Нефт ва уни қайта ишлаш маҳсулотлари - Физика - Рефераты

Нефт ва уни қайта ишлаш маҳсулотлари

Загружено в:

20.09.2019

Скачано:

0

Размер:

83 KB

Нефт ва уни қайта ишлаш маҳсулотлари Режа: 1 . Нефт маҳсулотларининг кимёвий таркиби. 2. Ёнилғи ва мойларнинг олиниши ҳақида тушунча. 3. Нефт маҳсулотларини тозалаш.

Нефт ҳамда газ ер қобиғининг турли чуқурликдаги қатламларида, турли-туман ғовак ва бошқа тоғ жинслари орасида ётади. Босим, температура ички ўзгаришлар таъсирида нефт катта масофаларга силжиши мумкин. Ташқи кўринишига кўра нефт ўзига хос ҳидли қуюқ мойсимон суюқлик бўлиб, турли тусдаги жигар ранг кўринишга эга. Нефтнинг зичлиги 770- 920кгҒм 3 , ёниш иссиқлиги 43000-45500 = Дж / кг. Нефтда углерод миқдори тахминан 83-86%, водород миқдори - 12-14%, олтингугурт S , кислород О ва азот N миқдори 1-3% бўлади. Масса бўйича углеводородларнинг умумий миьдори 97-98%ни ташкил этади. Таркибидаги элементларнинг ўхшашлигига қарамасдан турли жойдан олинган нефтларнинг физик ва кимевий хоссалари ҳар хил бўлади. Бунга сабаб, углерод ва водород атомларининг ўзаро турли шаклда бирика олишида. Нефт маҳсулотларининг кимевий таркиби ва хоссалари. Нефт маҳсулотларининг таркибидаги барча углеводородлар кимевий структураси бўйича 3 хил гурухга бўлинади. I . Парафин углеводородлар, кимевий формуласи: C n H 2 n =2 Парафин углеводородлар нефтнинг таркибида асосан паст температурада қайнайдиган (енгил) фракцияларда кўпроқ бўлади. Бу углеводородларнинг биринчи 4 та вакили 0 0 С ҳароратда ва 0,1 МПа босим остида газ ҳолатида бўлади. Буларга: метан СН 4 , этан С 2 Н 6 , пропан С 3 Н 8 , бутан С 4 Н 10 киради. Парафин углеводородларининг бешинчи вакили пентан С 5 Н 12 дан С 16 Н 34 вакилигача суюқ ҳолатда ва С 17 Н 36 дан бошлаб қаттиқ ҳолатда бўладилар. Парафин углеводородлар кимевий структурасига қараб икки хил гуруҳга бўлинади: - нормал-парафин углеводородлар; - изомер-парафин углеводородлар.

Нормал парафин углеводородларда углерод ва водород ўзаро тўғри занжир орқали боғланган бўлади. Масалан, октан С 8 Н 18 нинг кимевий структурасини кўрамиз: Бензин таркибида нормал-парафин углеводородларнинг бўлиши мАқсадга мувофиқ эмас, чунки таркибида шундай углеводород бўлган ёнилғи двигателда ёмон ёнади. Нормал-парафин углеводородлар юқори температура таъсирига беқарор бўлиб, тез оксидланади ва детонацион (портлаб) ёнишни келтириб чиқаради. Лекин, бу углеводородлар шу хоссаси (тез оксидланиши) туфайли улар тезюрар дизел ёнилғисининг ўз-ўзидан алан-галаниш қобилиятини оширади. Нормал-парафин углеводородларнинг қотиш температураси юқори бўлгани учун улар кўпроқ ёзги сорт дизел ёнилғи ва мойларида ишлатилади. Изомер-парафин углеводородлар нормал-парафин углеводородларнинг изомерлари ҳисобланади. Улар турли-туман тармоқли структуралар ҳосил қилади. Битта октаннинг кимёвий формуласига С 8 Н 18 изооктанлар деб аталувчи 17 хил бирикма жавоб беради. Уларнинг таркибидаги элементлар бир хил бўлса ҳам, улар турли хил тузилишга эга (молекулаларда атомлар турлича жойлашади). Шунинг учун ҳам уларнинг кимевий ва физикавий хоссалари ҳар хил. Масалан: 17 та изооктандан бири 2,2,4-триметилпентан деб аталувчи бирикма қуйидагича тузилишига эга: Изомер-парафин углеводородлар бензин таркибида қанча кўп бўлса, шунча ёнилғи тўлиқ бўлади. 2. Нафтен углеводородлар, кимевий формуласи: C n H 2 n

