Экзаген конларнинг ҳосил бўлиши нураш жараёнлари - Геология - Рефераты

Экзаген конларнинг ҳосил бўлиши нураш жараёнлари

Загружено в:

20.09.2019

Скачано:

0

Размер:

49.5 KB

Экзаген конларнинг ҳосил бўлиши нураш жараёнлари Ер қобиғининг атмосфера, гидросфера, биосфера билан ўзаро таьсири натижасида ҳосил бўлган конлар эгзоген (грек. Экзо-ташқи) конлар деб аталади. Бундай конлар тоғ жинсларининг нураши, нураш маҳсулотларининг тарқалиши ва ётқизилиши натижасида ҳосил бўлади. 1) Нураш натижаси Қуёш нури, ҳаво, сув ва тирик мавжудотнинг актив иштрокида ер қобиғининг устки қисмидаги туб жинслар доим ўзгариб, емирилиб туради. Бу процесс нураш деб аталади. Ҳароратнинг ўзгариб туриши натижасидаги емирилиш физик – нураш дейилади. Бунда асосан, ҳароратнинг суткалик ўзгариши ва сувнинг музлашишида кенгайиш катта аҳамиятга эга. Маълум бўлишича, музнинг ер ёриқлари деворларига тасир кучи 6000 лг/см 2 чиқар экан. Нураш процессларининг самарали бўлишида тектоник, яъни ер қобиғидаги дарзликларнинг катталиги, уларнинг рельефи ва тоғ жинслари ётқизиқларига нисбатан йўналиши каби факторлар ҳам катта аҳамиятга эга. Физик нураш жараёнида жонли Дунё айниқса ўсимликлар сезиларли иш бажаради. Улар, биринчидан илдиз отиб, сувнинг чуқурликка кириб боришига ёрдам берса, иккинчидан ўзида нам сақлаб нураш процесслар учун қулай шароит туғдиради. Шамол тоғлардаги ёриқ ва дарзликларга кириб қолувчи қум ва бошқа нураш махсулотларини ўчириш билан бирга емириш ишини ҳам бажаради. Буни шамол эрозияси ёки дефиляцияси (лот. Дефилация-учираман) дейилади. Нураш материаллари ўз оғирлиги билан пастга қулайди ва миграция агентлари ёрдамида йироқларга олиб кетилади. Бу процес денудация (лот. Денуда-ялонғочлайман) деб аталади.

Нураш ҳодисаларида денгиз ҳам катта иш бажаради. Денгиз сув тўлқинлари ҳар қандай мустаҳкам тошларни уриб синдириш ва минг тоннагача оғирликларни думалатиб силжитишга қодир. Тоғ жинсларида ҳаво қисимларида карбонат сульфат кисло-талари ва уларга бой бўлган сув таъсирида ҳосил бўладиган кимёвий ўзгаришлар – кимёвий нураш дейилади. Кимёвий нураш процессларида жуда муҳим бўлган оксидалаш реакцияларининг бажарилишда асосий агент кислароддир. Корбанат, сульфат, органик, гнус кислоталарини ва бошқа кислоталар баъзи сликатларни сувда эрувчи корбанат ва сульфат бирикмаларига айлантириб туриш актив иш бажаради. Бу кислоталар сульфатларнинг оксидланишидан ва организмларнинг чиришидан ҳосил бўлади. Организмлар асосан ўсимликлар ва бактериялар кислород ишлаб чиқаради ва унинг бир туридан иккинчи турига ўтиб туриши таъминланган ҳамда ўлиш натижасида ўзидаги водород тоғ жинсларининг катионларига (металларига) алмашиб, муҳитни агрессив кислоталарга бойитиб беради. Кимёвий нураш процессида температура ҳам катта рол ўйнайди. Маълум бўлишича вадароднинг 10 градус ошиши гидролиз реакциясини 2-2.5 марта тезлаштирар экан. (Н. Страхов). Гидротланиш ўз юзасига сув шимиб ушлаб тура оладиган адсорбент минераллар системасига хосдир. Бунда шимилган сув миқдори шимиш юзаси ва мухитдаги буғ босимига боғлиқ бўлиб, у минералнинг кристаллик тугунларига кириш (гидроксид сув) қаттиқ эритмалар хосил қилиш (кристалл гидрад сувлари) минерал тўқималарнинг оралиқ каналларига жойланиши (сиолит суви) шимилган (адсорбцион) сув ҳолида бўлиши мумкин алюминий, марганец ва темир оксидлари ана шу хусусиятларига эга. Гидролизланиш сувнинг парчаланиши натижасида ажралган вадород иони билан туб жинсларнинг асослари ўртасидаги алмашинув реакциясини характерлайди. Бу процес рН сони, кислоталар миқдори ва сув хароратининг

