Кавшарлар, флюслар ва елимлар - Энергетика - Рефераты

Кавшарлар, флюслар ва елимлар

Загружено в:

22.11.2022

Скачано:

0

Размер:

38.748046875 KB

Кавшарлар, флюслар ва елимлар Режа: 1. Кавшарлар ва флюслар 2. Елимлар ва боғловчи таркиблар

1. Кавшарлар ва флюслар Кавшарлар металл қисмларни кавшарлашда боғловчи моддалар сифатида ишлатиладиган тоза металлар ёки қотишмалардир. Ҳар қандай кавшарни шундай танлаб олиш керакки, унинг суюқланиш температураси шу кавшар билан бириктириладиган металл қисмларнинг суюқланиш температурасидан анча паст бўлиши лозим. Кавшарлар осон суюқланадиган ва қийин суюқланадиган кавшарларга бўлинади. Осон суюқланадиган, яъни юмшоқ кавшарларнинг суюқланиш температураси 500°С дан паст, қийин суюқланадиган, яъни қаттиқлариники эса 500°С дан юқори бўлади. Кавшарларнинг маркаларида ҳарф ва рақамлар қуйидагиларни, яъни биринчи ўринда турган П ҳарфи кавшар (припой)ни, ундан кейинги ҳарфлар эса О — қалай, Су — сурьма, С — қўрғошин, А — алюминий, Ср — кумуш, М — мис, Кр —кремний, Ви — висмут, Зл — олтин, К — кадмийни билдиради. Ҳарфлардан кейин келадиган рақамлар асосий металл массасининг кавшардаги процент миқдорини кўрсатади. Масалан, ПОС-90; қалай- қўрғошинли кавшар, таркибида масса жиҳатдан 90% қалай бор; ПОСК-50-18 таркибида 50% қалай, 18% кадмий бор, қолганини эса қўрғошин ташкил этади. Қалай-қўрғошинли кавшарлар энг кўп ишлатилади. Улар жуда суюқ- оқувчан бўлади ва энг тор чокларга ҳам яхши кириб боради, кўпчилик металлар, мис, латунь, пўлатлар, рух билан яхши бирикади ва анчагина пухта кавшар чоклар ҳосил қилади. Таркибидаги қалайнинг миқдори 15% дан кам бўлган кавшарлар катта механиқавий пухталик талаб қилинмайдиган деталларни кавшарлаш учун ишлатилади. Таркибида висмут миқдори кўп (50 —57%) бўлган қалай-қўрғошинли кавшарларнинг суюқланиш температураси энг паст (79— 95°С), лекин улар билан кавшарланган чоклар мўрт бўлади. Қийин суюқланадиган кавшарлар жумласига мис-рухли (ПМЦ-54, ПМЦ-48 ва бошқалар) ва мис-кумушли қотишмалар (ПСр-72, ПСр-70, ПСр-50

ва бошқалар), шунингдек, алюминийнинг мис, рух ва кремний билан ҳосил қилган қотишмалари киради. Мис- кумушли кавшарлар энг кўп ишлатилади. Улар солиштирма электр қаршилиги кичиклиги билан ажралиб туради ва шу сабабли қора ва рангли металлардан ясалган ток ўтказувчи қисмларни кавшарлаш учун кенг кўламда ишлатилади; бу металларга шу кавшар яхши ёпишади. Бунда механиқавий пухта ва коррозиябардош кавшар чоклар ҳосил бўлади. Алюминий асосида мис, кремний ва қалай қўшиб тайёрланган кавшарларнинг механиқавий мустаҳкамлиги катта ва атмосфера коррозиясига чидамли бўлади. Бу кавшарлар алюминий симларни ва алюминийдан ҳамда уларнинг қотишмаларидан ясалгани деталларни кавшарлаш учун ишлатилади. Мис-рухли кавшарлар мўрт бўлади ва вибрация ҳамда зарбий юкламаларга чидамли эмас, чокларнинг электр қаршилиги жуда кичик бўлади. Бу кавшарлар мис, латунь, бронза ва пўлатлардан ясалган деталларни кавшарлаш учун ишлатилади. Кавшарлаш учун кавшардан ташқари флюсловчи моддалар — флюслар ҳам керак бўлади. Флюсларнинг вазифаси кавшарланадиган металлар сиртини оксидлар ва бошқа ифлосликлардан тозалаш ҳамда кавшарлаш пайтида кавшарланаётган металлар сиртини оксидланишдан сақлашдан иборат. Флюслар қаттиқ кукунсиион моддалар (бура, борат кислота, канифоль ва бошқалар) ёки суюқликлар (рух хлориднинг сувдаги эритмаси, канифолнинг спиртдаги эритмаси ва бошқалар) бўлиши мумкин. Баъзан ярим суюқ флюслар — пасталар ишлатилади. Осон суюқланадиган қўрғошин асосли кавшарлар билан мис, латунь ва бронзаларни кавшарлашда чокларни коррозиялантирмайдиган флюслар ишлатилади. Бундай флюслар жумласига канифоль, канифолнинг этил спиртдаги эритмаси ва канифоль асосида олинган бошқа таркиблар киради. Канифоль активлиги кам бўлган флюс ҳисобланади, шу сабабли

