Ворислик тугрисидаги умумий коидалар - Юриспруденция - Рефераты

Ворислик тугрисидаги умумий коидалар

Загружено в:

20.09.2019

Скачано:

0

Размер:

102 KB

Ворислик тугрисидаги умумий коидалар Режа: 1. Ворислик ва мерос тушунчалари. 2. Ворислик асослари. 3. Мероснинг очилиши ва ворислик хукукини амалга ошириш.

Ворислик хукуки фукаролик хукукининг ажралмас ва якунловчи кисми хисобланиб, фукароларнинг хусусий мулк хукуки билан чамбарчас богланган. Узбекистон Республикаси Конститутциясининг 53-моддасида курсатиб утилганидек, хусусий мулк бошка мулк шакллари каби дахлсиз ва давлат химоясида булиб, мулкдор факат конунда назарда тутилган холларда ва тартибдагина мулкидан махрум этилиши мумкин. Мулк эгаси мулкдан фойдаланиш ва уни тасарруф этиш хукукига эга. Бу хукукдан у узининг хаётлигида фойдаланади ва узи вафот этгандан кейинги мулкнинг такдирини олдиндан белгилаши мумкин. Конун хусусий мулк эгаси сифатида фукаронинг эрки ва манфаатларини хурмат килиб, унинг хусусий мулкка булган хукукларини мухофаза килади. Хусусий мулк эгаси уз мулкининг такдирини узи вафот этгандан сунг мерос (ворислик) хукуки ёрдамида амалга оширилади. «Мерос хукуки,- дейилади Узбекистон Республикаси Конститутциясининг 36-моддасида, конун билан кафолатланади». Ворислик хукуки фукароларнинг мулкий хукук ва манфаатларини куриклаш билан богланган булиб, уларнинг уз мулкига нисбатан тасарруф этиш хукукини хеч кандай тусиксиз нафакат узининг хаётлигида шунингдек, вафот этган такдирда хам амалга оширилишини конун Билан таъминлайди. Хусусий мулк эгаси узи вафотидан кейин мулкининг кимга утиши масаласини ворислик хукуки асосида хаётлигида хал килади. Шунинг билан хусусий мулк хукукини мустахкамлаш, мулкнинг купайиши ва ривожланишини таъминлаш йули билан меросхурларнинг бойишига ва яшаш шароитларининг яхшиланишига кумаклашади. Узбекистон фукаролари, уларнинг ижтимоий ахволи, мулкий бойлиги, миллати ва диний эътикоди жинси ва турар жойи, утроклиги ва хизмат вазифасидан катъий назар, барчаси баб-баравар ворислик хукукидан фойдаланадилар.

«Конун билан ман этилган айрим ашёлардан ташкари, -- дейилади ФКнинг 209-моддасида, -- хар кандай мол-мулк хусусий мулк булиши мумкин». Хусусий мулк эгаси узининг хамма мол-мулкини, мулкка булган хукук ва мажбуриятларини узи вафот этгандан кейин ворислик хукукига асосан конун буйича ёки васият буйича ворисларга беришга хакли. Одатда халк уртасида мерос деганда, вафот этган шахс мол-мулкининг унинг кариндошларига утиши тушунилади. Мерос тугрисидаги бундай тушунча жуда хам юзаки булиб, мерос ва ворисликнинг хакикий маъносини очиб бермайди. Мерос хукуки (наследственное право) билан ворислик хукукини (право наследования) бир-бири билан аралаштириб юбормаслик керак. Мерос хукуки ворислик хукукига караганда анча кенг мазмунга эга. Шунинг учун мерос, меросхур, ворислик, мерос колдирувчи деган ибораларни яхшилаб тушуниб олиш керак булади. Мерос нима? Мерос деганда биз фукароларнинг вафот этган кунидан уларга тегишли булган хукук ва мажбуриятлар йигиндисини тушунамиз. Маълумки, хар бир шахс узи хаётлик даврида бошка шахслар билан хар хил муносабатларда булади. Бу муносабатлар аксарият холларда шахснинг хохиш иродаси билан вужудга келади, аммо айрим муносабатлар шахснинг хохиш иродасига боглик булмаган холда хам вужудга келиши мумкин. Шу билан бирга, вакт утиши билан бир муносабат бекор булади, иккинчи бир муносабат пайдо булади шунинг учун хар бир шахс бошка шахслар билан мунтазам равишда кандайдир бир муносабатда булиб туради бу муносабатларнинг хамма маълум бир конун коидалар билан тартибга солинади. Муносабатда турган хар бир шахс маълум бир хукукка эга булади ва шу билан бирга, маълум бир мажбуриятни хам уз зиммасига олади. Бундай хукук ва мажбурият, коида тарикасида, шахс вафот этган такдирда хам узининг хукукий кучини саклаб колади бошкача килиб айтганда шахснинг вафот этиши бундай хукук ва мажбуриятларнинг бекор булишига олиб келмайди. Масалан, фукаронинг жамгарма банкига куйган омонати

