Эрон тоғлиги - География - Рефераты

Эрон тоғлиги

Загружено в:

20.09.2019

Скачано:

0

Размер:

64.5 KB

Эрон тоғлиги Эрон тоғлиги Олд Осиё тоғликлари орасида майдони жиҳатидан энг каттасидир. Тоғликнинг катта қисми Эронда жойлашган, шарқда Афғонистон ва Покистон территориясига киради, шимолий чеккаси Туркманистон ССР чегарасига, жанубий чеккаси Ироқ чегарасига тўғри келади. Эрон тоғлиги табиий шароити учун тоғ тизмаларининг кенг ясси тоғликлар ва ботиқлар билая алмашиниб келишя, қурғоқчил иқлимнинг ҳукмронлиги ҳамда чала чўл ландшафтларининг устун туриши хосдир. Чеккадаги тоғлар занжири ички ясси тоғликларни соҳилдаги пасттекисликлардан ажратиб туради. Бу пасттекисликларнинг ҳам бир қисми Эрон тоғлиги ўлкасига киради. Чеккадаги тоғ занжирлари шимоли-ғарбда, Арманистон тоғлигида бир- бирлари билан туташади, шимоли-ғарбда, Помирда эса туташиб, қудратли тоғ тугунини ҳосил қилади. Эрон тоғлиги территориясида чеккадаги тоғлар бир-бирларидан узоқлашади, улар оралиғини ботиқлар, плато ҳамда тоғ массивлари эгаллаган. Бунда Эрон тоғлиги Альп-Ҳимолай тоғлари системасига киради. Тоғ ҳосил қилиш жараёнлари бир неча босқичда рўй берган. Бунда энг жадал орогенез кайнозойда чеккадаги тоғларда рўй берган, тоғликнинг ички қисмлари эса альп бурмаланиши давригача нисбатан барқарор массивларга айланиб қолган эди. Неогенда бошланган ва ҳозирги вақтда ҳам давом этаётган умумий кўтарилиш ҳозирги кўринишдаги тоғликнинг пайдо бўлишига олиб келган. Чеккадаги тоғ тизмаларининг кўтарилиши оқибатида ички районлар қуриди ва бу ерда нуроқ жинслар ҳамда туз тўпланадиган бўлди. Тизма тоғлар рельефи учун текисланган юзаларнинг мавжудлиги хосдир. Бу ҳол пенеп-ленлашиш процессларининг бир неча марта такрорланганини ва текисланган юзаларнинг қайтадан парчаланганини кўрсатади. Тоғлар ёнбағирлари қояли ва тик, дарё водийлари ерни чук.ур

ўйнб ккрган; булар яқинда кўтарилиш бўлганлигидан ҳамда эрозия жараёнларининг жадаллашганидан дарак беради. Ички сойларда ва платоларда қуруқ ҳамда континентал иқлим шароитида тоғларнинг нурашидан ҳосил бўлган маҳсулотлар тўпланмоқда. Тоғликнинг кўтарилиши ва парчаланиши вулкан фаолияти билан бирга рўй берган. Тоғликнинг тузилишида вулкан жинслари катта роль ўйнайди, унинг айрим қисмлари рельефида яхши сақланиб қолган сўнган ва сўнаётган вулканлар кўзга ташланиб туради. Каспий денгизининг жанубий соҳили бўйлаб Эльбурс тоғ системаси ёй шаклида кўтарилиб туради. Бу тоғ системаси баландлиги 2000-4000 м бўлган, ёнбағирлари тик, чуқур даралар кесиб ўтган бир-бирига параллел тизмалардан иборат. Тоғларни кесиб ўтган даралар орқали Каспий денгизи соҳилини ўлканинг ички қисмлари билан боғлайдиган йўллар ўтказилган. Эльбурснинг баланд чўққиси Демавенд (5604 м) ҳали тўлиқ сўнмаган вулкандан иборат. Бу вулкан бутун тоғ системасидан 1,5 км дан ортиқроқ баланд кўтарилган бўлиб, қор ҳамда кичикроқ музлар билан қопланган чўққиси кўзга аниқ ташланиб туради. Эльбурс тоғи этагида, бу тоғ билан Каспий денгизи оралиғида жойлашган Жанубий Каспий пасттекислиги океан сатҳидан пастда туради. Унинг кенглиги бир неча км дан дарёлар қуйиладиган ерларда ўнлаб километргача етади. Пасттекисликнинг лагунали соҳилида жойлашган ва Эльбурс тоғидан оқиб тушувчи дарёлар келтирмаларидан ҳосил бўлган қисмлари кучли даражада ботқоқланган. Шимоли-ғарбда, Эрон билан Туркманистон ССР чегараси бўйлаб, Эльбурс тоғлари Туркман-Хуросон тоғлари системасига ўтади. Бу тоғлар системаси яхши ифодаланган бўйлама ботиқлар системаси орқали ажралган икки қатор тоғ тизмаларидан иборат. Туркман-Хуросон тоғларининг шимолий қисми бўлган Копетдоғ тоғлари мезозой ва кайнозой эраларининг бурмаланган жинсларидан тузилган ҳамда деворга ўхшаб жойлашган, баландлиги 2000-3000 м (энг баланд чўққиси Хазормасжид 3117 м). Копетдоғ

