Hozirgi zamon Xalqaro huquqi sub'yektlari - Юриспруденция - Рефераты

Hozirgi zamon Xalqaro huquqi sub'yektlari

Загружено в:

20.09.2019

Скачано:

0

Размер:

91.5 KB

Hozirgi zamon Xalqaro huquqi sub'yektlari Reja: 1. Sub'yekt tushunchasi. Xalkaro huquqiy sub'yektlik mazmuni. 2. Sub'yektlarning turlari. Davlatlarning huquqiysub'yektivligi. 3. Davlat suvereniteti 4. Mustaqilligi uchun kurashayotgan millatlar va xalqlarning xalqaro huquqiysub'yektligi. 5. Xalkaro tashkilotlarning huquqiy sub'yektivligi 6. Davlatlarni tan olish. Davlatlarning meros huquqi

Sub'yekt tushunchasi. Xalkaro huquqiy sub'yektlik mazmuni. «Huquq subekti» tushunchasi davlat va huquq nazariyasida ishlab chiqilgan bo‘lib, davlatlarning ichki huquqi yoki xalqaro huquqga nisbatan emas, balki umuman huquqga nisbatan qo‘llaniladi. Xalqaro huquq ma’lum xalqaro munosabatlarni tartibga soladi, buning natijasida ular xalqaro-huquqiy munosabatga aylanadi. Xalqaro huquq meyorlari bilan tartibga solingan xalqaro-huquqiy munosabatlarning qatnashchilari xalqaro huquq subektlari deb ataladi. Huquqiy munosabatlar boshqa ijtimoiy munosabatlardan shunisi bilan farqlanadiki, ularning ishtirokchilari — subektlari huquq meyorlarida belgilangan yuridik huquq. va majburiyatlarga ega bo‘ladi. Huquq meyori asosida subektga tegishli bo‘lgan muayyan yuridik huquq uning subektiv huquqi hisoblanadi. Unga xalqaro huquqda har doim boshqa xalqaro — huquqiy munosabat subektining subektiv majburiyatlari qarama-qarshi turadi. Huquq meyorlari tizimi obektiv ma’nodagi huquq yoki obektiv huquq deb yuritiladi. Xalqaro huquq tom ma’noda obektiv huquq hisoblanadi. Xalqaro huquq subektlari — xalqaro huquq meyorlari bilan subektiv huquq va subektiv majburiyatlarga ega bo‘lgan xalqaro-huquqiy munosabatlar qatnashchilaridir. Davlatlar diplomatik vakolatxonalarining immunitetlari va imtiyozlari, yuridik maqomi to‘g‘risidagi meyorlarni kodifikasiya qilgan 1961 yildagi Diplomatik aloqalar to‘g‘risidagi Vena Konvensiyasi xalqaro-huquqiy munosabatlarning potensial ishtirokchilari, ya’ni barcha davlatlar o‘rtasidagi tegishli munosabatlarni ko‘zda to‘tadi. Biroq A va B davlatlari o‘rtasidagi bunday xalqaro huquqiy aloqalarni amalga oshirish uchun ular nafaqat ushbu Konvensiya qatnashchilari bo‘lishi zarur, shuningdek, ma’lum bir yuridik fakt mavjud bo‘lishi, ya’ni: ushbu davlatlar va doimiy diplomatik vakolatxona muassasalari o‘rtasida o‘zaro kelishuvga muvofiq diplomatik aloqalar o‘rnatilishi zarur (Konvensiyaning 2- moddasi). Bungacha ular har qanday boshqa davlat kabi tegishli huquqiy munosabatlarning potensial subektlarigina bo‘lishi mumkinligini anglash qiyin

emas. Aynan shunday potensial imkoniyat ularni tegishli yuridik fakt mavjud bo‘lgan takdirda xalqaro huquqiy munosabatlarning real subektiga aylantiradi. Xalqaro huquq subektlari – xalqaro huquq meyorlari bilan subektiv huquq va majburiyatlarga ega bo‘lgan, shuningdek, tegishli huquqiy munosabatlarning real qatnashchilari bo‘lishi mumkin bo‘lgan taraflar, shaxslardir. Xalqaro huquqda «burch» atamasi o‘rniga «majburiyat» atamasi qo‘llaniladi, chunki tegishli majburiyatlar faqat xalqaro-huquqiy meyorlar bilan tartibga solingan ijtimoiy munosabatlarning potensial ishtirokchilarining roziligi bilangina majburiyat tusini oladi. Xususan, bu xalqaro-huquqiy munosabat ishtirokchilarining bir-biridan yuridik mustaqilligini, yuridik majburiy bo‘lgan xatti-harakat qoidalarini belgilovchi, o‘ziga buysundiruvchi tashqi hokimiyatning yo‘qligida o‘z ifodasini topadi. Agar «xalqaro huquq subekti» atamasi uzok vaqt davomida faqat xalqaro huquq nazariyasida foydalanib kelingan bo‘lsa, so‘nggi vaqtlarga kelib xalqaro- huquqiy hujjatlarda ham, xususan BMT doirasida qabul qilingan universal konvensiyalarda foydalanilmokda. Masalan, 1986 yildagi davlatlar va xalqaro tashkilotlar yoki xalqaro tashkilotlar o‘rtasidagi shartnoma huquqi to‘g‘risidagi Vena Konvensiyasining 3-moddasida «bitta yoki bir necha davlatlar o‘rtasida, bitta yoki bir necha xalqaro tashkilotlar va bir yoki bir necha davlat yoki xalqaro tashkilot hisoblanmaydigan xalqaro huquq subektlari o‘rtasida tuzilgan xalqaro bitimlar to‘g‘risida so‘z boradi». Boshqacha aytganda, davlatlar, xalqaro tashkilotlar va xalqaro huquq meyorlari bilan subektiv huquq va majburiyatlarga ega bo‘lgan qandaydir bir ijtimoiy tuzilmalar xalqaro huquq subekti hisoblanishi belgilangan. Xalqaro huquq subekti — xalqaro huquqning umumiy meyorlariga yoki xalqaro-huquqiy hujjatlarning talabiga muvofiq paydo bo‘ladigan xalqaro huquq va majburiyatlar egasidir. Shuningdek, bu xatti-harakatlari to‘g‘ridan-to‘g‘ri xalqaro huquq bilan tartibga solinadigan va xalqaro-huquqiy munosabatlarga kirishadigan yoki kirishi mumkin bo‘lgan shaxsdir. Xalqaro huquq fanida birlamchi va ikqilamchi (hosilali) xalqaro huquq

subektlariga bo‘linadi. Bunday farqlanish — obektiv voqelik, tabiiy-tarixiy jarayoni va hozirgi xalqaro huquqning rivojlanishi natijasidir. Birlamchi xalqaro huquq subektlari — avvalo davlatlar va ayrim hollarda xalqlar va millatlardir. Ular ijtimoiy organizm sifatida paydo bo‘lib, muqarrar ravishda o‘zaro aloqa o‘rnatadi, o‘zi uchun o‘zaro xalqaro muomala qoidasini yaratadi. Ikqilamchi (hosilali) xalqaro huquq subektlari birlamchi subektlar tomonidan yaratiladi. Ularning xalqaro huquqiy layoqatining hajmi uning tashkilotchilarining ixtiyori va maqsadiga bog‘liq. Bu hukumatlararo tashkilot bo‘lishi ham mumkin yoki erkin shaharlar singari davlatga o‘xshash tuzilma bo‘lishi ham mumkin. Tashkilotchilar ularni o‘z nomidan davlatlararo munosabatlarga kirishish huquqini beradi. Sub'yektlarning turlari. Davlatlarning huquqiysub'yektivligi. Uzok vaqt davomida davlatlar xalqaro-huquqiy munosabatlarning yagona subekti bo‘lib kelgan. Hozirgi xalqaro huquq meyorlari hamon, aksariyat, davlatlar o‘rtasidagi, shuningdek, davlatlar bilan xalqaro tashkilotlar va boshqa xalqaro huquq subektlari o‘rtasidagi o‘zaro munosabatlarni tartibga soladi. Shu bois, davlatlar — xalqaro huquqning asosiy subektlaridir va xalqaro huquqiy munosabatlarning asosiy real ishtirokchilaridir, chunki ular doimiy ravishda bir- biri bilan, xalqaro tashkilotlar va boshqa xalqaro huquq subektlari bilan o‘zaro munosabatda bo‘lishi zarur. Xalqaro huquqda «davlat» atamasining umumiy tushunchasi berilmagan. Lekin, bu tushuncha yuridik jihatdan har qanday davlatga hos bo‘lgan umumiy xususiyatdan — suverenitet tushunchasidan kelib chiqadi. Xususan, xalqaro huquqning barcha subektlariga har qanday davlatning suverenitetini hurmat qilish, davlatlarning ichki ishlariga aralashmaslik, xalqaro muomalada davlatlarning suveren tengligidan kelib chiqish majburiyatlarini belgilaydi. Davlatlar — xalqaro huquqning asosiy va birlamchi subekti, shuningdek, xalqaro munosabatlar faol ishtirokchisidir. Xalqaro-huquqiy ma’noda davlat uch

