Алоқа иншоатларининг қурилиш ва монтаж ишлари бўйича асосий қоидалари - Информатика и ИТ - Рефераты

Алоқа иншоатларининг қурилиш ва монтаж ишлари бўйича асосий қоидалари

Загружено в:

20.09.2019

Скачано:

0

Размер:

57.5 KB

Алоқа иншоатларининг қурилиш ва монтаж ишлари бўйича асосий қоидалари Режа: 1. Қурилиш ишлари бўйича ишлаб чиқаришнинг асосий тушунчалари 2. Ишлаб турувчи корхонанинг кенгайиши 3. Қурилиш объекти

Қурилиш ишлари бўйича ишлаб чиқаришнинг асосий тушунчалари . Қурилиш ишларининг асосий мақсади биноларни, ишлаб чиқариш корхоналарини ва бошқа иншоатларни қуриб яратишдан иборат бўлиб, улар қурилиш ишларининг охирги маҳсулот кўринишига эга. Қурилиш ишлари олдиндан ишлаб чиқарилган лойиҳалар ва унга тегишли бўлган смета асосида бажарилади. Корхоналар, бинолар ва иншоатларнинг лойиҳалаштириш ишлари албатта техник иқтисодий асослар асосида олиб борилиб, улар иқтисод томонидан мақсадга лойиқлиги ва ҳўжалик учун қурилиш ишлари кераклиги тасдиқланади. Унчалик катта бўлмаган ва техник жиҳатдан мураккаб бўлмаган иншоатларни ва комплексларни лойиҳалаштириш учун техник – ишчи лойиҳалар ишлаб чиқарилади, йирик ва мураккаб комплекслар ҳамда иншоатлар учун эса қурилиш ишлари маълум бир мураккаб шароитларда бажариладиган ишлар учун лойиҳалаштириш ишлари икки босқичда – техник лойиҳа ва ишчи чизмалар асосида бажарилади. Қуйидаги тушунчалар маълум: - Қурилиш - ишга туширувчи комплекс ёки қурилиш объекти. Қурилиш ишлари деганда қурилувчи бино еки иншоатларнинг қурилиш ишлари билан боғлиқ бўлган ишлари, реконструкция қилиш ва қайта қуриш ишларининг мажмуи бўлиб, қоида бўйича улар бир хил лойиха смета ҳужжатлари асосида олиб борилади. Мисол учун кабел магистрали линиявий хардалолатномаерга эга бўлган қурилиш ишларидан иборат бўлганлиги учун унинг таркибига кучайтиргич пунктларининг техник бинолари, дизел учун бино, трансформатор учун подстанция, ҳовлили қурилмаларга эга бўлган яшаш учун уйлар, хизмат талаб этилмайдиган кучайтиргич пунктлар учун хоналар, ҳаво орқали ва кабел орқали келувчи электр узатиш линиялари, автомобиллар учун гаражлар, иссиқлик таъминоти учун хоналар, омборхоналар ва кучайтиргич пунктларининг майдончасида жойлашган қўшимча хизмат кўрсатувчи хоналардан иборат.