канифолли флюс суртишдан олдин кавшарланадиган металларнинг сиртини яхшилаб тозалаш лозим. Қийин суюқланадиган (қаттиқ), яъни 500°С дан юқори температурада суюқланадиган кавшарлар билан кавшарлашда канифоль ва юқори температурада парчаланадиган бошқа флюсларни ишлатиб бўлмайди. Пўлат, мис ва миис қотишмаларини (латунь, бронза ва бошқаларни) юқори температурада кавшарлашда флгос сифатида, кўпинча, бура Nа 2 В 4 О 7 ёки унинг борат кислота Н 3 ВО 3 ва бошқа тузлар билан аралашмасидан фойдаланилади. Ҳавода осон оксидланадиган алюминийни кавшарлаш учун алюминийдаги зич оксидлар пардасини эрита оладиган жуда актив флюслар ишлатилади. Бундай флюслар жумласига литий хлорид, натрий фторид, рух хлорид ва калий хлориддан иборат таркиб киради. Флюслар танлашда доимо қуйидагиларга эътибор бериш керак: қаттиқ флюснинг суюқланиш температураси кавшарнинг суюқланиш температурасидан, кавшарлаш температураси эса флюснинг термик парчаланиш температурасидан паст бўлиши лозим. Қаттик кавшарлар билан кавшарланганда чоклар коррозияланишининг олдини олиш учун чокларни чўтка ёрдамида қайноқ сув билан ювиб, флюс қолдиқларини йўқотиш керак. 2. Елимлар ва боғловчи таркиблар Елимлар ва боғловчи таркиблар электр аппаратлар, асбоблар ва электр ускуналарнинг бошқа турларини ишлаб чиқаришда кенг ишлатилади. Елимлар ва боғловчи таркиблардан электр изоляцион хоссаларнинг яхши бўлиши ҳамма вақт ҳам талаб этилмайди. Бу материаллар, аввало, елимлаш — металл ва металлмас материалларга ёпишиш (адгезия) хоссасига эга бўлиши керак. Бирор икки материалнинг бир-бирига ёпишиши елим пардасининг ёпиштириладиган материаллар сирти билан бирикиб қолиши натижасида содир бўлади. Елим пардасида содир бўладиган химиявий реакциялар натижасида елим ёпиштириладиган қисмларни бир- бирига мустаҳкам бириктирувчи қаттиқ моддага айланади. Елим пардасининг ёпиштириладиган

материал сирти билан бирикиб қолишига химиявий реакцияларгина эмас, балки елим пардаси билан ёпиштириладиган материалларнинг сирти орасида молекулалараро ва электростатик кучларнинг вужудга келиши ҳам сабаб бўлади. Елим чокнинг тахталигига елим пардасининг қалинлиги ва яхлитлиги, унинг елимлангандан кейинги ҳажмий қисқариши, ўзаро ёпиштириладиган материалларнинг таркиби ва структураси, шунингдек, ёпиштириладиган сиртларнинг қай даражада тайёрланганлиги таъсир этади. Елим ёпиштириладиган қисмлар орасидаги тирқишни батамом тўлдириши, унда ҳаво қолмаслиги зарур. Елим пардаси жуда ҳам қалин бўлмаслиги керак, лекин у ёпиштириладиган юзанинг ҳаммасида узлуксиз елим қатлами ҳосил қилиши лозим. Оптимал қалинликдаги яхлит елим парда ҳосил қилиш ва ёпиштириладиган сиртларнинг ғовакларига елим кириб бориши учун бу сиртларни олдиндан бир-бирига мос келтириш ва эритувчилар ёрдамида ифлосликлардан яхшилаб тозалаш керак. Яхши ёпишиши учун кўпчилик материалларга (металлар, пластмассаларга) олдиндан ёпиштириладиган сиртларида ғадир-будурлик ҳосил қилиш мақсадида қум оқими ёки жилвир қоғоз билан ишлов берилади. Бунинг натижасида ели м суртилган чокнинг мустаҳкамлиги ортади. Елим чок мустаҳкам бўлиши учун ёпиштириладиган деталларни бир-бирига маълум босим остида босиш лозим. Жуда кўп елимлар 90—180°С ва ундан юқори температурада қиздирилгандагина қотади. Елимлар моддаларнинг катта группасини ташкил этади. Электротехника саноатида ёпиштириш хусусияти энг кучли бўлган синтетик смолалар асосида олинган елимлар ишлатилади. Бу елимларнинг кўпиклиги яхши электроизоляцион хоссаларга эга, Бундай елимлар жумласига қатламли слюда, изоляция ишлаб чиқаришда слюда япроқларини елимлаб ёпиштириш учун кенг кўламда ишлатиладиган глифталли ёпиштирувчи лаклар киради. Қатламли электроизоляцион пластмассалари (гетинакс, текстолит ва бошқалар) ишлаб чиқаришда кенг кўламда ишлатиладиган бакелитли лаклар ҳам ана шундай елимлар қаторига киради.

