Геология фани ва унинг тармоклари хакида умумий тушунчалар - Геология - Рефераты

Геология фани ва унинг тармоклари хакида умумий тушунчалар

Загружено в:

15.09.2022

Скачано:

0

Размер:

49 KB

Геология фани ва унинг тармоклари хакида умумий тушунчалар Режа: 1. Геологиянинг келиб чикиш тарихи 2. Геология тармоклари 3. Мухандислик геологияси тўгрисида тушунча. 4. Минералогия тўгрисида тушунча 5. Кристалография тўгрисида маълумот 6. Петрография тўгрисида тушунча 7. Полеонталогия тўгрисида тушунча 8. Тектоника хакида тушунча 9. Гидоргеология тўгрисида маълумот 10. Мухандислик геологияси фанининг 3 асосий максади нималар иборат

Геология юнонча сўз бўлиб : ўзбекча гео - ер логос фан маъноларини беради , яъни у планетамизнинг каттик катламлари хакидаги фандир . Ер учта катламдан иборат бўлиб улар: атмосфера, гидросфера ва литосфера (каттик катлам)дир. Геология литосферанинг тузилишини, уни ташкил килувчи тог жинсларининг таркибини ва литосферанинг ичида ва унинг устида содир бўладиган жараёнларни текширади. У хар хил катламларнинг турли белгиларига караб, шунингдек, хайвон хамда ўсимликларнинг ер катламида тошга айланган колдикларни ўрганиб, ернинг ва шу билан бирга органик дунёнинг тарихини тиклайди. Геология хам амалий, хам назарий жихатдан мухим ахамиятга эга бўлган фандир. Геологиядан олинган билимлар ишлаб чикаришга каратилгандагина бизга турмушда керакли бўлган минерал хом ашёлар: метал, ёкилги, химия саноати материаллари, минерал ўгитлар, бинокорлик материаллари ва бошка шу каби моддаларни ер кабигидан (ичидан) кидириб танишга ёрдам беради. Бизнинг Республикамизда хам геологларимиз томонидан килинган харакатлар, натижасида турли казилма бойликлар, шу жумладан катта-катта нефт,

газ ва шунга ўхшаш казилма бойликлар топилган ва топилмокда. Геология ўз вазифаларини куйидаги бўлимлари оркали хал килади. Умумий геология-ернинг ички ва ташки кисмида содир бўлаётган геологик жараёнларнинг ривожланиш ва сўниш конуниятларини, бундан келиб чикадиган окибатларни ўрганади. Тарихий геология – табиатни бевосита текшириш йўли билан хар хил тог жинсларининг ётиш шароитларини, бу жинсларнинг бир-бирига нисбатан жойлаш ишини ва уларнинг бирин-кетин табака хамда катламланиш тартибларини, горизонтал ва вертикал холатда таркалиш конунларини, катламлар орасидаги фауна ва флораларни ўрганиш йўли билан ёшини ва какдай мухитда – пайдо бўлганлигини, ер юзида иклим алмашиниши сабабли бўладиган ўзгаришлар ва бошка ходисаларни ўрганади. Минералогия – минералларнинг химиявий таркибини, физик хоссаларини ва уларнинг пайдо бўлишига сабаб бўлган хар хил жараёнларни ўрганади. Табиий минералларнинг бундай хусусиятларини ўрганиш сунъий минералларни ишлаб чикариш имконини беради.

Кристаллография – моддаларнинг кристалл холати ва кристалл панжарасининг тузилишини ўрганади. Кристаллография табиий ва сунъий йўл билан олинган минералларнинг ички фазовий панжарасини, бу панжарани хосил килувчи зарралар – ион, атом ва молекулаларнинг бир- бирига канча куч билан тартилиб туришини ва уларнинг кандай химиявий элементлардан таркиб топганлигини ўрганади. Палеонтология – тарихий тараккиёт даврида яшаган ва тог катламларини орасида колиб кетиб тошга айланган ўсимлик (флора) ва хайвон (фауна) колдикларини ўрганадиган фандир. Петрография – ер кабигида (пўстида) каттик ва юмшок холда бўлган тог жинсларини уларнинг минерал таркибини, тузилишини, ётиш шаклларини ва геологик, географик таркалишини ўрганадиган фан. Геофизика – ер кабигидаги тог жинсларининг физик хусусиятларини ўрганадиган фандир. Тектоника – тог жинслари дастлабки ётиш холатларининг ўзгаришини, уларда ёрик хосил бўлишини, буралмали ва узилмали дислокациялар шаклларини ўрганади. Курилиш учун ажратилган майдонларнинг тектоник шароитларини ўрганиш, пойдевор заминидаги катламларининг ётиш