буйича банк уни куйган шахс вафот этган такдирда хам тулаш мажбуриятидан озод булмайди. Мажбурият давом этади. Факат талаб килиб олиш хукуки бошка шахсларга утади, яъни вафот этган шахс томонидан тайинланган ёки конунда белгиланган меросхурларга утади. Аммо фукароларнинг хукук ва мажбуриятлари хам улар вафот этганларидан кейин уз кучини саклаб колмайди, айримлари бекор булади. Факатгина вафот этган шахс хаётлигида ундан бошка шахсга утиши мумкин булган хар кандай хукук ва мажбурият мероснинг таркибига кириши мумкин. Вафот этган шахси билан боглик булган хукук ва мажбуриятлари мерос таркибига кирмайди ва бошкаларга утмайди. Демак, мерос шахс вафотидан кейин унинг бошка шахсга утиши мумкин булган хукук ва мажбуриятлардан иборатдир. Аникрок килиб айтганда, фукарога хусусий мулк асосида тегишли булган уй-жой, автомашина ва бошка мол-мулклар эмас, балки шу мол-мулкка нисбатан булган хукук мерос объекти сифатида мерос таркибига киради. Конун фукароларнинг хусусий мулк хукукини мерос хукуки билан бевосита боглайди, уни бошка мулк шакллари билан бирга баб-баравар химоя килади. Узбекистон фукаролик конунчилигида мерос хукуки мероснинг очилиши, уни химоя килиш, мерос олиш хукукига эга булган шахслар, мерос таркиби ва уларни саклаш, бошкариш, куриклаш ва тасарруф килиш меросхурларга утиш таркибига утиш шартларини белгилаб берувчи хукукий нормалар йигиндисидан иборатдир. Мерос хукуки мерос колдирувчининг уз мулкига нисбатан вафотидан кейинги хохиш иродасини, шу билан бирга, унинг хаётлик вактида мерос колдирган мол-мулкка нисбатан булган муносабатининг васиятнома расмийлаштириш йули билан тартибга солади. Ворислик эса, мерос мулкни маълум шахсларга мерос очилгандан кейин утиш тартиби хисобланиб, конунда унинг икки йули аник белгилаб

куйилган. Ворислар конун билан белгиланиб куйилган булади ёки мерос колдирувчи томонидан васиятномада белгиланади. Ворислар, асосан, мерос колидирувчи билан кариндошлик муносабатларида булган шахслардан иборат булгани сабьабли, мерос хукуки оила ва оилавий муносабатларни мустахкамлашда хам катта рол уйнайди. Ворислик – ижтимоий муносабатларнинг алохида бир тури хисобланиб, мол-мулкнинг ёки мулкка булган хукук ва мажбуриятларнинг бир шахсдан (мерос колдирувчидан) иккинчи шахсга (меросхурларга) утиши билан боглик. Шунинг учун хам у хаммадан аввал, иктисодий ходиса булиб вужудга келади, иктисодий муносабат сифатида вафот этган шахс мулкининг ёки мулка булган хукук ва мажбуриятларнинг меросхурларга утишини белгилайди. Бу муносабатлар фукаролик конунчилиги коидаларига асосан тартибга солинади. Демак, ворислик хукуки вафот этган шахснинг хусусий мулкини, мулкий хукук ва мажбуриятларининг бошка шахсларга, яъни меросхурларга утиш шартлари ва тартибини белгилаб берувчи хукукий нормалар йигиндисидан иборатдир. Ворислик хукуки мерос хукукининг бир кисми сифатида мерос таркибига кирган мол-мулк, мулкий хукук ва мажбуриятларнинг конунда белгилаб куйилган хамда васиятномада мерос колдирувчи томонидан курсатилган шахсларга конунда назарда тутилган ёки мерос колдирувчи томонидан белгиланган шарт ва тартибга утиш коидаларини уз ичига олади. Ворислик хукуки вафот этган (мерос колирувчи) шахс мулкининг ворисларга утиш билан боглик булган хукукий нормалар йигиндисидан иборатдир. «Ворислик хукуки, -- деб ёзади Б.С. Антимонов ва К.А. Граве, -- фукаролар вафот этганда уларнинг маълум бир хукук ва мажбуриятларнинг бошка шахсларга утишини белгилаб берувчи фукаролик хукукий нормалар йигиндисидан иборатдир».

