Номустақил газ разряди - Физика - Рефераты

Номустақил газ разряди

Загружено в:

20.09.2019

Скачано:

0

Размер:

112.3681640625 KB

Номустақил газ разряди Режа: 1. Мустақил газ разряди 2. Милтиллама разряд 3. Нормал ва катта босимларда мустақил разряд

Номустақил газ разряди Газ орқали элетр токининг ўтишига газда электр разряди ёки газ разряди деб аталади. Агар газнинг электр ўтказувчанлиги ташқи ионлаш манбаи таъсири хисобига содир этилса ва ушлаб турилса, бу ҳолда бўлаётган газдаги электр разряди номустақил газ разряди дейилади. Ташқи ионизатор таъсири тўхтаган заҳоти номустақил разряд тўхтайди. 20.4-расм. 20.5-расм. 20.4-расмда газ билан тўлдирилган М шиша найдаги номустақил газ разрядининг волт-ампер характеристикасини, яъни I ток кучининг найга кавшарланган А ва К электродлар орасидаги U кучланишга (потенциаллар айирмасига) боғланишини ўрганишга мўлжалланган қурилманинг схемаси келтирилган. Кучланиш Р потенциометр билан ўзгартирилади ва V волpтметр билан ўлчанади. Сезгир G галpванометр ток кучини ўлчашга хизмат қилади. R рентген найидан (бу пайнинг электр таҳминлаш занжири расмда кўрсатилмаган) чиқаётган рентген нурлари билан газ ионлаштирилади. Тажриба ўтказилаётган вақтда М найдаги газнинг ионланиш интенсивлиги ўзгармайди. Ўлчаш натижалари 20.5-расмда тасвирланган графикда келтирилган. Унча катта бўлмаган U кучланиш қийматларида I ток кучи U кучланишга пропорционал (1 соҳа). Агар, номустақил газ разрядини электролитлардаги токка ўхшашлиги ҳисобга олинса, буни тушиниш осон: уларнинг иккиаласи ҳам ионларнинг тартибли ҳаракати билан амалга ошади (ионлашган газдаги эркин электронларга энг содда манфий ионлар деб қараш мумкин). Демак, бу

ҳолда разряддаги ⃗j ток зичлиги учун (20.13  ) ифодани ишлатиш мумкин. Одатда газ ионлашганда электрон ва бир валентли мусбат ионлар ҳосил бўлади. Шунинг учун q + = e ва n 0+ = n 0 , бу ерда n 0 ни газ бирлик ҳажмидаги ион жуфтларининг сони деб қабул қилиш мумкин. У ҳолда (20.13  ) га биноан ⃗j = en 0+ (  + +  - ) ⃗E (20.21) Тажрибаларнинг кўрсатишича, босимнинг кенг оралиғида газ ионларининг ҳаракатчанлиги босимга тескари пропорционал ва ⃗E майдон кучлнаганлигининг унча катта бўлмаган қийматларида ⃗E га боғлиқ эмас. Шундай қилиб, ⃗E нинг унча катта бўлмаган қийматларида газдаги номустақил разряд Ом қонунига бўй сунади. Электродлар орасидаги бундан кейинги U кучланишнинг қийматларида I ток кучи ва U орасидаги чизиқли боғланиш бузилади (2 соҳа) - U га нисбатан ток кучи секинроқ ўсади. Бу қонуният номустақил газ разрядининг электролитлардаги электр токидан қуйидаги муҳим фарқи билан боғлиқ – электролитнинг ўтказувчанлигидан иштирок этадиган ва электродларда нейтраллашадиган ионларнинг камайиши электролит ҳажмида янги молекулаларнинг диссоциацияланиши ҳисобига узликсиз тўлдирилиб туради. Шунинг учун электролит бирлик ҳажмидаги ион жуфтларининг n 0 концентрацияси ток зичлигига боғлиқ эмас ва ўзгармай қолади. Номустақил газ разрядида газдаги ионларнинг тўлдирилиши тўласича ташқи ионлаштирувчи манбаанинг қувватига боғлиқ. Шунинг учун n 0 = cоnst ва ток кучи ва зичлигининг фақат кичик қийматларида, яъни Е ва U ларнинг кичик қийматларида j Е га пропорционал (i мос равишда U га пропорционал). Е нинг кейинги ортишида n концентрациянинг камайиши Ом қонунининг 2 соҳада бузилишига олиб келади. Кучланишнинг бирон U Т қийматидан бошлаб, кучланишнинг янада ўсишига қарамасдан номустақил разрядда ток кучи ўзгармай қолади (3 соҳа). Бу ҳодиса, газда пайдо бўлган ҳамма ионлар электродларгача бўлган йўлда нейтрал молекулаларга қўшилишга улгурмай қолиши ва ҳамма ионлар