Бу углеводородлар циклик структурага эга. Улар парафин углеводородлардан 2 та водород атоми камлиги билан фарқ қилади. Нафтен углеводородлар қуйидагича структурага эга: циклопентан циклогексан Нафтен углеводородлар парафин ва ароматик углеводородлар оралиғида туради, шунинг учун улар бензин таркибида ҳам қониқарли ишлайди. Нафтен углеводородлар нормал-парафин углеводородларга қараганда юқори температурада қайнайди ва юқори температурада оксидланишига қарши мойиллиги ҳам кучли. Нафтен углеводородларнинг енгил фракциялари қотиш температураси паст бўлганлигидан қишки сорт дизел ёнилғиси таркибининг асосий қисмини ташкил этади. Нафтен углеводородларнинг оғир фракцияларининг қовушқоқлиги ва кимёвий барқарорлиги юқори бўлганлиги учун асосан (70%) мотор мойларининг асосини ташкил этади. 3. Ароматик углеводородлар, кимевий формуласи: C n H 2 n -6 , C n H 2 n -12 Ароматик углеводородлар нефт таркибида парафин ва нафтен уг- леводородларга нисбатан оз миқдорда (5-20%) учрайди. Уларнинг асосий вакили бензол С 6 Н 6 бўлиб, унинг бензин таркибида бўлиши октан сонини оширади. Лекин бу углеводородларнинг миқдори чегараланади, чунки улар юқори температурада деталларга ёпишиб, нагар қотишмалар ҳосил қилади. Ароматик углеводородларнинг бензин таркибида бўлишининг двигател ёниш камерасида нагар қотишмалар ҳосил бўлишига боғлиқлиги. 1- этиллинган бензин; 2- этилланмаган бензин.

Ароматик углеводородларнинг дизел ёнилғисида кам бўлгани яхши, чунки улар дизел ёнилғисида қийин оксидланиб, алангаланиш вақтини узайтириб юборади, натижада двигател қаттиқ ишлайди. Мойларда эса, бу углеводородлар кўп қурум ҳосил бўлишига олиб келади, шунингдек, температура пасайганда мойларнинг қовушқоқлигини ошириб юборади. Шунинг учун бу углеводородлар мойлаш материалларига кам қўшилади. Тўйинмаган углеводородлар, кимевий формуласи: C n H 2 n , C n H 2 n -2 Нефтни қайта ишлаш жараёнида кўпгина тўйинмаган углеводородлар ҳосил бўлади. Тўйинмаган углеводородлар жуда бўш бўлади, улар учун қўшбоғли боғланиш узилган жойда бириктириб олиш реакцияси хосдир. Улар осонгина оксидланиб смолалар, органик кислоталар ва бошқа бирикмалар ҳосил қилади. Тўйинмаган углеводородлар ҳар қандай нефт маҳсулотларининг ҳоссаларини ёмонлаштиради, шунинг учун улар ёнилғида ҳам мойда ҳам бўлиши мақсадга мувофиқ эмас. Тўйинмаган углеводородлар таркибида қўш боғ сонига қараб қуйидагича бўлади: битта қўшбоғли-олефинлар: C n H 2 n иккита қўшбоғли-диолефинлар: C n H 2 n -2 Бундан ташқари, нефт махсулотлари таркибида: - олтингугуртли бирикмалар; - кислородли бирикмалар; - азотли бирикмалар бўлади. Бу бирикмалар қ ишлоқ хўжалиги техникаси ёнилғилари ва мойлари сифатини ёмонлаштиради.