Демак, ворислик хукуки мерос хукуки мазмунини тула уз ичига олмасдан, балки унинг бир кисмини факатгина мерос мулкнинг ворисларга утиш шарти ва тартибини белгилайди холос. Мерос таркибига ашёларгина кирмасдан, балки мерос колдирувчининг бошка жисмоний ва юридик шахсларга нисбатан булган хар хил конуний талаблари хам киради. Масалан, мерос колдирувчининг олиши лозим булган, лекин ололмай колган иш хаки, муаллифлик хакига булган хукуки ва бошкалар. Мерос таркибига факатгина талаб килиши хукуки эмас, балки мерос колдирувчининг мулкий мажбуриятлари хам киради. Демак, ворислик деганда мулкий хукук ва мажбуриятларнинг хам вафот этган шахсдан конунда ёки васиятномада курсатилган шахсларга белгиланган шарт ва тартибга утиши тушунилади. Мерос ворислик хукуки асосида конунда белгиланган ёки мерос колдирувчи белгилган тартибда ва шартларда тегишли шахсларга – конун буйича мерос меросхурларга ёки васият буйича меросхурларга утиши лозим булган мулкий хукук ва мажбуриятлардан ёки номулкий хукук ва мажбуриятлардан иборат булиб, унинг мерос колдирувчидан меросхурларга утиш тартибини ворислик хукуки белгилайди. Вафотидан кейин ворислик хукуки асосида мол-мулки ёки мулкка булган хукук ва мажбуриятлари бошка шахсларга утадиган шахслар мерос колдирувчи булиб хисоблангадилар. Мерос колдирувчи узининг хусусий мулкини, мулкка булган хукук ва мажбуриятларини узи вафот этганидан кейин тасарруф этиш хукукининг кимга утишини амалдаги конунлар асосида белгилаб куйиш буйича фармойиш бериш хукукига эга. Унинг бу хукуки Узбекистон Республикаси Конститутциясининг 54-моддасида белгиланган: «Мулкдор мулкига уз хохишича эгалик килади, ундан фойдаланади ва уни тасарруф этади», --деган коидадан келиб чикади. Мерос колидирувчининг конунга мувофик уз эрки билан белгилаб куйилган шарт ва тартибдаги ворислик васият буйича ворислик дейилади.

Агар мерос колдирувчи уз хусусий мулкининг узи вафот этгандан кейинги такдирини белгилаб куймаган булса, ворислик конун буйича амалга оширилади. Демак, конунда белгилаб куйилган ёки васиятномада махсус курсатилган мерос колдирувчининг хукук ва мажбуриятларини уз зиммасига олган шахслар -- ворис яъни меросхур хисобланадилар. Меросхур булиш шахснинг фукаролигига ёки муомала лаёкатига боглик эмас. ФКнинг 1118-моддаси: Меросхурлар. Мерос очилган пайтда хаёт булган фукролар, шунингдек, мерос колдирувчининг хаётлик пайтида хомила холида булган ва мерос очилгандан кейин тирик тугилган болалари васият ва конун буйича меросхур булишлари мумкин. Мерос очилган пайтда тузилиб булган юридик шахслар, шунингдек, давлат ва фукароларнинг узини-узи бошкариш органлари хам васият буйича меросхур булишлари мумкин. Аммо мерос мулкнинг такдирини хал килиш васият буйича амалга оширилиши лозим булган холларда, мерос колдирувчи, албатта, тула муомала лаёкатига эга булиши шарт. Мерос колдирувчи вафот этган пайтда хаёт булмаган конун буйича ворислар доирасига кирган шахсларнинг хиссалари, одатда, такдим килиш хукуки буйича уларнинг ворисларига утади. Демак, ворислик хукукининг вазифаси вафот этган шахснинг мулкий хукук ва мажбуриятларни бошка шахсларга меросхурларга утишини конун билан белгиланган тартибда таъминлашдан иборат. Шундай килиб, шахс уз хусусий мулкининг узи вафот этгандан кейинги такдирини узи хаётлигида белгилаш, мероснинг очилиши, меросхурлар доирасини аниклаш, меросни саклаш мухофаза килиш ва бошкариш меросни таксимлаш, меросга булган хукук тугрисида гувохнома бериш, меросдан воз кечиш, мерос мулкдан килинадиган харажатлар, меросни эгасиз деб топиш, бошка мерос мулк

