ANGLIYA DAVLATI VA HUQUQI - Юриспруденция - Рефераты

ANGLIYA DAVLATI VA HUQUQI

Загружено в:

20.09.2019

Скачано:

0

Размер:

273 KB

ANGLIYA DAVLATI VA HUQUQI (V asr-XVII asrning o`rtasi) Reja: 1. Angliya davlatining tashkil topishi va rivojlanish bosqichlari. 2. Ingliz-sakslarning ilk feodal monarxiyasi (IX-XI asrlar). 3. Angliyada markazlashgan senorlik monarxiyasi (XI-XII asrlar). 4. Tabaqa-vakillik monarxiyasi (XIII asrning II yarmi-XV asr). 5. Absolut monarxiya davrida Angliyaning ijtimoiy-siyosiy tuzumi (XVasrning oxiri-XVII asrning o`rtasi). 6. Huquqning asosiy belgilari.

1. Angliya davlatining tashkil topishi va rivojlanish bosqichlari Angliya feodal davlatining tashkil topishi Britaniya orollariga ger-man va skandinav qabilalarning ko`p sonli bosqinchilik yurishlari bilan bog`liq bo`lgan. Ma`lumki, Rim legionlari Britaniyadan V asrning boshla-ridayoq chiqib ketgan edi. Biroq oradan ko`p vaqt o`tmay, bir qancha may-da qirolliklarga bo`lingan "britaniya mustaqilligi" barham topdi. V asrning o`rtalaridan boshlab (449 yil atrofida) bu orolga turli xil shimoli-g`arbiy german qabilalari - inglizlar, sakslar, yutlar bostirib kira boshlaydi. Bu isti-lo qariyb bir asrga - VI asrning ikkinchi yarmigacha cho`zilib, orol oz-oz-dan istilo qilinib bordi. Ingliz-sakslar istilosi natijasida ilgarigi Britaniya hududida o`ndan ortiq mayda varvar qirolliklari vujudga keldi. Bu varvar qirolliklari chekka Uels, Kornuel va Shotlandiyadan tashqari, orolning bu-tun hududini egallab oldi. VII asrga kelib ingliz-sakslar xrestianlikni qabul qilib, o`zlarining bir qadar yirikroq yettita (geptarxiya deb ataladigan) qirolliklarini barpo etdilar. Bular: janubda sakslarning uchta qirolligi – Uesseks, Sesseks, Esseks (g`arbiy, janubiy va sharqiy saks) qirolliklari, markazda va shimoli-sharqda asosan angllarning uchta - Mersiya, Nortum-briya va Sharqiy Angliya qirolliklari hamda chekka janubi-g`arbda yutlar- ning Kent qirolligi edi. 827 yilda Uesseks qiroli Ekbert (802-839 yillar) bu qirolliklarni o`z hukmronligi ostida birlashtirib, yagona ingliz-sakslar qi-rolligiga asos soladi. X asrdan boshlab bu yagona davlat Angliya deb atala boshlaydi. XI asrning boshida ingliz taxti daniyaliklar tomonidan egallab olinadi. Daniyaliklar Angliyani Eduard Ispovednik (1042-1066 yillar) to-monidan ingliz-sakslar sulolasi qayta tiklangunga qadar boshqardilar. 1066 yilda Angliyani Normandiya gersogi Vilgelm istilo qilib, shu tariqa Fotix (istilochi) nomi bilan Angliya qiroli bo`lib oladi. Bunda unga, bir tomo-ndan, Rim papasi xayrixohlik qilgan bo`lsa, ikkinchi tomondan, fransuz qi-roli bevosita ko`p sonli harbiy qo`shinlari bilan yordam bergan edi. Nor-mandlar hokimiyati kuchayib, markazlashgan davlat barpo qilishga asos solingan. O`rta asrlarda Angliya feodal davlatining rivojlanish bosqichlarini quyidagi davrlarga bo`lish mumkin: 1) ingliz-sakslarning ilk feodal monar-xiyasi davri (IX-XI asrlar); 2) markazlashgan senorlik monarxiyasi va qirol hokimiyatini cheklash uchun fuqarolar urushi (XII asr) davri; 3) tabaqa-vakillik monarxiyasi davri (XIII asrning ikkinchi yarmi -XV asr); 4) absolut monarxiya davri (XV asrning oxiri - XVII asrning o`rtasi). 2. Ingliz-sakslarning ilk feodal monarxiyasi (IX-XI asrlar) German qabilalarining Britaniyadagi feo-dal jamiyatlarining shakllanishi juda sekinlik bilan yuz bergan. Bu ma`lum darajada ingliz-sakslarning qabilaviy urf-odatlari orolda darhol buzilmaganligi va skandi-nav an`analarining turg`unlik ta`siri bilan bog`liq edi. VI-VIII asrlardagi ko`pgina "haqiqat"larda, ya`ni turli ingliz-saks qirollarining qonunlar to`p-lamlarida ingliz-sakslarning o`sha davrga Ingliz-sakslarning ijtimoiy tuzumi

oid ijtimoiy tuzumi haqida an-chagina ma`lumotlar beriladi. Ularning ijtimoiy tuzumi ko`p jihatdan franklarning "Sali haqiqati"da tasvirlangan ijtimoiy tuzumiga o`xshar edi. Inglizlar, sakslar va yutlardan iborat german qabilalari o`zlari bosib olgan mamlakat xalqlariga nisbatan ijtimoiy va madaniy rivojlanishning ancha quyi darajasida turar edi. Ular bosib olgan mamalakatda nisbatan rivojlan-gan qishloq xo`jaligiga duch kelganlar. Shu sababli istilodan keyin tez ora-da ularning asosiy mashg`uloti dehqonchilik bo`lib qolgan. Ingliz-sakslar davlati aholisi, manbalarning darak berishicha, qadimgi davrlardayoq erk-in, yarim erkin kishilarga va qullarga bo`lingan edi. Franklardagi singari, ingliz-sakslarda ham aholining asosiy ommasi, ingliz-sakslar "haqiqatlari" da ishlatilgan ibora bilan aytganda, kyorllardan - erkin kishilardan iborat edi. Bular mustaqil xo`jalik yurituvchi jamoachi dehqonlar bo`lib, gayda deb atalgan katta-katta yer uchastkalariga ega edilar (ba`zi qirolliklarda har bir kyorl oilasiga tegishli chek yerning miqdori 120 akr, bizning hisobi-mizcha 50 gektarga to`g`ri kelardi). Kyorlning vergeldi 200 shilling edi. Urug`-qabila zodagonlari - erllar bo`lib, ular jamiyatning hukmron taba-qasini tashkil etgan. Erlning vergeldi dastlab faqat 400 shilling bo`lgan bo`lsa, keyinchalik 600 shillingga, undan keyin yanada oshib 1200 shil-lingga yetgan. Erllar va kyorllar jamiyatda erkin kishilar edi. "Haqiqat-lar"da yuqoridagilardan tashqari, yana letlar yoki uillar tilga olinadi. Bular o`z ahvoli jihatidan frank litlariga o`xshagan yarim erkin kishilar edi. Ularning o`z yeri bo`lmay, ma`lum majburiyat evaziga erllarning yeri-ni ishlab berar edilar. Ularning vergeldi 80 shilling atrofida edi. Letlar Bri-taniyaning bo`ysundirilgan mahalliy aholisidan (uil so`zi Britaniyaning g`arbiy qismi - Uelsdan) kelib chiqqan deb taxmin qilinadi. Zodagon ing-liz-sakslarning, erllarning (va hatto ba`zi bir eng boy kyorllarning) qullari ham bo`lib, ularning bir qismi hovlida xizmat qiladigan, bir qismi obrokchi qullar bo`lib, dehqonchilik bilan shug`ullanardi. Qullar jamiyatning eng quyi po-g`onasida turgan. Ingliz-sakslarda asirga olish, qullardan tug`ilish va og`ir jinoyatlar uchun qullikka sotish qullikning asosiy manbalari edi. Qulni o`ldirish qul egasining mulkiga yetkazilgan zarar sifatida ko`rilgan va aybdorga faqat yetkazilgan zararni to`lash majburiyati yuklatilgan xo-los. Shuni ta`kidlash joizki, cherkov qullarga nisbatan o`zboshimchalikni va shafqat-sizlikni qoralardi. Xo`jayinning buyrug`i bilan yakshanba kuni ishlagan qul erkinlikka chiqarilardi. Huquqiy yodgorliklarda, shuningdek, ruhoniylar va qirol ham eslati-ladi. Ularda yepiskopning vergeldi hatto qirolning vergeldidan yuqori belgilangan. VIII asrda shaxsiy patronat tajribasi tarqala boshladi. Bunda har bir odam o`ziga homiy (glaford) izlashi lozim edi va homiysining roziligisiz undan ketish huquqiga ega emasdi. VII-IX asrlardagi yodgorliklarda drujinnik-tanlar alohida tilga olinadi. Drujinnik-tanlar qatoriga erllar ham, kyorllar ham kirib, ular qirol foydasiga harbiy xizmat o`tashlari lozim edi. Bu toifaga kirishning yagona mezoni ma`lum miqdordagi (5 gayd) yer uchastkasiga egalik qilish bo`lgan. Shunday qilib, erkin kishilarning turli ijtimoiy guruhlari o`rtasidagi chegaralar yopiq bo`lmagan va qat`iy cheklab qo`yilmagan edi. Ingliz dehqoni va hatto, erkinlikka chiqarilgan kishining avlodlari xo`jayin yoki qiroldan yer uchastkasi olib, tan bo`lib qolishi mumkin edi.

Tarixchilarning darak berishicha, o`sha davrda ingliz tanlarining deyarli to`rtdan bir qismi dehqonlar va hunarmandlardan kelib chiqqan. Bu davrda yuqoridagi jarayonlar bilan bir vaqtda hukmronlik va bo`ysunish munosabatlari ham rivojlanishda davom etgan. X asrda o`zi uchun sudda javob bera olmaydiganlarning hammasiga o`ziga glaford topish buyurilgan, ya`ni majburiy kommendatsiya joriy etilgan. Angliyada kommendatsiya VII-VIII asrlarga oid esdaliklardayoq uchraydi, lekin bu narsa IX-X asrda ayniqsa ko`paydi. Angliya qiroli Etelstan (Buyuk Alfredning nevarasi) 930 yilda har bir erkin kishiga o`zi uchun bir xo`jayin (ingliz-sakscha "lord", fransuzcha "senor" degan iboraga to`g`ri keladi) topib olishni buyurgan. Etelstan qonunlariga binoan, agar dehqon ma`lum muddat mobaynida qandaydir feodalning himoyasida bo`lmasa, u qochoq deb topilgan va har kim uni jazo bermay o`g`ri sifatida o`ldirishi mumkin edi. Dehqonning o`z yonidagi katta yer egasiga bo`lgan qaramligini davlat hokimiyati immunitet tarzida rasmiylashtirgan. Qirol katta yer egalariga o`z atrofidagi aholini sud qilish va undan tegishli sud bojlari olish huquqini bergan. Bunday xususiy sud qilish huquqi soka deb, xususiy sud qilingan dehqonlar esa sokmenlar deb atalardi. Har qanday odam qirol sudiga murojaat qilishdan avval o`zining glafordiga murojaat qilishi lozim edi. Xo`jayinning hayoti erllar uchun ham, kyorllar uchun ham daxlsiz deb e`lon qilingan. Yuqoridagilar bilan bir vaqtda kafillik instituti har qanday kishiga uning glafordi va ma`lum (12 tadan ortiq bo`lmagan) miqdordagi erkin kishilarning kafolat berishi mustahkamlangan. XI asrga kelib, tanlarning ham, qaram dehqonlarning ham yerga oid xizmatlari belgilangan. Tanlar qirollik hujjatiga asoslangan yerlarga egalik qilish huquqiga ega bo`lganlar va uchta asosiy majburiyatlarni bajarishlari lozim edi. Bular: yurishlarda, istehkomlar qurishda va ko`priklar tuzatishda ishtirok etish majburiyatlari edi. Bundan tashqari, ko`pchilik dehqon uchun qirol buyrug`i bilan boshqa xizmatlar: qo`riqlanadigan qirollik bog`larini yaratish, kemalarni jihozlash, qirg`oqlarni qo`riqlash, cherkov yerlariga qarab turish va boshqalar ham joriy etilishi mumkin edi. Tanlar asta-sekin harbiy tabaqani tashkil etganlar. Kambag`allashgan kyorllardan ko`p sonli qaram dehqonlar tashkil topgan. Bunday dehqonlarning majburiyatlari ba`zan aniq o`rnatilgan, ba`zan esa aniq belgilanmagan edi. Majburiyatlar joylardagi urf-odatlar bilan belgilanardi. Dehqon o`lgandan keyin uning barcha mol-mulki glafordda qolardi. Erdor lordlar manorlar (bu so`z ham ingliz-sakslar vaqtida paydo bo`lgan) deb atalgan o`z pomestyelarida qisman qullar mehnatini, qisman esa krepostnoylar mehnatini ekspluatatsiya qilardilar. 1000 yilga oid bir manbada 5 0 dehqonlarning turli guruhlari tasvirlanadi, lekin ilgari kyorl degan nom o`rniga mazkur hujjatda genitlar va geburlar degan yangi nomlar ishlatiladi; genitlar xususiy yer egalari bo`lib, qisman qirolga, qisman yonidagi lordlarga soliqlar to`lab turuvchi erkin dehqonlar edi, geburlar esa o`z yeri bo`lmay, pomeshchiklarning yerida dehqonchilik qilib, unga yil bo`yi har haftada uch-to`rt kun juda og`ir barshchina o`tab beruvchi va bundan tashqari, lordga mol, g`alla, pul shaklida turli soliqlar to`lab turuvchi dehqonlar edi. Kam yerli dehqonlarning yana bir guruhi bo`lmish kassitlar (kotterlar) 5 0 Bu manba «Ayrim shaxslarning burchlari» (“Rectitudinrs singularum personrum”) deb atalar edi.

ham tilga olinadi, bularning kichik bir parcha yerlari va kulbalari bo`lib, ular evaziga uncha katta bo`lmagan barshchina majburiyatini o`tar edilar. VIII-IX asrlarda, ayniqsa, X asrda ingliz-sakslarning patriarxal jamoa tartiblari tobora tushkunlik sari yuz tutdi. Hali kuchli bo`lgan qishloq jamoasi bilan bir qatorda katta aristokratik yer egaligi avj oldi. Qirol maxsus yorliqlar berib, yerni dunyoviy zodagonlarga va cherkovga xususiy mulk qilib bera boshladi. Odatdagi qonun- qoidalarga asoslangan yer mulkiga, ya`ni jamoalarning, dehqonlarning yer mulkiga (folklendga) qarama-qarshi o`laroq, mamlakatda pomeshchiklar mulki (boklend), ya`ni yerga qirol yorlig`i - bos yoki book asosida egalik qilish tobora kuchayib bordi, qirol yer feodallarning xususiy mulki bo`lishini tan olish bilan birga, boklend egalariga ko`pincha yana bir qancha imtiyoz va immunitetlar (mahalliy dehqon aholisini sud qilish va ulardan soliq olish huquqi)ni ham berdi. Dehqonlarning chek yeri borgan sari maydalanib bordi. Katta dehqon oilasining ilgarigi o`rtacha chek yeri - gayda 5 1 o`rniga IX-X asrlarda hamma joyda dehqonlarning miqdor jihatidan ancha oz bo`lgan yangi chek yeri - virgata 5 2 uchraydi. Daniyaliklarning hujumi dehqonlarning ahvoliga juda yomon ta`sir qiladi. Daniyaliklar o`z hujumlari vaqtida dehqonlarning xo`jaligini butunlay vayron qilardilar. Dehqonlar burglar, ko`priklar va yo`llar qurish, lashkarlar safida turib qo`riqchilik qilish va harbiy xizmatni o`tash uchun juda ko`p vaqt sarflashga majbur edilar. Har bir chek yerga solinadigan va tobora ortib borgan "daniyaliklar puli", ya`ni daniyaliklarga qarshi kurashish uchun yig`iladigan soliq ham dehqonlar zimmasidagi og`ir yuk edi. Biroq ingliz-sakslarda jamiyatning feodallashuvi jarayoni normanlar istilosi vaqtida tugallanmagan edi. Dehqonlarning loaqal yarmi hali erkin jamoa a`zosi bo`lib, ularning lordlar bilan bo`lgan munosabati hali butun-lay krepostnoylik munosabatlari tusini olmay, balki homiylik munosa-batlarigina edi. Hatto krepostnoylashtirilgan geburlarning ahvoli ham turlicha bo`lib, har qaysi manor har xil edi. Bir qancha joylarda geburlar qaram kishilarga o`xshardi, lekin ular chinakam krepostnoylik holatida emasdilar. Shimoli-sharqiy Angliyada, daniyaliklar o`rnashgan mintaqada erkin dehqonlar ("erkin kishilar") hali juda ko`p edi. Skandinavlar jamiyatining ancha keyin taraqqiy etishi, sharqiy Angliyadagi daniyalik-skandinaviyalik aholi orasida urug`chilik tuzumi elementlarining saqlanib qolishi natijasida shunday hol yuz berdiki, hatto janubi-sharqdagi ingliz-saks dehqonlari ilgarigi erkinligi va mustaqilligidan butunlay mahrum bo`lgan bir vaqtda ham "daniyaliklar mintaqasi"dagi dehqonlar o`z mustaqilligini birmuncha saqlab qolgan edi. Angliya ruhoniylari arxiyepiskop Kenterberiyskiy boshchiligida papa hokimiyati bilan bo`lgan munosabatda, qit`adagi cherkovga qaraganda, ancha mustaqil mavqedan foydalanganlar. Ibodat qilish mahalliy tilda olib borilgan. Ruhoniylarning vakillari mahalliy va qirollik majlislarida dunyo-viy ishlarni hal qilishda ishtirok etganlar. 5 1 Gayda - taxminan 120 akrga teng. Akr - 0,4047 gektarga teng yer o`lchovi. 5 2 Virgata – gaydaning to`rtdan bir qismi.

Angliya cherkovi katta yer egasi edi. Unga mamlakatdagi butun yerlarning uchdan bir qismigacha tegishli bo`lgan. Shu bilan birga dindor shaxslar umumdavlat soliqlari va majburiyatlaridan ozod qilinmagan edilar. Umuman olganda, normandlar istilosi arafasida ingliz-sakslar jamiyatining feodallashuvi, feodal yer egaligining, vasallik-lenlik ierar-xiyasining rasmiylashishi hali nihoyasiga yetmagandi. Mamlakatda, ayniq-sa, uning sharqiy qismida hali erkin dehqonlarning anchagina qatlamlari mavjud edi. Lekin shunga qaramay, XI asrga kelib, butun Angliya hududida jamoa munosabatlari o`z o`rnini allaqachon feodal muno-sabatlarga bo`shatib bergan edi. Ingliz-sakslar davlatida davlat hoki-miyatining tashkil etilishi ular vujudga kel-gan va rasmiylashgan sharoitlar bilan belgi-lanadi. Davlat tuzumida urug`-qabila tashkilotlarining anchagina qoldiqlari saqlanib qolgan edi. Keltlarga qarshi kurash davomida german qabilalarida mulkiy tabaqalanish va sinflarning tashkil topish jarayoni tezlashdi. Bu esa o`z navbatida ularda urug`chilik tuzumining yemirilishi va davlatning tashkil topishini tezlashtirdi. Dastlab german qabilalari Britaniyadagi bosib olgan yerlarida ko`p sonli mayda davlatlar tashkil etdilar. VII asrga kelib Britaniya hududida yettita nisbatan yirik davlatlar (Geptarxiya) vujudga keldi. Yagona ingliz-sakslar davlatining tashkil topishi daniyaliklarning ikki marotaba bosqiniga qarshi shiddatli kurash sharoitida sodir bo`ldi va ingliz qiroli Eduard Ispovednik davri (1042-1066 yillar)da nihoyasiga yetdi. Mamlakatning birlashtirilishiga qadar yagona davlatda har bir kichik qirollikning o`z qiroli bo`lgan. Bu davlatlarning ko`pchiligida qirollar saylab qo`yilardi. Bu xuddi ilgarigi qabila boshliqlari (dohiylar)ni saylash tartibiga o`xshash edi. Davlat tashkil topgandan so`ng dastlabki bosqichda ingliz-sakslar qirollarining hokimiyati kuchsiz bo`lgan. Hatto qirol mulkini o`g`irlashda ayblanganlar oddiy dindorning mulkini o`g`irlaganlar bilan teng miqdorda jarima - o`g`irlangan mulkning to`qqiz baravar miqdorini to`lardilar. Qirol shaxsi arxiyepiskop shaxsi bilan teng darajada himoya qilingan. Biroq, qirol oliy hokimiyat egasi bo`la borgan sari uning mavqei ancha mustahkamlangan. Qirol shaxsiga nisbatan qilingan har qanday tajovuz jinoyat hisoblangan, uning hayotiga suiqasd uchun esa aybdor o`limga mahkum etilgan. Qirol harbiy hokimiyat egasi sifatida davlatdagi "tinchlik va xavf-sizlik"ni qo`riqlab turgan. Qirollik tinchligini buzish eng og`ir jinoyat hisoblangan. Qirol oliy sudya bo`lgan. Hukmron tabaqalar uchun ancha xavfli jinoiy ishlar bevosita qirol sudida ko`rib, hal etilgan. Bunday hollarda qirol ishlarni vitanlar (donishmandlar) ishtirokida hal qilardi. Vitanlar yangi qonunlar ishlab chiqishda ham bevosita qatnashardilar. Ingliz-sakslar davrida qirol hokimiyati ancha o`sgan va mustahkamlangan bo`lishiga qaramay, qirolga harbiy sarkarda sifatida qarash va taxtni almashtirishda saylovlar tamoyili saqlanib qolgan edi. Biroq, monarx asta- sekin o`zining yerga oliy egalik qilish, monetalarni tanho o`zi chiqarish, butun erkin aholidan soliq va bojlar olish, harbiy xizmatlar talab qilish kabi huquqlarini Ingliz-sakslarning davlat tuzumi

o`rnatgan. Ingliz-sakslarda qirol foydasiga to`g`ridan-to`g`ri soliq olish mavjud edi. Har bir chek yerga solinadigan va tobora ortib borgan "daniyaliklar puli" aynan shunday soliq edi. Bundan tashqari, harbiy yurishlarda ishtirok etishdan voz kechganlardan ham qirol foydasiga jarima olinardi. Yuqoridagilar bilan birga, IX-XI asrlardagi huquqiy yodgorliklar qirol hokimiyati huquq va vakolatlarining, xususan, o`z hududida odamlarni sud qilish, jarimalar va yig`imlar undirish, qo`shin to`plash kabi huquqlarining yirik yer egalariga o`tkazilishi tendensiyasi bo`lganligi haqida ham xabar beradi. Qudratli tanlar ko`pincha qirollik vakillari ma`muriy okruglarning boshqaruvchilari etib tayinlanardi. Ingliz-sakslar davrida oliy davlat organi - vitanagemot - vitanlar, ya`ni "donishmandlar" kengashi bo`lgan. Bu munosib, "ko`p mulkli" erkaklar yig`inida qirol, oliy ruhoniylar, dunyoviy zodagonlar, shuningdek, qirol tomonidan shaxsan taklif etilgan qirollik tanlari ishtirok etgan. Uning tarkibi 30 tadan 100 tagacha yetgan. Eduard Ispovednik davrida vitana-gemotda qiroldan yer va saroy mansablarini olgan ko`pgina normandlar ham ishtirok etgan. Bundan tashqari, vitanagemot majlislariga Shotlandiya va Uels qirollari hamda Londondan saylanganlar ham taklif etilardi. Barcha muhim davlat ishlari mazkur yig`inning "maslahati va roziligi bilan" hal etilardi. Uning asosiy funksiyalari - qirollarni saylash va oliy sudni amalga oshirish edi. Qirol hokimiyati IX-X asrlarda vitanagemot-ning ijtimoiy siyosatning ancha muhim masalalariga, jumladan, yerlarni taqsimlashga aralashuvini cheklashga erishdi. Vitanagemot kompetensiyasi turli davrlarda va turli ingliz-sakslar davlatlarida turlicha bo`lgan. U qirol hokimiyatining qanchalik kuchli yoki kuchsiz bo`lganligiga bog`liq edi. Ko`pincha qirolning funksiyalarini vitanagemotning funksiyalaridan ajratish qiyin bo`lgan. Barcha muhim ishlarni hal etish, qonunlarni muhokama qilish, yangi soliqlar o`rnatish vitanlar yig`inining vakolatiga kirardi. Vitanagemot qirolni saylagan, urush va tinchlik masalasini hal etgan, yepiskoplarni saylagan va qirollik sudida sud ishlarini ko`rishda qatnashgan, qirol in`omlarini tasdiqlagan, agar ularni tasdiqlamasa, amalga oshmas edi. Qirol saroyi mamlakatni boshqarish markaziga, qirolning yaqinlari esa davlatdagi yuqori mansabdor shaxslarga aylanib, oqibatda vitanage-motning ahamiyati tobora pasayib bordi. Qirol saroyining asosiy boshqaruvchilari ichida kamerariy, marshal, qirollik kapelanlari katta ahamiyatga ega edi. Kamerariy qirollik mol-mulki va moliyasi ahvoliga javob bergan. Marshal esa qirollik otliq askarlarining qo`mondoni hisoblangan. Qirollik kapelanlari davlatning devonxona ishlarini yuritganlar. Ingliz-sakslar qirollarining armiyasi drujinachilar va xalq lashkarlari (fyrd) dan tuzilgan. Qirollarning drujinalari kam sonli, lekin yaxshi qurollangan edi. Drujinachilar armiyaning yadrosi hisoblangan. Armiyaning asosiy qismini har bir graflikdan to`planuvchi ko`ngillilar otryadlari (xalq lashkarlari) tashkil etgan. Xalq lashkarlari qurol ko`tarishga qodir barcha erkin fuqarolardan to`plangan. Armiya

Buyuk Alfred armiyada islohotlar o`tkazgan. U daniyaliklarga qarshi kurashishda qisman eski umumiy xalq lashkarlariga tayandi, qisman harbiy-feodal turdagi katta, o`rtacha va mayda yer egalaridan iborat feodal qo`shinning kuchaytirilishini quvvatladi. Shu tariqa, Angliyada ritsarlar vujudga kela boshladi. Bundan tashqari, Alfred daniyaliklarga qarshi kurashda juda ko`p burglar - qal`alar qurib, ularga qo`riqchi otryadlar qo`ydi va dengizning qirg`oq bo`ylarini daniyaliklar hujumidan qo`riqlash uchun dengiz floti qura boshladi. U doimiy soliq olishni joriy etdi, aynan shu soliq "daniyaliklar puli" deb ataldi. Buyuk Alfredning armiyada o`tkazgan islohoti og`ir qurollangan jang-chilar sonini oshirish maqsadini ko`zlagan edi. Besh gaydadan ortiq yerga ega bo`lgan har bir yer egasi o`z qiroliga harbiy xizmat o`tashi va uning yurishlarida oti bilan to`liq qurollangan holda ishtirok etishi lozim edi. Ingliz-sakslarda asosiy ma`muriy-hudu-diy birlik graflik (shire) bo`lgan. Taxminan o`sha vaqtda mamlakat hududi, asosan harbiy maqsadlarda 32 ta katta graflikka (okrugga) bo`lingan edi. Graflikning markazi, odatda, mustahkamlangan shahar bo`l-gan. Ba`zi grafliklar ilgarigi kichik qirolliklarning hududini to`liq qamrab olgan bo`lsa, boshqalari ancha yirik qirolliklarning bir qancha grafliklarga bo`linishi natijasida tashkil topgan edi. Grafliklar tepasida e ldormenlar turgan. Eldormenlar qirol tomonidan vitanlar bilan kelishib, mahalliy feo-dallar orasidan tayinlanardi. Eldormen va uning uyi qirollik himoyasi osti-da edi. Eldormen asosan graflik yig`iniga va uning qurolli kuchlariga rah-barlik qilardi. Grafliklardagi sud jarimalarining bir qismi eldormenlarga xizmat vazifalarini ado etganligi uchun mukofot tariqasida kelib tushardi. Eldormenlar faqat qirol va grafliklar manfaatlarining rasman ifoda etuvchi vakillari bo`lishgan. Amalda ular mahalliy yer egalarining manfaatlarini himoya qilardilar. Shu sababli ingliz-sakslar qirollari grafliklarga o`zlari-ning shaxsiy vakillari - sheriflarini 5 3 tayinlab qo`ya boshladilar. Sheriflar dastlab faqat qirol xazinasi foydasiga pul yig`ish bilan shug`ullanardilar. X asrdan boshlab, qirol hokimiyatining kuchayishi bilan sheriflar eldormen-larning birinchi yordamchilariga aylantirilganlar va graflikni boshqarish-ning asosiy iplarini o`z qo`llariga olganlar. Shunday qilib, mahalliy bosh-qaruvda sheriflarning roli xuddi franklar davlatidagi graflarning roliga o`x-shash edi. Bir qancha grafliklar tepasida bitta eldormen turgan joylarda sheriflarning vakolatlari va boshqaruvdagi o`rni katta ahamiyatga ega edi. Sherifning majburiyatiga graflikda qirol imtiyozlariga rioya etilishi ustidan nazoratni amalga oshirish va qirol foydasiga o`talishi lozim bo`lgan majburiyatlarning bajarilishi ustidan kuzatib turish kabilar kirardi. Sherif barcha moliya masalalarida va sudda qirol hokimiyatining vakili sifatida chiqqan. Unga politsiyachilik funksiyalari ham yuklangan edi. Graflikdagi muhim organ graflik yig`ini - folkmot bo`lgan. U X asr oxiridan boshlab sherif tomonidan bir yilda ikki marta chaqirilib turgan. Folkmot tarkibiga eldormen, sherif, graflikning yepiskopi, barcha yer egalari va har bir qishloq jamoasidan oqsoqol, ruhoniy va to`rttadan aholining hurmatga loyiq kishisi kirgan. 5 3 «Sherif» so`zi ikki so`z: gerefa («oqsoqol») va shir (ingliz – sakcha graflik nomi) – «shayr» - «gerefa» so`zlarining qo`shilishidan kelib chiqqan. Hokimiyat va boshqaruvning mahalliy organlari

