Ижро ҳужжатини ижро этмаганлик учун жавобгарлик - Юриспруденция - Рефераты

Ижро ҳужжатини ижро этмаганлик учун жавобгарлик

Загружено в:

28.10.2023

Скачано:

0

Размер:

27.3896484375 KB

Ижро ҳужжатини ижро этмаганлик учун жавобгарлик Режа: 1 .Жисмоний шахсларнинг ижро ҳужжатини ижро этмаганлик учун жавобгарлиги. 2.Ижро ҳужжатини ижро этишга тўсқинлик қилганлиги учун жавобгарлик. 3. Суд ҳужжатлари ва бошқа органлар ҳужжатларини ижро этиш тўғрисидаги қонун ҳужжатларини бузганлик учун жавобгарлик

Жисмоний шахсларнинг ижро ҳужжатини ижро этмаганлик учун жавобгарлиги. Фуқароларнинг ижро ҳужжатини ижро этмаганлик учун жавобгарлиги фақатгина ижро иши юритиш талабларини бузгандагина келиб чиқади. Фуқароларга ижро ҳужжатини ижро этмаганлик учун жавобгарлик ни қўллаш ваколатли давлат органлари томонидан амалга оширилади. Жисмоний шахсларга ижро ҳужжати талабини бажармаганлиги учун жавобгарликка тортишга суд ижрочилари ҳамда суд ваколатли. Ижро иши юритиш жараёнининг бошқа иштирокчилари ҳам фуқаровий ҳуқуқий жавобгарликка тортилиши мумкин. Масалан, сақловчи хатланган мулкни йўқотганлиги ёки унга зиёнетказганлиги сабаб жавобгарликка тортилади. Сакловчи қарздорнинг хатланганган мулкини яширганлиги, бошқа бировга ноқонуний берганлиги ёки сотиб юборганлиги учун нафақат жиноий, балки моддий жавобгарликка ҳам тортилади. “Суд ҳужжатлари ва бошқа органлар ҳужжатларини ижро этиш тўғрисида”ги Қонунга мувофиқ қарздор ижро ҳужжатини белгиланган муддатда узрсиз сабабларга кўра ижро этмаганда, шунингдек унинг ижросига тўсқинлик қилган ҳолларда қонунда белгиланган тартибда жавобгарликка тортишга асос бўлади.

Ижро ҳужжатини ижро этишга тўсқинлик қилганлиги учун жавобгарлик. Ўзбекистон Республикаси Конституциясининг 114-моддасига мувофиқ суд ҳокимияти чиқарган ҳужжатлар барча давлат органлари, жамоат бирлашмалари, корхоналар, муассасалар, ташкилотлар, мансабдор шахслар ва фуқаролар учун мажбурийдир. Суд ҳужжатини бажаришдан бўйин товлаш, унинг ижро этилишига тўсқинлик қилиш одил судлов обрўсига путур, давлат ва жамоат манфаатларига зарар етказади, жисмоний ва юридик шахсларнинг бузилган ҳуқуқ ва қонуний манфаатлари тикланишига қаратилган фаолиятга салбий таъсир кўрсатади. Шу муносабат билан, Жиноят кодекси суд ҳужжатини бажаришдан бўйин товлаш ва унинг ижро этилишига тўсқинлик қилиш билан боғлиқ қатор жиноятлар, қайсики вояга етмаган ёки меҳнатга лаёқатсиз шахсларни моддий таъминлашдан бўйин товлаш (ЖК 122-моддаси ), ота-онани моддий таъминлашдан бўйин товлаш (ЖК 123-моддаси ), меҳнат қилиш ҳуқуқини бузиш (ЖК 148-моддаси ), суд ҳужжатини ижро этмаслик (ЖК 232-моддаси ), банд солинган мулкни қонунга хилоф равишда тасарруф этиш (ЖК 233- моддаси ) учун жиноий жавобгарликни назарда тутади.