тоғларининг каттагина қисми СССРда жойлашган. Атрек ва Кешефруд дарёлари оқувчи Кучанмашҳад водийсини хрсил қилувчи қатор ботиқлар Копетдоғни Туркман-Хуросон тоғларининг жанубий қисмидан ажратиб туради. Туркман-Хуросон тоғларининг жанубий қисми Нишопур тоғлари дейилади. Улар Қопетдоғдан қадимийроқ бўлиб, унга қараганда кўпроқ парчаланган. Бу тоғлар сойликлар ажратиб турган алоҳида-алоҳида массивларга бўлиниб кетган. Энг баланд массиви Кўҳи-Биналуд 3322 м га етади. Эльбурсда ҳам, Туркман-Хуросон тоғларида ҳам тектоник ҳаракатлар давом этяптижуда кучли зилзилалар бўлиб туради. Бундай зилзилалар пайтида қатламлар жойидан сил-жийди, йирик. ёриқлар ҳосил бўлади, ёнбағирлар ўзгаради ва ҳоказо. Копетдоғ ва Нишопур тоғ тизмалари ғарбда Горган пасттекислигига тик тушади. Бу пасттекислик Турманистондаги Қаспиибўйи пасттекислигининг давоми бўлиб, Эрондаги жанубий Каспий пасттекислиги билан туташган. Эрон тоғлигининг шимолий чеккасидаги тоғ занжирларининг Афғонистондаги давоми Паропамиз тоғларидир. Паропамиз тоғларини Туркман-Хуросон тоғларининг жануби-шарқий чеккасидан кўндаланг жойлашган Зулфатор дараси ажратиб туради. Бу дарадан Харируд (Тажан) дарёси оқиб ўтади. Паропамизни шимол томондан қирлар, баъзи жойларда ўрмонлар ўсувчи тоғолди баландлиги ўраган, бу қирлардан бир-бирига параллел жойлашган баланд тоғ тизмалари кўтарилган. Бу параллел тизмаларни Харируд, Мурғоб, Фарахруд ва бошқа дарёларнинг бўйлама водийлари ажратиб туради. Бу водийларда суғориладиган воҳалар жойлашган ва аҳоли тўпланган. Эрон тоғлигининг жанубий чеккасидаги тоғлар Шимоли-ғарбда Загрос тоғларидан иборат. Загрос тоғлари- Курдистон тизмасидан Ормуз бўғозигача давом этади. Шундан кейин Оман қўлтиғи қирғоғи бўйлаб Макрон тоғлари кўтарилган. Заг-рос тоғларининг жанубий қисми Макроннинг ғарбий ярми билан биргаликда кўпинча жанубий Эрон тоғлари деб аталади. Эрон