Grafliklar yig`inlarida asosan muhim mahalliy ishlar, jinoiy va fuqarolik sud ishlari ko`rib hal qilingan. Bundan tashqari, ularda qirolga soliqlar to`lash, grafliklardan drujinalar tuzish va graflikda xavfsizlikni ta`minlash bilan bog`liq masalalar ham muhokama qilinardi. Ingliz-sakslar davlatlaridagi grafliklar yuzliklarga bo`lingan. Yuzlik tepasida yuzboshi turgan. Yuzboshi yuzlik yig`inida saylab qo`yilgan. Yuzlik yig`inlari (yuzboshilar majlislari) oyda bir marta to`plangan. Ular-da oqsoqol, ruhoniy, har bir qishloq jamoasidan to`rttadan eng hurmatli dehqonlar va okrugning barcha yer egalari ishtirok etgan. Yuzliklar yig`inlarida jinoiy va fuqarolik masalalari bo`yicha sud ishlari ko`rib hal qilingan. Bunday yig`inlarning kompetensiyasiga okrug doirasida yerga egalik huquqining bir shaxsdan boshqasiga o`tkazilishini guvohlantirish va jamoalar o`rtasida soliqlarni taqsimlash kabilar taalluqli edi. Ingliz-sakslar davlatining eng quyi zvenodagi ma`muriy-hududiy birligi qishloq (tun) jamoasi bo`lgan. Jamoa yig`ini - galimot qishloq-ning yuqori organi edi. Unda jamoaning barcha katta yoshli erkaklari ishtirok etib, xo`jalik masalalari (ekin ekish, chorva boqish va hokazolar) hal qilingan, jamoa tarkibiga kiruvchi qishloq aholisi o`rtasidagi mayda jinoiy va fuqarolik ishlari ko`rib hal qilingan. Jamoa tepasida saylab qo`yiladigan q ishloq oqsoqoli (tungerefa) turgan. Politsiyalik maqsadlarida jamoa o` nta tomorqaga - oilaga bo`lingan. Jinoyat sodir etilgan hollarda ana shu o`nta tomorqa a`zolariga jinoyatchini ushlab, hokimiyatga topshirish majburiyati yuklangan. Aks holda, ular jamoaviy javobgarlikka tortilganlar. Yuzliklarning xalq yig`inlarida yiliga ikki marta o`nta tomorqaning faoliyati tekshiruvdan o`tkazib turilgan. Bunda o`nta tomorqaliklarning o`zaro bir-biri bilan bog`liqligi, barcha huquqbuzarliklarning aniqlanganligi va aybdor shaxslarning tegishlicha hokimiyatga topshirilganligi tekshiruvdan o`tkazilardi. Shunisi xarak-terliki, o`nta tomorqa tarkibiga yirik yer uchastkasiga egalik qilib turgan jamoa a`zolari kirmagan. Yirik yer egalari imtiyozli tabaqa sifatida yuqoridagi majburiyatlardan ozod edilar. Ingliz-sakslar davlatlari yashagan davrda shaharlar vujudga keldi. Shaharlar asosan qirollik yerlarida joylashgan edi. Shaharlarni boshqarish yo grafliklarning sheriflari tomonidan yoki buning uchun maxsus tayinlangan qirol chinovniklari tomonidan amalga oshirilgan. Shaharlar va portlar o`zlarining xalq yig`inlariga ega bo`lganlar. Ular keyinchalik shahar va savdo sudlariga aylantirilgan edi. O`nliklar, yuzliklar va grafliklar aniq o`rnatilgan ierarxiya (bosqich-ma- bosqich bo`ysunish) tizimi asosida tashkil etilmagan edi. Ular ma`lum darajada bir- biridan mustaqil, avtonom tarzda idora etilardi. Biroq, grafliklarda sherif lavozimining ta`sis etilishi shuni ko`rsatadiki, ingliz- sakslar davridayoq joylarda markazlashtirilgan byurokratik boshqaruv, qirolga hisob beradigan va qirol buyruqlari asosida harakat qiladigan ma`-muriy okruglarning mansabdor shaxslar tomonidan bosh-qarilishi joriy qilina boshlagan. Ingliz-sakslar davrida ko`p jinoiy va fuqarolik ishlari grafliklar va yuzliklarning yig`inlarida ko`rib, hal qilingan. Grafliklarning yig`inlarida jinoiy, fuqaro-lik va diniy ishlarSud hokimiyati

ko`rilgan. XI asrga kelib grafliklar yig`inlarining yuris-diksiyasi (sud qilish huquqi) yanada kengaydi. Ko`p ishlarni ko`rib hal qilish ularning qat`iy huquqi bo`lib qoldi. Ingliz-sakslar qirollari tomonidan o`z feodallariga berilgan immunitet yorliqlari yer egalariga qaram dehqonlar ustidan keng sud hokimiyatini berar edi. Votchina sudida dehqonlar jinoyatini ko`rishda o`lim jazosi tayinlash mumkin emas edi. Bu yuzliklar yig`ini yurisdiksiyasining ma`lum darajada cheklanishiga olib kelgan. Davlatda oliy sud qirol sudi bo`lgan. U davlatga xiyonat, qirol vassallari o`rtasidagi nizolar va yerga egalik bo`yicha kelib chiqadigan nizolar haqidagi ishlarni ko`rib, hal qilgan. XI asrga kelib qirol sudining hamda graflik va yuzliklar yig`inlarida ishlarni ko`rishda qirol chinovniklari rolining kuchayishi sodir bo`ldi. Bu vaqtga kelib, erkin aholi sud ishlarini hal qilishda ishtirok etishdan butunlay chetlashtirila bordi. Sud hokimiyatining yer egalari va qirol chinovniklari qo`lida to`planishi natijasida sudlar krepostnoylashtirilgan dehqonlar ommasiga qarshi kurash quroliga aylantirilgan edi. 3. Angliyada markazlashgan senorlik monarxiyasi (XI-XII asrlar) Angliyaning Vilgelm boshchiligida normandlar tomonidan istilo qilinishi (1066 yil) ingliz jamiyati feodallashuvining chuqurlashishiga olib kelgan. Normand istilosidan keyin Angliya feodal xo`jaligining asosini manor tashkil etgan. Manor - alohida feodalning yer egaliklari yig`indisi bo`lgan. Manordagi dehqon o`z lordi tomonidan sud qilinib, uning ahvoli manordagi urf- odatlar bilan belgilangan. Yuzliklar sudining yarmidan ko`pi manor sudlariga - feodallarning xususiy kuriyalariga aylantirilgan. Shular bilan bir qatorda, Vilgelm Fotix o`z mavqei va ingliz siyosiy an`analaridan foydalanib, davlatni markazlashtirish va qirol hokimiyatini mustahkamlash siyosatini olib borgan. Ingliz-sakslar zodagonlaridan musodara qilingan yerlarning ko`p qismi qirollik domeni tarkibiga kirgan, qolganlari esa normand va ingliz-saks feodallari o`rtasida taqsimlangan. Bosqinchilar o`zlari bilan birga shiddatli "o`rmon huquqi"ni ham olib kelganlar. Bunga ko`ra, ko`p o`rmon massivlari qirollik qo`riqxonasi deb e`lon qilinib, uning chegaralarini buz-ganlik uchun qattiq jazo o`rnatilgan. Bundan tashqari qirol o`zini barcha yerlarning oliy egasi deb e`lon qilgan va barcha erkin dehqonlardan o`ziga sodiqlik hamda qasamyod talab qilgan. Bunday qasamyod hamma daraja-dagi feodallarni qirolning vassaliga aylanishiga olib kelgan. Feodallar avvalo qirol uchun harbiy xizmat o`tashga majbur edilar. Qit`a uchun xos bo`lgan "vassalimning vassali - mening vassalim emas" degan tamoyil Angliyada o`rnatilmagan. Barcha feodallar ikkita asosiy turkumga: qirol-ning bevosita vassallari - yirik yer egalari (graflar, baronlar); ikkinchi pog`onadagi vassallar (vassallarning vassallari) - o`rta va mayda yer egalariga bo`lingan. Ruhoniylarning ham asosiy qismi, xuddi dunyoviy vassallar singari qirol foydasiga xizmat o`taganlar. Ijtimoiy tuzum

Shunday qilib, Angliya feodallari qit`a feodallari foydalangan musta-qillik va immunitetlarni olmagan edilar. Qirolning barcha yerlarga oliy egalik qilish huquqi unga yer uchastkalarini qayta taqsimlab turish va yer egalari o`rtasidagi munosabatlarga aralashish imkonini berib, qirollik adli-yasining (sud qilish ishlarining) barcha darajadagi feodallar sudiga nisba-tan ustunligi (yuqori turishligi) tamoyilining o`rnatilishiga xizmat qilgan. Soliq siyosatini muvaffaqiyatli olib borish va mamlakat aholisining ijtimoiy tarkibini aniqlash maqsadida 1086 yilda mamlakatdagi barcha yer-lar va aholi ro`yxatga olingan. Ro`yxatga olish natijasida tuzilgan varaqa-lar xalq orasida "Dahshatli sud kitobi" deb atalgan. Qirol xazinasi yer egaligining hajmi to`g`risida endi aniq ma`lumotlarga ega ekan, aholi ro`y-xati hukumatga "Daniya puli" deb atalgan eski yer solig`ini ko`paytirilgan miqyosda undirish imkonini berdi. Yangi normand-fransuz lordlarining ingliz qishlog`idagi krepostnoy ahvolni rasmiylashtirishga intilishi ana shu ro`yxatda ravshan aks etdi. 1086 yilgi ro`yxatda dehqonlar turli nomlar: ozod kishilar (kelajakda ular frigolderlar yoki yerni erkin tasarruf qiluvchilar deb ataldilar), sokmenlar, villanlar, bordarilar 5 4 , kottarilar, shuningdek, ko`pgina miqdorda qullar nomi ostida gavdalandilar. Ammo villanlar ro`yxatda tez-tez uchrab turadi. XI-XII asrlar sharoitida krepost-noy tabaqa xususiyatlariga ega bo`lgan dehqonlarning bu toifasi (feodal yer-mulkida qo`yilgan) ingliz qishlog`ining feodal-krepostnoylik qiyofa-sini hammadan ko`ra ochiqroq xarakterlab beradi. Ammo Angliyaning shimoli-sharqiy qismida, hatto 1086 yilgi ro`yxatda ham dehqonlarning salkam yarmi "erkin kishilar", qisman sokmenlar holatida qolaverdi. Ularga faqat manordagi lordning sud hokimiyati tarqatilgan edi. XI-XII asrlarda erkin dehqonlar ommasi ziddiyatli omillar ta`siri ostida bo`lgan. Bir tomondan, qirol hokimiyati erkin dehqonlarning quyi toifasini krepostnoylashtirishga, ularni villanlarga aylantirishga imkoniyat yaratgan. Boshqa tomondan, XII asrning oxirida bozorning rivojlanishi ancha boyigan dehqon egaliklarining paydo bo`lishiga va bularga qirol hokimiyatining yirik feodallar separatizmi bilan kurashda siyosiy ittifoqchi sifatida qarashiga olib kelgan. Qirollik sudlari ko`pincha bunday boyigan dehqonlarni lordlarning o`zboshimchaliklaridan himoya qilib turgan. Qirollik "umumiy huquqi" tomonidan har qanday erkin yer egaliklari (freehold)ning (ritsarlarga, shaharlarga, dehqonlarga qarashli bo`lgan yerlar) rasman, bir xil himoya qilinishi XII asr oxirida erkin dehqonlarning yuqori qismi, shaharliklar va mayda ritsarlar o`rtasidagi huquqiy va ijtimoiy farqlarning yo`qolishiga imkon tug`dirgan. Bu tabaqalar iqtisodiy manfaatlarining ma`lum darajada umumiyligi ham ularni yaqinlashtirgan. Davlatning nisbatan yagonaligi, Normandiya va Fransiya bilan o`rnatilgan aloqalar savdoning rivojlanishiga ko`maklashdi. Ingliz savdo-garlari qirol hokimiyatining kuchayishidan tez orada foyda ko`radigan bo`ldilar. Mamlakatda savdo-sotiq jonlana boshladi. Vilgelmning quruqlik bilan aloqasi ham bunga yordam berdi. Ingliz savdogarlariga Normandiya va Flandriya bilan savdo-sotiq qilish 5 4 Bordari va kottarilar – o`rta asrlar Angliyasidagi kam yerli dehqonlarning nomlari. Bordarilarning bir qismida villanlarga qarashli to`liq chek yerning qariyib yarmigacha keladigan yer bo`lardi, kottarilarda juda ozgina chek yer bo`lib, u asosan tomorqa yer uchaskalari edi.

imkoniyati berildi. Chunki Vilgelm hamon normand gersogi bo`lib hisoblanar, ingliz qirolichasi esa fland-riyalik edi. Angliyada markaziy hokimiyatning kuchayishi sharoitida shaharlar, qit`aning janubidagi yoki Germaniyadagi singari, muxtoriyat olmaganlar va tobora tez-tez qirollik xartiyalarini sotib olishga majbur bo`lganlar. Xartiyalarda esa faqat ba`zi savdo imtiyozlarigina berilardi. Shunday qilib, normand bosqini Angliya uchun katta ahamiyatga ega bo`ldi. Buning natijasida jamiyatning feodallashish jarayoni nihoyasiga yetdi, qirol hokimiyati kuchaydi, mamlakatning siyosiy birligi mustah-kamlandi, Angliyaning qit`a bilan aloqalari kuchaydi. Normand bosqinidan keyin Angliyada kuchli qirol hokimiyatiga asoslangan markazlashgan davlat tashkil topdi. Bu vaqtda qirol hokimiyati quyidagilar bilan tavsiflanadi: birinchidan, mamlakatning barcha yerlariga qirolning oliy huquqi o`rnatilib, bu qirolning hamma feodallar ustidan hokimiyatini ta`minlardi; ikkinchidan, davlatda qonun chiqarish va oliy sud hokimiyati qirol qo`lida to`plangan edi; uchinchidan, oliy harbiy hokimiyat ham qirol qo`lida edi. Normand qirollarining tadbirlari jamiyatning feodal-lashuvi jarayonining chuqurlashishiga qaramay, davlatning markazlashuvini va davlat birligining saqlanishini ta`min-ladi. Biroq, XII asr oxirigacha davlatning markazlashuvi asosan ingliz- normand qirollarining senorlik xususiy huquqlari hisobiga ta`minlangan va ularning feodal-ierarxiya tizimi va mahalliy cherkovning obro`-e`tiborli boshlig`i bo`la olishi qobiliyatiga bog`liq edi. Qirollikning o`z fuqarolariga nisbatan sud va xazinaga oid huquqlari faqat oliy senorning o`z vas-sallariga nisbatan huquqlari bo`lib, sodiqlik haqidagi qasamyodga asos-langan. Ular ma`lum darajada feodal odatlardan kelib chiqqan (garchand endilikda uning doirasidan o`sib chiqa boshlagan bo`lsa ham). Bu vaqtda qirollikning sud va moliya huquqlari har daqiqa norozi vassallar tomonidan inkor qilinishi mumkin edi. Bundan XI-XII asrlardagi o`z senorlik huquqlarini suii`ste`mol qilishlikda toj-taxtni ayblab uyushtiril-gan baronlarning tuganmas isyonlari ham dalolat beradi. Normand istilosi-dan boshlab, butun XII asr mobaynida qirollar ingliz-sakslarning azaliy urf-odatlariga va erkinliklariga o`zlarining sodiqliklarini doimo tasdiqlab turishga, baronlar va cherkovga esa "erkinliklar xartiyalari" in`om etib turishga majbur edilar. Mazkur xartiyalar tinchlik, azaliy, "adolatli" urf-odatlarni qo`llab-quvvatlash va "yaramaslari"ni tugatish, toj- taxtning feodal, cherkov va shaharlarning imtiyozlari va erkinliklariga rioya etish majburiyatlari to`g`risidagi me`yorlarni o`z ichiga olgan edi. Biroq, XII asrning o`rtasidan boshlab qirol hokimiyatini feodal urf-odatlar va xususiy qasamyodlar doirasida ushlab turishga qaratilgan harakatga qaraganda markaziy hokimiyatni kuchaytirishga bo`lgan harakat kuchaya boshladi. XII asrning ikkinchi yarmigacha Angliyada professional ma`muriy-sud organlari bo`lmagan. Boshqaruv markazi - qirol saroyi doimo ko`chib turgan va Angliyada uzoq vaqt bo`lmagan. Chunki qirol ko`pincha Normandiyada yashardi. Angliyada qonun chiqarish hokimiyati qirolga tegishli bo`lsa ham, ko`pincha u qirollik kuriyasi (curia regis) bilan birgalikda amalga oshi-rilgan. Lekin qirollik kuriyasi qirol huzuridagi maslahatchi organ edi. Kuriya boshqaruvning u yoki bu Davlat tuzumi

sohalarini yuritadigan qirolning bevosita vassallari va yaqinlaridan iborat yig`in bo`lib, uning tarkibi aniq belgi-lanmagan edi. U davlat boshqaruvining oliy organi, oliy sud organi va mamlakat moliyasini yurituvchi organ hisoblangan. Davlatning muhim masalalarini hal etishda kuriyaning majlislariga oliy dunyoviy va diniy zodagonlar ham taklif etilganlar. Bunday hollarda u ingliz-saks qirol-larining vitanagemotini eslatadi. Qirollik kuriyasi oliy sud organi sifatida toj-taxt manfaatlariga daxldor bo`lgan ishlarni, qirol vassallari o`rtasidagi nizolarni, mahalliy sudlar qarorlari ustidan tushgan shikoyatlarni (apellyatsion tartibda) ko`rib hal qilgan. Genrix I davrida (1100-1135 yillar) markaziy davlat apparati ancha takomillashtirilgan. Qirollik kuriyasi katta kengash va doimiy hukumat organi (kichik kuriya) ga ajralgan. Katta kengash bir yilda uch marta (rojdestvo, pasxa va troitsada) chaqirilgan. Uning tarkibiga qirol chinov-niklari, asosiy xizmatchilari va mamlakatning eng yirik zodagon vakillari kirgan. Uning kompetensiyasiga muhokamaga kiritilgan barcha masalalar bo`yicha va qirollik qonunlari bo`yicha maslahatlar berish kirgan. Kengash tavsiyalari majburiy kuchga ega bo`lmagan. Biroq qirol bunday muas-sasaning mavjudligidan manfaatdor edi, chunki shu yo`l bilan ta`sirli feodallar tomonidan o`zining siyosiy harakatlari tan olinishiga erishardi. Kichik kuriya oliy sud, ma`muriy va moliyaviy hokimiyatni amalga oshirardi. Uning tarkibiga qirol chinovniklari: lord-kansler, lord-xazinachi, kamerger, saroy styuardi, qirolning shaxsiy muhrini saqlovchi va saroy xizmatchilari, shuningdek, maxsus taklif etilgan yuqori mansabli ruhoniy-lar va baronlar kirgan. Genrix I davrida kichik kuriya oliy sud hamda ma`muriy organ funksiyalarini bajaruvchi xususiy qirollik kuriyasiga va qirolning moliyaviy ishlarini yurituvchi hisob palatasi ("shaxmat taxtasi" palatasi)ga ajralib ketdi. Kuriyaning majlisiga qirol raislik qilgan, u yo`qligida bu vazifani bosh yustitsiar amalga oshirgan. Genrix I davrida qirollik sudi kuchayib, mutaxassis-sudyalari bo`lgan va muntazam ish olib boruvchi sud palatasiga aylandi. Qirol sudyalari vaqti-vaqti bilan mamlakat bo`ylab safarga chiqib, ayrim grafliklarda sud ishlarini olib borardilar (shuning uchun ular sayyor sudyalar deb atalardi). Sud palatasi qirol kursisi sudi degan nom olgan edi. Genrix I davrida moliya boshqarmasi ham tashkil topdi. Oliy moliya palatasi «shaxmat taxtasi palatasi» deb atalardi, chunki bunda ustiga katakli movut yopilgan (shaxmat taxtasini eslatadigan) stol turardi. Bu stollarda pul sanalardi. Shaxmat taxtasi palatasi oliy hisob palatasi va joylardagi moliyaviy idoralar chinovniklari tomonidan sodir etilgan jinoyatlar haqidagi ishlar bo`yicha sud organi edi. Shaxmat taxtasi palatasida, shuningdek, tomon-lardan biri toj-taxt bo`lsa, mulkiy nizolar ham ko`rib hal qilinardi. Bu davrda davlatning oliy mansabdor shaxslaridan, ayniqsa, bosh yustitsiar, kansler, marshal, kamerariy va boshqalarni alohida ajratib ko`r-satish mumkin. Bosh yustitsiar qirol Angliyada yo`qligida amalda dav-latni idora etib turuvchi ruhoniy shaxs, kanonik va rim huquqining bila-g`oni hisoblangan. Uning yordamchisi kansler bo`lgan. Kansler dastlab franklardagi kabi qirolning shaxsiy kotibi hisoblangan, keyinchalik esa davlat devonxonasining boshlig`i bo`lib qolgan, davlat kotibi rolini bajar-gan. Marshal - qo`shinlar qo`mondoni, kamerariy - xazinabon, qirollik mol- mulki, xazinasi va yer egaliklarining boshqaruvchisi, hisob palatasi boshlig`i edi.

Genrix I tomonidan tashkil etilgan davlat apparati Genrix II (1154-1189 yillar) hukmronligi davrida yanada rivojlantirildi. Qirollik imtiyozla-rining mustahkamlanishi, davlat apparatining byurokratlashtirilishi va pro- fessionallashtirilishi, oqibat natijada davlat hokimiyatining qat`iy markaz-lashtirilishi asosan Genrix IIning tadbirlari bilan bog`liq bo`lgan. Bosh-qaruv va sudning umumdavlat byurokratik tizimini tashkil etgan Genrix II islohotlari asosan: 1) qirollik adliyasini yagona tizimga solish va aniq tuzilishga ega qilish (jarayon shakllarini takomillashtirish, an`anaviy va o`rta asrlar sudlari bilan raqobat qiladigan qirollik sayyor sudlari va doimiy harakatdagi markaziy sudlar tizimini tashkil etish); 2) xalq qo`shinlari va yollanma askar yig`ish tamoyillarining qo`shilishi asosida armiyani isloh qilish; 3) aholi to`laydigan soliqlarning yangi turlarini o`rnatish kabi yo`nalishlarda amalga oshirilgan. Monarx hokimiyatining sud, harbiy va moliyaviy vakolatlari bir qancha qirollik farmonlari bilan rasmiylashtirilgan. Bulardan, ayniqsa, 1166 yilgi Buyuk Klarendon, 1176 yilgi Nortgempton assizalari, 1181 yilgi "Qurollanish haqida"gi assiza va boshqalar diqqatga sazovor. Genrix II tomonidan sud-ma`muriy tizimining qayta qurilishida amalda ba`zan ingliz-sakslar, normandlar va cherkov mahkamalaridan ham foydalanilgan. Ilk o`rta asrlar uchun tipik bo`lgan sayyor boshqaruv ama-liyoti Angliyada ancha doimiy va tartibga solingan xarakter kasb etgan. Shu vaqtdan boshlab Angliyada sayyor sudlar faoliyati - qirollik sudlari-ning sayyor sessiyalari mustahkam o`rnatilgan. Agar 1166 yilda graflik-larni aylanib chiqish uchun faqat ikkita sudya tayinlangan bo`lsa, 1176 yilda oltita sayyor okruglar tashkil etilgan va sayyor sudyalarning soni 20-30 tagacha ko`paytirilgan edi. Ushbu buyruq bilan sudyalarga favqulodda vakolatlar (faqat sud qilish emas, balki ma`muriy, moliyaviy vakolatlar ham) berilgan, sayyor sudlarda qirol sudlovligiga tegishli barcha da`volar ko`rib hal qilingan, jinoyatchilar qamoqqa olingan, mahalliy chinovnik-larning suiiste`molliklari tekshirilgan. Ayni zamonda qirollik idoralari tizimi tartibga solingan va yerga oid nizo va huquqbuzarlik ishlarini tekshirish uchun maxsus tartibot qonun-lashtirilgan. Bunday tartibot faqat qirollik sudlarida qo`llaniladigan "imti-yoz" va "muruvvat" sifatida barcha erkin kishilarga in`om qilingan. Dastlab bunday tartibot uchun qirollik devonxonasining maxsus farmoyishini - huquq haqidagi buyrug`ini (writ of right) sotib olish lozim edi. Busiz qirol-lik sudlarida fuqarolik yoki jinoiy da`vo qo`zg`atish mumkin bo`lmagan. Shundan so`ng sayyor sudyalar yoki sheriflar o`z aytganlarining to`g`rili-gini ont (qasam) ichib tasdiqlaydigan 12 ta to`la huquqli fuqarolar – qa- samxo`rlar yordamida tergov ishlarini o`tkazishlari lozim edi. Qasamxo`r-lar odatda guvohlar yoki qoralovchilar, ayblovchilar sifatida chiqqanlar. Tergovning bunday tartibi ordaliyalar va feodal sudlardagi sud to`qnashuv-lariga nisbatan ishlarni ancha ob`yektiv hal qilish imkonini berdi. Asta-se-kin rivojlanib borgan qirollik idoralari tizimi yerga egalik huquqi haqidagi da`volar bo`yicha manorial kuriyalar yurisdiksiyasining cheklanishiga olib keldi. Endilikda, hatto, villan ham jinoiy da`vo bilan qirollik sudiga murojaat qila olardi. Sheriflar, feodallarning huquqlari bilan hisoblashmay, jinoyatchilarni qo`lga tushirish va o`zaro kafillikka rioya etilayotganligini tekshirish maqsadlarida ularning yer egaliklariga kirishlari mumkin edi.

Shunday qilib, XII asrning ikkinchi yarmida Genrix II tomonidan fuqarolik va jinoiy ishlar bo`yicha qirollik sudining maxsus mexanizmi tashkil etilgan. Bu mexanizm qirollik sudlarining obro`sini oshirgan va yurisdiksiyasini kengaytirgan. Takomillashgan sud tartibotning joriy qilinishi munosabati bilan XII asr o`rtasidan boshlab markaziy boshqaruvning oliy organi - qirollik kuriya-sining tuzilishi va vakolatlari murakkablashdi va o`sdi. Funksiyalarning ixtisoslashtirilishi va kuriya tarkibidan qator alohida idoralarning ajratilishi jarayonida kansler boshchiligidagi devonxona, qirolning markaziy ("shax-siy") sudi va moliya muassasasi batamom shakllandi. Qirollikning "shaxsiy" sudi tarkibiga 1175 yildan e`tiboran ruhoniy va dunyoviy shaxslardan doimiy sudyalar saylana bordi. Mazkur sud Vestminsterda o`zining doimiy qarorgo-higa ega bo`la borib, undan asta-sekin Umumiy tortishuvli sud ajralib chiq-di. Bu sud qirol ishtirokisiz ham yig`ilishi va qirol boshqa yerga ko`chib o`t-ganda uning ketidan ergashib yurmasligi lozim edi. Umumiy tortishuvli sud faoliyati Angliyada "umumiy huquq"ni yaratishda hal qiluvchi rol o`ynagan. Qirol hokimiyati bilan ingliz cherkovi, dunyoviy sud bilan cherkov sudi o`rtasidagi munosabatlar ancha murakkab edi. Normand istilosidan keyin cherkov va dunyoviy sudlar bir-biridan ajratilgan, shu bilan birga, cherkov sudlari barcha diniy va qisman dunyoviy (nikoh, vasiyat va bosh-qa) ishlarni ko`ra boshlagan. Normand qirollari yepiskoplarni o`zlari tayin-lay boshlaganlar, Angliya va Normandiya uchun cherkov qarorlarini chi-qara boshlaganlar, vakant yepiskoplardan daromadlar olganlar. Biroq, papa hokimiyatining va Rimdagi katolik markazning kuchayib borishi bilan ingliz taxti tez-tez cherkovning qarshiligiga duch kela boshlagan va "erkin cherkov" haqidagi masala Angliyada kelajakda cherkov va dunyoviy hokimiyat o`rtasidagi nizolar uchun sabab bo`lib qolgan. Genrix I davrida Normandiyada papa bilan konkordat 5 5 tuzildi. Unga ko`ra, keyinchalik Germaniyada bo`lganidek, kanoniklarning diniy tartib-qoidalarini belgilash papaga, dunyoviy hokimiyat esa qirolga o`tdi. Genrix II mahalliy cherkov ustidan qirol ta`sirini kuchaytirishga harakat qilib, 1164 yilda Klarendon konstitutsiyalarini chiqardi. Ularga ko`ra, qirol cherkov sudlarida ko`riladigan ishlar bo`yicha oliy sudya deb tan olindi. Cherkov ishlariga oid barcha nizolar qirollik sudida hal qilinishi lozim edi. Qirol yurisdiksiyasi cherkov mulkchiligi haqidagi tekshiruvlar-ga, qarzlar haqidagi da`volarni ko`rishga, og`ir jinoyatlarda ayblanayotgan klerklarga nisbatan hukmlar chiqarish va ijro etishga ham yoyiladi. Qirol-ning ruxsatisiz uning vassallaridan va chinovniklaridan birortasi cherkov-dan chetlashishi mumkin emasdi. Qirolning dunyoviy tartib-qoidalar o`rnatishi tamoyillari va uning oliy cherkov mansablari saylovlariga aralashish imkoniyati o`rnatildi. Genrix II "yepiskoplar va abbatlarning saylovi mening ishtirokimda o`tkazilishi kerak" deb talab qildi. Ruhoniylar jinoiy ishlar bo`yicha boshqa hamma fuqarolar singari qirollik sudi tomonidan sud qilinishi lozim edi. Arxiyepiskoplar qirolning roziligini olgandan keyingina papa bilan munosabatda bo`la olardilar. 5 5 Konkordat – hukumat bilan Rim papasi o`rtasida tuziladigan shartnoma.

