Ўзбекистонда маданий ва тарихий туризмни ривожланиши ҳусусида - География - Рефераты

Ўзбекистонда маданий ва тарихий туризмни ривожланиши ҳусусида

Загружено в:

15.09.2022

Скачано:

0

Размер:

64.7783203125 KB

Ў збекистонда маданий ва тарихий туризмни ривожланиши ҳусусида Жаҳон мамлакатлари қаторида Ўзбекистон ҳам ўзининг узоқ ва бетакрор бой тарихига эга. Қадим замонлардаёқ Турон замин деб эътироф этилган она Ватанимиз турли тарихий ёзма ва арҳеологик манбаларга кўра Хитой, Ҳиндистон, Эрон, Миср, Рим каби қадимий ва буюк мамлакатлар қаторида муносиб ўринни эгаллаган. Кўхна, маданий ва маънавий ёдгорликларга бой тарихи, қадимий меъморий ҳамда тасвирий санъати жаҳон туристларини ўзига жалб этиб келгани ҳеч кимга сир эмас. Тошкент, Самарқанд, Буҳоро, Шаҳрисабз, Хива ва Ургенч ҳамда республиканинг турли жойларида жойлашган тарихий обидалар, кўҳна ёдгорликлар мамлакатимиз туризмининг асосий пойдевори вазифасини ўтайди. Ватанимиз тарихи ўзбек халқининг жаҳон тарихи ва маданияти ҳазинасига улкан ҳисса қўшган буюк алломаларимиз – Муҳаммад Мусо ал-Хоразмий, Абу Наср Фаробий, Аҳмад ал – Фарғоний, Абу Али ибн Сино, Абу Райҳон Беруний, Муҳаммад ибн Исмоил ал-Буҳорий, Абу Исо ат-Термизий, Баҳоуддин Нақшбанд, Аҳмад Яссавий, Амир Темур, Мирзо Улуғбек, Алишер Навоий, Бобур ва бошқа юзлаб боболаримиз билан фаҳрланса арзийди. Мамлакатимиз Президенти И.Каримов: “Ўзбекистон туризмни ривожлантириш учун улкан имкониятларга эгадир. Самарқанд, Буҳоро, Хива каби ўзбек шаҳарлари бутун дунёга машҳурдир. Республика худудида тўрт мингдан кўпроқ меъморчилик ёдгорликлари бор… Табиат иқлим шароитлари қишин ёзин саёхатчиларни қабул қилиш имкониятини беради” 1 –деб таъкидлаб ўтган эдилар. Бундан келиб чиқадики, Ўзбекистон халқаро туризмни ривожлантириш салоҳиятига ва юқори рақобатбардошликни таъминлашда нисбий устунликларга эга бўлган мамлакатлар қаторига киради. Ўзбекистонда туризмни ривожлантиришда асосан, Ўзбекистон тарихи ва маданияти асосий роль ўйнайди. Чунки, Ўзбекистон тарихи аждодларимизнинг яшаш учун кураш , узлуксиз меҳнат туфайли такомиллашиб бориши ва ҳозирги 1 Каримов И. Ўзбекистон: миллий истиқлол, иқтисод, сиёсат, мафкура. Т. 1. – Т. : Ўзбекистон, 1996. – 252 б.

юксак инсонлар даражасига кўтарилиш жараёнини, динини, ёзуви, илм-фани, урф- одати, адабиёти ва санъатини ёритади. Ватанимиз тарихи ўзбекларнинг халқ, миллат бўлиб шаклланиши жараёнини, аждодларимиз қолдирган бой маънавий меросни, давлатларнинг ташкил топиши ва уларнинг ички ва ташқи сиёсатини ўргатади. Ватанимиз тарихи халқимизнинг маълум бир даврларда бошқа давлатларга қарам бўлиб қолганлигини, аждодларимизнинг ажнабий босқинчиларга қарши мустақиллик ва озодлик учун курашини ва бунда мардлик, жасорат кўрсатган халқ қаҳрамонлари ва давлат арбоблари фаолиятларини кенг ўргатади. Мамлакатимиз Президенти И.Каримов туризм соҳасини ривожлантириш ва унинг имкониятларидан самарали фойдаланиш долзарб вазифалардан бири эканлигини алоҳида таъкидлайдилар: “Туризм содда қилиб айтганда дунёни тушуниб, дунёни англаш, шу билан бирга дунё саҳнасига чиқиши демакдир... Тошкент, Самарқанд, Буҳоро, Марғилон, Шаҳрисабз ва Хива каби шаҳарларимизнинг 2500-3000 йиллик тарихи бор. Бу жуда катта маънавий бойлик, уни сайёҳликни ривожлантириш йўли билан моддий бойликка айлантириш мумкин” 2 . Маданий туризм – бу ўзга халқларни маданияти, тарихи, этнографияси, арҳеологияси, фольклори, ҳаёт тарзи билан қизиқувчи туристларнинг фаолияти тушунилади. Маданий туризм мобайнида инсонларга ўзга халқларнинг маданияти билан янада чуқурроқ танишиш мақсадида маҳаллий театрларга, миллий санъат ва халқ ижодиёти намойиш этиладиган жойларга кўпроқ эътибор берилади. Хаттоки, баъзи бир туристлар маҳаллий аҳоли истиқомат қиладиган уйларга меҳмон сифатида ташриф буюришдан воз кечишмайдики, буни резидентларнинг маданияти билан танишишнинг энг яхши усули деб ҳисоблашади. Тариҳий туризм – бу қадимий одамлардан бизгача етиб келган меҳнат қуроллари, идиш-товоқлари, танга пуллар, ҳарбий қурол-яроқлар, уй-жойлар, қалъалар, шаҳарлар, қабрлар, расмлар, мадрасалар, масжидлар ва моддий тарихий манбалар билан қизиқувчи туристларнинг фаолияти тушунилади. Ўзбекистонда маданий ва тарихий туризмни ривожлантириш имкониятлари катта бўлиб, уларнинг ривожланиши Ўзбекистон халқаро алоқаларни ривожлантиришга ўз ҳиссасини қўшади. Халқаро алоқаларни ривожланиши 2 Каримов И. Бунёдкорлик йўлида. Т. 4. –Т.: Ўзбекистон, 1996. – 282-283 б.

халқимизни бошқа миллатлар билан янада яқинлаштиради, бу эса ўзаро алоқаларни кучайтиради ҳамда ўзаро ҳамкорликнинг ўсишига ва республикамизда туризмни ривожланишига катта замин яратади.

Адабиётлар: 1. Ата-Мирзаев О. , Гентшке В . , Муртазаева Р., Салиев Л., Историко-демографические очерки урбанизация Узбекистана. - Т. : Университет , 2002. 2. Аҳмедов Э. Ўзбекистон шаҳарлари мустақиллик йилларида. - Тошкент , 2002. 3. www.ziyonet.uz

Похожие

Ҳиндистоннинг тарихий маданий ресурслари

Халқаро туризм ва Ўзбекистонда туризмни ривожлантиришнинг баъзи масалалари

Иклим, тарихий-маданий объектлар ва чикинди махсулотлари давлат кадастрларини юритиш

Куйи Амударё минтакасида туризмни ривожлантиришнинг баъзи бир масалалари

Навоий вилоятида туризмни ривожлантиришнинг географик асослари