Суд ҳужжатлари ва бошқа органлар ҳужжатларини ижро этиш тўғрисидаги қонун ҳужжатларини бузганлик учун жавобгарлик. Суд ҳужжатлари ижтимоий муносабатларни ҳуқуқий тартибга солиш тизимида ўзининг муносиб ўрнига эга бўлган юридик воситалардир. Зотан, суд ҳужжатлари ёрдамида ҳуқуқий нормаларнинг амалга ошиши юз беради ҳамда ҳуқуқий тартибга солиш тизимида вужудга келган “носозлик”лар бартараф этилади 1 . Суд ҳужжатини ижро этмаслик кўпчилик ҳолатларда нафақат суднинг обрўсига дахл қилади, балки жуда катта иқтисодий зарар етказиши ҳам мумкин. Суд ҳужжатини ижро этмаслик ижтимоий хавфли қилмиш ҳисобланади. Суд ҳужжатлари ижросини таъминлашда уларни ижро этмаганлик учун жавобгарлик чораларининг белгиланиши ушбу қилмишлар содир этилишининг олдини олишда муҳим аҳамиятга эга. Қарздор ижро ҳужжати талабини ихтиёрий равишда ижро этиш учун белгиланган муддатда узрсиз сабабларга кўра ижро этмаса, жавобгарликни келтириб чиқаради. Суд ижрочисининг ўз ваколатлари доирасидаги ижрони амалга ошириш билан боғлик талаблари Ўзбекистон Республикаси ҳудудида барча органлар, жисмоний ва юридик шахслар томонидан бажарилиши мажбурийдир.Суд ижрочисининг қонуний талабларини бажармаслик, унинг зиммасига юкланган вазифаларни бажаришига монелик қилувчи хатти- ҳаракатлар содир этиш қонунда белгиланган тартибда жавобгарликка сабаб бўлади. Ижро ҳужжати уни ихтиёрий равишда ижро этиш учун белгиланган муддатда узрсиз сабабларга кўра ижро этилмаган тақдирда ёки қарздор зиммасига муайян ҳаракатларни амалга ошириш ёхуд бундай ҳаракатларни амалга оширишдан ўзини тийиш мажбуриятини юкловчи ижро ҳужжати узрсиз сабабларга кўра суд ижрочиси белгилаган муддатда ижро этилмаган тақдирда, суд ижрочиси жисмоний шахсларга энг кам иш ҳақининг ўн бараваригача миқдорда, мансабдор шахсларга энг кам иш ҳақининг ўн беш бараваригача миқдорда жарима солади. 1 Н.С Пулатова. Ҳуқуқий тартибга солиш механизмида суд ҳужжатларининг роли (назарий-ҳуқуқий масалалар). Юрид. фан. номз. илм. дараж. олиш учун дисс.. автореферати. – Тошкент, 2011. – Б.12.

1. СЕМИНАР САВОЛЛАРИ : 1. Ижро ҳужжатини ижро этмаганлик учун кандай жавобгарлик белгиланган? 2. Ижро ҳужжатини банк ёки бошка кредит ташкилоти томонидан ижро этмаганлик учун қонунда қандай жавобгарлик назарда тутилган ? 3. Суд ижрочиси қарздорга қандай ҳолларда жарима солиши мумкин? 4. Маъмурий жавобгарликка тортиш асосларини айтиб беринг. 5. Суд ижрочисининг талабларини бажаришнинг мажбурийлиги тушунчасининг мазмунини очиб беринг. 6. Суд ҳужжатлари ва бошқа органлар ҳужжатларини ижро этиш тўғрисидаги қонун ҳужжатларини бузганлик қандай оқибатларга олиб келади? 7. Суд ҳужжатини ижро этмаслик оқибатлари хусусида тушунчаларни ёритинг. 8. Жисмоний шахсларнинг ижро ҳужжатини ижро этмаганлик учун жавобгарлиги қандай ҳал қилинади? 9. Ижро ҳужжатини ижро этишга тўсқинлик қилганлиги учун жавобгарлик масаласини ёритиб беринг. 10. Жарима суммаси ким томонидан ва қандай белгиланади.