Бутварфенол смолаларнинг спиртдаги эритмалари бўлган БФ елимлари кўп ишлатилмоқда. Бу елимлар уч хил БФ-2, БФ-4 ва БФ-6 маркада чиқарилади. Улар бир- биридан таркиби жиҳатдан фарқ қилади ва ўзига хос хусусиятлари бўлади, шу сабабли турли соҳаларда ишлатилади. Масалан, БФ-2 ва БФ-4 елимлари металлар, пластмассалар, шиша, керамика, слюда ва ёғочни елимлаб ёпиштириш учун ишлатилади. БФ-4 елими билан елимланган чок вибрацияга жуда чидамли бўлади. БФ-6 елими эластик чок ҳосил қилади, шу сабабли резина ва газламаларни бир-бирига елимлаб ёпиштириш па уларни металлар ҳамда пластмассаларга ёпиштириш учун тавсия этилади. БФ елими ҳар қайси ёпиштириладиган сиртга икки уч қатлам қилиб суртилади. Ҳар қайси қатламнинг хона температурасида қуриш вақти 1 соатни ташкил этади, шундан сўнг кейинги елим қатлами суртилади ва у ҳам 1 соат давомида қуритилади. Сўнгра ёпиштириладиган деталлар бир-бирига бириктирилади ва салгина ишқаланади. Шундан кейин улар (4—12)·10 5 Н/ м 2 босим ҳосил қилувчи пресс ёки струбцина остига куйилади. БФ-2 ва БФ-4 елими 0,5—3 соат давомида 140— 150°С температурада, БФ-6 эса 90— 100°С температурада қотади. Қиздириш вақтини кўпайтириш елим чокнинг пухталигини оширади. Елим чокни юқори температураларда тутиб туриш учун ёпиштири ладиган деталлар термостатга жойланади ёки плиталари иситиладиган пресс ишлатилади. Бириктириладиган деталларни пресслашда ҳосил бўладиган елим оқмалари шпатель (металл кўракча) ёки латта билан олиб ташланади. БФ елимлари ҳосил қилган чоклар сув, минерал мойлар, керосин, бензин ва кўпчилик спиртлар таъсирига чидамли бўлади. Улар металларни коррозиялантирмайди ва —60 дан + 80°С гача температуралар оралиғида ишлаши мумкин. Суюқ ва қаттиқ эпоксид смолалар асосида олинган елимлар кенг кўламда ишлатилмоқда. Маълумки, эпоксид смолалар металларга,

