Урта асрлар мусулмон шарки мутафаккирларининг ахлокий таълимотлари - Философия - Рефераты

Урта асрлар мусулмон шарки мутафаккирларининг ахлокий таълимотлари

Загружено в:

20.09.2019

Скачано:

0

Размер:

162.5 KB

www.arxiv.uz Режа: 1. Урта асрлар мусулмон Шарки ахлокшунослигида машшоййунлик ва тасаввуф йуналишларининг урни (Форобий, Ар-Розий, Ибн Сино, Ибн Рушд, газзолий). 2. Темур ва Темурийлар даври ахлокшунослиги (Навоий, кошифий). 3. Машхур пандномаларнинг ахлокий мохияти («калила ва Димна», «кутадгу билиг», «Гулистон» в.б.).

www.arxiv.uz 1. Урта асрларга келиб насронийлик Оврупо халкларининг ижтимоий- сиёсий ва маданий хаётини черковга буйсундирди, хамма сохалар буйича черков назорати урнатилди. Бу билан илм-фан ва санъат черков белгилаб берган чегаралар доирасидагина ривожланишга махкум этилган эди. Ислом динида эса, айникса, тасаввуфнинг вужудга келиши туфайли, муайян маънода хурфикрлилик мавжуд булиб, илм-фан ва саньат тараккиётига кенг йул очилди. Натижада кадимги дунё мумтоз ахлокшунослиги илгари сурган гояларни ривожлантириш, у уртага ташлаган муаммларни хал этиш, уша давр ва кейинги даврлар учун долзарб булган мухим назарий хамда бадиий- ахлокий асарларни яратиш, асосан, мусулмон Шарки алломаларининг зиммасига тушди. Бу давр ахлокшунослиги хам турли хил ахлокий-фалсафий окимлардан ташкил топган. Лекин бундай окимлар ёки йуналишларнинг узига хослиги шундаки, улар кадимги дунё ахлокшунослиги сингари нисбатан катъий чегараларга эга эмас. Чунончи, Умар Хайём узининг табииййунлар йуналишига мансуб деб хисобласа-да, аслида унинг фалсафий-ахлокий карашлари купрок таносух ул-арвох (рухларнинг кучиб утиши) окимига тааллуклидир. Ёки машшоиййунлик окимининг буюк вакиллари деб тан олинган Форобий ва Ибн Синонинг ахлокий карашлари баъзи жихатлари билан тасаввуфий ахлокшуносликка хам тааллукли экани кузга ташланиб туради. Аммо, шунга карамай, умуман олганда, фалсафий-ахлокий окимлар борасида гап кетганда, мусулмон Шаркида икки йуналиш алохида урин тутади. Булар – машшоиййунлик ва тасаввуф ахлокшунослиги. Урта асрлар мусулмон Шаркида машшоиййунлик ёки, бошкача килиб айтганда, арастучилик окимини буюк араб мутафаккири ал-киндий бошлаб берди. Унинг асосчиси эса туркистонлик комусий аллома Абу Наср ал- Форобий (870-950) хисобланади. Арасту изидан бориб, Форобий хам фалсафани иккига – назарий ва амалийга булади хамда ахлокшуносликни амалий фалсафа таркибига киритади. Ахлокий муаммолар унинг «Бахтга эришув йулини курсатувчи

www.arxiv.uz китоб», «Бахтга эришув хакида», «Давлат арбобининг хикматлари», «Фозил одамлар шахри» сингари асарларида кутарилган. Уларда инсон бахти энг асосий муаммо сифатида уртага ташланади. «Бахт – хар бир инсон интиладиган максад, зеро у муайян комиллик хисобланади», дейди Форобий. Айни пайтда аллома уз карашларида фазилатга хам жуда катта урин беради. Чунки, унинг фикрига кура, кимда-ким фазилат нималигини билсагина, хакикий бахтга эриша олади. Арастуга ухшаб, у хам фазилатларни икки кисмга – фазоили нуткия (акл-идрокка асосланган фазилатлар) ва фазоили хулкия (хулкий фазилатлар) га ажратади хамда уларнинг урталик хусусиятларини таъкидлаб утади. Форобий хаёт ва мамот муаммосига хам батафсил тухталади. Унинг фикрига кура, фазилатли киши улим туфайли бахтни орттирувчи хатти- харакатларни купрок амалга ошириш имкониятларидан махрум булади. Шунинг учун унинг улимдан куркиши бошкаларникидан бутунлай узгача; у улим туфайли улкан бир ёвузлик курбони булаётганидан эмас, балки яхшиликни камрок килишга махрум эканидан чучийди. Фазилатли одам улган ёки улдирилганда, у эришган бахтга хавас килиш лозим, унга эмас, балки ундан ажраб колган хамшахарларининг холига йиглаш керак булади. Буюк ватандошимизнинг фикр килишича, инсонга уни гузал аъмоллар килиш учун йуналтирадиган одат махсули булмиш етук хулк лозим. Хулкнинг яхшилиги хатти-харакатларда меъёр кай даражада саклангани билан богланади. Одобни эса мутафаккир бадавлатнинг давлатини безайдиган ва камбагалниг камбагаллигини угирлайдиган ахлокий ходиса сифатида таърифлайди. Форобий, баъзилар ута лаззатга берилиш, ейиш-ичиш ва аёлга ружу куйиш туфайли жуда бушашиб кетади, иродаси заифлашади, унда рисоладаги нафрат хамда газаб хисси йуколади, дейди. Бутун кучини уз нафсига сарфлайдиган кишида улугворлик тубанликка хизмат кила бошлайди, яъни фикрлаш кобилияти газаб ва эхтирос кучлари хизматида булади, бу кучларнинг харакати эса ейиш-ичиш хамда шахвоний нафсни кондиришга багишланади.

www.arxiv.uz Файласуф бундай кишиларни араб ва турк зодагонлари орасида купрок учрашини айтади. Бундай кишилар шахвоний истаклари куткуси билан, аёллар олдида мактанишни хуш курадилар, уларни такинчок, безакларга кумиб ташлайдилар, фойдали мехнатдан четда тутадилар, улар нима деса шуни киладилар. Натижада аёл уйнинг хакикий хокими булиб олади, турли тантикликларни одатга айлантиради. Демак, Форобий оила бахтини эхтиросларни йулга сола олишда деб билади, аёл кишини безакларга кумиб ташланган кугирчок булишига карши туради. Урта асрлар ахлокшунослигида райлик мутафаккир Абу Бакр ар-Розий (865-925) таълимоти узига хос урин эгаллайди. Унинг ахлокий карашлари «Лаззат», «Фалсафий хаёт тарзи», «Рухий табобат», «Бахт ва фаровонлик белгилари» сингари китобларида акс этган. Ар-Розий ахлокшуносликни инсонда хушхулкликни тарбиялаш ва бадхулкликни йукотиш йуллари хамда усуллари хакидаги фан деб билади; у кишини акл билан иш куришга, меъёрида лаззатланишга, уз эхтиросларини жиловлаб, лахзалик лаззатга умрини бахш этмасликка ургатади. Хуллас, Ар- Розийнинг ахлокий карашлари, илмий тил билан айтганда, гедонизм ва эвдемонизмга асосланади. У рухий табобатнинг энг мухим вазифаси инсоний бахт билан чамбарчас боглик булган лаззатнинг мохиятини билиш ва тушунтиришдан иборат деб хисоблайди. «Лаззат, – дейди мутафаккир, – изтиробдан кутилишдир». Лаззатнинг бир шартини фаровонликда, иккинчи шартини эса у хамма нарсага акл билан ёндошувда куради. Райлик мутафаккирнинг лаззат хакидаги таълимотига чукуррок назар ташланса, унинг Эпикур карашларига асосланганини илгаб олиш мумкин. Айни пайтда Ар-Розий Эпикурнинг таклидчиси эмас, давомчиси сифатида намоён булади, ундан анча илгарилаб кетади. Чунончи, Эпикур узини хавотир ва хатардан, жамоат ва давлат ишларидан олиб кочишни, ташки шарт-шароитдан мустакил булишни, табиат билан хамнафасликда яшашни изтиробдан кутилишнинг энг яхши усули деб хисоблайди. Ар-Розий эса инсонни ижтимоий фаолликка чакиради, уни жамиятга фойда келтириб