element:  birinchidan, muayyan hudud;  ikkinchidan, unda yashaydigan aholi;  uchinchidan, siyosiy tashkilot (hokimiyat) birligini namoyon qiladi. Xalqaro maydonda davlat siyosiy hokimiyat tashkiloti sifatida, ayniqsa, uning oliy organi nomidan xalqaro huquq subekti bo‘lib, davlatning rasmiy vakili sifatida chiqadi. Davlatning xalqaro huquq subekti sifatida xarakterlovchi asosiy belgisi davlat suvereniteti hisoblanadi. Xalqaro huquq subekti sifatida davlatning birlamchiligi shundaki, ular hech kim tomonidan tashkil qilinmaydi, ular obektiv tarixiy reallik sifatida mavjuddir. Boshqa tomondan, davlatlar o‘zlari xalqaro huquqning ikqilamchi (hosilali) subekti — xalqaro tashkilotlarni tashkil qilishi mumkin. Birlamchi subekt sifatida davlatlar universal xalqaro huquq layoqatiga ega. Birlamchilik davlatning xalqaro huquqni asosiy subekti sifatidagi rolini belgilaydi. Aynan davlatlar xalqaro huquq meyorlarini ishlab chiqadi, ularni buzganlik uchun javobgarlikni, xalqaro huquqiy tartibotni va xalqaro tashkilotlarning funksiyalarini belgilaydi. Davlatlarning ushbu imkoniyatlari o‘zlari tomonidan yaratilgan xalqaro huquq tamoyillari va meyorlaridan boshqa hech nima bilan chegaralanmagan. Mazkur tamoyillar va meyorlarga muvofiq davlatlar xalqaro huquq subekti sifatida xalqaro hujjatlarda, xususan BMT Ustavida mustahkamlab qo‘yilgan asosiy huquq va majburiyatlarga ega bo‘ladi. Biroq, hanuzgacha bunday huquq va majburiyatlar ro‘yxati ishlab chiqilmagan. Hozirgi zamon xalqaro huquq doktrinasi davlatlarning quyidagi asosiy huquqlarini ajratadi: - mustaqillik va o‘zining qonuniy huquqlarini erkin amalga oshirish; - o‘z hududi ustidan va uning doirasida xalqaro huquq tomonidan tan olingan immunitetlarga rioya qilgan holda barcha shaxslar va boshqa narsalarga nisbatan o‘z yurisdiksiyasini amalga oshirish; - boshqa davlatlar bilan teng huquqlilik; - qurolli bosqinchilikka nisbatan yakka va jamoa tartibida o‘zini mudofaa

qilish. Asosiy majburiyatlar: boshqa davlatlarning ichki va tashqi ishlariga aralashmaslik; inson huquqlarini hurmat qilish; o‘z hududida shunday sharoit belgilash lozimki, unda xalqaro tinchlikka xavf tug‘dirmasligi lozim; boshqa davlatlar bilan nizolarni tinchlik yo‘li bilan hal qilish; kuch ishlatmaslik yoki kuch bilan boshqa davlatlarning hududiy yaxlitligiga va siyosiy mustaqilligiga yoki xalqaro huquqga zid bo‘lgan boshqa tarzda tajovuz qilmaslik; o‘z majburiyatlarini buzayotgan davlat yoki BMT tomonidan ogohlantiruvchi yoki majburlovchi chora qo‘llanilayotgan davlatga yordam ko‘rsatmaslik; o‘z xalqaro majburiyatlarini vijdonan bajarish singari holatlarni kiritish mumkin. Xalqaro huquq uchun davlatlarni oddiy (unitar)ga va murakkabga bo‘lish ma’lum ahamiyatga ega. Davlatning hududiy-tashkiliy tuzilmasi turli xil bo‘lishi mumkin. Davlat tuzilishining oddiy (unitar) va murakkab (federativ va konfederativ) shakllari farqlanadi. Unitar davlatlar joylardagi hokimiyat organlari to‘liq bo‘ysundirilgan yuqori davlat hokimiyati organlarining yaxlit tizimini bildiradi. Unitar davlat hududi siyosiy mustaqillikka ega bo‘lmagan ma’muriy-hududiy birliklarga bo‘linadi. Bu holda faqat davlat yaxlit tuzilma sifatida xalqaro huquq subekti bo‘ladi. Unitar davlat — davlatning hududiy tashkillanishining ikki shaklidan biridir. Davlat, agar bu davlatning ko‘p qismi davlat tuzilmasi maqomiga ega bo‘lmasa unitar (oddiy) hisoblanadi. Unitar davlat tarkibida alohida avtonom milliy davlat, shu jumladan, o‘z davlatchilik belgilariga ega bo‘lgan tuzilmasi bo‘lishi mumkin (masalan, unitar Ukraina tarkibida Qrim Respublikasining mavjudligi). Unitar davlatda faqat yagona Konstitutsiya, bir fuqarolik, yuqori davlat hokimiyati organlarining yagona tizimi mavjud bo‘ladi. Unitar davlatning tarkibiy qismlari

aksariyat hollarda ma’muriy-hududiy bo‘linma maqomiga ega: ular markaziy organ tomonidan qabul qilingan qonunlar asosida boshqariladi, ularning hududi oddiy umumdavlat qonuni asosida, mahalliy organlar va mahalliy aholining roziligisiz o‘zgartirilishi mumkin. Unitar davlatning ikki turi: markazlashtirilmagan (detsentralizovanniy) va markazlashgan turi mavjud . Birinchi turdagi davlatlarda mintaqaviy organlari markaziy organdan mustaqil ravishda tuziladi. Shuning uchun ularning o‘rtasidagi yuridik munosabatlar markazlashmagan asosda ko‘riladi (Buyuk Britaniya, Yangi Zellandiya, Yaponiya, Ispaniya, Italiya). Ikkinchi turdagi unitar davlatlarda mintaqaviy organlarning markazga bo‘ysunishi bevosita markaz tomonidan tayinlanadigan mansabdor shaxslar orqali amalga oshiriladi (Niderlandiya, Qozog‘iston). Federatsiya murakkab davlat tuzilmasini bildiradi. Unitar davlatdan farqli o‘laroq, federatsiya a’zolari (shtatlar, yerlar, viloyatlar, kantonlar, millat nomi bilan ham yuritilishi mumkin) muayyan mustaqillikka ega. Shu bilan birga federatsiya a’zolarining mustaqilligi xalqaro huquq, subekti sifatida tan olish uchun yetarli emas. Federatsiya yaxlit davlat tuzilmasi sifatida xalqaro huquq subekti hisoblanadi. Federativ davlat (Birlashmalar, Ittifoqlar) — o‘zidan murakkab (ittifoq) davlatni anglatuvchi, yuridik jihatdan muayyan siyosiy mustaqillikka ega bo‘lgan davlat tuzilishining shaklidir. Federativ davlatni tashkil qiluvchi davlat tuzilmalari (shtatlar, yerlar, viloyatlar) federatsiya subekti hisoblanadi va o‘zining ma’muriy- hududiy bo‘linmasiga ega. Unitar davlatdan farqli ravishda federatsiyada yuqori hokimiyat organining ikki tizimi — federal organlar va federatsiya a’zolarining tegishli organlari mavjud. Federal organlar mamlakatning butun hududida o‘z funksiyasi va vakolatlarini amalga oshiradi. Federatsiyani tashkil qiluvchi davlat tuzilmalari tub ma’nodagi davlat emas. Ular suverenitet, bir tomonlama tashabbus bilan ittifoqdan chiqish, yuridik jihatdan xalqaro munosabatlarda ishtirok etish huquqlariga ega emas. Ittifoq Konstitutsiyasini yoki qonunchiligini buzgan takdirda markaziy hokimiyat federatsiya subektiga nisbatan majburiy choralar