нишаблигини, тектоник ёрикларнинг тури ва чукурлигини, бўлиши мумкин бўлган зилзилаларнинг кучини аниклаш асосий омил хисобланади. Шунга кўра курилиш майдонининг мухандис – геологик шароитларини бахолаш тектоник шароитларга бевосита богликдир. Геоморфология – ернинг устки кисмидаги рельеф шаклларини. уларнинг пайдо бўлишини, ўзгаришини ва тараккиётини ўрганадиган фан. Гидрогеология – ер ости сувлари тўгрисидаги фан бўлиб, уларнинг пайдо бўлишини, жойлашларини, физик хоссалари ва химиявий таркибини хамда ер устки сувлари билан алокасини ўрганади. Бундан ташкари, гидрогеология шифобахш ер ости минерал сувларини кидириб топиш, шахар ва кишлокларни ичимлик сув билан таъминлаш экинзор майдонларни сугориш ва ер ости сувларидан амалда фойдаланиш учун тадкик килиш ишлари билан хам шугулланади. Гидрогеология фани ер ости сувларининг таъминлаш, харакатланиш, сарф бўлиш конуниятларини ўрганиш хамда курилиш катлованларига, траншеяларга зовурларга карьерларга курилиш пайтида ва бург, шахта кудукларига, горизонтал сув чикариш иншоотларига окиб келадигап сув сарфини аниклаш

имконини беради. Гидрогеология фани куйидаги бўлимларга, бўлинади: умумий гидрогеология, ер ости сувлари динамикаси, гидрохимия, ер ости сувларини кидириш гидрогеологияси, руда конлари гидрогеологияси, минерал сувлар гидрогеологияси, радиогидрогеология, регионал гидрогеология, техноген гидрогеология, милеоратив гидрогеология, гидросейсмика кабилар тараккий этмокда. Мухандислик геологияси курилиш майдонлдарининг табиий геологик шароитларини, иморат ва иншоотларни лойхалаш, куриш ва улардан фойдаланиш даврида геологик мухитда ва биринчи навбатда тог жинсларида юз берадиган ўзгаришларни ўрганади. Масалан, кичик бир тўгоннинг курилиши хам ер ости сувлари сатхининг кўтарилишига хамда фойдаланилаётган иморат ва иншоотлар пойдевори замини ва ер тулаларида ўзгаришлар юз беришига сабаб бўлади. Мухандислик геологияси фани хозирги даврда ўз олдига –уйидаги уч асосий максадни кўяди: 1. Тог жинсларининг таркиби, тузилиши холати, хусусияти ва таркалган жойларини ўрганиш. 2. Иморат ва иншоотларни куриш ва улардан фойдаланиш даврида пойдеворининг

замини бўлган тог жинсларида юз берадиган мухандис-геологик ўзгаришларнинг содир бўлиш сабабларини хамда содир бўлиши мумкин бўладиган жараёнларни,олдиндан мумкин бўладиган жараёнларни олдиндан айтиб бериш ва уларга карши чора-тадбирлар ишлаб чикиш. 3. Мухандис-геологик шароитларнинг турли жойларда таркалиш конуниятини аниклаш. Мухандислик геологияси куйидаги бўлимларга бўлинади.: грунтшунослик – грунтларнинг таркибини, хоссаларини, холатини ва хусусиятини ўрганади; динамик мухандислик геологияси – табиий геологик ва инсоннинг мухандислик фаолияти таъсирида юзага келган мухандис- геологик жараёнларни ўрганади; регионал мухандислик геологияси – ер кибиги катта-катта майдонларининг мухандис-геологик шароитларининг таркалиш конуниятларини ўрганади. Курувчи мухандислар лойихалаш ва курилиш ишларини бажаришда улар курилиш майдониниг мухандис-геологик ва гидрогеологик шароитларини билишлари шарт. Улар мухандис- геологлар олдига керакли хажмдаги ва зарур масалаларни ўз вактида тўгри кўйишлари хамда улардан изланиш натижаларини талаб килишлари

лозим. Ва нихоят мухандис-курувчилар, мухандис- геологик изланишлар натижаси асосида курилиш майдонида курилиш тадбирларини аник ва тўгри хал килишлари керак. Шунинг учун хам кирувчи-мухандислар грунтшунослик, мухандислик геологияси ва гидрогеология фанларидан етарли билимга эга бўлишлари лозим.

Похожие

Геология фани хакида умумий маълумотлар ва унинг халк хужалигидаги ахамияти

Геология фани ҳақида умумий тушунча

Гидрогеология фани хакида умумий маълумотлар

Геоморфологиядан умумий тушунчалар

Минераллар хакида умумий тушунча