www.arxiv.uz яшашга даъват этади. Зеро унинг наздида инсон ижтимоий мавжудот. Инсон факат инсоний жамиятдагина ахлокий юксакликка, бахт ва фаровонликка эришади. Жамиятдан ташкарида, яккаликда, танхоликда инсоннинг яшаши мумкин эмас. Борди-ю, яшаган такдирда хам «ёввойи, хайвоний, тупос булади, зеро у бизнинг мавжудлигимизни кулайлаштирадиган, орасталаштирадиган инсоний хамкорлик ва куллаб-кувватланиш имконидан махрум», – дейди мутафаккир. «Рухий табобат» китобининг ун олтинчи бобида Ар-Розий эътикодий фанатизмнинг зарари хакида тухталади. Идеал даражадаги соф диний эътикоднинг хаётда булиши мумкин эмаслигини таъкидлар экан, такводорликни факат нисбий тарзда тушунишга чакиради. У сувни мисол келтириб, шундай дейди: «Биз фойдаланаётган сув одамлар томонидан ифлослантирилмаган ёки унда хайвонларнинг, дайди ёки кутурган итлар ёки бошка ёввойи жониворларнинг сасиган уликлари, тезаклари ёки кушларнинг нажаслари тушмаганига кафолат йук. Шу боис биз уни канчалик кайта-кайта тиндириб куймайлик, энг сунгги холати хам, бари бир, энг ифлос, энг харом булиб колверади». Ар-Розийнинг фикрига кура, сувдан ичганда хам, тахорат килганда хам улар хакида уйламаслик лозим. Зеро Оллох биздан хеч бир нарсани мураккаблаштирмасликни талаб килади. Фанатизмга оид турли- туман диний окимлар ана шундай–диний эътикодни мураккаблаштириш, ноинсонийлаштириш туфайли келиб чикади. Ар-Розийнинг бундай фикрлари ханузгача уз ахлокий ахамиятини йукотган эмас. Машшоиййунлик ахлокшунослигининг яна бир буюк вакили Форобийнинг шогирди Ибн Синодир. Ибн Синонинг ахлокий карашлари асосан «Ахлок илмига доир рисола», «Бурч тугрисида рисола», «Нафсни покиза тутиш тугрисида рисола», «Адолат хакида китоб», «Турар жойлардаги тадбирлар» сингари асарларида ва замондошлари билан олиб борган мунозара- ёзишмаларида уз аксини топган. Аввало, Ибн Сино ахлок илмининг амалий фалсафа таркибидаги урнини аниклаб олишга интилади. «хакимларнинг, – деб ёзади аллома шогирди

www.arxiv.uz Бахманёр ал-Озарбойжоний билан мунозара-ёзишмасида, – фалсафа назарий ва амалий булади, деганини фалсафа амалий-ахлокий булади, деб тушунмаслик керак. Чунки амалий ахлокнинг бундай намоён булиш холати фалсафа дегани эмас, зеро киёсий малака ахлокий малакадан мутлако узгадир... Фалсафа амалий ва назарий кисмларга булинар экан, демак, уни (амалий фалсафани) ахлок билан айнанлаштирилмайди. Шунинг учун (уни) ахлок илми деган маъкул». куриниб турибдики, Ибн Сино ахлокшуносликни амалий фалсафа, яъни назария эканини таъкидлайди ва ахлокни унинг тадкикот объекти сифатида таърифлайди. Ибн Сино уз асарларида бир канча ахлокий фазилатларга таъриф беради. Чунончи, иффат, хикмат, шижоат, адолат, сахийлик, каноат, катъият, садокат, хаё, камтарлик ва бошкалар шулар жумласидандир. Шунингдек, аллома уларнинг акси булган – угрилик, алдамчилик, фиску-фасод, нафрат, рашк, адоват, бухтон, иродасизлик, такаббурлик, нодонлик каби иллатларни хам тавсифлайди; хар икки турдаги мазкур тушунчаларнинг бир-бири билан богликлигини, бир-бирига утиб туришини ва бундай богланиш ижобий хол эканини таъкидлайди. Демак, ахлокшунослик илмида факат фазилатлар эмас, балки иллатлар хам урганилиши зарур. Айни пайтда, Ибн Сино устозлари анъаналарини давом эттириб, хар бир ахлокий фазилат икки нуксон оралигида булади, яъни урталик хусусиятига эга, дейди. Аллома тасаввуф фалсафаси ва тасаввуфий ахлокшуносликка доир хам куплаб асарлар яратди. Зеро, у бежиз Шайх ур-Раис, яъни шайхларнинг раиси деган номни олган эмас. Бу борада унинг машхур «Ишк рисоласи» диккатга сазовордир. Ундаги асосий муаммо – комил инсон масаласи. Ибн Синонинг фикрига кура, Яратганга мухаббат одамни инсон зоти кобил булган комиллик даражасига олиб чикади. Яьни рухнинг куйи кучлари ва кисмлари унинг улугвор ва олижаноб кучлари хамда интилишлари билан якинликда булиб, улар таъсирига тушиши натижасида фазилат касб этади. Бу фикр, Аллохга мухаббат факат таркидунёчилик оркалигина эмас, балки расмона инсоний хаётда хам руёбга чикиши мумкинлигини англатади. Шу боис «Ишк

www.arxiv.uz рисоласи»даги бу каби уринларни Накшбандия тарикатининг вужудга келишида назарий асос, умуман, тасаввуф фалсафаси ва ахлокшунослигига илк назарий пойдевор булди дейиш мумкин. Ибн Сино такдир масаласига хам узига хос тасаввуфий ёндошади. У Навоийнинг «Лисон ут-тайр» достонида Худога етишган шайхлардан бири сифатида тасвирланган Абу Саид ибн Абул Хайр Механий билан мунозара- ёзишмасида Оллох хеч качон бирор-бир кимсага ёмонлик, ёмон такдир истамаслигини, кимнинг такдири ёмон булса, бунга унинг узи сабабчилигини, яъни инсоннинг килмишлари унинг такдири эканини айтиб, шундай дейди: «Асл Ал-хаким (яъни, Оллох) иноятига кура, оламда мавжуд булган ёмонлик – оламнинг максади эмас. Оламнинг асл муроди яхшиликдир, ёмонлик эмас!». Буюк ватандошимиз савоб ва акоб (жазо) масаласида хам мохиятан тасаввуфий йуналишда фикр юритади. Машшоиййунлик окимининг яна бир машхур ва сунгги вакили, Оврупода «Авверроизм» деган йуналишнинг асосчиси, курдобалик (испаниялик) мутафаккир Ибн Рушд (лотинча Аввероэс) хам ахлокшунослик илми тараккиётига улкан хисса кушган алломалардан. Унинг фикрига кура, эзгулик ва ёвузлик, улар табиий ёки ижтимоий хусусиятга эга булишидан катъий назар, уз холича мавжуддир. Табиий эзгуликнинг манбаи Оллох, лекин эзгулик ёвузлик билан ёнма-ён келади. Чунончи, олов фойда келтириши баробарида, хайвонлар ва ут-уланларни халок этиш хусусиятига эга. Гарчанд оловни Худо яратган булса хам, унинг бу хусусиятини узгартира олмайди, худди шунингдек, рангни яратган Худо унга эшитишимиз мумкин буладиган хусусият ато эта олмайди. Ибн Рушд бутун ислом олами учун доимо мухим булиб келган ихтиёр эркинлиги муаммосига хам катта ахамият берган. У, инсонга мутлак ихтиёр эркинлиги берилганини хам, инсон хатти-харакати мутлак олдиндан белгилаб куйилганиини хам инкор килади. Чунки, агар инсонлар такдири мутлак олдиндан белгилаб куйилган булса, у холда уларнинг жонсиз нарсалардан фарки колмасди, улар дехкончилик, харбу зарб, тиббиёт сингари бахтни кулга

