Iqtisodiy fanlarni o'qitish metodikasi fanining predmeti va ilmiy-amaliy asoslari - Экология - Рефераты

Iqtisodiy fanlarni o'qitish metodikasi fanining predmeti va ilmiy-amaliy asoslari

Загружено в:

08.10.2023

Скачано:

0

Размер:

132.5 KB

Iqtisodiy fanlarni o`qitish metodikasi fanining predmeti va ilmiy-amaliy asoslari Reja: 1. Iqtisodiy fanlarni o` qitish mеtоdiкаsi фа ninin г prеdmеti, mаqsаdi, vаzifаlаri 2. Metodika va didaktika. Didaktik sаkkiz bur ча k. O’quv jarayonini tаshkil etish vа boshqarishning ilmiy asoslari. 3. D а rs o’tish m е t о dl а ri v а ung а turli jih а td а n yond а shish. Metodlarning o’quv- tarbiya jarayonida bajaradigan asosiy funksiyalari. 4. Uzluksiz ta’lim tizimida dars o’tishning xususiyatlari 5. O’qituvchi - o’quv j а r а yonini t а shkil etuvchi suby е kt sif а tid а . Iqtisоdchi- pеdаgоg shахsi vа ungа qo’yilаdigаn аsоsiy tаlаblаr.

Tayanch so`z va iboralar: Metod. Metodika. Iqtisodiy fanlarni o’qitish metodikasi. Metodologiya. Uzviylik. Uzluksizlik. Yaxlitlik. Akademik litsey. Kasb-hunar kolleji. Kasb. Kasbiy tayyorgarlik. Bilimdon mutaxassis kadrlarni tayyorlash, inson salohiyatini yuzaga chiqarish esa har jihatdan ustozlarga, ularning bilimdonlik bilan o`qitish jarayonini tashkil qilishi va dars berishiga bog`liq. Shuning uchun ham o`quv jarayonini tashkil etish, talabalarning chuqur bilim olishiga yordam beruvchi o`quv uslublarini qo`llashga alohida e’tibor qaratilmoqda. Hozirgi davrda o`quv jarayonini tashkil etish o`qituvchidan faqat chuqur bilimgina emas, balki pedagogik mahoratga ega bo`lishlarini, dars berishning turli metodlarini bilishni hamda o`z ustida tinmay ishlashni talab qiladi. Har bir insonning hayoti asosini iqtisodiy faoliyat tashkil etar ekan, tabiiyki har bir odamdan iqtisodiy fikrlashni o`rganish talab etiladi. Bozor iqtisodiyotiga o`tish bilan bu talab yanada kuchaydi. Farzandlarimizning yoshlikdan iqtisodiy fikrlay bilishi uchun, mamlakatimizda o`rta maktabdan boshlab iqtisodiy bilim asoslarini o`rganishga kirishildi. Oliy o`quv yurtining, ayniqsa, iqtisodiy yo`nalishdagi o`quv yurtining talabalari esa iqtisodiy fikrlashnigina emas, keng doiradagi iqtisodiy muammolarni aniqlash, tahlil qilish, iqtisodiy rivojlanish tendensiyalariga baho berish, bu o`zgarishlar kelajakda qanday natijaga olib kelishi mumkinligini his qila bilishi, ko`z o`ngiga keltira bilishni o`rganishi zarur. Buning uchun esa iqtisodiy fanlarni chuqur bilish talab qilinadi. Murakkab xo`jalik dunyosini aks ettiruvchi bu fanlarni o`rganish uchun to`g`ri metod tanlash muhim ahamiyatga ega. Dars o`tishda to`g`ri metod tanlanmasa, nazariy jihatdan o`qituvchining bilimi yuqori bo`lishidan qat’i nazar, kutilgan natijani bermaydi. O`qituvchining bilimi pedagogik mahorat bilan qo`shilgandagina o`quv jarayonini samarali tashkil etish mumkin. Buning uchun o`quv jarayonini tashkil etishning turli metodlari va ularni qo`llashni bilish kerak .

Iqtisodiy fanlarni o`qitish metodikasi fani aynan ana shu maqsadga qaratilgan. Odatda metodika (uslubiyat) deganda ilmiy bilish faoliyatining shakllari va metodlari majmui haqidagi fan tushuniladi. Bu - nazariy jihatdan qo`yilgan maqsadga yetish, haqiqatni, reallikni, faoliyatni nazariy yoki amaliy bilish, o`rganishning usullari yoki operatsiyalari majmuidir. Iqtisodchilar tayyorlashdagi mutaxassislik fanlarini o`qitadigan iqtisodchi- pedagoglar tayyorlashda iqtisodiy fanlar yetakchi o`rin tutadi. Shu sababli bu sohadagi kasb ta’limi bakalavriat yo`nalishi talabalari uchun kasbiy ta’lim metodikasi o’rganiladi. by yo’nalishni bitirgan talabalar o’rta maxsus ta’lim tizimida iqtisodiy fanlardan dars berganlari uchun kasbiy ta’lim metodikasi maxsus mutaxassislik fanlari bu - iqtisodiy fanlar bo’lgani tufayli ana shu iqtisodiy fanlarni o’qitish metodikasini o’rganish nazarda tutilsdi. Iqtisodiy fanlarni o’qitish metodikasi fani qtisodiy fanlarni o`rganish metodlari va uni dars jarayonida qo`llash yo`llarini o`rgatadi. Dars berish metodikasi (uslubyati)ning predmeti, bu dars berish (o`qitish) jarayonining o`zidir. Iqtisodchi-pedagoglar uchun kasb ta’limi metodikasi - bu iqtisodiy fanlardan dars o`tishni o`rganish metodikasi bo`lib, iqtisodiy fanlarni talabalarning chuqur o`rganishlari uchun fanning va mavzuning maqsadidan kelib chiqqan holda qanday vosita va metodlarni tanlash va dars jarayonida qo`llash yo`llarini o`rganish, bo`lg`usi iqtisodchi-pedagoglar ongiga yetkazishni ko`zda tutadi. Metodika va metodologiya Metodika pedagogikaning tarkibiy qismi (pedagogika yunoncha paidagogike) bo`lib, insonni shakllantirishda muayyan maqsad sari qaratilgan sistematik faoliyat to`g`risidagi hamda ta’lim-tarbiya berishning mazmuni, shakli va metodlari (uslublari) haqidagi fandir. Metodologiya esa (yunon. metod va logiya so`zlaridan) faoliyatning tarkibi, mantiqiy tuzilishi, metod va vositalari haqidagi ta’limotdir. Metodologik bilim, birinchidan, muayyan faoliyat turlarining mazmuni va izchilligini o`z ichiga olgan odat va normalar shaklida, ikkinchidan, amalda bajarilgan faoliyatning ta’siri sifatida yuzaga chiqadi. Hozirgi zamon