ортиши билан кучаяди. Бунда сликатлар ўрнида гил минераллари, темир, марганец, алюминий оксидлари ва гидрооксидлари ҳосил бўлади. Диолиз гилнинг ўз таркибидаги метал катионларини диффузия йўли билан тарқатиб, «тоза гил» холига келишини характерловчи процессдир. Кимёвий нураш туб жинс минералларининг таркибига боғлиқ. Бунда асосли ва магнизиал минераллар нордон ва темирлиларга қараганда тезроқ нурайди. А)Нураш маҳсулотларининг тарқалиш ва тўпланиш процесслари. Нураш махсулотлари нураш юзасидан бирор бир куч таъси-рида четлашиб кетмаслиги мумкин (эллюви). Аммо аксарият холларда улар турли агентлар ёрдамида тарқалиб кетади ва қайта тўпланиб, кон хосил қилади. Бунда гравитация кучлари, ёмғир ва қор сувлари, дарё сувлари, сизот сувлар, замин сувлари, денгиз сувлари, музликлар, шамол каби агентлар ва нихоят элементларнинг кимёвий хоссалари катта аҳамиятга эга. Гравитация кучлари асосан таги бўшашиб қолган ва оғирлик марказининг силжиши юз берган холларда тоғ жинсларининг сурилиши, ўпирилиши ва думалаши билан намоён бўлади (колюви ётқизиқлари). Бунинг натижасида сараланмаган ушатки жинслар тўплами хосил бўлиб, улар асосан йўл қурилишида ишлатилади. Нураш махсулотларини ишлатишда ёмғир ва қор сувларининг хизмати жуда сезиларли. Биринчидан улар тоғ тошлардан ушатки жинсларни оқизиб, тоғ ён бағирларига тўплаб қўяди (делювии), иккинчидан тоғ дараларидан чиқиш жойларда оқизиб келган шағал ва лойқа холдаги материалларни катта майдонга ёйиб, экинбоб ясси текисликлар хосил қилади (пролювии), учинчидан кичик-кичик оқимларнинг қўшилиши натижасида дарёларга айланиб узундан-узоқ дарё хавзаларида аллювиал ётқизиклар хосил қилади, тўртинчидан улар ер қатламларига сузилиб, ўзлари билан эриган нураш махсулотларини олиб кетадилар ва қолдиқ ҳамда сизма конларни хосил қилишда актив қатнашадилар.

Оқар сув нураш махсулотларини ташишда ниҳоятда салмоқли иш бажаради. Нураш материалларини ташиш ва саралашда денгиз суви ҳам алоҳида ахамиятга эга. Сохиллардаги нураш махсулотлари ва дарёлар келтирган материаллар денгизда сараланиб жой жойига ётқизилади. Механик ушатмалар сохилдан йироқлашган сари майдаланиб боради. Бу жараёнда шағал ва қум бўлакчалари ва оғир фойдали минераллар бир неча секунд ёки минут мобайнида чўкиб қирғоқ бўйи конларини хосил қилса, баъзи жуда майда гил минераллари эса хатто минг йиллар мобайнида батамом чўкиб тугар экан. Бу албатта жуда «тиниқ» сараланишга ва юқори сифатли хомашёлар хосил бўлишига олиб келади. Юқорида айтилган химик ва биохимик чўкмаларни саралаб ётқизишда ҳам денгиз шундай иш бажаради. Нураш махсулотларини кўчириш ва кон хосил қилишда шамолнинг ҳам хиссаси бор.. Емириш ва унинг махсулотларининг тарқатишда музликлар ҳам маълум ахамиятга эга. Улар кенгайиш ва гравитация кучлари таъсирида силжиб, соатига 1,25 м тезликда харакат қилар экан. Нураш ходисаларининг кечишида ва айниқса нураш маҳсу-лотларини тарқалишида химик элементларнинг харакатчанлиги катта рол ўйнайди. Бу масала А. И. Перелман (1964) ва бошқа кўпгина олимлар томонидан ўрганиб чиқилган А. И. Перелман элементларнинг эрувчанлик хоссасига қараб, уларни бир неча гурупага бўлиб чиққан (1-жадвал). Қуйидаги жадвалда пассив хаво мигрантлари Аr, Gе, Nе, Кr, Х, Rn, хисобга олинмаган, активлари эса сув мигрантларига қўшиб юборилган, чунки улар сув мигранталари ҳамда ва шу тариқадагина кон хосил қиладилар. Б)Нураш қобиғининг ривожланишида геологик шароитнинг ахамияти. Экзоген конларининг хосил бўлиш мухити нураш қобиғи билан чегараланади. Нураш қобиғининг остки қисми В. Вернадский-нинг фикрича кисларод юзаси (яъни эркин холдаги кисларод кириб борган чуқурлик сатхи)