1. Мустақил тайёрланиш учун масалалар: Вазифа№1 Суд ижрочиси қарздордан ундирувчи фойдасига 700000 сўм ундириш ҳақидаги берган ижро ҳужжати бўйича ижро иши қўзғатди. Ижро ҳаракатларини ихтиёрий амалга ошириш учун беш кун муддат бериб, ўз вақтида тўламаслик оқибат ларини тушунтирди. Қарздор ижро ҳужжати ижросини бўлиб-бўлиб ижро қилишини айтди. Суд ижрочиси қарздорнинг фиқрига эътибор қилмасдан унинг мол-мулкига ундирув қаратди. Суд ижрочисининг ҳаракатлари қонунийми? Вазифа№2 Ундирувчига тегишли бўлган музлатгичнини вақтинча сақлаш учун қабул қилган сакловчи Қодиров унга ҳеч қандай зарар етказмаган ҳолда фойдаланиб турди. Бундан норози бўлган ундирувчи Қодировдан музлатгичдан фойдалнганлиги учун пул талаб қилди. Ундирувчинингталабитўғрими? Вазифа№3 Суд ижрчиси Ботиров қарздор Наимованинг ижро ҳужжати талабини бажариш учун мол – мулки ва бошқа турдаги пул маблағлари йўқ бўлганлиги сабабли, ундирувни Наимованинг ҳомиладорлик ва туғиш бўйича тўланадиган нафақа суммаларига қаратди. Суд ижрочисининг ҳаракатига юридик баҳо беринг? Вазифа№4 Суднинг қарорига асосан қарздор Сатторовни ундирувчи олдидаги 12.000.000 сўм қарзини ундириш бўйича қарздорнинг номида ҳеч қандай мол – мулк ва пул маблаглари аниқланмаганлиги сабабли, суд ижрочиси Сатторовнинг турмуш ўртоғининг номида бўлган, никоҳ даврида олинган Матиз русумли автомашинага ундирувни қаратди. Суд ижрочисининг ҳаракати қонунийми?

Адабиётлар 1. Қарздор жисмоний шахсга иш ҳақи ёки унга тенглаштирилган тўловларни тўлаётган ташкилотлар ёки бошка шахслар томонидан ижро ҳужжатларини ижро этиш қоидалари. // "Ўзбекистон Республикаси қонун ҳужжатлари тўплами". 2009, № 28, 329-модда. 2. Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат, 2010, 464- бет. 3. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 4. У.А. Тухташева. Ижро иши юритиш. Дарслик. Т., ТДЮИ, 2009, 308 -бет. 5. Ижро иши юритишга оид процессуал ҳужжатлар намуналари тўплами. Т., Адолат, 2010, 512- бет 6. Д. Ҳабибуллаев. Суд қарорлари ижроси муаммо ва ечим. “Ҳуқуқ ва бурч”. Т., 2009, № 10, 36-38-бет. 7. Б.Юсупов. Суд ҳужжатини ижро этмаганлик учун жиноий жавобгарлик муаммолари.Монография. Т.,2011,173-бет. 8. Й.Ш. Нарзиев, С.РБозоров. Ижро иши юритуви. Ўқув-услубий қўлланма. Т., ТДЮИ, 2008, -2.3 б.т. 9. У.А.Тухташева, Л.Г.Тон. Исполнительное производство. Учебно- методическое пособие.Т., ТГЮИ, 2010, стр. 175.

Похожие

Ижро интизоми

Суд қарорларининг ижро этилиши

Суд қарорларининг ижро этилиши

Суд ҳужжатларини ижро этиш

Ижро иши юритишдаги харажатлар