Олтингугуртли бирикмалар - деталларни коррозияланишини оширади: бензинда - 0.15  0.2%; дизел ёнилғисида - 0.2  0.4% бўлади. Двигател деталларининг ейилиш тезлиги ёнилғидаги олтингугурт миқдорига боғлиқ. Олтингугурт миқдори 0.2 дан 0.5 гача кўпайганда еёилиш 25-30% ортади. Кислородли бирикмалар - нефт маҳсулотларининг юқори фракғияларида (керосиндан бошлаб) бўлади. Уларнинг миқдори 10 % дан ошмайди (0.1-1.3). Бу бирикмалар асосан ҳар хил кислоталар кўринишида бўлади. Улар деталларнинг коррозияланишини оширади. Нефтда смолали- асфальт моддаларнинг ҳосил бўлишига олиб келади. Азотли бирикмалар - нефт маҳсулотлари таркибида деярли жуда кам миқдорда, асосан смолали-асфальт моддалари кўринишида (0.3 %) учрайди. Бу моддалар иссиқ деталларда қурум ва лак пайдо бўлишини кўпайтиради. Ёнилғи ва мойларнинг олиниши ҳақида тушунча. Нефтни қайта ишлашнинг физик ва кимёвий усуллари мавжуд. Нефтни бирламчи қайта ишлаш усули (ҳайдаш усули) физик усул бўлиб, нефт таркибидаги углеводородлар қайнаш температурасига қараб ажратилади. Ундан нефт печда 300-350 0 С да қиздирилиб ажраткич колонкасидан ўтказилади. Натижада унинг таркибидаги углеводородлар қайнаш температурасига қараб фракцияларга ажратилади. Фракция деб, маълум температура оралиғида нефтни қайнайдиган бўлагига айтилади. Установка 2 та асосий аппаратдан - нефт қиздириладиган найсимон печ ва ректификациялаш колонкасидан иборат, бу колонкада нефт фракцияларга ажралади. Найсимон печнинг ичида змеевик шаклидаги узун трубопровод жойлашган. Печ мазут ёки газ ёрдамида қиздирилади. Трубопроводдан нефт тўхтовсиз ўтиб туради. Трубопроводда нефт 320-350 0 С гача исиб буғ ва

суюқлик аралашмаси ҳолида ректификациялаш колоннасига тушади. Ректификациялаш колоннаси баландлиги 40 м бўлиб, унинг ичида бир неча қатор горизонтал жойлашган тешикли тўсиқлар - тарелкалари бўлади. Нефт буғлари колоннага тарелка тешикларидан ўтиб юқорига кўтарилади. Улар юқорига кўтарилган сари аста-секин совиб, қайнаш температурасига қараб тарелкаларнинг бирортасида суюқликка айланади. қолган қолдиқ мазут дейилади. Нефтни 360 0 С дан ортиқ қиздириб бўлмайди, чунки унинг таркибидаги углеводородлар парчалана бошлайди. Мазутни мой олиш учун қайта ишлаш уни труба печда вакуум остида қиздиришдан иборат. Вакуум углеводороднинг парчаланмаслиги учун зарур. Мазут буғлари вакуум колонкасига тушади, бу ердан улар дистиллятларга ажралади. Бу дистиллятлар турли сурков мойлари (трансформатор, сепаратор, индустриал, мотор, компрессор мойлари) олиш учун ишлатилади. Нефтни қайта ишлашнинг принципиал схемаси Ҳайдаш усулида жуда кам миқдорда 20-30% бензин олинади ва сифати паст бўлади (октан сони 40-50). Нефтни ҳайдаб олинган бензин миқдори халқ хўжалигининг ўсиб бораётган эҳтиёжларини қондира олмайди. Бензин миқдори ва сифатини ошириш мақсадида ҳозирги вақтда қайта ишлашнинг 2 усули кимёвий усул қўлланилади. Кимёвий усул 2 хил йўналишдан иборат: 1) Крекинг (парчаланиш). 2) Реформинг. Крекинг моҳияти - нефтнинг йирик молекулаларини майдароқ молекулаларга парчалаш. Крекинглаш жараёни 2 хил бўлади: - термик крекинг: углеводородларнинг 470-540 0 Сда ва босим 2-7 Мпа да парчаланиши (500 температура ва юқори босим); - каталитик крекинг: катализатор алюмосиликат ёрдамида, температура 450-500 0 С да (температура ва катализатор), босим 0,06-0,14 МПа да парчаланиши. (450 0 С).