электродларга етиб бориши билан тушунтирилади. Газ разрядининг ток кучи, ташқи ионлаштириш манбааси билан белгиланадиган, берилган ионланиш интенсивлигида мумкин бўлган энг катта қийматига эришади. Бу токни I T тўйиниш токи дейилади. Агар ташқи ионизатор таъсирида 1 секундда ҳосил бўладиган бир валентли ион жуфтларининг сони n 0 бўлса, у ҳолда тўйиниш токи I n = en сек . (20.22) Электродлар орасидаги кучланиш янада ўсса ток кучи кескин ўсиб кета бошлайди (4-соҳа). Газда зарбали ионлашишнинг пайдо бўлиши ва эркин заряд ташувчилар сонининг кескин ортиши билан боғлиқ, бу ходиса § 20.5 да кўрилади. Мустақил газ разряди Ташқи ионизатор таҳcири тўхтатилгандан кейин ҳам сақланадиган газдаги электр разрядни мустақил газ разряди дейилади. Уни рўёбга чиқариш учун газдаги разряднинг ўзида узлуксиз ток ташувчилар ҳосил бўлиши керак. Уларнинг пайдо бўлишининг асосий манбааи газ молекулаларининг зарбали ионланиши бўлади. М газ разряди найининг электродлари орасидаги U кучланишнинг газ ўтказувчанлигига ва газ разряди пайтида содир бўладиган жараёнларга таъсирини кўриб чиқамиз. Агар U етарлича катта бўлса, ташқи R ионизатор таъсирида пайдо бўлган электронлар, электр майдонида шунчалар тезлашадики, газ молекулалари билан тўқнашганда уларни ионлаштиради. Бунда иккиламчи электрон ва ионлар ҳосил бўлади. Иккиламчи электронлар ҳам электр майдонида тезлашадилар ва ўз навбатида янги газ молекулаларини ионлаштирадилар. Шу тарзда газдаги ток ташувчиларнинг сони ва унинг ўтказувчанлиги кескин ортади. 4-соҳанинг бошланишида токнинг кескин ортишининг сабаби шундан иборат. Аммо фақат электронлар билангина амалга оширилаётган зарбали ионлаштириш, ташқи ионизатор тўхтатилгандан сўнг разрядни ушлаб туришга етарли эмас, яъни мустақил разрядни амалга ошира олмайди. Аслида газ разряд найининг электр

майдонида ҳир бир электрон катоддан анод томонга ҳаракатланади. Шунинг учун у фақат ўзига яқин жойда ётган молекуларни ионлаштира олиши мумкин. Бошқача айтганда мусбат ионларнинг энергияси газ молекулаларини зарбали ионлаштириш ёки газ разряди найининг металл катодидан электронларнинг уриб чиқариш учун етарли бўлмаса, катод яқинида эркин электронлар фақат ташқи ионизатор таъсири туфайлигина пайдо бўлиши мумкин. Ионизаторнинг таъсири қўққис тўхтатилса, электронлар билан газни зарбали ионлаштириш соҳаси, электронларнинг анод томонга ҳаракати бўйлаб, анодга тортилиб қисқаради, яъни газнинг зарбали ионлашиши ва ундаги электр разраяд тезда бутунлай тўхтайди. Агар U кучланиш нақадар катта бўлиб, мусбат ионлар ҳам иккиламчи электронларни вужудга келтира олиш қобилиятига эга бўлиб қолса, мутлақо бошқа манзара кузатилади*. Бу ҳолда газ ҳажмининг ҳамма жойида пайдо бўладиган электрон ва мусбат ионларнинг икки томонлама шиддатли қуюни ҳосил бўлади. Энди газ разрядини амалга оширишда ташқи ионизатор амалда ҳеч қандай ролp ўйнамайди, чунки у ҳосил қилаётган бирламчи электронларнинг сони, юқорида кўрсатилган жараёнлар туфайли пайдо бўлаётган иккитамчи электрон ва ионларнинг сонига нисбатан, ниҳоятда кам. Шунинг учун ташқи ионизатор таъсирининг тўхташи газ разрядининг боришига ҳеч қандай таъсир кўрсатмайди. Шундай қилиб, газ разряд найи электродларининг орасида етарлича катта кучланиш бўлганда, номустақил разряд мустақил разрядга ўтиши мумкин. Бу ўтишни газнинг электр тешилиши дейилади. Унга мос U кучланишни эса, ёқиш кучланиши ёки тешилиш кучланиши дейилади. Айтилганлардан кўриниб турибдики, газда электр тешилиши содир бўлиши учун унда, «тутантириқ» ролини ўйнашга қодир бўлган оз миқдорда бошланғич эркин заряд ташувчилар бўлиши лозим. Аммо бунинг учун ташқи ионизаторларни қўллаш шарт эмас (масалан, рентген 1 нурларини), чунки 1 * Тажрибаларнинг кщрсатишича кщпчилик ҳолларда катоддан элетронни уриб чиыариш учун мусбат ион, газ молекуласини зарбали ионлаштиришга нисбатан кам иш бажариши керак. Шунинг учун,

табиий шароитда газ ҳардоим, унинг молекулаларининг озроқ қисмини ионлаштириб турувчи, космик нурларнинг ва Ер радиоактив нурларининг таъсирида бўлади. Биз разрядда озми-кўпми муҳим ролp ўйнайдиган қатор жараёнларни ҳисобга олмасдан мустақил газ разрядининг пайдо бўлиши ва давом этишини соддалаштирилган манзарасини кўриб чиқдик. Улардан айримларини кўрсатиб ўтамиз. Молекулаларни ионлаштиришга етарли энергияга эга бўлмаган электрон ва молекулалар газ молекулалари билан тўқнашиб уларни қўзғалган ҳолатга ўтказиши мумкин. Нормал ҳолатга қайтганда молекулалар ёруғлик нурлайди. Мусбат ионлар электронлар билан рекомбинациялашганда ҳам ёруғлик нурланиши содир бўлади (рекомбинация чақнаши). Ёруғлик газ разряди найининг катодига тушиб фотоэлектрон эмиссия содир этиши мумкин. Бундан ташқари, мусбат ионлар билан катод интенсив бонбардимон қилинганда катод жуда қаттиқ қизиши мумикн ва катоддан термоэлектрон эмиссия муҳим ролp ўйнай бошлайди (масалан, ёй разрядида айнан шундай бўлади). Тажрибаларнинг кўрсатишича, бир-бирига параллел ясси электродли газ разряд найида, U ё ёқиш кучланиши катод материалининг кимёвий табиатига ва Р газ босимини най электродлари орасидаги d масофага кўпайтмасига боғлиқ. Газ молекулаларининг ионланиш потенциали ва катоддан электронларнинг чиқиш иши қанчалар кам бўлса, бошқа шароитлар бир хил бўлганди, ёқиш кучланиши шунчалар кам бўлади. 20.6-расмда кўрсатилган U ё нинг боғланиши анча мураккаб кўринишига эга. Уни қуйидаги тарзда тушунтириш мумкин. Ёқиш кучланишининг газ босими ва электродлар орасидаги масофага боғланиши мустақил газ разраяди пайдо бўлишининг иккита шарти билан аниқланади: биринчидан, электр майдон таъсирида электрон тўплаган энергия газ молекулаларини зарбали ионлашга, ионлар мусбат ионлар таoсирида иккиламчи электронларнинг пайдо бщлишига, газ разряди найи катодидан электронларни уриб чиыарилиши асосий сабаб бщлади.