adabiyotlarida metodologiya deyilganda, avvalo ilmiy bilish metodologiyasi, ya’ni ilmiy bilish faoliyatining shakllari va usullari tushuniladi. O`zbekiston milliy ensiklopediyasida metodologiyaga quyidagicha tarif berilgan: «Metodlar haqidagi ta’limot fanda metodologiya deyiladi» . «Metodologiya - tadqiqotning nazariy va amaliy faoliyatini tashkil etish, tiklash tamoyillari va usullari tizimi hamda bunday tizim haqidagi ta’limot» Dars o`tish o`qituvchidan fanni puxta bilishnigina emas, balki o`z bilimini ustalik bilan talabalar ongiga yetkazishni Ham talab qiladi. Talabalar fanni puxta o`zlashtirishlari uchun uni o`rganishda qo`llaniladigan metodlar katta ahamiyatga ega. Shu sababli iqtisodchi–pedagoglar iqtisodiy fanlarni o`rganish metodlarini puxta egallashlari, ularni mahorat bilan qo`llay bilishlari kerak. Mazkur fanning maqsadi kasb ta’limi (iqtisodchi-pedagog) yo`nalishi bo`yicha tahsil olayotgan talabalarni fanni o`rganishda qo`llaniladigan an'anaviy va interaktiv metodlar bilan tanishtirish va kelajakda o`z faoliyatlarida qo`llash va yangi usullarni yaratishni o`rgatishdir. Shunday qilib, metodika o`quv jarayonini tashkil qilish shakllari, metodlari, qonun-qoidalarini o`rganadi. Metodika, bir tomondan o`rganilayotgan fanda erishilgan yutuqlar, ikkinchi tomondan, pedagogika fanining rivojlanishi bilan boyib boradi, rivojlanadi. Metodika va didaktika uzviy bog`liqdir. Metodika deganda bilish faoliyatining shakllari va metodlari majmui haqidagi fan tushunilishini ko`rib o`tdik. Bu fan didaktikaning bo`limidir. Didaktika (yunon-didaklikos - o`qitadigan, o`rgatadigan) - pedagogikaning bilim olish, ta’lim va tarbiya nazariyasiga oid sohasi. U talabalarning bilim olish, o`zlashtirish va ko`nikmalar hosil qilish jarayoniga xos ta’lim prinsiplari, uslublari va o`quv jarayonini tashkil qilishga oid Hamma masalalarni o`rganadi. Didaktika termini dastlab nemets pedagogi Volfgang Ratke (Ratixiya) (1571- 1635) tomonidan o`qitish san'atini ifodalovchi tushuncha sifatida ishlatilgan. XVII asrda chex pedagogi Ya.A.Komenskiy ham shu fikrni davom ettirib, «hammani barcha narsalarga o`qitish, o`rgatish universal san'ati» deya talqin etgan. U “Buyuk didaktika” asarida (1657 yil) didaktikaning asosiy masalalarini ishlab chiqqan.

XIX asr boshlarida nemets pedagogi I.F. Gerbart didaktikaga ta’lim olishni tarbiyalovchi yaxlit nazariya tarzida qaragan. Didaktika XIX asr o`rtalaridan boshlab pedagogikaning alohida sohasi sifatida o`rganila boshlandi. O`zbekistonda dastlab jadid maktablarida didaktikaning tamoyillarini ishlab chiqishga harakat qilingan. Barcha fanlarni o`rganishda didaktik prinsiplar muhim o`rin tutadi. Didaktik prinsiplar dars mazmuni va darsni tashkil etishga tegishlidir. Didaktik tamoyillarga o`qitish va o`qish jarayonida qoidalar sifatida rioya qilinishi zarur. Ular bir-biriga bog`lanib ketadi, quyidagi prinsiplar o`qitish va o`qish jarayonini samarali tashkil qilish bo`yicha qoidalar bo`lib, ular uzoq vaqt davomidagi tajribaga asoslangan. O`qish va o`qitish didaktik xatti-harakatlar bilan bog`liq. Didaktik xatti- harakatlarga o`qituvchining darsga tayyorgarlik ko`rishi, uni o`tkazish va baholash faoliyati kiradi. Bu faoliyat quyidagi savollarda o`z ifodasini topadi: 1. Kimlar o`qitiladi? 2. Kimlarni o`qitish kerak? 3. O`qitish orqali qanday maqsadlarga erishish mumkin? 4. Maqsadga erishish uchun nimani, qanday o`qitish kerak? 5. Nazariy va amaliy darslarda qaysi metodlarni qo`llab, dars o`tish kerak? 6. Nazariy va amaliy darslarni qanday sharoitda o`tkazish kerak? 7. O`qishni qanday tashkil qilish kerak? 8. Ko`zlangan maqsadga erishishni tekshirish uchun natijalar qanday baholanadi ? Dars berishning shakllari, uslublari turli-tuman. Maqsad, o`tilayotgan dars har bir talabaning ongiga yetib borsin. Bu yerda hal qiluvchi rolni didaktik sakkizburchak va o`quv jarayonining mazmuni o`ynaydi.

Didaktik sakkizburchak. O`qish (o`rganish) ning maqsadi Chizmadan ko`rinib turibdiki, o`quv jarayonini qanday o`tishi qo`yilgan maqsad bilan uni amalga oshirish birligidan iborat. O`qituvchi, dars beruvchi sifatida har safar qanday qilib, qaysi usul bilan dars o`tsam qo`yilgan maqsadga erishaman deb o`z oldiga savol qo`yib, o`ylab ko`rsa, dars o`tishning aynan mavzuga mos keladigan uslubini topishi mumkin. Bilim olish darajasini tasvirlash uchun AQSH pedagogi Benjamin Blum tomonidan 1956 yil e’lon qilingan “Taksonomiya seley obucheniya” chast 1. “Kognitivnaya sfera” (Taxonomy of Edicational Objectives: Handbook 1: Cognitive Domain) kitobida ta’lim maqsadlarini qat’iy belgilangan mezonlarini ishlab chiqqan. Undan o`tiladigan darsning maqsadini rejalashtirishda, auditoriyada amaliy ish bajarish yoki nazorat ishi uchun savollar, test tayyorlashda foydalanish mumkin. «Taksonomiya» (yunoncha taxis - joylashish, tarkib, tartib va nomos - qonun) murakkab tuzilishga ega reallikni tasniflash va tizimga solish haqidagi nazariya bo`lib u narsalarning tabiiy bog`liqligi va xosiyatlariga ko`ra ierarxik tarzda tavsiflash va tizimlashtirishni anglatadi. XX asrning 60-70 yillaridan ierarxik biri ikkinchisiga bo`ysinuvchi, uni qamrab oluvchi ob’ektlar- taksonlar, taksonomik kategoriyalar tizimi haqidagi ta’limot sifatida ko`rila boshlandi Blumning fikricha, bilim olish (kognitiv) darajasi ma lum ierarxiya tarzida joylashib, har bir bosqich avvalgisiga qaraganda murakkab hamda avvalgi

