Gidrogeologiya fani va uning asosiy vazifalari - Геология - Рефераты

Gidrogeologiya fani va uning asosiy vazifalari

Загружено в:

15.09.2022

Скачано:

0

Размер:

44.5 KB

Gidrogeologiya fani va uning asosiy vazifalari Reja: 1. Gidrogeologiya 2. Regional gidrogeologiya 3. Bug` ko`rinishidagi suv

Gidrogeologiya - yer osti suvlari tug`risidagi fan bo`lib, ularning paydo bo`lishini, joylashishini, tarqalish va taqsimlanish sharoitlarini, fizik xossalari va ximiyaviy tarkibini xamda yer ustki suvlari bilan aloqasini o`rganadi. Bundan tashqari, gidrogeologiya shifobaxsh yer osti mineral suvlarini qidirib topish, shaxar va qishloqlarni ichimlik suv bilan ta`minlash, ekinzor maydonlarni sug`orish va yer osti suvlaridan amalda foydalanish uchun tadqiq qilish ishlari bilan xam shug`ullanadi. Gidrogeologiya fani yer osti suvlarining, ta`minlanish, xarakatlanish, sarf bo`lish qonuniyatlarini o`rganish xamda ko`rilish katlovanlariga, transheyalarga, zovurlarga, karyerlarga qurilish paytida va burg`, shaxta quduqlariga, gorizontal suv chiqarish inshootlariga oqib keladigan suv sarfini aniqlash imkonini beradi. Gidrogeologiya fani quydagi bo`limlarga bo`linadi. Umumiy gidrogeologiya - yer osti suvlarining hosil bo`lishi, tarqalish sharoiti, tog` jinslari bilan o`zaro bog`likligi, ularinng fizik va ximiyaviy xossalarini xamda yer qobig`ining rivojlanishida ularning ta`sirini o`rganish bilan shug`ullanadi. Yer osti suvlar dinamikasi - yer osti suvlarining siljish qonunlarini o`rganish, ularning xarakat yunalishini o`zgartirish va miqdorini baxolash bilan shug`ulanadi. Gidrogeoximiya - yer osti suvlari ximiyaviy tarkibining paydo bo`lish jarayonini, uning vaqt davomida va xarakatlanishi ta`sirida o`zgarishini o`rganadi. Yer osti suvlarining qidirish geologiyasi - axoli yashaydigan joylarni suv bilan ta`minlash, sug`orish, imorat va inshootlarni ko`rish masalalarini xal qilish maqsadida yer osti suvlarining zaxirasini, balansini, sifatini, rejimini, xarakatlanishini va joylarning gidrogeologik sharoitlarini baxolash usullarini, gidrogeologik tajriba va tadqiqot ishlari usullarini ishlab chiqish bilan shug`ullanadi. Ruda konlari gidrogeologiyasi - konlarning gidrogeologik sharoitlarini baxolash, yer osti suvlarining foydali qazilmalarni qazib olish ishlariga ta`sirini o`rganib, unga qarshi kurash chora-tadbirlarini ishlab chiqish bilan shug`ullanadi. Mineral suvlar gidrogeologiyasi - shifobaxsh xususiyatga ega bo`lgan yer osti suvlarining paydo bo`lishi va ximiyaviy tarkibini, xosil bo`lishini, tarqalish xolatlarini aniqlash, zaxirasini xisoblash va ulardan foydalanish usullarini ishlab chiqish bilan shug`ullanadi.

