Markaziy Osiyo mutaffakkirlarining ma’naviy me’rosi - Основы религиоведения - Рефераты

Markaziy Osiyo mutaffakkirlarining ma’naviy me’rosi

Загружено в:

20.09.2019

Скачано:

0

Размер:

94 KB

Markaziy Osiyo mutaffakkirlarining ma’naviy me’rosi Reja : 1. Islom dining manbalarini o’rganishda Mavorounnahr olimlarining o’rni 2. Markaziy Osiyoda Islom dini madaniy-ma’naviy me’rosi 3. Hadislarning yaratilishi va hadis ilmi. 4. O’rta Osiyo hadisshunoslik maktabi.

Islomning Markaziy Osiyoga tarqalishi tufayli bu yerda juda ko’p mahalliy islom olimlari – hadisshunos, Qur’on tavsifshunoslari va islom dini qonun qoidalari, yo’l-yo’riqlari bilan shug’illanuvchi yuzlab mashhur, Islom dunyosi tan olgan olimlar yetishib chiqdilar. Bular Islom dini borasida jahon faniga o’zlarining ulkan hissalarini qo’shib ketdilar. Ularning asarlari hozirgacha Islom dini hukmron yoki xalqi shu dini qabul qilgan davlatlardagi diniy madrasa va institutlarda asosiy qo’llanma sifatida o’qittirib kelinmoqda. Ular Markaziy Osiyo shuhratini musulmon dunyosi miqyosiga ko’targan mashhur olimlardir. Mumtoz (klassik) Islom davrida Buxoro, Samarqand, Marv, Urganch, Balx diniy va dunyoviy ilmlarning markaziga aylangan. Najmiddin Nasafiy “Kitob al-qand fi- zikri ulamoi Samarqand” asarida bu shaxarda “O’rta asrlarda yashagan ko’pdan-ko’p (mingdan ortiq)fiqh olimlari, hadis rivoyatlari va boshqa ko’p sohalarda qalam tebratgan ilm ahllari haqida mukammal ma’lumot beradi ”. birgina Samarqantda mingdan ortiq ijodkorlar faoliyat ko’rsatgan. Buxoroda ham bu davrda Samarqantdan kam ijodkor yashamagan. Bu madaniy va ma’naviy taraqqiyotimizning qay darajada sermahsul va yuksak bo’lganini ko’rsatib turibdi. Buxoro haqqoniy ravishda Xanafiya mazhabi va Naqshbandiya ta’limotining butun Islom dunyosidagi yetakchi nazariy va uslubiy markaziga aylandi. Shosh, Termiz, Nasaf, Urganch, Xiva va yurtimizning boshqa shaharlarining ham Islom ta’limotida, madaniyati va ma’naviyatiga qo’shgan hissasi yetishtirib bergan allomalari beqiyosdir. Jug’rofik jihatdan o’rta asrlarda bizning mintaqamiz islom dunyosining chekkaroq hududi bo’lsada, ilmiy, madaniy va ma’naviy jihatdan uning eng qudratli markazlaridan biri edi. Bejiz bu davrda “Samarqand yer yuzining sayqalidir, Buxoro islom dinining quvvatidir”degan naql paydo bo’lmagan. Markaziy Osiyoda Islom ta’limotini o’rganish hamda uni ijobiy yo’lda sarflagan 56ta alloma, 59ta mashhur fan arboblari, 25ta adib, shoir va tilshunoslar va 50dan ortiq hattodlar Islom ta’limotini, manbalarini o’rganishda o’zining katta hissalarini qo’shgan. Bu o’rinda Islom manbalarini o’rganishda o’zining buyuk xizmatlari bilan iz qoldirgan bir necha olimlarni aytish mumkin: Imom Al Buxoriy (810-870 Payg’ambar