www.arxiv.uz киритиб, ёвузликни узлуксиз йукотиб боришни таъминлайдиган хунар ва саньат турлари билан шугуллана олмас эдилар. Асл бахтга эса факат хайвоний куч хатти-харакатларини рухнинг аклий кисми назорат килиб турганидагина, инсон узи интилиши лозим булган нарсаларга амалий акл кай вактда ва кай тарзда интилишини лозим курса, ушандай интилгандагина эришиш мумкин. курдобалик мутафаккир идеал давлатда фукароларга фазилатларни сингдириш ва тараккий эттириш учун икки хил усулни куллашни таклиф килади. Биринчиси - ишонтириш усули. У хам, уз навбатида, икки хил ёндошувни таказо этади: кенг оммани тарбиялаш учун шеърий ва хитобий нуткдан, яъни, бадиий асарлар хамда нотиклик санъатидан, «сара» кишиларда фазилатларни ривожлантириш учун эса исботий нуткдан, яъни, илмий-фалсафий нуткдан фойдаланиш лозим. Иккинчиси – мажбурий усул. У асосан, ташки душманлар билан курашни уз ичига оладиган ходиса. Мутафаккир бу усулни жиход билан тенглаштиради. Лекин Ибн Рушднинг тушунчасидаги жиход – кофирларга карши олиб бориладиган доимий диний уруш эмас. У Арастунинг «Никомахнинг ахлок китоби» асарига ёзган шархида доимо тинчлик зарурлигини, урушга эса баъзан-баъзангина йул куйиш кераклигини айтади, жиходни факат шариат талаблари нуктаи назаридан тушуниш мусулмонлар бошига куп офатлар келтирганини таъкидлайди. Демак, Ибн Рушднинг фикрига кура, жиходни тарикат талкинлари асосида тушунмок лозим. Бу – курдобалик мутафаккирнинг хам тасаввуфдан йирок эмаслигини курсатади. Тасаввуф ахлокшунослиги хакида гап кетар экан, энг аввало, тасаввуфнинг мохиятини англаб олмок лозим. Бу борада дастлабки суфийлардан булмиш Робия ал-Адавиянинг (713-801) Худога муносабати диккатга сазовордир. Бу муносабатини у «мухаббат « деб атайди ва Яратганга шундай илтижо килади; «Ё, Оллох, юлдузлар чараклаб турибди, одамларнинг эса кузлари юмилган... хар бир ошик уз махбубаси билан висол лаззатини тотмокда, мен эса ёлгиз Сен биланман. Ё, Эгам, агар Сенга мен дузахингдан куркканим учун ибодат

www.arxiv.uz килаётган булсам, мени дузахингда ёндир, агар жаннатинг илинжида ибодат килаётган булсам, мени унга йулатма. Агар факат узингни деб ибодат килаётган булсам, мендан мангу гузал жамолингни яширин тутма!». куриниб турибдики, Робия ал-Адавия Худога нимадандир куркиб, ёки ниманингдир илинжида муножот килаётгани йук, балки махбуб сифатида, яъни мухаббат изхори билан мурожаат этмокда. Демак, шариат Исломнинг ташки – хукукий куриниши булса, тарикат унинг ички-ахлокий, юксак боскичдаги куриниши хисобланади. Зеро, Тангри инсонни фаришталардан улуг куйиб, ердаги халифам деб атади, яъни айрича бир мухаббат билан яратди. Демак, инсон хам унга мухаббат куймоги лозим. Инсонга юбориладиган азоб-укубатлар ана шу мухаббат даражасининг Худо томонидан синаб курилишидир. Тасаввуфнинг мохияти икки томонлама мухаббатни талкин этмок. Шунинг учун тасаввуф ахлокшунослигида мухаббат хис-туйгулик макомидан тушунча даражасига кутарилади. киска килиб айтганда, тасаввуф исломий ахлок фалсафаси сифатида иш куради. Тасаввуф ахлокшунослигида хужжат ул-ислом Имом газзолийнинг урни бекиёс. Унинг ахлокий карашлари, асосан, хар жихатдан буюк асар булмиш «Ихёи улум ад-дин» деб аталган турт жилдлик китобида уз аксини топган. Унда таваккул (хаммма нарсада Оллохга суяниш) Худонинг яккалигига эьтикод сифатида талкин этилади ва мухаббат, ихтиёр эркинлиги, такдир, ният сингари муаммолар билан боглик холда тахлил килинади. газзолий махаббатни билишнинг махсули деб атайди. Зеро, инсон ниманики билса, ушанигина севиши мумкин. Масалан, тошда мухаббат булмайди у билишдан йирок. Мухаббат факат билишнинг жонли субъектигагина хос сифатдир. Мутафаккирнинг фикрига кура, мухаббатнинг беш тури мавжуд: 1) инсоннинг узига, уз камолоти ва сог-омонлигига мухаббати, 2) инсоннинг уз хаётини давом эттиришини таъминловчи, уни асровчи, ундан турли мухликотларни (халок этувчиларни) нари тутувчи валинеъматларига мухаббати: 3) инсоннинг, гарчанд шахсан узига яхшилик килган зотларга яхшилик килмаган булса хам, бошка инсонларга хизмат

www.arxiv.uz курсатган, яхшилик килган зотларга мухаббати; 4) Инсоннинг ташки ёки ички киёфадаги барча гузалликка мухаббати; 5) инсоннинг узи билан ботиний (ички), яширин ухшашлиги бор булган зотларга мухаббати. Мазкур мухаббат турлари хаммасининг замирида Оллохга мухабат ётади, яъни инсоннинг узига, узгаларга. атроф-мухитга муносабати мухаббат оркали амалга ошади ва бу мухаббат турларининг хаммаси Оллохга мухаббатнинг билвосита куринишидир. Зеро: «Узини англаб етган кишигина уз яратганини англаб етади, у уз-узича мавжуд эмас, унинг борлиги, мавжудлигининг давоми, камолотга эришуви Оллохдан, Оллох ва Оллох воситасидадир», дейди Имом газзолий. Мутасаввиф файласуфнинг ихтиёр эркинлиги борасидаги карашларида такдир мутлак макаррар ходиса сифатида талкин этилади. Бунда хам билим (билиш) биринчи уринда туради; ихтиёр билимга буйсунади. Зеро, инсонни нима узига ёкиш ёки ёкмаслигини билим (билиш) оркали англаб етади. Умуман, ихтиёр эркинлиги ихтиёрнинг узига хос тури, у нимагаки инсон ишончсизлик туйса, ушанга нисбатан булган аклий муносабатдан юзага чикади. Ихтиёр эркинлиги «касб» тушунчаси билан боглик. касб – касб этмок, узига олмок, узига юктирмок сингари маъноларни англатувчи тасаввуфий атама. Масалан, Худо бир бандасини синаб куриш учун унга ёмонликни раво курди, дейлик. Бу унинг такдири, мутлак мукаррар ходиса. Лекин ёмонликнинг ижроси бошка бир одам ихтиёрига берилади, яъни синалаётган бандага ёмонлик килиш-килмаслиги ана шу восита-одамнинг ихтиёрий танловига боглик. У – эркин. Агар у яхшиликни танласа – савоб, ёмонликни танласа – гунох унинг буйнига тушади. Худди шунингдек, ёмонлик объекти булган банда агар Худонинг синовига шукр билан жавоб берса, у суюк, аксинча, шаккоклик килиб, Худодан нолиса ёки юз угирса, у гунохкор банда. Демак, газзолий такдирнинг мукаррарлигини таъкидлагани холда, инсонга маълум маънода ихтиёр эркинлиги берилганини кайд этади. Имом газзолий ният масаласида хам узига хос фикрлар билдиради. У ниятни юракнинг икки нарса – билим ва харакат камровидаги сифати деб