Biroq, papa va mahalliy ruhoniylarning tazyiqi ostida qirol Klarendon konstitutsiyalarining qator qoidalaridan voz kechishga majbur bo`lgan. Genrix II ning XII asrning ikkinchi yarmida o`tkazgan harbiy islohoti harbiy majburiyatlarning barcha erkin kishilarga - feodallarga, dehqonlar-ga, shahar aholisiga tarqatilishidan iborat edi. 1181 yilda chiqarilgan "Qurollanish haqida" gi assizaga binoan erkin kishilarning har biri mulkiy ahvoliga qarab o`z qurol-yarog`iga ega bo`lishi lozim edi. Qo`shin o`z qurol-yarog`iga ega bo`lsa-da, davlat xazinasi hisobidan ushlab turil-gan. Bu vaqtda xazinaga kelib tushadigan tushumlar ancha o`sgan edi. Genrix II doimiy qo`shin tuzmoqchi bo`ldi. Chunki vassallarning ritsarlik xizmati bir yilda ma`lum kunlar bilan cheklangan bo`lardi, bu esa quruqlikda uzoq urushlar olib borishda o`ng`aysizlik tug`dirardi. Shu sababli Genrix II ritsarlarning bir qismini harbiy xizmatdan bo`shata boshladi. Bunday ritsarlar shaxsiy xizmat qilish o`rniga harbiy yoki qalqon solig`i to`lashlari lozim edi. Bu pulga qirol yil bo`yi xizmat qilishga rozi bo`lgan ritsarlarni o`ziga yollashi mumkin edi. Shu tariqa qirolda yollanma ritsarlar qo`shinini ushlab turish imkoniyati tug`iladi. "Qalqon puli"ning joriy etilishi muhim ijtimoiy oqibatlarga ega bo`ldi. Bu tadbir tufayli ingliz ritsarlari harbiy xizmatdan ertaroq ozod bo`lib, tinch qishloq xo`jayinlariga aylana boshladilar. Kelgusida bu holat quyi ingliz dvoryanlarini shahar burjuaziyasi bilan yaqinlashtirishda katta rol o`ynadi. Qurolli kuchlarning qayta tashkil etilishi natijasida qirol hokimiyati harbiy sohada feodallarga uncha bog`liq bo`lmay qoldi. Bu esa davlatning markazlashuviga ko`maklashdi. Bu davrda feodallardan «qalqon puli» va shaharlardan to`g`ridan- to`g`ri soliq (talya) olinishi bilan bir qatorda asta-sekin harakatdagi mulklarga soliq o`rnatildi. Genrix II ning harbiy va moliyaviy islohotlari qirolga sodiq qo`shinlar sonining birdaniga o`sishiga va qo`shinlarga yirik feodallar tomonidan qo`mondonlik qilinishi tartibining buzilishiga, shuningdek, professional chinovniklar ushlab turish uchun mablag`lar hosil qilishga imkon yaratdi. Bundan tashqari, sud ishlarini amalga oshirish davlat budjetining juda muhim daromad manbai bo`lib qolaverdi. Mahalliy boshqaruv tizimi normand istilosidan keyin o`zgarmadi. Mamlakatning grafliklarga va yuzliklarga bo`linishi saqlanib qoldi. Grafliklarda sheriflar, yuzliklarda - ularning yordamchilari - beyliflar qirollik ma`muriyatining vakillari bo`lib qoldi. Sherif graflik hududida harbiy, moliyaviy va politsiyachilik hokimiyatiga ega edi, qirollik devonxonasidan yuborilgan buyruqlarning asosiy ijrochisi hisoblanardi. Sheriflar o`zlarining ma`muriy va sud funksiyalarini grafliklar va yuzliklar yig`inlari bilan mustahkam aloqada amalga oshirardilar. Ular bunday yig`inlarni chaqirib, ularning sessiyalariga raislik qilardilar. Yuqoridagi muassasalar, garchand asta-sekin mustaqillikni yo`qotib borsalar-da, Angliyada keyingi davrlarda ham saqlanib, borgan sari markaziy hukumatning joylardagi asosiy quroliga aylangan. Ularning sud vakolatidan ko`pgina fuqarolik da`volarining olinishiga qaramay, jinoiy ishlar bo`yicha tergovlarda qatnashuvchi shaxslarning (ayblovchi qasam-xo`rlarning) tayinlanishi munosabati bilan mahalliy hokimiyat vakil-larining roli o`sdi. Qirollik

sudlovida aholining ishtirok etishi ingliz mahalliy boshqaruvi tizimining xarakterli belgisi bo`lib qoldi. 4. Tabaqa-vakillik monarxiyasi (XIII asrning ikkinchi yarmi - XV asr) XIII asrda mamlakatdagi ijtimoiy va siyosiy kuchlar nisbati markazlashuv va butun hokimiyatning monarx qo`lida tobora kuchli to`planishi foydasiga o`zgarib boraverdi. Baronlar qirolning bevosita vassallari sifatida o`z syuzereni oldida ko`p sonli moliyaviy va shaxsiy majburiyatlar o`tardilar. Agar baronlar o`z zimmalaridagi bunday majburiyatlarni qasddan bajarmasalar, ularning yerlari musodara qilingan. XIII asr mobaynida yirik feodallarning immunitet huquqlari ham ancha cheklandi. 1278 yilgi Gloster statuti ingliz feodallarining immunitet imtiyozlari sud yo`li bilan tekshirilishini e`lon qildi. Umuman, Angliyada dvoryanlik tituli qandaydir o`lponlar yig`ish va sud qilish imtiyozlarini bermagan. Feodallar rasman boshqa erkin kishilar bilan teng darajada soliqlar to`laganlar va bir xildagi sudlar tomonidan sud qilinganlar. Biroq ingliz oliy dvoryanlarining siyosiy qudrati ancha yuqori bo`lgan. Oliy dvoryanlar qirol huzuridagi oliy maslahatchilar edi. Ular boshqa ba`zi davlat organlarining ishlarida doimo va albatta ishtirok etib, mamlakatning ijtimoiy-siyosiy hayotida muhim o`rin tutardilar. XIII asrda Angliyaning yirik feodallari o`zaro va qirol bilan yer va daromadlar manbai uchun, mamlakatda siyosiy nufuz uchun doimo qattiq va shafqatsiz kurash olib borganlar. XIII asrda Angliyadagi ijtimoiy ziddiyatlarning boshqa bir yo`li, bir tomondan, yirik feodallar, ya`ni lordlar, yepiskoplar, yirik monastirlarning abbatlari o`rtasida yuz bergan bo`lsa, ikkinchi tomondan, mayda ritsarlar o`rtasida kelib chiqqan. Yuqorida sanab o`tilgan yirik feodallar mamla-katdagi yerlarning ko`pchilik qismini egallab olgan edilar. Mamlakatda yirik baronlarning yerlari parchalanib ketishi va alohida feodallar o`rtasida taqsimlanishi natijasida XIII asrning oxiriga kelib Angliya hukmron tabaqalarining 3/4 qismini o`rta va mayda feodallar tashkil etardi. Ingliz feodallarining ana shu tabaqasidan oqibatda yangi dvoryanlar guruhi (jentri) shakllandi. Yirik feodallarning har biri bir necha o`nlab, ba`zan esa yuzlab manorlarning egasi edi; krepostnoy dehqonlar, asosan shularga qarashli edi. Mayda ritsarlar ozgina haydaladigan yeri bo`lgan kichik manorlarga egalik qilardilar, shu sababli ularda krepostnoylar juda oz bo`lardi yoki hatto butunlay bo`lmasdi. Mayda ritsarlar o`z xo`jaliklarida asosan batraklar mehnatidan foydalanib, ularni kam yerli dehqonlar-kotterlar hisobidan yollardilar. Shunday qilib, ritsarlar garchi feodallar sinfiga mansub bo`lsalarda, faqat o`z mulklarining katta-kichikligi va qirol saroyidan ancha uzoqda turishlari bilangina emas, balki xo`jalik yurgizish jihatidan ham yuqori tabaqa-baron aristokratlardan keskin farq qilardilar. Savdo-sotiq zaminida ritsarlar shaharliklar bilan tobora yaqinlashdilar. Ritsarlar soliq to`lovchilar sifatida ham shaharliklar bilan yaqinlashdilar, chunki Angliyada ritsarlar yer solig`i va boshqa soliqlardan ozod qilinmagan edilar. Fransiyada esa buning aksi edi. Bularning hammasi ritsarlar bilan Ijtimoiy tuzumi xususiyatl

shaharliklarning birga-likda siyosiy chiqishlar qilishi uchun sharoit yaratib berdi. XIII asrning ikkinchi yarmidagi siyosiy voqealar xuddi shuni ko`rsatdi. Bu davrda tovar-pul munosabatlarining rivojlanishi dehqonlarning ahvoliga sezilarli ta`sir ko`rsatdi. Dehqonlarning tabaqalashuvi kuchaydi, shaxsan erkin dehqonlar ommasi yuqori qismining soni o`sdi. Boyigan dehqonlar - frigolderlar tez- tez ritsarlik unvonini olib turardilar va feodallarning quyi tabaqasiga yaqinlashardilar. Ammo frigolderlarning boshqa qismi kam yerli kishilarga aylanib, lordlar tomonidan barshchina to`lashga (garchi villanlarga qaraganda kichikroq masshtabda bo`lsa ham) majbur qilinar edilar. XIII asr Angliyada dehqonlar ommasini eng ko`p asoratga tushirish davri bo`ldi. Bu vaqtda ingliz qishlog`ida asosiy siymo hisoblangan villanlar turar joyiga biriktirilgan bo`lib, haftalik barshchinani (yozgi mavsumda haftada 5 kungacha) o`tashga majbur bo`lgan, lordga nikoh solig`i va boshqa nohaq soliqlar to`laydigan, uning sudiga bo`ysundirilgan tamomila krepostnoy kishi edi. XIII asrdagi ingliz dehqoni aslida villanga emas, balki servga o`xshab ketardi. Ingliz yuristlari "Rim huquqi"ni dalil qilib, villanlar Rim qulining bir turi edi, deb ochiq-oydin fikr bildirgan edilar. XIII asrda turli manorlarda ko`plab tartibsizliklarning yuz berishi, dehqonlarning tez-tez qochishlari, butun jamoa dehqonlarining lord uchun majburiyatlarni bajarishdan bosh tortishlari sodir bo`lganligi bejiz emas. Bu vaqtda villanga tegishli barcha mol-mulklarning egasi lord deb tan olingandi. Shu bilan birga, XIV asrdagi huquqiy nazariya va qonunlar villanlarning, hatto, o`z xo`jayiniga qarshi qirol sudiga jinoiy da`vo qilish huquqini tan olgan edi. XIII asrning ikkinchi yarmi - XIV asrda pul xo`jaligining rivojlanishi Angliyadagi krepostnoy yer-mulkning - manorning yemirilishiga sabab bo`ldi. Lordlar barshchinani pul obrogi bilan ayirboshlashni (kommutat-siya qilishni) foydaliroq deb bildilar. Bunday paytda ular o`zlariga qarashli yerlarni (domenlarni) kam yerli dehqonlar orasidan chiqqan yollanma ish-chilar mehnati bilan ishlaydigan bo`ldilar. Ba`zi bir lordlar hech qanday xo`jalik yurgizmay, pul rentasi olishni afzal ko`rib, o`z domenlarini ijaraga berardilar. Kommutatsiya XIII asrdayoq katta yutuqlarga erishdi. XIV asr-ning birinchi yarmida bir qancha tumanlarda kommutatsiya barshchinani batamom siqib chiqardi. Butun mamlakatda pul rentasi tobora ko`proq tarqaldi. Shu munosabat bilan ingliz krepostnoy dehqoni ham shaxsan ozod dehqonga aylandi. Chunki villanlar endilikda asta-sekin o`z shaxsiy ozodliklarini sotib ola boshlagan edilar. Villanning lordga munosabati faqat muayyan pul rentalari to`lashdan iborat bo`lib qoldi, xolos. Chek yer, avvalgidek uning tasarrufida edi. U pul ishlashi uchun shaharga ketishi va, umuman, o`z istiqomat joyini o`zgartirishi mumkin edi. Feodallar asta-sekin yollanma mehnatni ekspluatatsiya qilishga o`tdilar. Qishloq xo`jaligini kapitalistik usullarda yuritish ritsarlar orasida keng tarqaldi. Badavlat villanlar yerlarni feodallardan ijara (arenda) ga olardilar, shuningdek, xonavayron bo`lgan feodallardan hamda ish izlab ketgan kotterlardan sotib ola boshlagandilar. XV asrga kelib, ingliz dehqonlarining aksariyat qismi erkinlik oldi. Bu, albatta, qurolli qo`zg`olonlargacha borib yetgan kuchli sinfiy kurashlar natijasida qo`lga kiritilgandi.

Yollanma mehnatga asoslangan dehqonchilikning rivojlanishi qish-loq jamoasining yanada parchalanib ketishiga, uysiz va kambag`allar sonining oshishiga, ekspluatatsiyaning kuchayishiga olib keldi. 1349 yilgi "qora ajal" Angliyada juda katta qirg`in keltirdi: mamlakatdagi aholining uchdan bir qismi qirilib ketdi, Angliyaning ko`p okruglarida ishchi kuchi yetishmasligidan yer maydonlari haydalmay tashlab qo`yildi. Yollanib ishlashga tayyor turgan kishilar kamaydi, omon qolganlar o`z mehnatlariga katta haq to`lashni talab qilardilar. Yirik feodallar qaram dehqonlarni yana barshchinaga hayday boshladilar. Ko`pgina mayda, o`rta feodallar va shahar boylari parlamentdan arzimagan haq baravariga ishlashdan bosh tortgan kambag`allarni qattiq jazolash bilan qo`rqituvchi qonunlar chiqar-dilar. Mazkur qonunlarni buzgan kishilarni qamchi bilan savalar, turmaga qamar, badanlariga qizigan temir bilan tamg`a bosardilar. Shu tariqa Angliyada boshqacha shakldagi krepostnoy huquq qayta tiklandi. Ingliz qo`shinlarining yuz yillik urushda birin-ketin mag`lubi-yatga uchray boshlashi dehqonlarning ahvolini yanada og`irlashtirdi. Fransiyaga qarshi urushni davom ettirish uchun qirolga pul zarur edi. Soliqlar birdaniga o`sib ketdi. Mehnatkash xalq yangidan-yangi soliqlar to`lashga majbur bo`ldi. 1380 yilda parlament jon solig`i joriy qildi. Bunday soliq Angliyada ilgari hech qachon bo`lmagan edi. 14 yoshli va undan yuqori har bir erkak va ayol, mulkiy ahvolidan qat`i nazar, ushbu soliqni to`lashga majbur etildi. Qari-qartanglar va o`smirlar ko`p bo`lgan katta oilalarda yangi soliq yig`indisi katta summani tashkil qilardi. Jon solig`i dehqonlar ommasi gardaniga og`ir yuk bo`lib tushdi. Shunday qilib, ekspluatatsiyaning kuchaytirilganligi, kambag`allarga qarshi chiqarilgan qonunlar va soliqlarning ko`payganligi xalqni g`azabga keltirib, 1381 yildagi Uot Tayler boshchiligidagi ulkan dehqonlar qo`zg`oloniga sabab bo`ldi . Bu qo`zg`olon davomida dehqonlarning ikkita petitsiyasi (talabnomasi) taqdim etildi. Ulardan biri ancha mo``tadil hisoblangan Mayl-Endsk (yoki Esseks) petitsiyasi edi. Mazkur petitsiya to`rt modda, ya`ni: 1) krepostnoy huquq (villanlik)ni bekor qilish; 2) qo`zg`olonchilarga umumiy afv berish; 3) butun mamlakatda savdo-sotiq qilishga erkinlik berish; 4) 1 akr hajmidagi yer uchun 4 pens miqdorida ijara haqi belgilashdan iborat edi. Bu dastur Angliyadagi eng badavlat dehqonlarning manfaatlarini aks ettirardi. Ikkinchi Smifildsk (yoki Kent) dasturida ancha qat`iy talablar bayon etilgandi. Dehqonlar o`zlariga cherkov yer fondidan yer berilishini, jamoa-ga qarashli yer- suvlardan erkin foydalanishni va barcha toifaviy tafovut-larning yo`q qilinishini talab qildilar. Ikkinchi petitsiya kentlik kam yerli kambag`al dehqonlarning ehtiyojlarini ravshan aks ettirdi. Qirol dastlab ularning qator talablarini bajarishga va`da berdi. Lekin, oqibatda, feodallarning tazyiqi ostida u o`z va`dasidan voz kechdi. Uot Tayler xoinona o`ldirildi, so`ngra qo`zg`olonchilar qattiq jazolandi. Yuzlab dehqonlar sud hukmi bilan va sudsiz o`ldirildi, dorga osildi. Feodallar qo`zg`oloni qonga botirildi, yangi qo`zg`olonlar ko`tarilishidan cho`chib, dehqonlarning to`lovlari oshirilib, barshchina yo`q qilindi. Kambag`allarga qarshi qaratilgan qonunlarni ancha-muncha yumshatishga to`g`ri keldi. XV asr davomida Angliyadagi dehqonlarning deyarli

hammasi to`lov evaziga erkin bo`lib oldi. Shaxsan ozod dehqonlar chek yerlardan foydalanganligi evaziga yer-mulk egalariga aniq belgilangan haq to`lardi. XIII-XIV asrlarda shaharliklar orasida ham, aholining boshqa qatlamlari orasida bo`lganidek ijtimoiy farqlar kuchaydi. Bu jarayon butun mamlakat miqyosida shaharliklar tabaqasining jipslashuvi bilan birga kechdi. Angliya shaharlari, Londondan tashqari, uncha katta emasdi. Shahar korporatsiyalari, umuman shahar singari, Yevropa qit`asidagi shaharlar olgan mustaqillikka ega emasdi. Shunday qilib, Angliyada davlatning markazlashish jarayoni (XIII asrda) erkin dehqonlar ommasi barcha qatlamlarining o`sib borishi, ritsarlar, shaharliklar va boyigan dehqonlarning iqtisodiy va huquqiy jihatdan o`zaro bir-biriga yaqinlashishi, feodallarning yuqori qismi bilan boshqa qatlamlari o`rtasidagi farqlarning kuchayishi natijasida tezlashdi. Ritsarlar va butun frigrolderlar ommasi iqtisodiy va siyosiy manfaatlarining umumiyligi ularning siyosiy ittifoqi o`rnatilishiga yordam berdi. Ushbu aholi qatlamlarining iqtisodiy va siyosiy rolining o`sishi, oqibatda, ularning siyosiy tan olinishi va kelajakda tashkil etilajak parlamentda ishtirok etishini ta`minladi. XIII asrning boshlarida Angliyada feodal davlatning yangi shakli-tabaqa-vakillik monarxiyasiga o`tish uchun qulay va ob`yektiv shart-sharoitlar vujudga keldi. Biroq qirol hokimiyati o`z mavqeini mustahkamlab, hukmron tabaqa vakillarini davlat ahamiyatiga molik masalalarni hal qilishga jalb etishni unchalik xohlamasdi. Genrix II ning tashqi siyosatda mag`lubiyatga uchragan avlodlari davrida monarx hokimiyatining haddan oshishi o`sdi, qirol va chinovniklarning ma`muriy va moliyaviy o`zboshimchaliklari kuchaydi. Shu munosabat bilan Angliyada tabaqalarning muhim siyosiy va moliyaviy masalalarni hal etishda qatnashish huquqining tan olinishi kuchli ijtimoiy-siyosiy ziddiyatlar ostida sodir bo`ldi. Bu ziddiyatlar markaziy hokimiyat suiiste`-molliklarini cheklashga qaratilgan harakat shaklini oldi. Mazkur harakatga baronlar boshchilik qildi. Ularga vaqti-vaqti bilan ritsarlar va haddan ziyod favqulodda yig`imlar hamda qirol chinovniklarining ta`magarliklaridan norozi bo`lgan frigolderlar ommasi qo`shilib turdi. Qirolga qarshi chiqishlarning ijtimoiy xarakteri XIII asrdagi siyosiy ziddiyatlarning o`ziga xos xususiyati hisoblandi. XIII asrdagi ijtimoiy chiqishlar XI- XII asrlardagi baronlar isyonlaridan farq qilardi. Shu sababli XIII asrdagi kuchli chiqishlar, oqibatda, katta tarixiy ahamiyatga ega bo`lgan hujjatlarning qabul qilinishiga olib kelganligi ham tasodifiy emas edi. Quyidagi muhim voqealar: 1215 yilgi qirol hokimiyatiga qarshi ko`tarilgan baronlar boshchiligidagi qo`zg`olon va 1258-1267 yillardagi fuqarolar urushi XIII asr ziddiyatlarining asosiy bosqichlari hisoblanadi. Bu kurashlardan birinchisi Erkinliklarning buyuk xartiyasi qabul qilinishi bilan tugagan bo`lsa, ikkinchisi Angliyada parlamentning vujudga kelishiga sabab bo`ldi. Erkinliklarning buyuk xartiyasi ob`yektiv sharoitlar natijasida qabul qilindi. Ma`lumki, Genrix II ning o`g`illari Richard I Sher Yurak (1189-1199 yillar) va Ioann (Jone) Ersiz (1199-1216 yillar) davrlarida qirol hokimiyati ancha zaiflashib qolgandi. Richard deyarli Angliyada yasha-madi ham, chunki hamisha yo Sharqda salb yurishi Erkinliklarning buyuk xartiyasi (Magna Charta)

yoki Fransiyadagi urushlar bilan band bo`ldi. Ioann Ersiz Filipp II Avgust bilan kurashda doimo muvaffaqiyatsizlikka uchradi va pirovardida, Normandiyani, Anjuni va Fransiyadagi boshqa bir qancha mulklarni qo`ldan boy berdi. Bundan tashqari, yangi Kenterbedi arxiyepiskopini saylash masalasiga aralashib, papa Innokentiy III bilan to`qnashib qoldi. Papa Ioanni cherkovdan quvib, butun Angliyada ibodat qilishini man etdi (1208 yilda). Taxtdan ajralishi xavfi ostida qolgan va jamiyatning yetarlicha qo`llab-quvvatlashiga ko`zi yetmagan qirol taslim bo`lishga majbur bo`ldi. U o`zini papaning vassali deb tan olib, har yili papaning xazinasiga bir ming funt sterling hiroj to`lash majburiyatini oldi (1213 yil). Papa bilan to`qnashuvdagi muvaffaqiyatsizlik mamlakatda qirol obro`- e`tiborini juda tushirib yubordi. Ioann va uning amaldorlari qo`llab kelgan har xil tamagirliklar, nohaq soliq-yig`imlar yig`ilishi va zo`ravon-liklar qilinishi faqat baronlar va yepiskoplar orasidagina emas, balki ritsarlar va shaharliklar orasida ham qirolga qarshi noroziliklar tug`dirdi. Ayni zamonda kuchayib borgan qirol hokimiyatining nazorati malol kelgan yirik feodallarda mahalliychilik kayfiyatlari paydo bo`lib qoldi. Qirol o`ylab chiqargan, lekin ritsarlar befoyda deb bilgan quruqlikdagi yangi urushga ritsarlarning ko`pchiligi qatnashishdan bosh tortdi. Ana shular natijasida 1215 yilning yozida Ioann Ersizga qarshi qo`zg`olon ko`tarildi. Eng yirik baronlar qo`zg`olonga rahbarlik qildi. Ammo qo`zg`o-longa ko`pgina ritsarlar, shuningdek, London shahri ham qo`shildi. Qo`zg`olonchilar asir qilib olgan Ioann 1215 yil 15 iyulda Erkinliklarning buyuk xartiyasiga imzo chekishga majbur bo`ldi. 1215 yildagi Xartiya ma`lum tizimga solinmagan 63 ta moddadan iborat muhim siyosiy, tarixiy-huquqiy hujjat bo`lib, rasman Angliyadagi birinchi konstitutsiyaviy qonun hisoblanadi. U lotin tilida tuzilgan va asosan feodallar sinfining manfaatlarini ko`zda tutuvchi ko`pdan-ko`p yon berishlar va imtiyozlarni o`z ichiga olgan. Xartiyaning barcha moddalarini quyidagicha uchta guruhga bo`lish qabul qilingan: 1. Aholi turli ijtimoiy guruhlarining moddiy manfaatlariga taalluqli moddalar (1-,2-,9-,13-,15-,18-moddalar). 2. Angliya qirolligi davlat mexanizmini isloh qiluvchi va "kons-titutsion" deb ataluvchi moddalar (12-,14-,61-moddalar). 3. Sud-ma`muriy apparat faoliyati tamoyillarini o`rnatuvchi mod-dalar (17-, 20-, 21-, 39-, 40-moddalar). Xartiya baronlarga va feodallarga o`z feodlarini meros qilib qoldi-rishni va "odatga ko`ra" mo`tadil vassallik to`lovlari to`lashni ta`minlardi. Xartiyaning ko`pgina moddalari (2-11-moddalar va boshqalar) qirol va baronlarning vassalliklenlik munosabatlariga bag`ishlangan va qirol-ning yerga egalik bilan bog`liq bo`lgan senorlik huquqlaridan foydala-nishida o`zboshimchaliklarini cheklashga harakat qildi. Bu moddalar homiylik, relyef 5 6 olish, qarz undirish tartiblarini va shu kabilarni belgi-ladi. Masalan, Xartiyaning 2- moddasiga binoan, harbiy xizmat evaziga yerga egalik qilib turgan graf yoki baron vafot etsa, uning voyaga yetgan merosxo`ri yer uchun relef to`langandan so`ng merosni olishi mumkin edi. 4-modda bo`yicha, len homiysi o`z foydasiga evi bilan 5 6 Relyef – o`tmishdoshi o`lgandan so`ng merosiy yerga (feodga, baroniyaga) egalik qilishga kirishish huquqi uchun senorga beriladigan feodal to`lov. Uning miqdori ko`pincha yerga egalik bahosining yarmigacha bo`lgan.