Линия ва станция иншоатларининг қурилиш ишлари ўз ичига- кабелларни ётқизиш ва кабеллар монтажи жараёнида уларга арматураларни ўрнатиш, бино ва жихозларга киритилувчи ускуналар, кабел канализациясининг қурилмалари, кабелларни коррозиядан ва яшиндан химояловчи ускуналар, кабелларни ўзгармас ҳаво босим остига қўйиш; шаҳарлараро ва ҳалқаро телефон станция бинолари, линия аппарат цехлари, хизмат кўрсатувчи кучайтиргич пунктлари ва хизмат кўрсатилмайдиган кучайтиргич пунктлари, электр манба берувчи ускуналар, электростанция дизелларининг ускуналари ва уларнинг монтаж ишларидан иборат. Ишлаб чиқаришнинг қурилиш ишлари янгидан қурилувчи ва ишлаб турувчи корхоналарнинг қурилиш ишларидан ташкил топади. Янгидан қурилувчи корхоналар ва ишлаб чиқарувчи корхона ва иншоатларнинг қурилиш ишлари ўз ичига бино ва иншоатларнинг қурилиш ишларидан иборат бўлиб, улар бирламчи тасдиқланган лойиҳа асосида янгидан ташкил этилган қурилиш майдончасида қурилиш ишлари бошланишидан то қурилиш ишлари тугалланиб уни тўлиқ лойиҳа қувватига қадар етказилиш иш жараёнидан иборат. Телекоммуникация соҳасида янгидан қуриладиган ишлардан иборат бўлган иншоатларга кабелли линиялар, тармоқ тугунларида ишлаб турган кучайтиргич пунктларини ишлаб турган шаҳарлараро телефон станцияларга чиқиш имкони учун, янги қурилиш майдончасига жойлаштириладиган линиянинг шаҳар телефон тармоқларининг абонент линия тармоғи (станция ва линия иншоатлари), районлаштирилмаган тармоқдан районлаштирилувчи районга ўтиш жараёнидаги станциялараро алоқа линияларини яратишд янги қурилиш майдончасида яратилувчи шаҳарлараро телефон станциялар биносига ишлаб турган шаҳарлараро телефон станцияни кўчириш, янги бинога кўчирилувчи радиостанция, радиомарказлар, радиотелевизион узатувчилар, космик алоқа объектлари, кабелли-линиялар ётқизилувчи худудий тармоқ ва қишлоқ телефон тармоқ линияларини ётқизиш билан боғлиқ ишлар, янги трассалар бўйлаб радиорейлели линиялар ва ҳаво алоқа линияларининг қурилиши, район алоқа

узелларининг янги бинолари, почтамп ва матбуот тарқатувчи бўлинмалар комплексининг технологик ускуналарини ўрнатиш каби ишларидан иборат. Ишлаб турувчи корхонанинг кенгайиши деганда тасдиқланиб ўрнатилган тартибда ишлаб турувчи корҳонанинг янги лойиҳа бўйича келажакда корҳонани ривожлантириш, қўшимча ишлаб чиқарувчи комплексларни яратиш ҳамда қўшимча хизмат кўрсатувчи ишлаб чиқарувчилар ва коммуникацияларни яратиш, ишлаб турувчи корхона ҳудудида ва унга таълуқли майдончада бажариладиган ишлар мажмуидан иборат. Ишлаб турган корхонанинг кенгайиши билан боғлиқ бўлган ишларга қуйидагилар киради: кабелли ва радиорелели линиялардаги каналларни бирлаштиришда асосий технологик ускуналарни алмаштирмаган ҳолда бажариладиган ишлар, таянч ва симёғочларнинг реконструкцияси, ШТТ ва ҚТТнинг қўшимча станцияларини қуриш ёрдамида бажариладиган ишлар, станция биносида бўш бўлган жойларни тўлдириш билан бажариладиган ишлар, ШТТни кенгайиш ҳисобига станциялараро ва тармоқлараро иншоатларни яратиш, ишлаб турган ҳаво алоқа линияларига қўшимча занжирлар симини осиш йўли билан ёки бошқа узатиш воситаси ёрдамида зичлаштириш усули билан эришиладиган ишлар мажмуидан иборат. Ишлаб турган корҳонанинг реконструкцияси деганда битта лойиҳа ёрдамида тўлиқ равишда ва бирмунча равишда қайтадан ускуналарни қўйиш йўли билан ишлаб чиқариш жараёнида эскирган ва ишлаб ўз қувватини йўқотган ускуналарни ўзгартириш йўли билан бажариладиган ишлар тушунилади. Бундай ҳолатда технологик звенолар ва қўшимча хизматлар диспропорция равишда бажарилади. Ускуналарни қайтадан ўрнатиш ва бошқа жойга кўчириш деганда янги ҳозирги замон технологияси асосида ва янги техника асосида ишлаб чиқариш ҳажмини оширишдан иборат. Шунингдек бу жараёнда бошқа техник иқтисодий кўрсатгичлар кам харажатлар ва қисқа вақт оралиғида ишлаб турган корхонани янгидан қуриш ва кенгайтириш ишларига қараганда тез муддатда бажарилади.