www.arxiv.uz таърифлайди. Билим ниятдан олдин туради, у ниятнинг илдизи ва шарти хисобланади. харакат эса ниятдан кейин туради. Уни ниятнинг меваси ва бутоги дейиш мумкин. хар бир эркин танланган харакат уч нарса – билим, ихтиёр этиш ва кобилият ёрдамида руёбга чикади. Зеро, инсон билмай туриб- хохламайди, хохламас экан, харакат килмайди; шунинг учун ихтиёр этмок лозим. Ихтиёр этиш ходисаси юз бергандагина навбат кобилиятга кеади ва кобилият инсон аъзоларини харакатга туширишга киришади. Демак, ният урталикдаги сифатдир. Ният тасаввуф ахлокшунослигида баъзан харакатдан хам катта ахамият касб этади. Агар яхши ният килинса-ю, лекин банда ихтиёрига боглик булмаган сабаблар туфайли у руёбга чикмай колган булса, бундай ният амалга ошган деб хисобланади. Шундай килиб, хар бир харакат узини уйготадиган ниятга буйсунади, зеро, у уз заруриятини уша ниятдан олади. Хуллас, тасаввуф ахлокшунослигининг узига хос табиатидан келиб чикиб, шундай дейиш мумкин: бу таълимот Худога-мутлак фазилатлар Эгасига, мутлак комил Зотга етишиш йулида инсоннинг нисбий комилликка эриша бориши гоясини илгари суради. Бу гоя инсоннинг Яратган олдидаги куркувини мухаббатга айлантириш учун хизмат килади. кискаси, тасаввуф ахлокшунослиги инсондан Худонинг кур-курона кули булиб, эмас, балки Уни таниган, билган Унинг ердаги халифаси ва ошиги сифатида харакат килишни талаб этади. 2. Урта асрларнинг то мугуллар боскинига кадар булган даврларида биз юкорида куриб утган комусий алломалардан ташкари Аз-Замахшарий, Ал- Беруний, Ахмад Яссавий, Абдулхолик гиждувоний, Жалолиддин Румий, Нажмиддин кубро сингари унлаб мутафаккирлар ахлок илмининг назарий ёки амалий сохаларида фаолият курсатдилар. Лекин мугуллар боскини мусулмон Шаркида маданий хаётни издан чикариб юборди. Факат сохибкирон Амир Темур давридагина илм-фан ва саньат тараккиёти яна уз йулига тушди.

www.arxiv.uz Сохибкироннинг «куч – адолатда!» деган тамойили шунчаки гап эмасди. Амир Темур амалда хакикат ва адолат тарафдори эди. Шу сабабли хатто Темурни узининг шахсий душмани деб билган тарихчи Ибн Арабшох, агар нохаклик юз берса-ю, нохаклик килган киши Темурга ота ёки фарзанд макомида булса хам, у киши жуда каттик жазога махкум этиларди, деб ёзиб колдирган. Буюк бобокалонимизнинг сайъи харакатлари бехуда кетмайди. Натижада Темур ва темурийлар даври илм-фан ва маданият тараккиётининг олтин даври сифатида ханузгача жахонни хайратга солиб келмокда. Бу даврда юзлаб комусий олимлар буюк шоирлар ва саньаткорлар етишиб чикди. Улар орасида улуг узбек шоири Алишер Навоий алохида ахамиятга молик. Нафакат унинг асарларидаги юксак бадиият, балки фалсафий -ахлокий карашлар хам ханузгача уз охорини йукотган эмас. Маълумки, Навоий шеърлари ва достонларида илгари сурилган ахлокий тамойиллар хамда ижобий кахрамонлар киёфаларида тажассум топган адолат, садокат, бурч, мухаббат, рахм-шафкат, мардлик, камтарлик сингари фазилатлар хакида куп ёзилган. Айни пайтда, Навоий суфийликнинг накшбандия сулукига мансуб йирик шахс – мутасаввиф сифатида хам ахлокшунослик назарияси хамда амалияси тараккиётига улкан хисса кушган мутафаккирдир. У «каноат накшининг ифшоси ва накшбандия тарикатининг адоси» деган шеърида узи мансуб булган тарикатнинг турт тамойилини шундай тушунтиради: Десанг хилватим анжуман булмасун, керак анжуман ичра хилват санга. Ватан ичра сокин булиб сойир ул, Сафардин агар булса мехнат санга. Назарни кадамдин йирок солмагил, Бу йул азми агар булса рагбат санга. Дамингдин йирок тутмагил хушни, ки юзланмагай хар дам офат санга.

www.arxiv.uz Бу турт иш била рубъи маскун аро, Чолинмок не тонг куси давлат санга. Бу оханг ила булгуси накшбанд, Навоий, агар етса навбат санга Маълумки, дилинг Худо билан, кулинг иш билан банд булсин, деган шиор накшбандия тарикатининг асосий тамойилидир. Навоий бутун умр, аввало, шахсан узи ана шу тамойилга амал килди, колаверса, деярли хамма асарида инсонни заминдан оёги узилмаган кахрамон тарзида талкин этди. Шуниннг учун хам аллома Бертельс Навоийни, нафакат буюк шоир хамда мутафаккир, балки буюк ва покиза, номи бош харфлар билан ёзилишга лойик Инсон эди, деб таърифлайди. Навоий уз асарларида инсон кадр-кимматини биринчи уринга куяди, номус, орият ва инсоний гурур тушунчаларининг узига хос талкинини беради. «Таваккул сифати ва бетаваккуллар мазаммати» шеърида мутафаккир шоир, Яратганга таваккул килиш урнига узини тамаъ юзасидан шохлар олдида кулдек тутган ялтоки киши, агар афсонавий корун бойлигини мулжалласа-да, унинг насибаси бор-йуги бир товок ош булади, дейди. Зеро, ундай одам нафси хуружида, катта даъво-максадларни дархол унутиб, олдига ташлаб куйилган суяк билан овора булиб колаверади: кичик бир товокдаги ош учун куллик киладиган бундай инсон юзига улкан козоннинг коракуяси муносибдир: Таваккулни улким куюб хотирига, Тушар шох оллинда куллук хавоси. Насиби онинг бир аёк ош эрур, бас, Агар ганжи корун эрур муддаоси. Биравким, булур бир аёк ош учун кул,- Юзига керактур казоннинг кароси.

www.arxiv.uz Навоий асарлари орасида тасаввуф ахлокига доир яна бир машхур китъа борки, унинг ички-ботиний мазмуни алохида дикатга сазовор; камол эт касбким, олам уйидин, Сенга фарз улмагай гамнок чикмок. Жахондин нотамом утмак биайних, Эрур хаммомдин нопок чикмок. Бу шеърга юзаки караганда, гап дунёдан бирор касбнинг бошини тутмай утиб кетиш яхши эмаслиги хакида кетаётгандек куринади. Аслида эса у, юкорида айтиб утганимиз-тасаввуф ахлокшунослигининг «касб» тушунчаси билан боглик. Навоий хазратлари бу дунёга келиб, Оллох инсон учун яратган барча фазилатлар ва эзгуликларни узига касб килиб олмаган, юктирмаган киши тириклик оламидан боши куйи солинганича чикиб кетади, чунки дунёдан нотамом, яъни комилликка эришмай утиш худди хаммомга кириб, ювинмай чикиб кетиш билан баробар, дейди. Демак, улуг мутафаккирнинг фикрига кура, хар бир инсон Худо унга неъмат сифатида яратган фазилатлар эгаси булмоги, комиллика интилмоги зарур, ана ушандагина у уз инсонлик бурчини бажарган, инсон деган номни оклаган саналади. Буюк мутафаккирнинг «Махбул ул-кулуб» асари, айникса, Темурийлар даври ахлокшунослиги тараккиётига катта хисса кушди. Уч кисмдан иборат бу асарда нафакат тасаввуф ахлокшунослиги ва ахлокнинг, балки бутун мусулмон Шарки ахлок илмининг назарий муамммолари кутарилади. Шунингдек, у панднома сифатида хам диккатга сазовор. Унда раъийят ахли барча табакаларининг одоби, хулки ва ахлокий тамойиллари хакида фикр юритар экан, Навоий, Сукрот изидан бориб, конунни адолат билан айнанлаштиради: «Зиндон ахли-дузах ахли», дейди мутафаккир. Айни пайтда, халол мехнат билан кун кечирувчи дехконга улкан саховат эгаси, курт-кумурскадан тортиб, гадою мусофирга емак бергувчи, новвою аллофни иш билан таъминловчи, дарвешлар качкулию мамлакат хазинасини