Каталитик крекингда оғир нефт маҳсулотлари газойлдан тортиб мазутгача 8-15% гача бензин олиш имконини беради: С 2 n Н 4 n Қ2  С n Н 2 n= 2 + C n H 2 n Масалан, C 16 H 34  C 8 H 18 + C 8 H 16 гексадекан октан октен Термик крекинг бензин таркибида тўйинмаган углеводородлар борлиги билан тўғри ҳайдалган бензиндан фарқ қилади. 30-40% октан сони (68-70) юқорироқ бўлади, лекин бу бензинни узоқ вақт сақлаб бўлмайди, чунки вақт ўтиши билан ундаги тўйинмаган углеводородлар оксидланиб смолалар ҳосил қилади. Каталитик крекингда юқори сифатли (октан сони мотор усулида 72- 82) бензин олиш имкониятини беради. Каталитик крекингда парчаланиш реакғиялари билан бирга изомерланиш реакциялари, яъни нормал тузилган занжирли углеводородларнинг тармоқланган углеводородларга айланиш реакциялари ҳам содир бўлади. Бундан тўйинмаган углеводородлар ҳам камроқ ҳосил бўлади. Шу афзалликлар учун ҳозирги вақтда асосан каталитик крекингда фойдаланилади. Реформинг сифатини яхшилаш жараёни ҳам 2 хил йўналишда бўлади: - термик реформинг; - каталитик реформинг. Бунда водород иштирокида (480 0 С-520 0 С, 3 МПа) тўйинмаган углеводородлар тўйинган ҳолга ўтади ва шу билан бензин сифати яхшиланади. Каталитик реформингда катализатор сифатида платинадан фойдаланилади. Бундан ташқари углеводородларни ароматизациялаш ҳам юқори октанли бензин олиш имконини беради. Бунда тўйинмаган углеводородлар ёки циклопарафинлар ароматик углеводородларга айланади. Нефт маҳсулотларини тозалаш.