Ишлаб турган алоқа корхонасининг реконструкция ишлари қуйидагилардан иборат: - кабелли ва радиорелели алоқа линияларини қайтадан зичлаштириш йўли билан асосий технологик ускуналарни алмаштириш, икки кабелли алоқа тизимига ўтиш йўли билан иккинчи кабелни ётқизиш, қўшимча хизмат кўрсатилувчи ва хизмат кўрсатилмайдиган кучайтиргич пунктларини қуриш, тармоқ узелларини қайтадан ускуналаш ёки қуриш, ишлаб турган объектларни қўшимча қўлланувчиларини кенгайтириш, шаҳар телефон тармоқларининг ҳоналарини қайта ўзгартириш ҳисобига бўладиган ўзгартиришлар киритиш, асосий ускуналарни ва электр манба ускуналарни ўзгартириш, шаҳарда бажариладиган қайта қурилиш шарти билан боғлиқ бўлганлиги учун линия иншоатларини қайтадан жиҳозлаш, алоқа узатиш тизимларини, кабел турларини, худудий ва қишлоқ телефон тармоқларидаги ҳаво алоқа линиянинг симёғочларини ёки профилини янгисига алмаштириш йўли билан эришилади. Ишлаб турган корхонанинг техник томондан қайта жиҳозлаш (переворужение) деганда ишлаб чиқариш комплексини режа бўйича техник томондан ўзгартириш ишлари, ишлаб чиқарувчи корхонанинг маълум бир участкаларига янги техника ва технологияларни қўллаш усули билан ишлаб чиқариш жараёнларини автоматлаштириш ва механизациялаш йўли билан эришилади, унда ишлаб чиқариш махсулотини ошириш, унинг сифатини яхшилаш, ишлаб чиқариш жараёнини ошириш, ишлаш шароитини яхшилаш ва корхонанинг бошқа кўрсатгичларини яхшилаш ишлари кўзланади. Телекоммуникация соҳасида техник томондан қайта жиҳозлаш ишлари ўз ичига қуйидагиларни олади: Алоқа тармоқлари талабларининг ўзгариши ҳисобига ёки эскирган ускуналарни янги хизмат турларини кўрсата олмаганлиги учун, ускуналарни автоматик равишда бошқариш учун қўллаш, корхонанинг назоратловчи ва ўлчов аппаратураларини жиҳозлаш учун ҳамда қийин бўлган процессларни механизациялаш учун қўшимча ускуналар билан жиҳозланади.

Ишга туширувчи комплекс – объект ёки унинг маълум бир қисмларининг асосий ва қўшимча ишлари учун қўлланувчилари бўлиб, унинг ёрдамида ушбу ишга туширувчи комплексга мўлжалланган лойиҳа асосида олиб борилади, ҳамда хизмат кўрсатувчи ишчи ва хизматчилар учун меъёрий нормалар асосида нормал иш шароити яратилади. Қурилиш объекти – ҳар бир бино ёки шу бинога таьлуқли бўлган иншоат қурилмалари, асбоб ускуналари, шу бинога уланувчи мухандислик коммуникациялари, қўшимча қурилмаларининг қурилиш ишлари учун маҳсус лойиҳа ва смета асосида бажариладиган ишлар мажмуи. Кабелли ва ҳаво алоқа линияларидаги қурилиш объекти деганда техник ва қўшимча бинолар ва бу биноларни ҳар бир охирги ва оралиқ пунктларини бирлаштирувчи майдончалар киради, бундай пунктлардаги технологик ишлар қуйидагилардан иборат: -охирги ва оралиқ пунктларнинг ҳар бир участкадаги линия иншоатларининг қурилиш – монтаж ишлари. Агар қурилиш майдончасида лойиҳа бўйича фақатгина битта объект асосий бўлиб ва унда қўшимча объект бўлмайдиган бўлса, у ҳолда бу жараён қурилиш ишлари тушунчасига тўғри келади[1]. Қурилиш учун ишлаб чиқарилган лойиҳалар қуйидагиларни аниқлаб беради: - иш кўринишлари; - объектнинг эксплуатацион ва технологик афзаллиги; -бутун бино, иншоат ва уларнинг конструктив элементларининг формаси ва ўлчамлари; -объект учун зарур бўлган материаллар ва уларнинг конструкцияси, деталлари; - лозим бўлган технологик ускуналар; - иш усуллари ва механизация воситалари. Лойиҳа таркибида смета ишлаб чиқарилиб, унда иш харажатлари асосида меҳнат кучи, материаллар, ускуналар асосида унинг умумқурилиш баҳоси аниқланади, шунингдек бу сметада объектга кетадиган ҳамма капитал ҳаражатлари ҳам аниқланади.