пластмассаларга, шиша, керамика ва бошқа материалларга нисбатан адгезияси катталиги билан ажралиб туради. Бундан ташқари, эпоксид смола ва елимларнинг қотгандаги ҳажмий қисқариши кам бўлади, бу эса елим чокнинг мустаҳкамлигини оширади. Эпоксид елимлар 20°С ва ундан юқори температураларда: 120—170°С да қотади * (иссиқда қотадиган елимлар). Эпоксид суюқ; смолалардан ҳавони чиқариб юбориш учун уларга 50—70°С да вакуумда ишлов бериш, сўнгра эса қотиргичлар билан аралаштириш керак. Эпоксид елимлардан ЭД- 15 ва ЭД- 16 смолалар асосида олинган елимлар кенг кўламда ишлатилади, улар суюқ қиёмсимон массалар бўлиб, бу массаларга 15—20% қотиргич — полиэтиленполиамин қўшилади. Бошланғич компонентлар яхшилаб аралаштирилади. Тайёрланган елим 2—6 соат давомида ишлатишга яроқли бўлади, бу вақт ўтгандан кейин тез қуюқлаша бошлайди ва аста-секин қаттиқ моддага айланади. Шу сабабли қотиргични (полиэтиленполиаминни) смолага елимни бевосита ишлатишдан олдин қўшиш керак. Олдиндан тайёрланган ва тозаланган сиртларга бир қават елим суртилади, сўнгра ҳавода 15—30 минут давомида қуритилади. Шундан кейин ёпиштириладиган сиртлар бир-бирига бирлаштирилади ва (1—2)·10 5 Н/м 2 босим билан босилади. Елим чок 20°С да 18 соат давомида қотади. Елим чок анча мустаҳкам бўлиши учун уни 100 0 С да яна 4 соат тутиб туриш керак. Агзр ЭД-15 ёки ЭД-16 смолага бошқа қотиргич — малеин ангидрид (30%) қўшилса, қайноқ ҳолда қотадиган елим олинади. Бу ҳолда елим чок 120°С да 16—24 соат давомида қотади. Кўпинча, елим чокни қотиришнинг босқичли режими қўлланилади: 120 о С да 6—8 соат, сўнгра 150 о С да 4—6 соат давомида қотирилади. Елим чокларни қотиришнинг иккала босқичида ҳам бирлаштириладиган сиртлар (0,5—3)·10 5 Н/м 2 босим остида бўлиши керак. Иссиқбардошлигини ошириш ва елим чоклардаги қолдиқ кучланишни камайтириш мақсадида елимларга тўлдиргичлар: чангсимон кварц, цемент ва

металл (кумуш, мис ва бошқалар) кукунлари қўшилади. Бу кукунлар ўтказувчанлиги катта бўлган елим чоклар олишга имкон беради. Бу — электр аппаратлар ва асбобларнинг металлдан ясалган ток ўтказувчи деталларини елимлаб ёпиштиришда зарур. Елимларнинг асосий характеристикаси (уларни ишлатшлдан олдинги) қовушоқлиги бўлиб, унинг қиймати технологик инструкцияда кўрсатилган қийматларга етказилади. Бунинг учун елим аралашмасини иситиш, елимнинг қовушоқлигини эса вискозиметрлар ёрдамида қатъий назорат қилиб туриш керак бўлади. Эпоксид елимлар кукун ёки чивиқлар кўринишида бўлиши мумкин. Ёпиштириладиган металл ёки пластмасса деталларнинг олдиндан қиздирилган (100—120°С) сиртларига кукунсимон елим юпқа қатлам қилиб сепилади. Чивиқ ҳолидаги елим ишлатилганда эса ёпиштириладиган қисмларнинг қиздирилган сиртларига шу чивиқ суртилади. Епиштириш технологиясининг бошқа ишлари суюқ эпоксид елимлар учун олдин баён қилинган усуллардан фарқ қилмайди. Елим чоклар (0,5—0,3)·10 5 Н/м 2 босим ва 120—200°С температураларда тегишлича 10 дан 0,5 соатгача вақт оралиғида қотади. Эпоксид елим чоклар —60 дан + 100сС гача температуралар оралиғида ишлаши мумкин. Шуни таъкидлаб ўтиш керакки, қотган эпоксид елим чоклар ва БФ елимлари яхши электрик характеристикаларга эга бўлади: ρ v = 1013—1015 Ом·см; E м =10—15 МВ/м. Электротехника саноатида ва монтаж ишларида елимлардан ташқари боғловчи таркиблар (боғловчилар) ҳам кўп ишлатилади. Улар ҳамирсимон оқувчан массалар бўлиб, вақт ўтиши билан қотади. Елимлардан фарқли равишда, бу таркиблар ёпиштириш учун эмас, балки металл арматурани изоляторларга, масалан, фланецларни ўтказувчи ва таянч изоляторларга маҳкамлаш, осма изоляторларга чўян қалпоқларни ўрнатиш, шунингдек, осма ва штирли изоляторлар каллагига металл стерженларни мустаҳкам ўрнатиш учун ишлатилади.