bosqichlarni ham o`z ichiga oladi. Ya’ni bilim har bir yangi pog`onaga ko`tarilar ekan, albatta, avvalgi bosqichni ham takrorlash lozim bo`ladi. Ular quyidagilar: 1. Bilish, olingan bilimni yodda saqlash . Bu eslash qobiliyati yoki darsda o`tilgan, o`qiganlarni kerak bo`lganda eslab, yodga tushirish qobiliyati. Bunda avvalgi darslarda o`tilgan tushuncha, tendensiya, umumlashtirilgan xulosa kabilarni eslab yodga solish ko`zda tutiladi. U darsning dastlabki maqsadi. 2. Tushunish. Talabalarning darsda eshitganlari, o`qiganlari, ko`rganlari ma’nosini tushunishi. Qonunlar, tendensiyalar, tushunchalar, g`oyalar ma’nosini tushunib, ularning o`zgarishi nimaga olib kelishini ko`z o`ngiga keltira olish qobiliyati. Lekin tushunish uchun avval olingan bilimni yodda saqlash kerak. 3. Olingan bilimni qo`llash . G`oya, prinsip, konsepsiyalarni yangi vaziyatlarda qo`llash iqtidori. Bunda eng avvalo bilganlarni yodga tushirib, uni yangi vaziyat bilan taqqoslash, fikrni davom ettirish, real hayotdan misollar bilan bog`lash kerak. 4. Tahlil qilish . Bu - voqyea-hodisalarni bo`laklarga bo`lish, ular o`rtasida mantiqiy aloqalarni aniqlashni talab etadi. Tahlil qilish (analiz) iqtisodiy voqyelik, jarayonlarni, u yoki bu shaklda induksiya yoki deduksiya uslubini qo`llashga tayanadi. Tahlil qilish uchun esa olgan bilimni yodga tushirish, muammoga tushunish, uni qo`llay bilish kerak. 5. Sintez qilish , umumlashtirish. Bilim olish va fikrlashning bu bosqichida alohida tarkibiy qismlar va turli manbalardan olingan axborotni bir butun yagona tizimga keltirish qobiliyati namoyon bo`ladi. Buning uchun yodga tushirish, masalaga tushunish, uni qo`llay bilish, tahlil qila bilish zarur. 6. Baholash . Bu - bilishning yuqori bosqichi bo`lib, talabaning qo`yilgan masalaga o`z fikri, nuqtai nazarini bildirish qobiliyatini ifodalaydi. Bunda u yoki bu muammoni yechishning turli yo`llari shakllanadi. Uning qaysi biri to`g`ri, samarali, iqtisodiy jihatdan maqsadga muvofiqligi baholanadi. Odatda, baholash

mezonlaridan foydalaniladi. Bu mezon o`qituvchi tomonidan qo`yilishi yoki uni talabalarning o`zi belgilashi mumkin. Baho berish uchun, avvalo olgan bilimni yodga tushirish, masalani tushunish, yangi vaziyatda bilganlarini qo`llay bilish, tahlil qilish, sintez qilishni bilish kerak. Talabaga berilayotgan topshiriq, ana shu bilishning olti bosqichidan qaysi bosqichiga to`g`ri kelishini aniqlashda qo`llaniladigan asosiy da’vatlar quyidagi so`zlar hisoblanadi. 1. Aniqlang, tasvirlang, sanab chiqing, yodga tushiring, ko`rsating. 2. Taqqoslang, farqini ko`rsating, tushuntiring, gapirib bering, misollar bilan izohlang, o`zgartirib, ifoda qiling. 3. Qo`llang, tuzing, namoyish qiling, fikrni davom ettiring, chuqurlashtiring, loyihasini tuzing, ishlab chiqing, yeching. 1. Tahlil qiling, kategoriyalarga, bo`laklarga bo`ling, tasvirlang, farqini ko`rsating. 2. Ishlab chiqing, tuzing (yarating), tendensiyani, qonuniyatini aniqlang, umumlashtiring, tavsiya qiling, ta’riflab bering. 6.Tinglang, yeching, baholang, muhokama qiling. Didaktika va metodikaning maqsadi: ta’lim berish, o`qitish, o`rgatishni amalga oshirishdir. Didaktika «nimani? » va «nima uchun? » o`qitish kerak degan savollar bilan shug`ullansa, metodika esa u bilan uzviy bog`liq holda «qay tarzda, qanday? » va «nimalar yordamida o`qitish? » lozim masalalari bilan shug`ullanadi. Didaktikaning an’anaviy «qanday o`qitish kerak? » degan savoli bizni o`qitish metodlari kategoriyasiga olib keladi. Metodlarsiz qo`yilgan maqsadlarga erishib bo`lmaydi. U qo`yilgan maqsad bilan natijani bog`laydi. «Metod» atamasi yunoncha «methodos - tadqiqot yoki bilish yo`li, nazariya, ta’limot» so`zidan kelib chiqqan bo`lib - tadqiqot yo`li, haqiqatga intilish, bilish, harakat qilish yo`llari, kutilayotgan natijaga erishish usuli ma’nosini anglatadi. Metod deganda voqyelikni amaliy yoki nazariy o`zlashtirish usullari tushuniladi. Faoliyatning turli jabhalarini o`rganishni qamrab olgani holda ilmiy bilish va uning usullari metodikaning asosiy yo`nalishidir. Unda ta’lim va tarbiya berish usullari asosiy o`rinda turadi. Metod - o`qituvchi bilan o`quvchi-talabalarning ta’lim-