тўплаган энергия эса катоддан электронларни уриб чиқаришга етарли бўлиши керак; иккинчидан, газ молекулалари билан электронларнинг ноэластик тўқнашиш эҳтимоллиги нисбатан катта бўлиши керак, чунки акс ҳолда газдаги ток ташувчилар сони ва унинг ўтказувчанлиги кам бўлади. Электр майдони электрон ва мусбат ионларни, улар газ молекулалари билан кетма-кет иккита тўқнашувлари оралиғида, эркин чопган пайтларида тезлатади. Газ босимининг ортиши билан электрон ва ионларнинг ўртача эркин чопиш масофаси камаяди. Шунинг учун уларга керакли энергияни бериш учун майдон кучланганлигини орттириш керак, яъни d ўзгармас бўлганда газ разряди найининг электродлари орасидаги кучланишни орттириш керак. Шу сабабли рd<(рd) 0 да рd ортиши билан ёқиш кучланиши ортади (20.6-расм). рd>(рd) 0 соҳада эса ҳал қилувчи ролни иккинчи шарт ўйнайди. Кичик р ёки d ларда газ молекулалари билан электронларнинг тўқнашиш эҳтимоллиги, рd нинг катта қийматларидагига нисбатан анча кичик. Шунинг учун мумкин қадар бу тўқнашувларнинг кўпчилиги ноэластик бўлиши керак, бошқача айтганда рd нинг кичик қийматлари соҳасида газ босими камайиши билан электр майдон кучланганлигини ортириш керак. Шу сабабли рd<(рd) 0 да рd нинг камайиши билан U ё ортади. Ёқиш кучланиши газдаги аралашмаларнинг миқдорига маълум даражада боғлиқ. 5. Газларда мустақил разряднинг, ҳам ташқи кўриниши билан, ҳам пайдо бўлиши ва боришининг физик жараёнларини характери билан фарқланувчи бир неча турлари мавжуд. Уларга милтиллама, тож, учқун, ёй ва бошқа разрядлар киради. 20.6- расм.

Милтиллама разряд Милтиллама разряд, одатда газларда бир неча килопаскал ва ундан кам паст босимларда кузатиладиган газлардаги стационар мустақил разряд турларидан биридир. У совуқ катодли разряд найларида содир бўлади ва катодда ток зичлигининг кичиклиги ва катод яқинидаги разряд соҳасида потенциалнинг катта (бир неча юз волpт) тушиши билан ажралиб туради. 20.7-расмда милтиллама разрядли най тасвирланган ва унинг ўқи бўйлаб  потенциал тақсимоти кўрсатилган. Милтиллама разряднинг асосий қисмлари: катод қоронғи фазоси ( I - соҳа), ундан кескин ажралган манфий ёки милтиллама шуҳлаланиш (II - cоҳа), у кейинги Фарадей қоронғилиги фазосига (III - соҳа) узлуксиз ўтади. Бу учта соҳа разрядни катод қисмини ташкил этади. Ундан кейин, мусбат устун деб аталган ва разряднинг оптик хоссаларини белгиловчи, унинг ёруғлик чиқарувчи асосий қисми келади. Милтиллама разрядни ушлаб туришда асосий ролни унинг катод қисмидаги биринчи иккита соҳалари ўйнайди. Катод яқинида потенциалнинг кескин тушиши, катодга ҳаркатланаётган ионларнинг тезлигини нисбатан кичиклиги, I ва II соҳалар чегарасида мусбат ионлар концентрациясининг катталиги билан боғлиқ. Катод қоронғи фазосида электронлар ва катоддан электронни уриб чиқарувчи мусбат ионларнинг кучли тезланиши рўй беради. Милтиллама шуҳлаланиш соҳасида электронлар газ молекулаларини интенсив зарбали ионлаштиради ва ўз энергиялариини йўқотадилар. Бу ерда разрядни ушлаб туриш учун керак бўлган мусбат ионлар ҳосил бўлади. Бу соҳада электр майдон кучланганлиги кичик. Милтиллама шуҳлаланишни, асосан, электрон ва ионларнинг рекомбинацияси хосил қилади. Катод қоронғи фазосининг узунлиги газ ва катод материалининг хоссалари билан белгиланади. Мусбат устун соҳасида электрон ва ионларнинг концентрацияси тахминан бир хил ва жуда катта бўлгани сабабли мусбат устунининг электр 20.7- расм.