тоғлигининг Афғонистон ва Покистон территориясидаги шарқий чеккаси Сулаймон тоғларидир. Жанубий чеккадаги тоғларнинг бутун системаси тахминан бир хилда тузилган ва бир хил рельефга эгадир. Тоғлар деярли ҳамма жойда ўртача баландликка (1500-2500 м) эга ва фақат Загрос тоғларининг марказий қисмида (Бахтиёр тоғлари) 4000 м дан баланд. Бу тоғларнинг энг баланд массиви Зардкўҳ 4547 м га етади. Сулаймон тоғларидаги Обашта-Цўкай массиви 3441 м гача етади. Тоғлар параллел тизмалар тарзида мўзилган бўлиб, мезозой ва кайнозой эраларининг бурмаланган жинсларидан тузилган. Бу тизмалар орасида баъзиларининг баландлиги 1500-2000 м бўлган бўйлама кенг ботиқлар жойлашган. Тизмаларни кўндаланг даралар кесиб ўтган. Бу даралар шу даражада тор ва хилватки, улардан ўтиш деярли мумкин эмас. Кўндаланг водийларнинг баъзи бирлари анча кенг ва ўтиш мумкин. Соҳил билан тоғликнинг ички районлари ўртасидаги йўллар ана шундай водийлар орқали ўтади. Оман ва Форс қўлтиқлари бўйлаб тоғлар этагида паст соҳил текислиги жойлашган, уни Загрос ва Макрон тоғларининг тармоқлари айрим қисмларга бўлиб юборган. Кенглиги 40-50 км дан ошмайдиган бу ясси пасттекисликни айрим жойларда ботқоқ босган. Унинг денгиз бўйи қисмларига сув қалқиши таъсир этиб туради. Қирғоқ бўйлаб ҳар ер-ҳар ерда узилиб қоладиган дюналар полосаси чўзилган, пасттвкисликнинг тоғ этаги қисмида конуссимон ёйилмалар рельефни бир оз мураккаблаштиради. Эрон тоғлигининг ички қисми ўртача баландликдаги тоғ массивлари ҳамда чўлдан иборат кенг текислик ва сойликлардан иборат. Булар Эронда лут (чўл) ва кевир (шўрхок)лар деб аталади. Ички қисмидаги тоғ массивлари орасида Ўрта Эрон, Шарқий Эрон ва Паропамиз тоғларига жанубдан туташиб турадиган Ўрта Афғон тоғлари алохлда ажралиб туради. Булар рельефида текисланганлик белгилари ва кенинги кўтарилишлар яққол ифодаланган. Баландликлар 1500 м дан 2500 м гача, лекин айрим тепаликлар бир хил баландликдаги тоғлик устидан 3500 м гача ва ҳатто 4000 м дан ҳам

баланд кўтарилиб туради. Энг баланд тоғ тепаларининг баъзи бирлари сўнган ёки сўнаётган вулканлардир (масалан, жанубдан Шарқий Эрон тоғлари билан ўралган Сархад ясси тоғлигидаги Кўҳи Тефтан). Тоғ массивлари этагида жойлашган текисликлар палеоген даврининг гилли, кўпинча кучли даражада шўр босган ётқизиқларидан тузилган. Баъзи жойларда бу жинслар ўрнида оҳактош ёки қумли ётқизиқлар тарқалган. Баландликлар турлича, 200 м дан 600-800 м гача етади. Энг паст жойларни сув ўтказмайдиган гилли жинслар устидан жойлашган шўр кўллар ёки ботқоқликлар эгаллаган. Эрондаги чўлдан иборат кенг текисликлар-деярли ҳамма жойини шўрхоклар эгаллаган, сув йўқ ва ўсимлик ўсмайдиган Дашти Қевир ҳамда чағир тош ёки қум уюмлари билан қопланган, шунингдек, шўрхоклар билан банд бўлган Дашт Лутдир. Қумлар баландлиги 200 м гача етадиган дюналар ҳосил қилган. Афғонистон территориясида гилли-чағир тошли Дашти Маргоҳ ва қумли Регистон чўллари бор. Эрон тоғлигининг фойдали қазилма конлари кўп, лекин жуда заиф ўрганилган ва кам фойдаланилади. Ўлканинг асосий бойлиги нефть. Унинг жуда катта запаси Эроннинг жануби-ғарбида, Загрос тоғлари этагидаги миоцен ётқизиқларида тўпланган ва шу ерда қазиб чиқарилади. Шимолий Эронда, Қаспий бўйи пасттекислигида ва Эрон Озарбайжонида ҳам нефть конлари борлиги маълум, лекин бу ерлардан нефть қазиб олинмайди. Турли хил тузлар (ош тузи, калий тузи, глаубер тузи) за-паси ҳам катта. Жанубда, Загрос тоғларида туз кембрий даври ётқизиқларида жойлашган ва жуда катта туз гумбазлари кўринишида ер юзасига чиқиб ётади. Туз конлари кўп райоклардаги кайнозой ётқизиқларида ҳам бор, бундан ташқари туз тоғликнинг марказий қисмидаги кўп шўр кўлларнинг қирғоқларида тўпланади. Шимолий чеккадаги тоғларнинг сойликларида тошкўмир бор.