билан боглик муносабатларни тартибга солувчи коидаларни назарда тутган мерос хукукини амалга оширишни хукукий кафолати – мерос хукуки институтини ташкил этади. Узбекистон Республикаси Фукаролик кодексининг 1112-моддаси: Ворислик асослари. Ворислик васият ва конун буйича амалга оширилади. Конун буйича ворислик васият мавжуд булмаса ёхуд бутун мероснинг такдирини белгиламаса, шунингдек, ушбу кодексда белгиланган бошка холларда амалга оширилади. Мулк эгаси узига тегишли булган хусусий мулкнинг такдирини васият буйича хал килмаган ва узи вафот этгандан кейин унинг маълум бир шахс томонидан тасаввур килишини белгиламаган холларда конун буйича ворислик вужудга келади. Бундан ташкари, конун буйича ворислик: биринчидан, васиятнома кисман ва бутунлай хакикий эмас деб топилган холларда; иккинчидан, мерос мулкнинг хаммаси васият килинмасдан колган такдирда, васият килинмаган кисмига; учинчидан, васият буйича меросхур мерос очилганидан кейин меросни кабул килмасдан вафот этган булса; туртинчидан, васият буйича меросхур меросни олишдан бош тортган ёки ундан воз кечган холларда вужудга келади. Конун буйича меросхур мерос колдирувчи билан кон-кариндошлик ришталари билан богланган, яъни мерос колдирувчининг оила аъзолари, мехнатга лаёкатсиз, унинг каромогида булган, оила аъзолари булмаган шахслар булишлари мумкин. Демак, конун буйича меросхурлар булиш учун улар нафакат мерос колдирувчининг расман кон-кариндошлари булиши, шунингдек, амалда хаётда хам якин кишилари булиши керак. Конун буйича ворислик муносабати билан мерос колдирувчининг хукук ва мажбуриятлари утиш тартиби ва шартлари конунда белгилаб куйилган. Мерос колдирувчининг мол-мулки конунда белгиланган тартибда,

микдорда ва навбатда меросхурлар уртасида булинади. Конунда белгиланмаган шахсларга ёки белгиланган тартибни бузиб, мерос мулкни якин кариндошларга ёки бошка якин кишиларга, мерос колдирувчининг карамогида булмаган шахсларга берилиши мумкин эмас. Конун буйича ворислик хукуки мерос колдирувчининг вафоти ёки унинг суд карори билан вафот этган деб эълон килиниши бирданига ва тулигинча меосхурларга утади. Васият буйича ворислик мерос колдирувчининг эрки билан вужудга келади. Васият буйича ворислик тайинланганда мерос колдирувчининг хукук ва мажбуриятлари меросхурлар уртасида таксимланиши, шунингдек, ворисларни белгилаш факатгина мерос колдирувчининг эрки билан амалга оширилади. Меросдан четлаштириш ёки мерос олишдан махрум килиш факат конунда белгиланган асосларда ва тартибда амалга оширилиши мумкин. Ворислик асослари конун буйича ворисликда хам, васият буйича ворисликда хам келишув мавзуи булиши мумкин эмас. Аммо хаётда ва хатто, суд амалиётида хам бундай келишувлар булиб туради. Масалан, нотариал тартибда тасдикланган васиятнома асосан фукаро Сотиболдиев узига тегишли булган уй-жойини ва жамгарма банкида сакланаётган омонат маблагини невараси Боходиржонга васият килиб колдирган. Сотиболдиев вафотидан кейин унинг вояга етган болалари судга мурожаат килиб, мерос колдирувчи огир касаллиги сабабли васиятномага имзо килиш имконияти булмаган, васиятнома калбакилаштирилган деган асосда уни хакикий эмас деб топишни сураганлар.Туман судининг ажрими билан иш юритиш бекор килиниб, тарафларнинг мерос мулкни таксимлаш хакидаги узаро келишуви тасдикланган. Иш кассация тартибида курилмаган вилоят судининг раёсати вилоят прокурорининг назорат таркибидаги протестини рад килиб, туман судининг ажримини кучида колдирган. Республика бош прокурорининг уринбосари томонидан келтирилган протести иш буйича всиятноманинг хакикий ёки хакикий эмаслигини аникламасдан туриб, масалани хал килиши