ўтказувчанлиги юқори ва унда потенциал тушиши кам. Мусбат устуннинг ёруғлик чиқариши қўзғалган газ молекулалари билан аниқланади. Анод яқинида, мусбат ионларнинг генерация жараёни туфайли, потенциалнинг яна нисбатан кескин ўзгариши кузатилади. Айрим ҳолларда мусбат устун, қоронғи оралиқлар билан ажралган стратларга, алохида нур чиқарувчи бўлакларга ажралиб кетади. Милтиллама разрядни ушлаб туришда мусбат устун муҳим ролp ўйнамайди. Шунинг учун, най электродлари орасидаги масофа камайганда мусбат устун қисқаради ва у бутунлай йўқ бўлиб кетиши мумкин. Катод қоронғи фазосининг узунлиги билан иш бошқача бўлади, у электродлар яқинлашганда ўзгармайди. Агар электродлар яқинлаштирилиши натижасида, улар орасидаги масофа катод қоронғи фазосининг узунлигидан кам бўлиб қолса, газдаги милтиллама разряд тўхтайди. Бошқа шароитлар бир хил бўлса, катод қоронғи фазосининг узунлиги газ босимига тескари пропорционаллигини тажрибалар кўрсатган. Демак, етарлича паст босимларда, мусбат ионлар катоддан уриб чиқарган электронлар газ орқали катод нурларини хосил қилиб, унинг молекулалари билан деярли тўқнашмасдан ўтади. Милтиллама разряд газ ёритиш найларида, кундузги ёруғлик лампаларида, кучланиш барқарорлаштиргичларида (стаблизаторлари-да), электрон ва ион дасталарини олиш учун ишлатилади. Агар милтиллама разряд найининг катодида тешик қилинса, ундан, кўпинча канал нурлари деб аталган, ионлар дастаси катод ортидаги фазога ўтади. Лаборатория амалиётида катод буғлатиш - мусбат ионларнинг урилиши натижасида разряд найи катоди сиртининг емирилиши ҳодисасидан фойдаланилади. Катод материалининг улpтрамикроскопик парчалари ҳамма томонга учади ва найга жойлаштирилган жисм сиртини юпқа қатлам билан қоплайди. Шу усул билан шиша, слюда, бошқа металлардан қилинган қаттиқ жисм сиртига юпқа металл қатламлари олинади ва х.к.

Нормал ва катта босимларда мустақил разряд Нормал ва катта босимларда мустақил газ разрядлари: тож, панжа, учқун ва ёй каби бир нечта кўринишларга ажратилади. Тож разряди, одатдаги босимда нобиржинсли электр майдонда турган газда пайдо бўлади. (Масалан, ўтказгичларнинг ўткир учларида ёки юқори кучланишли ўтказгич тармоқларида). Тож разрядида газнинг ионланиши ва ёруғлик чиқиши фақатгина тожланган электродлар яқинидагина содир бўлади. Катод тожланган (манфий тож) холда, газ молекулаларини зарбали ионловчи электронлар катоддан, уни мусбат ионлар билан бомбардимон қилинганда, уриб чиқарилади. Агар анод тожланса (мусбат тож), у ҳолда электронларнинг туғилиши анод яқинидаги газнинг фотоионланиши туфайли содир бўлади. Юқори кучланишли тармоқларда тож разряди зарарли ҳодиса бўлиб, ток оқиб кетиши ва энергия йўқолиши билан бирга боради. Тожланишни камайтириш учун ўтказгичларнинг эгрилик радиуслари орттирилади, сиртларини эса иложи борича силлиқ қилинади. Тож разряд электр, газ тозалаш қурилмаларида ва бошқа электрон - ион технологияларининг жихозларида фойдали татбиқини топмоқда. Ўткир учдаги тож разярди кучланиш ортиши билан ўткир учдан чиқувчи ва вақт бўйича ўзгариб турувчи чизиқлар кўринишини олади. Бу чизиқлар қатор синиқ ва эгилишларга эга ва панжага ўхшаш манзара ҳосил қилади, шу сабабли бундай разрядни панжавий деилади. Агар электродлар орасидаги U кучланиш орттирилса, унинг етарлича катта қийматида, тож разряд учқун разрядга айланади. Учқун разряд газдаги барқарор бўлмаган мустақил разряд бўлиб, электродлар оралиғидаги разряд масофасини тешиб ўтувчи ва янгиси билан алмашиб йўқолиб турувчи синиқ чизиқ тарздаги ёруғ ипли - каналлардан иборат. Учқун разряд каналлари базан мусбат, базан манфий электродларда, базида эса электродлар орасидаги бирон нуқтадан 20.8-расм.

орта бошлашини тадқиқотлар кўрсатган. Бунинг сабаби, учқун разряд бўлганда зарба билан ионлашиш газ ҳажмининг ҳамма ерида эмас, билки ионлар концентрацияси тасодифан энг кўп бўлган жойлардан ўтаётган каналларда содир бўлиши билан тушунтирилади. Учқун разряд газда қарс- қурс, гулдираш товушлари ва катта миқдорда иссиқлик ажралиб чиқиши билан бирга боради. Бу ҳодисаларнинг барчасини учқун каналларида пайдо бўладиган электрон ва ион қуюнлари ҳосил қилади ва ҳарорат ҳамда босимнинг ортишига олиб келади. Атмосферада ниҳоятда катта учқун разрядга, зарядланган булутлар орасида ёки булут ва Ер орасида содир бўладиган чақмоқ мисол бўлади. Чақмоқнинг асосий разрядида ток кучи ўнлаб ва юзлаб минг амперга етади. Учқун разряд техникада кенг қўлланилади. У металл ва қотишмаларга электр учқун ишлов беришнинг асосини ташкил қилади, корбюраторли ички ёниш двигателларнинг ёнилғи аралашмасини ёндиришда, электр занжирларида кучланишнинг ортиб кетишидан химоялашда ва х.к. ишлатилади. Учқун разряддан спектроскопияда, ҳамда электродлари иккита силлиқланган металл шардан тузилган, шар разрядниги ёрдамида катта потенциаллар айирмасини ўлчашда фойдаланилади. Шарлар икки томонга сурилади ва уларга ўлчанадиган потенциаллар айирмаси берилади. Сўнгра шарлар, улар орасида чақмоқ ҳосил бўлгунча яқинлаштирилади. Шарларни диаметрини, улар орасидаги масофани, босимни, температура ва ҳавонинг намлигини билиб, махсус жадваллар ёрдамида шарлардаги потенцаллар айирмаси топилади. Бу усул билан бир неча киловолт потенциаллар айирмасини бир неча фойиз аниқликда ўлчаш мумкин. Ёй разрядини В.В.Петров кашф этган (1802). Бу газ разряди электродлар орасида катта ток зичлиги ва нисбатан кичик кучланишларда (бир неча ўн волpтларда) ҳосил бўлади. Ёй разрядининг асосий сабаби чўғланган катоддан термоэлектронларнинг интенсив чиқиши бўлади. Бу электронлар электр майдони билан тезлашади ва газ молекулаларини зарбали ионлаштирганликлари туфайли электродлар орасидаги газ масофасининг

