Интеграл операцион кучайтиргичлар схемотехникаси. Уларнинг ишлаш принципи ва структураси - Информатика и ИТ - Рефераты

Интеграл операцион кучайтиргичлар схемотехникаси. Уларнинг ишлаш принципи ва структураси

Загружено в:

20.09.2019

Скачано:

0

Размер:

72.5 KB

Интеграл операцион кучайтиргичлар схемотехникаси. Уларнинг ишлаш принципи ва структураси Режа: 1. Сигналларни кучайтириш 2. Электрон кучайтиргичлар 3. Кучайтиргичларнинг асосий характеристикаси ва параметрлари

1. Сигналларни кучайтириш Техникада кам энергия сарф қилган ҳолда манбаларнинг катта энергиясини бошқариш жараёни кенг тарқалган. Унда ҳам бошқарилувчи энергия механик, ёруғлик, иссиқлик электр ва бошқа тур табиатга эга бўлиши мумкин. Агар энергияни бошқариш узлуксиз, бир меъёрда ва ўзгариш қонуни сақланган ҳолда бўлса уни кучайтириш жараёни деб аталади. Уни амалга оширувчи қурилма эса кучайтиргич дейилади. Энергия турига қараб кучайтиргичлар электр, механик, иссиқлик ва бошқа тур кучайтиргичларига бўлинади. Кучайтиргичнинг сигнал таъсир этадиган занжири кириш занжири ёки кириш деб, кучайиб чиққан сигнал берладиган қурилма эса, ташқи нагрузка – истеъмолчи деб аталади. Кучайтиргичнинг (ташқи) нагрузка уланадиган занжири - чиқиш занжири ёки чиқиш деб аталади. 2. Электрон кучайтиргичлар Кучайтиргичлар ичида электр сигнали кучайтиргичлари энг кўп тарқалган бўлиб, уларда бошқарувчи ва бошқарилувчи энергия электр энергиясидан иборат бўлади. Бу кучайтиргичлар электрон, электромеханик магнит ва бошқа тур кучайтиргичларга бўлинади. Улардан электрон кучайтиргичлар универсаллиги, қатор сифатли характеристикаларга эга бўлиши билан бошқа кучайтиргичлар устун туради. Шунинг учун улардан жуда кўп радиоэлектрон ва бошқа масалаларни ҳал қилишда кенг фойдаланилади. Қўлланиладиган ўрни, вазифаси ва бошқа белгиларига қараб жуда кўп турдаги электрон кучайтиргичлар ишлаб чиқарилади ва турлича номлар билан юритилади. Кучайтириш жараёнини унинг ишлаш принципи орқали тушунтириш мумкин. Унда ўзгармас Е ток манбаи бўлиб кетма – кет қилиб икки қаршилик

–Zi (бошқарилувчи) ва Zн (ўзгармас) уланган. Zн қаршилик нагрузка қаршилиги деб аталади. Zi чизиқли бўлмаган актив элемент қаршилиги бўлиб, занжирнинг киришига бошқарувчи кучланиш ёки ток таъсир этганда катталиги ўзгариб боради. Бу ўзгариш жуда кенг оралиқда бўлиб, манба энергичяси сарф бўлмаган ёки жуда оз миқдор сарф бўлган ҳолда содир бўлади. Лекин Zн қаршиликда ажраладиган қувват ортади. Шунга кўра бошқарувчи элементнинг вазифаси ўзгармас ток манбаи энергиясини Zн нагрузка қаршилигига узатилишини тартибга солишдан иборатдир. Одатда бу жараён жуда катта тезликда ўтади. Шунинг учун Zi жуда кичик энерцияли элемент булиши керак. Энг содда ҳолда Zi вазифани кўп электродли электрон лампа ёки ярим ўтказгичли триод бажаради. Шундай қилиб, кучайтириш физикавий жараён бўлиб, кам қувватли манба ёрдамида катта қувватли манба энергияси бошқарилишидан иборатдир. Бу катта қувватли манба энергиясининг кам қувватли сигналга узатилишига тўғри келади. Шунга кўра кучайтиргич катта қувватли манба энергиясига кам қувватли сигналга узатилишини амалга оширувчи қурилмадир. Агар сигнал қувватининг ортишида унинг шакли сақланса, кучайтириш чизиқли деб аталади. Шуни ёдда тутиш керакки, кучайтиргич таъсир этувчи тебраниш амплитудасини ошириб берадиган жуда кўп қурилмалардан тубдан фарқ қилади. Масалан, юксалтирувчи трансформаторнинг иккиламчи чўлғамининг кучланишидан катта бўлади, якка контурда резонанс вақтида реактив элементидаги кучланиш ёки ток асллик (Q) марта ортади ва ҳ.к.. Лекин улардан чиқиш қуввати кириш қувватидан ҳамма вақт кичик бўлади. Шунинг учун уларни кучайтиргич дейиш мумкин эмас. Умуман ҳар бир кучайтиргич учта асосий қисмга эга: 1. Бошқарувчи (кучайтирувчи ) инерцион бўлмаган элемент