Қуйидаги иш кўринишлари мавжуд: -қурилиш; -махус қурилиш; -монтаж. Қурилиш ишларига қуйидагилар киради: -доимий ўзгармас бинолар ва иншоатларни яратиш, кенгайтириш қайтадан ўзгартириш ва тиклаш билан боғлиқ ишлар жараёнида шу бино ва иншоатга таълуқли бўлган темир бетон, металл, ёғоч ва бошқа конструктив элементларнинг монтаж ишларидан иборат; -иншоатнинг санитар –техник ускуналари, сув билан таъминлаш, канализация, оқинди сувларни тозалаш ишлари ; -ёритувчи ускуналар симларининг монтаж ишлари, иншоатнинг иссиқлик таъминоти ва газ тармоқларининг монтаж ишлари; алоқа линия иншоатларини яратиш; ҳаво алоқа линияларида – симёғочлар учун ўра кавлаш, симёғочларни ва таянчларни тозалаб жиҳозлаш, уларни ўрнатиш, симларни осиш; кабелли линияларда-траншея кавлаш, кабел ётқизилувчи қувурларни ётқизиш, кабел ускуналарининг конструктив монтаж ишлари; - радиометаллар, радиоминоралар ва антенна учун таянчларга қўлланувчи иншооатлар; -асос ускуналар бўйича фундамент, ускуналар ўрнатиш учун таянч конструкциялари ; участкаларни ўзлаштириш бўйича қурилиш территориясини тайёрлаш ва текислаш, керак бўлса, тупроқларни ювиш, эски биноларни бузиш, дарахт ва дарахт илдизларини олиб ташлаш, тупроқ қаърини қуритиш, вертикал планировка ишлари; бино ва иншоатларни қурилиш ишлари жараёнида тоғлик ва том иншоатлари бўйича гидрологик (бурлаб тешиб очиш, шурфлаш, сувлардан тозалаш) ва геологик ишлар. Қурилиш ишлари қуйидаги ишлардан иборат: -ер ишлари, бетон ишлари, тош ишлари, йиғма темир бетон ва металлоконструкция ишлари, гидроизоляция ишлари, сувоқ ва бўёқлаш ишлари.

Махсус қурилиш ишлари қуйидагилардан иборат: -сув ости ишлари, сув ости техник ишлари, шу жумладан денгиз ва океан ости алоқа кабелларини, сувли тўсиқ ҳавзалар (кўл, дарё) да алоқа кабелларини ётқизиш ишлари. Алоқа иншоатларининг яратишда ер билан боғлиқ ишлар қуйидагилардан иборат: -бетон ва темир-бетон ишлари билан боғлиқ ишлар, металлоконстукцияларнинг монтаж ишлари, электромонтаж ишлар. Бир мунча специфик хардалолатномаерга эга бўлганлиги учун бундай ишларнинг ҳаммаси махсус қурилиш ва махсус монтаж ишларига киради. Ускуналарнинг монтаж ишлари қуйидагилардан иборат: -технологик, энергетик, транспорт кўтаргич, насос-компрессор ва ускуналарни эксплуатация жараёнида ҳамда монтаж жараёнида доимий назорат остида бўладиган йиғма ва ўрнатиш ишлари ; -сув, ҳаво, газ ва парларни ускуналарга улайдиган технологик қувурларнинг монтаж ишлари; -электр ва алоқа симларини, кабелларни ётқизиш учун ва уларнинг технологик йиғма монтаж ишлари; -металлоконструкцияларни, электр ускуналарни, ускуналарга хизмат кўрсатувчи майдончаларнинг монтаж ишлари; -ўрнатилган ускуналарни ва технологик қувурларнинг изоляцияси ва уларни бўяш ишлари . Телекоммуникация иншоатларини яратишда асосий монтаж ишлар ҳажмига қуйидагилар киради : коммутацион ускуналарни йиғиш, ўрнатиш, монтаж қилиш ва созлаб тестдан ўтказиш ишлари , кабелли ва радиорелейли линиялар бўйлаб ишлатиладиган алоқа узатиш тизим аппаратураларини, электр манба ускуналарини,радиорелейли ва радио алоқа линия аппаратураларини ҳамда узаткич ва қабул қилгич аппаратураларининг монтажи, алоқа кабелларини ётқизиш ва монтаж қилиш, тўлқин узатгичлар, антенналар монтажи ва х.к.з. Бугунги кунда қурилиш ва монтаж ишлари индустриал ишлар усулида бажарилади. Бунга мисол қилиб, радиорелейли линиялардаги аппарат ва