мумкин эмаслигини асос килиб, туман судининг ажримини ва вилоят суди раёсати карорининг бекор килиб, ишни кайтадан куришга юбориш тугрисидаги талаби Олий суднинг фукаролик ишлри буйича суд хайъатининг ажрими билан каноатлантирилади. Мерос хукукининг асосий узига хос белгилари куйидагилардан иборат: 1. Мерос хукуки хусусий мулкни, мулкий хукук ва мажбуриятларни химоя килиш уни мустахкамлаш воситаси хисобланади. 2. Мерос колдирувчи уз вафотидан кейин хам хусусий мулкининг сакланишини, унинг купайишини, ривожланишини, усишини, оилани мустахкамлашдаги омилларини хисобга олиб унинг кимга утишига бефарк карай олмайди. 3. Конун буйича ворислар булиб, асосан, кон-кариндошлик муносабати билан боглик оила аъзолари хамда оила аъзолари булмаган, лекин мехнатга лаёкатсиз ва ёрдамга мухтож мерос колдирувчи карамогида булган шахслар хисобланадилар. Конун буйича ворислар мерос колдирувчига расман ва шу билан бирга амалда хам энг якин кишилардир. 4. Мерос хукуки буйича мерос мулкдан олинадиган хисса эркаклар учун хам, хотинлар учун хам, кайд килинган никохдан тугилган болалар учун хам, фарзандликка олинган болалар учун хам баб-баравардир. 5. Васият буйича мерос колдрилганда меросхурлар доираси кенгайиб, нафакат жисмоний шахсларга, шу билан бирга, ташкилотларга хам берилиши мумкин. 6. Конун буйича ворислар булмаган такдирда ва васият буйича хам меросхур тайинланмаган холларда, мерос мулк суднинг хал килув карори билан эгасиз деб топилиб, давлат ёки фукароларнинг узини-узи бошкариш органи ихтиёрига утади.

Мероснинг очилиш вакти ворислик хукуки асосида мерос мулкни каьбул килиш мероснинг очилиш муносабати билангина амалга оширилади. Конун ворислик хукукий муносабатларининг келиб чикишини мероснинг очилиши билан боглайди шунинг учун хам мероснинг очилиш вакти мухим ва зарур ахамият касб этади. Ворислик хукукининг вужудга келиши муайян бир ходисанинг содир булиши билан боглик. Бундай ходиса, биринчидан, фукаронинг вафот этиши, ёки иккинчидан, фукаронинг суднинг хал килув карори билан вафот этган деб эълон килиниши хисобланади. Мероснинг очилиши маълум бир вактга вужудга келади. Мероснинг очилиш вактини тугри аниклаш меросга оид хукукий муносабатларни амалга оширишда гайриконуний харакатларнинг олдини олишга имкон беради. Мероснинг очилиш вактини тугри аниклаш мерос тарикасида утадиган хукук ва мажбуриятларнинг таркибини белгилаш, меросхурларнинг доирасини аниклаш, конун буйича ёки васият буйича белгиланган мерос мулкни кабул килиб олиш ёки ундан воз кечиш, меросга булган хукук тугрисида гувохнома бериш ва киридиторларнинг даъво кузгатиши учун муддатни белгилаш хамда бошка меросга оид хукукий муносабатларни амалга ошириш билан бевосита богликдир. ФКнинг 1116- моддасига асосан мерос колдирувчининг улган куни (зарур булганда пайти хам), у вафот этган деб эълон килинганда эса агар суднинг карорида бошкача муддат курсатилган булмаса, вафот этган деб эълон килиш тугрисидаги суднинг хал килув карори конуний кучга кирадиган кун – мерос очилган вакт деб саналади. ФКнинг 36-моддаси: Фукарони вафот этган деб эълон килиш. Агар фукаронинг каерда турганлиги хакида унинг яшаш жойида уч йил мобайнида маълумот булмаса, башарти у улим хавф солиб турган ёки муайян бахтсиз ходисадан халок булган деб тахмин килиш учун асос буладиган вазиятларда бедарак йуколган булиб, унинг каердалиги хакида олти ой