tarbiyadan qo`yilgan maqsadga erishishga qaratilgan tartibga solingan, tizimlashtirilgan faoliyatdir. Metod nihoyatda serqirra bo`lib, juda ko`p komponentlarni jamlaydi. Uning qirralariga : ta’lim-tarbiyaning maqsadi; o`qituvchi tanlagan maqsadga yetish usullari; o`qituvchi bilan o`quvchi-talabalarning hamkorlik qilish yo`llari; ta’lim maqsadini aniq o`quv materiali mazmunida ifodalash; ta’lim-tarbiya jarayonining (qonun, qonuniyatlar, prinsiplar) mantig`i; axborotlar manbasi; o`qituvchining mahorati; ta’lim-tarbiya jarayoni qatnashchilarining faolligi; o`qitish vositalari va usullari tizimi va boshqalarni yozish mumkin. Murakkabligi uchun ham metodni yagona ma’noga ega tarzda ifodalash qiyin. Shu bois metodning mazmun- mohiyatini, sifatlarini soddalashtirilgan variantdagi ta’riflarda berishga to`g`ri keladi. O`qitish metodlarining serqirraligi, murakkab tuzilishga ega ekanligi unga turli jihatdan yondashuvlarda o`z ifodasini topadi. I. P. Podlasiyning fikricha, metod-jarayonning o`zagi, rejalash-tirilgan maqsadni yakuniy natija bilan bog`lovchi bo`g`in. Uning «Maqsad – mazmun – metodlar – shakllar - o`qitish vositalari» tizimidagi roli hal qiluvchidir. Pedagogik amaliyotda, an'anaga muvofiq, o`quv -tarbiyaviy maqsadlarga erishish uchun qo`llanilayotgan, tartibga solingan faoliyat usuli metod deb tushuniladi. Bunda o`qituvchining o`qitish faoliyati usullari bilan o`quvchining o`qish faoliyatining usullari bir-biriga bog`liqligi ta’kidlanadi. O`qitish metodi quyidagicha tavsiflanadi: o`qitishning maqsadi, o`zlashtirish usuli, o`quv jarayoni qatnashchilari (o`qituvchi, o`quvchi, talaba) ning o`zaro munosabati. Ta’lim metodlari bir tomondan, ob’ektiv xarakterga ega bo`lib, qaysi pedagog qo`llashidan qat’i nazar, doimiy amal qiladigan mustahkam qonun-qoidalar bilan bog`liq. Ular barcha didaktik qoidalar , qonunlarning talabi hamda maqsadlarning doimiy komponentlari , o ` quv faoliyatining mazmuni , shaklini ifodalaydi . Ikkinchi tomondan , sub ’ ektiv xarakterga ega bo ` lib , u pedagog shaxsi , o ` quvchi - talabalarning o ` ziga xos tomonlari , aniq sharoit bilan belgilanadi , Pedagog , psixolog mutaxassislarning ta ’ kidlashlaricha , metodlar o ` quv – tarbiya jarayonida quyidagi funksiyalarni bajaradi :

Ta’lim berish. Metodlar yordamida ta’limning maqsadi amalga oshiriladi. Metodlar o`qituvchi va o`quvchilarning nazariy Hamda amaliy bilimini ta’lim olish borasidagi vazifalarni bajarishga qaratadi. Kamolotga boshlash funksiyasi: O`quvchi, talabalarni fikrlash doirasini, bilim olish, aqliy rivojlanish sur'atini tezlashtirishda, qiziquvchanligini oshirishda o`z ifodasini topadi. Tarbiyalash funksiyasi: O`quv materialini o`rganish, o`zlashtirish jarayoniga mustaqil qarash, fikrlash, iroda xususiyatlari, axloqiy, ma’naviy qarashlarning shakllanishiga olib keladi. Bilim olishga da’vat etish, istak, xohish uyg`otish funksiyasi: Metodlar talabalarni bilim olishga da’vat qiluvchi vosita hisoblanadi. Asosiy, gohida bilishga qiziqtiruvchi, istak, xohish tug`diruvchi yagona stimulyator vazifasini bajaradi. Nazorat funksiyasi: Metodlar yordamida o`qituvchi o`quvchi, talabalarning bilimini nazorat qilibgina qolmay, o`quv jarayoni natijalariga ko`ra unga zarur o`zgartirishlar kiritadi. Metodlarni fanlarni o`rganishdagi qo`llashdagi qamroviga ko`ra uch guruhga bo`lish mumkin: umumiy metodlar, turkum fanlarni o`rganishda qo`llaniladigan va xususiy metodlar Dars o`tishning umumiy metodlari barcha fanlarni o`rganishda qo`llaniladi. Masalan, savol-javob, suhbat, tarqatma materiallardan foydalanish kabilar. Ayrim metodlarni esa ma’lum turkum fanlarni o`kitishdagina qo`llash mumkin. Bularga masala yechish, munozara, Xususiy metodlar faqat ayrim olingan fanni o`rganishda qo`llaniladigan metodlar yoki usullar bo`lib u o`rganilayotgan fanning xususiyatidan kelib chiqib qo`llaniladi. Didaktik tadqiqotlar mashg`ulot o`tkazishni dialektik jarayon sifatida o`rganadi. Unga ko`ra: • O ` qitish metodlari tizimi dinamikada , harakatda , ta ’ lim tizimida yuz

berayotgan barcha o ` zgarishlarni hisobga olgan holda o ` zgaradi , rivojlanadi , deb qaraladi . • Barcha metodlar bir-biri bilan aloqador. Biri ikkinchisini to`ldiradi, biri ikkinchisiga bog`liq. • Metodlarni qo`llashning turli-tuman modifikatsiyalari mavjud bo`lib, ular dars o`tish shakllari va vositalari bilan ko`shilib ketadi. Dastlab, dars berish metodlarini tasniflashga an'anaviy jihatdan yondashilib, o`rganiladigan bilim manbalariga ko`ra guruhlarga ajratilgan. Bunday guruhlanishning ijrosi qadimgi falsafiy va pedagogik qarashlarga borib taqaladi. Bunday manbalar, qadimda uchta: amalda sinash, ya’ni praktika (tajriba), ko`rgazmali, og`zaki (so`z orqali) ifodalangan. Jamiyat taraqqiyoti tufayli keyinchalik unga kitob bilan ishlash qo`shildi. So`nggi 20 yil mobaynida hayotga, shuningdek, ta’limga shiddat bilan yangi metodlar, qog`ozsiz axborot manbai: video-kompyuter tizimi kirib keldi. Har bir darsni o`qitish jarayonida bir necha metod bir-biriga bog`lanib, qorishib ketadi. O`qituvchi va talabalarning o`zaro muloqoti natijasida ta’lim metodlari bir-biriga singib ketadi. Tadqiqotchi Yu. K. Babanskiyning fikricha, biz u yoki bu metodni qo`llash haqida gapirar ekanmiz, bu shu metodning ma’lum bosqichda yetakchi rol o`ynashini bildiradi, xolos. Metodlarning funksional jihati butun o`quv jarayonida o`zgarmas emas, ya’ni qotib qolmaydi. U sharoitga, qo`yilgan talabga, intensiv tarzda qo`llanish yoki qo`llanmasligiga ko`ra o`zgarib turadi. Bir xil metodlar ko`proq ta’lim berish, o`quvchilarni kamol toptirish, tarbiyalashda muhim rol o`ynasa, boshqalari bilim olishga da’vat etish, uchinchilari esa bilimni nazorat qilishda keng imkoniyatlarga ega. Ayrim metodlar ko`proq o`quvchi, talabalarni bilim doirasini kengaytirish, nazariy bilim olishlarida qo`l kelsa, boshqalari ko`proq tajriba to`plash, ko`nikma hosil qilish, o`z bilimini amalda sinab ko`rishda yordam beradi. U chinchilari esa bilimini oshirish uchun mustaqil o`z ustida ishlashga da’vat etadi, to`rtinchilari bilim, ko`nikmalarni mustahkamlashga yordam beradi. Shuningdek, ayrim metodlar bilishga bo`lgan qiziqishni kuchaytirib, tafakkurni rivojlantirsa, ikkinchisi, faollik, o`rganganlarini uzoq esda saqlashga yordam beradi. Uchinchisi

