Amerika Qo`shma Shtatlari - География - Рефераты

Amerika Qo`shma Shtatlari

Загружено в:

20.09.2019

Скачано:

0

Размер:

70 KB

Amerika Qo`shma S h tatlari Reja: 1. Amerika Qo`shma Shtatlari 2. AQSH qishloq xo`jaligi 3. Braziliya Federativ Respublikasi.

AQSH maydoniga ko`ra dunyoda 4- o`rinda turadi (9529 mln km 2 ). U tarkibiga ko`ra 3 qismdan iborat: AQSH ning asosiy qisim, Alyaska, Gavayi orollari. Iqtisodiy geografik o`rni juda qulay. 12 ming km masofada 2 okean orasida joylashganligi, Kanada va Meksika bilan chegaradoshligi va h.k. AQSH ning Karib havzasi (Puerto-Riko, Virgin orollar) va Tinch okeanida (Sharqiy Samoa, Guam) bir qator orollar va vosiylikdagi territoriyalaridan: Marshal, Mikroneziya, Palau kabilar 1990-95 yillari mustaqil davlatlarga aylandi, lekin Mariana orollari hamon vosiy. AQSH ning chekka janubiy subekvatorial, asosiy qismi subtropik, shimoliy qismi mo`tadil iqlim mintaqasida joylashgan. AQSH da barcha foydali qazilmalar uchraydi, ayniqsa toshko`mir, neft, gaz, uran, alyuminiy, mis, oltin va h.k. Aholisi 266 mln (1998 y), 291,5 mln kishi (2003 y) bo`lib, aholi soniga ko`ra dunyoda 3- o`rinda turadi. Tug`ilish koeffisienti 14 ‰, o`lim 9‰ . 15 yoshgacha bo`lganlar jami aholining 21 % ini, 64 yoshdan o`tganlar 13 % ini tashkil etadi. O`rtacha umr 74-80 yosh. 1 ayolga 2 bola to`g`ri keladi. YAMD 34280 $ (2001y).AQSH aholisini asosan Yevropadan ko`chib kelganlar, Afrikadan qul qilib olib kelingan negrlar tashkil etar edi. Hozirda aholisining 95 % ini AQSH da tug`ilganlar tashkil etadi. Hozirda negr aholi 29,2 mln kishini (12%) ispan tilida so`zlashuvchi amerikaliklar 17 mln, indeyeslar esa 1,4 mln kishini tashkil etadi. Davlat tili ingliz tili. Ma`lumki, XVI asrda SHimoliy Amerika Ispaniya, Angliya, Fransiya mustamlakasi edi. XVII asrning 1- yarmida negrlar keltirilgan. AQSH – rasmiy jihatidan 1776-yil Angliyaning 13 mustamlakasini birlashishidan tashkil topgan. AQSH da 50 ta shtat va 1ta federal okrug (Kolumbiya) dan tashkil topdi. Aholisining o`rtacha zichligi 1 km 2 ga 30 kishi. AQSH uchun shahar aglomerasiyalari xos xususiyat bo`lib, hozirda AQSH da 7 ta millioner shahar va 40 ta millioner aglomerasiyalar mavjud. Ularda AQSH aholisining yarmi yashaydi. AQSH uchun megopolislar xosdir. Davlat tuzumiga ko`ra – AQSH federativ respublika. Ikkinchi jahon urushidan keyin 1990 – yillargacha AQSH