(mo``tadil) daromad olishi va homiyligi ostida bo`lgan egalikdagi kishilarga ham, ashyolarga ham zarar yetkazmasligi lozim edi. Xartiyaning qirollikning qo`riqlana- digan o`rmonlari va daryolari haqida so`z yuritilgan moddalari (44-,47-,48- moddalar)da ham yirik feodallarga yon berilgandi. Yuqoridagilar bilan birga, Xartiyada sof "baronlik" moddalari orasida umumsiyosiy xarakterga ega bo`lgan alohida moddalar mavjud. Xususan 61- moddada baronlarning siyosiy talablari ancha ochiq ifoda etildi. Unda belgilanishicha, agar qirol Xartiyadagi feodallarga imtiyozlar in`om qilingan moddalarga rioya qilmasa, 25 barondan iborat tuziladigan alohida komitet qirolga qarshi feodallarni qo`zg`olonga chaqirish huquqiga ega edi. Bundan tashqari, Xartiyada baronlar va ritsarlardan iborat buyuk qirollik kengashi tuzilganligi (12- va 14-moddalar) eslatib o`tiladi. Shu kengashning roziligidan keyingina qirol feodallardan qo`shimcha mablag`lar olishi mumkin edi. Bu "umumiy" kengash tarkibi ham faqat bevosita qirolning vassallaridan iborat bo`lishi belgilandi. Shunisi xarakterliki, London shahridan yordam tariqasida olinadigan to`lovlar haqidagi masalani ham kengash hal qilishi lozim edi. Boshqa turdagi soliqlar va yig`imlarni, jumladan, shaharlardan olinadigan og`ir soliq - talyani ilgarigidek qirolning yakka o`zi olardi. Xartiyaning 21- va 34-moddalari toj-taxtning sud imtiyozlarini zaiflashtirishga qaratildi. 21-modda graflar va baronlarni sud qilishni qasamxo`rlar ishtirokidagi qirollik sudlari ixtiyoridan olib, ular uchun imtiyozli bo`lgan "tenglar sudi" (perlar sudi)ga topshirdi. Xartiyada tenglar sudining qonuniy hukmidan va mamlakat qonunlaridan tashqari, Angliyada birorta erkin kishi qamoqqa olinmaydi, avaxtaga tashlanmaydi, mol-mulkidan mahrum etilmaydi yoki yurtdan haydab yuborilmaydi, deb qirol tantanali va`da berdi (39-modda). Bu modda avvalo yirik feodallarga taalluqli edi. 34-modda baronlarning sud manfaatlarini himoya qilib, unda baronlarga qarashli sudlar saqlab qolinishi ta`kidlangan va qirollik sudlari bu sudlarning ishlariga aralashmasligi ko`rsatilgandi. Xartiyada ritsarlarning manfaatlarini nazarda tutuvchi moddalar ancha kam edi. Bu haqda 16 - va 60-moddalarda birmuncha umumiy tarzdagi me`yorlar belgilandi. 16-moddada "hech kim o`z ritsarlik leni uchun yoki boshqa erkin egalikdagi yeri uchun keragidan ortiqcha xizmatlarga majbur qilinishi mumkin emas", deb belgilangan. 60-moddada esa qirolning o`z vassallariga nisbatan munosabatlariga oid qoidalar baronlarning o`z vassallariga nisbatan munosabatlariga ham taalluqli ekanligi uqtiriladi. Xartiyada shaharliklarning va savdogarlarning huquqlari haqida juda kam moddalarda ko`rsatildi. 13-modda shaharlar uchun eski erkinliklar va odatlarni tasdiqlaydi, 41-modda barcha savdogarlarga ichki va tashqi savdo-sotiq erkinligini, suv yo`llarida monesiz safar qilishni va savdodan g`ayriqonuniy bojlar olinmasligini belgilaydi va nihoyat, 35-modda savdo-sotiqning rivojlanishi uchun muhim bo`lgan uzunlik va og`irlik o`lchovlari birliklarini o`rnatdi. Xartiyaning qirollikning sud-ma`muriy apparati faoliyatini tartibga solishga qaratilgan ko`pgina moddalari katta ahamiyatga ega. Bu guruhga kirgan moddalar (18-, 19-, 20-, 38-, 39-,40-, 45- va boshqa moddalar) XII asrdan boshlab vujudga kelgan sud-ma`muriy va huquqiy institutlarni tasdiqlaydi va mustahkamlaydi,

markazda va joylarda qirol chinovniklari-ning o`zboshimchaliklarini cheklaydi. Masalan, 38-moddada belgilanishi-cha, chinovniklar faqat og`zaki shikoyat bilan hamda ishonchga loyiq guvohlarsiz qandaydir javobgarlikka tortilishi mumkin emas. 45-moddada qirol mamlakat qonunlarini bilmaydigan va ularni o`z ixtiyori bilan bajar-ishni istamaydigan shaxslarni sudya, konstebl, sherif va beylif lavozim-lariga tayinlamaslikka va`da beradi. Xartiya, shuningdek, 40-moddada asossiz va nomutanosib sud poshlinalari undirishni man etdi. Ayniqsa, Xartiyaning 39-moddasi juda mashhur edi. XIV asrda bu modda barcha erkin kishilar uchun shaxs daxlsizligi kafolati sifatida parlament tomoni-dan bir necha marta o`zgartirilgan, tahrir qilingan va aniqlashtirilgan. Xartiyada dehqon - frigolderlar ritsarlar bilan birgalikda o`zlariga qarashli yerlarga hech kimning tiqilmasligi kafolatini olgan edilar. Lekin jamiyatning eng mazlum qismi bo`lgan krepostnoy dehqonlar - villanlar undan hech qanday erkinlik olmadilar. Xartiya krepostnoy huquqni bekor qilmadi. Hatto qirol amaldorlarining nohaq yig`imlar solib villanlarni xonavayron qilishi taqiqlangan moddada ham, shu villanlarning real manfaatlari emas, balki ular ustidan turgan lordlarning manfaatlari (garchi bular ziyon ko`rsa-da) nazarda tutilgandi. Shunday qilib, Buyuk xartiya XIII asr boshida Angliyadagi ijtimoiy-siyosiy kuchlar munosabatini va avvalo qirol bilan baronlarning o`zaro kelishuvini aks ettirdi. Xartiyaning siyosiy moddalari shundan darak beradiki, baronlar markaziy hokimiyatning alohida imtiyozlari amalga oshirilishini o`z nazorati ostiga olib yoki cheklab, qisman o`zlarining immunitetlari va imtiyozlarini saqlab qolishga harakat qilgandilar. Xartiyaning taqdiri shuni yaqqol ko`rsatdiki, bu vaqtga kelib Angliyada baronlarning talablari istiqbolsiz, davlatning markazlashish jarayoni esa orqaga qaytmas bo`lib qolgandi. Oradan bir necha oy o`tgach, Ioann Yersiz papaning qo`llab-quvvatlashiga tayanib, Xartiyaga rioya etishdan voz kechdi. Keyinchalik qirollar Xartiyani bir necha marta (1216-,1217-,1225-,1297-yillarda) tasdiqlaganlar, lekin undan 20 dan ortiq modda, jumladan, 12-, 14- va 61-moddalar chiqarib tashlandi. Feodallar hujjati bo`lgan va avvalo yirik baronlarning manfaatlarini ta`minlagan ushbu Xartiya, har holda, progressiv ahamiyatga ega edi. Xartiya faqat baronlarning ayrim guruhlari talabigina bo`lib qolmadi. U, shuningdek, siyosiy markazlashish tamoyilini rad etmagan, bu tamoyil bilan hisoblashgan va davlatni idora qilishni ma`lum darajada tartibga tushirishga intilgan feodal dvoryanlar barcha toifasining ham talabi edi. Xartiyada shaharliklar talabining hisobga olinishi juda muhim bo`ldi. Angliyadagi uchinchi toifa birinchi marta shu yerda siyosiy kuch sifatida maydonga chiqdiki, feodallar u bilan hisoblashishga majbur bo`ldilar. Buyuk qirollik kengashi yoki Xartiyada eslatib o`tilgan baronlar va ritsarlar parlamenti tez orada (shu XIII asrda) ingliz parlamentiga aylandi. Bu parlamentda fransuzlarning General shtatlaridagiga o`xshash qirol-likdagi uchta toifaning vakillari bor edi. U XIII asr o`rtasida tez-tez "parlament" degan nom bilan atalgan bo`lsa-da, ammo hali tabaqaviy organ ham, vakillik muassasasi ham emas edi. 1258-1267 yillardagi baronlar urushi o`z siyosiy natijasi bo`yicha juda murakkab va muhim bo`lgan.P a rlamentning vujudga kelishi va vakolatlarining kengayishi

Ma`lumki, Ioann Yersiz Er-kinliklarning buyuk Xartiyasini imzolar ekan, haqiqatda uni bajarmoqchi emas edi. Ioann Yersizni o`zi ichgan qasamiga rioya qilish majburiyatidan xalos etgan pa-pa Innokentiy III ham qirol tomoniga o`tdi. Ioann baronlar bilan yangi urushga tayyorlana boshladi, bu urush tez orada boshlandi ham, ammo urush harakatlari ayni qizib turgan paytda qirol vafot etdi. Uning vorisi – kichik yoshli o`g`li Genrix ІІІ (1216-1272 yillar) baronlar oligarxiyasi qo`-lida uzoq vaqtgacha qurol bo`lib qoldi. Lekin u hatto balog`atga yetgandan keyin ham mamlakatni idora qilishda deyarli o`zgarish bo`lmadi. Lapa-shang va beqaror Genrix III papani va yepiskoplarni, shuningdek, fransuz xotini bilan birgalikda Fransiyadan Angliyaga kelgan qarindosh-urug`lari va ularning do`stlarini baronlarga qarshi qilib qo`ymoqchi bo`ldi. Genrix bu feodallarga saxiylik bilan mansablar va yer-mulklar ulashdi. Bu esa ingliz baronlari o`rtasida qaxr-g`azab uyg`otdi. Shaharlar papa kuriyasiga ketayotgan yuqori to`lovlardan norozi bo`ldilar. Ritsarlar va erkin dehqon- lar qirol amaldorlari va sudlarning suiiste`molliklaridan va baronlarning o`z yerlarida davom ettirayotgan bemaza o`zboshimchaliklaridan g`azabla-nardilar. Qirol bundan avvalgi yili mamlakatda hosil yomon bo`lganligiga va ocharchilik yuz berganiga qaramay, shahzoda Edmund (qirolning kenja o`g`li)ning Sitsiliya taxtini 5 7 istilo qilishi uchun 1258 yil bahorda baronlar va ritsarlardan ular oladigan daromadlarning to`rtdan uch qismini to`lash-larini talab etdi. Qirolning talabiga javoban, qurollangan va o`zlariga ko`p ritsarlarni ergashtirib olgan baronlar saroyga kirib keldilar hamda barcha "fransuzlar"ni idora ishlaridan chetlatib, "qirollikda islohotlar" o`tkazish uchun alohida komissiya tayin etishni talab qildilar. Shundan so`ng, tez orada baronlarning Oksfordda to`plangan "quturgan parlamenti" alohida konstitutsiya - "Oksford proviziyalari" ni ishlab chiqdi. Bu o`ziga xos konstitutsiya qirolni baronlarning doimiy nazoratiga topshirdi. Unda mam-lakatda butun ijroiya hokimiyat 15 ta baronlardan iborat Kengashga o`tkazilishi nazarda tutildi. Ijroiya Kengash bilan birga muhim masalalarni hal qilish uchun har yili kamida uch marta 27 ta a`zodan iborat mag-natlarning Katta kengashi yig`ilib turishi lozim edi. Shunday qilib, bu baronlarning 1215 yilda amalga oshmay qolgan o`z oligarxiyasini o`rna-tish uchun yangidan qilgan harakati bo`ldi. Dastlabki paytlarda baronlar ritsarlar bilan kelishib harakat qildilar. Ammo baronlar hokimiyatni faqat o`zlari uchun bosib olishga intilayot-ganliklarini, ritsarlar masalasida noaniq va`dalar berish bilan cheklanayot-ganliklarini ritsarlar tezda payqadilar. Ritsarlar norozilik bildirdilar. Ular-ning talablari boshqa bir hujjatda - 1259 yilgi "Vestminstrlik proviziya-lari" nomli mashhur hujjatda ifodalangan edi. "Vestminstrlik proviziyala-ri" ritsarlarning o`z senorlari - baronlari bilan bo`ladigan munosabatlarini tartibga solib turardi, shuningdek, qirol sheriflari, eschitorlari 5 8 va sudya-larining suiiste`molliklarini yo`qotish to`g`risida bir qancha takliflar kirit-di. Biroq, ritsarlarning mamlakatning markaziy boshqaruvida ishtirok etish haqidagi talablari qondirilmadi. Baronlar va ritsarlar harakatiga keyinchalik shaharliklar va bir qan-cha joylarda dehqonlar, qisman frigolderlar, qisman villanlar kelib qo`shil-dilar. Baronlar to`dasi 5 7 Papa bu paytda o`zining ikkala Sitsiliya qirolligining senori deb hisoblagan nemis shtaufenlari bilan kurash olib borgan va Sitsiliya toj-taxtini egallashni Genrix III ga taklif etgan edi. 5 8 Eschitor - vorissiz tanho yerlarni boshqaruvchi amaldor.

bo`linib ketdi. Demokratik elementlarning faolligi-dan, xususan, boshlanib ketgan dehqonlar harakatidan qo`rqib qolgan baronlarning ko`pchiligi tez orada qirol tomoniga o`tdi. Ammo Simon de Monfor 5 9 boshchilik qilgan yirik feodallarning bir qismi qirol bilan kurash-ni davom ettirib, ritsarlar va shaharliklar bilan ittifoq tuzdi. 1264 yilda Simon qirolning tarafdorlari bo`lgan baronlarni yakson qilib, Genrix III ni va uning katta o`g`li Eduardni asr qilib oldi. Simon de Monfor bir necha vaqt Angliyaning diktatori bo`lib oldi va ritsarlarni davlat boshqaruvida ishtirok etish haqidagi talablarini ro`yobga chiqardi. Fuqarolar urushining eng muhim natijasi 1265 yilning boshida Angliya tarixida birinchi tabaqa-vakillik muassasasi - parlamentning chaqirilishi bo`lgan. Simon de Monfor bu parlamentni keng tarkibda chaqirdi: parlamentga baronlar va yepiskoplardan tashqari, ritsarlarning (har bir 37 ta graflikdan ikki kishidan) va shaharlarning (har bir shahardan ikki kishidan) vakillari taklif qilindi. Shunday qilib, fransuz General shtatlariga o`xshash, Angliyada birinchi marta uch toifa vakillaridan iborat parlament chaqirildi. Parlamentning chaqirilishi Angliyada feodal davlat shaklining o`zga-rishiga, tabaqa-vakillik monarxiyasining vujudga kelishiga olib keldi. Simon de Monforga hokimiyat tepasida uzoq vaqt qolish nasib etma-di. Baronlarning ko`pchilik qismi dushmanlar lageriga o`ta boshladi. Shah-zoda Eduard asirlikdan qochib, qirollik kuchlarining asosiy tashkilotchisi bo`lib oldi. 1265 yil avgustda Ivzem yonidagi jangda Monfor mag`lubiyat-ga uchradi va o`ldirildi. Uning tarafdorlari jazoga tortildilar. Parlament yana birgina yirik feodallar tarkibida yig`iladigan bo`ldi. Eduard I (1272-1307 yillar) 50-60-yillardagi "g`alayon"dan katta sa-boq olgan hiyla g`ayratli qirol edi. Ayni zamonda 1265-1285 yillardagi ba-ronlar urushi mahalida o`rta va quyi sinflarning harakatidan qo`rqib qolgan feodallar endi qirollik toj-taxti tevaragida mustahkamroq jipslashdilar. Eduard I o`z mavqeini yanada kuchaytirish uchun istilochilik urushlari uyushtirdi va 1282 yilda Uelsni bosib oldi, lekin Shotlandiya bilan uzoq va og`ir urush olib bordi. Urushni davom ettirish uchun yetarlicha mablag`i bo`lmagan qirol juda mushkul ahvolga tushdi. Oppozitsiyaning yangidan bosh ko`tarib chiqishining oldini olish va zarur mablag`ga ega bo`lish maqsadida 1295 yili qirolning o`zi umumtoifaviy parlament chaqirdi. Bu parlamentning tarkibi kelajakda ana shunday yig`ilishlar uchun namuna bo`lganligidan uni keyinchalik "namunali parlament" deb atadilar. Ammo 1265 yilda Monfor parlamenti qanday tarkibda to`plangan bo`lsa, bu parlament ham xuddi shunday tarkibda yig`ildi. Bu parlamentda lordlar, dunyoviy va ruhoniy feodallar, ritsarlar va shaharliklar yig`ilgan edi. Shu paytdan e`tiboran Angliya parlamenti muntazam suratda yig`iladi-gan bo`ldi. XIV asrning o`rtalarigacha ingliz tabaqalari birgalikda majlis-lar o`tkazardilar, 1343 yildan e`tiboran esa ikkita palataga ajraldi. Yuqori palata lordlar palatasi deb atalib, u ruhoniy lordlar, arxiyepiskoplar, ye-piskoplar, eng yirik monastirlarning abbatlari va dunyoviy lordlar (baron-lar)dan iborat bo`lardi. Umum palatasi deb atalmish quyi palata graflik-larning vakillari bo`lgan ritsarlar va shaharliklardan iborat edi. Dastlab parlamentni tuzishda saylov senzi bo`lmagan. Keyinchalik 1430 yilgi Statut saylov 5 9 Simon de Monfor kelib chiqishi jihatidan fransuz edi, lekin XIII asr o`rtasida u Angliyada endi tanildi va ingliz zodagonlari qatoridan ko`zga ko`rinarli o`rin egalladi.

senzi o`rnatib, unga ko`ra, grafliklar majlislarida frigolder-larning ishtirok etib, parlamentga saylanishi uchun yiliga 40 shillingdan kam bo`lmagan daromad olishlari lozim edi. Dastlabki vaqtlarda parlamentning qirol hokimiyati siyosatiga ta`sir etish imkoniyati uncha katta bo`lmadi. Uning funksiyalari harakatdagi mulklarga solinadigan soliqlarning miqdorini belgilash va qirol nomiga jamoaviy petitsiyalar berish bilan chegaralab qo`yilgan edi. To`g`ri, 1297 yilda Eduard I parlamentda Erkinliklarning buyuk xartiyasini tasdiqlaydi va buning natijasida "soliqlarning hal qilinmasligi haqida"gi Statut paydo bo`ldi. Bunda soliqlar, nafaqalar va yig`imlar endilikda ruhoniylar, dunyoviy magnatlar, ritsarlar, shaharliklar va qirollikning boshqa erkin kishilari umumiy roziligisiz olinmasligi aytildi. Biroq, Statutda qirolga ilgari mavjud bo`lgan yig`imlarni undirish imkoniyatini beruvchi izohlar ham bor edi. O`rta asrlar Angliyasining parlamenti asta-sekin quyidagi uchta eng muhim vakolatlarni: qonunlar chiqarishda ishtirok etish, qirol xazinasi foy-dasiga aholidan soliqlar olish haqidagi masalalarni hal etish, oliy mansab-dor shaxslar ustidan nazoratni amalga oshirish hamda ba`zi hollarda maxsus sud ishlarini yuritish huquqlarini qo`lga kiritib oldi. Parlamentning qonun tashabbuskorlik huquqi qirolga parlamentning jamoa petitsiyalari berishi amaliyotidan kelib chiqdi. Ular hammadan ko`proq eski qonunlarning buzilishini taqiqlash va yangilarini chiqarish haqidagi iltimoslarda namoyon bo`ldi. Qirol parlamentning iltimosini qon-dirishi yoki rad etishi mumkin edi. Biroq, XIV asr mobaynida birorta ham qonun qirol va parlament palatalari roziligisiz qabul qilinishi mumkin emasligi o`rnatildi. XV asrda o`rnatilgan qoidaga ko`ra, parlamentning ilti-mosnomasi "bill" degan nom olgan qonun loyihasi shaklida ifodalanmog`i lozim edi. Shu tariqa qonun (statut) tushunchasi qirol, lordlar palatasi va umum palatadan kelib chiqadigan hujjat sifatida rasmiylashtirildi. XIV asr mobaynida asta-sekin parlamentning moliyaviy masala-lardagi vakolatlari mustahkamlandi. 1340 yilgi Statut parlamentning roziligisiz to`g`ri soliqlar undirilishiga mutlaqo yo`l qo`yilmasligini e`lon qildi. 1362 yilgi va 1371 yilgi statutlar esa bu qoidani qo`shimcha soliqlar uchun ham joriy etdi. XV asrda parlament o`zi tomonidan taqdim etilgan subsidiyalarning maqsadini ko`rsata boshladi va ularning xarajat qilinishi ustidan nazorat qilishga erishdi. Parlament davlat boshqaruvini o`ziga bo`ysundirishga harakat qilib, XIV asrning oxiridan asta-sekin impichment protsedurasini joriy etdi. U umum palataning lordlar palatasi oldida mamlakatning oliy sud organi sifatida u yoki bu qirol mansabdor shaxsiga qarshi hokimiyatni suiiste`mol qilganlikda ayblov qo`zg`atishdan iborat edi. Bundan tashqari, parlament-ning u yoki bu suiiste`molliklarni to`g`ridan-to`g`ri jinoiy deb e`lon qilish huquqi o`rnatildi. Bunda qirol tomonidan tasdiqlanadigan maxsus hujjat chiqarilib, u "podsho g`azabi haqidagi hujjat" degan nom oldi. XIII asr davomida, shuningdek, yangi ijroiya organ - Qirollik kengashining rivojlanishi sodir bo`ldi. U qirolning yaqin maslahat-chilaridan iborat tor doiradagi organ bo`lib qoldi va o`z qo`lida oliy ijro etish va sud hokimiyatini to`pladi. Uning tarkibiga odatda kansler, xazinachi, sudyalar, qirolga ancha yaqin bo`lgan, asosan

ritsarlar taba-qasidan chiqqan ministrlar kirardi. Qirolning eng yirik vassallari yig`ini - Katta kengashi o`z funksiyalarini yo`qotdi. Bu funksiyalar parlamentga o`tdi. Shunday qilib, parlament tashkil top-gan davridayoq o`z vakolatlarini asta-sekin kengaytirib bordi. Tabaqa-vakillik monar-xiyasi davrida mahalliy boshqaruvda eski sudlarning va grafliklar majlislarining roli juda pasayadi. Ularning funk-siyalari yangi mansabdor shaxslarga va yangi turdagi sayyor sudlarga o`tadi. Bularning vakolatlari tobora kengayib boradi. Grafliklarning majlislari XIII asr oxiri - XV asrda asosan parla-mentga vakillarni va mahalliy mansabdor shaxslarni saylash uchun chaqirilardi. Ular summasi 40 shillinggacha bo`lgan da`volar bo`yicha nizolarni ko`rishlari mumkin edi. XIII asrda grafliklarda ilgarigidek sherif, yuzlikda uning yordam-chisi - beylif qirol ma`muriyati tepasida turardi. Ulardan tashqari joylarda qirol ma`muriyati vakillari sifatida tojdorlar va konstebllar bo`lardi. Ular mahalliy majlislarda saylanardi. Tojdorlar odam o`ldirish jinoyatlari bo`-yicha tergovni amalga oshirganlar, konstebllar politsiyachilik funksiya-lariga ega bo`lganlar. Sherifning juda katta hokimiyatga ega ekanligi vaqt o`tishi bilan qirollikda ishonchsizlik keltirib chiqara boshlaydi. Qirol bu mansabning "feodallashuvi"ni, merosiy bo`lishga aylanishining oldini olishga harakat qiladi. XIII asrda o`zaro urushlardan so`ng sherif man-sabining qisqa muddatli bo`lib qolganligi va qirollik tomonidan nazorat ostiga olinganligi tasodifiy hol emas edi. 1215 yilgi Erkinliklarning buyuk xartiyasining 24- moddasi sheriflarning qirollik da`volarini hal qilishini taqiqladi va shu vaqtdan e`tiboran sherif lavozimi asta-sekin, har holda sud qilish sohasida, o`z ahamiyatini yo`qota boshladi. XIII asrning oxiridan boshlab grafliklarda mahalliy yer egalaridan tinchlikni saqlovchi yoki, boshqacha so`zlar bilan aytganda, murosaga keltiruvchi sudyalar tayinlash amaliyoti batamom o`rnatiladi. Ular dastlab politsiyachilik va sud qilish vakolatlariga ega bo`lganlar, lekin vaqt o`tishi bilan sheriflar o`rniga mahalliy boshqaruvning ancha muhim funksiya-larini bajara boshlaydilar. 1390 yilgi statut bo`yicha har bir graflikka sakkiztadan murosaga keltiruvchi sudyalar tayinlandi. Murosaga keltiruv-chi sudyalar oziq-ovqat mahsulotlari narxlarini nazorat qilganlar, uzunlik va og`irlik o`lchov birliklarini, jun olib chiqilishini kuzatib turganlar, ishchilar haqidagi (1349 va 1351 yillardagi), bid`atchilar haqidagi (1414 yilgi) qonunlarning hayotga tadbiq qilinishi ustidan nazoratni amalga oshirganlar va hatto ish haqi miqdorlarini (1427 yilgi statutda) o`rnatar-dilar. Bu mansabni egallash uchun mulkiy senz yillik daromadning 20 funt sterlingini tashkil etgan. Murosaga keltiruvchi sudyalarning sud vakolatlariga odam o`ldirish va o`ta og`ir jinoyatlardan tashqari, barcha jinoiy ishlarni ko`rib hal qilish kirardi. Ishlarni ko`rib hal qilish bir yilda to`rt marta chaqirib turiladigan sessiyalarda amalga oshirilgan. Bu majlislar "chorak sessiyalar" sudlari degan nom olgandi. XIII-XIV asrlarda turli darajadagi qirollik sudyalarining soni o`sdi, ularning ixtisoslashuvi kuchaydi. Shu bilan birga ko`pgina muas-sasalarning sud va ma`muriy Mahalliy boshqaruv tizimining rivojlanishi va sud organlari

funksiyalari hali ajratilmagan edi. Bu davrda Angliyada: Qirol kursisi sudi, Umumiy tortishuvli sud va Xazina sudi oliy sudlar hisoblanardi. Xazina sudi birinchi bo`lib XII asrning 20-yillaridayoq o`z majlislari bayonini yozib qo`ya boshlaydi. Bu sud asosan moliyaviy nizolarni ko`-rishga ixtisoslashtirilib, avval xazina va qirollikdan qarzlarga taalluqli nizolarni ko`rib hal qilardi. Umumiy tortishuvli yoki "umumiy kursili" sud ko`pgina xususiy fuqarolik da`volarini ko`rib hal qilardi va umumiy huquqning asosiy sudi bo`lib qolgandi. Sudda barcha debatlar yozilib va manfaatdor tomonlarga tanishish uchun tarqatilardi, XIV asrdan boshlab esa doimo e`lon qilib turilardi. Bu sud huquqni o`rganuvchi barcha talabalar uchun amaliyot o`tash joyi ham bo`lgandi. Umumiy tortishuvli sud, shuningdek, mahalliy va manorial sudlar ustidan nazoratni amalga oshirardi. Devonxonadan chiqarilgan buyruq bo`yicha shikoyatlar har qanday boshqa quyi sudlardan olinib, bu sudning ixtiyoriga o`tkazilishi mumkin edi. Maxsus sud buyruqlari sharofati bilan Umumiy tortishuvli sud boshqa sudlarning sudda yo`l qo`ygan xatolarini to`g`rilay olardi. Qirolning shaxsiy sudidan asta-sekin Qirol kursisi sudi shakllanadi. Bu sud XIV asrning oxirigacha faqat qirol va uning yaqin maslahatchilari ishtirokida majlislar o`tkazardi. U boshqa barcha sudlar uchun, jumladan, Umumiy tortishuvli sud uchun ham, oliy apellyatsion va nazorat instantsiyasi bo`lib qolgan edi. Biroq vaqt o`tishi bilan u jinoiy ishlar bo`yicha apellyatsiyalarni ko`rishga ixtisoslashtiriladi. Fuqarolik ishlarining rivojlanishi bilan oliy qirollik sudlarining umu-miy tizimidan Lord-kansler sudi ajralib chiqadi. U masalalarni "adolat yuzasidan" hal qilardi. Bu sudning faoliyati bilan yangi shakldagi jara-yonning va huquq normasi (adolat huquqi)ning vujudga kelishi bog`liq bo`lgan. XIII-XIV asrlarda qirollikning sayyor sud ishlarini yuritish tizimi ancha keng tarmoqli va turlicha edi. Umumiy sudlarning aylanib yurish tartibi juda noqulay bo`lganligi va qimmatga tushishi sababli XIII asrda sayyor sudlarning umumiy ayla-nib chiqish muddati yetti yilda bir marta qilib o`rnatilgan. XIV asrda umu-miy sayyor sudlar o`z ahamiyatini yo`qotdi va o`rnini ancha ixtisoslashgan sayyor komissiyalarga bo`shatib berdi. Sayyor komissiyalar orasida assiz-lar sudlarini (yerga egalik qilishda imtiyoz huquqi haqidagi nizolarni ko`-rish bo`yicha), isyonlar haqidagi ishlar bo`yicha komissiyani va turmalarni umumiy tekshirish bo`yicha komissiyani alohida ajratib ko`rsatish mumkin. Sud ishlarini yuritishda qasamxo`r maslahatchilarning katta va kichik jyurilari muhim rol o`ynardi. Katta yoki ayblovchi jyuri ayblovchi qasamxo`r maslahatchilarning sayyor sudlar tomonidan so`roq qilinishi protsedurasi munosabati bilan rasmiylashgan. U sudga berish organi bo`lib qolgan. Katta jyurining bor-yo`g`i 23 ta a`zosi bo`lgan. 12 ta jyuri a`zosi-ning yagona fikri gumon qilinuvchiga nisbatan ayblov hujjatining tasdiq-lanishi uchun kifoya qilardi. Kichik jyuri 12 ta qasamxo`r maslahatchilardan iborat tuziladigan ingliz sudining tarkibiy qismi bo`lib qoldi. Bu jyuri a`zolari ishlarning mazmunan ko`rib chiqilishida ishtirok etib, qasamxo`rlarning yagona fikrini talab qiluvchi verdikt