2. Ўзгармас ток манбаи 3. Нагрузка- истеъмолчи Қолган барча қисмлар ёрдамчидир. Бунда нагрузка кучайиб чиққан сигнални ажратиб олса, ёрдамчи қисмлар – кучайтиргичнинг у ёки бу иш режимини ҳосил қилади. Бошқарувчи элемент турига қараб кучайтиргичлар лампавий ёки ярим ўтказгичли (транзисторли) нагрузканинг турига қараб эса, апериодик ёки танловчи кучайтиргичларга ажратилади. Танловчи кучайтиргичларда нагрузка вазифасини тебраниш контуридан иборат бўлса, кучайтиргич резонанс кучайтиргич деб, боғланган тебраниш контури бўлса, ўзгармас соҳали кучайтиргич деб аталади. Резонанс кучайтиргичлар турли частотали сигналлар спектридан якка ёки жуда кичик частота соҳасига тўғри келадиган тебранишларни кучайтириб беради. Бу хусусият унинг частота танлаш хусусияти деб аталиди. Ўзгармас соҳали кучайтиргичлар деярли тўғри тўрт бурчак шаклига яқин ўтказиш соҳасига эга. Шунинг учун улар сигнал спектридаги тебранишларни маълум частота оралиғига қискартириб беради. Апериодик кучайтиргичларда нагрузка вазифасини резонанс хусусиятига эга бўлмаган элементлар – резистор, дроссел, трансформатор ва бошқалар бажаради. Шунга кўра улар нагрузканинг турига мос номлар билан юритилади. Масалан резисторли кучайтиргич, дросселли кучайтиргич ва бошқалар. Резисторли кучайтиргичлар реостат кучайтиргич, сиғим боғланишли кучайтиргич ёки RC – кучайтиргич ҳам деб аталади. Кучайтириладиган сигнал частотасининг абсолют қийматига қараб кучайтиргичлар паст частотали, юқори частотали ва ўзгармас ток кучайтиргичи деган турларга ажратилади. Паст частотали кучайтиргичлар товуш диапазонидаги тебранишларнинг f қ – f ю ишчи частота оралиғини бир меъёрда кучайтириш

учун хизмат қилади, яъни уларнинг асосий хислати f ю / f қ частота нисбатининг етарлича катта бўлишидир. Бу тур кучайтиргичларга опериодик кучайтиргичлар мисол бўлади. Ўзгармас ток, аниқроғи суст ўзгарувчи ток ёки кучланиш кучайтиргичлари паст частотали кучайтиргичнинг бир кўриниши бўлиб,.уларда кучайтириладиган сигнал частотаси нолга яқин бўлади. Кучайтиргичлар ўтказиш соҳасининг кенглигига, сигналнинг шаклига ва бошқа белгиларига қараб ҳам турларга ажратилиши мумкин. Умуман олганда ҳамма кучайтиргичлар сигналнинг қувватини ошириш учун хизмат қилади яъни барча тур кучайтиргичлар қувват кучайтиргичларидир. Лекин кўп холларда кучайтиргичнинг ишини баҳолаш учун унинг чиқишидаги ток ёки кучланишнинг қиймати катта ахамиятга эга бўлади. Шунинг учун улар шартли равишда кучланиш, ток ва қувват кучайтиргичларига бўлинади. Қувват кучайтиргичлари кучайтириш босқичининг охирги поғонасига тўғри келади. Шунинг учун улар охирги каскад, чиқиш каскади каби номлари билан ҳам аталади. 3. Кучайтиргичларнинг асосий характеристикаси ва параметрлари Кучайтиргичларнинг турлари кўп бўлишига қарамай, улар умумий характеристика ва параметрларга эга. Асосий параметрларидан бири кучайтиргич коэффициентидир. У кучайтиргич чиқишида қайси бир катталик (ток кучланиш ёки қувват) асосий бўлишига қараб аникланади ва мос ном билан аталади. Масалан, чиқиш кучланишнинг кириш кучланишига нисбати1 2 U U KU 