www.arxiv.uz тулдирувчи, барчага ризк улашувчи олижаноб жаннатий инсон, ахлокий намуна сифатида карайди. «Дехконки дона сочар, ерни ёрмок била ризк йулин очар», дейди шоир ва унинг куш хайдаётган пайтини Одам Атонинг холатига ухшатади. Дехконга берилган бунчалик юксак бахога, дехкончиликнинг бошка касблардан юкори куйилишига сабаб шуки, бошка сохадаги одамлардан, дейлик, хунармандлардан ажойиб ашъёлар, меъмор- курувчилардан буюк бинолар, неча ун юз, хатто минг йилларга ёдгор булиб колади ва бу ёдгорликлар билан уларнинг номлари бирга узок вакт яшайди. Дехконнинг мехнати эса шу жихатдан маълум маънода фийсабулло чекилган захмат. Унинг мехнат махсули ер устида колмайди, ердан пайдо булиб ерга сингиб кетади. Аммо унинг махсули билан инсон тирик ва дастурхон очик. «Махбуб ул-кулуб» да комил инсон масаласи хам узига хос тарзда уртага ташланади. Навоий, накшбандия сулукининг ахлокий талабларидан келиб чикиб, уз замонаси билан хамнафас була оладиган ва доимо комилликка интилиб яшайдиган инсонни ахлокий намуна деб билади. Чунки хар бир инсон факат уз замонасидагина мавжуд ва шу мавжудлик доирасидагина бирор иш килишга кодир; ох, утмиш зур эди, олтин даврлар эди, ёки келажакда хамма нарса ажойиб булади, деб гапираверган билан хеч нарсага эришиб булмайди. Инсон уз замонаси имкониятларидан фойдаланиб, хам узини, хам замонасини гузал килишга интилмоги лозим. Шу боис «Махбуб ул-кулуб» куйидаги хотима билан якунланади: «утган рузгор адамдир. келажакдан суз айткон ахли надамдир ва хол мугтанамдир. Бир турк бу маънида дебдурким: «Дам бу дамдир». Байт: Мозию мустакбал ахволин такаллум айла кам, Не учунким, дам бу дамдир, дам бу дамдир, дам бу дам. Хулоса килиб шуни айтишимиз мумкинки, Навоий асарларидаги ахлокка доир фиклар хох амалий ахлокка, хох ахлок назариясига таллукли булсин,

www.arxiv.uz улар улкан бир давр ахлокий карашларининг квинтэссенцияси сифатида доимо тадкик ва тадбикка лойикдир. Темурийлар даври ахлокшунослигида Навоийнинг назари тушган аллома, унинг замондоши хусайн Воиз кошифийнинг (1440-1505) сиймоси алохида диккатга сазовор. Хондамирнинг таърифига кура, у «маъкул ва махсус илмларнинг барчасидан тула нафланган ва бахраманддир». кошифийнинг ахлокшуносликка доир энг машхур асари «Ахлокли Мухсиний»дир. хусайн Бойкаронинг угли, Марв хокими шахзода Мухсин Мирзога багишланган бу китобда кошифий ахлокшуносликнинг жуда куп тушунчаларига шарх беради, уларни жонли, хаётий мисоллар, шунингдек, кадимги хикоялар асосида талкин этади. У яхшилик ва ёмонлик хакида фикр юритар экан, яхшиликни асосан эзгулик маъносида тушунади. Эзгуликнинг ибтидосини кошифий хушхулклиликда куради. Инсоний фазилатларни у тарбия, билим, тажриба оркали таркиб топади деб хисоблайди. халоллик, ростгуйлик, мехнатсеварлик, инсонпарварлик сингари ахлокий меъёрлар ва тамойиллар эзгуликнинг пойдевори сифатида олиб каралади. кошифий адолат тушунчасига, айникса, батафсил тухталади ва уни узига хос шархлайди. Мутафаккир адолатни инсоннинг энг яхши фазилати, адолатсизликни эса ёмон одамлардаги энг ёмон иллат тарзида такдим килади. Шунингдек, кошифий адолатнинг ижтимоийлик хусусиятини хам назардан кочирмайди: «Адл натижаси, – деб ёзади у, – мулк боки-ю, мамлакат васиг ва хазона маъмур, кентлару шахарлар обод булмокдур. Ва зулм самараси мамлакат завол топмоги эрур». кошифийнинг фикрига кура, жамият табакалари бир-бири билан мустахкам ижтимоий богликликка эга; агар жамиятда адолат хукм сурмаса, заифлар йуколади, заифларсиз эса зуравонларнинг хам булиши мумкин эмас. Яъни, адолатсиз тузумда жамият таназзулга учрайди. Адолат – инсоний жамиятни бахт-саодатга олиб борувчи йул. Буюк ахлокшуноснинг бурч хакидаги карашлари хам эътиборга молик. У бурчни Тангри олдидаги уз карзини бажариш, илохий масъулият деб

www.arxiv.uz тушунади. Лекин бу масъулият, айни пайтда, мухтожларга хайр-эхсонни, Яратган ва банда олдидаги покизаликни хам уз ичига олади. Бурчни англаб етиш эса, факат билим (билиш) оркали руй беради. Шунингдек, кошифий, анъанавий шаркона фазилатларга бафуржа тухталади. Сабр, хаё, авф, сахийлик, ростгуйлик, фаросат, тавозеъ сингари фазилатларнинг мохиятини очиб беради, уларни насрий ва шеърий мисоллар билан исботлайди. Айни пайтда, уларнинг зидди булмиш иллатлар хам мутафаккирнинг диккат марказидан четда колмайди. Бундан ташкари, хусайн Воиз кошифий ахлокий маданият муаммоларини хам тадкик этади. Унинг «Футувватномаи Султоний ёхуд жавонмардлик тарикати» асарида муомала одоби, кийиниш одоби, хамда мехмондустлик ва тановул этикети борасида узига хос фикрлар уртага ташланган. Чунончи, у, сухбат одоби борасида гап кетганда, шайхлар ва бошка мартабага эришганлар учун хам, хали мартабага эришмаган кишилар, муридлар учун хам риоя килиниши зарур булган бир канча сухбат одоби мавжуд эканини айтиб, хар икки тоифа сухбатдошлар учун алохида-алохида саккизтадан коида тавсия этади. Бу уринда мутафаккир сузга лингивистик эмас, ахлокшунослик нуктаи назаридан ёндошиб, унга инсоннинг ахлоклилик даражаси намоён буладиган восита сифатида карайди: ахлокшуносликда сузни инсондан, инсонни суздан ажратиб тахлил этиш мумкин эмаслигини таъкидлайди. «Агар суз сеникими ёки сен сузникими, деб сузласалар, айтгил: мен сузники ва суз меникидир, чунки суз инсонлик дарахтининг мевасидир, дарахтни мевадан, мевани эса дарахтдан ажратиб булмайди», деб ёзади мутафаккир. китобда аллома ахлокшунос касбий одоб муаммоларига хам тухталиб утади. китобнинг ун туртинчи, ун бешинчи ва ун олтинчи фасллари турли касб эгалари одобига багишланган. Масалан, ун туртинчи фасл «касб-кор ва савдо-тижорат одоби хакида» деб номланади ва умуман касб эгаси, айни пайтда, савдо-тижорат ахли одоби конун-коидаларини узи ичига олади. кошифий ёзади: «Билгилким, хамма касбларга бирдай тааллукли кискача

