккинчисиники - 1 ва ҳоказо. Тартибни ўзгартириш учун компонентанинг TabOrder ҳусусиятига зарур қийматни бериш керак. Ҳар бир контейнер бошқаларига боғлиқ бўлмаган табульяция тартибига эга бўлади. Иккита компонента бир хил табульяция тартибига эга бўлиши мумкин эмас. TabStop ҳусусияти TabOrder билан биргаликда ишлатилиб, компонентанинг фокус олиши ёки йўқлигини аниқлайди. Агар TabStop ҳусусиятининг қиймати true бўлса, компонента фокус олиши мумкин, акс ҳолда йўқ. Визуал компоненталарнинг табульяция тартибини Edit буйруқлар

менюсида жойлашган EditTabOrder (Табуляция тартибини ўзгартириш) диалог дарчаси орқали амалга ошириш мумкин. Компоненталардан фойдаланиб дастур яратиш Standard компоненталар палитрасидан фойдаланиб дастурлар тузамиз. 1 – мисол: Ҳароратни ифодаловчи дастур яратиш. Ечиш: Ҳарорат асосан 2 хил ўлчовда ўлчанади. Бу икки ўлчовлар қуйидагилар ҳисобланади: цельсий ва фаренгейт. Ҳароратни цельсийда ўлчаб уни фаренгейтга қуйидаги формула бўйича ўтказамиз. Цельсийдан фаренгейтга ўтиш: 32 5 9   C F t t ; Фаренгейтдан цельсийга ўтиш:   32 9 5   F C t t . Биз бу дастурни тузиш учун керак бўладиган компоненталар билан танишиб чиқамиз: Ҳароратни киритиш учун Edit компонентаси; Фойдаланувчиларга эслатма учун Label компонентаси; Киритилган ҳароратни гавдалантириш учун RadioButton компонентаси; Ҳароратни биридан иккинчисига ўтиш учун Button компонентаси. Юқорида келтирилган компоненталардан фойдаланиб форма яратимиз. Форма яратишдан олдин илова яратишни кўриб чиқайлик. Биринчи, C++ Builder дастурни ишган туширамиз. Иккинчи, File менюсининг New бандидаги C++ Builder Application бандини танлаймиз.Шунда илова, илованинг формаси ва формага тегишли бўлган модуллар яратилади. Формага керакли компоненталарни жойлаштирамиз (2.3.1 –расм). 2.3.1 – расм: Формага керакли компоненталарни жойлаштириш.

2.3.1 – расмдаги формани 2.3.2 – расмдаги кўринишга келтирамиз. Бунинг учун форманинг ҳусусиятларини ва формадаги компоненталарни ҳусусиятларини ўзгартирамиз. Form1 RadioButton1 Captio n Harorat konvertori... Caption Selsiy Heigth 240 Left 40 Width 357 Top 24 Checked True RadioButton1 Label1 Captio n Farengeyt Caption Haroratni kiriting: Left 200 Left 40 Top 24 Top 64 Checke d False Edit1 Button1 Text 0 Caption Hisoblash Left 154 Left 96 Top 61 Top 104 Button1 Label2 Captio n Tozalash Caption Natija: Left 177 Left 48 Top 104 Top 151 Label2 Captio n <тозалаймиз> Left 96 Top 151 Юқорида келтирилган ишларни бажарганимиздан сўнг 2.3.2 – расмдаги кўринишга келамиз.

$2.3.2 – расм: Формадаги объектларнифойдаланувчига тушунарли кўриниши. Формадаги Hisoblash тугмаси босилганида (OnClick) ходисасига листинг 2.3.1 ни ёзамиз. Бу листингни OnClick ходисасига ёзишимиз учун қуйидаги кетма – кетликни амалга оширамиз. Object Inspector ойнасидаги Events бўлимига ўтамиз, келтирилган ходисаларнинг ичидан OnClick ходисасини топамиз ва сичқончанинг чап тугмасини унинг устида 2 марта чертамиз ёки Hisoblash тугмаси устида сичқончанинг чап тугмасини унинг устида 2 марта чертамиз: Листинг 2.3.1: 1: void __ fastcall TForm1::Button1Click(TObject *Sender) 2: { 3: float ts, tf; 4: if (RadioButton1->Checked) { 5: ts = StrToFloat(Edit1->Text); 6: tf = 9.0/5 * ts + 32; 7: Label3->Caption = FloatToStr(tf) + " F"; 8: } 9: if (RadioButton2->Checked) { 10: tf = StrToFloat(Edit1->Text); 11: ts = 5.0/9 * (tf - 32); 12: Label3->Caption = FloatToStr(ts) + " C"; 13: } 14: } Формадаги Tozalash тугмаси босилганида (OnClick) ходисасига қуйидаги листинг ёзамиз: Листинг 2.3.2: 1: void __ fastcall TForm1::Button2Click(TObject *Sender) 2: { 3: RadioButton1->Checked = true ;$ 4: Edit1->Text = "0"; 5: Label3->Caption = ""; 6: Button1->SetFocus(); 7: }

Standard компоненталар палитраси хусусият услуб ва ходиса

20.09.2019

0

140.5 KB

Похожие