qo‘llashi mumkin. Federatsiyaning majburiy elementlaridan biri ikki palatali federal parlamenti tuzilmasidir. Odatda federatsiya a’zolari o‘z Konstitutsiyasiga ega bo‘ladi. Milliy omillarning roliga qarab federatsiya tuzilmasi hududiy asosda (AQSH, Avstraliya, Avstriya, GFR, Venesuela, Braziliya, Meksika), milliy asosda (Hindiston, Belgiya, Nigeriya, Pokiston) va aralash milliy-hududiy asoslarda (Rossiya, Shveysariya, Kanada) bir-biridan farqlanadi. Davlat va huquq nazariyasida ayrim vaqtlarda konstitutsiyaviy federatsiya (AQSH, Kanada, Braziliya), konstitutsiyaviy-shartnomaviy (Rossiya) va shartnomaviy (Shveysariya, Tanzaniya Birlashgan Respublikasi, Birlashgan Arab Amirligi) federatsiyalarga ajratiladi hamda markazlashgan federatsiya (masalan, Hindiston, unda bittasidan boshqa shtatlarda o‘z Konstitutsiyasi va fuqaroligiga ega emas) bilan markazlashmagan federatsiya (AQSH, GFR, Shveysariya) larga ajratiladi. Konfederatsiya — umumiy masalalar (o‘zaro mudofaa, tashqi aloqalar, davlat xavfsizligi va boshqalar)ni hal qilishga qaratilgan umumiy qonuniy maslahat organini tuzuvchi suveren davlatlar ittifoqidir. Tub ma’nodagi konfederatsiya xalqaro huquq subekti sifatida tan olinmaydi, faqat konfederatsiya a’zolari — suveren davlatlar teng huquqli subekt hisoblanadi. Konfederatsiya — davlatlar ittifoqining shakli bo‘lib, ittifoqka kiruvchi davlatlar o‘z suverenitetini to‘liq saqlab qoladi. Konfederatsiya o‘zida xalqaro- huquqiy hamda davlat tashkiloti xususiyatlarini mujassamlashtiradi. Bugungi kunda jahonda faqat bitta konfederatsiya — Yevropa Hamjamiyati mavjud. Turli davrlarda konfederatsiya bo‘lgan: 1918 yilgacha Avstro-Vengriya, 1905 yilgacha Shvetsiya va Norvegiya, 1781 yildan to 1789 yilgacha AQSH, 1815 yildan 1848 yilgacha Shveysariya, 1958 yildan 1961 yilgacha Misr va Suriya va 1982 yildan 1989 yilgacha Gambiya va Sinegal davlatlari konfederatsiya tashkil qilganlar. Konfederatsiya tarixining tajribasi shuni ko‘rsatadiki, ushbu davlat qurilishi shakli faqat ittifoqning batamom tugashi yoki davlat qurilishining federatsiya

shakliga o‘tishi davri uchun hosdir. Konfederativ davlat qurilish shakli uchun quyidagi xususiyatlar xarakterlidir: Konfederatsiya tegishli shartnoma asosida tashkil qilinadi. Konfederatsiya subektlari undan erkin chiqish huquqiga ega. Konfederatsiyada suverenitet uni tarkibiga kiruvchi davlatlarga tegishlidir. Konfederatsiya subektlarining roziligisiz ittifoq hokimiyatining qarori hech qanday kuchga ega emas. Konfederatsiya ixtiyoridagi masalalar (urush va tinchlik, tashqi siyosat, yagona armiya tuzish kabi masalalar) tor doiraga ega. Konfederatsiyada faqat shartnomada alohida ko‘rsatilgan masalalarni yechishga vakolatli bo‘lgan davlat organlarigina tuziladi. Xususan, sud organlari tuzilmaydi. Konfederatsiya parlamenti subektlarining vakillik organlari tomonidan tuziladi, ular depo‘tatlaridan o‘zlariga berilgan ko‘rsatma va yuriqnomalarga qat’iy rioya qilishni talab qiladi. Konfederatsiyaning doimiy faoliyat ko‘rsatadigan davlat organlari buyruk berish vakolatlariga ega emas. Konfederatsiya subektlariga nulifikatsiya huquqi beriladi, ya’ni Ittifoq hokimiyatining qarorlarini qo‘llashdan bosh tortish yoki tan olmaslik. Konfederatsiya budjeti subektlarning ixtiyoriy badallari hisobidan tuziladi. Konfederatsiya subektlari shaxslar, tovarlar, xizmat va kapitallarning harakatini cheklovchi bojxona va boshqa turdagi cheklashlarni belgilash huquqiga ega. Odatda konfederatsiyada yagona pul muomalasi tizimi mavjud emas. Harbiy tuzilmalar konfederatsiya subektlari tomonidan yig‘iladi, bunda ko‘p hollarda ularning ikki tomonlama, konfederatsiya organlariga va uning subektiga bo‘ysunish saqlanib qoladi. Konfederatsiyada ittifoq fuqaroligi mavjud emas. Davlatlarning ichki huquqida va xalqaro huquqda suverenitetning roli va o‘rni masalasi muhim ahamiyat kasb etadi.

Davlat suvereniteti Suverenitet — ko‘p ma’noli tushuncha. Uning bir necha jihatlari mavjud. Avvalambor, bu — xalq suvereniteti. So‘ng bu — millatlarning o‘z takdirini o‘zi hal qilish huquqi. Va nihoyat bu — davlat suverenitetidir. Ko‘rsatib o‘tilgan tushunchalar qanchalik bir-biriga yaqin bo‘lmasin, ularning har biri mazkur muammoning muayyan jihatlarini ta’kidlab, birinchi darajaga chiqaradi. Shu bois, suverenitetni davlatga, xalqga va millatga birday taallukli bo‘lgan yagona tushuncha sifatida asoslaydigan mualliflarning fikriga qo‘shilib bo‘lmaydi. Haqiqatan ham xalq suvereniteti, milliy suverenitet va davlat suvereniteti aynan bir tushuncha emas. Ular turli ijtimoiy voqelikning xususiyatlari bo‘lib, shu bilan birga bu tushunchalar ma’lum bir umumiylikka ega. Ushbu tushunchalar ichida xalq suvereniteti birlamchi hisoblanadi. Milliy suverenitetga har doim millatga doir xususiyat sifatida yondashib bo‘lmaydi, o‘nta millatlarning teng huquqiyligi sifatida tushunilishi lozim. Umuman olganda xalqaro huquqda «millat»ning o‘z takdirini o‘zi xal qilish huquqi yo‘q faqat «xalq»ning bunday huquqi mavjud (BMT Ustavining 1-modda 2-bandi). Davlat suvereniteti — davlatning emas, balki davlat hokimiyatining ustuvorligi va mustaqilligidir. «Davlat» va uning «hokimiyati» turli tushuncha va kategoriya hisoblanadi. Davlat suvereniteti mamlakat ichkarisida va tashqarisidagi davlatning faoliyati yordamida amalga oshiriladi. Davlat suverenitetining ushbu ikki jihati, ya’ni: birinchidan, davlat hokimiyatining mamlakat ichida ustuvorligi, ikkinchidan, boshqa davlatlarning suveren huquqlari va umume’tirof etilgan xalqaro huquq tamoyillari va meyorlariga rioya qilgan holda tashqi aloqalarda mustaqilligi — yaxlit va ajralmasdir. Davlat suvereniteti kengaytirilishi ham, kamaytirilishi ham mumkin emas, chunki unga nisbatan bevosita sanoq mezonlarini umuman qo‘llab bo‘lmaydi. Davlat suvereniteti davlatning suveren huquqi bilan bog‘liq bo‘lishi mumkin emas, biroq shu bilan birga aynan suveren huquqlarning to‘liqligi bilan ta’minlanadi. Davlat suvereniteti bilan bog‘liq tarzda «iqtisodiy suverenitet» va «siyosiy