электр қаршилиги нисбатан кам бўлади. Агар ташқи занжир қаршилигини камайтириб ёй разрядининг ток кучи орттирилса газ узунлигининг ўтказувчанлиги шунчалар ортадики натижада электродлар орасидаги кучланиш пасаяди. Шунинг учун ёй разряди тушувчи волpт-ампер характеристикага эга дейилади. Атмосфера босимида катоднинг харорати 3000 0 С гача етади. Электрон анодни бомбардимон қилиб, унда чуқурча (кратер) ҳосил қилади ва уни қизитади. Кратер ҳарорати 4000 0 С атрофида бўлади, ҳавонинг катта босимларида эса 6000-7000 0 С га етади, шу сабабли унда интенсив термо ионлашиш содир бўлади. Айрим холларда ёй разряди катоднинг нисбатан паст ҳароратида ҳам ҳосил бўлади (масалан, симоб ёй лампасида). Биринчи марта ёй разрядидан ёруғлик манбаи сифатида П.Н.Яблочков фойдаланган. “Яблочков шамида” кўмир электродлар параллел қилиб жойлаштирилган ва бир бирларидан изоляцияловчи қатлам билан ажратилган, уларнинг учлари эса “кўприк плик” билан уланган. Ток уланганда пликли кўприк ёпиб кетган ва кўмирлар орасида электр ёй ҳосил бўлган. Кўмирларнинг ёниши билан бирга изоляцияловчи қатлам ҳам буғланиб кетади. Ёй разряди ёруғлик манбаси сифатида, масалан прожектор ва проекцион аппаратларда ҳозир ҳам ишлатилади. Ёй разрядининг юқори ҳароратлиги учун, ундан ёй печларини қуришда фойдаланилади. Ъозирги пайтда жуда катта ток кучини истеҳмол қиладиган ёй печлари саноатининг қатор соҳаларида - пўлат, чўян, ферроқотишмалар, бронзаларни эритиш учун ва калцей карбид, азот оксиди ва х.к. олишда ишлатилади. Н.Н.Бенардос (1882) биринчи марта металларни кесиш ва улаш учун ёй разрядидан фойдаланган. Бенардос иккита металл тахта ёки ясси бўлакчаларнинг уланаётган жойини қиздириш учун, қўзғалмас кўмир электрод билан металл орасидаги ёй разрядни қўллаган. Шу усулни Бенардос металл тахталарни кесишга ва уларда тешик очишга татбиқ этган.

Н.Г.Славянов (1888) кўмир электродни металл электрод билан алмаштириб мазкур усулни такомиллаштириган. Ёй разряди, ўзгарувчан электр токини доимий йўналишдаги токка айлантириб берувчи, симобли тўғрилагичда ҳам ўз татбиқини топган. Ом қонунининг қўлланиш чегаралари Ом қонуни, ўтказувчанлик токининг зичлиги ⃗j ўтказувчи муҳитдаги ⃗E электр майдон кучланганлигига пропорционал деб таҳкидлайди: ⃗j =  ⃗E (20.23) бу ерда  - майдон кучланганлигига боғлиқ бўлмаган, ўтказувчи мухитнинг солиштирма электр ўтказувчанлиги. Ом қонунининг қўлланиш чегараларини аниқлаш учун бу қонунни келтириб чиқаришда классик электрон назарияда қилинган фаразларни тахлил қилиш керак. Металлар учун бу назариянинг (18.9) ва (18.10) муносабатларига биноан ⃗j = n 0 e 2 <  > ⃗E /(2 m ) (20.24) бу ерда <  > - металда электроннинг ўртача эркин чопиш вақти. Шунга ўхшаш газ ва электролитларда ўтказувчанлик электр токининг зичлиги ⃗j=[ n0+q+2⟨τ+⟩ 2m+ +n0−q−2⟨τ−⟩ 2m− ]⃗E (20.24  ) бу ерда n 0+ ва n 0- , q + ва q - , m + ва m - , <  + > ва <  - > - газ ва электролитнларда ток ташувчи мусбат ва манифй ионларнинг концентрациялари, зарялари, массалари ва ўртача эркин чопиш вақтлари. (20.24) ва (20.24  ) лардан кўриниб турибдики, Ом қонунининг бажарилиши учун қуйидаги икки шартга риоя қилиш керак: а) ток ташувчиларнинг (электрон ва ионлар) ўртача эркин чопиш вақти ⃗E электр майдон кучланганлигига боғлиқ эмаслиги,