Темир, мис, қўрғошин, рух олтин ва бошқа металл конлари тоғликнинг ички қисмида ҳамда чеккадаги тизма тоғларда бор, лекин булар жуда кам қазиб чиқарилади. Эрон тоғлиги деярли бутунлай субтропик иқлим минтақасида жойлашган. Тоғликнинг жанубий чеккаси тропик яқинида. Тоғликнинг ички қисмлари атрофини тоғлар ўраб туради. Бу омиллар ўлка иқлимининг асосий хусусиятини-қуруқлиги, континенталлиги ва ёзда температуранинг юқори бўлишини белгилайди. Лекин ўлка территориясида каттагина иқлимий тафовутлар кузатилади. Эрон тоғлигида ёғиннинг асосий қисми баҳор ва қишда тушади. ёғин қутбий фронтда ёғади, бу фронт бўйлаб циклонлар билан бирга Атлантика ҳавоси кириб келади. Лекин намнинг анча қисмини тоғ тизмалари тутиб қолганлиги сабабли ёғиннинг умумий миқдори кўп эмас. Ички районларда (Дашти Лут ва бошқа жойларда) йилига 100 мм дан ва ҳатто, 50 мм дан кам ёғин тушади, тоғ ёнбағирларига ғарбда 500 мм гача, шарқда 300 мм гача ёғади. Фақат Каспий денгизи соҳили билан Эльбурс тоғининг шимолий ёнбағри бундан мустасно, бу ерларда 1000 мм дан 200 мм гача ёғин тушади; бу ёғинни ёзда шимолдан, Каспий денгази томонидан эсадиган шамоллар келтиради. Бу ерда ҳаво ҳам жуда сернам бўлади, ҳарорат юқори бўлганлигидан бундай сернамликка маҳаллий аҳоли ҳам жуда қийннчилик билан чидайди. Форс қўлтиғи соҳилида ҳам намлик кўп, лекин бу ерда ёғин кам ёғиб чўл ландшафтн ҳукмронлик қилади. Сулаймон тоғларининг шарқий ёнбағирларида ёзда ёғи келтирувчи экваториал муссонлар таъсир кўрсатади. Июль ойининг ўртача температураси тоғликнинг катта қисмида +24°С атрофида, лекин пасттекисликларда, айниқса жанубдаги пасттекисликларда +30°, +32°С га етади. Тоғлик устадан тропик ҳаво таркиб топиши натижасида ёзда баъзи бир жойларда температура сояда +40°С ва ҳатто +50°С га етади. Қишда областнинг катта қисми анчагина совийди. Фақат Каспиибўйи пасттекислигида ва чекка жйнубда январнинг ўртача температураси 0°С дан юқори Шаспий соҳилида +10°, 4-1 1°С дан, жанубий соҳилида +15°С гача).

Тоғликнинг катта қисмида, шу жумладан тоғ тизмалари ва чуқур сойликларда ҳам январнинг ўртача температураси 0°С га яқин, ундан сал илиқроқ ёки сал салқинроқ бўлади. Шимолдан, Осиё максимуми томондан совуқ ҳаво кириб келганда температура-25°С гача тушиб кетади. Қишда фаол циклон ҳаракати рўй берадиган вақтлар бўлади. Бундай вақтда бутун тоғликда ёки унинг айрим қисмларида кунлар жуда илиб кетиб, тоғларда қор в-а музликлар тез эрийди ва баъзан тошқинларга сабаб бўлади. Деярли бутун тоғликда сув кам, ўлка сув етишмаслигидан доим жабр чекади ва фақат айрим районларгина сув билан етарли миқдорда таъминланган. Тўлин сувли дарёлар фақат шимолда оқиб, Каспий денгизига қуйилади. Эрон тоғлигидаги дарёларнинг кўпи доимий оқимга эга эмас ва фақат ёғингарчилик давридагина ёки камдан-кам ёғадиган кучли жалалардан кейин қисқа вақтда сувга тўлиб оқади. Баъзи бир дарёлар юқори оқимида довмий оқимга эга бўлиб, ўрта ва қуйи оқимида узоқ вақт қуриб ётади. Форс ва Оман қўлтиқларига озгинагина майда дарёлар қуйилади. Булар орасида энг узун дарёКарун (550 км) Форс қўлтиғи ҳавзаоига қарайди. Эрон тоғлиги дарёларининг кўпчилиги, шу жумладан энг катта дарёси-Афғонистондаги Ҳилманд (1000 км дан узун) ҳам ички оқим ҳавзасига қарайди ва ички текисликларнинг саёз шўр кўлларига қуйилади, шўрхокларда, қумлар орасида ёки ботқоқликларда тугайди. Эрон тоғлигининг дарёларида кема қатнамайди, уларнинг энергия манбаи сифатидаги роли ҳам катта эмас. Лекин улардан ерларни суғориш учун кенг фойдаланилади. йирик дарёлар-Ҳарируд, Ҳилманд, Артек ва Кашофруд дарёлари бўйлаб воҳалар жойлашган, уларда анчагина аҳоли яшайди. Дарёлар ва йирик булоқ сувлари тоғлардан текисликка чиққан жойларда вужудға келган воҳалар ҳам кўп. Эрон тоғлигининг деярли барча кўллари океанлар билан туташмаган, саёз, кучли даражада шўрланган ва ёғин миқдорига боғлиқ равишда майдони ҳамда қиёфаси ўзгариб туради. Кўллар атрофи одатда шўрхок ёки