www.arxiv.uz коида-адаблар мавжуд, шунингдек, хар бир касб учун алохида одоб хам бор». Шундан кейин мутафаккир куйидагича давом этади: «Агар барча касблар учун зарурий одоблар хулосани нечта, деб сурасалар, саккизта деб айтгил: биринчидан, уз касбини харомдан, шубхали мол- маблагдан пок сакласин. Иккинчидан, ризк-рузи зарурати учунгина керакли касб билан шугуллансин, касбни мол-дунё туплашга сарфламасин. Учинчидан, касбни обру олиш, яхши ном чикаришнинг сабаби, деб билсин. Туртинчидан, моли харом одамлар (амалдорлар, порахурлар, карокчилар, угрилар, киморбозлар, каззоб дукондорлар) билан муомала килмасин...» ва хоказо. кошифий сотувчи одоби, харидор одоби, ходимлар (хизматкорлар) одоби, маддохлар одоби сингари масалаларда хам худди шундай асосли фикрлар билдиради. Гарчанд, «Футувватномаи Султоний» жавонмардлик (жумардлик) тарикати дарвешларига атаб ёзилган булса-да, ундаги илгари сурилган ахлокий тамойиллар ва гоялар умумминтакавий, умуминсоний камровга эга. Зеро буюк форсигуй узбек шоири Пахлавон Махмуд асос солган бу тарикат дарвешлик хиркасини кийган, лекин зарур булса, барча куроллар турини ишга солиб, Ватан химоясига отланишни биринчи галдаги вазифаси деб билган эркпарвар жангчилар сулукидир. Шу боис мазкур китобда динийлик дунёвийликдан ажратилмай бир-бирини тулдириши билан инсон хаётини ахлокийлаштирадиган, гузаллаштирадиган ходисалар сифатида талкин этилади. Жавонмардликнинг харбийлаштирилган насронийлар рицарлик орденларидан фарки хам шунда. кошифий илгари сурган ахлокий гоялар хозирги кунда куп жихатдан уз таъсир кучини йукотган эмас. Айникса, унинг тижоратчи, сотувчи ва харидор одобига доир коидаларини замонавий бозорларимиз, тижорат марказларимиз ва дуконларимиз деворларига ёзиб куйиш айни муддао булар эди. Темурийлар даври ахлокшунослигининг яна бир вакили Жалолиддин Давонийдир (1427-1502). Унинг ахлокшунослик муаммоларига багишланган йирик асари «Ахлоки Жалолий» рисоласида, профессор, хайдар Аликулов

www.arxiv.uz тадкикотларига кура, XV асрнинг илгор ахлоки мусулмон Шарки ахлокий таълимотларининг ютук ва камчиликлари акс этган. Асар уч кисмдан иборат булиб, унинг биринчи кисми асосий ахлокий тушунчалар булмиш адолат, шижоат, донишмандлик, иффат сингари фазилатлар тахлили ва талкинига, иккинчи кисми оилавий хаёт, болалар тарбияси, муомала одоби масалаларига багишланган. китобнинг учинчи кисмида эса шахар маданияти ва подшоларнинг сиёсат юргизиши, фукароларнинг шахар (давлат) бошликлари билан узаро муносабатлари каламга олинади. кискача килиб айтадиган булсак, «Ахлоки Жалолий»да ахлокшунослик кишиларнинг амалий фаолияти, карашлари билан, боглик фан сифатида, ахлокий муаммолар эса фалсафий, ижтимоий-сиёсий масалаларга дахлдор ходисалар тарзида олиб каралади. 3. Урта асрлар мусулмон Шарки минтакаси тафаккурида ахлокнинг мохиятини тушунтирувчи ва ахлокийликни таргиб этувчи машхур пандномалар – халк ичида кенг таркалган бадиий-дидактик асарлар хам узига хос урин эгаллайди. Улар учун умумий булган хусусият, бу – ахлокий меъёрларни, тамойилларни, ахлокий маданият омилларини купчиликка тушунарли, ранг-баранг шаклларда, кизикарли хикоятлар оркали китобхонга етказиш. Шу жихатдан пандномалар асрлар мобайнида ахлокий тарбиянинг узига хос шаркона воситаси сифатида хизмат килиб келди ва хозир хам хизмат килмокда. Уларнинг энг машхурларидан бири тахминан III-IV асрларда яратилган кадимги хинд адабий-дидактик ёдгорлиги «Панчатантра»дир. У бизда «калила ва Димна» номи билан машхур. У узбек тилига бир неча бор таржима килинган. Асарда куз олдимизда икки дунё намоён булади: бири – инсоф, адолат, диёнат, халолликка суянган, ахлокий фазилатларнинг тажассуми булмиш инсонлар дунёси, эзгулик олами, иккинчиси – ёлгонни, каллобликни, мунофикликни, худбинликни касб килиб олган, иллатлар тажассуми булган одамлар дунёси, ёвузлик дунёси. Ана шу эзгулик ва ёвузлик орасидаги кураш асарнинг ук томирини ташкил этади. Унда ахлокийлик асл бахт, ахлоксизлик

www.arxiv.uz инсон учун халокат гирдоби экани ажойиб хикоятларда, масалларда уз аксини топади. «калила ва Димна»нинг шакли, композицион курилиши, услубий жихатлари кейинчалик жуда куп пандномалар учун бадиий колип ролини утади. Мусулмон Шарки минтакаси ахлокий тафаккурида XI аср алохида диккатга сазовор. Унда икки буюк панднома яратилди. Бири туркий тилда – Юсуф Хос хожибнинг «кутадгу билиг» («Яхшилик келтирувчи билимлар»), иккинчиси форсийда – кайковуснинг «кобуснома» асари. «кутадгу билиг» 13000 мисрани уз ичига олган ахлокка, сиёсатшуносликка доир монументал асар. Уни туркий халкларнинг ахлокий комуси деб аташ мумкин. китобда эзгулик ва ёвузлик, яхшилик ва ёмонлик, олижаноблик ва тубанлик, халоллик ва харомлик сингари тушунчалар батафсил каламга олинади. Уларнинг мохияти образли, бадиий юксак мисраларда, шеърий хикматларда, маколларда очиб берилади. Мана, эзгу одамга Юсуф Хос хожиб кандай таъриф беради: «Эзгунинг барча килмиши ва йуриклари халкка фойда ва манфаат берадиган булади. Барчага бирдек яхшилик килади, лекин эвазига улардан мукофот миннатини килмайди. Эзгу уз манфаатини кузламайди, бошкалар манфаатини кузлайди, бошкаларга келтирган фойдасидан узига манфаат тиламайди». Тугриликни эса, у шундай таърифлайди: «Тугрилик одам учун жуда керакли сифатдир, у одамийлик демакдир». Инсоннинг кадр-кимматини хам мутафаккир инсонийликда, одамгарчиликда деб билади: «Одам кадрли эмас, одамгарчилик кадрли, одам ноёб эмас, одамгарчилик ноёб». «кутадгу билиг»да факат ахлокий тамойиллар ёки тушунчалар эмас, балки муомала одоби ва этикет муаммолари хам уртача ташланади, тил билан дил бирлиги ахлокийликнинг асоси сифатида талкин этилади. Ахлокийликнинг яна бир асосини буюк бобокалонимиз билимда куради: у акл-заковатни инсон кадр-кимматини юксалтирувчи неъмат деб билади. кайковуснинг «кобуснома» асарида хам ана шу жихатларга эътибор килинади. Айни пайтда, «кобуснома» инсон хаёти ва фаолиятининг деярли