dunyoda militarizmning markazlaridan biri bo`lgan va bir qator harbiy-siyosiy bloklarga bosh bo`lgan. Masalan, NATO, SEATO, ANZYUS, SENTO. AQSH da qonun chiqaruvchi organ – AQSH kongresi, kongres vakillar palatasi va senatdan iborat. Siyosiy partiyalari: 1. Respublikachilar partiyasi. 2. Demokratik partiya. 3. Kommunistik partiya. AQSH XIX asrning oxiridayoq sanoat mahsulotining hajmi bo`yicha Buyuk Britaniyadan o`zib ketib dunyoda birinchi o`ringa chiqib oldi va hamon birinchi o`rinda. AQSH sanoatning deyarli barcha sohalari bo`yicha dunyoda etakchi, ayniqsa aviaraketa – kosmos, hisoblash texnikasi, harbiy, AES lar quvvati va h.k. AQSH sanoati yuksak darajasi, ishlab chiqarish va xududiy konsenrasiyasi (to`planganligi) bilan ajralib turadi. Masalan, Michigan (avto), Kaliforniya (kosmos), Texas (kimyo), Arizona (makka) va h.k. AQSH da barcha sanoat tarmoqlari mavjud, lekin AQSH sanoatini avvalo avtomobilsozlik, aviaraketa- kosmos, elektrotexnika va neft sanoati belgilaydi. AQSH qishloq xo`jaligi ishlab chiqarishning hajmiga ko`ra dunyoda etakchi. Masalan: g`alla yalpi hosilining 1/3 qismi, g`alla eksportining yarmiga yaqini AQSH ga to`g`ri keladi. AQSH barcha transport turlarining rivojlanganlik darajasiga ko`ra ham jahonda etakchi. Uning xarakterli hususiyatlari – transportning barcha turlarini rivojlanganligi, yuk va yo`lovchi tashish hajmining kattaligi, yuklarning uzoq masofaga tashilishi, avtotranspotning alohida mavqega ega ekanligi. Masalan: 90- yillarda mamlakatda avtomobillar avtoparklarda 200 mln ga etdi. AQSH xo`jaligining xozirgi geografik qiyofasi uchun iqtisodining asosan okean bo`yi va ko`lbo`yida to`planganligi xosdir. Misol: uch megopolis mamlakat jami sanoat mahsulotining 60 % ini beradi. Mamlakat xo`jaligining rivojlanishiga tabiiy resurslar xam katta ta`sir etadi. Misol: rivojlangan davlatlar orasida AQSH ko`mir, neft, tabiiy gaz, uran, temir, marganes, oltingugurt, fosforit va gidroenergiya zapaslari jihatidan 1- o`rinda.

AQSH dehqonchiligida asosiy donli ekinlar 1- navbatda bug`doy ekiladi. Bug`doy jami ekin maydonining 2/3 qismiga ekiladi. Bundan tashqari makkajo`xori, oqjo`xori, soya, qand lavlagi, shakar qamish, sabzavot va mevalar muhim o`rin tutadi. AQSH chorvachiligidagi etakchi yo`nalishlar: sut-go`sht uchun qoramol, cho`chqachilik, parrandachilik (broyler) keng tarqalgan. 1994-yil AQSH da 101 mln qoramol (3-o`rin), 54 mln cho`chqa, 10,4 mln qo`y bor edi. AQSH qishloq xo`jaligida yiliga 300 mln t. dan ortiq boshoqli va dukkakli don (1986-yil 31,7 mln t) etishtiriladi. Shu jumladan 1986 –yil 56,8 mln t. bug`doy (O`zbekistonda yiliga 4,5-5 mln t.) 3,7 mln t. paxta tolasi etishtirilgan. (O`zbekistonda don mustaqilligini ta`minlash uchun 6 mln t.bug`doy kerak). AQSH da transport tarmoqlarining asosini kenglik va meridional yo`nalishdagi transkontinental magistrallar tashkil etadi. Temir yo`llarining umumiy uzunligi 245 000 km, avtoyo`llar esa 5 mln km. AQSHda tashiladigan jami yukning 18,2 % i dengiz transportida, 25,4 % i avtomobil transportida, 30,3 % i temir yo`l transportida, 16,5 % i quvur transportida, 9,3 % i ichki suv transportida, 0,3 % i havo transportida tashiladi. AQSHda tashiladigan jami yo`lovchining 88,2 % i avtomobil transportida, 0,3 % i temir yo`l transportida, 11,3% i havo transportida, 0,2 % i boshqa transport turlarida tashiladi. AQSH 1990 yil yiliga 365 mln t neft (dunyoda 2-o`rinda) qazib olgan bo`lsa, 400 mln t. chetdan sotib oldi (sotib olish bo`yicha dunyoda 2- o`rinda Yaponiya 160 mln t.). 90-yillari AQSH 500 mln m 3 qazib olgan (dunyoda 2-o`rinda) lekin sotib olishda 1- o`rinda. 860 mln t. ko`mir qazib olgan (dunyoda 2-o`rinda) va chetga sotgan. 55 mln t. temir qazib olgan va chetdan sotib olish hisobiga 98 mln t. (2001 y) po`lat eritgan (2-o`rinda). Asosiy eksporti: “kapital”, mashina va jihozlar, g`alla, ko`mir, sanoat mahsulotlari, to`qimachilik mahsulotlari, oziq-ovqat, qurol-yaroq, qishloq xo`jaligi texnikalari, samolyotlar (Boing), kemalar, sholi, paxta tolasi, tamaki. Asosiy importi : neft, tabiiy gaz, temir, shakarqamish, tabiiy kauchuk.