б) ток ташувчилар тартибли (дрейф) ҳаракатининг ўртача <v> тезлиги уларнинг иссиқлик ҳаракати ўртача <u> тезлигидан анча кам бўлиши кераклиги, келиб чиқади, яъни: <v> << <u> (20.25) чунки, фақат шу ҳолдагина <  > ток ташувчилар дрейф тезлигига, демак ⃗E га ҳам боғлиқ бўлмайди деб ҳисоблаш мумкин:       ⃗ ⃗ u v u Агар ток ташувчиларнинг иссиқлик ҳаракат ўртача энергиясига нисбатан ток ташувчилар устидан, уларнинг эркин чопишининг ўртача масофасида майдон кучлари бажарган иш кам бўлса, (20.25) шарт бажарилиши керак:  q  E <  > kT (20.25  )  q  = Z е бўлгани учун, бу ерда Z - ион валентлиги,  q  нинг тартиби е билан бир хил бўлади. Ом қонунининг бажарилишини биринчи шарти Е << kT /( e <  >) (20.26) кўринишга эга. Айирм хусусий холларни кўриб чиқамиз. Металлар . Ўтказувчанлик электронларининг эркин чопиш ўртача масофаси <  >  10 -8 м ва Т  300 К да E kT e B M MB M            ~ , , ~ / 14 10 300 16 10 10 3 23 19 8 Металл ўтказгичларда электр майдон кучланганлиги ҳеч қачон бундай катта бўлмайди. Масалан, нисбатан катта солиштирма электр қаршилик  10 -6 Ом . м га эга бўлган нихром ўтказгичда ток зичлиги j~100А/мм 2 , яъни жуда катта бўлганда ҳам, Е=  j~10 2 В/м. Шундай қилиб металл ўтказгичларда (20.26) шарт ҳар доим бажарилади. Электролитлардаги ток ҳақида ҳам худди шундай дейиш мумкин. 2. Газлар . Тахминан ионларнинг эркин чопиш масофаси молекулаларнинг эркин чопиш масофасидан кам фарқ қилади деб ҳисоблаймиз:

          1 2 2 2 0 2 d n kT d p, бу ерда d - газ молекуласининг эффектив диаметри; р - газ босими. Демак, E kT e d p e p 0 2 2 3       ~ чунки d 2 ~10 - 19 м 2 . Нормал шароитларда Е нинг қиймати анча катта: Е~3 . 10 5 В/м, яъни кучсиз майдонларда (20.26) шарт бажарилади. Аммо сийраклашган газда ⃗E кичик ва (20.26) шарт бузилади. Масалан, р~10 Па (0,1 мм сим.уст.) бўлганда Е~80 В/м. Шунинг учун сийраклашган газдаги электр токи (масалан, милтиллама разрядга) учун Ом қонуни яроқсиз. Энди Ом қонуни тўғрилигининг иккинчи шартини кўриб чиқамиз. Электролит ва металларда у ҳар доим бажарилади, чунки уларда ток ташувчиларнинг концентрацияси нихоятда кўп ва улар ток зичлигига ҳам, электр майдон кучланганлигига ҳам мутлақо боғлиқ эмас. Газлардаги ток билан эса аҳвол бошқача. Масалан, газдаги номустақил разрядда ток ташувчиларнинг тўлдирилиши ташқи ионлаштирувчи манбаининг қувватига тўла боғлиқ, уларнинг электродларга бориши туфайли камайиши эса майдон кучланганлигининг ортиши билан ўсади. Мос ҳолда майдон кучланганлигининг ортиб бориши билан разряд токи зичлигининг ўсиши борган сари, умуман, тўхтамагунгача кучлироқ секинлашади (20.5-расмга қаранг). Бундай тўйиниш ҳодисаси вакуумдаги термоэлектрон токда ҳам кузатилади, у ҳам Ом қонунига бўй сунмайди. Мустақил разрядда газдан токнинг ўтиши ток ташувчиларнинг интенсив ҳосил бўлиш жараёни билан бирга бўлади ва ушлаб турилади. Мустақил разряд учун Ом қонунини татбиқ этиб бўлмайди. Бунга пасаювчи волpт ампер характеристикага эга бўлган ёй разряди яққол далил вазифасини бажариши мумкин. Ниҳоят, ток зичлиги учун Ом қонуни фақат стационар электр майдони ва мос ҳолда ўзгармас электр токигагина бажарилиб қолмаслигини айтиб

ўтамиз. Агар юқорида келтирилган икки шартдан ташқари, яна битта шарт бажарилса: Т>><  >, бу ерда Т - электр майдоннинг ўзгариш даври, <  > - ток ташувчиларнинг ўртача чопиш вақти (электрон ўтказувчанликли металлар учун <  > ~10 -13 с) Ом қонуни ўзгарувчан ток ўтказувчанлиги учун ҳам ўринли. Плазма Плазма деб ионлашган квазинейтрал газга айтилади, яъни шундай ионлашган газки, унда мусбат (  + ) ва манфий (  - ) зарядларнинг ҳажмий зичликлари абсолют қийматлари бўйича амалда бир хил:  + =  -  ёки  + +  - = 0 (20.27) Ионларнинг иссиқлик ҳаркати туфайли  + ва  - ларнинг оний қийматлари уларнинг ўртача қийматлари атрофида тартибсиз тебраниб туради, яъни (20.27) тенглик у, ёки бу даражада узлуксиз бузилиб туради. Шунинг учун плазманинг квазинейтраллик таҳрифи қуйидаги тузатишларга мухтож: агар унинг V хажми, иссиқлик ҳаракати туфайли ион ва электронларнинг мусбат ва манфий зарядларининг йиғиндиси нол холдан сезиларли четланиши мумкин бўлган газ соҳаларининг ҳажмидан кўп марта катта бўлса, ионлашган газни плазма деб ҳисоблаш мумкин, яъни V>> D 3 бу ерда D - дебай экранлаш радиуси деб аталган ўзига хос ўлчам. Дебайнинг экранлаш радиусининг плазма параметрларига боғланиш характерини аниқлаш учун бир зарядли ион ва эркин электронлардан ташкил топган оддий плазмани кўриб чиқамиз. Плазманинг квазинейтираллиги туфайли электрон ва ионларнинг мувозанат концентрациялари бир хил ва n 0 га тенг. Плазмада етарлича катта R(R<<D) радиусли сфера билан чегараланган ҳажмни фикран ажратамиз. Фараз қиламиз, иссиқлик флуктуацияси туфайли, мусбат ионлар кенгайиб, R+D радиусли сферани эгаллайди, электронлар эса олдингидек R радиусли сфера ичида қолади. D<<R бўлгани учун мусбат ионлар концентрациясининг ўзгаришини инобатга олмаслик ва D қалинликдаги шар қатламига ўтганларининг сони