www.arxiv.uz барча томонларини камраб олувчи угит-курсатмалардан иборатдир. Унда мехмонга бориш, мехмон кутиш, савдогарчилик одобларидан тортиб, чавгон уйини – спортчи одобигача каламга олинади. кайковус ахлокийликка эришув икки хил – табиий-тугма ва тарбия оркали руй беришини айтади. Шу билан бирга ахлокий тарбия хар икки холатда хам шарт эканини таъкидлайди. Шаркона пандномаларнинг энг машхури, шубхасиз, Шайх Муслихиддин Саъдийнинг (1184-1292) «Гулистон» асаридир. Жахонда бу асар таржима килинмаган бирор бир маданий тил булмаса керак. Узбек тилига у биринчи марта буюк узбек мумтоз шоири Сайфи Саройи томонидан XIV асрда таржима килинган. «Гулистон»нинг бу кадар машхур булиб кетишига асосий сабаблар шундаки, аввало, у муаллифнинг хаётий тажрибалари ва курган- кечирганларини, уз кулоги билан эшитган вокеа-ходисаларни уз ичига олади; иккинчидан, панднома буюк Саъдийга хос тенгсиз бадиийлик билан сугорилган; учинчидан, унинг услубида юксак ахлок эгасининг донишмандлиги ва самимияти кишини узига тортиб туради. Насрий хикоятлар билан меъёрий хикматлар – ахлокий хулосаларнинг узвий богланиб кетганлиги эса асарни яна хам укишли килади. Саъдий, биринчи навбатда, одамлар киёфасидаги эзгулик ва ёвузликнинг муносабатларини очиб беради. Оддий муомала одобидан тортиб, юксак ахлокий тамойилларгача ана шу муносабатларни акс эттиришга хизмат килади. Мутафаккир шоир инсон ахлокийлигини, эзгуликни узгалар манфаатини уз манфаатидан устун куйишда, одамларга кайишишда куради; илмий тил билан айтганда, Саъдий, инсон инсон учун восита эмас – максад, деган гояни илгари суради. Ёвузликлар ичида у, айникса, ёлгонни каттик коралайди: «Ёлгон гапирмок хам, – дейди шоир, – ханжар зарби кабидир: жарохат тузалса-да, изи колади». Бундан ташкари, Саъдий кашф этган хикматлар хам узининг образлилиги, фалсафий кудрати ва назокати билан кишини хайратга солади. куйидаги хикматга эътибор беринг: «Гавхар лойга тушса хам аввалгидек кимматбахо, чанг осмонга кутарилганда хам кадрсиздир». Ёки

www.arxiv.uz мана бу кичкинагина хикоятни олиб курайлик: «Оламда биринчи марта бармогига узук таккан одам Жамшиддир. Ундан сурадилар: «Нега хамма зебу зийнатни чап кулингга бердинг, вахоланки, фазилат унг тарафдадир». Жамшид жавоб берди: «Унг кулнинг – унг кул эканининг узи буюк зийнатдир». Саъдийнинг «Гулистон»ига таклидан жуда куп асарлар яратилди. Улардан бири Жомийнинг «Бахористон», шунингдек Пошшохожанинг туркийда битилган «Мифтохо ул-адл» ва «Гулзор» асарларидир. хар учала асар хам хикоятлар ва шеърий парчаларда баён этилган хикматларни уз ичига олади. «Бахористон»да саккиз боб–равзанинг еттинчиси шоирлар зикрига багишланган, саккизинчи равза эса масаллардан ташкил топган. хар иккала муаллиф асарларида буюк подшолар ва саркардалар хаётидан куплаб хикоятлар келтирилади. Темурийлар даврида яратилган энг ажойиб ва узига хос пандномалардан бири, бу – Хондамирнинг (1481-1535) «Макорим ул-ахлок» («Яхши хулклар») асари. Унинг узига хослиги шундаки, ундаги каламга олинган барча фазилатлар бир буюк инсон – Алишер Навоий киёфаси мисолида очиб берилади, талкин этилади. Шу боис уни буюк шоир ва мутафаккир хакидаги хотира ёки биографик маълумотлар деб эмас, айнан бир шахс бош кахрамон килиб олинган панднома деб аташ максадга мувофик. Унда булган вокеалар, хикоятлар, латифа ва мутоибаларга уралган Навоийнинг ахлокий хаёти куз олдимизда гавдаланади, гавдаланганда хам факат уз замонаси учун эмас, балки барча замонларга намуна була оладиган ахлокий идеал тарзида юз курсатади. Урта асрларда кейин хам пандномалар яратиш анъаналари давом этди. Лекин улар орасида машхур булганлари куп эмас. Ана шундай истиснолардан бири – узбек мумтоз шоири Гулханийнинг (XVIII аср охири иккинчи ярми – XIX аср бошлари) «Зарбулмасал» асари. У, аввало, узининг шаклий янгилиги билан ажралиб туради. Асар колиплаш усулида ёзилган – катта масал-хикоя ичида масал-хикоятлар, масаллар ичида эса, юзлаб узбек халк маколлари жой

www.arxiv.uz олган. Асарнинг яна бир узига хослиги шундаки, унинг асосий кахрамонлари – уз киёфаларида ахлоксизлик иллатларини мужассам этган салбий образлар. Гулханий бу иллатларга юксак ахлокий мезонлар нуктаи назаридан караб, укувчига такдим этади. Ана шу усул билан инсонларни инсоф, адолат ва диёнатга, халоллик ва софдилликка чорлайди. Аввалги маърузада айтиб утилганидек, хурфикрлилик борасида урта асрлар Оврупосида кадимги Юнон ва Урта асрлар мусулмон Шаркига солиштириб булмайдиган даражада кашшоклик мавжуд эди. Гап шундаки, Урта асрлар Оврупосида насронийлик фалсафа, адабиёт ва санъат каби маънавий сохаларга ёндош туриш билан кифояланмади, балки улар орасида биринчи булишга, мутлак хукмронликка интилди. Ахлокшунослик олдида насронийлик таълимотининг рационал тарзда умумлаштириш вазифаси турарди–черковнинг талаби, мохияти ана шу эди. Мазкур вазифа эса Библиёдаги ахлокий концепциядан келиб чикади; уни куйидаги турт коидага булиш мумкин: 1. Худо оламнинг яратувчиси ва унга жон бахш этувчи мохиятдир. У – мутлак ижодий-яратувчи ибтидо, айни пайтда, оламнинг олий максади, яширин маъноси. Худо ниманики яратадиган булса, уни узи учун яратади ва факат биргина У уз фаолиятининг сабаби, меъёри ва максадини узида мужассам этади. Бошка барча мавжудот бундай мухторликдан бенасиб: улар Худо сабабли ва Худо учун мавжуд. Инсон хам бундан мустасно эмас. Лекин инсон, шунинг баробарида, муайян имтиёзга хам эга зот. Зеро, у Худога ухшаш, аммо Худо билан айнан эмас: хиссиётли, улимга махкум ердаги мавжудот. У эркин килиб яратилган ва олий максади булмиш–Худога ибодат унинг учун мажбурият шаклида юзага чикади. Чунки инсоннинг ердаги, уз бахтини излашга каратилган бутун хаёти–инкор этилиши лозим булган гунохкорликдан иборат. Илк аждод – Одам Атонинг килмиши бунга ёркин мисолдир. Хуллас, насронийлик таълимоти мантикига кура, инсон Худога ибодат килиш учун яратилган, бирок у узи Худо булгиси келиб колади: барча инсоний бахтсизликларнинг сабаби мана шу кибру хаво, ахлокий мустакилликка даъводан келиб чикади, умуман, хамма