(hukm) chiqarardi. 1239 yilgi qonun bo`yicha qasamxo`rlar uchun yillik daromadning 40 shillinggi miqdorida mulkiy senz o`rnatiladi. Manorlik sudlarining yurisdiksiyasi (sud qilish huquqi) XIII asrda to-bora cheklanib borishda davom etdi. Faqat ba`zi juda ozchilik yirik feodal-largina toj- taxtga daxldor ishlar bo`yicha sud qilish huquqini saqlab qoldi. 1260-1280 yillardagi statutlar magnatlarning kuriyaga kelishlarini ta`min-lash maqsadida ularning erkin dehqonlarga tazyiq o`tkazishini, apellyatsi-on instantsiya sifatida chiqishini taqiqlaydi. Sheriflarga lordlar tomonidan egallab olingan chorvani musodara qilish uchun, shuningdek, agar lord yoki uning yordamchisi hatto bir marta qirollik buyrug`ini bajarmagan barcha hollarda, ularning immunitetlarini buzishlariga ruxsat etilardi. Dunyoviy va cherkov sudlarining o`zaro munosabatlari vakolatlarni chegaralash masalalarida ilgarigidek keskinligi va murakkabligi bilan ajra-lib turardi. Ko`p sonli qarama-qarshi qarashlar natijasida shunday tamoyil o`rnatilgan ediki, unga ko`ra, ikkala turdagi sudlarning sudlovligi jazolar-ning xarakteriga qarab belgilanar va faqat dunyoviy sudlar dunyoviy jazo-lar berishi, masalan, jarimalar solishi mumkin edi. Qirol hokimiyati doimo cherkov sudlarining vakolatlarini cheklashga harakat qilardi. Biroq, ma`-lumki, bu urinishlar uncha muvaffaqiyatga erishmagan. Oxir oqibatda qirol an`anaviy vositalardan foydalanib, "taqiqlash haqidagi" sud buyrug`ini chiqarish yo`li bilan cherkov sudining vakolatlarini cheklashga erishgan. Toj-taxt, aniqrog`i, qirol kuriyasi chinovniklari fikricha, cherkov sudlari o`z vakolatlari doirasidan chiqqan, deb topilgan har bir alohida holatda ana shunday sud buyruqlari chiqarilardi. Demak, yuqoridagilardan ko`rinib turibdiki, tabaqa-vakillik monar-xiyasi davrida Angliyaning sud tizimi xilma-xil sudlarning mavjudligi bilan tavsiflanadi. 5. Absolut monarxiya davrida Angliyaning ijtimoiy-siyosiy tuzumi (XV asrning oxiri - XVII asrning o`rtasi) Angliyada absolut monarxiya boshqa mamlakatlarda bo`lgani kabi, feodalizmning inqirozi va kapitalistik ishlab chiqarish munosabatlarining vujudga kelishi davrida o`rnatilgandi. Shu bilan birga ingliz absolutizmi o`ziga xos qator xususiyatlariga ham ega edi. Shunday o`ziga xos xusu-siyatlariga qarab ingliz absolutizmi adabiyotlarda "tugallanmagan" degan nom olgan. Angliyada o`tgan davrga xos eski siyosiy institutlarning saqlanib qolganligi, shuningdek, fransuz klassik absolutizmiga o`xshash ba`zi yangi elementlarning yo`qligi absolutizmning "tugallanmaganligi"ni, to`liq ko`rinishda namoyon bo`lmaganligini tavsiflaydi. Ingliz absolut monarxiyasining asosiy xususiyati shundan iborat edi-ki, Angliyada kuchli qirol hokimiyati bilan bir qatorda parlament ham fao-liyat ko`rsatishda davom etgan. Shu tariqa Fransiya hamda Yevropa qit`a-sidagi boshqa mamlakatlardan farqli o`laroq, ingliz absolutizmi parlament bilan vakolatli muassasa sifatida chiqishib keldi, chunki parlament bu yer-da o`z ijtimoiy tarkibi jihatidan rivojlanayotgan absolutizmning muhim ta-yanchi va madadi edi. Ingliz absolutizmining yana bir xususiyati shundan iborat ediki, Angliya grafiklarida bu vaqtda mahalliy o`zini o`zi boshqarish (yarim saylanadigan sheriflar va mahalliy

sudyalar, maslahatchi sudyalar, shaharlarning saylanadigan munitsipalitetlari va hokazolar) saqlanib qol-gandi. Buning sababi shunda ediki, bu organlarga ham odatda o`sha "itti-foqchi sinflar" - o`rta dvoryanlar bilan burjuaziya kirib, ular absolutizm-ning ijtimoiy tayanchi sifatida umuman juda katta rol o`ynardi. Nihoyat, ingliz absolutizmi qit`adagi absolutizmga o`xshash muntazam armiya tuz-madi, bunga Angliyaning orolda joylashish mavqei ko`p jihatdan sabab bo`ldi. O`rta asrlarda va hatto yangi davrning dastlabki asrlaridagi harbiy-texnika vositalarining, quruqlikdagi kuchlarning Angliyaga hujum qilishi juda qiyin vazifa hisoblanardi. Ammo XVI asrdagi ingliz qirollari munta-zam armiya tuzmasalar ham, parlament bilan birgalikda harbiy flotni mut-tasil mustahkamlab bordilar. Buning oqibatida harbiy flot dushmanning dengizdan hujum qilishidan mamlakatning xavfsizligini to`la ta`minlabgina qolmay, ingliz mustamlaka va savdo ekspansiyasi uchun qudratli vosita bo`lib ham xizmat qilardi. Shunday qilib, Angliyadagi absolutizm yuqoridagi jihatlari bilan qit`adagi, xususan, Fransiyadagi absolutizmdan farqlanardi. Ingliz absolutizmi XV asrning oxiridan XVII asrning o`rtasigacha bo`lgan davrda hukm surdi. XIV-XV asrlar mobaynida Angliyaning iqti-sodi va ijtimoiy tuzumida absolutizmning qaror topishiga shart- sharoitlar yaratuvchi muhim o`zga-rishlar sodir bo`ldi. Feodal yer egaligining asta-sekin kapitalizmga o`sib o`tishi yuz ber-di. Tovar-pul munosabatlarining va sanoatning rivojlanishi, Angliya juniga bo`lgan talabning ortishi feodal yer egaligi xo`jaligining tovar xo`jaligiga aylanishiga olib keldi. Bularning hammasi kapital jamg`arilishiga va dastlabki manfakturalarning vujudga kelishiga sabab bo`ldi. Dastlabki manfakturalar hammadan avval kapitalistik ishlab chiqarishning rivoj- lanishi yo`liga to`sqinlik qilayotgan sex tizimi mavjud bo`lmagan port va qishloqlarda vujudga keldi. Angliyada vujudga kelayotgan kapitalistik munosabatlarning o`ziga xos tomoni shunda ediki, bu yerda kapitalistik munosabatlar shaharga qaraganda qishloqlarga ancha erta kirib kelgandi. Shu munosabatlarning vujudga kelishi jarayonida Angliya feodal davlati mutlaq yakka hokim-likka-absolutizmga o`tadi. Feodallar o`z yer egaliklarini qo`ylar o`tlatadigan yaylovlarga aylan-tirish maqsadida ularni kengaytirishga harakat qilib, dehqonlarni o`z uchastkalaridan haydab, jamoa yerlarini tortib ola boshladilar (" g`ov tu-tish"ni eslang). Bu qishloq aholisining fermerlarga, kam yerli ijarachilarga va yersiz batraklarga bo`linib ketishini ancha tezlashtirib yubordi. XV asrning oxiriga kelib ingliz dehqonlari ikkita asosiy guruh – frigolderlar va kopigolderlarga bo`linadi. Kopigolderlar - ilgarigi kre-postnoy dehqonlarning avlodlari frigolderlardan farqli o`laroq, feodallar foydasiga qator natural va pul majburiyatlari o`tashda davom etardi. Ular-ning yer uchastkalariga nisbatan huquqlari manorlik sudlari qarorlarining nusxa (kopiya)lariga asoslanardi. XV asrning ikkinchi yarmida feodallar sinfining o`zida ham tarkibiy jihatdan muhim o`zgarishlar ro`y beradi. O`zaro qizil va oq gullar urushi yirik yer egaligining qudratini sindirdi, eski feodal zodagonlarning qirib tashlanishiga olib keldi. Dunyoviy Ijtimoiy tuzumdagi o`zgarishlar

va ruhoniy feodallarning katta-katta yerlari qirollik tomonidan sotuvga qo`yildi va shahar burjuaziyasi hamda dehqonlarning yuqori qismi tomonidan sotib olindi. Ayni vaqtda manfaat-lari burjuaziyaning manfaatlari bilan yaqin bo`lgan dvoryanlar o`rta taba-qasining roli oshdi. Xuddi shu tabaqadagi dvoryanlar orasidan o`z xo`ja-ligini kapitalistik usullarida yurituvchi yangi dvoryanlar shakllandi. Yagona milliy bozorning rivojlanishi, shuningdek, ijtimoiy kurash-larning keskinlashuvi yangi dvoryanlar va shahar burjuaziyasining mar-kaziy hokimiyatni yanada kuchaytirishga bo`lgan manfaatdorligiga sabab bo`ldi. Dastlabki kapital jamg`arish davrida dengiz orti hududlarini mustam-lakaga aylantirish kuchaydi: Tyudorlar davrida Shimoliy Amerikada birinchi ingliz mustamlakasi - Virginiyaga asos solindi, XVII asrning bo-shida esa mustamlakachilikka oid Ost-Indiya kompaniyasi tashkil qilindi. Kompaniyalarda qatnashgan savdogarlar savdodan juda ko`p foyda olar-dilar. Angliya qirollari kompaniyalar tuzishga jon-dili bilan rozi bo`lardi, chunki savdogarlar ularning xazinasiga katta-katta mablag` to`lab turardilar. Sex tuzumining kuchsizlanishi shaharda kapitalistik elementlarning rivojlanishini yengillashtirdi. Shahar aholisi orasida tabaqalanish bosh-landi. Savdogarlar va ustalardan iborat shaharliklarning yuqori qismi ajralib chiqdi. Kapitalistik manufakturalarning vujudga kelishi bilan meh-natkashlarni ekspluatatsiya qilish kuchaydi. Bu esa shaharlarda sinfiy kurashning keskinlashuviga olib keldi. Bu kurash dehqonlarning yer uchun va yashash uchun kurashi bilan qo`shilib ketgan edi (1549 yilgi Robet Ket boshchiligidagi kuchli dehqonlar qo`zg`olonini eslang). Angliyada sinfiy kurashning keskinlashganligi "gadoy va daydilar"ga qarshi chiqarilgan qonunlarda va ish haqini tartibga soluvchi qonunlarda o`z aksini topdi. Dehqonlar va shahar kambag`allarini tutqinlikda ushlab turish va qarshiliklarini bostirish uchun Angliya hukmron doiralari byurokratik boshqaruv apparatiga asoslangan kuchli davlat mashinasini tashkil qiladi. Absolut monarxiya davrida Angliyada hokimiyat va boshqaruvning oliy organlari qirol, Yashirin kengash va parlament edi. Biroq, bu davrda Angliyada real hokimiyat qirolning qo`lida to`p-langandi. U ko`p sonli va faqat o`ziga bo`ysunadigan organlar orqali qonun chiqarish, ijro etish va oliy sud hokimiyatini amalga oshirardi. Yashirin kengash bundan oldingi davrda vujudga kelgan, lekin absolut monarxiya davrida batamom rasmiylashgan edi. U davlatning oliy mansabdor shaxslari: lord-kansler, lord-xazinachi, qirolning shaxsiy muhrini saqlovchi lord va boshqalardan iborat edi. Kengash tarkibi doimiy bo`lmagan. Oliy mansabdor shaxslar bilan bir qatorda boshqa mansabdor shaxslar ham Kengash ishlariga taklif qili-nardi. Genrix VIII ning reglamentiga (1426 yilgi) asosan kengash tarkibiga 14 ta davlat va saroy mansabdor shaxslari, 4 ta per va 2 ta yepiskop kirardi. Yashirin kengash qirol huzuridagi maslahatchi organ bo`lgan. Uning vakolatlarini qirol belgilardi. Qirol hokimiyatning kuchayishi bilan mamla-katni boshqarishga taalluqli ko`p hujjatlar qirol tomonidan kengashni chet-lab o`tgan holda Davlat tuzumi

chiqarilgan. Yashirin kengashning majlislarida ko`pincha qirollar ishtirok etmasdilar. Ular bunday hollarda kengash majlislarini yuritishni uning a`zolaridan biriga topshirardilar. Yashirin kengashning qonun chiqaruvchi, ijro etuvchi va sud organi sifatidagi roli va ahamiyati uning komissiyalari va komitetlari faoliyatida namoyon bo`lgan. Ularning ichida fuqarolik va asosan jinoiy ishlar bo`yicha favqulodda sud organi bo`lgan "Yulduz palatasi" alohida o`rin egallaydi. Yashirin kengashning asosiy vazifasi monarx hokimiyatiga qarshi har qanday chiqishlarga qarshi kurashish edi. U farmonlar, reglamentlar, yo`riqnomalar, manifestlar, proklamatsiyalar chiqarish bilan markaziy va mahalliy davlat organlari ustidan nazoratni amalga oshirardi. Kuchayib borayotgan qirol hokimiyati bu davrda parlamentni tugata olmadi. O`tgan davrda asos solingan jentri va burjuaziya ittifoqi parlamentning mustah-kam saqlanib qolishini ta`minladi. Bu ittifoq qirol hokimiyatining tabaqalar o`rtasidagi ixtiloflardan foydalanib, markazda va joylarda vakillik muassasalarini tugatishiga yo`l qo`ymasdi. Qirol hokimiyatining parlament bilan o`zaro munosabatlarda ustun-ligi 1539 yilgi statut bilan rasmiylashtirildi. Unga ko`ra, Yashirin kengash-ning chiqargan farmonlari va ordonanslari parlament hujjatlari bilan tenglashtirilgan edi. Garchand, parlament 1547 yilda rasman bu statutni bekor qilgan bo`lsa ham, qirol hokimiyatining parlamentdan ustunligi amalda saqlanib qolgan edi. Absolutizm davrida ingliz parlamentining vakolatlari rasman ilgarigidek qoldi. Parlament ilgarigidek soliqlar va yig`imlar miqdorini o`rnatish imtiyoziga ega edi. Parlamentning qirol hokimiyati tomonidan yangi soliqlar o`rnatilishiga qarshi turishi qirollarni zayomlarga murojaat etishga, tovarlarni chetdan olib kelish va chetga chiqarishda bojlar joriy qilishga, katta to`lovlar evaziga kompaniyalarga qat`iy savdo huquqi (savdo monopoliyasi) imtiyozlarini berishga majbur etdi. Absolut monarxiya davrida qirol hokimiyatining ingliz cherkovi usti-dan ustunligi batamom o`rnatildi. Angliyada qirol hokimiyatiga bo`ysuna-digan cherkov ta`sis etish maqsadida Reformatsiya 6 0 o`tkazildi. Buning na-tijasi o`laroq cherkov yerlari tortib olingan va davlat mulkiga aylantirilgan (sekulyarizatsiya qilingan)di. Angliya parlamenti Genrix VIII davrida 1529 yildan 1536 yilgacha qator qonunlar chiqarib, qirolni cherkov bosh-lig`i deb e`lon qilib, unga oliy cherkov lavozimlariga nomzodlar ko`rsatish huquqini beradi. XVI asrning oxirida qonun chiqarish yo`li bilan yangi cherkovning diniy ta`limoti mazmuni, shuningdek, ibodat qilish tartibi o`r-natilgan. Shunday qilib, ingliz cherkovi yoki lotincha aytganda, anglikan cherkovi Rim papasiga bog`liq bo`lmay qolgan va davlat apparatining bir qismiga aylangan. Mamlakatdagi oliy cherkov organi Yuqori komissiya bo`lgan. Uning tarkibiga ruhoniy shaxslar bilan bir qatorda Yashirin kengash a`zo-lari va boshqa mansabdor shaxslar ham kirardi. Komissiyaning vakolatlari juda katta edi. U qirol hokimiyatning cherkov ishlarida ustunligi haqidagi qonunlarning buzilishini, "diniy va cherkov xarakteridagi tartibsizliklar" bilan bog`liq ishlarni tekshirardi. Komissiyaning asosiy vazifasi reformat-siya qilingan cherkovning dushmanlari - katoliklar va protestantlarning ancha radikal va demokratik tarafdorlariga qarshi kurashish edi. 6 0 Reformatsiya – XVI asrda G`arbiy Yevropada katolik cherkoviga va papa hokimiyatiga qarshi olib borilgan diniy shakldagi ijtimoiy-siyosiy harakat.

Komis-siyaning har qanday uchta a`zosi, agar ularning orasidan bittasi yepiskop bo`lsa, cherkovga kelmaydigan shaxslarni jazoga tortish, bid`atlarni to`xta-tish, pastorlarni almashtirish huquqiga ega edi. Yuqori komissiya yuqori-dagilar bilan birga juda katta ahamiyatga ega bo`lgan qator dunyoviy ish-larni - Londondagi daydilar haqidagi, senzura haqidagi va hokazo ishlarni ham yuritardi. Reformatsiya qilingan cherkov tuzilishi jihatidan ham, ibo-dat sohasida ham katolitsizmning qator belgilarini saqlab qolgani holda qi-rol hokimiyatining ilohiy kelib chiqqanligini targ`ib qilishni o`z vazifa-laridan biri qilib olgan organga aylandi. Absolutizmning o`rnatilishi bilan mahalliy boshqaruv organlari tizimi ancha uyg`un bo`lib qoldi, ularning markaziy hokimiyat organlariga bog`liqligi o`sdi. Bu davrda mahalliy boshqaruvdagi asosiy o`zgarishlar lord-leytenant mansabining ta`sis qilinishida va mahalliy birlik - cherkov prixodi (qavmi) ning ma`muriy rasmiylashtirilishida o`z ifodasini topdi. Lord-leytenant bevosita qirol tomonidan graflikka tayinlanib, mahalliy ko`ngilli qo`shinlarga boshchilik qilardi hamda murosaga keltiruvchi sudyalar va kons-tebllar faoliyatiga rahbarlik qilardi. Prixod (biror butxonaga qatnovchi dindorlar, qavm) quyi zvenodagi o`zini o`zi boshqaruvchi birlik bo`lib, mahalliy cherkov va hududiy bosh-qaruv funksiyalarini birlashtirib turardi. Ibodatxona qavmlari soliq to`lov-chilar hisoblanardi. Ularning yig`inida soliqlarni taqsimlash, yo`llar va ko`priklarni tuzatish kabi masalalar hal qilinardi. Bundan tashqari, ibodat-xona qavmlari yig`ini prixodning mansabdor shaxslarini (cherkov oqsoqo-lini, kambag`allarni kuzatuvchini va boshqalarni) saylardi. Prixodda cher-kov ishlarini yuritish bosh ruhoniy tomonidan amalga oshirilardi. Uning butun faoliyati murosaga keltiruvchi sudyalar nazorati ostiga qo`yilgan edi, ular orqali esa, grafliklarning boshqaruv organlari va markaziy organlari nazorati ostiga olingandi. Murosaga keltiruvchi sudyalarning chorak ses- siyalari prixodni boshqarish ishlariga taalluqli barcha masalalar bo`yicha oliy instansiyaga aylantirilgandi. Bu vaqtga kelib, hali ilgarigi davrdan saqlanib qolgan grafliklar majlislari batamom o`z ahamiyatini yo`qotdi. Absolutizm davrida markaziy Vestministrlik sudlarining, shu jum-ladan, Haqiqat sudi va Admiralteystvo 6 1 oliy sudining tuzilishi va yuris-diksiyasi batamom rasmiylashadi. Biroq, ular bilan bir qatorda Yulduz palatasi va "isyonchi" grafliklarda sud kengashlari kabi favqulodda sudlar tashkil etildi. Yulduz palatasi Yashirin kengashning maxsus bo`linmasi sifatida qirol hokimiyatining dushmanlariga qarshi (dastlab - bo`ysun-magan feodallarga qarshi) kurashish quroli bo`lgan. Unda sud ishlarini yuritish asosan inkvizitsiya 6 2 xarakteriga ega bo`lgan, qarorlar esa sudya- larning xohishi bo`yicha chiqarilgan. Oqibatda Yulduz palatasi senzorning va qasamxo`rlar tomonidan verdiktlar chiqarilishining to`g`riligi ustidan nazorat qiluvchi organ funksiyalarini bajaradigan bo`lib qolgan. Yashirin kengashga bo`ysunuvchi sud kengashlari Angliyaning "ijtimoiy tinchlik" tez-tez buziladigan tumanlari (Uels, Shotlandiya)da tuzildi. Absolutizm davrida murosaga keltiruvchi sudyalarning sud vakolatlari kengayadi. Barcha jinoiy ishlar ular bo`yicha katta jyurining ayblov hujjati tasdiqlagandan keyin sayyor va murosaga keltiruvchi sudyalar tomonidan qo`rilishi 6 1 Angliyada va Chor Rossiyada harbiy flot boshqarmasi. 6 2 Inkvizitsiya sudi – shafqatsiz, zolimlarcha, vahshiylarcha, yovuz, qiynash, azoblashga asoslangan sud.

buyurilgan. Qasamxo`r maslahatchilar sud tarkibiga kiritiladi. Qasamxo`rlar uchun mulk senzi Elizaveta I ning qonuni bilan 40 shillingdan 4 funt sterlinggacha oshiriladi. Armiya tashkil etishning asosiy tamoyillari uncha o`zgarmadi. Absolut monarxiya o`rnatilishi davrida Genrix VII (1485-1509 yillar) eski aristokra-tiyaning harbiy qudratini batamom sindirish maqsadida feodallarning o`z ofitserlariga ega bo`lishini taqiqlovchi qonun chiqargan va artilleriya qu-rollaridan foydalanishda toj- taxtning monopol huquqini o`rnatgan. Yirik feodallar qurolli kuchlarining yo`q qilinishi armiyada doimiy qirollik qo`shinining tashkil etilishiga olib kelmadi. Qal`alarning soqchilari va qirollik gvardiyasi kam sonli bo`lib qolaverdi. Quruqlikdagi armiya militsiya otryadlari ko`rinishidagi ko`ngillilar qo`shiniga asoslanishda da-vom etdi. Angliya davlati orolda joylashganligi sababli o`z hududini himoya qilish uchun kuchli dengiz flotiga muhtoj edi. Harbiy flot Angliya-ning qurolli kuchlari asosi, dengizlarda hukmronlik qilish va boshqa hududlarni mustamlakaga aylantirish quroli bo`lib qoldi. Britan orollarining noingliz hududlari shiddat bilan mustamlakalarga aylantirilishi natijasida ingliz boshqaruv tizimi asta-sekin butun Britaniya-ga yoyiladi. 1536-1542 yillarda Uels batamom ingliz davlati tarkibiga qo`shib olinadi. 1603 yilda Irlandiyaning shimoli-sharqiy provinsiyasi – Olster ingliz qirolligi hokimiyati ostiga o`tdi. 1603 yildan boshlab Angliyaning Shotlandiya bilan shaxsiy uniyasida taxtning sulolaviy meros bo`lib o`tishi natijasida Shotlandiya ham yagona ingliz qiroli hokimiyati qo`li ostiga o`tadi. Lekin amalda bu birlashuv nomigagina bo`lib, Shot-landiya o`zining mustaqil davlat sifatidagi mavqeini saqlab qoladi. 6. Huquqning asosiy belgilari Angliya feodal huquqi o`zining murak-kabligi, chalkashligi, ustamonlik bilan qilin-ganligi (kazuistikligi) bilan ajralib turardi. Bu ushbu huquqning rim hu-quqi, rim huquqi g`oyalarining ta`sirisiz, alohida yo`llar bilan shakllanishi bilan bog`liq edi. XV asrdagi normand istilosiga qadar Angliyada huquqning asosiy manbalari odatlar va qirollik qonunlari hisoblangan. Ingliz-sakslar davlati-da huquqning asosiy manbai sifatida odat huquqi va uning to`plamlari - Etelbert sudnomasi, Ine qonunlari, Buyuk Alfred sudnomasi, Etelstan va Knut qonunlari yetakchi rol o`ynardi. Bulardan tashqari Xlotar (673-685 yillar) va Edrik (685-686 yillar), Eduard Katta (899-925 yillar), Edmund (939-946 yillar), Edgar (959-975 yillar), Etelred II (979-1014 yillar) va boshqalarning qonunlari ham ingliz-sakslar davlatida huquqning muhim manbalari bo`lgan edi. 601-604 yillarda Kentda e`lon qilingan va 90 ta moddadan iborat Etelbert sudnomasida 6 3 tinchlik, bosqinchilikka qarshi kurashish, odam o`ldirish, nomusga tegish jinoyatlari uchun javobgarliklar, nikoh-oila huquqi, zarar yetkazishdan kelib chiqadigan majburiyatlar, vorislik huquqi va hokazolar to`g`risida me`yorlar belgilangan. Sudnoma tuzilgan vaqtda ingliz-sakslar davlatida cherkovning roli 6 3 Qarang: Хрестоматия по Всеобщей истории государства и права.Т.1./ Под ред. К.И. Батыра и Е.В. Поликарповой.-М.:Юристь, 1999. 325-328-betlar. Huquq manbalari

dunyoviy hokimiyatga qaraganda ancha kuchli edi. "Agar, - deyiladi sudnomaning 2- moddasida, - ozod kishi qirolning mulkini o`g`irlasa, o`g`irlangan mulk qiymatining 9 baravar miqdorida jarima to`lasin". Cherkov mulki esa xudo mulki deb atalib, uni o`g`irlaganlik uchun mulk qiymatining 12 baravar, yepiskopniki uchun - 11, ruhoniyniki uchun - 9, dyakniki uchun - 6 va klerkniki uchun - 3 baravar miqdorda jarima nazarda tutilgan. Qirol Ine davrida Uesseks g`arbiy sakslarining 688-695 yillardagi odat huquqi yozilib, to`plam holiga keltirilgan va Ine qonunlari 6 4 degan nom ol-gandi. Bu qonunlar qullar va dehqonlarning qarshiligini bostirish hamda mulkdor sinflarning hukmronligini ta`minlashga qaratilgan edi. Ine qonun-larida jinoyat huquqi va fuqarolik huquqiga oid juda ko`p me`yorlar mavjud. Taniqli o`zbek olimi Z.Muqimov haqli ravishda ta`kidlaganidek: "Etelbert hamda Ine pravdalari o`zining tuzilishi, deyarli ko`p holda jinoyatlarga bir xil jazo berilishi, vergeld (odam bahosi) tarzida belgilanadigan jarimalarni belgilash bilan franklarning Sali pravdasiga juda o`xshab ketadi" 6 5 . Lekin shuni ta`kidlash joizki, yuqorida yodga olingan barcha huquqiy yodgorlik-larda ayni bir xildagi huquqbuzarliklar uchun turlicha jazolar va turli miq-dordagi jarimalar nazarda tutilgandi. Bu, albatta, o`sha qonunlarning qabul qilinishi vaqtidagi ijtimoiy-siyosiy shart-sharoitlar bilan bog`liq edi. Buyuk Alfred sudnomasi 6 6 IX asrning 90-yillarida o`zigacha bo`lgan odat huquqlari to`plamlarining tizimlashtirilishi natijasida vujudga kelgan bo`lib, kirish qismi 49 ta moddadan, asosiy qismi 77 ta moddadan iborat. Qirol Alfred o`z sudnomasini yaratar ekan, shularni ko`rsatadiki, u "o`ziga yoqqan" ko`pgina ilgarigi qonunlarni, Ine, Etelbert qonunlarini o`zlashtirgan, lekin "donishmandlar" maslahati bo`yicha ulardan ko`plarini tushirib ham qoldirgan. Sudnomaning 1-moddasida qirol shunday deydi: "Biz hammadan avval o`rgatamizki, har kim o`z qasamini va qonuniy ravishda bergan va`dasini avvalo oqibatini o`ylab ado etishi lozim" 6 7 . Shuning o`ziyoq mazkur sudnoma huquqning yozib qo`yilayotganligiga ishora qilib turibdi. Ingliz-sakslar huquqining ilk to`plamlari boshqa xalqlarning huquqi ta`siridan mutlaqo xalos bo`lgan bo`lsalar, Buyuk Alfred sudnomasidan boshlab ularga daniyaliklar tomonidan olib kelingan skandinav huquqining ta`sirini ko`rish mumkin. Buyuk Alfred sudnomasi ham ilgarigi qonunnoma-larga o`xshab ko`proq jinoiy huquqiy xarakterdagi me`yorlarni belgilagan. 925-939 yillarda qirol Etelstan qonunlari vujudga kelib, ular asosan quyidagi 6 ta turkumdagi qonunlardan iborat edi: 1. Qirolning o`nliklar haqidagi qarorlari. 2. Zodagonlar yig`ilishida qabul qilingan qonunlar. 3. Qirol tinchligini saqlash to`g`risidagi dekret. 4. Tinchlikni saqlash haqida yepiskoplar va Kentning boshqa donishmand kishilarining qarorlari. 5. Angliya donishmandlarining maslahati bilan qabul qilingan dekretlar. 6 4 O`sha joyda, 334-344-betlar. 6 5 Muqimov Z. Chet mamlakatlar davlat va huquqi tarixi. (Qadimgi va o`rta asrlar davlati va huquqi tarixi). – Samarqand, 1992. – 84-85-betlar. 6 6 Хрестоматия по Всеобщей истории государства и права.Т.1./ Под ред. К.И. Батыра и Е.В. Поликарповой.- М.:Юристь, 344-351-betlar. 6 7 O`sha joyda, 345-bet.