suverenitet» tushunchalaridan ham foydalaniladi. Davlatning iqtisodiy suvereniteti deganda xalqni o‘z milliy boyliklarini mustaqil tasarruf qilish, iqtisodiy va ijtimoiy rivojlanish maqsadlarida o‘z tabiiy resurslaridan foydalanish usullarini erkin belgilash anglashiladi. U o‘z tabiiy resurslari ustidan mutlaq nazoratni amalga oshirish va iqtisodiyotning barcha sohalaridagi har qanday korxonalar faoliyati ichki yurisdiksiyasiga olishini bildiradi. Davlatning siyosiy suvereniteti mamlakat xalqining o‘z irodasini erkin ifodalashni aks ettiradi. «Xalq» tushunchasiga albatta, millatidan qat’i nazar, ushbu mamlakatning barcha fuqarolari kiradi. Tabiiyki, bunday ko‘pmillatli oilada davlatga o‘z nomini bergan millat belgilovchi ahamiyatga ega. Umuman, aksariyat hollarda «siyosiy» va «davlat suvereniteti» tushunchalari sinonim sifatida qo‘llaniladi. Shuni alohida ta’kidlab o‘tish lozimki, ushbu tushunchalarga bo‘lgan munosabat «unisi yoki bunisi» degan tamoyil bo‘yicha qaralishi mumkin emas. Ulardan birini ilmiy muomala tilida ishlatilishi ikkinchi tushunchani inkor qilish deb hisoblanmaydi. Bu o‘rinda so‘z o‘zaro aloqador tushunchalar xususida ketmoqda, ulardan biri ikkinchisiga qaraganda birmuncha tor ma’noda, lekin o‘zining mustaqil mazmuniga ega. 1913 yilda yer kurrasida 57 davlat mavjud edi. Hozirga kelib ularning soni ikki yuzga yaqinlashadi. Boshqacha so‘z bilan aytganda, XX asrning ikkinchi yarmida yer kurrasidagi davlatlarning soni uch baravarga oshdi. Ushbu omilning o‘zi bizning davrimizga kelib ijtimoiy-siyosiy rivojlanish xalqlarning o‘z takdirini o‘zi xal qilish huquqi, davlat mustaqilligining qo‘lga kiritilishi va jamiyat hayotining davlat-huquqiy shaklidan foydalanishi bilan uzviy bog‘liqdir. Biroq so‘z sanoq ko‘rsatkichlarida emas, bundan tashqari davlatlarning soni keyinchalik ham sezilarli ko‘payishi ehtimoldan yiroq.. Yana shunisi muhimki, davlatlar tomonidan amalga oshiriladigan funksiyalar doirasi kengaydi, jamiyat hayotining barcha sohalarida, jumladan, iqtisodiy hayotida huquqning roli oshdi. Binobarin, davlat hokimiyatining zaruriy xususiyati sifatida suverenitet rolining usish jarayoni ko‘zatilmokda. Bunday jarayon turli shakllarda ugadi va turli mamlakatlarda turli xil okibatlarga olib keladi. Lekin, hamma joyda suverenitet

muammosi mazkur jamiyatning ijtimoiy va siyosiy tizimining markazida turadi. Suverenitet rolining oshib borishi davlatlarning ichki huquqida ham o‘z ifodasini topadi. Avvalgidek, milliy huquqiy tizimni shakllantirish va rivojlantirishning asosiy yo‘llaridan biri sifatida xizmat qiladigan, odat huquqining davri o‘tdi. Suverenitetni davlatlarning ichki huquqidagi roli xususida yuqorida gapirilganlar suverenitetning xalqaro huquqdagi roli va o‘rniga ham tegishlidir. Suverenitet yuridik jihatdan umum e’tirof etilgan xalqaro munosabatlar va o‘zaro aloqalar tizimida muhim rol o‘ynaydi. Davlat va uning suvereniteti bilan xalqaro huquqning rivojlanishi ham chambarchas bog‘liqdir, chunki, birinchidan, xalqaro hamjamiyatning asosi avvalgidan ham ko‘proq hozirgi suveren davlatlar hisoblanadi, ikkinchidan, xalqaro tartibot avvalambor davlatlarning kelishuviga asoslanadi. Albatta xalqaro huquq rivojlanishida muhim rol o‘ynaydigan umumjahon va mintaqaviy — xalqaro tashkilotlarni e’tiborga olmaslik mumkin emas, lekin ular ham suveren davlatlarning yoki bir guruh davlatlarning muvofiqlashtirilgan faoliyati natijasidir. XX asrning ikkinchi yarmidagi tarixiy rivojlanish davlat suverenitetini ilmiy (doktrinal) tankid qilish, «davlatlardan yuqori turuvchi jahon hamjamiyati»ga o‘tish talablarining maqsadga muvofiq emasligini ko‘rsatdi. Davlat suverenitetini amalga oshirishda huquq yuqori rol o‘ynaydi, shuningdek, davlatlarning ichki huquqi va xalqaro huquq uni amalga oshirishning ikki asosiy shakli hisoblanadi. Milliy davlatlar tomonidan xalqaro huquq tamoyillarini tan olish va shu bilan ularni davlatlarning ichki huquqiga kiritishning turli yuridik shakllari mavjud. Xalqaro huquq. meyorlarini davlatlarning ichki huquqiga implementatsiya qilishning uch yunalishini ajratish mumkin:  birinchidan, Konstitutsiyada xalqaro huquqning umum e’tirof etilgan tamoyil va meyorlarini tan olish;  ikkinchidan, davlatlar tomonidan tuzilgan xalqaro shartnoma va bitimlar meyorlari;

 uchinchidan, mintaqaviy ittifoqdarning huquqlari a’zo-davlatlarning huquqiy tizimlariga nisbatan. Biroq ta’kidlab o‘tish joizki, xalqaro-huquqiy meyorlarning amaliy roli turli davlatlarning ichki davlat huquqi tizimidagi ko‘rsatib o‘tilgan shakllarida har doim ham unchalik ahamiyatga ega emas. Mustaqilligi uchun kurashayotgan millatlar va xalqlarning xalqaro huquqiysub'yektligi. O‘z ozodligi uchun kurashayotgan va ma’lum hokimiyat tuzilmalarini tuzgan, yagona markaz bilan birlashgan millat yoki xalqlar millat yoki xalq nomidan xalqaro munosabatlarda ishtirok etishi va xalqaro huquq subekti maqomiga ega bo‘lishni talab qilishi mumkin. Amalda bunday tuzilmalar qatoriga yagona qo‘mondonlikka ega bo‘lgan hamda aksariyat xollarda bir vaqtning o‘zida siyosiy raxbarlikni amalga oshiruvchi qurolli otradlar kiradi. Millatlar yoki xalqlar xalqaro huquqning alohida va maxsus subektlari hisoblanadi. Imperativ xarakterdagi meyor-tamoyilga — teng huquqlilik va xalqlarning o‘z takdirini o‘zi belgilash tamoyiliga muvofiq barcha xalqlarning o‘z takdirini o‘zi belgilash huquqi, ya’ni tashkaridan xech qanday aralashuvsiz erkin asoslarda o‘zining siyosiy maqomini belgilash va iqtisodiy, ijtimoiy va madaniy rivojlanishini amalga oshirish huquqi tan olinadi. 1970 yidda qabul qilingan Xalqaro huquq tamoyillari to‘g‘risidagi deklaratsiyaga muvofiq har bir davlat ushbu huquqni xurmat qilishi lozim. So‘z xalqlar va davlatlar o‘rtasidagi o‘zaro munosabatlar (xalqaro huquqiy munosabatlar) to‘g‘risida bormokda. Xalqaro huquq tamoyillari to‘g‘risidagi deklaratsiyaga muvofiq; suveren va mustaqil davlatning paydo bo‘lishi, mustaqil davlatga erkin qo‘shilishi yoki u bilan birlashishi yoki xalq tomonidan erkin asoslarda belgilangan boshqa siyosiy maqomning o‘rnatilishi ushbu xalqning o‘z takdirini o‘zi belgilashni amalga oshirishning usullari sanaladi. Xalqaro huquqda «xalq» tushunchasi aniqlanmagan. Bizning nazarimizda, xalq — hududiy xarakter kasb etuvchi tushunchadir. Xalq — mazkur hududda, ular o‘rtasidagi irkiy, etnik, diniy yoki boshqa xarakterdagi farqlardan katyi nazar,