дан нарига ўтмайди. Бу юза тахминан замин сувларининг сатхига тўғри келади ва 60-100м, баъзида 200м, жуда кам холларда эса 1,5км чуқурликка боради. Нураш қобиғининг ривожланишида иқлим релеф, туб жинс-ларининг таркиби, геаологик шароитлар катта ахамиятга эга. Чўлларда парланиш тез бўлганидан пастдан юқорига қараб сизма сувлар оқими харакатда бўлади. Уларда эриган хлорид ва сул-фат тузлари ер юзида йиғилиб махсус шўр «пўстлоқ» хосил қилади. Суптропик ва тропик зоналарда турли хил нураш конлари хосил қилувчи лотерит профил мавжуддир. Бундай профилларда глинозём билан кремнизём бутунлай парчаланган холда бўлади. Кремнезём жуда кам бўлгани учун бу зоналарнинг асосий минераллари алюминий гидрооксиди (гиббсит) темир оксидлари ва гидрооксидларидан иборат. Бу профилда нураш қобиғига хос ҳамма конлар мавжуддир. Нураш қобиғининг ривожланишида релеф ҳам мухим омил-лардан бири хисобланади. Қояли баланд тоғларда сув турмагани учун физик емирилиш кимёвий процесслардан тезроқ содир бўлади. Бундай жойларда хатто ер юзида ҳам бирламчи сулфит минералларини учратиш мумкин. Шунингдек, текис водийлар ҳам нураш қобиғининг ривожланишига салбий таъсир кўрсатади. Нураш конларини хосил қилувчи кимёвий нурашнинг ривожланиши учун энг қулай ландшафт ўртача тоғлик ва ясси тоғликлардир, чунки бундай жойларда сув сизилиб алмашиниб туради. Туб жинсларнинг таркиби нураш минераллари комплексининг хосил бўлишига катта таъсир кўрсатади. Бунда асосан икки типдаги минераллар комплекси хосил бўлиб, улар ўта асос ва асос жинслар, ҳамда нордон жинслар туркимига хосдир (2-жадвал). Табиатдаги бошқа жинсларнинг нурашидан эса мана шу икки групанинг бирига яқин комплекисда минераллар хосил бўлиши аниқланган.

АДАБИЁТЛАР 1. Бетехтин А.Г., Голиков А.С. Курс месторождения полезных ископаемых. Издательство «Недра», 1964 г. 2. Дорохин И.В., Богачева Е.Н. и др. Месторождения полезных ископаемых и их разведка. Издательство «Недра», 1969 г. 3. Вахромеев С.А., Антипин В.Н. и др. Краткий курс месторождений полезных ископаемых. Издательство «Высшая школа», 1967 г. 4. Смирнов В.И. Геология полезных ископаемых. Издательство «Недра», 1969 г. 5. Татаринов П.М.,Карякин А.Е., и др. курс месторождений твёрдых полезных ископаемых. Издательство «Недра», 1975 г. 6. Геология полезных ископаемых Узбекистана. Издательство «Фан», 1998 г. Ташкент. Университет. 7. Рудные местораждения Узбекистана. Издательство «Фан», 2002 Ташкент. ИМР

Похожие

Эндоген конларнинг ҳосил бўлиш жараёнлари (Магматик пегматит ва карбонатит)

Экзоген жараёнлар ҳақида тушунча. Нураш

Фойдали қазилма конларининг таснифлаш усуллари

Минераллар хакида асосий маълумотлар

Минераллар ҳақида умумий маълумотлар