6. London shahar sudnomasi. Knut qonunlari 1017 yil atrofida Angliyaning Daniya qiroli Knut tomonidan bosib olinishi natijasida vujudga kelgan. Knut (1016-1035 yil-lar) o`z qonunlariga Angliya qonunlari bilan teng huquq berdi. U qonun-sizlikka qarshi qattiq kurash olib bordi va mamlakatda jinoyatning oldini olishga harakat qildi. Vilgelm Fotix (Istilochi)dan boshlab dastlabki normand qirollarining siyosati "ingliz-sakslarning eski va asl odatlari"ga rioya etishga qaratilgan. Bu vaqtda, shu tariqa, endi ingliz huquqi turg`unligining tarixiy meros bo`lib o`tishligi boshlangan, uning me`yorlariga rioya qilishning asosiy kafillik roli kuchli qirol hokimiyatiga, shakllanib borayotgan umumdavlat qirollik sudlariga o`tgandi. Genrix II davrida (XII asrda) qirollik sayyor sudlarining doimiy ra-vishdagi faoliyati bilan mamlakat "umumiy huquqi" (Common law )ning tashkil topishi bog`liq edi. Ilk feodal monarxiyasi davrida Angliya qirollari juda ko`plab assizalar, konstitutsiyalar chiqargan bo`lsalar ham, lekin yan-gi huquqiy qoidalarni yaratishda eng katta rolni sayyor sudyalar o`ynagan. Sayyor sudyalar normand va ingliz-sakslar odat huquqlaridan butun Ang-liya uchun yagona umumiy huquqni yaratdilar. Umumiy huquq sud pretsedenti huquqi h am deyiladi, chunki u qonunchilikdagi kamchilik natijasida vujudga kelgan sud qarorlari sifatida ham tashkil topdi. Sudlar qonunchilikda yetarli ravishda tartibga solinmagan nizoli kazuslarni yechishlarida ularni o`zlarining xususiy qaror va qoidalaridan kelib chiqib hal etishlari mumkin edi. Bunday holda sudya barcha hollarda harakatdagi huquq normasini qo`llaydi, degan prezumpsiyadan foydalanil-gan. Shunday qilib, ular tomonidan o`rnatilgan tamoyil sud odatiga ayla-nib, barcha sudyalar uchun bajarilishi majburiy bo`lib, faqat yuqori sud organlari tomonidangina bekor qilinishi mumkin edi. Bu hodisa Angliya feodal huquqining o`ziga xos xususiyati hisoblanadi. Qirollik sayyor sudlari avvalo "toj-taxt da`volashuvlari" ni, ya`ni xazinaga daromad bo`lishi nuqtai nazaridan manfaatlarni ifodalovchi ish-larni: monarxning feodal huquqlari, xazina topilmalari, shubhali o`limlar va qirollik tinchligining buzilishi, qirol mansabdor shaxslarining suiiste`-molliklari to`g`risidagi ishlarni ko`rib, hal qilardi. Bundan tashqari, ular tomonidan qirolga kelib tushgan shikoyatlar bo`yicha "umumiy tortishuvlar" yoki "xalq tortishuvlari" ham ko`rib, hal qilingan. Dastlabki qirollik sudlaridan biri ham aynan 1180 yilda tashkil etilgan "umumiy tortishuvli" sud bo`lgan. XIII asr boshida qirolga tushgan shikoyatlar bo`yicha ishlarni hal etish funksiyalari "Qirol kursisi sudi"ga o`tadi. Sayyor sudlar mahalliy odat huquqi me`yorlarini birxillashtira bosh-laganlar va qirollik devonxonasi yordamida "umumiy huquq" yarata bor-ganlar. Qirollik devonxonasi odatda jabrlanuvchi tomonlarning arizalari bo`yicha maxsus buyruqlar (writ) chiqarardi. Bunday arizalarda biror kimsani ranjitgan odamga yoki sherifga talab qo`yilib, uni bajarish va shikoyatchining buzilgan huquqini tiklash haqidagi da`volar o`z aksini topar edi. Bunday arizalar bo`yicha dastlab qirollik devonxonasi maxsus buyruqlar chiqargan bo`lsa, keyinchalik maxsus sud buyruqlari chiqarila boshlanadi. Sud buyruqlarida bevosita biror kimsani xafa qilgan odamga murojaat qilinib, "Vestminstrda bizning oldimizda yoki sudyalarimiz oldi-da" hozir bo`lib,

shikoyatga javob berish, ya`ni boshqa shaxsning huqu-qlari buzilganligini rad etish yoki tan olish haqida talab qo`yilar edi. Vaqt o`tishi bilan buyruqlarda talab, da`vo turi aniq ifoda qilinadigan bo`lgan, buyruqlar ma`lum turdagi huquqbuzarliklar bo`yicha guruhlash-tirila boshlandi. Da`vogarning, shu tariqa, agar uning buzilgan huquqi tegishli buyruqda ifoda etilgan va sudda isbotlanadigan bo`lsa, ishda yutishiga ishonchi komil edi. Bunga avvalo yer haqidagi fuqarolik da`volarini yagona usulda ko`-rishni o`rnatuvchi Genrix II ning assizalari yordam berdi. Ushbu assizalar ichida yerga huquqiy unvon o`rnatish haqidagi da`voning maxsus shaklini nazarda tutuvchi "Buyuk assiza", shuningdek, egalik bilan bog`liq bo`lgan qator assizalar: "O`tmishdoshining o`limi haqida"gi (erkin egalikdagi yerlarning merosxo`rlarga o`tkazilishi haqidagi), "Yangi istilo haqida"gi ("yangi istilolar" yo`li bilan qirolning domen yer egaligining cherkov ruho-niysi o`rniga o`z nomzodini qo`yish huquqi haqidagi) assizalar ancha mashhur edi. Ikkita yirik assizalar - 1166 yilgi Klarendon va 1176 yilgi Nortgempton assizalari sayyor sudyalarga yo`riqnomalar shaklida chiqarilgan edi. «Umumiy huquq» shakllanishining ilk bosqichida qirollik buyruqlari har bir alohida holat bo`yicha chiqarilib turganligi sababli XIII asrning boshiga kelganda ularning soni shunchalik ko`payib ketgan ediki, ularni tartibga solish juda qiyin bo`lib qolgandi. Shu munosabat bilan XII asrda "umumiy huquq" bo`yicha o`ziga xos ma`lumotnomalar - buyruqlar ro`yxatlari (reestrlari) chiqarila boshlanadi. Bunday reestrlarda buyruqlar da`volar namunalari ko`rinishida, qat`iy yuridik shaklda yozib qo`yila-digan bo`ldi. Tomonlar shu vaqtdan boshlab o`z huquqlarini erkin asoslay olmay-digan bo`ldi. Endi ular ushbu da`volar namunalariga tayanishlari lozim edi. Bu esa buyruqlar tizimining rivojlanmay bir joyda qotib qolishiga, da`vo talablarining yangi shakllari ko`payishini qisqarishiga olib kelishi kerak edi. Shunday bo`ldi ham. Agar lord-kansler qirollik devonxonasi-ning boshlig`i sifatida o`z tashabbusi bilan qandaydir buyruq chiqarsa, sudyalar ko`pincha uni qo`llashdan voz kechardi. Yangi buyruqlar chiqarishning cheklanishi yirik feodallar (baronlar)ning qirol bilan kurashi keskinlashgan davrda, 1258 yilgi Oksford proviziyalarida o`z aksini topdi. Qirolga kelib tushadigan va sud himoyasida bo`lmagan shikoyatlar oqimi shunchalik ko`payib ketgan ediki, bu ingliz qirolini 1285 yilda Vest-minstrlik statuti bilan lord-kanslerga "buyruqlar reestri"ni saqlovchi sifati-da ilgarigi buyruqlarga o`xshash yangi buyruqlar chiqarish yo`li bilan "umumiy huquq"ning harakat doirasini kengaytirish uchun farmoyish berishga majbur etdi. "Buyruqlar reestri" shundan keyin "mazkur holatga muvofiq ravishda"gi universal da`vo bilan to`ldirildi. Biroq, ushbu vaqtin-chalik choralar yordami bilan hamma hayotiy vaziyatlarni nazarda tutish mumkin emas edi. "Umumiy huquq" rivojlanmay qolishda davom etdi. XV asrdan kansler endi buyruq formulasini tuzmay qo`ydi. U da`vogar tomoni-dan mustaqil yozilib, faqat qirolga muhr qo`ydirish uchun taqdim qilinar edi. "Umumiy huquq" me`yorlari shakllanishining boshqa yo`li qirollik sudlari amaliyotining o`zi bo`lgan. Sud ishlari bo`yicha yozuvlar dastlab qisqa, keyinchalik tomonlarning batafsil arizalari va sud qarorlari asoslari shaklida sayyor sudlar institutining kelib chiqishi paytidan boshlab yuritil-di. XIII asr boshidan sud

protokollari "Da`volashuvlar nomalari"da e`lon qilina boshlaydi. Ulardagi materiallar, da`voni qondirish asoslari u yoki bu odatlarning mumkinligini tasdiqlaydi. Biroq, yozuvlarning tartibsiz va chalkashligi sudyalarning o`zlariga kerakli ma`lumotlarni izlab topish imkoniyatlarini juda qiyinlashtiradi. XIII asrning o`rtasidan sudyalar ancha muhim sud ishlari yuzasidan bunday ma`lumotlarni rasmiy hisobotlar - "Yillik to`plamlar"dan "kovlab" ola boshlaydilar. 1535 yilda ularning o`r- niga xususiy tuzuvchilarning tizimlashtirilgan sud hisobotlari kelgan. Sud ishlari materiallarining e`lon qilinishi bilan birga sud pretsedenti nazariyasi ham shakllandi. Qirollik sudlarining huquqiy masala bo`yicha ilgarigi qarorlarida mustahkamlangan rahbariy tamoyil kelajakda shunga o`xshash masalalarni ko`rishda asta-sekin namuna kuchiga ega bo`la boshladi. XIV asrda Angliyada bozor, xususiy mulkchilik munosabatlari gurkirab rivojlandi, lekin ular "umumiy huquq" me`yorlarida o`zining aynan bir xil ifodasini topmadi. Bunga qat`iy rasmiyatchiliklar xalaqit qilardi. Normandlar istilosi Angliyani qit`aning ma`naviy hayotiga yaqinlash-tirdi. Shundan so`ng Bolonyada Irneriy Yustinian Digestalari bo`yicha ma`ruzalar o`qiy boshladi, so`ngra esa Gratsion o`zining kanonik huquq-ning asosi bo`lib qolgan "dekretlar" ini yaratdi. Oksfordda Rim va kanonik huquqi kurslari o`qitila boshlandi, monastirlar qoshida kanonik huquq maktablari tashkil etildi. Dastlabki ingliz sudyalari, o`sha kliriklar va chinovniklarga rim huquqiy madaniyatining cho`qqilarini egallashi uchun yo`l ochiq edi. Biroq, XIII asrning oxiridan Eduard I davrida ular professionallardan tayinlanadigan bo`ldi. Xuddi o`sha vaqtda sudyalarning tegishlicha qo`rg`onlari bilan (Inn`s of Court) yopiq korporatsiyalari tashkil topdi. Bu yerda bo`lajak sudyalar va huquq himoyachilari (baristerlar va solistorlar) tayyorlandi. Ular inglizlar tinchligini qo`riqlashni o`z qo`llarida monopo-liyaga aylantirib, avvalo o`zlarining professional manfaatlarini himoya qilib, "umumiy huquq"ni ashaddiy madh etib, uning Rim huquqi oldida tengi yo`q imtiyozini isbotlashga harakat qilib maydonga chiqdilar. Bunda shuni tasdiqlaydilarki, ular huquq yaratishmaydi, balki faqat uning abadiy yashaydigan normalarini ochishadi. Shunga qaramay, "umumiy huquq" ning o`ziga xos mustaqil tizimi XIV asrda Angliyada allaqachon mustah-kam mavqeni egallagan edi. "Umumiy huquq"ning rasmiyatchiligi, qimmatliligi, juda sekinligi, qat`iy bir shakldan boshqa shaklga o`tishga qodir emasligi natijasida o`zgarib borayotgan tarixiy sharoitlar munosabati bilan Angliyada XIV asrda " adolat sudi" paydo bo`la boshladi va shu bilan birga yana bir huquqiy tizim - «adolat huquqi» (eguity) shakllanib boradi. "Adolat sudi"ning vujudga kelishi lord-kansler - "qirollik diyonatini tarqatuvchi" faoliyati bilan bog`liq edi. Lord-kansler dastlab qirol nomi-dan, 1474 yildan esa o`z nomidan "yomon sudlovlilik" ustidan shikoyat qilgan da`vogarlarni himoya qila boshlaydi. Bunday holda da`vogarlar ko`pincha o`z shikoyatlarida ularni xafa qilganlar ta`qib qilinmaganligini, o`zlarini "umumiy huquq" sudlarida himoya qilinmaganliklarini ko`rsatar edilar. Jabrlanuvchilarning qirolga "xudo haqi va shafqat" bilan o`z huquq-larining himoya qilinishini so`rab iltimos bilan qilgan murojaatlari asosida lord-kansler ozor yetkazgan kishini jarima bilan qo`rqitib, kansler sudiga chaqirish haqida buyruqlar

chiqara boshlaydi. Bunday sudda shikoyatlar hech qanday rasmiy tartiblarsiz hal qilinardi, qaror chiqarilardi, bu qarorlar- ni bajarmaganlar sudga hurmatsizlik qildi deb hisoblanib, maxsus buyruq asosida turmaga qamalardi. XIV asrning boshida Eduard I davrida lord-kansler huzuridagi apparat "umumiy huquq" me`yorlariga bog`liq bo`lma-gan hamda "adolat" me`yorlarini rahbar qilib olgan sud organiga aylanardi. "Adolat huquqi" ko`p masalalarni hal qilishni sudyalarning ixtiyorida qoldirib, qat`iy determenizm 1 6 8 xususiyatiga ega bo`lmadi. Bu haqiqatning "vositalarini" tegishlicha cheklashga, qator tamoyillarini yaratishga olib kelishi lozim edi. Bunday tamoyillar "adolat sudlari" qarorlarining to`pla-nish darajasiga qarab tashkil etila bordi. Ko`rilgan ishlar bo`yicha sud hisobotlari keyinroq, 1557 yildan, haqiqat sudlaridagi ishlarning soni birdaniga oshgandan keyin e`lon qilina boshlaydi. "Adolat huquqi" asosiy tamoyillarining bir qismi "umumiy huquq" dan o`zlashtirib olingan edi. Bu tamoyillar hozirgi kunda ham o`z ahamiyatini saqlab qolgan. Ulardan asosiysi shundan iboratki, "adolat huquqi" - "qirolning marhamati", jabrlanuvchining azaldan qolgan huquqi emas. "Adolat huquqi"ga huquqlar buzilishining barcha hollarida da`vo qilish mumkin emas, negaki u diskretsion xarakterga ega, ya`ni sudning ixtiyoriga bog`liq. "Adolat huquqi"ning boshqa tamoyillari orasidan quyidagilarni ajra-tib ko`rsatish mumkin: a) "adolat huquqi" "umumiy huquqqa" asoslangan shaxslarning huquqlariga, agar ular qandaydir g`ayriqonuniy harakatlar sodir etmasalar, zid berilishi mumkin emas; b) qayerda adolat huquqi" bilan "umumiy huquq" me`yorlari o`rtasida qarama-qarshilik kelib chiqsa, "umumiy huquq" me`yorlari harakatda bo`ladi; v) qayerda "adolat huqu-qi" va "umumiy huquq" bo`yicha huquqlarda qarama-qarshiliklar kelib chiqsa, ulardan qaysi biri vaqt nuqtai nazaridan oldin vujudga kelgan bo`l-sa, o`sha huquqlar himoya qilinishi kerak; g) tenglik - bu adolat, adolatni kim izlasa, uning o`zi haqqoniyat yuzasidan ish tutishi lozim; d) "adolat huquqi " qonun ustunligini tan oladi, lekin yomon niyatlarga erishish maqsadlarida qonunga havola qilishga yo`l qo`ymaydi va hokazo. «Adolat huquqi» «umumiy huquq"ni almashtirish uchun emas, balki eski rasmiy qoidalardan voz kechish yo`li bilan uning samardorligini oshi-rish, "umumiy huquq" me`yorlari bilan tartibga solinmagan ijtimoiy muno-sabatlar doirasida buzilgan huquq va manfaatlarni himoya qilish vositala-rini yaratish uchun tashkil etiladi. Agar dastlabki "adolat huquqi" "umumiy huquq"ni to`ldirgan bo`lsa, biroq vaqt o`tgani sari tarixiy sharoitlar o`zgarishi munosabati bilan unga to`g`ridan-to`g`ri zid kela boshlaydi. "Adolat sudlari" bilan "umumiy huquq" sudlari o`rtasidagi to`qna-shuv 1616 yilda boshlandi. Shu yili Vestminstrdagi "Umumiy tortishuvli sud"ning bosh sudyasi E. Kok " adolat sudi" "umumiy huquq" sudining tegishlicha qaroridan keyin yoki uning o`rniga qaror chiqarishi mumkinmi, degan savolni o`rtaga tashlaydi. Hammadan avval "umumiy huquq" sudlarining ba`zi qarorlarining bajarilishini taqiqlovchi kansler sudining buyruqlari keskin nizoli vaziyatni keltirib chiqardi. 6 8 Determenizm – tabiat va jamiyatdagi barcha hodisalarning umumiy obyektiv qonuniyatlari borligini va ular bir- biriga bog`liq bo`lib, bir-birini taqozo qilishini, biri ikkinchisining sababi ekanligini e'tirof etuvchi nazariya.

Yakov I bu nizoni "adolat sudi"ning foydasiga hal qilgan. Chunki uning sudyalari absolut va cheklanmagan monarx hokimiyatini yoqlab chiqqan edi. Qirol tomonidan farmon chiqarilib, unga ko`ra, "umumiy huquq" va "adolat huquqi" me`yorlari bir-biriga zid kelib qolsa, keyingilari imtiyozli ahamiyatga ega edi. Pretsedent huquqi rivojlanishining maxsus xarakteri ingliz hu- quqshunoslarining asarlariga ham murojaat qilishni talab qilardi. Ingliz hu- quqshunoslarining asarlari juda barvaqt ingliz huquqining ikki murakkab (chalkash- chulkash) tizimida yo`riqnomalar rolini bajara boshlaydi. Angliyada birinchi huquqiy traktat 6 9 XII asrdayoq paydo bo`lgan. U Genrix II davrida uning yustitsiari Glenvill Ranulf tomonidan yozilgan. Bu "Angliya qonunlari va odatlari haqida"gi traktat qirollik sudlari buyruqlariga sharhlar bergan, o`zida umumiy, kanonik va rim huquqi me`yorlarini saqlagan. Garchand, traktatda rim huquqi me`yorlariga mos tushadigan me`yorlarni topib bo`lmasa ham, ammo rim huquqi ruhiga yaqin ko`pgina qoidalar mavjud. XIII asrda "Qirol kursisi sudi"ning sudyasi Genri Brakton "umumiy huquq" me`yorlarini yanada batafsilroq bayon qildi. Braktonning 6 tomdan iborat "Angliya qonunlari va odatlari haqida"gi traktati, shuningdek, qirol sudlarining 2000 dan ortiq namunaviy sud protokollaridan iborat "Genri Braktonning yon daftarchasi" "umumiy huquq" me`yorlarini tizimga so-lishga va sharhlarga qaratilgan muhim huquqiy manbadir. Bunda Brakton-ning Yustinian Digestalarining 500 dan kam bo`lmagan parchalaridan ular-ga havola qilmay foydalanganligi diqqatga loyiq. "Hamma joyda va ham-ma mamlakatlarda yozma qonunlar qo`llanilgani holda, - deb yozadi G.Brakton, - faqat Angliyadagina yozilmagan qonunlar va odatlar amalda-dir". G.Braktonning odat huquqiga bergan ta`rifi ayniqsa diqqatga sazo-vordir. Unda: "Odat bu ayrim joylarda, uzoq joylarda, uzoq muddat foyda-lanib kelinganligi natijasida qaror topgan va qonun sifatida ijro etiladigan narsadir" 7 0 , deyiladi. XV asrdan olimlarning muhim va murakkab huquqiy masalalar bo`yicha traktatlari paydo bo`la boshladi. Bulardan Littltonning "Yer egaliklari haqida"gi asari, shuningdek, Forteskoning "Ingliz qonunlarining maqtovlari" traktati alohida o`rin tutadi. Ingliz huquqshunoslarining diqqat-e`tiboriga tez-tez statut huquqi me`yorlari ham tusha boshlaydi. XVII asrning boshida mashhur huquqshunos E.Kok tomonidan to`rt-ta kitobdan iborat "Angliya qonunlari institutsiyalari" tuzilgan. Birinchi ki-tob Littlton traktatiga sharhlarni o`z ichiga olgan. Ikkinchi kitob ancha mu-him ahamiyatga ega bo`lgan statutlarni bayon qilgan. Uchinchi kitob jino-yat huquqi me`yorlariga, to`rtinchisi - sud tuzilishi va sud ishlarini yuri-tishga bag`ishlangan. Ingliz sudlari amaliyotida asta-sekin ancha taniqli huquqshunoslar asarlariga havola qilish odati o`rnatilgan va shu tariqa ularning asarlari ingliz huquqining o`ziga xos manbai xarakteriga ega edi. Angliyada pretsedent huquqining rivojlanishida barcha davrlarda qirol qonunlari, statut huquqi muhim ahamiyatga ega edi. Normand istilosidan keyingi vaqtlarda qirollarning qonun ijodkorligi Vilgelm Fotixdan boshlanadi. Uning birinchi qonunlari qirol hokimiyati-ning xristian cherkovi 6 9 Traktat – ayrim masalaga bag`ishlangan ilmiy asar, boshqacha ma'nosi – xalqaro bitim, shartoma. 7 0 Хрестоматия памятников феодального государства и права.-М.:Госюриздат, 1961. 144-bet.

bilan munosabatlariga taalluqli bo`lgan. 1067 yilda Vilgelm qonun (dekret) chiqarib, unda Normandiya va Angliyada cherkov rim papasini tan olishi lozimligi yoki lozim emasligi masalasini faqat qirol hal qilishga haqli ekanligi, qirolning o`zi u tomonidan tashkil etilgan cher-kov sinodi orqali cherkov qonunlarini chiqarish, shuningdek, cherkov ba-ronlari va xizmatchilariga berilgan cherkov jazolarini bekor qilish huquqi-ga ega ekanligi e`lon qilingan. 1072 yilda esa Vilgelm papa tomonidan uning ingliz taxtiga nisbatan huquqlari tan olinishiga minnatdorchilik ram-zi sifatida cherkov sudlarining dunyoviy sudlardan ajratilganligi haqida qonun qabul qilgan. Bularning ketidan odamlarni mamlakat tashqarisiga sotishni ta`qiqlash haqida, normandni "xufiyona o`ldirilganlik" uchun "uning ingliz ekanligini isbotlovchi ishonarli dalillar taqdim qilinmagun-cha" yuzlikka jarima solinishi haqida qonunlar e`lon qilindi. 1114 yilda qirollik qonunlarining qadimgi to`plamlaridan biri paydo bo`ldi. Qirollarning qonunlari assizalar, xartiyalar, ammo ko`proq ordonanslar, statutlar deb atalgan. Genrix I ning (XII asr), Eduard I ning (XIII asr) qonunlari ma`lum darajada "umumiy huquq"ning shakli va mazmunini belgilagan, uning asosiy qoidalari va tamoyillarini ishlab chiqqan. Parlamentning vujudga kelishiga qadar, aniqrog`i, Eduard I podsholigigacha qirollik ordonanslari va statutlari o`rtasida farqlar yo`q edi. 1235 yilgi Merton statuti parlament tashkil etilgunga qadar paydo bo`lgan. Eduard I ning 1275, 1285, 1290 yillardagi Vestminstrlik statutlari "umumiy huquq"dagi kemtiklarni bartaraf etishga, sudlar ustidan qirol hokimiyatining nazoratini kuchaytirishga, feodallarning immunitet huquqlarini va cherkov yer egaligini cheklash va boshqalarga qaratilgan bo`lib, parlament ishtirokida qabul qilingan edi 7 1 . Asta-sekin statutning nomi parlament tomonidan qabul qilingan va qirol tomonidan imzolanadigan hujjatga nisbatan ishlatiladigan bo`lgan. Statutlar - parlament hujjatlari Angliyaning o`rta asrlardagi boshqa huquq manbalaridan ularning qonunchiligi sharhlanishi mumkinligi, ammo sud tartibida muhokama qilinishi mumkin emasligiga qarab ajralib turardi. Hozirgi kundagi parlament hujjatiga ancha yaqinroq bo`lgan statut tushunchasi faqat 1327 yilda, jamoalar "umumiy petitsiyalar"ni ma`lum qilinishini va "qiroldan javob olishni va uning yozma maslahatlarini qirollikning katta muhri bilan berilishi"ni so`rab qirolga iltimos bilan murojaat qilgan vaqtda paydo bo`lgan. Shu vaqtdan boshlab ba`zi qonun hujjatlari "Kengash roziligi bilan", boshqalari "parlament roziligi bilan" qirol tomonidan qabul qilinardi. Parlament qirolning "Kengashda farmon-lar" chiqarish huquqini tasdiqlab, bundan buyon faqat statut ilgari qabul qilingan statutning mazmunini o`zgartirishi mumkinligini o`rnatdi. Absolutizm davrida qirol farmonlarining eng muhim davlat masa-lalariga kirib kela boshlashi, parlamentning tez-tez qirolga farmonlar chiqarish vakolatini berib turishi munosabati bilan parlament statutlarining mazmuni ancha o`zgardi. Bunday tajriba 1539 yilgi statut bilan mustah-kamlangan. Unda parlament yig`ilmagan 7 1 Statutlar deb dastlab ular qabul qilingan joylarning nomi bilan atalgan (1235 yilgi Merton statuti, 1276 yilgi Gloster statuti va hokazo), lekin parlamentning Vestministrda doimiy majlislar o`tkazib turishi munosabati bilan ular qonun matnining dastlabki ikkita so`zi bo`yicha atala boshlagan.

vaqtda, "agar sharoit taqazosi bilan tezkor harakat qilish zaruriyati kelib chiqsa, qirolga proklamatsiyalar, farmonlar chiqarishda keng huquqlar taqdim etilgan edi. Angliyaning o`rta asrlardagi huquq manbalari ichida savdo va kano-nik huquqi me`yorlari alohida o`rin tutadi. "Umumiy huquq"ning bozor munosabatlari rivojlanishiga yordam bermaydigan konservativ rasmiyat-chiligi ingliz huquqi tomonidan savdo va kanonik huquqning qator me`yorlari to`g`ridan-to`g`ri o`zlashtirib olinishiga sabab bo`lgan. Ko`p sonli savdo rasm-rusumlarining paydo bo`lishi ingliz savdo sudlarining faoliyati bilan ham bog`liq edi. Ularning huquqiy kuchi ko`pincha qirollik statutlari bilan mustahkamlangan. Gap shundaki, Angliyaning XIII asr oxirida muhim xalqaro savdo markazlari bo`lib qolgan port shaharlarida jun, movut, metallar savdosi bo`yicha ulgurji yarmarkalar bilan bir qatorda, maxsus sudlarning (court of the staple) butun bir tarmog`i ham rivojlangan. XIV asrda ulgurji savdo bo`yicha sudlar endilikda 614 ingliz shaharlarida harakat qilmoqda edi. Ingliz qirollari xazinaga katta daromadlar keltiruvchi xalqaro savdoning himoyachisi sifatida maydonga chiqib, savdogarlarning faoliyatini (1215 yilgi Erkinliklarning buyuk xartiyasi 41-moddasi) ham, savdo sudlarining faoliyatini ham rag`batlantirgan. Masalan, 1353 yilda ulgurji savdo va shaharlarning savdo sudlari haqida maxsus statut qabul qilingan. Bunga ko`ra, shahardagi savdo sudlari mahalliy va dengiz savdo-garlari tomonidan ingliz shaharlari merlari raisligida tashkil etilishi lozim edi. Bunday sudlarning qarorlari ustidan qirol sudiga yoki kansler sudiga apellyatsion shikoyat qilish mumkin edi. Statut savdo sudlarini "umumiy huquq" me`yorlariga emas, to`g`ri-dan-to`g`ri savdo huquqi me`yorlariga murojaat qildirgan 7 2 . 1471 yilda ingliz parlamenti shuningdek yarmarkalar bilan bog`liq bo`lgan barcha shaxslarning "chang bosgan oyoqlar" 7 3 sudini talab qilish huquqiga egaligi to`g`risida qaror qabul qilgan. O`rta asrlar Angliyasida cherkov sudlari faoliyati va shunga mos ravishda kanonik huquq me`yorlarining ahamiyati dunyoviy va cherkov hokimiyatlarining o`z yurisdiksiyalarini kengaytirish uchun tinimsiz olib borgan kurashlariga qarab ba`zan o`sib, ba`zan pasayib turgan. «Cherkov tinchligining biron bir tarzda buzilishida ayblangan har kimsa,- deb e`lon qiladi Vilgelm Fotix qonuni, - yepiskop tayinlagan joyga yetib kelishi va o`sha erda yuzlik talabi bo`yicha emas, balki kanonlarning va cherkov huquqining talablari asosida keltirilgan zararni to`lashi lozim». Cherkov yurisdiksiyasi faqat cherkov mulkchiligi, nikoh-oila muno-sabatlari, vasiyatlar bilan bog`liq ishlargagina emas, bid`at, xudoni, dinni tahqirlash va boshqa jinoyatlarga ham tarqatilgan. U sof dunyoviy ishlarga ham kirib kela boshlagan. Masalan, shartnomalar bo`yicha, "va`dani buzish" haqidagi da`volar bo`yicha nizolar "ishonchni oqlamagan" gunoh sifatida cherkov yurisdiksiyasiga taalluqli edi. Genrix II cherkov sudlari yurisdiksiyasining kengayishiga qarshi qattiq kurash olib borgan. Uning hukmronligi boshlarida qirollik sudlarining da`volari shakllari ro`yxatida endi 7 2 Savdo sudlarida savdo huquqining o`tkaziladigan veksel, sug`urta polisi (sug`urta qildirlganlik uchun hujjat), yuklarni garovga qo`yib ssudalar olish va boshqa muhim institutlari vujudga kelgan. 7 3 “Chang bosgan oyoqlar” sudi deb Brakton tomonidan umumiy yurisdiksiyaga ega bo`lgan yarmaka sudlariga aytilgan. Bu sudlarda ishlarni ko`rish tartibi juda sodda tashkil etilgan bo`lib, bu ishlarni tezda ko`rib hal qilinishini ta'minlagan.