Олинган дистиллятлар тайёр маҳсулот ҳисобланмайди, чунки уларда углеводородлардан ташқари, смолали асфальт моддалари, олтингугуртли бирикмалар, органик кислоталар ва бошқа керакмас моддалар бўлади. Зарарли аралашмаларгина эмас, балки баъзи углеводородлар (тўйинмаган, полициклик) ҳам нефт махсулотлари сифатини ёмонлаштиради. Олтингугуртли бирикмалар ва кислоталар деталларнинг коррозияланишини оширади, смолали-асфальт моддалари иссиқ деталларда қурум ва лок пайдо бўлишини кўпайтиради, тўйинмаган бирикмалар химиёвий барқарорликни (сақлаш жараёнида таркибининг ўзгармаслигини) ёмонлаштиради. Эриган қаттиқ парафинлар қотиш температурасини оширади, полициклик углеводородлар қовушқоқлик хоссаларни ёмонлаштиради. Ёнилғи ва мойларнинг тозалашнинг ҳозирги вақтда жуда усуллари бор. Сульфат кислота билан тозалаш иқтисодий жиҳатдан фойдали бўлмаган энг эски усулдир. Дизел дистиллятларини тозалашда гидротозалаш, мойли дистиллятларни тозалашда эса селектив тозалаш усуллари асосий бўлганлигидан уларнинг мохиятини қисқача кўриб чиқамиз. 1. Г и д р о т о з а л а ш (ёнилғиларни тозалашда). Бу усул юқори температура ва босимда катализатор иштирокида водород воситасида водород сульфид Н 2 га бирикиб, улардан тозаланади. Бу усулда асосан дизел ёнилғилари тозаланади. Масалан, таркибида 1,0-1,3% олтингугурт бўлган дизел дистиллятлари тозалангандан сўнг тайёр маҳсулотда олтингугуртнинг миқдори 0,02-0,06% дан ошмайди ва 97-98% кимёвий барқарор ёнилғи олинади. Мойли дистиллятларни тозалашда с е л е к т и в тозалаш усулидан фойдаланилади. Унинг 2 хил йўналиши мавжуд: 1) мой таркибида ҳар хил керакмас аралашмалар эритувчилар билан реакцияга киришиб тозаланади; 2) мойнинг асосий қисми ажралиб чиқади, унинг сифатини ёмонлаштирувчи аралашмалар эса қолади.

Олинган қатламлар ажратилгач, эритувчи хайдалади ва қайтадан ишлатилади. Биринчи усулда эритувчи араламалардан хайдалади, иккинчи усулда эса углеводородлардан мойлар ҳайдалади. Селектив эритувчилар сифатида суюқ пропан, фенол, нитробензол, фурфурол каби органик бирикмалардан фойдаланилади. Қотиш температураси паст бўлган қишки сорт мотор мойлари олиш учун, маҳсулот селектив тозалангандан сўнг депарафинланади, яъни суюқлик температураси -20 0 С дан юқори бўлган қаттиқ парафинлардан тозаланади. Депарафинлаш учун қотиш температураси паст бўлган ацетон, дихлорэтан, суюқ пропан каби органик бирикмалар ишлатилади. Мой эритувчи билан бирга керакли температурагача совитилади ва фильтрланади. Парафинлар филтрда қолади, эритувчи эса мойда ҳайдалади. Селектив тозалашда олинган маҳсулотларнинг хоссалари ва миқдори кўп жиҳатдан хом ашёнинг таркибига, эритувчининг миқдори ҳамда сарфига, температурага ва ишлов беришнинг давом этиш вақтига боғлиқ.

АДАБИЁТЛАР: 1. Васильева Л.С. Автомобильнўе эксплуатационнўе материалў. М.: Транспорт, 1986г., 280с. 2. Гуреев А.А., Фукс И.Г., Лашхи В.Л. Химмотология. М.: Химия, 1986г., 368 с. 3. Колесник П.А. «Материаловедение на автомобильном транспорте». М.: Транспорт, 1987г., 264 с. 4. Манусаджянц О.И., Смаль Ф.В. «Автомобильнўе эксплуатационнўе материалў». М.: Транспорт, 1989 г. 5. Павлов В.П., Заскалько П.П. «Автомобильнўе эксплуатационнўе материалў». М.: Транспорт, 1982 г. 6. Топливо-смазочнўе материалў, технические жидкости. Ассортимент и применение. Справ.под ред.Школьникова В.М. М.:Химия, 1989г., 432с. 7. Қодиров С.М. «Трактор двигателларини унумли ишлатиш». Т.: Меҳнат, 1989й. 8. Итинская И.И., Кузнецов Н.А. «Автомобилларда ишлатиладиган материаллар». Т.: Ўқитувчи, 1983й. 9. www.ziyonet.uz

Похожие

Нефть. Нефтнинг таркиби ва уни кайта ишлаш

Нефт ва газ алканлари

Нефт циклоалканлари

Нефт таркибидаги олтингугуртли ва азотли бирикмалар

Нефт махсулотларининг энтальпияси