iroda, o`z fikrini mustaqil aytish, himoya qilishga o`rgatadi. To`rtinchisi his- tuyg`u, kechinmalarni boshqarishga yordam, ruhiy ozuqa beradi. Birinchi Prezidentimiz mamlakatimizda ta’lim tizimidagi islohotlar izchil ravishla amalga oshirilayotganiga urg’u berib: "... umumiy o’rta ta’limdan boshlab o’rta maxsus, kasb-xunar va oliy ta’limgacha bo’lgan bo’g’inlarda, chukur bilim va puxta kasb-hunar tayyorgarligiga ega bo’lgan yosh avlodni tarbiyalash jarayonini o’z ichiga olgan yaxlit uzluksiz ta’lim tizimini shakllantirish ishlari izchil davom ettirilganini ta’kidlamokchiman» - deya, erishilgan natijalarni ko’rsatib o’tdilar. Taraqqiyotni ta’minlashning dvigateli sifatida hamda barcha masalalarning echimi kadrlarga, ularning bilimi, salohiyati, o’z vaqtida zarur qaror qabul qilishiga bog’liqligi, jamiyat ehtiyojiga muvofiq kadrlar tayyorlash esa resurslarga borib taqalishidan kelib chiqib, respublikamizda ta’lim tizimiga ajratilayotgan mablag’lar yildan yilga ortib bormoqda. Rivojlangan mamlakatlarda ijtimoiy qayta ishlash intellektual salohiyat darajasini saqlab qolishga qilinadigan sarf-harakatlar moddiy-ashyoviy ishlab chiqarish sarf- xarajatlaridan sezilarli darajada ko’p, zero yaqin kelajakda xo’jalik, ijtimoiy, madaniy va boshqa hayotiy muhim sohalarda etakchilik intellektual salohiyati nisbatan rivojlangan mamlakatlargagina tegishli bo’ladi Tanlash darajasi qancha yuqori bo’lsa, shaxsning etuklik darajasi, tarbiyalanganligi ham shuncha yuqori bo’ladi. Mana shuning uchun ham har bir ta’lim tizimi tarbiyalanganlikning u yoki bu darajasini, shuningdek, uzluksiz ta’limdagi tarbiyaviy va ta’limiy vorislikni ta’minlaydi. Bu jamiyatni rivojlantirishning aniq ijtimoiy-iqtisodiy vazifalarini hisobga olgan holda amalga oshiriladi. Kasb-hunar kollejlarida mutaxassis tayyorlashda ixtisoslashuviga ishchi kuchi tarkibiga bo`l-gan bozor talabini hisobga olish alohida ahamiyatga ega. Akademik litsey o’quvchilarning intel lektual qobiliyanlarini jadal o’stirish, ularni chuqur tabaqalashti-rilgan va-hunarga yo’naltirilgan bilim olishlarini ta’minlaydigano’rta maxsus o’quv yurti. Kasb-hunar kolleji O`quvchilarning bu - kasb-hunarga moyilligi, mahorat va malakasini chuqur rivojlantirishni, tanlagan

kasblari bo`yicha bir yoki bir necha ixtisos olishni ta’minlaydigan o`rta maxsus, kasb-hunar o`quv yurti. Аkаdеmik litsеy vа kаsb-hunаr kоllеjlаri fаоliyatining diqqаt qаrа-tiliqi zаrur bo’lgаn muhim jihаti iхtisоslik yo’nаlishlаri bo’yichа ulаr-dа bilim, ko’nikmа vа mаlаkа mаlаkа hоsil qilishdir. Chunki ulаr nаfаqаt umumtа’lim fаnlаri bаlki kаsbiy tа’lim fаnlаrini hаm o’rgаnishаdi. Bu o’z nаvbаtidа o’rtа mахsus tа’lim tizimidа o’quv jаrаyonini tаshkil etish vа dаrs o’tishning o’zigа хоs хususiyatlаrini shаkllаnishigа оlib kеlаdi vа dаrs o’tishdа ulаrni hisоbgа оlish zаruriyatini vujudgа kеltirаdi. Hozirgi davrda fan-texnika taraqqiyotining o`ta rivojlanishi axborot oqimini keskin ko`payishiga olib keldi. Lekin axborotni qabul qilish, o`zlashtirish, tahlil qilish, baholash, ular asosida xulosa chiqarish uchun vaqt nihoyatda cheklangan. Axborot olinadigan manbalar turli tuman va xilma-xil. Taraqqiyot tufayli ular yanada takomillashib, yangi-yangi turlari vujudga kelmoqda. Inson tug`ilganidan boshlab, to umrining oxirigacha axborot qabul qiladi va olingan axborotga o`z munosabatini bildiradi. Inson tomonidan qabul qilinadigan axborotlar tayyor yoki yangi shakllantiriladigan bilimlardan iborat bo`ladi. Birinchi holatda tayyor bilimlar o`zlashtiriladi. Ikkinchi holatda yangi bilimga ega bo`lish uchun intilish tufayli ularni takomillashtirish va boyitib borish jarayoni amalga oshiriladi. Akademik litsey va kasb-hunar kollejlarida ta’lim ko`proq mavjud bilimlarni o`zlashtirishga qaratilsa, oliy ta’limda esa ko`proq ijodiy izlanuvchanlikka qaratiladi. O’rt а m ах sus v а k а sb-hun а r t а ’limid а o’rg а nil а dig а n m а vjud biliml а rni o’zl а shtirish ul а r uchun yangi bilim his о bl а n а di, s а b а bi ul а rni o’rg а nish endi b о shl а n а yapti. Psixologlarning fikricha, bilimlarni o`zlashtirish, bu-yangi qabul etilayotgan axborotni o`quvchi-talaba ongidagi avvalgi mavjud bo`lgan axborotlar tizimiga kiritishdir. Ularda bilim qanchalik keng bo`lsa, yangi axborotni qabul qilishi shunchalik oson kechadi. O`qituvchi yana shunga e’tibor berishi kerakki, u yangi fanni o`rganishni yoki