"cherkov sudlari tomonidan mulk va qarzlar haqidagi tortishuvlarning hal qilinishini taqiqlash to`g`risida"gi da`volar uchraydi. Eduard I ning 1283 yilgi statutida cherkov sudlari tomonidan "va`dani buzish haqida"gi ishlarni ko`rish taqiqlangan, bunday ishlar "axloq tuzatish" talab qilmay-digan, juda muhim "diniy ishlar"ga taalluqli emas, deb hisoblangan. Yuqoridagilarga qaramay, XVI asrga qadar, aniqrog`i, Genrix VIII davrida ingliz cherkovining o`rnatilishiga qadar, hech kim e`tiqod va ibodatning sobitqadamligi, axloqning sofligi, nikohning qonuniyligi, bolalarning qonuniy tug`ilganligi va vasiyatlarining tuzilishi masalalarida papa yurisdiksiyasining qonuniyligini inkor qilmagan. XVI asrda parla-ment hujjati bilan kanonik huquq Angliyada o`z kuchini saqlab qolganligi o`rnatilgan edi. Faqat Genrix VIII tomonidan "Letters of business" nomi bilan harakatga kiritilgan Kenterberiya va York soborlarining kanonik huquqni qaytadan ko`rib chiqishga taalluqli qarorlari yagona qonun bo`lgan edi. Unga ko`ra, kanonik huquq me`yorlari, agar ular qirollik qonunlari va taxt imtiyozlariga mos kelsa hamda "ularga zid bo`lmasa va ularni buzmasa", harakat qilishi mumkin bo`lgan. Shu bilan birga kanonik huquq me`yorlarini, masalan, qonun va vasiyat bo`yicha meros haqidagi me`yorlarni sharhlash "umumiy huquq" sudlariga tegishli edi. Feodal mulk huquqi , ayniqsa yerga egalik huquqi ko`p jihatdan mamlakatning butun huquqiy tizimi xarakterini belgilagan. Uning murakkabligi qator tarixiy sharoitlar bilan, jumladan, o`rta asrlarda ma`lum miqdordagi erkin dehqonlar qatlamining saqlanib qolganligi bilan bog`liq edi. Erkin dehqonlar o`z chek yerlariga ega bo`lgan, lekin mamlakatda barcha yerlarning egasi qirol hisoblangan. Qirol davlat yerlarini turli yo`llar bilan taqsimlab turardi. Ingliz huquqida ko`chuvchi (harakatdagi) va ko`chmas (harakatsiz) mulklar bir-biridan farqlangan, lekin ashyolarni an`anaviy tarzda real mulklar (real property) va personal mulklar (personal property)ga bo`lish mavjud edi. Ashyolarning bunday tarixan shakllangan bo`linishi real va personal mulklarni himoya qilishga qaratilgan da`volarning turli shakllari bilan bog`liq edi. Feodal yer huquqi hammadan avval real da`volar (real action), ya`ni muvaffaqiyat qozonganda yo`qolgan ashyo egasiga qaytariladigan da`volar bilan himoya qilinadigan alohida qo`riqlashga loyiq yer huquqining maxsus turini tan oladi. Bu da`volar mutlaqiy xarakter kasb etgan va har qanday kishiga taqdim etilishi mumkin edi. Real da`volar bilan urug`ning ko`chmas mulklari va qiroldan yoki boshqa lorddan olingan feodal egaliklar va erkin yer egaligi xarakteridagi yerlarga nisbatan huquqlar himoya qilingan. Ularga feodal titulga bo`lgan huquqlar ham kirgan, boshqa barcha ashyolar personal da`volar bilan himoya qilingan. Personal da`volar yo`li bilan yetkazilgan zararni undirish talab qilinishi mumkin edi. Ingliz-saks qabilalarining Britaniyada egallab olgan yerlari azaldan ikkita asosiy turga: folcland va bocland ga ajrala boshlagan. Folklend - bu "xalq yeri", unga egalik qilish jamoaga mansublikka asoslangan va dav-latga nisbatan ma`lum majburiyatlar o`tashga olib kelgan. Bunday yerlarni tasarruf qilish erkinligi Mulk huquqi

cheklangan. Folklendni boshqa shaxsga o`tkazish uchun oilaning barcha a`zolari roziligi talab qilingan. Yerga egalikning boshqa ko`rinishi - boklend esa qirolning in`omiga asoslangan. Bunday yerlarga egalik huquqi qirollik yorliqlari (bos) bilan tasdiqlangan. Folklend yerning egasi davlatga turli majburiyatlarni o`tab turgan. Bu yerlarning boklend darajasiga o`tkazilishi bilan uning egasi bunday majburiyatlardan ozod qilingan. Feodalizmning rivojlanishi boklendning rivojlanishi bilan mustahkam chatishib ketgandi. Boklend egasi uni hadya qilishi, sotishi, vasiyat qilib qoldirishi mumkin edi. Boklendning vujudga kelishi va rivojlanishi ingliz-sakslarda yirik yer egaligining shakllanishiga sabab bo`ldi. Normandlardan keyingi ingliz huquqida cheklanmagan, shartsiz yer egaligi tushunchasi mavjud emas edi. Yer huquqlari ikkita asosiy tushun-chalar: tenancy - egalik, ushlab turish va estaty - egalik huquqlari, huquqiy manfaatlar (ularning davomiyligi, begonalashtirish imkoniyati va boshqalar) hajmi bilan belgilangan. Egalik (tenancy) o`z navbatida erkin va noerkin bo`lgan. Erkin egalik (freehold) - bu ritsarlik xizmatini o`tash shartlari asosida yoki shaxsiy xizmat huquqi bo`yicha olingan egalik, shuningdek, erkin dehqonlarning yer egaligi hisoblangan. Bunday yerga egalik qilgan dehqon lordga belgilab qo`yilgan pul summasini to`lardi va uning yurisdiksiyasi ostiga tushardi. Dehqonning lord foydasiga shaxsiy va iqtisodiy majburiyatlari bilan bog`liq bo`lgan noerkin yer egaligi vaqt o`tishi bilan feodal ijaraning merosiy huquqiga aylandi va copyhold degan nom oldi, chunki ijaraning bunday sharti manorlik sudlarining bayonnomalari nusxalari bilan belgilab qo`yilgan edi. Noerkin yer egaligi dastlabki vaqtlarda qirollik sudlarida himoya qilinmasdi. XV asrda u bilan bog`liq da`volar kansler sudida, XVI asrda esa bu sudning ta`siri ostida "umumiy huquq" sudlarida ham ko`rila boshlandi. Hozirgi ingliz va amerika yer huquqida mavjud bo`lgan estate tushunchasi nafaqat ko`chmas mulkka nisbatan egalik huquqlarining hajmi haqida, balki mulkni o`tkazish uchun texnik vositalar yig`ish haqida ham tasavvur beradi. U egalik qilish, foydalanish, tasarruf etish va mulk ustidan nazorat qilish munosabatlariga kirishgan turli shaxslarning yoki hali tug`ilmaganlarning huquqlarini qamrab oladi. Bu tushuncha tarixan shakllanib borgan. Ingliz o`rta asr huquqining butun rivoji feodallarning xizmat majburiyatlari munosabati bilan ko`p sonli cheklashlar yuklatilgan yerlarni erkin tasarruf etish huquqi uchun kurashlari bilan bog`liq edi. 1290 yilgi "Quia Emptores" 7 4 statuti bo`yicha lordlarning yerlarni sotish huquqi tan olingandi. Bunda lordning barcha xizmat majburiyatlari ham yerning yangi egasiga o`tkazilardi. Mazkur statut, shuningdek, 1279 yilda chiqarilgan va yerlarni cherkovning "o`lik qo`llariga" sotish va boshqacha tarzda o`tkazilishini taqiqlagan statutning mazmunini ham tasdiqlaydi. Yerning bunday tarzda o`tkazilishi uni feodal oborotdan to`liq chiqarilishiga olib kelgan, chunki ilgarigi lord ham, qirol ham, lordning merosxo`ri bo`lmagan holda, uni qaytarilishiga umid qila olmagan. Feodallarning yerga egalik huquqlarining yanada kengayishi Angliya feodal huquqida yerga erkin egalikning o`ta istiqbolli shakli - estate in free simple ning 7 4 “Quia Emptores” – 1290 yilgi statutning dastlabki ikki so`zi, ya'ni: “Chunki sotuvchi…”

o`rnatilishiga olib kelgan. Bu o`z ko`lami bo`yicha mulkka yaqin bo`lgan ancha to`liq egalik huquqini anglatadi. Uning xususiy mulkdan farqi faqat shunda ediki, yerlar agar merosxo`rlar bo`lmasa, egasiz bo`lib qolmagan, balki oldingi lordga yoki uning qarindoshiga (hatto juda uzoq qarindoshiga bo`lsa ham) o`tgan 7 5 . Ko`chmas mulklarning yoki "qo`riqlanadigan yerlar"ning huquqiy holati boshqacha edi. Bunday yerlar meros tariqasida faqat tug`ishgan qarin-doshlarga, qoida bo`yicha, katta o`g`ilga o`tkazilishi mumkin edi. Yerga nisbatan qo`riqlanadigan huquqlarni yaratish imkoniyati meros huquqida cheklashlar belgilovchi 1285 yilgi statut natijasida vujudga kelgan. Bu statutda "umumiy huquq" bilan himoya qilinadigan oila mulki barcha holatlarda ko`chmas mulk bo`lib qolishi nazarda tutilgan edi. Bu mulkdan kreditor foydasiga qarz undirilishiga ham yo`l qo`yilmagan. Statutni yara-tuvchilar bu bilan mulk egasining o`z imeniyasini butun hayoti davomida merosxo`rlar zarariga sota olmasligiga va og`ir yuk qilib qo`yilmasligiga harakat qilganlar. Biroq tez orada bu barcha taqiqlar chetlab o`tila bosh-lanadi. Ko`chmas mulkning egasi imeniyaga "oddiy mulk" sifatida muro-jaat qilish imkoniyatini qo`lga kiritish uchun juda qimmatga tushadigan soxta jarayondan o`tishi lozim edi. Egalik huquqining ikkita boshqa shakllari: umrbod egalik qilish (estate for life) va ma`lum muddat egalik qilish (for years) dan iborat edi. Ko`chmas mulkka for life huquqi faqat mulkka egalik qilib turgan shaxs-ning hayotligi chog`idagi muddatga emas, balki uchinchi shaxsning, masalan, xotinining hayotligi chog`idagi muddatga ham o`rnatilishi mum-kin edi. Yerga nisbatan bunday huquqlar "umumiy huquqqa" ma`lum eng qadimiy huquqlardan hisoblanadi. Yerning for life egasi for simple egasiga qaraganda kam huquqlarga ega bo`lgan, lekin uning huquqlari for years egasi yoki yerni ijaraga olganlarning huquqlariga nisbatan kengroq edi. U faqat yerning ustiga emas, balki in free simple egasi (mulkdor) sifatida uning ostidagi narsalarga nisbatan ham huquqlarga ega bo`lgan. Biroq ko`chmas mulk ijarachisiga o`xshab, u yerga keltirilgan zarar uchun javob berardi. Yerlarni ijaraga olish muddati qanchalik uzoq bo`lmasin, o`rta asr yuristlari asrlar davomida uning real mulk (real property) ekanligi, ya`ni real da`vo yordamida huquqi tiklanishini tan olmasdilar. "Adolat huquqi" juda kam hollarda noqonuniy ushlab turilgan ijaraga olingan yerlarning qaytarilishini talab qilardi. Bunda yerlarga ijara egaligi, garchand, to`g`ri ma`noda real da`vo ob`yekti bo`lmasa ham, ammo "sud orqali tortib olish haqida"gi (action of ejecment) maxsus da`vo bilan tiklanishi mumkin edi. Ijara huquqlarining nonormal xarakteri harakatdagi, real mulklar - chattels real tushunchasini shunga mos nonormal ifoda etardi. O`rta asrlar ingliz huquqi rim huquqiga (yoki hozirgi huquqqa) ma`lum bo`lgan ko`rinishdagi yerni garovga qo`yish institutini bilmaydi. Shunga qaramay, Angliyada qarzni undirish vositalari juda erta paydo bo`lgan. XII asrdayoq qarzdor qarzini to`lash evaziga o`z yerini kre-ditorga ishonchga asoslangan bitim asosida o`tkazishi mumkin edi. Bunda kreditor yer egasi bo`lib qolgan, lekin u ishonchni buzmasdan, qarzdor o`z majburiyatlarini bajargandan so`ng uning yerini qaytarishi lozim edi. 7 5 Bu qoida Angliyada 1925 yilgi Mulkchilik haqidagi qonun qabul qilingunga qadar saqlanib qolgan.

Agar qarzdor majburiyatlarini ko`rsatilgan muddatda bajarmasa, kreditorning garovga qo`yilgan yerga nisbatan egalik huquqi shak-shub-hasiz bo`lib qolgandi. Bunda kreditorning, hatto qarzni qoplashda garovga qo`yilgan yerdan olgan daromadlari, garchand, bunday "o`lik garov" cherkov tomonidan "gunoh" sifatida tanbeh qilinsa ham, hisobga olin-masligi mumkin edi. XIII-XIV asrlarda garovga qo`yuvchilarning huquqlari "umumiy huquq" sudlarida himoya qilinardi. Bu sudlar, agar qarzdor majbu-riyatlarini o`z muddatida bajarmasa, yerlari qaytarib berilishini talab qila boshlaganlar. XVI asrda kansler sudi yanada olg`a borib, yerni garovga qo`yib qarz olgan va uni ko`rsatilgan muddatda qaytarib bera olmagan qarzdorlar uchun imtiyozli muddat joriy etgandi. Bunga ko`ra, qarzdor garovga qo`yilgan ashyoning kreditorga to`la mulk qilib o`tkazilishi to`g`risidagi sudning qarori chiqqunga qadar, qarzini to`lashi va garovga qo`yilgan yerini "haqqoniy sotib olishi" mumkin edi. Ashyo huquqining sof inglizcha instituti - ishonib topshirilgan (vakolat beruvchi) mulk (trust) instituti mavjud bo`lgan. Ingliz yuristlari, ayniqsa F.Maytlend (1850-1906 yillar), bu institut "inglizlarning yuris-prudentsiya sohasidagi buyuk va juda aniq yutuqlari" deb zavq-shavq bilan gapiradilar. Ishonib topshirilgan mulk institutining kelib chiqishi, shuningdek, feodal yer egaligi xususiyatlari bilan ham bog`liq. Bu xususiyatlar qatoriga yerga merosxo`rlar doirasining qisqartirilishi va yerlarning cherkovlarga, monastirlarga, diniy jamiyatlarga, ayniqsa, umuman yerga egalik huquqiga ega bo`lmagan kambag`allashgan jamiyatlarga sotishning cheklanishi kabilar kirardi. Mazkur institutning mohiyati shunda ediki, bunda bir shaxs - ishonib topshiriladigan mulkning egasi (settler of trust) o`z mulkini boshqa shaxs-ga - mulkini ishongan kishi (trustee)ga mulkni boshqarish hamda mulk egasi sifatida boshqa shaxsning, foyda oluvchining (beneficiary) manfaatlari yo`lida yoki boshqa maqsadlarni, masalan, muhtojlarga yordam berish maqsadini amalga oshirish uchun o`tkazadi. Yerlarni biror maqsad yo`lida foydalanish uchun o`tkazilishi ama-liyoti XII asrdayoq vujudga kelgan va salib yurishlari davrida gurkirab rivojlangan. Bu davrda yerlar o`g`illar voyaga yetguniga qadar yoki ilgarigi egasi qaytib kelguniga qadar ishonch asosida qarindoshlarga yoki do`stlarga berilgan. Qashshoqlashgan monarxlar dunyoviy kishilarga o`z yerlarini ularning manfaatlari yo`lida foydalanish uchun o`tkazib, nafaqat huquqiy va diniy taqiqlarni chetlab o`tganlar, balki katta boyliklar ham to`pla-ganlar. Faqat XV asrdan ishonib topshirilgan mulk kansler sudida himoya qilinadigan bo`ldi, chunki endilikda ishonch, adolat buzila boshlagan edi. Shu vaqtdan boshlab ishonib topshirilgan mulk "umumiy huquq" bilan himoya qilinadigan mulk - legal ownershipdan farqli o`laroq, equitable ownership deb ataladigan bo`ldi. Ishonib topshirilgan mulk instituti birinchi marta 1375 yilgi qonun bilan mustahkamlangan. XV asrdayoq ko`p yer maydonlari - ko`chmas mulklar ishonib topshirilgan mulkka aylanadi. Genrix VIII ingliz cher-kovini isloh qilish davomida cherkov yerlarini musodara qildi, lekin bunda shu narsaga duch keldiki, garchand, cherkov va monastirlar yirik yer egalari bo`lsalar ham, rasman o`z yerlarining egalari bo`lmaganlar.

Ingliz parlamenti cherkov yerlarini tortib olish maqsadida 1535 yilda "foydalanish haqida" deb nomlangan statut (statute of uses) chiqaradi. Unga ko`ra, bir shaxs mulkka boshqa shaxsning manfaatlari nuqtai nazari-dan egalik qilib turgan bo`lsa, mulk kimning manfaatlari yo`lida foyda-lanilsa, o`sha shaxs amalda yerning haqiqiy egasi deb tan olingan. Bu statut bir qancha vaqt ishonib topshirilgan mulk institutining tarqalishini to`xtatib qo`ydi, lekin uni yo`qotmadi. Sudlar "foydalanishga nisbatan foydalanish huquqi" degan murakkab konstruksiya yordamida statutni muvaffaqiyatli ravishda chetlab o`ta boshladilar. Bu "ikkilamchi foyda-lanish" kansler sudi tomonidan himoya qilinadigan trust, ya`ni tom ma`noda ishonib topshirilgan mulk sifatida ma`lum bo`lib qolgan. Ishonib topshirilgan mulkchilik reformatsiyadan keyin cherkov yer egaligining juda cheklanishi va cherkov xayr-sahovatining deyarli yo`qolib ketishi natijasida qaytadan keng jonlana boshlagan. 1601 yilda qirolicha Yelizaveta davrida, hatto, "xayr-ehsondan foydalanish" haqida statut qabul qilingan. Bu statut asosida parlament maxsus komissiyasining oliy vakili lavozimi joriy etiladi. Oliy vakilning majburiyatiga muhtojlarga xayr-ehson qilinishini nazorat qilish va shu bilan bog`liq suiiste`molliklarga chek qo`yish kabilar kirardi. Statutning preambulasida xayr-ehson faoliyatining ancha keng tarqalgan va tan olingan turlari sanab o`tiladi. Bular: kambag`allarga, zaiflarga, qariyalarga, bemorlarga va yarador askar va matroslarga, maktab, kollej va univer-sitetlarga yordam berish; yetimlarni o`qitish va moddiy ta`minlash, axloq tuzatish muassasalariga ko`maklashish, harbiy asirlarni sotib olish va mahkum etilganlar uchun jarimalar to`lash va boshqalardan iborat edi. Bu maqsadlarning noaniq va munozarali belgilari sud amaliyotida batafsil tekshirilgan. Sudlar "ijtimoiy foydalar" doktrinasini ishlab chiqqanlar. Bunda jamiyatga hech qanday foyda keltirmaydigan barcha xayr-ehsonlar xususiy, ya`ni muhtojlarga yordam berishga mutlaqo qarama- qarshi ish deb topilgan edi. Angliyada ingliz-sakslar davridayoq shartnoma munosabatlari rivojlana boshlaydi. Lekin len, vassal qaramlik munosabatlari keng tarqalganligi muno-sabati bilan bu davrda ikki rasman teng huquqli tomonlarning bitimini anglatuvchi shartnoma tushunchasi hali vujudga kelmagandi. Ine haqi-qatida sotuvchining mahsulot sifati uchun javobgarligi haqidagi da`vogar va javobgar o`rtasidagi tortishuvda qasamyod qabul qilish haqidagi qoidalarni topish mumkin. Biroq bular ko`proq shartnoma munosabatlariga emas, balki ma`muriy munosabatlar sohasiga taalluqli edi. Yuqorida aytilganlardan kelib chiqib shuni ta`kidlash joizki, shartnoma ikki va undan ortiq tomonlarning huquq va majburiyatlarini keltirib chiqaruvchi majburiy bitim sifatida ingliz huquqida oddiy bitim - agreement tushunchasidan (masalan, do`stona xizmat haqidagi va boshqalardan) farq qilardi. Shunday qilib, ingliz huquqi bo`yicha har qanday shartnoma (contract) - bitim, biroq har qanday bitim (agreement) - shartnoma emas. Angliyada bozor munosabatlarining taraqqiy etishi bilan majburiyat huquqi ham rivojlangan. Deliktlar va shartnomalardan kelib chiqadigan majburiyatlar "umumiy huquq" me`yorlarining uzoq vaqt tadrijiy rivoj-lanib borishi natijasi bo`ldi. Majburiyat huquqi

"Umumiy huquq" sudlarida himoya qilinadigan da`volarning eng qadimgi shakllaridan biri "qarz haqida"gi da`vo (action of debt) edi. Da`voning bu shaklini XII asrdayoq Glenvill eslatib o`tgandi. Glenvill uni deliktlar qatorida, "nohaq ushlab qolingan pul" haqidagi da`vo sifatida ko`rib chiqadi. "Qarz haqida"gi da`voning asosi shartnoma bo`yicha maj-buriyat emas, balki haqiqatda olingan foyda bo`lgan. Shu sababli bunday da`vo juda kam hollarda qo`llanilishi mumkin edi. Da`voning qadimgi shakllaridan yana biri «hisob-kitob haqida»gi da`vo (action of account) hisoblanadi. Uning predmeti juda aniq shaklda ifodalanadigan shartnoma majburiyati bo`lib, unga binoan bir tomon boshqa tomonning foydasiga ma`lum harakat sodir etishi lozim edi. "Hisob-kitob haqida" da`vo dastlab lord bilan manor boshqaruvchisi o`rtasidagi munosabatlarda qo`llanilib, birovning ishonib topshirilgan pulini ushlab turgan va undan qanday foydalanganligi haqida mulk egasiga hisob berishi lozim bo`lgan shaxsning hisob-kitobi bilan bog`liq edi. Bun-day da`vo oqibatda savdo amaliyotida, sherikchilik faoliyatida qo`llana boshlanadi. Glenvill bu da`voni "nohaq ushlab qolingan pul" haqidagi deliktlar qatorida ko`rib chiqib, bunda undan qarz, oldi-sotdi, ijaraga berish, yuk tashish va boshqa hollarda foydalanish mumkinligini asoslaydi. "Hisob-kitob haqidagi" da`vo oradan ko`p o`tmay Eduard I ning 1267 va 1285 yillardagi statutlarida ham mustahkamlangan. Ushbu da`voning qo`llanish doirasi go`yo ancha keng bo`lib ko`rinishiga qaramay, ingliz shartnoma huquqini unchalik boyitmaydi. Bitimning majburiy shartnoma sifatida paydo bo`lishi XIII asrda "umumiy huquq" sudlarida boshqa da`vo - "bitim haqidagi" da`vo (action of covenant)ning tan olinishi bilan bog`liq. Bu da`voning mazmuni qarzdorga bitim bilan o`rnatilgan majburiyatni, agar u muhr bilan mustah-kamlangan bo`lsa, bajarish talabidan iborat edi. Bu bitim faqat "muhr" bilan tuzilish shakliga rioya qilinmaganda va bu shaklning nuqsonlari bo`lganda da`vo himoyasi huquqiga ega edi. Lekin bunda endi hal qiluvchi jihat (moment) tomonlardan birining nohaq bo`lishi emas, huquqiy oqibat- lar keltirib chiqaradigan bitimning tuzilish fakti, ma`lum harakat bo`lib qolgan. Shunday qilib, shartnoma tuzgan shaxslar uchun uning qonun kuchiga ega ekanligini keltirib chiqaradigan shartnomaning "muqad-dasligi" haqidagi shartnoma huquqining asosiy tamoyili kelajakda tan olinishi yo`lida yana bir qadam tashlangan. Bozor munosabatlarining rivojlanishi bitimlar, shartnomalar tuzi-lishining rasmiyatchiligini uloqtirib tashlashi muqarrar edi. Shuning uchun "umumiy huquq" sudlari norasmiy, og`zaki tuzilgan bitimlarga (kelishuv-larga) ham himoya taqdim qila boshlaganlar. XV asrda ingliz huquqida shaxs va mulkni tajovuzlardan himoya qilish maqsadiga qaratilgan "hu-quqbuzarliklar to`g`risidagi (trespass) da`vo"ning xilma-xil turlaridan biri "og`zaki bitimlarni himoya qilish to`g`risidagi da`vo" edi. Bu da`volar Eduard I davrida paydo bo`lib, Vestministrlik statutlarida mustahkamlangan edi. "Huquqbuzarlik to`g`risida"gi da`voning ham qo`llanish doirasi unchalik keng emasdi, chunki dastavval qarzdorning aybi isbot qilinishi talab etilardi. Bunday da`volar, masalan, tuhmat natijasida keltirilgan zararni undirish uchun qo`llanilganligi tasodifiy emas.

XV asrda bunday da`vo uchun endi aybni isbotlashni talab qilish sharti bekor qilingan va huquqbuzarliklar haqidagi da`volar (trespass on the case) da`vogarga zarar keltirilgan barcha holatlarda qo`llaniladigan bo`lgan. Hatto, javobgar tomonidan "lozim darajadagi g`amxo`rlik"ning yo`qligi yoki oddiy ehtiyotsizlikka yo`l qo`yilganligi oqibatida kelib chiqqan mulkiy yo`qotishlar bo`yicha ham da`volar "huquqbuzarlik to`g`risidagi da`vo" sifatida sudda himoya qilinardi. Shartnoma huquqining yanada rivojlanishi "o`ziga qabul qilib olish to`g`risidagi da`vo" (action of assumpsit)ning paydo bo`lishi bilan bog`liq. "O`ziga qabul qilib olish to`g`risidagi da`volar" dastlab barcha norasmiy bitimlarni emas, balki faqat tomonlardan birining shartnoma shartlarini bajarmasligi natijasida zarar yetkazilgan bo`lsa, ana shunday norasmiy bitimlarnigina himoya qilardi. Bunda kelajakda bajarilishi lozim bo`lgan shartnomalarga hech qanday himoya berilmasdi. Biroq zararni tomon-lardan biri keltirishi mumkin bo`lgan, masalan, shartnomani bajarishni kutib, u qandaydir harakatlar qilgan. "Umumiy huquq" sudlari mazkur holatni ham hisobga ola borib, bunday shartnomani himoya qilishga qaratilgan va`daning buzilishi faktining o`zi uchun javobgarlikni kuchay-tirish yo`li bilan "o`ziga qabul qilib olish to`g`risidagi da`vo"larning qo`l-lanish doirasini kengaytirgan edilar. "O`ziga qabul qilib olish to`g`risidagi da`vo"ning bunday tarzda bir shakldan boshqa shaklga o`tishi 1589 yilda "Uokerga qarshi Stengboro" ishi yuzasidan bo`lib o`tgan sudda mustah-kamlangandi. Bu shartnoma huquqning rivojlanishida muhim qadam edi. Ushbu sudning qarorida "Va`da o`rniga berilgan va`da da`vo asosi bo`lishi mumkin", - deb e`lon qilingandi. Shartnoma, shu tariqa, o`zining delikt kelib chiqishidan "kovlab" olingan. Endilikda va`da berish orqali o`ziga olgan majburiyatni bajarmagan shaxs jabrlanuvchi tomonga keltirilgan barcha zarar uchun javob berishi lozim edi. Asta-sekin "umumiy huquq" sudlari har qanday norasmiy shartno-mani tan olish sharti sifatida "qarshi qanoatlantirish" doktrinasini ishlab chiqqan. Bu vaqtga kelib ingliz sudlari yarim shartnoma xarakteriga ega bo`lgan faqat bir tomonlama bitimlar (masalan, hadya) bilan bog`liq ba`zi da`volarni qo`llashda endi ancha katta tajribaga ega edilar. Shartnoma huquqining rivojlanishi yo`lidagi muhim bosqich shartnomaning tuzilishi shartlari to`g`risidagi qoidaning paydo bo`lishi edi. Bunga ko`ra, har qanday shartnoma yo "muhr bilan" yozma shaklda tuzilgan bo`lishi yoki qarzdor tomonidan olinadigan shartnoma bilan bog`liq ma`lum foydada yoki kreditorga keltirilgan zararda ifodalanadigan "qarshi qanoatlan-tirish"ni nazarda tutishi lozim edi. Ingliz shartnoma huquqining rivojlanishiga bozor munosabatlarining rivojlanishi bilan bog`liq qator muhim huquqiy masalalarni hal etishda savdo sudlari tajribasiga tayangan va "umumiy huquq" sudlarini ortda qoldirgan qirollik qonunlari ham o`z hissasini qo`shgan. Angliyada qarzni to`lamaslik muammosi juda qadimdan qirollik kafilligi institutining qo`llanilishiga olib kelgandi. Bu institut qirolning kreditorlardan o`z yaqinlariga qarz berishini iltimos qilib yozgan ochiq xatlarida o`z ifodasini topgan. Qarz undirishning amaliy usullarini izlab topishga qaratilgan harakatlar 1283 yilda "Savdogarlar haqida"gi maxsus statutning chiqarilishiga olib keldi. Unga ko`ra, kreditor tovar, pul va boshqa narsalarni shahar meri ishtirokida qarzga bera olardi.