мобайнида маълумотлар булмаса, манфаатдор шахсларнинг аризасига мувофик суд уни вафот этган деб эълон килиши мумкин. Харбий харакатлари муносабати билан бедарак йуколган харбий хизматчи ёки бошка фукаро харбий харакатлар тамом булган кундан эътиборан камида икки йил утгандан кейин суд томонидан вафот этган деб эълон килиниши мумкин. Суднинг фукарони вафот этган деб эълон килиш хакидаги карори конуний кучга кирган кун вафот этган деб эълон килинган фукаронинг улган куни деб хисобланади. Улим хавф солиб турган ёки муайян бахтсиз ходисадан халок булган деб тахмин килиш учу насос буладиган вазиятларда бедарак йуколган фукаро вафот этган деб эълон килинган такдирда, суд унинг тахмин килинган халокат кунини ушбу фукаронинг улган куни деб топиши мумкин. Фукарони вафот этган деб эълон килиш бундай фукаронинг хукук ва бурчлари борасида унинг улими олиб келиши мумкин булган окибатларни вужудга келтиради. Никох муносабатлари ёки кон-кариндошлик туфайли бир-бирлари билан богланган шахсларнинг бир вактда вафот этишлари, уларнинг хар бирининг ворислари мустакил равишда ворисликка чакирилишига сабаб булади. Масалан, автоавария окибатида эр ва хотин бир пайтда халок булдилар. Эрнинг олдинги хотинидан бир боласи ва хотининг хам олдинги эридан бир болси колган. Нотариус меросни таксимлаганда, аввало улардан колган мол-мулкни Оила кодексининг 23, 25 ва 27- моддалари, хамда никох шартномасига асосан, хар бирининг хусусий, шахсий ва биргаликдаги мулкларини аниклаб, 27 ва 28-моддалар тартибида биргаликдаги мулкдан уларнинг хиссаларини белгилаб, меросни ворислар уртасида адолатли таксимлаш чораларини куради. Чунки эр билан хотин уртасида ворислик хукуки пайдо булмайди. Уларнинг хар биридан кейин мерос очилгани сабабли хар иккаласининг

меросхурлари узларининг, бири отасининг ва бири онасининг мерос мулкига ворис буладилар. Васиятнома берган шахс билан васиятнома буйича хукук олувчи шахс бир вактнинг узида вафот этган такдирда васият буйича мерос очилмайди. Мерос мулк конун буйича ворисларга утади. «Б» нотариусга мурожаат этиб, отаси «К»нинг номига бобоси «В»томонидан васият килиб колдирилган енгил автомашина «Жигули»га меросга булган хукуки хакида гувохнома беришни сураган. «К» ва «В» бир пайтда автоаварияда халок булганлари сабабли васият буйича мерос очилмаслиги ва ФКнинг 1116-моддасининг 3-кисмига асосан биридан кейин бошкаси мерос олишга хакли булган шахслар бир календар сутка ичида вафот этган такдирда, мерос уларнинг хар биридан кейин очилиши ва хар бирининг меросхурлари ворисликка алохида чакирилишлари тушунтирилган. Демак, «К»га васият килинган «В» нинг «Жигули» енгил машинаси унинг конун буйича ворисларига утади . Ворислик хукукуий муносабатларига тадбик этилиши лозим булган конун хужжатларини тугри аниклаш хам мероснинг очилиш вактини аник белгилшга боглик. Чунки меросхурлар доираси хам, мерос муносабатларига тадбик килиш лозим булган конунлар хам мероснинг очилиш пайти билан белгиланади. Узбекистон Республикаси Фукаролик кодексини амалга киритиш тартиби тугрисидаги 1996 йил 29 август Олий Мажлис карорининг 12 бандида ФКнинг 1112-1157-моддаларида назарда тутилган мерос хукуки нормалари 1997 1 мартгача мерос очилган булиб, аммо меросхурларнинг хеч бири томонидан кабул килиб олинмаган ва мерос хукуки буйича давлат ёки фукароларнинг узини-узи бошкариш органи мулкига утказилмаган меросга нисбатан хам тадбик килиниши белгилаб куйилди. Демак, 1997 йил 1 мартгача, яъни ФК амалга киритилгангача кабул килиб олинган мерос мулк тугрисида ворислар уртасида ёки бошка шахслар уртасида келиб чиккан низолар амалдаги фукаролик конуни