N=4  R 2 Dn 0 , уларнинг умумий сони эса q + =Ne=4  R 2 Dn 0 e деб ҳисоблаш мумкин. R радиусли сфера ичидаги ортиқча манфий заряд мос равишда q - =q + бўлади. Бу зарядлар системасини, тахминан электр майдон энергияси W=q + 2 /(2C) бўлган, сферик конденсатор деб қараш мумкин. (16.14) формуласи С = 4  0 R 2 /D га эга бўламиз, бунда R 2 -R 1 =D ва R 1 R 2  R 2 , яъни W c = 2 0       R 2 n 0 2 e 2 D 3 (20.29) Энергиянинг сақланиш ва айланиш қонунига биноан W c =W k , бу ерда W k - N мусбат ионларнинг шар қатламига киргунга қадар кинетик энергияси. Битта ионнинг ўртача кинетик энергияси 3 2 kT деб 2 0       R 2 n 0 2 e 2 D 3 =6  R 2 Dn 0 kT D kT n e  3 0 0 2  ни оламиз. Бу тақрибий ифода D нинг аниқ қийматидан фақат коэффициенти билан фарқланади: D kT n e  0 0 2 2 (20.30) Агар плазманинг М зарядланган заррачаси (мусбат ион ёки электрон) вакуумда турганда, унинг  0 потенциали қуйидагига тенг бўлар эди   0 0 4  q r (20.31) бу ерда q - M заррачанинг заряди; r - ундан унинг майдони кўрилаётган нуқтагача бўлган масофа. Плазмада М заррача бошқа зарядланган заррачалар билан ўраб олинган. Кулон тортишиш кучлари туфайли М заррача яқинида, заряди q заряднинг ишорасига қарама-қарши бўлган заррачалар кўп бўлади. Улар М заррачанинг плазмадаги майдонини сусайтиради (экранлайди).

Ъисоблашларнинг кўрсатишича, плазмадаги q заряднинг майдон потенциали масофа ортиши билан вакуумдаги нисбатан анча тез камаяди:    q re r D 4 0 / (20.32) бу ерда D - (20.30) формула билан аниқланади. Шундай қилиб, r>D масофаларда электрон ёки ионнинг плазмадаги электростатик майдони тахминан тўла экранланади деб ҳисоблаш мумикн. Шу сабабдан ҳам, плазманинг муҳим характеристикаларидан бири бўлган D катталик, экранлашнинг дебай радиуси деб аталади. Агар плазманинг бир-биридан ўртача <r>=n 0 -1/3 масофада турган иккита заррачаларнинг ўзаро кулон таъсирининг потенциал энергияси уларнинг иссиқлик ҳаракат кинетик энергияларига нисбатан кичик бўлса, плазмани идеал ёки газли деб аталади: e r e n kT2 0 2 01 3 04 4    / (20.33) Агар D радиусли сфера ичида жойлашган бир хил ишорали заррачалар сони N D етарлича катта бўлса (20.33) шарт бажарилади: N D n D  4 3 1 3 0  Идеал плазманинг термодинамик хоссалари яхши даражадаги аниқликда идеал газ ҳолати тенгламаси Р=n 0 kT билан ифодаланади. Плазманинг ионлашиш даражаси  деб, ионлашган атомлар сонини уларнинг плазмадаги умумий сонига нисбатига айтилади. Плазма  нинг қийматига боғлиқ ҳолда кучсиз (  фойиз бўлакларида), ва тўла ионлашган (  100% га яқин) плазмаларга ажратилади. Газнинг ионлаштириш ва плазма хосил бўлиши қатор жараёнлар билан содир этилиши мумкин. Уларга қуйидагилар киради: а) етарлича қаттиқ қиздирилган газ атомларининг тўқнашуви натижасида - термо ионлаштириш (масалан, водород учун Т = 10 4 К да   10%, ва Т = 10 9 К да эса   98%);