doimiy yashovchi (balogat yoshidagi) shaxslarning yig‘indisidir. Bunday tarzda o‘z takdirini o‘zi belgilash bir vaqtning o‘zida ushbu hududning siyosiy maqomini ham belgilashdir. Yakin vaqtlarda ham o‘z takdirini o‘zi belgilash to‘g‘risida so‘z borganda birinchi galda tobe hududlarning xalqlari, ya’ni mustamlaka ostida bo‘lgan xalqlar ko‘zda tutilar edi. Va har bir davlatga ularning o‘z takdirini o‘zi belgilashda ko‘maklashish majburiyati yuklangan. Davlatlar o‘zaro munosabatlarida ichki huquq; qonun hujjatlarida xorijiy davlatlarning jismoniy va yuridik shaxslari, o‘z hududidagi barcha individlar hamda nohukumat tashkilotlarning asosiy huquq va erkinliklarini ta’minlashga o‘zaro rioya qilish majburiyatini (avvalambor tegishli xaikaro shartnomadar asosida) oladilar. Jismoniy va yuridik shaxslar, nohukumat tashkilotlar yoki milliy huquqning o‘zga subektlari xalqaro huquq; subektlari emas, chunki ular ichki davlat huquqiy tartibiga buysunadilar. Xalqaro huquq; subekglarining o‘ziga hos jihati x.am ularga yuridik majburiy xatgi-x.arakat k;oidalarini belgilab beruvchi kuch yoki hokimiyatning mavjud emasligi bilan izoxlanadi. Xalqaro tashkilotlar — xalqaro huquq; subekti sifatida xalqaro tashkilotlar tarkibiga hukumatlararo tashkilotlar hamda a’zolari shaxsiy tartibda harakat qiluvchi davlatlararo mexanizmlar va organlar (xalqaro arbitrajlar, komitetlar, ekspertlar guruhi va boshqalar) kiradi. Hukumatlararo konferensiyani vaqtinchalikxalqero muassasa deb hisoblash mumkin. Xalqaro tashkilot o‘zining xapkaro huquq; layokatiga ta’sis shartnomasiga muvofiq; ega bo‘ladi. Shartnoma xalqaro tashkilotni ma’lum huquqda ega bula olish, ya’ni davlatlar va hukumatlararo tashkilotlar bilan shartnomalar tuzish, o‘z nomidan qarorlar qabul qilish k;obiliyati bilan ta’minlaydi. Xalqaro huquqiy hujjatlarda xalqaro tashkilot — bu hukumatlararo tashkilot deb ko‘rsatilgan ta’rifdan boshqa «xalqaro tashkilot» tushunchasi mavjud emas. Biroq bunday ta’rif faqat hukumatlararo (xalqaro) tashkilotni nohukumatlararo tashkilotdan farqlaydi, xolos. Xalqaro tashkilot xalqaro tuzilma bo‘lib, uning ta’sis

etilishi va faoliyati xalqaro huquq normalari bilan tartibga solinadi. Xalqaro tashkilotning ta’sis etilishi va faoliyati hozirgi davr xalqaro huquqining asosiy tamoyillariga muvofiq; kelishi lozim. Xalqaro huquqiy munosabatlarda xalqaro tashkilot a’zo-davlatlar irodasidan farqli o‘laroq o‘z irodasini ifodalab, faqat o‘z nomidan katnashishi mumkin. Xalqaro tashkilot a’zo-davlatlar, o‘zga tashkilotlar va xalqaro huquqning boshqa subektlari bilan bo‘ladigan huquqiy munosabatlarda uning irodasini belgilangan qoidalarga muvofiq; shakllantiruvchi va ifodalab bera oluvchi organlarga ega bo‘lishi lozim. A’zolari tarkibi va faoliyat doirasi bo‘yicha xalqaro tashkilotlar universal xalqaro tashkilotlar, ya’ni barcha davlatlar katnashishi uchun ochiq bo‘lgan, hududiy (regional), ya’ni qandaydir yirik region davlatlarini birlashtiruvchi va maxalliy — bir necha (odatda uchtadan oz bo‘lmagan) davlatlarni birlashtiruvchi turlarga bo‘linadi. O‘z tarkibi, faoliyat sohasi va xalqaro munosabatlardagi tutgan alohida o‘rniga ko‘ra eng universal tashkilot — Birlashgan Millatlar Tashkilotidir. Yana xalqaro organlar deb nomlanadigan xalqaro tuzilmalar ham xalqaro huquq subektlari hisoblanadi. Bular xalqaro arbitrajlar va sudlar (doimiy va ad hoc), tergov, yarashtiruvchi va boshqa komissiyalar, chunki ular davlatlar o‘rtasidagi o‘zaro bitimlar asosida yaratiladi va o‘z faoliyatida xalqaro-huquqiy qoidalarga rioya qiladi. Xalkaro tashkilotlarning huquqiy sub'yektivligi. Xalkaro tashkilotlar – xalkaro xukukning ikkinchi sub'yekti xisoblanadi. Ular davlatlar tomonidan yaratilib, ular uzlari ishtirok etayotgan xalkaro tashkilot uchun birgalikda ustav-shartnoma ishlab chikadilar. Xalkaro tashkilotlar tarkibiga xukumatlararo tashkilotlar xamda a'zolari shaxsiy tartibda xarakat kiluvchi davlatlararo mexanizmlar va organlar (xalkaro arbitranslar, komitetlar, ekspertlar guruxi va b.k) kiradi. Xukumatlararo konventsiyani vaktinchalik xalkaro muassasa deb xisoblash mumkin.

Xalkaro tashkilot uzining xalkaro xukuk layokatiga ta'sis shartnomasiga muvofik ega buladi. Shartnoma xalkaro tashkilotni ma'lum xukukka ega bulla olish, ya'ni davlatlar va xukumatlararo tashkilotlar bilan shartnomalar tuzish, uz nomidan karorlar kabul kilish kobiliyati bilan ta'minlaydi. Xalkaro tashkilot – xukumatlararo tashkilot. Xalkaro tashkilot tuzilma bulib uning ta'sis etilishi va faoliyati xalkaro xukuk normalari bilan tartibga solinadi. A'zolari tarkibi va faoliyati buyicha xalkaro tashkilotlar universal xalkaro tashkilotlar, xududi, ya'ni kandaydir yirik region davlatlarini birlashtiruvchi, maxalliy – bir necha davlatlarni birlashtiruvchi turlarga bulinadi. Mazkur ustavlarda xar bir tashkilot vakolatining xajmi kursatib utiladi. Xalqaro tashkilotlar tarkibiga hukumatlararo tashkilotlar hamda a'zolari shahsiy tartibda harakat qiluvchi davlatlararo mexanizmlar va organlar (xalqaro arbitajlar, komitetlar, ekspertlar guruhi va boshqalar) kiradi. A'zolari tarkibi va faoliyat doirasi bo`yicha xalqaro tashkilotlar universal xalqaro tashkilotlar, ya'ni barcha davlatlar qatnashishi uchun ochiq bo`lgan, hududiy (regional), ya'ni qandaydir yirik region davlatlarini birlashtiruvchi va mAhalliy – bir necha (odatda uchtadan oz bo`lmagan) davlatlarni birlashtiruvchi turlarga bo`linadi. Yana xalqaro organlar deb nomlanadigan xalqaro tuzilmalar ham xalqaro huquq sub'yektlari hisoblanadi.Bular xalqaro arbitrajlar va sudlar, tergov, yarashtiruvchi va boshqa komissiyalar, chunki ular davlatlar o`rtasidagi o`zaro bitimlar asosida yaratiladi va o`z faoliyatida xalqaro huquqiy qoidalarga rioya qiladi. Davlatlarni tan olish. Davlatlarning meros huquqi. Tan olish — davlatning ixtiyoriy ravipsha, bir tomonlama qabul qilgan hujjatidir. Unda davlat to‘g‘ridan-to‘g‘ri yoki bilvosita biron-bir davlatni xalqaro huquq subekti sifatida tan olishi va u bilan rasmiy munosabat o‘rnatish maqsadi borligi yoki davlatda, yoxud uning bir qismida g‘ayrikonstitutsiyaviy yo‘l bilan