Radiogidrogeologiya - yer osti suvlarida radioktiv elementlarning hosil bo`lish qonunini, ularning yotish xolatlarini va siljish davomida radioaktiv elementlar miqdorini o`zgarishini aniqlash bilan shug`ullanadi. Regional gidrogeologiya - yer osti suvlarining yer qobig`ining ma`lum bir regionlarida tarqalish, yotish xolati va hosil bo`lish qonunlarini, shuningdek ularning yer qobig`ining geologik strukturalari bilan bog`liqligini va xalq xo`jaligida bunday suvlardan foydalanish imkoniyatlarini o`rganadi. Xozirgi vaqtda gidrogeologiya fanining yangi tarmog`i - texnogen gidrogeologiya, meliorativ gidrogeologiya, gidroseysmika tarraqqiy etmoqda. Yer yuzasiga yoqqan yog`in uch qismga ajraladi: bir qismi yer yuzasidan oqib, oxiri dengizga borib quyiladi, ikkinchi qismi bug`lanib yana atmosferaga ko`tariladi, uchinchi qismi esa tog` jinslariga singib ketadi va natijada yer osti suvlarini hosil qiladi. Bunday yo`l bilan hosil bo`lgan suvlar infiltratsiya (shimilish) suvlari deb ataladi. Yer osti suvlarini tabiiy va suniy yer usti suvlari tuyintiradi. Yer osti suvlari infiltratsiyadan tashqari, ya`ni yog`inlarning yer po`stiga singishidan tashqari, kondensatsiya yordami bilan xam hosil bo`ladi. Kondensatsiya deganda atmosferadan tuproqqa kirgan suv bug`ining suvga aylanish jarayoni tushuniladi. Yer ustidagi xavo suv bug`iga tuyingan bo`lsa, xamma vaqt suv bug`i tuproqqa kira oladi. Tuproq xarorati pastroq bo`lsa, tuproqqa kirgan suv bug`i quyuqlashadi, kondensatlanadi, natijada suv hosil bo`ladi. Lekin suv bug`i suvga aylanayotganda issiqlik chiqadi, kondensatsiya jarayonining o`zi sovuq tuproq xaroratini ko`taradi va natijada suv bug`ining oxirigacha suvga aylanishini to`xtatib quyadi. Tog` jinslarida suv bug`i to`planadi, bu esa ularning tuyinishiga olib keladi va jinslarda yuqori bosim hosil bo`lganda suv bug`i yana xavoga ko`tarilib ketadi. Demak, kondensatsiya jarayonining ikki tomoni bor: suv bug`ini tuproqqa singdiradi va undan chiqarib yuboradi. Yer osti suvlarining asosiy qismi yog`in suvlarining tog` jinslari orasiga singishidan hosil bo`ladi. Yer osti suvi – bug` xolatdami, suyuq xoldami yoki qattiq xoldami, baribir, kanday holda bo`lmasin, yer yuzasidan ostki qavatlarda joylashgan suvdir. Bunday suv turli tog` jinslari qatlamlari orasida-granit, qumtosh, konglomerat va dolomitlar yorig`ida xamda karst bo`shligida; shag`al, qum, gil g`ovaklarida

bo`lishi mumkin. Lekin xar xil jins suvni xar xil o`tkazadi. Masalan, gil, gilli slanetslar, argillitlar suvni juda yomon o`tkazadi, shu sababli ular amalda suv o`tkazmaydigan jinslar hisoblanadi. Umuman olganda yer osti suvlari bilan yer usti suvlari va atmosfera orasida bog`lanish bor. Yer osti suvlari quyidagi yo`llar bilan kamayadi: buloqlar orqali yer yuziga chiqadi, daryolar va ko`llarga oqib chiqadi, o`simliklarning ildizlariga surilib, barglari orqali bug`lanadi, tog` jinslari zarrachalari orasidagi kapillyar naychalar orqali bevosita yer yuzasiga chiqib, bug`lanib ketadi, ximiyaviy yo`l bilan jinslar tarkibiga kiradi va kishilar o`z maqsadlari uchun turli xil yullar bilan surib oladi. Tabiatda suv gruntlar tarkibida bug`, suyuq va qattiq xolatda uchraydi. Bug` ko`rinishidagi suv xavo bilan birga grunt g`ovaklari va yoriqlarini to`ldirib turadi. Bunday suv jins og`irligining taxminan 0,01% ini tashkil qiladi. Sutka xamda vasl davomida xarorat va bosim o`zgarishi bilan ular g`ovaklar va yoriqlarda aktiv xarakat qilib, zarralar yuzasiga yopishadi va kondinsatsiyalanadi. Natijada zarralar atrofida juda xam yupqa parda, ya`ni gigroskopik suv hosil bo`ladi. Gigroskopik suvlar zarralar yuzasiga katta kuch bilan yopishadi, shuning uchun xam ularni suyuq xolatda ajratib bo`lmaydi. Binobarin, gigroskopik suvlarni grunt tarkibidan faqat bug`latib chiqarish mumkin. Bunday suv qattiq sovuqda (-80o S) muzlamaydi va gidrostatik bosim hosil qilmaydi. Zarralar yuzasida gigroskopik suvning hosil bo`lishi uzoq vaqt davom etadi, uning qalinligi oshadi va u zarralarning o`zaro elektromalekulyar tortishish kuchi ta`sirida bir-biri bilan qo`shiladi, natijada pardali yoki malekulyar suv hosil bo`ladi. Agar biron bir zarraning atrofida qalinroq suv hosil bo`lgan bo`lsa, u asta-sekin qo`shni zaraning yupqaroq suv pardasi tomon xarakat qiladi va bu xarakat ikki zaradagi suvning qalinligi bir xil bo`lguncha davom etadi. Tog` jinsining to`la tuyinishi uchun sarf bo`ladigan suv bug`lari miqdori jinsning maksimal gigroskopligi deyiladi. Gigroskopik va pardali suvlarning jins tarkibida juda katta miqdorda bo`lishi shu jinsning maksimal malekulyar nam tutishi deb ataladi.