ботқоқликлардан иборат. Баъзи кўллар ёзда қуриб қолиб, кенг шўрхокларга айланади; бошқалари саёзланади ва чуқурлиги 1 м дан ошмайди. Ер усти сувлари аҳоли эҳтиёжини тўлиқ қондира олмайди. Шу сабабли бошқа сув манбаларини қидиришга тўғри келади. Кўп районларда аҳоли сувини қудуқлардан ва коризлардан (горизонтал ер ости йўлаклари бўлиб, буларда сув тўпланади) олади. Ёмғир сувлари ҳам, Арманистон тоғлигидаги каби мах-сус ҳовузларда ёки ер ости цистерналарида кўплаб сақланади. Тупроқлар, табиий ва маданий ўсимликлар хусусиятлари ёғин миқдори ҳамда ёғиш вақтларига боғлиқ. Ўрмонлар айримрайонлардагина тоғларнинг нам шамолларга рўпара ёнбағирларида ўсади. Қалин ва турларга бой кенг баргли ўрмонлар Жанубий Қас-пий пасттекислипнда ҳамда Эльбурс тоғларининг шу пасттекисликка туташган ёнбағрида тахминан 2000 м баландликкача ўсади. Бу ўрмонлардаги дарахтларнинг кўпчилиги қишда баргини тўкади. Қаштан баргли дуб (Quercus costaneifolia) ва дуб, бук, граб, гледичия (Jleditchia cospica) нинг айрим турлари энг кўп тарқалган, темир дарахти (Parrotia persica), шамшод (Buxus sempervirens) Жанубий Каспий бўйи учун эндемик дарахт ҳисобланади. Дўлана, олча, анор буталари дарахт тагида қалин ўсади. Дарахтларга ёввойи ток, чирмовиқ, маймук-жон, ломонос чирмовиқ чирмашиб кетган. Тупроқ қопламида ўрмон қўнғир ва тоғ подзол тупроқлари кўпчиликни ташкил этади. Пасттекисликда, ўрмонлар орасида қиёқ ва қамиш ўсган ботқоқ ерлар бор. Аҳоли пунктлари теварагида боғлар, цитрус плантациялари, сернам районларда шолипоялар жойлашган. Загрос тоғларининг жанубий ёнбағирлари дуб, шумтол, заранг дарахтларига доимий яшил мирта, хандон писта аралашиб ўсадиган сийрак ўрмонлар билан қопланган. Сийрак, паст бўйли писта ва дарахтсимон арча (Juniperus seravshaica) ўрмонлари Эрон тоғлигининг ёғин кўпроқ тушадиган бошқа тиэмаларида, Туркман-Хуросон тоғлари, Сулаймон тоғлари, айниқса шарқда, Паропамиз тоғлари ёнбағирларида ҳам учрайди. Тоғларда ўрмонлардан юқорида бутазорлар ва альп ўтлоқлари жойлашган.