kelgan hokimiyatni xalqaro munosabatlarda ushbu davlatning yoki shu hududda yashaydigan xalqning vakili sifatida samarali ishtirok etishi mumkin deb hisoblashi to‘g‘risida bayonot beradi. Tan olish majburiyati mavjud emas. Bu —davlatlarning huquqidir. Xalqaro-huquqiy tan olish — xalqaro huquqqa muvofiq davlatlar tomonidan yangi davlatni yoki hukumatni, yoxud rasmiy yoki norasmiy, to‘liq yoki qisman, doimiy yoki vaqtinchalik munosabatlarni o‘rnatish mumkin bo‘ladigan boshqa davlat organini tan olishdir. Kuyidagilar xalqaro-huquqiy tan olinshing turlari hisoblanadi:  davlatni tan olish;  hukumatni tan olish;  qo‘zg‘alon ko‘targan tarafni tan olish;  milliy ozodlik organlarini tan olish;  qarshilik ko‘rsatish organlari va boshqalarni tan olish. Shunday tan olishning hozirgi diplomatik amaliyotda eng ko‘p tarqalgan shakli u yoki bu davlat hukumatlari tomonidan mavjud davlatning yangi hukumati bilan yoki yangi paydo bo‘lgan davlatning hukumati bilan diplomatik aloqalar o‘rnatish yoki unga rozilik berish hisoblanadi. Xalqaro-huquqiy tan olishning de-yure va de-fakto shakllari an’anaviy hisoblanadi. Xech qanday shartsiz rasmiy tan olish to‘g‘risidagi, de-yure va de-fakto tan olish to‘g‘risidagi, diplomatik aloqalar o‘rnatish yoki shunga rozi bo‘lish haqidagi bayonotlar rasmiy tan olish hisoblanadi. Norasmiy tan olish u yoki bu davlatning hukumati rasmiy ravishda tan olinmagan mamlakat hukumati bilan aloqaga kirishi, ba’zan ad hoc xalqaro- huquqiy tan olish deb ataladigan, bir-birini tan olmaydigan davlatlar tomonidan xalqaro konferensiyalarda yoki xalqaro tashkilotlar doirasida hamkorlik qilishi hisoblanadi. Tan olayotgan taraf tomonidan tan olingan taraf bilan zarurat bo‘lganda bevosita xalqaro-huquqiy munosabatlarga kirish niyatini tasdiqlovchi guvoxnoma

— xalqaro-huquqiy tan olishni rasmiylashtiruvchi hujjatdir. Shu bilan birga bu yangi davlat va hukumatni tuzish vositasi hisoblanmaydi. Hukumatni tan olish — davlatlar tomonidan biron-bir mamlakatning g‘ayrikonstitutsiyaviy yo‘l bilan hokimiyatga kelgan hukumatni tan olishdir. Rasmiy tan olishning ikki shakli — de-fakto (de-facto) va de-yure (de-jure) mavjud. De-fakto tan olish — mavjud davlat va hukumatlar tomonidan u yoki bu mamlakatda yangi paydo bo‘lgan davlat yoki hukumatni tan olishning an’anaviy shakllaridan biri hisoblanadi. Bunday tan olishning sabablarini ko‘rsatish talab qilinmaydi. Odatda de-fakto tan olishi tan olayotgan davlat yangi hukumatni yoki davlatning o‘zini yetarli darajada o‘zok, yashashi mumkinligiga ishonchsizlik bilan Qaraganda qo‘llaniladi yoxud ma’lum vaqt o‘tgunga qadar yangi xalqaro huquq. subektini yoki uning hukumatini rasman va to‘liq. tan olish niyati yo‘qligini ifodalaydi. De-fakto tan olishda diplomatik aloqalar o‘rnatish shart emas. De-fakto tan olish ayrim xollarda konsullik munosabatlarini o‘rnatishga olib kelishi mumkin, lekin bu majburiy qoida emas. Bu tan olayotgan davlat mazkur hukumatning mavjudligi bilan hisoblashadi va u bilan biron-bir masala bo‘yicha aloqa qilishi mumkinligini anglatadi. De-fakto tan olingan davlat bilan hamkorlik turli sohalarda bo‘lishi mumkin, chunki bunday tan olish natijasida xalqaro munosabatlarda suveren davlat sifatida katnashadi. De-fakto tan olish de-yure tan olishdan ko‘p farq; qilmaydi (AKSH hukumati tomonidan 1919 yil 7 maydagi Finlyandiyani de-fakto tan olishi shu bilan xarakterliki, 1920 yil 12 yanvar-da berilgan tushuntirish bo‘yicha bu to‘liq; tan olish hisoblanadi). De-yure tan olish — to‘liq» xal qiluvchi tan olishdir. U odatda diplomatik aloqalar o‘rnatishga olib keladi. De-yure tan olish — mamlakatda vujudga kelgan yangi davlat yoki hukumatni xalqaro maydondagi mavjud davlatlar hamda hukumatlar tomonidan rasmiy tan olishning an’anaviy shakllaridan biridir. Tan olishning bu turi tan oluvchi davlatning mazkur davlat bilan to‘liq; diplomatik munosabatlarni o‘rnatishga tayyor ekanligini ifodalaydi.

De-yure to‘liq; rasman tan olishdir. De-yure tan olish okibatida davlatlar oliy toifadagi diplomatik vakillar bilan almashadilar, tan olinuvchi davlatning xorijda ma’lum mulk va boshqa kimmatbaxo buyumlarni tasarruf qilish huquqi hamda uni tan oluvchi davlat yurisdiksiyasidan immuniteti tan olinadi va x,.k. Biroq; ba’zan ma’lum shart (ogovorka) ilova kdlinishi ham mumkin (ma-salan, tan olinayotgan hokimiyatni e’tirof etishning hududiy chegaralari to‘g‘risida (1924 yilda Buyuk Britaniya bilan SSSR, 1950 yilda — XXR) yoki xalqaro majburiyatlarga nisbatan (1947 yilda Buyuk Britaniya bilan Bolgariya Xalq. Respublikasi). Davlatlarning huquqiy vorisligi — bir davlatga tegishli huquq, va majburiyatlarning boshqasiga o‘tishidir. Davlatlarning huquqiy vorisligi to‘g‘risidagi masala:  birinchidan, ijtimoiy inkilob natijasida ijtimoiy to‘zumning almashinishi yuz berganda (masalan, 1949 yilda Xitoy xutsu-dida XXR e’lon kdlinishi);  ikkinchidan, milliy-ozodlik ko‘rashi natijasida yangi mustaqil davlatning vujudga kelishi (1993 yilda Eritreyani Efiopiyadan ajrab chiqishi);  uchinchidan, o‘tmishdosh — davlat hududida bir necha yangi davlatlarning paydo bo‘lishi (1991 yilda SSSR va SFRYuning parchalanib ketishi) va ikki yoki bir necha davlatlarning birlashishi natijasida yangi davlatning vujudga kelishi (1990 yilda ikki Germaniyaning hamda 1991 yilda ikki Yamanning birlashishi) natijasida yuzaga keladi. Davlatlarning huquqiy vorisligi yangi davlatlar uchun muayyan yuridik okibatlarga ega. Chunki buning natijasida xalqaro shartnomalarni qayta ko‘rib chiqish va ularni denonsatsiya qilish, xalqaro tashkilotlarga a’zolik, mulkka bo‘lgan meros huquqi kabi masalalarni qaytadan ko‘rib chiqish extiyoji ko‘riladi. 1978 yilda Shartnomalarga nisbatan davlatlarning huquqiy vorisligi to‘g‘risida Vena konvensiyasi qabul qilindi (xali kuchga kirmagan). Konvensiya kuyidagi holatlarda vujudga keladigan davlatlarni shartnomalarga nisbatan huquqiy vorisligini tartibga soladi:  birinchidan, avvalgi tobe hududlarda yangi mustakdl davlatning tashkil topishi;