Изоляторларни ўрнатиб маҳкамлаш учун цемент-қумли боғловчи таркиблар энг кўп ишлатилади. Улар 2—3 қисм юқори сифатли портландцемент (500 ёки 600 маркали) билан бир қисм ювилган кварц қумидан таркиб топган. Портландцемент майда туйилган цемент клинкеридан иборат бўлиб, у таркибида оҳак ва гил ёки цементли табиий мергеллардан (табиий гелли оҳактошлардан) иборат бошланғич материаллар аралашмасини пишириш натижасида олинади. Цемент таркибига гранулланган (донадор) домна шлаги кўринишидаги гидравлик қўшимчалар (15% гача) ва бошқа минерал моддалар қўшилади; улар қотган цементнинг механиқавий мустаҳкамлигини оширади. Цементга гидравлик қўшимчалар билан бирга инерт жинслар ҳам қўшилади. Цементнинг зичлиги 3000—3200 кг/м3 ни ташкил этади. Унинг бошқа цементлар олдида катта афзаллиги бор, яъни пўлат ва чўянга зарарли таъсир кўрсатмай, улар билан бирика олади. Портландцементнинг сифати унинг химиявий таркиби, бошланғич материалларни пишириш режими ва бошланғич материалларнинг майдаланганлик даражаси билан аниқланади. Цементнннг энг муҳим характеристикалари бирикиб қолиш ва қотиш тезлигидир. Цементнинг бирикиб қолиши — бу цемент ҳамирининг пластикмас қаттиқ массага айланишидир. Цементнинг қотиши — бу вақт ўтиши билан унинг механиқавий мустаҳкамли гининг ортиб бориш процессидир. Цемент ҳавода ва сувда қотиши мумкин. Портлаадцементлар бирикиб қолиш ва қотиш тезликлари анча кичиклиги билан фарқ қилади: у камида 45 мин. ўтгач, бирика бошлайди, қотиши кўпи билан 12 соат ўтгандан кейин тугайди. Бу цементнинг механиқавий мустаҳкамлиги ортиб борадиган интенсив қотиши, асосан, биринчи ой давомида содир бўлади. Портландцемеитшшг бирикиб қолиш ва қотиш тезликлари цементнинг температураси ва намлигига, цемент қориш учун ишлатиладиган сувнинг температурасига, шунингдек, теварак атрофдаги ҳавонинг температураси ва

намлигига боғлиқ. Портландцементнинг химиявий ва гранулометрик таркиби ҳам катта аҳамиятга эга. Нам тортган цементнинг бирикиб қолиш ва қотиш хоссалари ёмонлашади, шу сабабли портландцементни қуруқ бинода кўпи билан уч ой сақлаш мумкин. Турли партиялардан олинган цементларни аралаштиришга рухсат этилмайди. Цемент ҳамири температурасининг пасайиши ҳам цементнинг бирикиш ва қотиш хоссаларини ёмонлаштиради. Намуналарнинг сиқилишдаги механиқавий мустаҳкамлигига қараб* (сувда 28 кун қотганидан кейин) портландцементлар тўрт хил маркада бўлади (24-жадвал). Боғловчи таркибларнинг иккинчи компоненти кварц қуми бўлиб, у цемент-қумли таркибларда инерт тўлдирилган бўлиши керак. Намуналар 40X40X160 мм ўлчамли ғўлачалар ҳолида бўлади. Уларни тайёрлаш учун цемент билан кварц қуми 1:3 нисбатида (масса жиҳатдан) олинади. Бунинг учун у махсус қурилмааларда сув билан ювилади, сўнгра қуритилади. Бундан ташқари, қумнинг муайян гранулометрик таркиби бўлиши, унинг асосий массасини (90%) 0,15—0,2 мм ўлчамли заррачалар ташкил этиши лозим. 19-жадвал Цементларнинг механиқавий характеристикалари (сувда 28 кун қотгандан кейин) Цемент маркаси Сиқилишдаги мустаҳкамли к чегараси (камида), Н/м 2 Эгилишдаги мустаҳкамли к чегараси (камида), Н/м 2 300 300·10 5 45·10 5 400 400·10 5 55·10 5 500 500·10 5 60·10 5 600 600·10 5 65·10 5 Ишлатиладиган цемент-қумли аралашмалар 75—80% портдандцемент ва тегишлича 25—20% кварц қумидан иборат бўлади. Цемент ва қум