б) зарядланган заррачалар билан зарбали ионлаштириш (масалан, газдаги электр разрядда); в) газга тушаётган электромагнит нурланиш энергияси ҳисобига газни ионлаштириш - фотоионлаш. Умуман электрон, ион ва нейтрал атомларнинг плазмадаги иссилиқлик ҳаракат ўртача энергиялари турлича бўлиши мумкин. Бундай термодинамик мувозанатда бўлмаган плазмани ноизобирлик деб аташади, чунки уни температуранинг бирон бир қиймати билан характерлаб бўлмайди. Энергия ва импулpснинг сақланиш қонунларидан, жуда енгил электронлар, ионлар ва атомлар билан эластик тўқнашганларида, улар деярли энергия алмашмасликлари келиб чиқади. Шунинг учун, тахминан, ноизотермик плазмада заррачаларнинг ҳар бир тури ўзининг температура қиймати билан квази мувозанат ҳолатда бўлади деб ҳисобланади. Мос ҳолда электрон (Т э ) ва ион (Т u ) температуралари ҳақида гапирилади. Разряднинг мусбат устунини тўлдирган милтиллама разряднинг газразрядли плазмасида электронларнинг температураси, ион температурасидан бир неча ўн марта ортиқ бўлиб, 5 . 10 4 К гача етиши мумкин. Бундай номувозанат плазманинг яшаши разряд токи энергияси ҳисобига ушлаб турилади. Хисоблашларнинг кўрсатишича бир зарядли ионли ноизотермик плазма экранлашнинг дебай радиуси қуйидагига тенг:  D kT T n e T T kT n e T T ý u ý u u u ý                    0 0 2 0 0 2 1 ( ) (20.34) Агар T u << T э бўлса, D дебай узунлиги плазманинг ион температураси билан белгиланади. Плазма мувозанатли бўлганда Т э =Т u =Т ва (20.34) ва (20.30) формулалар бўйича олинган D нинг қийматлари бир хил. Ион температуранинг қийматига қараб плазма қуйи т емпературали (Т u <10 1 К) ва юқори температурали (Т u >10 7 K) плазмаларга бўлинади. Плазма заррачаларининг узоққа таъсир этувчи кулон кучлари билан ўзаро таъсирлашиши, ўзига хос ғайри табиий хоссаларга сабаб бўлади.

Шунинг учун плазмага кўпинча модданинг алохида, тўртинчи ҳолати деб қаралади. Плазма, юқори электр ўтказувчанлиги туфайли ташқи электр ва магнит майдонлари билан кучли ўзаро таъсирлашиши натижасида бошқалардан ажралиб туради. Плазманинг иккинчи хусусияти шундан иборатки, плазма зарядланган зарррачаларининг ўзаро таъсирлашиши жуфликлар орасида эмас, балки, шу заррачаларнинг ўзлари хосил қилган ўртача электр ва магнит майдонлар орқали амалга ошадиган, тўпламлар орасида мавжуд. Ана шу тўпламлар таъсирлашиши сабабли, плазма ўзини, турли табиатдаги тебранишлар ва тўлқинлар осон уйғонадиган ва тарқаладиган, ўзига хос эластик мухит каби тутади. Жумладан, плазмага, плазманинг ленгмюр тебранишлари деб аталган, ҳажмий зарядларнинг бўйлама тебранишлари хос ( § 27.2. га қаранг). Ташқи магнит майдонида плазма ўзини диамагнит муҳит каби тутади. Тўла ионлашган плазманинг солиштирма электр ўтказувчанлиги плазманинг зичлигига боғлиқ эмас ва Т температура ўсганда Т 3/2 га пропорционал равишда ортади. Плазма, коинотда модданинг энг кўп тарқалган ҳолати. Ыуёш ва бошқа юлдузлар тўла ионлашган юқори температурали плазмадан ташкил топишган. Юлдузларнинг нурланиш энергиясини асосий манбаи, 10 7 - 10 9 К тартибдаги жуда юқори температураларда, юлдузлар бағрида содир бўладиган термоядро синтез реакциялардир. Совуқ туманликлар ва юлдузлар орасидаги мухит ҳам плазма ҳолатида бўлади. Улар, юлдузларнинг улpтрабинапша нурлари таъсирида ионлашган, паст температурали плазмадан иборат. Ер яқинидаги фазода кучсиз ионлашган плазма Ернинг радиация камарларида ва ионосферасида жойлашган. Магнит бўрони, узоққа мўлжалланган радиоалоқаларнинг бузилиши ва қутб ёғдуси каби ҳодисалар, бу плазмада содир бўладиган жараёнлар билан боғланган. Газлардаги милтиллама, учқун, ёй ва бошқа разрядларда ҳосил бўладиган паст температурали плазмалардан турли ёруғлик манбааларида, газли лазерларда, металларни улаш, кесиш, эритиш ва бошқа турдаги ишлов беришда кенг фойдаланилади. Плазмали ракета двигателларида ва

магнитогидродинамик генераторларда плазма ишчи жисм сифатида хизмат қилади. Айниқса, келажакда юқори температурали плазмада бошқариладиган термоядро синтез реакцияларини амалга ошириш имкониятларига катта умид боғланилмоқда. Бундай ўта мураккаб масалани ечиш, амалда туганмас энергия манбаини олишга имкон берган бўларди.

Адабиётлар: 1. И.В.Савельев « Умумий физика курси», т. I , II , II , Т.Укитувчи, 1970-80 йиллар. 2. Р.И.Грабовский «Физика курси», Т.Укитувчи, 1973. 3. О.Ахмаджонов «Физика курси. Механика ва молекуляр физика», Т.Укитувчи, 1981. 4. О.Ахмаджонов «Физика курси. Электр ва магнетизм», Т.Укитувчи, 1981. 5. О.Ахмаджонов «Физика курси. Оптика, атом ва ядро физикаси», Т.Укитувчи, 1983. 6. С.П.Королев «Физика курси.», Т.Укитувчи, 1985.

Похожие

Газ билан пайвандлаш

Идeал газ ва изожараёнлар

Газ молекулаларининг тақсимот функцияси

Нефт ва газ алканлари

Саноат экологияси асослари. Газ холатидаги саноат чикиндиларини тозалаш