yangi mavzuni o`tishni boshlar ekan, albatta ularga taalluqli, axborotni qayta tiklashi hamda yangi fanni, mavzuni o`zlashtirish uchun asos hosil qilishi zarur. Ayniqsa, shu yoshdagi o`quvchi, talabalarni qiziqtiradigan savol, muammoli vaziyat yaratilishi ularni fanni, mavzuni o`rganishga faolligini kuchaytiradi. Shuning uchun akademik litsey, kasb-hunar kollejlarida o`qituvchi dars o`tish metodlarini fanni o`rganish, uning asosiy tushunchalarini yodda saqlash zarurligini hisobga olgan holda tanlashi zarur. Asosiy tushunchalarni anglab, puxta o`zlashtirishlari barobarida tafakkurni o`stirishga, rivojlantirishga qaratilgan o`quv metodlarini qo`llashga ahamiyat berish kerak Dars berishning ob’ektiv hamda sub’ektiv tomonlari mavjud. Uning ob’ektiv tomoniga fanning predmeti, shu fanning xususiyatlari, mavzuning mazmuni kirsa, sub’ektiv tomoniga shu fanni o`qituvchi tomonidan o`zlashtirilishi kiradi. Undan tashqari, metodik jihatdan tayyorgarlik darajasi, individual metodik tamoyillar, uslublar va uni o`quv-tarbiya jarayonida qo`llash Ham shu muammoga kiradi. O`quv jarayonini tashkil etish va dars berish uslubini tanlaganda mutaxassis tayyorlash bilan birga, yoshlarga yetuklik, axloqan poklik, vatanparvarlik, baynalmilalchilik ruhini ham singdirish zarurligini yoddan chiqarmaslik kerak. O`qituvchining shaxsi, psixologik sifatlari, nazariy va metodik jihatdan tayyorgarlik darajasi dars berish metodiga katta ta’sir ko`rsatadi. Bir metodni qo`llash turli o`qituvchilar darsida turlicha natija berishi mumkin. Dars berish metodlarining samaradorligi haqida fikr yuritilar ekan, o`qituvchining shaxsiy sifatlaridan uning ilmiy-uslubiy tayyorgarligi darajasini ajratib bo`lmaydi. Dars berish jarayon sifatida ob’ektiv va sub’ektiv tomonlarning birligidir. Dars berishning ob’ektiv tomoniga o`qituvchiga bog`liq bo`lmagan, o`rganilayotgan fanning mazmuni, dars o`tish tamoyillari kiradi. Sub’ektiv tomonlariga esa: a) o`qituvchining shu fanni qanday egallagani, bilim darajasi; b) o`qituvchining uslubiy tayyorgarligi, metodikaning qonun-qoidalarini qo`llay bilish mahorati;

v) har bir o`qituvchining ta’lim-tarbiya jarayonida u yoki bu uslubni qo`llashdagi individual xususiyatlari kiradi. Dars berishda pedagog sub’ektiv omil sifatida namoyon bo`ladi. Ko`p jihatdan talabalarning o`zlashtirishi o`qituvchining dars o`tishda tanlagan metodlariga bog`liq. Har bir o`qituvchi o`z qobiliyatini dars berishda namoyon qilib, ma’ruza va nutqida o`ziga xos jihatlarini ko`rsatadi. Ma’lum bir mavzuni yoritishda o`qituvchi o`zi yaxshi bilgan yoki o`zining ilmiy izlanishlari bilan bog`liq bo`lgan, lekin shu mavzuga to`g`ridan-to`g`ri bog`liq bo`lmagan savolga ko`p vaqt ajratib, qolgan savollarni ko`rib chiqish uchun vaqt yetmay qolishi mumkin. Bu - mavzuni bayon qilishda didaktikaning izchillik prinsip-larini buzilishiga olib keladi. Shuning uchun dars o`tishdagi muhim vazifalardan biri, bu - sub’ektiv omillar, albatta, ob’ektiv omillarga bo`ysinishi, aynan shu fanning mazmunini ochib berishga xizmat qilishi kerak. Bunda, albatta, to`plangan metodik tajriba qo`l keladi. Har bir o`qituvchi o`zida quyidagi psixologik sifatlarni hosil qilishga va rivojlantirishga harakat qilishi kerak. 1. O`qituvchi auditoriyada o`zini erkin tutishi dars berish imkoniyatiga ishonishi kerak. 2. O`qituvchi gapirib turib, o`ylashni bilishi kerak. O`qituv-chilik kasbining, mehnatining, mahoratining o`ziga xosligi ham shunda. Dars berishda fikrlash, o`ylash va gapirish jarayoni qo`shi-lib ketadi. Avval o`ylab olib, keyin so`zlashga fursat bo`lmaydi. 3. O`qituvchining fikrlashi va shu vaqtning o`zida uni bayon qilishi auditoriyada yuz beradi. Shuning uchun o`qituvchi unga tikilib turgan ko`zlardan qo`rqmasligi zarur. Ularni ta’siridan xoli bo`lishni o`rganishi, bilishi kerak. Shu bilan birga, o`qituvchi auditoriyadagi talabalar bilan o`zaro bog`liqlikni yo`qotmaslikni ham o`zida tarbiyalashi shart. 4. O`qituvchi auditoriyada o`tirgan talabalarning munosabatini, ulardagi o`zgarishini to`g`ri aniqlashi uchun kuzatuvchilik qobiliyatiga Ham ega bo`lishi