www.arxiv.uz ёвузликларнинг илдизи шунда. Шундай килиб, насронийлик ахлоки мавжудликнинг мохият билан мос келмаслигига асоланади. Инсон узининг мохиятан белгиланган узлигини амалга ошира олмайди. Чунки у гунохкор зот; у факат Худо ёрдамидагина гунохдан кутилиши мумкин. Исо–инсоннинг Худо билан бирлашувига ва, айни пайтда, бундай бирлашувнинг факат Худо туфайлигина руй беришига далолатдир. Шу боис Худога иктидо Исога иктидо килишда узини намоён этади. Одам Атодан гунохкорлик бошланган булса, Исодан янгиланиш, рухан кайта тугилиш бошланади, чунки айнан у гунохдан кутилиш йулини курсатди. Исо уз мавжудлигининг олий ва ягона маъносини Худо-Отага етишишда деб билади. У хаворийларни ота-онаю, угил- кизларини тарк этишга чакиради, чунки кимда-ким гунохдан кутилиш йулига кирса, унинг калбида Худодан узга зотга жой булмаслиги керак; ён- верингдагиларни худди узингдек севмок Худога мухабатнинг иньикосидир; Худони севмок уларни севиш оркали амалга ошади, хаммани севиш керак, деган талаб шундан. Агар инсон танлаб севса, бировга эзгулик, бошкасига ёвузлик килиши мумкин ва бу билан у буйнига Худолик хукукини олган, яъни нима адолатли-ю, нима адолатсиз эканини узи хал этган булади. Урта асрлар Оврупо ахлокшунослигининг йирик вакили Августин Блаженний – Илохий Огустин (354-43) «Тазарру» хамда «Эзгулик ва эркин ихтиёр хакида» деган асарларида ана шу муаммоларни уртага ташлади ва хал килишга уринди. Унинг фикрига кура, Худо барча гузалликлар манбаи ва энг олий гузалликдир. Худонинг иродаси – муайян, мазмунидан катъий назар, эзгулик, неъмат, ягона олий неъмат. хамма нарса, Худодан булгани учун, эзгу; «Нимаики мавжуд экан, хаммаси эзгу», – дейди Августин. Борлик – кадриятларнинг тартибли боскичларидан иборат. Борлик ичидаги энг мухим фарк Худо билан олам, Яратган билан яратилмиш орасидаги фаркдир, мана шу фарк ахлокнинг асоси хисобланади. хар кандай хатти-харакат факат борлик тартибини акс эттириши ва Худога интилиш билан бошка интилишларни фарклаши, яъни олий интилишни тубан интилишлардан катъий ажратиб олиши оркали бахоланади. «Тартиб шундай нарсаки,-дейди

www.arxiv.uz Августин,- агар биз хаётимизда унга суянсак, у бизни Худога етиштиради, унга суянмасак, Худога етиша олмаймиз». Шу сабабли инсон фаолиятида икки хил муносабатни фаркламок лозим – лаззат ва фойдага интилиш. Лаззат – факат биргина Худодан; колган хамма нарсалар фойдаланиш объекти хисобланади. Ердаги неъматлар факат ердан ташкаридаги неъматларни таргиб килиш учун воситадир. Худодан кувонч туйгун-у, лекин ундан фойдаланма, ердаги неъматлардан фойдалан-у, лекин улардан кувонч туйма. Августин ахлокий таълимоти ана шу талабдан келиб чикади. Худо, Августин нуктаи назаридан, инсонни – Одам Атони эркин, гунох килмаслик имкониятига эга зот килиб яратди. Айни пайтда У ихтиёр эркинлиги фаолиятининг аник йуналишини белгилаб берди. Лекин Одам Ато, нима килиш кераклигини узим биламан, деган кибр билан Худонинг курсатмасини бузди; инсон ихтиёр эркинлигини ножоиз куллагани учун гунохга ботди. Одам Ато кандай булса, ундан пайдо булган бошка одамлар хам худди шундай. Биринчи одам килагн гунохга хамма одам жавобгар, хар бир одам уз тишида Одам Ато еган олмадан колган камашишни хис этиб туради, демак, хамма нарса, барча эзгулик Худодан; ёвузлик-эзгуликнинг йуклиги, эзгуликдан юз буриш, нукс, хато. У инсон ихтиёрининг хусусияти, ихтиёрнинг тубанликка каратилишидир; у – Худо курсатмаларидан чекиниш, гунох. Шуни таъкидлаш жоизки, Августин таълимотини маълум маънода мухаббат ахлоки хам дейиш мумкин. Файласуф-илохиётчи мухаббатни хар бир нарсани уз табиий, конуний урнини эгаллаш учун интилишга мажбур килувчи фазовий кудрат сифатида талкин этади. Мухаббат – тугалликка, оромга интилиш. Инсон нафакат севади, Айни пайтда у мухаббатни уз муносабатларининг объекти хам деб билади; инсон мухаббатнинг узини севиш ё севмаслик кобилиятига эга. Ахлокий вазифа мана шу мухаббатни инсон табиатига ухшаш объектга йуналтиришидир. Бу объект эса – Худо. Мухаббатнинг сезги аъзоларига хеч кандай алокаси йук, у рухнинг сирли каъридан, рух пайдо буладиган макондан иборат.

www.arxiv.uz Шу тарзда Августиннинг ахлокий таълимоти жахон ахлокшунослиги тарихида мухаббат масаласини биринчи булиб уртага ташлади ва бу таълимот кейинги давр мутафаккирлари карашларига катта таъсир курсатди. Лекин, умуман олганда, Урта асрлар Оврупо ахлокшунослиги у кадар юксак даражага кутарила олмади. Шу боис, бу давр хакида алохида тухталиб утиш шарт эмас. Урта асрлар мусулмон Шарки ахлокий таълимотлари кадимги дунё мумтоз ахлокшунослигининг тадрижий ривожи сифатида кейинги даврлар Оврупо ахлок илми тараккиётига катта таъсир курсатди. Шарк алломалари илгари сурган гоялар, уртага ташлаган муаммолар Оврупо ахлокшунослигида янги карашлар ва, хатто, окимларнинг вужудга келишига туртки булди. Оврупо тарихида «Буюк таржималар даври» деб аталадиган XI - XIII асрларда нафакат Форобий, Ибн Сино, газзолий, Ибн Рушд ва бошка Шарк аломалари китоблари, балки улар Оврупога кайтадан кашф этиб берган Афлотун, Арасту сингари кадимги Юнон мутафаккирларининг асарлари хам араб ва сурёний тилларидан лотинчага таржима килинди, гарбнинг дастлабки универсиитетларида укитилди. Зотан хегелнинг: «газзолий ута нозиктабъ файласуф», «койилмаком Жалолиддин Румий», Э. Ренаннинг: «газзолийдан кейин хюмга айтадиган гап колган эмас», деган сузлари бежиз айтилмаган. Шунингдек, Ибн Рушднинг мохият билан мавжудлик муносабатларида якка жавхарларда (субстанцияларда) мавжудлик мохиятдан олдин келиши ва улар онтологик жихатдан яхлитликни ташкил этиши хакидаги гояси кейинчалик гарбда катта амалий ахамият касб этган – Оврупо халклари менталитетига сингиб кетган экзистенциячилик фалсафий-ахлокий окимининг пайдо булишига олиб келди ва хоказо.

www.arxiv.uz Адабиётлар : 1. Ибн Сино. «Бахманёр ал-Озарбойжоний билан мунозара». «Соглом авлод учун» журнали. 1996 йил. 3-4-сонлар. 2. Ибн Сино. Абу Саид Абул Хайр Механий билан мунозара. «Соглом авлод учун « журнали. 1996 йил 5-6-сонлар. 3. Комилов Н. Тасаввуф. ТошКент. «Ёзувчи». 1996 йил. 4. Кошифий. Футувватномаи султоний. Т., А. Кодирий номидаги халК мероси нашриёти, 1994. 5. Навоий. «Махбуб ул-Кулуб».|| Навоий. Асарлар, ун беш томлиК, 13-том. ТошКент, Бадиий адабиёт нашриёти, 1966 йил. 6. Форобий. Фозил шахар одамлари. ТошКент, «Мерос», 1990 йил. 7. Шер А. Ибрат Кузи. «Соглом авлод учун» журнали, 1996 йил. 7-8, 9- 10 сонлар. 8. Абу БаКр ар-Рази. Духовная медицина. Душанбе, «Ирфон», 1992. 9. Ал-Газали. ВосКрешение науК о вере. МосКва, «НауКа», 1987. 10. Бертельс Е.Э. Суфизм и суфийсКая литература. МосКва, «НауКа», 1965. 11. Сагадеев А. Ибн Рушд. МосКва, «Мысль», 1973.

Похожие

Урта асрлар мусулмон шарки мутафаккирларининг ахлокий таълимотлари

Кадимги дунё ахлокшунослиги

Кадимги дунё ахлокшунослиги

Урта асрлар ва янги давр европа фалсафаси

Ахлокий карашларнинг вужудга келиши ва тараккий этиши