вибрацион элак орқали элаб ўтказилади (алоҳида-алоҳида), сўнгра махсус аралаштиргичларда яхшилаб аралаштирилади. Цемент-қумли аралашмани сувга қориш учун 100 қисм қурук аралашмага 16—18 қисм водопровод суви олинади. Қуруқ компонентлар билан сувнинг бундай нисбати цемент- қумли қоришмага, масалан, изоляторларни ўрнатиб маҳкамлашда зарурий оқувчанлик бахш этади, шунингдек, қотган цемент-қумли таркиб механиқавий жиҳатдан анча мустаҳкам бўлади. Портландцементлар гидравлик цементлар, яъни нам муҳитда катта тезлик билан қотадиган моддалар жумласига киради. Портландцементнинг сувда қотишида унинг ҳажмий қисқариши жуда кам бўлади, чунки цемент таркибига кирувчи моддалар орасида сув таъсирида химиявий процесслар (гидролиз ва гидратланиш) содир бўлиши учун яхши шароит вужудга келади. Бунинг натижасида цемент доналари бўкади ва ҳосил бўлган цемент тоши узлуксиз зичлашиб боради, шу туфайли унинг механиқавий мустаҳкамлиги ортади. Лекин цементнинг сувда қотиши —узоқ давом этадиган процесс. Унинг тез қотиши учун маҳкамланган изоляторларда* цемент-қумли чокларни буғлаш усули қўлланилади. Бунинг учун изоляторлар буғлатиш камераларида тешик токчаларга жойлаштирилади, у ерга узлуксиз равишда 70—80°С температурали буғ кириб туради. Цемент-қумли таркибларнииг ҳажми бир меъёрда ўзгариши керак. Вақт ўтиши билан, айниқса, ҳаводан намликни ютганида ҳажми нотекис ўзгарадиган цемент ишлатилганида цемент қатламининг ўзи ҳам, изоляторнинг арматураси ҳам бузилиши мумкин. Шу сабабли цемент ҳажмининг бир текис ўзгаришини, албатта, синаб кўриш лозим. Портландцементнииг камчилиги вақт ўтиши билан ундан сувда эрийдиган эркин оҳакнинг ажралиб чиқишидир. Бу ҳол цемент қоришма билан электрокерамик материал ҳамда арматура орасидаги боғланишнинг бузилишига, яъни изоляторнинг бузилишига олиб келиши мумкин. Қотган цемент қоришмани сув таъсирида ишқорланишидан (эркин оҳак чиқишидан)

сақлаш мақсадида цемент чоклар сув таъсирига чидамли лак ва эмаллар билан қопланади. Бу яна шунинг учун ҳам зарурки, цемент қоплама орасига нам ўтиб, кирзадан қилинган компенсацион қистирмалар ёки пробкали композицияни ҳўлланса, изоляторларнинг электр мустаҳкамли ги камаяди.

АДАБИЁТЛАР Н.П. Богородицкий, В.В. Пасынков, Б.М. Тареев. “Электротехнические материалы”. Ленинград, Энергия, 1985.  Ю.В. КорицкийЭлектротехнические материалы”. М., Энергия, 1976.  Н.В. Никулин. “Электр материалшуносл ииги.” Тошкент, Ўқитувчи, 1981. 176 б.  Н.В. Никулин, А.С. “Назаров Радоматериаллар” ва радиокпмонентлар Тошкент 1997й.  Ш.М. Камолов, А.Ш. Ахмедов. “Матералшуносли к” Фан-Тошкент 1994йил.  Ю.В. Корицкий, В.В.Пасынков, Б.М.Тареев. “Справочники по электротехническим материалам” М., Энергия.  Е.М. Савицкий. “Металлы космической эры”.  В.Д. Саболов “Физические основы электронной техники” Изд. Высш.шк. 1997.  В.В. Крацухин, И.А.Соколов, Г.У.Кузнецов. “Физико-химические основы технологии полупроводниковых материалов”. М., Металлургия 1982.  А.Я. Нашельский. “Производство полупроводниковых материалов”. Учеб.пос. М.,Металлургия 1985.  А.А. Преображенский. “Теория магнетизма, магнитные материалы и элементы”. М., Энергия, 1976.  В.А. Привезенцев, И.Б. Пешков: “Обмоточные и монтажные провода”, М., Энергия, 1971.

Похожие

Металмас ўтказгичлар.

Кабел маҳсулотлари. Чўлғам симлари. Монтаж учун симлар ва кабеллар

Ўтказгич материаллар

Газ ва буғларнинг окиб чикиши ва дросселланиши

Ҳудудий ва маҳаллий электр тармоқлар ва уларни ҳисоблаш