kerak. Auditoriyani psixologik holatini (sukunat, shovqin va hokazolar) tez ilg`ashi zarur. O`qituvchi bir psixologik holatdan boshqa holatga oson o`ta olishi kerak. O`qituvchining ishonchli dalillari, ilmiy, asosli mulohazalari, uning fikrlarini talabalarga ta’sirini bir necha marta oshiradi. O`ziga ishonchi esa keng doiradagi bilimi, o`z fikrini ilmiy asoslab bera olish qobiliyatiga ega bo`lishda shakllanadi. O`qituvchi keltirgan misollarida talabalarga mehnatga, jamiyatga, o`rtoqlariga, jamoaga qanday munosabatda bo`lish zarurligini anglatishi kerak. Talabalarga ta’sir ko`rsatish uchun, albatta, o`qituvchi ular o`rtasida hurmatga ega bo`lishi kerak. O`qituvchi (oratorlik) voizlik - ma’ruza o`qish qobiliyatiga ega bo`lishi kerak. O`qituvchida talabalarni o`z fikriga mahliyo qilish, o`zini qanday tutishni bilish qobiliyati bo`lsa, u haqiqiy talant sohibidir. Buyuk faylasuf Aristotel har bir so`zni qanday aytishni avval soatlab oynaga qarab, mashq qilgan ekan. O`qituvchining butun faoliyatida samimiylik, o`ziga ishonch muhim ahamiyatga ega. O`quv-tarbiya faoliyatida qo`llaniladigan metodlar o`qituvchi bilan talaba o`rtasidagi aloqani mustahkamlashga qaratilgan. Bu o`qituvchi bilan talaba o`rtasida ishchan-lik muhitini yaratishda o`z ifodasini topadi. Bunda talabaning fikri o`qituvchi bilan birga kechishi yoki ozgina orqada qolishi yoki ozgina oldinga o`tib ketishi mumkin. O`qituvchi auditoriyani ko`rishi, his qilishi, u bilan birga ishlashi kerak. Talaba ham, o`z navbatida, o`qituvchi uni ko`rib, nima qilayotganini bilib turishini his qilishi kerak. O`qituvchi darsni zerikarli bo`lmasligiga harakat qilishi, o`z ma’ruzasiga talaba ko`zi bilan ham qarashi lozim. Ana shunda o`zini kamchiliklari, dars o`tishda qo`llayotgan uslubi to`g`ri yoki to`g`ri emasligini tez ilg`ab oladi. O`z ishiga ijodiy yondashish, undan tashqari talabalar hayotini yaxshi bilish, talabalarni qiziqtiradigan masalalarni yechishga yordam beradi. Bir so`z bilan aytganda, metodika o`qituvchi uchun chuqur, qiziqarli, tushunarli tarzda bilim berish asosidir.

*Pedagogik texnologiya deganda «ishlab chiqarish» natijasi-mahsuloti» ma’lum malakaga ega bo`lgan mutaxassis tayyorlash uchun o`qitish jarayonini qo`yilgan maqsadga ko`ra izchil ketma-ketlikda turli vosita va metodlarni qo`llash o`quvchi-talaba va o`qituvchi hamkorligini amalga oshirish tufayli samarali va kafolatlangan ta’lim natijasiga erishishni ta’minlovchi pedagogik faoliyat tushuniladi. *O`qitish metodlarini pedagogik texnologiyaning nerv tomirlari deb atash mumkin, chunki qo`yilgan maqsadni qanday amalga oshirish, qanday natijaga erishish dars o`tish metodlarini tanlash va qay tareda qo`llashga bog`liq. * Ta’lim tizimiga, o`qitishga qator yondashuvlar mavjud bo`lib, ular darsni o`tkazishda o`qituvchining qanday rol o`ynashi, qo`yilgan maqsad, o`quvchi- talabalarning dars jarayonida faolligini ta’minlash, qo`yilgan maqsadni amalga oshirish metodlari, mustaqil, tahliliy va tanqidiy fikrlashni shakllantirish, erishish mo`ljallangan natija va boshqa jihatlari bilan farqlanadi. Ulardan keng tarqalganlari ko`rgazmali-an'anaviy, texnologik, tadqiqiy-ijodiy yondashuvlvr bo`lib, keyingi paytlarda integral va modulli yondashuvlvr asosida o`quv jarayonini tashkil etish ham keng qo`llanilmoqda. * Metodika ilmiy bilish faoliyatining shakllari va metodlari majmui haqidagi fan bo`lib, maxsus fanlarni o`qitish metodikasi esa shu fanlarni o`rganish metodlari va ularni dars jarayonida qo`llash yo`llarini o`rganadi. * Metodika bilan didaktika uzviy bog`liq bo`lib, metodika didaktikaning bo`limi. Didaktika bilim olish, uni o`zlashtirish, ko`nikmalar hosil qilishning prinsiplari, uslublari, o`quv jarayonini tashkil etishga oid barcha masalalarni o`rganadi. Barcha fanlarni o`rganishda didaktik prinsiplar: faollik, nazariya bilan amaliyotning bir-biriga bog`liqligi, ko`rgazmalilik, tushunarlilik, namunalardan foydalanish, ilmiylik, bilimlarni qo`llash, natijalarni mustahkamlash kabilar muhim o`rin tutali va ularga o`qitish va o`quv jarayonini tashkil etishning qoidalari sifatida amal qilinishi zarur. * Dars o`tish jarayonida ta’lim maqsadlarini belgilashga alohida diqqat qaratish zarur. Bunda taniqli AQSHlik pedagog olim B. Blum taksonomiyasidan

foydalanish mumkin. Qo`yilgan maqsadga ko`ra o`quv jarayoni tashkil etiladi va o`quvchi-talabalar uchun topshiriqlar ishlab chiqiladi. * Metod nihoyatda serqirra, murakkab tuzilishga ega bo`lib, dastlab pedagog olimlar tomonidan turli jihatdan yondashgan holda guruhlarga bo`lish tendensiyasi ustun bo`lgan bo`lsa, keyingi yillarda metodlarni u yoki bu xususiyatlariga ko`ra guruhlarga bo`lishdan voz kechish tendensiyasi vujudga keldi. Haqiqatan ham metodlarni guruhga bo`lishdan maqsad ularni o`rganilayotgan fanning, mavzuning o`ziga xos tomonlarini, uni o`rganishdan qo`yilgan maqsadni hisobga olgan holda samarali qo`llash. Shuning uchun metodlarni guruhlarga bo`lish bo`lmaslikdan qat’iy nazar har birini chuqur o`rganib chiqish zarur. Umuman olganda guruhga bo`lish shartli bo`lib, metodlar bir-birini to`ldiradi, biri ikkinchisini taqozo qiladi. * O`quv jarayonini tashkil etishda o`quvchi-talabalarga ta’lim berish jarayonida real hayotda sinab ko`rilgan Hamda o`zini oqlagan o`qitish shakllari hamda turli metodlaridan foydalaniladi. * O`qitish jarayon sifatida ob’ektiv va sub’ektiv tomonlarning birligidir. O`quv jarayonini tashkil etish dars berish metodlarini samaraliligini ta’minlashda o`qituvchi asosiy rol o`ynaydi. Shuning uchun ham har bir o`qituvchi unga qo`yilgan talablarga javob berishi, o`z o`stida tinmay izlanishi, metodikani puxta egallagan holda o`rganilayotgan fanning, mavzu-ning xususiyatlariga ko`ra turli metodlarni qo`llay bilish ko`nikmasiga ega bo`lishi zarur.