Bunda qarz majburiyati shahar protokollarida qayd etilardi. Agar qarzdor qarzini to`- lamasa, mer hech qanday sud qarorisiz qarzdor mulkining qarz summasiga mos qismini kreditorga o`tkazilishini buyurishi mumkin edi. 1285 yilda "Savdogarlar haqida" ikkinchi statut chiqariladi. Unga asosan, qarzni to`lash muddatini o`tkazib yuborgan qarzdor qamoqqa olinardi. Qarzdor uch oy ichida o`z mol-mulkini sotishi va qarzini to`lashi lozim edi. Agar u bunday qilmasa, sherifga tegishlicha sud buyrug`i bilan mulkni "sotuvdan qutqarib qolish" va kreditorga qarzni qaytarish buyurilgan. Oqibatda XVI asrda maxsus qonun bilan qarzini to`lashga qurbi yetmaydigan qarzdorning mulkini uning kreditorlari o`rtasida mutanosib ravishda taqsimlanishiga majburlovchi sanksiyalar joriy etildi. Agar u ilgari faqat savdo sudlarida savdogarlarga nisbatan qo`llanilgan bo`lsa, XVI asrdan boshlab esa barcha qarzdorlarga nisbatan qo`llana bosh-langandi. 1571 yilgi qonun kreditorlarga, hatto qarzdorning qarzini to`lash-ga qodir emas (bankrotga uchragan), deb e`lon qilinishi protsedurasi (rasmiy marosimi)ga murojaat qilmay, uning "to`lov muddatini kechik- tirish, kreditorlarga to`siqlar yaratish va ularni aldash maqsadida qilingan mulkiy tasarruflarini bekor qilish"ga ijozat berdi. Sudyalar bu qonunni keng miqyosda sharhlab, qator hollarda qarzdorlarning o`z mulkidan kreditorlar zarariga hech qanday to`siqlarsiz tasarruf etish imkoniyatini qirqib qo`yish maqsadida, hatto "aldash ni-yatini" isbotlovchi dalillarni talab qilmay qo`yadi. Shundan keyin, 1585 yilgi statut bilan yerni uning keyingi egasi, shu jumladan, kreditor zarariga ixtiyoriy, to`lovlarsiz o`tkazilishi taqiqlanadi. Bu statut sudlarda juda qat`iy va aniq talqin qilinadi. "Huquqbuzarlik to`g`risida"gi (trespass) da`vo feloniyada (og`ir jinoyat sodir etishlikda) ayblash bo`yicha da`voga muqobil da`vo sifatida ko`chmas mulkka, harakatdagi ashyolarga yoki shaxsga qasddan kuch ishlatib, va bevosita yetkazilgan zararni undirishda qo`llanilgan. O`z nav-batida trespass da`vo zo`rlik ishlatmay yetkaziladigan zarardan himoya qilishni ham nazarda tutadi. Bunda zarar to`g`ridan- to`g`ri yetkazilganmi yoki zarar yetkazilganligi keyinchalik ma`lum bo`lib qolganmi yoxud u o`sha vaqtning o`zida ma`lum bo`lganmi, qat`i nazar, barcha holda ham trespass on the case uchun asos bo`lardi. Bundan tashqari, mulkka egalik qilishga ozgina bo`lsada xalaqit qilish, bunda mulk egasi real zarar ko`radimi yoki yo`qmi qat`i nazar, "egalikni buzish haqida"gi trespass da`vosining qo`llanishiga asos bo`lgan. Angliyada feodal nikoh-oila huquqi ma`lum dara-jada feodal yer egaligini qo`riqlash va himoya qilish manfaatlari bilan belgilangan. U kanonik huquqning kuchli ta`siri ostida bo`lgan. Kanonik huquqning qator juda muhim me`yorlari, masalan, nikohning cherkov shakli, ikki xotinlikning taqiq-lanishi singarilar bevosita qonun bilan mustahkamlab qo`yilgandi. Jum-ladan, 1606 yilgi statut ikki xotinlikni feloniya (og`ir jinoyat) safiga qo`shgan edi. O`rta asrlarda ingliz oilasi patriarxal xarakterga ega edi. Erga tekkan ayolning - xotinning huquqiy holati juda cheklangandi. Uning harakatdagi mulklari erining to`liq ixtiyoriga o`tgan, ko`chmas mulklariga nisbatan esa erning boshqaruvi Nikoh va oila huquqi

o`rnatilgan edi. Erga tekkan ayol mustaqil ravishda shartnoma tuza olmas, sudda o`z huquqlarini himoya qilib chiqa olmas edi. Shuni aytish joizki, tegishlicha odat huquqi me`yorlari harakatda bo`lgan dehqonlar, hunarmandlar va savdogarlarning oilalarida erga tek-kan ayollar nisbatan kattaroq huquqiy layoqatga, xususan, o`z mulklarini boshqarish, shartnomalar tuzish, savdo bilan shug`ullanish huquqlariga ega bo`lganlar. Ingliz-sakslarning odat huquqi ajralishni tan olgan. Ajralish yoki erining o`limi natijasida oiladan ketayotgan ayol oila mulkidan (hara-katdagi mulkdan, chorvadan, puldan) o`z hissasini olardi. Kanonik huquq, ma`lumki, ajralishga yo`l qo`ymasdi. U faqat ma`lum hollarda er-xotin-ning alohida yashashiga, "stoli va to`shagining ajratilishiga" ruxsat berardi. Kamdan-kam hollarda ajralishga rim papasi tomonidan, oqibatda parlament tomonidan ruxsat etilishi mumkin edi. Ma`lumki, Genrix VIII ga ajralishni papa tomonidan rad qilinishi oqibatda ingliz taxtining rim kuriyasi bilan aloqasi to`liq uzilishiga va ingliz cherkovi ustidan uning ustunligi o`rnatilishiga bevosita sabab bo`lgandi. Nikohsiz tug`ilgan bolalar faqat katolik cherkov tomonidan emas, balki baronlar tomonidan ham tan olinmagan. Cherkovning nikohsiz tug`ilgan bolalarni kelajakda ularning ota-onalarini nikohdan o`tkazishni nazarda tutib qonuniylashtirishga qilgan urinishlari baronlarning qattiq qarshiligiga duch kelgan. Bu, albatta, feodal yer egaliklarining qattiq qo`-riqlanishi bilan bog`liq edi. Negaki, nikohsiz tug`ilgan bolalar qonun-lashtiriladigan bo`lsa, bu merosxo`rlar doirasining kengayishiga olib kelar-di. 1235 yilgi Merton statuti nikohsiz tug`ilgan bolalarning qonuniylash-tirilishini to`g`ridan-to`g`ri taqiqlagan. O`rta asrlarda Angliyada meros qoldirishning qan-daydir yagona tizimi mavjud emas edi. Real mulkning me-ros bo`yicha o`tishini maxsus, sekin almashinadigan tartibi shaxsiy mulkning meros bo`lib o`tishidan farq qilgan. "Umumiy huquq" vasiyat bo`yicha merosni nazarda tutmaydi. Vasiyat amalda ishonib topshirilgan mulk instituti bilan birga joriy etilgandi. Vaqt o`tishi bilan ishonib topshirilgan mulk voyaga yetmaganlar tomonidan qonun bo`yicha ham, vasiyat bo`yicha ham meros qilib olinishi tartibini belgilaydigan bo`ldi, chunki har ikki holda ham ularning mulkini boshqarish uchun mulk ishonib topshiriladigan shaxsni tayinlash talab etilardi. 1540 yilda birinchi marta ko`chmas mulkni vasiyat asosida hech qan-day to`sqinliksiz, agar u "man etilgan" bo`lmasa, tasarruf qilishga rux-sat be-rilgan. Lekin bunda vasiyat bo`yicha meros olganlarga meros olma-gan bola-larni moddiy ta`minlash majburiyati yuklangan. Zero, bunday majbu-riyatlarni amalga oshirish uchun "umumiy sudlar" tegishlicha qurol-vositaga ega bo`lmaganligi sababli bu nizolarni ko`rish kansler sudiga o`tgan. Vasiyat qoldirmagan shaxsning harakatdagi mulklariga dastlabki da`vo qilish huquqi beva qolgan xotinga (agar eri o`lsa) yoki erga (agar xotini o`lsa) tegishli edi. Bu institut ingliz huquqida curtesy - "iltifot" degan nom olgan. Angliyada o`rta asrlar jinoyat huquqi me`yorlari ma`lum darajada sud amaliyoti bilan yaratilgan. Jinoiy statut huquqi jinoyat huquqining boshqa manbalari orasi-da "umumiy huquq"ningMeros huquq i Jinoyat huquqi

tegishli me`yorlarini to`liq yoki biroz o`zgar-tirilgan ko`rinishda aks ettirishdan boshqa narsa emas edi. Bunda qiyin-chiliklar shundan ham kelib chiqardiki, jinoyat va fuqarolik huquq buzar-ligi bir-biridan ko`proq huquqqa xilof xatti-harakatlari tabiati bo`yicha ajratilardi. Aynan bitta xatti-harakat ham fuqarolik, ham jinoiy huquq-buzarlik bo`lishi mumkin edi, chunki huquq yuqorida ko`rsatil-ganidek, da`voning har ikkala shakliga va unga mos ravishda fuqarolik (ma`lum huquqlarning tasdiqlanishi yoki tiklanishiga qaratilgan) yoki jinoiy (hu-quqbuzarlik xatti-harakatini sodir etganlik uchun huquqbuzarni jazo-lashdan iborat o`z ob`yektiga ega bo`lgan) jarayoniga yo`l qo`ygan. Ingliz jinoyat huquqi "umumiy qism"ga taalluqli me`yorlar majmuiga ega bo`lmagan. XII asrga qadar huquqda ob`yektiv javobgarlik haqidagi tasavvur hukmronlik qilardi. Uzoq vaqtgacha ingliz jinoyat tushunchasi asosan jinoiy xatti- harakatlar (odam o`ldirish, bosqinchilik, bolalarni o`g`irlash, ayollarni zo`rlash, tunda devor, eshik va boshqalarni buzib o`g`irlik qilish)ga taalluqli bo`lgan, biroq jinoiy harakatsizlikka daxldor bo`lmagan. Yuqorida zikr etilgan barcha jinoiy xatti- harakatlar yomon niyat (maluce)ni ko`zlagan. XII asrning boshidan rim va kanonik huquqi ta`siri ostida javobgarlik asosi sifatida aybning mavjudligi haqidagi qarashlar tasdiqlana boshlagan. Birinchi marta marhum Avgustin ta`limotidan o`zlashtirib olingan «hara-kat aybdor qiladi, agar iroda aybdor bo`lmasa» degan tamoyil 1118 yilda Genrix I ning qonunida o`z aksini topgan. XIII asrda aybning shakllarini tushunishda ingliz huquqshunoslarining ta`limotlari, asarlari juda katta ta`sir o`tkazgan. Masalan, Brakton qasddan va ehtiyotsizlikdan odam o`ldirish tushunchalarini talqin qilib, "agar odam o`ldirgan kishi taqiqlan-gan ish bilan shug`ullanib, odam o`ldirish sodir etsa", hatto uning aybi bo`lmasa ham "javobgarlik kelib chiqadi", deb ko`rsatadi. U bunda qil-mishga o`zi javob bera olishlik to`g`risidagi diniy-axloqiy ta`limotning: "Noqonuniy ish bilan shug`ullangan kishi zimmasiga jinoyatdan kelib chiqqan barcha javobgarlik yuklatiladi" degan qarashiga asoslangan. XIII asrda, hatto, tasodifan birovni o`ldirib qo`ygan odam ham qirolning afv etishiga muhtoj edi. Odam o`ldirish quroli hamma holatlarda musodara qilingan. U sotilgan va bundan tushgan pullar marhumning tinch yotgan jonini "saqlash uchun" xayrli maqsadlarga sarf qilingan. Oddiy tasodif va jinoiy ehtiyotsizlik o`rtasidagi farq haqidagi ta`li-motlarning rivojlanishiga Kokning "ajoyib, hayratda qoldiradigan ta`limo-ti" muhim hissa qo`shgan. "Agar kimdir, - deydi Kok - yovvoyi qushni ot-sa... va uni otgan kishining hech qanday yomon niyatisiz u o`q narida tur-gan biror kishiga tegsa - bu tasodif, negaki yovvoyi qushni otish qonuniy-dir..., biroq u boshqa birovga tegishli xo`rozni... yoki qandaydir qo`lga o`rgatilgan qushni otsa, bunday holda sodir etilgan tasodifiy odam o`ldirish - chindan ham og`ir (murder), negaki harakat noqonuniy bo`lgan" 7 6 . XIV asrning boshidan Angliya huquqida "aqli zaif yoki aqli noraso kishi jinoyat uchun javob bermaydi" degan tamoyil qattiq o`rnatilgan. Shaxsga qarshi qaratilgan jinoyatlarda o`zini o`zi mudofaa qilish hollarida javobgarlik kelib chiqmagan. Sud amaliyotida ishlab chiqilgan ishtirokchilik haqidagi ta`limot - "kimda-kim birov orqali jinoyat sodir etsa, buni uning o`zi qilgan hisoblanadi" degan 7 6 Qarang: История государства и права зарубежных стран.Часть 1. Учебник для вузов/ Под ред. проф. Крашенинниковой Н.А. и проф. Жидкова О.А.-М.:Издательство НОРМА, 1998. – 153-bet.

tamoyildan kelib chiqqan. Ishtirokchilar aybining og`irlik darajasi ko`pincha, ishtirokchi jinoyat sodir etilishidan oldin harakat qilganmi yoki undan keyinmi, shunga qarab belgilangan. Agar ishtirokchi jinoyat sodir etilishidan oldin, masalan, dalolat qilish shaklida unda ishtirok etsa, u jinoyatning "bosh ijrochisi"ga teng darajada javobgarlikka tortilgan. Agar ishtirokchi jinoyat sodir etilgandan keyin unda ishtirok etsa, masalan, o`g`irlangan buyumlarni bila turib uyida yashirsa, jinoyatning boshqa ishtirokchilarini javobgarlikdan qochishiga yordamlashsa va shu kabi harakatlar sodir etgan bo`lsa, unga yengilroq jazo berilgan. Ishtirokchilik tushunchasi bilan birga "jinoyatning turli darajasi haqida"gi ta`limot ham yaratilgan. Bunga ko`ra, ishtirokchilarning quyidagi toifalari: 1) jinoyat sodir etgan "jinoyatning birinchi darajali asosiy ishtirokchisi"; 2) jinoyatni sodir etishda bevosita qatnashmagan, lekin jinoyat sodir etilgan joyda hozir bo`lgan "jinoyatning ikkinchi darajali asosiy ishtirokchisi" va 3) jinoyat sodir etilishidan oldin jinoyatchiga maslahatlar berish yo`li bilan yordamlashgan va jinoyatning sodir etilishiga to`sqinlik qilmagan "qo`shimcha ishtirokchisi" ayb darajasiga qarab bir-biridan farq qilingan. O`rta asrlar jinoyat huquqida barcha jinoyatlarni an`anaviy tarzda quyidagicha uch guruhga: xiyonat (treason), feloniya (felony) va misdiminor (misdimeanour)ga bo`lish vujudga kelgan. Jinoyatlarning boshqacha guruhlashtirilishi ham mavjud bo`lib, u sof jarayonga oid xarakterga ega edi. Bu - ayblov hujjati bilan ta`qib qilinadigan (pleas of the Crown yoki indictable offences) va qasamxo`rlar sudida ko`riladigan jinoyatlar hamda umumiy tartibda ko`riladigan (summari conviction) kam ahamiyatli huquqbuzarliklar (petty offences)ga qarab guruhlashtirilgan. Dastlab XIII asrda feloniya tushunchasi paydo bo`lgan. Angliya jinoyat huquqida o`lim jazosi bilan bir qatorda mulkni musodara qilish nazarda tutilgan barcha jinoyatlar feloniya deb atalgan 7 7 . Aynan felony degan iboraning lug`aviy ma`nosi ham shundan darak beradi, ya`ni bu ibora fee - feodal egalik va lon - baho degan so`zlarning birikmasidan kelib chiqqan. Feloniyalar qatoriga og`ir holatlarda odam o`ldirish (murder), oddiy odam o`ldirish (manslaughter), feloniya sodir etish maqsadida birovning uyiga kechasi zo`rlik bilan bostirib kirish (burglary), mol-mulkni o`g`ir-lash (larceny) va boshqa shu kabi og`ir jinoyatlar ham kirgan. Eng og`ir jinoyat xiyonat (treason) hisoblangan. U XIV asrda boshqa jinoyatlardan alohida ajratilgan. Bu jinoyatning nomi fransuzcha trahir va lotincha tradere degan so`zlardan kelib chiqqan va xiyonatkorona sotqinlik xatti-harakatini anglatgan. Xiyonat "umumiy huquq" bo`yicha yoki fuqarolar tomonidan qirolga sodiqlik burchini buzish (buyuk xiyonat - high treason) orqali yoki tobe kishining o`z xo`jayiniga sodiqlik burchini buzish (kichik xiyonat - petty treason) yo`li bilan sodir etilishi mumkin edi. Bu holda faqat yuqori turgan shaxsning o`ldirilishi, masalan, vassal tomonidan o`z senorining o`ldirilishi, xotin tomonidan erning yoki ruhoniy tomonidan - o`z yepiskopining o`ldirilishi xiyonat deb tan olingandi. "Buyuk xiyonat"da ayblash kuchli qirol hokimiyatining qo`lidagi o`z dushmanlari, baronlar va bo`ysunmagan ruhoniylar bilan kurashda keng foydalaniladigan qudratli qurol bo`lgan. Xususan, ruhoniylarga qarshi kurashda 7 7 Feloniya turiga oid jinoyat sodir etganlik uchun mol-mulkning musodara qilinishi faqat XIX asrga kelib bekor qilingan.

bunday ayblov, ayniqsa, amaliy natija bergan, zero, bunday hol-da cherkov vakillari "diniy unvonga ega bo`lish imtiyozlaridan", ya`ni ular ustidan qo`zg`atilgan ishlarni cherkov sudlarida ko`rilishi huquqidan mahrum bo`lganlar. Shu tariqa ruhoniylar ham cherkov sudlarining o`lim jazosi qo`llashni istisno qiluvchi qoidasidan ("cherkov qon to`kishi mum-kin emas") o`z hayotlarini saqlab qolishda foydalana olmaydigan bo`l-ganlar. Qirol "buyuk xiyonat"da ayblashdan moddiy jihatdan ham man-faatdor edi. Chunki "buyuk xiyonat" uchun mahkum etilgan feodal o`zining yer egaligidan mahrum bo`lardi va bu yer u qatl etilganidan so`ng merosxo`rlarga emas, balki to`g`ridan-to`g`ri qirolga o`tardi. Shu munosabat bilan xiyonat tushunchasi qirollik sudlarida barcha choralar bilan kengayib borgan. Bundan o`sha vaqtdagi ingliz parlamenti ham chetda qolmadi. Parlament o`zgarib turuvchi siyosiy vaziyatdan kelib chiqib, "qirolga sodiqlik burchini buzish" bilan umuman aloqasi yo`q bo`lgan xatti-harakatlarni ham "buyuk xiyonat" qatoriga qo`yuvchi statut-lar chiqara boshladi. Masalan, parlament dastlab Genrix VIII ning ko`pdan-ko`p nikohlaridan birini noqonuniy nikoh sifatida qoralagan bo`lsa, keyinchalik uni qonuniy deb tan olgan edi. Yuqoridagi suiiste`molliklar feodallarning noroziligini keltirib chiqargan. Ular bir necha marta ushbu suiiste`molliklarga chek qo`yishga harakat qilganlar. Lekin faqat 1351 yilga kelib Eduard III tomonidan xiyonatni ma`lum chegarada sharhlashni nazarda tutuvchi statut qabul qilingan. E.Kokning ta`kidlashicha, "1351 yilgi statut umumiy huquq qoidasini o`zgartirmadi, balki faqat unga qonun ifodasini berdi". "Buyuk xiyonat" tushunchasiga qirolni, uning xotinini yoki ularning katta o`g`lini va merosxo`rini o`ldirishga qasd qilish; qirolning xotinini, uning erga tegmagan katta qizining yoki katta o`g`li va merosxo`ri xotinining nomusiga tegish (bunda xotinning roziligi bo`lganda ham baribir bu xatti-harakat "buyuk xiyonat" sifatida ko`rilgan 7 8 ); qirolga qarshi urush olib borish; qirolning dushmani tomoniga o`tish; kanslerni, bosh xazinabonni yoki qirollik sudyasini o`ldirish kiritilgan. Bu ro`yxat «umumiy huquq»qa ma`lum bo`lgan davlat xavfsizligiga qarshi boshqa jinoyatlar: isyonga chaqirish (sedition), tartibsizliklar keltirib chiqarish maqsadlarida noqonuniy olomon to`plash (riot), shuningdek, ikki yoki undan ortiq shaxslarning qonunga xilof niyatlarda til biriktirish (conspirasy) jinoyatlari bilan to`ldirilgan. "Til biriktirish" tushunchasi aniq ishlab chiqilmagan edi. Bu holat undan mavjud rejimga qarshi har qanday shakldagi noroziliklarga nisbatan keng foydalanish imkonini bergan. Masalan, xususiy deliktlar (tort)ga yoki hatto "jamiyat uchun zararli" deb hisoblangan fuqarolik huquqbuzarligiga – shartno-malarni buzishga nisbatan ham "til biriktirish" sifatida qaralishi mumkin edi. Misdiminor ilgari fuqarolik tartibida yetkazilgan zararning undirilishiga olib keluvchi huquqbuzarliklardan asta-sekin rivojlanadi. Vaqt o`tishi bilan bu guruhga firibgarlik, qalbaki hujjatlar tayyorlash, soxta narsalar yasash kabi jiddiy jinoyatlarning kiritilishi bilan feloniya va misdiminor o`rtasidagi qat`iy chegaralar yo`qolib bordi. Bunga jinoyat sodir etilganda u yoki bu shakldagi da`voni tanlash imkoniyati ham ko`maklashgan. Feloniya haqidagi da`vo qanoatlantirilgan holda, masalan, badanga shikast yetkazganda jinoyatchi hayoti bilan javob bergan, agar 7 8 Masalan, Genrix VIII ning ikkinchi xotini Anna Boleyn xuddi shunday asosda qatl etilgan edi.

jabrlanuvchi huquqlari buzilgani haqida da`vo qilsa, unda bu jinoyat misdiminorga taalluqli bo`lgan va jinoyatchiga turma yoki jarima jazosi nazarda tutilgan. Mulkiy jinoyatlar orasida, avvalo, birovning uyiga o`t qo`yish va zo`rlik bilan bostirib kirish ancha og`ir jinoyatlar sifatida tan olingan. Bu feloniyalarning ajratilishi inglizlarning uyga zarar yetkazilishidan qo`riqlanadigan qal`a (mening uyim - mening qal`am) sifatida muqaddas deb qarashlari bilan bog`liq edi. Shu munosabat bilan, hatto, juda eskirgan, omonat uyga o`t qo`ygan jinoyatchining o`zi ham yoqib yuborilardi. O`g`rilik (larensy) jinoyatini Brakton o`ziga xos tarzda tushuntirib beradi. U bu tushunchani oddiy o`g`rilik sifatida emas, balki ancha kengroq ma`noda ta`riflaydi. Brakton o`g`rilikni "mulkdorning irodasiga qarshi birovning mulkiga yovuz niyat bilan, bu mulkni o`ziniki qilib olish niyati bilan murojaat qilishi» deb tushuntiradi. Eduard I davrida har qanday o`g`rilik feloniya sifatida o`lim jazosi bilan ta`qib etilgan. Biroq Eduard III davrida (XIV asrda), hatto mayda o`g`rilikni feloniyaga kiri- tilishi qat`iy noroziliklar keltirib chiqara boshlaydi. Shuning uchun "kichik o`g`rilik" (o`g`rilangan mulkning qiymati 12 pensdan kam bo`lgan o`g`rilik) feloniyaga emas, misdiminorga taalluqli qilingan. Mutlaq monarxiya davrida Angliyada och-yalang`ochlar, daydilar va tilanchilarga qarshi bir qancha qonunlar qabul qilinadi. Ulardan birinchisi 1495 yildagi "Daydi va tilanchilarga qarshi" qonun edi. Shu qonunning birinchi moddasi sherif va merlarga mana shunday kishilarni izlab topib, birinchi marta oyog`iga kunda urib uch sutkaga, ikkinchi marta olti sutkaga qamash ko`rsatilgan. Genrix VIII va Yelizaveta I davrida ko`plab mana shunday qonunlar chiqarildiki, ular tilanchilar va daydilarga nisbatan og`ir jazolar belgila-ganliklari bilan tavsiflanadi. 1530 yildagi qonunga ko`ra, shunday kishilar birinchi marta qonga botirib urilgan, ikkinchi marta qulog`i qirqilgan, uchinchi marotada esa qatl etilgan. Bunday qonunchilik Angliya tarixida "Qonli qonunchilik" nomini oldi. Jazolarning maqsadlari ingliz feodal huquqi rivojlanishining alohida bosqichlarida o`zgarib turgan. Dastlab jazoning asosiy maqsadi jabrlanuvchi va uning qarindoshlarini yetkazilgan zararni undirish bilan qanoatlantirish bo`lgan bo`lsa, keyinchalik qayta jinoyat sodir etilishining oldini olish uchun qo`rqitish bo`lib qolgan. Keyingi maqsadda juda og`ir jazo turlaridan, masalan, tirik tandan ichak- chavoqlarni sug`urib olish, o`lguncha darra bilan savalash va boshqa shu kabilardan keng foyda-lanilgan. XVII asrda Angliyada 50 ga yaqin jinoyatlar uchun o`lim jazosi belgilangan edi. O`lim jazosi turli shakllarda amalga oshirilgan. Ularning ichida o`tda kuydirish, osib o`ldirish, to`rt bo`lakka bo`lib tashlash, charxpalakka tortib o`ldirish jazolari keng qo`llangan. Qirollik tinchligini buzganlik uchun, cherkovda odam o`ldirganlik uchun, o`z xo`jayinini o`ldirganlik uchun va turli o`g`riliklar sodir etganlik uchun o`lim jazosi nazarda tutilgan. Tan jazolari juda xilma-xil jinoyatlar uchun qo`llanilgan. Bunday jazolarga qo`llarini, quloqlarini, burnini va boshqa tana a`zolarini kesish kabilar kirgan. Jazolardan yana bir turi tamg`a bosish jazosi bo`lib, u asosan jinoyatchini sharmanda qilish maqsadini ko`zlagan. Lekin, o`rta asrlar ingliz jinoyat huquqida eng ko`p tarqalgan jazo jarima bo`lgan. Bulardan tashqari hukmron tabaqa uchun ro`zaga amal qilish jazosi ham qo`llangan. (Ro`za xristianlarda: go`shtli, sutli, tuxumli taomlarni yeyish man qilingan kunlar).

Ingliz-sakslar davlatining dastlabki davrida sud tekshiruvi jabrlanuvchi yoki uning qarindoshlari tashabbusi bilan boshlangan. Davlat va uning organlari kuchayishi bilan ta`qib qilish funksiyasi ularga o`tgan. XII-XIII asrlarda sud jarayoni ayblov xarakteriga ega bo`lgan, ya`ni ishlarning yuritilishi haqida tomonlarning o`zlari jon kuydirganlar. XIII asrda hali "xudo sudi" - ordaliyalar mavjud edi. Amaliy dalillardan biri qasam hisoblangan, uni buzish jinoiy jazo keltirib chiqargan. Bundan buyon tortishuv-ayblov sud jarayoni "umumiy huquq" sudlarida fuqarolik ishlari bo`yicha ham, jinoiy ishlar bo`yicha ham hukmron bo`lib qolgan. Ishning bevosita sudyalar tomonidan tergov qilinishi kansler sudlarida va cherkov sudlarida amalga oshirilgan. Biroq ma`lum holatlarda "umumiy huquq" sudlarida ham qiynoqlar qo`llanilgan. Agar ayblanuvchi o`zini aybdor deb tan olsa, u darhol jazoga tortilgan. Agar "indamay tursa", u "g`azabdan" indamayaptimi yoki uni "xudo urganmi"- shular aniqlangan. "Umumiy huquq" xiyonat va misdiminorlar haqidagi ishlar bo`yicha sukut saqlash - aybga iqror bo`lish degan prezumpsiyadan 7 9 kelib chiqqan. Feloniyada ayblashga indamay turgan shaxs qiynoqqa solingan. Uni temir plitaga yotqizganlar va ochlikda qiynaganlar. Ko`pchilik qiynoq ostida o`lib ketishni afzal ko`rgan, negaki ular mahkum etilmasdan o`lish orqali o`z mol-mulklarining musodara qilinishidan saqlab qolganlar. Aslini olganda, dastlabki tergov bo`lmagan. Oilaviy ishlarni ko`ruvchi cherkov sudlari (1857 yilga qadar) tekshiruvchilar xizmatidan foydalanganlar. Bun-day tekshiruvchilar dalillarni tekshirganlar va faktlarni aniqlaganlar. Ularning xulosalari ish bo`yicha sud qarorining asosi bo`lardi. "Umumiy huquq" sudlarida dalillar tomonlarning o`zlari tarafidan yig`ilgan. XV asr- ning oxirida ayblov materiallarining ishonchliligini tekshirish maqsadida ayblovchi qasamxo`rlar deb nomlanadigan maxsus jyurilar chaqirila boshlangan. Agar ular ayblash uchun dalillar yetarli deb hisoblasalar, unda ayblov haqidagi hujjatni tuzib, himoya vajlarini eshitmay, ishni "kichik jyuri" sudiga o`tkazardi. Bunday tekshiruvni murosaga keltiruvchi sudya ham o`tkazishi mumkin edi. Qizig`i , yolg`on ko`rsatma berish har doim ham ingliz sudlarida jinoyat deb hisoblanavermagan. Hatto cherkov sudlari, ishonchni buzish haqidagi ishlar ularning vakolatiga kiradi deb hisoblasalar ham yolg`on guvohlik berishni o`zlarining e`tiborlaridan chetda qoldirganlar. 1540 yilgi qonun guvohlarni sotib olishga qarshi jarima joriy etgan. 1562 yildan esa yolg`on guvohlik berish fuqarolik tartibida jarima bilan jazolanadigan bo`ldi. "Yulduz palatasi" yolg`on guvohlik berishni "sudda yolg`on ko`rsatmalar berish" shaklidagi jinoyat sifatida tan olgan. Tomonlar o`z dalillarini to`liq taqdim etganlaridan keyin sudya ish holatlarini umumlashtirishi va ish bo`yicha huquqiy masalalarni ko`rsatib qasamxo`rlarga maslahat berishi, qasamxo`rlar sudi bir ovozdan aybdor-ning aybdorligi yoki aybdor emasligi haqida verdikt chiqarishlari lozim edi. Sud jarayoni, "Yulduz palatasi"dagi jarayonni istisno qilganda, ochiq xarakterga ega edi. Angliyada sud jarayonining ayblov xarakteriga ega bo`lganligi munosabati bilan bu yerda maxsus mansabdor shaxslar tomonidan taqdim qilinadigan davlat ayblovi instituti rivojlanmagan. 7 9 Prezumpsiya – ehtimollikka yoki taxminga asoslangan faraz; yuridik faktning aksi tasdiqlanmaguncha, shu faktni yuridik to`g`ri deb topish. Sud jarayoni

XIII asrdan professional huquq himoyachilari paydo bo`lgan. Ular ikki toifaga: baristerlar va solisitorlarga, yoki attoreylarga bo`lingan. Baristerlar sudda so`zga chiqqanlar: ya`ni agar ishni shaxsan o`zlari yuritayotgan bo`lsalar, xuddi mijozlari singari jarayonda ishtirok etganlar. Solisitorlar - ish bo`yicha iltimoschilar (advokatlar singari) asosan ishlarni sudda ko`rishga tayyorlash bilan shug`ullanganlar. Dastlab baristerlar faqat sudyaning ruxsati bilan sudda so`zga chiqish imkoniyatiga ega bo`lganlar. XV asrning oxiridan "umumiy huquq" sudlari o`z reestrlariga tomonlarning vakillari deb tan olgan shaxslarning ismi-shariflarini yozib qo`ya boshlaganlar. Shu tariqa, ularga sudda ishtirok etuvchi o`ziga xos mansabdor shaxs maqomi berilgan edi.

Похожие

Xitoy davlati va huquqi

Vizantiya davlati va huquqi

Yaponiya davlati va huquqi

Fransiya davlati va huquqi

Franklar davlati va huquqi