Braziliya Federativ Respublikasi. Braziliya nafaqat Janubiy Amerikadagi balki yer sharidagi eng ulkan tropik mamlakat. U maydonining kattaligiga (8557 ming km 2 ) ko`ra ham, aholisining soniga (187 mln 2006 y) ko`ra ham dunyoda 5- o`rinda turadi. Braziliya Janubiy Amerika materigining sharqiy va markaziy qismini egallagan. Braziliya Janubiy Amerika materigi maydonining 47 % ini o`z ichiga olgan bo`lib, quruqlik orqali materikning 10 davlati bilan chegaradosh. Iqtisodiy geografik o`rnining qulayligi: – dengiz bo`yida joylashganligi; – Janubiy Amerikaning barcha davlatlari bilan chegaradoshligi (Ekvador, Chilidan tashqari.) – AQSH ga yaqinligi, Venesuella va Argentina bilan chegaradoshligi. Braziliya hududida 50 dan ortiq mineral resurslar uchraydi. Ulardan masalan; temir rudasi qazib olish bo`yicha dunyoda 1-o`rinda (yiliga 160 mln t.). Marganes qazib olishda 5-o`rinda Xrom qazib olishda 8- o`rinda Boksit qazib olishda 5- o`rinda turadi. Ulardan tashqari uran, qalayi, nikel, olmos kabilarni qazib olishda dunyoda yuqori o`rinlarda turadi. Mamlakat xududi ekvatorial, subekvatorial va tropik iqlim mintaqalarida joylashgan. Iqlimi sernam bo`lganligi uchun mamlakatda o`rmonlar (selva, kampos, kaatinga) katta maydonlarni egallagan. Amazoniya o`rmonlarida 25 000 dan ortiq o`simlik turi uchraydi, shundan 4000 turi daraxtlardir. Bu o`rmonlar hayvonot dunyosiga ham boy. Braziliya hududining 2/3 qismini o`rmonlar egallagan. Mamlakat jahonda suv resurslari, agroiqlim resurslari bilan ta`minlanganlik darajasiga ko`ra dunyoda oldingi o`rinlarda turadi. Bularning hammasi Braziliyani ulkan iqtisodiy salohiyatga ega ekanligini ko`rsatib turadi. Aholisi. Mamlakat aholisi demografik portlashda. Aholisi 176,5 mln (2003y), 187 mln (2006 y) kishi. Tug`ilish koeffisienti 20 ‰, o`lim 7 ‰ . 15 yoshgacha bo`lganlar jami aholining 30 % ini, 64 yoshdan o`tganlar 6 % ini tashkil etadi. O`rtacha umr 65-73 yosh. 1 ayolga 2,2 bola to`g`ri keladi. YAMD 7070 $