дизел биноларининг технологик қурилиши тўлиқ йиғма равишда алюминийли панеллар ёрдамида бажарилади. Баъзи бир қурилиш жараёнлари ишчи кучи ёрдамида оддий асбоблар (белкурак, кетмон) ва механизация усуллари билан бажарилади. Машина ва механизмлар ёрдамида бажариладиган қурилиш-монтаж жараёни механизация усули билан бажарилади (экскаватор, трактор). Қурилиш ва монтаж жараёни оддий элементар технологик биргаликда бажарилувчи ҳамда ажралмас иш жараёнидан иборат. Мисол учун кабел телефон канализациясидаги қудуқ монтаж жараёни қуйидагилардан иборат: иккита яримталик қудуқнинг пастки қисмини кўтариб олиш, кўтаргич краннинг қайрилиши, конструкцияни ўрнатиш, крюкни кўтариб олиш ва х.к.з. Телефон алоқа кабелини қўл билан монтаж жараёни ҳам бир неча операциялардан иборат. Булар: гурух халқа ва гильзаларни кийдириш, ток ўтказгич сим изоляциясини тозалаш, симларни бир-бири билан улаш, гильзаларни уланган жойга кийдириш ва х.к.з. Қурилиш ва монтаж жараёни оддий ва комплекс кўринишда бўлади. Оддий жараёнларга қуйидагилар киради: экскаватор ёрдамида тупроқни чиқариб олиш, монтаж тирқишларини тешиш, кабел ётқизилувчи линия бўйлаб кабелни ётқизиш, косоплет кўринишда кабел симларини ажратиб ёйиш, кабел охир ускуна штифтларига кабел симларини киритиб улаш ва х.к.з. Комплекс жараёнларга қуйидагилар киради: радиорелейли линиянинг мачта ва минораларининг металлоконструкция монтажи, алоқа кабелларининг муфта монтажи, коммутацион техниканинг статив қурилмалар монтажи. Қурилиш жараёнлари асосий, ёрдамчи ва транспорт турларига бўлинади. Асосий жараёнлар тўғридан-тўғри равишда конструкцияни яратишдан иборат бўлиб унга қуйидагилар киради: бино ёки иншоатнинг конструктив элементининг монтажи, кабел канализациясига кабелни ётқизиш, АТСнинг металконструкция элементларини ўрнатиш ва х.к.з.

Ёрдамчи жараёнларга қуйидагилар киради: траншея ва котлован деворларини махкамлаш, қудуқ ичидан сувни тортиб олиш ва қудуқни қуритиш, котлованда алоқа кабел муфтасини монтаж қилиш учун ишчи ўринни тайёрлаш. Транспорт жараёнида қуйидаги ишлар бажарилади: материаллар конструкцияларини тўғридан-тўғри равишда ишчи ўринга етказиб беришдан иборат.

Адабиётлар рўйхати: 1. Убайдуллаев Р.Р. Волоконно–оптические сети-М.: Эко– Трендз, 2000. 2. Волоконно – оп тические системы передачи: учебник для высших учебных заведений / М.М. Бутусов, С.М. Верник, С.Л. Галкин, В.Н. Гомзин, Б.М. Машковцев, К.Н. Щелкунов; Под ред. В.Н. Гомзина.–М.: Радио и связь, 1992. 3. Гальярди Р.М., Карп Ш. Оптическая связь: Перевод с английского С.М. Бабия под ред. А.Т. Шереметьева.–М.: Связь, 1978. 4. Оптические системы передачи: Учебник для вузов/Б.В. Скворцов, В.И. Иванов, В.В. Крухмалев и др.; Под ред. В.И. Иванова.-М.: Радио и связь, 1994. Цифровые и аналоговые системы передачи: Учебник для вузов/ В.И. Иванов, В.Н. Гордиенко

Похожие

Линия кабел алоқа иншоатларининг қурилиш монтаж ишлари

Толали оптик алоқа линиянинг қурилиш ишлари

Оптик кабелларни осиш йўли билан ётқизиш

Мамлакат алоқа тармоқларини қуриш. Алоқа тармоқларини қуриш усуллари

Алоқа тармоқларини математик моделлаштириш