Pardali suv zarralariorasidagi bo`shliqni egallab, ular orasidagi bog`lanishni, tsementlanishni bo`shashtiradi, gilli jinslarning ko`pchishiga, xajmining kamayishiga, zichligining oshishiga olib keladi. Qattiq suvlar jins tarkibida mineral zarralar oraligida kichik linza yoki qatlamcha shakllarida muz qotgan shaklda bo`ladi. Uning xarorati doimo manfiy bo`lib, chakik va gil jinslarining mustaxkaligini oshiradi. Muz eriganda jinsning namligi oshib, mustaxkamligi kamayadi. Kapillyar suvlar . Tog` jinslari turli-tuman kapilyar bo`shliqlardan, g`ovaklik naychalardan iboratdir. Suv shu naychalar buylab kapillyar kuchlar ta`sirida yuqoriga ko`tariladi. Kutarilish balandligi asosan, jins govaklarining, ya`ni naychalarning diametriga boglik. Kumli gruntlarda govakliklarning katta-kichikligi katta bulgani uchun namlikning yukoriga kutarilish balandligi 0,3 - 0,6 m bulsa, gillarda 3 - 4 m ga yetadi. Kapilyar suvlar yerosti suvlari satxidan yukorida joylashgan bulib, kapillyar zonani tashkil etadi va grunt, yuzaki suvlardan tuyintirib turadi. Kapilyar suvlar yerning yukori va pastki zonalarida xarakatning uzgarishi tufayli xarakatga keladi va zarralar orasidagi tuzlarni eritib, yukoriga yer yuzasiga olib chikadi. Kapillyar suvlar yozning issik kunlarida buglanadi va ularning tarkibidagi tuzlar yer yuzasida yigila boshlaydi. Shu tarizda yer osti suv satxi 2 -3 m chukurlikda bulgan maydonlarda yer yuzasini shur bosish kuzatiladi.

FOYDALANILGAN ADABIYOTLAR 1. Islomov O.I., Shoraxmedov SH.SH. Umumiy geologiya T., «Ukituvchi» 1971 yil. 2. Kuznetsov S.S. Geologiya ,UzSSR «Urta va oliy maktab», davlat nashriyoti,T., 1960. 3. «Geologiya lugati»UzSSR FA nashriyoti T.,1958. 4. Ananyev V.P., Peredelskiy A.V. Injenernaya geologiya. Iz-vo «Vo`sshaya shkola», M-1980. 5. Kurs obhey geologii, M., «Nedra», 1976. 6. V.I.Biryukov, S.N.Kulichixin, N.N. Trofimov Poiski i razvedka mestorojdeniy polezno`x iskopayemo`x M.,Nedra, 1979.

Похожие

Foydali qazilma konlarini razvedka qilishning asosiy usulalari va vazifalari. Qidirish va razvedka qilishning geologik hujjatlashtirish gidrogeologiya fani va uning asosiy vazifalari

Geologiya fani va uning alohida bo'limlari haqida umumiy ma'lumot

Foydali qazilma konlarini razvedka qilishning asosiy usulalari va vazifalari

Tuproqshunoslik tuproqlar geografiya fani uning o`rganish ob'yekti va predmeti boshqa fanlar bilan aloqadorligi

Yer kadastrining maqsad vazifalari va tasnifi