нормалари билан эмас, балки эски фукаролик конунининг мерос хукуки коидаларига асосан хал килиниши керак ФКнинг мерос хукукига доир коидалари 1997 йил 1 мартгача очилган ва кабул килиб олинмаган мерос мулк юзасидан оркага кайтиш кучига эга. Ворисликка доир хукукий муносабатлар мерос очилган пайтдаги амалда булган конун хужжатлари билан тартибга солинади. Шу сабабдан мероснинг очилиш жойини тугри аниклаш конуннинг хукукий муносабатга тугри тадбик килинишини таъминлайди. Мероснинг ворислар томонидан кабул килиниши мерос мулкни улар уртасида таксимлаш тартибини белгилашда мухим ахамият касб этади. Мероснинг очилиш жойини аниклаш билан мерос мулкни куриклаш, уни бошкариш, конунда белгиланган тартибда меросга булган хукук тугрисида гувохнома берадиган нотариал идорасини аниклаш, кридиторларнинг талабларини куриб хал киладиган идораларни белгилаш ва бошка мерос очилиш жойи билан боглик масалаларни тугри хал килиш таъминланади. «Фукароларнинг доимий ёки асосан яшаб турган жойи, -- дейилади. Фкнинг 21-моддасида, -- унинг яшаш жойи хисобланади. Ун турт ёшга тулмаган вояга етмаганларнинг, (кичик ёшдаги болаларнинг) ёки васийликда булган фукароларнинг конуний вакиллари – ота-оналари, фарзандликка олувчилари ёки васийлари яшайдиган жой вояга етмаганлар ёки васийликда булган фукароларнинг яшаш жойи хисобланади». ФКнинг 1117-моддасига мерос колдирувчининг охирги доимий яшаб турган жойи мероснинг очилиш жойи деб белгиланган. Агар мерос колдирувчининг охирги яшаб турган жойи номаълум булса, унинг кучмас мулки ёки унинг асосий кисми турган жой, кучмас мулки булмаган такдирда, кучар мулкининг асосий кисми турган жой мерос очилган жой хисобланади.

Демак, мерос колдирувчининг мулки бир неча жойда жойлашган такдирда мерос очилган жой булиб, унинг асосий кисми турган жой хисобланади. Узининг асосий турар жойидан вактинча бошка жойда – харбий хизматда, укув юртларида, камок жойларида чет элларда яшаб турган шахслар вафот этганда, уларнинг аввал турган доимий турган жойлари мерос очилган жой хисобланади. Мерос колдирувчининг доимий яшаш жойини уй-жой бошкармалари, махалла кумиталари, фукароларнинг узини-узи бошкариш органи томонидан берилган хужжатларга асосан, уй дафтаридан олинган кучирма ёки паспортидан аниклаш мумкин. Демак, мероснинг очилиш жойини аниклаш хужжатларга асоан имконияти булмаган холларда, нотариус меросхурлардан мероснинг очилиш жойини белгилаш хакидаги конуний кучга кирган хал килув карорини талаб килиши керак.

А Д А Б И Ё Т Л А Р: 1. Узбекистон Республикаси Конституцияси Т.. “Узбекистон” 2003 2. Каримов И.А. “Узбекистон бозор мунособатларга утишнинг узига хос йули” Т.. “Узбекистон” 3. Узбекистон Республикаси Олий Мажлисининг Ахборотномаси. 2000 йил 5-8- сонлари. 4. Узбекистон Республикаси Хукуматининг карорлари туплами 5. www.ziyonet.uz

Похожие

Омонат саклаш шартномаси хакида умумий коидалар

Ворислик ҳуқуқи

Ворислик ҳуқуқи. Ворислик асослари. Меросни эгаллаш

Конун буйича ворислик

Васият буйича ворислик