 ikkinchidan, bir necha davlatlarning birlashish yoki davlatni bir necha mustaqil davlatlarga bo‘linib ketishi;  uchinchidan, kelishuvga muvofiq bir davlatga tegishli hududning bir qismini boshqa biriga berishi. Konvensiyada qator ijobiy elementlar:  yangi mustaqil davlatning o‘z xalqaro-huquqiy aloqalarini mustaqil belgilash huquqi;  ozodlikka erishgan davlatning o‘z tabiiy boyliklariga nisbatan ajralmas suverenitetini tasdiqlash;  o‘z yurisdiksiyasi ostida bo‘lmagan hududlarda chet el harbiy bazalarini barpo etishning noqonuniyligi;  merosxo‘r-davlatning xalqaro huquqning umume’tirof etilgan meyorlariga rioya qilish majburiyatini mustahkamlanishi mavjud. 1983 yilda Davlat mulki, davlat arxivlari va davlat qarzlariga nisbatan davlatlarning huquqiy vorisligi to‘g‘risidagi Vena Konvensiyasi qabul qilindi (xali kuchga kirmagan). Ushbu Konvensiyaning davlat mulki to‘g‘risidagi qismidagi muhim qoida (9-modda) — o‘tmishdosh-davlat mulkining merosxo‘r-davlatga o‘tishi bilan uning mulkka nisbatan huquqi bekor bo‘lib, merosxo‘r-davlatda esa ushbu mulkka nisbatan huquq paydo bo‘lishidir. Konvensiya umumiy tamoyil sifatida o‘tmishdosh-davlat mulkining merosxo‘r-davlatga xech qanday tovonsiz (kompensatsiyasiz) o‘tishini belgilagan. Davlatning meros huquqi amalga oshiriladigan vaqtda o‘tmishdosh-davlat hududida bo‘lgan va uning ichki huquqiga muvofiq, uchinchi davlatga tegishli bo‘lgan mulk huquq va manfaatlariga nisbatan merosxo‘r-davlat daxl qilmaydi. Shunday qilib, davlat huquqiy vorisligi uchinchi davlatlar mulkiga nisbatan xech qanday okibatlar tug‘dirmaydi. Konvensiya davlatlar davlatlar huquqiy vorisligining besh turini ajratadi. Bular:  Davlat hududining ma’lum qismini boshqa davlatga berilishi;  Yangi mustaqil davlatning to‘zilishi;  Davlatlarning birlashishi;

 Davlat qismi yoki kismlarining ajrab chiqishi;  Davlatlarning bo‘linishidan iborat. SSSR parchalanib ketganidan so‘ng Mustaqil Davlatlar Hamdustligi (MDX)ga kirgan davlatlar o‘rtasida davlatlar huquqiy vorislik bo‘yicha kompleks kelishuvga erishilgan va ular tomonidan huquqiy vorislik bo‘yicha qator qarorlar, xususan, sobik SSSRning o‘zaro manfaat kasb etuvchi shartnomalariga nisbatan hamfikrlik to‘g‘risidagi memorandum (1992 yil), sobik SSSRning chet ellardagi barcha mulkini taqsimlash to‘g‘risidagi kelishuv (1992 yil), sobik SSSRning davlat arxivlariga nisbatan huquqiy vorislik to‘g‘risidagi kelishuv, Huquqiy vorislik masalalari bo‘yicha MDX davlat boshliklari Kengashi qarori (20 mart 1992 yil) qabul qilingan. Rossiya SSSRning huquqdy vorisi emas, balki davomchisi hisoblanadi. Bu to‘g‘rida u 1992 yil yanvar oyida barcha davlatlarga nota orqali rasman bildirgan. Davlat chegaralariga nisbatan huquqiy vorislik — davlatlar vorisiyligi natijasvda chegara chiziqlari holatiga nisbatan huquq va majburiyatlarning boshqa davlatga o‘tishini anglatadi. 1978 yilda qabul kdlingan Shartnomalarga nisbatan davlatlar huquqiy vorisligi to‘g‘risidagi Vena konvensiyasiga muvofiq davlatlarning huquqiy vorisligi davlat chegaralari huquqiy tartibiga tegishli huquq va majburiyatlar va shartnoma bilan belgilangan chegaralarga daxl qilmaydi. Bu, agar davlat huquqiy vorisligi faktining o‘zidan shartnomaviy huquq va majburiyatlarni bekor qilish yoki o‘zgartirish uchun qandaydir asoslar vujudga kelsa, bunday asoslar shartnoma bilan belgilangan chegaralar yoki chegara rejimiga taallukli huquq, va majburiyatlarning o‘zgartirilishvda foydalanilishi mumkin emasligini anglatadi. Agar ma’lum davlat bilan o‘zaro kelishuv asosida va xalqaro huquqqa muvofiq chegaralar o‘zgartirilishiga kelishilmagan bo‘lsa, chegaralar to‘g‘risidagi shartnomalar merosxo‘r-davlat tomonidan bajarilishi lozim. Hukumatlarning huquqiy vorisiyligi — davlat ichkarisidagi o‘zgarishlar natijasida huquq va majburiyatlarga nisbatan meros huquqidir. G‘ayrikonstitutsiyaviy yo‘l bilan hukumatlar almashinuvi natijasvda yangi

hukumatning xorijiy davlatlar bilan ugmishdosh hukumat tomonidan tuzilgan shartnoma va bitimlarga nisbatan munosabati masalasi kun tartibiga chikadi. Biroq, bu masalada boshqa nuqtai nazar ham mavjud. Unga muvofiq hukumat almashinuvi davlatlarning huquq va majburiyatlariga ta’sir qilmaydi. Davlat bo‘linishi natijasvda mustaqil davlatlarning vujudga kelishidagi huquqiy vorislik — xalqaro huquq bo‘yicha ugmishdosh-davlat huquq va majburiyatlarini merosxo‘r davlatlarga o‘tishi tushuniladi. Agar davlatning biror qismi ajrab chiqib ketganidan so‘ng ham u o‘z faoliyatini davom ettirsa, davlatga huquqiy vorislik o‘tayotgan paytda o‘tmishdosh-davlatga nisbatan kuchda bo‘lgan har qanday shartnoma uning kolgan barcha hududlari uchun o‘z kuchini saqlab qoladi. Bu avvalambor davlatlar o‘rtasida barqaror shartnomaviy munosabatlarni saqlab qolish maqsadini ko‘zda to‘tadi. Ushbu holatda shartnomalar huquqiy vorisligiga nisbatan belgilanadigan asosiy tamoyil — shartnomalarga rioya qilish tamoyilidir. Xali kuchga kirmagan 1978 yilda qabul qilingan Shartnomalarga nisbatan davlatlarning huquqiy vorisiyligi to‘g‘ri-sidagi Vena Konvensiyasining 35-moddasi ko‘rsatilgan umumiy qoidadan istisno bo‘lgan holatlarni ko‘rsatib o‘tadi:  birinchidan, agar merosxo‘r-davlat va shartnomaning boshqa katnashchi- davlati yoki davlatlari o‘zgacha kelishgan bo‘lsalar;  ikkinchidan, shartnoma fakdt o‘tmishdosh-davlatdan ajrab chiqqan hudud uchungina tegishli ekanligi belgilangan bo‘lsa;  uchinchidan, agar shartnoma qoidalarini merosxo‘r-davlatga nisbatan qo‘llash uning obekt va maqsadlariga muvofiq. kelmasligi yoki uning harakat shartlarini tubdan o‘zgartirib yuborishi mumkinligi shartnomaning o‘zidan ko‘rinib turgan bo‘lsa yoki boshqacha tarzda belgilangan bo‘lsa. Yangi mustaqil davlatlar tashkil topishida huquqdy vorisiylik ma’lum o‘ziga hos xususiyatlarga ega. O‘zok yillar davomida mustamlaka xukmronligi ostida yoki noqonuniy okko‘patsiya ostida bo‘lgan tobe hududlar xalqaro shartnomalar tuzishda ishtirok etmaydilar. Ushbu funksiya metropol-davlat tomonidan tobe hududlarda yashovchi aholi manfaatlari inobatga olinmagan xolda amalga