(2001y). Aholisining o`rtacha zichligi 1 km 2 ga 21 kishi. Aholisining 90% i mamlakat hududining 2/5 qismida yashaydi, ya`ni mamlakatning janubi-sharqida okean sohillarida yashaydi. Mamlakatning ichki, g`arbiy rayonlarida (Amazoniyada) butun aholining 5 % i yashaydi. Aholining bunday notekis joylashganligiga avvalo tarixiy va iqtisodiy sabablar ta`sir etgan. Aholi Braziliyada yiliga 1,7 % ga o`smoqda. Aholisining etnik tarkibi (80 dan ortiq millat va elat) juda murakkab. Yevropaliklarning ajdodlari (portugal, ispan, italyan, nemis) mamlakat aholisining 55 % ini, oraliq emigrant guruhlar (metis, mulat, sambo) 38 % ini, negrlar esa 6 % ini tashkil etadi. Tub joy aholisi Amazoniyada, negrlar esa mamlakatning shimoli-sharqiy rayonlarida ko`p tarqalgan. Braziliyani 1500-1501 yillar portugal sayyohi Pedru Kobral kashf etgan. O`sha davrdan boshlab Braziliyaga evropaliklar ko`chib kela boshlagan. Urbanizasiya darajasi 80 %. Millioner shaharlari 11 ta: San-Paulu (9,4 mln kishi), Rio-de-Janeyro (5,5 mln kishi), Salvador, Belu-Orizonti, Resifi, Portu- Algeri, Brazilia, Kuritiba, Belen, Manaus, Fortaleza. Agar shahar aglomerasiyalarini qo`shib hisoblasak, San-Pauluda 26 mln, Rio-de- Janeyroda 19 mln ikshi. Aholisining 89 %i katolik, qolganlari: iuda, protestant. Davlat tili portugal tili. Braziliya federativ respublika bo`lib, u 26 shtat va 1 ta poytaxt federal okrugidan tashkil topgan. Qonun chiqaruvchi organi – Milliy Kongress. Asosiy siyosiy partiyalari : 1.Sosial – Demokratlar partiyasi 2. Demokratik harakatdagi partiya 3. Mehnatkashlar partiyasi 4. Liberal front partiyasi 5. Milliy tiklanish partiyasi. Braziliya 1500-yildan XIX asrgacha Portugaliya mustamlakasi bo`lib kelgan. 1888- yil qullik bekor qilingan. 1891-yil Braziliya qo`shma shtatlari tashkil topdi. Braziliya ADT (OAG) BMT, LAIX, LAES va Amazoniya paktiga a`zo.

Sanoati . braziliya sanoati ishlab chiqarish xajmiga ko`ra dunyoda 1-o`nlik mamlakatlari qatoriga kiradi. U rivojlanayotgan mamlakatlarning eng etakchisi, peshqadami, nihoyat tayanchidir. Braziliya industrial- agrar mamlakatdir. Eng rivojlangan sanoat tarmoqlari: avtomobilsozlik (yiliga 1 mln avto ishlab chiqaradi); samolyotsozlik (“Embraer”dunyo bo`yicha 17% 3-o`rin); EHM, mikro va mini kompyuterlar (dunyoda AQSH, Yaponiya va Germaniyadan keyin 4- o`rinda); Qora metallurgiya (yiliga 26 mln t. dunyo bo`yicha 7- o`rin); Ximiya sanoati (yiliga 30 mln t. neft qazib oladi, chetdan 100 mln t. keltiradi.); kemasozlik, aerokosmika, o`rmon, engil sanoat tarmoqlari rivojlangan. Oziq-ovqat sanoati tarmoqlaridan: kofe sanoati, qand-shakar sanoati, konditer, sitrus, kakao, soya yog`i olish, tamaki sanoati kabilar. Braziliyada yirik harbiy sanoat barpo etilgan. Hozirda fantalab sanoat tarmoqlari tez rivojlanmoqda. Dunyodagi eng yirik GES lar (Chitayku, Tukurui, Ksinda) shu mamlakatda qurilgan. Braziliyada qishloq xo`jaligi yuksak rivojlangan bo`lib, qishloq xo`jalik mahsulotlarini eksport qilish xajmi bo`yicha u dunyoda 3- o`rinni egallaydi. Braziliya dunyoda shakarqamish etishtirish bo`yicha (yiliga 250 mln t.), kofe etishtirish bo`yicha, banan etishtirish bo`yicha 1-o`rinda, soya va apelsin etishtirish bo`yicha AQSH dan keyin 2- o`rinda turadi. Paxta tolasi etishtirish bo`yicha Braziliya dunyoda 6- o`rinda (yiliga 800 ming t.) turadi. Sholi etishtirish bo`yicha esa butun Amerika qit`asida 1- o`rinda (yiliga 10 mln t.) turadi. Braziliyada chorvachilik ham yaxshi rivojlangan. Mamlakatda 125 mln qoramol, 32 mln cho`chqa, 28 mln qo`y va echkilar bor. Mamlakatdagi qishloq xo`jaligi erlarining 80% i latifundistlar qo`lida. Braziliyada aholi va xo`jalikning joylashuvida okean bo`yi tipi yaqqol ko`zga tashlanadi. Eni 300-350 km li okean bo`yi mintaqasida, ya`ni tashqi Braziliyada butun mamlakat ishlab chiqarishi va aholisining 90% i to`plangan. Mamlakatning sanoat uchburchagi hisoblangan San-Paulu , Rio- de- Janeyro va Belu-Orizonti shaharlari tashqi Braziliyada joylashgan.