Бироқ ўсимлик қопламида тоғ ксерофитлари, чўл ва қуруқ дашт формациялари кўпчиликни ташкил этади. Тоғ ксерофитлари формацияси турли хил, кўпинча унча баланд бўлмаган ва ёстиқсимон шаклдаги тиканли буталардан иборат бўлади. Бу ўсимликлар орасида ҳаммадан кўп Astragalus турлари, сўнгра Acanthofillum ва бошқалар тарқалган. Тоғ ксерофитлари баъзи жойларда туташ бутазорларни ҳосил қилади, лекин кўпинча буталар бир-биридан узоқда якка-якка ҳолда ўсади. Бутазорлар Эрон тоғлигининг ички қисмларидаги текисликларда ва платоларда, шунингдек, тоғларнинг ёғин кам тушадиган ёнбағирларида ўсади. Одатда тоғ ксерофитлари маълум бир баландлик минтақаси билан боғланган бўлмай, тоғларнинг қуйи қисмларида ҳам, катта абсолют баландликда ҳам учрай беради. Тоғ ксерофит ўсимликлари ўзига хос иқлим шароитига қурғоқчилик, катта буғланиш, температурасининг кескин ўзгариб туришига мослашишга яққол мисол бўлиши мумкин. Гилли чўлларнинг ўсимлик қопламяда шувоқ кўпчиликни ташкил этади, қумли чўлларда саксовулзорлар учрайди. Жанубий соҳилнинг тропик минтақага кирувчи чўлларида Шимолий Африка чўллари ўсимликларига хос бўлган акация, баланд бўйли ғаллагуллилар, чўл йўсини тарқалган. Дарёлар водийлари бўйлаб қамишзор ёки юлғун ва олеандрлардан иборат бутазор тўқайлар жойлашган. Тоғ этакларида, тоғ водийларида ва ички ясси тоғликларнинг баъзи бир ички сойликларида аҳоли зич яшайдиган яшнаб ётган воҳалар атрофдаги чўллар орасида орол шаклида кўзга ташланиб туради. Эрон ва Афғонистоннинг кўп шаҳарлари ҳам йирик воҳаларда жойлашган. Воҳаларда етиштириладиган асосий обикор ўсимликлар шоли, пахта, цитрус ўсимликлар тамаки ва ҳар хил мевалардир. Жанубда хурмо, шакарқамиш етиштирилади. Эрон тоғлиги фуанаси таркибида Ўрта денгиз бўйига хос ҳайвонлар, қўшни Африка ва Жанубий Осиё ҳайвонот дунёси вакиллари бор. Шимолий қисмида Ўрта Осиёнинг баъзи бир ҳайвонлари кириб келади. Ўрмонларда йиртқич ҳайвонлар ва туёқлилар яшайди. Шимолий ўрмонларнинг қўнғир

айиғи ёки елиги билан бирга тропик ўлкаларнинг йиртқич ҳайвонлари- йўлбарс ва қоплонлар учрайди. Ботқоқли бутазорларда тўнғиз яшайди. Қурғоқчил ички текисликларда ва тоғли районларда тоғ эчкилари ва қўйлари, жайрон, чўл ёввойи мушуги, чиябўри, турли хил кемирувчилар бор. Жанубда ва жануби-шарқда ғизол (Jasella dorcas), мангуст (Helpestes mungo) пайдо бўлади. Ўлканинг ҳамма жойида қушлар кўп, учиб келувчи қушлар ҳам, доим ўша ерда яшовчи қушлар ҳам кўп. Дарёлар ва кўллар бўйидаги бутазорлар ҳамда ботқоқликлар қушларга айниқса бой. Бундай ерларда ғоз, ўрдак, балиқчи қуш (чайка), қизил ғоз яшайди. Ўрмонларда тустовуқлар, очиқ чўл ерларда хўжасавдогар, чил, баъзи бир йиртқич қушлар яшайди. Кўпчилик арид (қурғоқчил) районларга ўхшаб Эрон тоғлигида ҳам судралиб юрувчилар ва ҳашаротлар кўп. Чигиртка катта зарар келтиради. Заҳарли ўргимчаксимонларбий, чаёнлар. ва шу кабилар кўп. Ўлкадаги сув ҳавзалари турли хил балиқларга бой.

Похожие

Тибет тоғлиги

Кичик осиё тоғлиги

Шарқий африка тоғлиги

Эрон ёкилги-энергетика саноати шаклланиши ва ривожланиши хусусиятлари

Осиё - шаклланиш тарихи, рельфи, фойдали казилмалари