Кучланш бўйича кучайтириш коэффициенти дейилса, чиқиш токининг кириш токига нисбати:1 2 I I KI ток буйича кучайтириш коэффициенти деб аталади. Қувват бўйича кучайтириш коэффициенти эса, кучайтирилаётган сигналнинг чиқиш қувватининг кириш қувватига нисбати кўринишида аниқланади. 1 2 P P K p Амалда кучланиш бўйича кучайтириш коэффициентидан кенг фойдаланилади. Шунинг учун уни оддий қилиб кучайтириш коэффициенти деб аталади ва U белги тушириб ёзилади. Кучайтиргичларнинг характеристикалари 4 гуруҳга ажратилиши мумкин. Биринчи гуруҳга кучайтиришдаги сигнал шаклининг бузилиш даржасини баҳолаш ёки бузилишсиз кучайтириш хусусиятини белгилаш имконини беради. Иккинчи гуруҳ характеристикалар кучайтириш схемасидан сигнал бузилмай ўтиши учун кучайтиргичнинг параметрлари қандай бўлиши зарурлигини ифодалайди. Учинчи гуруҳ характеристикалар сигнални кучайтириш жараёнида бўладиган зарарли таъсирларни ифодалайди. Тўртинчи гуруҳ характеристикалар кучайтиргич схемаси хусусиятлари ва кучайтирувчи элемент иш режимини характерлаб беради. Бу характеристикалардан биринчи ва иккинчи гуруҳ характеристикалари энг катта аҳамиятга эга. Улар кучайтиргичнинг ўтиш стационар характеристикасидир. Кучайтиргичдаги бузилишлар чизиқли ва чизиқли бўлмаган бузилишларга бўлинади.

Чизиқли бузилишлар частотавий, фазавий ва ўтиш бузилишларига ажратилади ва мос номли характеристикалар орқали ифодаланади. Чизиқли бўлмаган бузилишлар эса, кучайтиргичнинг амплитудавий характеристикаси орқали аниқланади.

Фойдаланилган адабиётлар 1. В.А.Соловьев. Схемотехника ЭВМ. Москва Высшая школа. 1990 г. 2. Алексеенко А.Г. «Основы микросхемотехники» М.: Техни- ческий университет лаборатория базовых заданий. 2002 г. 3. Кучумов А.И. «Электротехника и схемотехника» М.: Высшая школа. 2002 г. 4. С.К.Ғаниев. Электрон ҳисоблаш машиналари ва 5. системалари.Тошкент. Ўқитувчи. 1990 й. 1. К.А.Нешумова. Электронные вычислительные машины и системы. Москва. Высшая школа. 1989 г. 2. Шило В.Л. Популярные цифровые микросхемы. Справочник. М.: Радио и связь 1986 г. 3. Голденберг Л.М., Малаев В.А., Малько Г.Б. Цифровые устройства и микропроцессорные системы. (задачи и упраж- нения) М.: Радио и Связь 1992 г.

Похожие

Винчестер структураси ва ишлаш принципи

Микропроцессор. Унинг структураси Ва ишлаш принципи

Стабилизаторлар, уларнинг Ишлаш принципи ва структураси. амплитудали модуляторлар. микросистемалар техникаси принциплари

Интеграл хотира қурилмалари схемотехникаси

Модем ва модемнинг ишлаш принципи