Xulosa: Metodika ilmiy bilish faoliyatining shakllari va metodlari majmui haqidagi fan bo`lib, maxsus fanlarni o`qitish metodikasi esa shu fanlarni o`rganish metodlari va ularni dars jarayonida qo`llash yo`llarini o`rganadi. Metodika bilan didaktika uzviy bog`liq bo`lib, metodika didaktikaning bo`limi. Didaktika bilim olish, uni o`zlashtirish, ko`nikmalar hosil qilishning prinsiplari, uslublari, o`quv jarayonini tashkil etishga oid barcha masalalarni o`rganadi. Barcha fanlarni o`rganishda didaktik prinsiplar: faollik, nazariya bilan amaliyotning bir-biriga bog`liqligi, ko`rgazmalilik, tushunarlilik, namunalardan foydalanish, ilmiylik, bilimlarni qo`llash, natijalarni mustahkamlash kabilar muhim o`rin tutali va ularga o`qitish va o`quv jarayonini tashkil etishning qoidalari sifatida amal qilinishi zarur. Dars o`tish jarayonida ta’lim maqsadlarini belgilashga alohida diqqat qaratish zarur. Bunda taniqli AQSHlik pedagog olim B. Blum taksonomiyasidan foydalanish mumkin. Qo`yilgan maqsadga ko`ra o`quv jarayoni tashkil etiladi va o`quvchi-talabalar uchun topshiriqlar ishlab chiqiladi. * Metod nihoyatda serqirra, murakkab tuzilishga ega bo`lib, dastlab pedagog olimlar tomonidan turli jihatdan yondashgan holda guruhlarga bo`lish tendensiyasi ustun bo`lgan bo`lsa, keyingi yillarda metodlarni u yoki bu xususiyatlariga ko`ra guruhlarga bo`lishdan voz kechish tendensiyasi vujudga keldi. Haqiqatan ham metodlarni guruhga bo`lishdan maqsad ularni o`rganilayotgan fanning, mavzuning o`ziga xos tomonlarini, uni o`rganishdan qo`yilgan maqsadni hisobga olgan holda samarali qo`llash. Shuning uchun metodlarni guruhlarga bo`lish bo`lmaslikdan qat’iy nazar har birini chuqur o`rganib chiqish zarur. Umuman olganda guruhga bo`lish shartli bo`lib, metodlar bir-birini to`ldiradi, biri ikkinchisini taqozo qiladi. * O`quv jarayonini tashkil etishda o`quvchi-talabalarga ta’lim berish jarayonida real hayotda sinab ko`rilgan Hamda o`zini oqlagan o`qitish shakllari hamda turli metodlaridan foydalaniladi. * O`qitish jarayon sifatida ob’ektiv va sub’ektiv tomonlarning birligidir. O`quv

jarayonini tashkil etish dars berish metodlarini samaraliligini ta’minlashda o`qituvchi asosiy rol o`ynaydi. Shuning uchun ham har bir o`qituvchi unga qo`yilgan talablarga javob berishi, o`z o`stida tinmay izlanishi, metodikani puxta egallagan holda o`rganilayotgan fanning, mavzu-ning xususiyatlariga ko`ra turli metodlarni qo`llay bilish ko`nikmasiga ega bo`lishi zarur. O`quv jarayonini tashkil etish uzluksiz ta’lim tizimi tarkibiy qismlarida ularning o`ziga xos xususiyatlarini hisobga olishni taqozo qiladi. Chunonchi dars o`tishda o`quvchi-talabalarning yoshlari, tayyor bilimni o`zlashtirishi yoki yangi bilimlarga ega bo`lishga qaratilishi yoki fanda erishilgan yutuqlarni amaliyot bilan bog`lashga qaratilishi, o`qitish va o`rganish metodlarini ustun darajada qo`llanilishi jihatidan farqlanadi.

Adabiyotlar: 1. “ Ўзбекистон Республикасини янада ривожлантириш бўйича ҳаракатлар стратегияси тўғрисида ” ги Ўзбекистон Республикаси Президентининг 2017 йил 7 февралдаги ПФ -4947- сонли Фармони . 2. Ўзбекистон Республикаси Президентининг «Олий таълим тизимини янада ривожлантириш чора-тадбирлари тўғрисида»ги қарори. 2017 йил 20 апрелҳ, ПҚ-2909-сон 3. 2017 — 2021 йилларда Олий таълим тизимини комплекс ривожлантириш дастури. Ўзбекистон Республикаси Президентининг 2011 йил 21 майдаги ПҚ-1533-сонли қарори 4. K а rim о v I . А. Yuks а k m а’ n а viyat - е ngilm а s kuch . Tоshkеnt, «Mа’nаviyat», 2009. 5. K а rim о v I . А. Yuks а k bilimli v а int е ll е kt уа l riv о jl а ng а n а vl о dni t а rbiyal а sh - m а ml а k а tni b а rq а r о r t а r а qqiy ettirish v а m о d е rniz а tsiya qilishning eng m у him sh а rti . // O ’ zb е kist о n о v о zi , 18 фе vr а l 2012 y . 6. Мирзиёев Ш.М. Буюк келажагимизни мард ва олижаноб халқимиз билан бирга қурамиз. - Тошкент: “Ўзбекистон” НМИУ, 2017. - 488 б. 7. Мирзиёев Ш.М.Танқидий таҳлил, қатъий тартиб-интизом ва шахсий жавобгарлик - ҳар бир раҳбар фаолиятининг кундалик қоидаси бўлиши керак. - Тошкент: “Ўзбекистон” НМИУ, 2017. - 104 б. 8. Мирзиёев Ш.М. Эркин ва фаровон, демократик Ўзбекистон давлатини биргаликда барпо этамиз. - Тошкент: “Ўзбекистон” НМИУ, 2017. - 56 б. 9. Мирзиёев Ш.М. Қонун устуворлиги ва инсон манфаатларини таъминлаш - юрт тараққиёти ва халқ фаровонлигининг гарови. - Тошкент: “Ўзбекистон” НМИУ, 2017. -48 б.

Похожие

Iqtisodiy fanlarni o'rganishda modellashtiruvchi amaliy o'yinlar va tadqiqot metodi

Ekologiya asoslari fanining predmeti vazifalari va rivojlanish tarixi

Iqtisodiy fanlarni o'rganishda ma`ruza

Ekologiya fanining predmeti va vazifalari

Iqtisodiy fanlarni o'rganishda bilimni nazorat qilish va baholash