San-Paulu shahri Braziliyaning iqtisodiy poytaxti bo`lib, Lotin Amerikasining qolaversa, butun Janubiy yarim sharning bosh sanoat rayonidir. “Osmono`par binolar” ko`pligi uchun uni “Lotin Amerikasining Nyu -Yorki” deb atashadi. San- Paulu XIX asrning o`rtalarigacha kichkina viloyat markazi bo`lgan, so`ngra Yevropa va Yaponiyaliklarning ommaviy ko`chib kelishi natijasida shahar juda tez o`sdi. Rio-de-Janeyro mamlakatning eng yirik port, bankir va turizm shaharidir. U 1960-yilgacha mamlakat poytaxti bo`lib kelgan. Shaharda Isus Xristosning 40 metrli haykali va dunyodagi eng katta “Mrakana” futbol stadioni joylashgan. XX asrning 2-yarmidan boshlab Braziliyada Amazoniyani o`zlashtirishga qaratilgan regional siyosat yuritilinmoqda. Mazkur siyosat bo`yicha mamlakat poytaxti Rio- de –Janeyrodan Braziliaga ko`chirildi va Transamazoniya avtomobil yo`li (5,5 ming km) qurilib ishga tushirildi. Transporti. Asosiy transporti avtotransport bo`lib, mamlakatda avtoyo`llarning umumiy uzunligi 1,3 mln km ga teng. Temir yo`llarining umumiy uzunligi 30 ming km. Dengiz transporti yaxshi rivojlangan. Eng yirik dengie portlari: Rio-de- Janeyro, Santus, Itaki, ular universal portlar. Eng yirik ruda eksport qiluvchi porti – Tubaran. Bulardan tashqari: Forta- Leza, Salvador, Port – Alegri kabilar mavjud. Asosiy eksporti: po`lat, temir, alyuminiy, qalayi, transport jihozlari, kofe, soya, apelsin, shakar, tamaki, teri, go`sht, to`qimachilik buyumlari. Asosiy importi: mashina va jihozlar, neft, ko`mir, mineral o`g`itlar, bug`doy, oziq-ovqat, ximiya sanoati mahsulotlari. Asosiy savdo sheriklari: AQSH, Lotin Amerikasi davlatlari, EI (ES), Osiyo davlatlari. Pul birligi – real.

Foydalanilgan adabiyotlar 1. Karimov I.A. “O`zbekiston XXI asr bo`sag`asida, xavfsizlikka taxdid, barqarorlik shartlari va taraqqiyot kafolatlari” Toshkent. 1997 y. 2. Atlas “Ekonomicheskaya i sosialnaya geografiya mira” M. 2006 “Drafa” 3. Atlas “Ekonomicheskaya i sosialnaya geografiya mira” M. 2005 “Ast- Press shkola” 4. Atlas “Ekonomicheskaya i sosialnaya geografiya mira” M. 2000“Ast- Press” 5. “Atlas mira” Stran ы mira v kartax i sifrax. M. “Ast-Press” 2000 g. 6. Ahmedov B. Lotin Amerikasi. T.O`z dav nashr. 1963. 7. Arab mamlakatlari. Spr. O`zb. T. 1965. 8. V.V.Volskiy va b. Ekonimicheskaya geografiya kapitalisticheskix i razvivayushixsya stran. 2-chiqar. M. MGU. 1986-y. 9. “Geografiya: stran ы i narod ы ” Rossiya. g. Smolensk: “Rusich” 2000 g. 10. Internet ma`lumotlari “Osnovn ы ye demograficheskiye pokozateli po vsem stranom mira v 2007 godu” Razdel I - II 11. Jahon mamlakatlari. Spravochnik. T.O`zbekiston. 1990 y. 82 ta avtor. 12. WWW.ZIYONET.UZ

Похожие

Amerika Qo'shma Shtatlari ( AQSH )

Meksika ( Meksika Qo'shma Shtatlari )

Shimoliy Amerika

Amerika qo’shma shtatlar

AQSH davlat ramzlari AQSH ta'lim tizimi