oshirilgan. Tobe hududlarga tegishli bo‘lgan shartnomalarning aksariyat qismi asoratga soluvchi shartnomalar sanalgan. Bu kabi shartnomalar harakatining davom ettirilishi yosh davlatlarning siyosiy va iqtisodiy mustaqilligini xavf ostida koldirar edi. 1978 yilda qabul qilingan Shartnomalarga nisbatan davlatlarning huquqdy vorisligi to‘g‘risidagi Vena konvensiyasi yangi mustakdl davlatni o‘tmishdosh- davlat shartnomalaridan ozod qilishni ko‘zda to‘tadi. Konvensiya qator ijobiy elementlarni o‘zida mujassamlashtiradi. Bular:  yangi mustaqil davlatlarning xalqaro shartnomaviy aloqalarini mustaqil (erkin asoslarda) belgilay olish huquqi  ularning tabiiy zaxiralari ustidan ajralmas suverenitetini tan olish;  o‘zga hududlarda chet el harbiy bazalarini kurishni gayriqonuniy deb belgilash to‘g‘risidagi qoida;  merosxo‘r-davlatlarning xalqaro huquqning umum tan olingan tamoyillariga rioya qilish majburiyati kabilardir. 1983 yilda davlat mulki, davlat arxivlari va davlat qarzlariga nisbatan davlatlarning huquqiy vorisligi to‘g‘risidagi Vena konvensiyasiga muvofiq, agar merosxo‘r-davlat yangi mustaqil davlat bo‘lsa va davlat huquqiy vorisiylik obekta hisoblanmish o‘tmishdosh-davlatning kuchmas davlat mulki uning hududida joylashgan bo‘lsa, u xolda u merosxo‘r-davlat ixtiyoriga o‘tadi. Merosxo‘r- davlatga, shuningdek, ushbu hududdan tashkarida bo‘lgan, Biroq, o‘tmishdosh- davlat tomonidan mustamlaka davomida egallab olingan kuchmas mulk ham o‘tadi. Agar xorijdagi bunday mulkning yaratilishida tobe davlat ham ishtirok etgan bo‘lsa, u xolda yangi davlatga uning kushgan ulushi mikdoridagi xissasi o‘tadi. Ikki yoki bir necha davlatlarning birlashishi natijasida yagona merosxo‘r- davlat va shu bilan birga mazkur davlatning huquqiy vorisiyligi vujudga keladi. Davlatlarning huquqiy vorisligi vujudga kelgan paytda ularning har biriga nisbatan kuchda bo‘lgan har qanday shartnoma merosxo‘r-davlatga nisbatan o‘z

kuchini saqlab qoladi. Kachon-ki mazkur hududga nisbatan ushbu shartnomani qo‘llash uning obekt va maqsadlariga muvofiq kelmasligi yoki uning harakat shartlarini tubdan o‘zgartirib yuborishi shartnomada aniq, ifodalangan yoki o‘zga tartibda belgilangan bo‘lsa, u holatda umumiy qoidadan istisno bo‘lishi mumkin (1978 yilda qabul qilingan shartnomalarga nisbatan davlatlarning huquqiy vorisligi to‘g‘risidagi Vena konvensiyasining 31-moddasi). Oxirgi holatga GDRning 1990 yilda GFR bilan birlashishi natijasida uning xalqaro majburiyatlari merosxo‘r- davlatga utmaganligi misol bo‘lishi mumkin. Hududlarga nisbatan huquqiy vorisiylik davlat hududining biror qismi yoki davlat hududi qismi hisoblanmagan, Biroq, uning xalqaro munosabatlari uchun shu davlat javobgar bo‘lgan qandaydir hududning boshqa davlat hududi qismiga aylanib kolgan holatlarda vujudga keladi. Bunday holatda:  birinchidan, o‘tmishdosh-davlat shartnomalari ma’lum hududning boshqa davlat ixtiyoriga o‘tishi bilan unga nisbatan o‘z kuchini yo‘qotadi;  ikkinchidan, mazkur hududda merosxo‘r-davlatning shartnomalari yuridik kuchga ega bo‘ladi. Kachonki, mazkur hududga nisbatan ushbu shartnomaning qo‘llanishi uning obekt va maqsadlariga muvofiq kelmasa yoki majburiyatlar hajmini tubdan o‘zgartirib yuborsa, ushbu qoidalardan istisno bo‘lishi mumkin. O‘tayotgan hududning chegaralariga nisbatan uchinchi davlatlar bilan tuzilgan shartnomalar unga nisbatan o‘z kuchini saqlab qoladi (1978 yilda qabul qilingan shartnomalarga nisbatan davlatlarning huquqiy vorisligi to‘g‘risidagi Vena konvensiyasining 15-moddasi). Ijtimoiy inkilob vaqtidagi huquqiy vorisiyligi ushbu inkilob natijasida vujudga kelgan yangi davlatga eski davlatga tegishli bo‘lgan ba’zi xalqaro huquq va majburiyatlarning o‘tishi tushuniladi. Ijtimoiy inkilob natijasida yuz berayotgan keskin (radikal) ijtimoiy-iqtisodiy va siyosiy o‘zgarishlar agdarib tashlangan to‘zumning xalqaro huquq va majburiyatlarini qaytadan ko‘rib chiqish uchun asos bo‘ladi. Bunda yangi davlat to‘zumi asoslariga zid bo‘lgan huquq va majburiyatlargina bekor qilinadi.

Ijtimoiy inkilob yuz berganda vujudga kelishi mumkin bo‘lgan huquqiy vorislikning turli nazariyalari mavjud. Ulardan biriga muvofiq, ijtimoiy inkilob natijasida huquq va majburiyatlarning qayta ko‘rib chiqilishi xalqaro huquqning sifat jihatidan yangi subekti vujudga kelganligi bilan xarakterlanadi. Ikkinchi bir nazariyaga ko‘ra, ijtimoiy inkilob mamlakatda tubdan ijtimoiy-iqtisodiy va siyosiy o‘zgarishlarni amalga oshirish bilan birga uning xalqaro huquqiy subektligiga xech qanday ta’sir ko‘rsatmaydi. Biroq„ pirovardida, ba’zi xalqaro huquq, va majburiyatlarni qayta ko‘rib chiqish huquqini beradi. Oktabr inkilobi natijasida vujudga kelgan Sovet davlati (yangi hukumatning fikriga muvofiq} Rossiya imperiyasining teng huquqlilikka asoslanmagan, maxfiy hamda ittifoqchilik majburiyatlarini bajarishga karatilgan bitimlaridan voz kechdi. Shuningdek, Sovet davlati podsho hukumati qarzlarini to‘lashdan voz kechdi va xorijiy kreditlarni bekor kildi. Shu bilan birga gumanitar, ma’muriy va texnik sohalardagi ko‘pgina bitimlar hamda bir qator xalqaro majburiyat va huquqlar saqlab qolindi.

Adabiyotlar : 1.Saidov A.X. Xalqaro huquq.T. “Adolat”, 2001y. 2. Saidov A.X. Xalqaro huquq sxemalarda .T. “Adolat”, 2001y. 3.Mamatqulov A. Xalqaro huquq.T. “Adolat”, 1998y. 4.To`zmuhammedov K.A.Hakimov K.YE. Xalqaro huquq asoslari.T. “Adolat”, 1998y. 5.I.I.Lukashuk. A.X.Saidov. Hozirg`I zamon xalqaro huquqi nazariyasi asoslari. “Adolat”T.2006 y.

Похожие

Hozirgi zamon huquqiy tizimi

Hozirgi zamon huquqiy tizimi tushunchasi

Hozirgi zamon davlati va huquqi nazariyasi muammolari maxsus kursining predmeti va metodlari

Xalqaro nizolarni Xalqaro huquqiy vositada hal etish. Xalqaro jinoyat huquqi

Hozirgi zamon huquqiy tizimining asosiy tasnifi