s.a.v) vafotlaridan keyin u zotning aytgan so’zlari (hadis) va sunnalari (hayot tarzlari va qolgan ishlari)ni to’plash, kitob shakliga keltirish VIII asr oxiridan boshlanib, X asrga kelib butun Islom olami tan olgan oltita hadislar to’plami vujudga keldi. Bular asosan Markaziy Osiyolik muhaddislar Imom Buxoriy, Imom Muslimiy, Imom Termiziy, Imom Nasoiy, Imom Abu Dovud va Imom Mujjalar qalamiga mansub. Bular qatoriga yettinchi qilib Imom Doriniy Samarqandiyni ham qo’shadilar. Hadis olimlarining rahnamosi, alloma, imomlar imomi Abu Abdulloh Muhammad ibn Ismoil ibn Ibrohim al-Buxoriydir. Imom al-Buxoriyning mashhur asarlari 15ta bo’lib, eng buyuk asari “Al-Jomiy- as-Sahih” bo’lib, bu kitob “Sahih al-Buxoriy” nomi bilan yuritiladi. Imom Abul Husayn Muslim ibn al-Hojjaj ibn Muslim. Asli Nishopurlik. Bu kishi ham “as – Sahih” asarini va boshqa hadis haqidagi bir qancha qimmatli asarlarni yozgan. U ham hadis to’plash uchun Hijoz (Makka, Madina), Iroq Shom (Suriya), Misr va boshqa mamlakatlarni kezgan. Nishopurda Imom Buxoriy bilan uchrashib, undan dars olgan. Eng muhim asarlari 11 ta. Ya’ni “Al – Jome as – Saxih”, “Al – Musanad al – kabir ala-r-rijal” (erkaklar ucun eng katta ko’rsatkich), “Kitob al-asmo’ ba-l-kunya”(ism va kunyalar haqida kitob). Abu Iso Muhammad ibn Iyso ibn Savra at-Termiziy. Mashhur muhaddislardan biri, bir necha asarlar muallifi. “Kitob al-Jome’” (hadislar majmuasi kitobia), “Kitob ilol” (Illatlar kitobi), “Kitobi tarix”, “Kitob ash-shomoil an – noboviya” (Payg’ambarlik alomatlari) kitoblari mashhur sanaladi. Imom Nisoiy. Asl ismlari Abu Abdurahmon Ahmad. Hadis ilmida zamonasining imomi bo’lgan. Hofizi Qur’on, Shayx – ul-Islom unvonlariga zazovor bo’lgan. Xurosonning Niso shahrida tug’ilgan (830-915y). nisoiy bir qancha asarlar yozib qoldirgan, ulardan eng muhimlari: 1- “as-Sunnan al-kubro” (Payg’ambar sunnatlari haqida kqtta kitob), 2- “as-Sunnan al – Sug’ro” (Payg’ambar sunnatlari haqida kichik kitob), 3- “al – Xasos” (xos narsalar). Bu asarlarning ichida eng mashhuri “as – Sunan al – kubro” asari. Imom ad-Dorimiy - mashhur hofiz, shayxulislom Abu Muhammad Abdulloh ad-Dorimiy. Samarqandning Dorim degan joyida tug’ilgan(797 – 869). yetuk mufossir foqih va olim. Uning mashhur asarlari: 1- “at-Tafsir”, 2- “al – Jome’” (majmua). Bandor

degan olimning aytishicha, duneoning hofizi to’rtta bo’lgan ekan: Rayda- Abu Zar’a, Nishopurda – Muslim ibn Hojjaj, Samarqandda – Abdulloh ibn Abdurahmon ad – Dorimiy va Buxoroda Muhammad ibn Ismoil. Marvaziy (736-798y) mashhur hadis va fiqh olimi, Marvda tug’ilgan. Fiqh va hadis ilmi bilan shug’’ullanuvchilar uchun ikkita alohida bino qurdirgan. “Kitob az- zuhd va raqoiq” (Zohidlar va xo’rlanganlar uchun kitob) va “Kitob al-jihod” (jihod haqida kitob) asarlari bilan Islom olamida mashhur. Hakim Termiziy IX asrda yashab faoliyat ko’rsatgan. Tarix, Islom falsafasi, fiqh va tasavvuf sohasida bir qancha asarlar yozib qoldirgan mashur olim, Hakimiya nomli darvishlik tashviqotining asoschisi. 1’’Kitob an-nahj’’ (yo’l-yo’riq kitobi), “Kitob al- furuq ” (Kattiq qo’rquvchi uchun kitob yoki farqlar kitobi) 3.”Xatm al-viloyat” (valiylik xatmi-muhri), 4.”navro’znomai” asarlarida muchal yili hisobi bilan dehqonchilik ziyorat ishlari, tabiiy ofatlar, ob-havo sharoitlari, farovonchilik masalalari, tug’ilish va vafot etish masalalarini yoritgan. Al-Matrudiy - Islom dinining nazoriy(usul ad-din), fiqh asoslari va manbalarini o’rganadigan (ilm usul- al-fiqh) sohasi bo’yicha hanafiya mazhabining yirik faqihi(qonunshunosi), kalom ilmida yangi bir yo’nalish – maktab yaratgan yirik alloma. Samarqand yaqinidagi Moturid mahallasida 870 yilda tug’ilgan. Samarqandda hanafiya mazhabi qonunshunoslaridan fiqh ilmini o’rgandi. Matrudiy Qur’on tafsiri, kalom, fiqh ilmi usullari sohasida bir qancha kitoblar yozib qoldirgan. Ulardan: “Kitob al-usul”(fiqh asoslari kitobi), “Kitob ta’vilot al- Qur’on”(Qur’on tafsiri), “Sharh Fikh al-Akbar”, “at-Tavhid”(xudoning yagonaligi haqida), “Kitob al-maqolat”(maqolalar kitobi), “Ma’kuz ash-shari’” (qonunshunoslikdagi yetishmovchilik) asarlarini yozgan. Matrudiy kalom sohasida ixtiro etgan ta’limoti keyinchalik “Matrudiya” nomi bilan shuxrat topgan va Mavorounnahrda keng tarqalgan, uning asarlarida qarmotiylar, ravofiziylar, mu’taziliylar ta’limotlari rad etilgan. 2. Islom dini O’rta Osiyoga keng tarqalgandan keyin ilm fan tarraqqiyotiga ijobiy ta’sir etgan va ko’plab jahonga mashhur aniq fanlar olimlari, tarixchilar, tilshunoslar, adib va shoirlar yetishib chiqqani va bular jahon fani va madaniyatiga ulkan hissa

qo’shganlarini yuqorida aytib o’tdik. Markaziy Osiyolik din olimlari Islom dinini o’rganish, Qur’on va hadislarini ta’lqin qilish va ommaga yetkazib berish sohasida arablar qila olmagan ishlarni bajardilar va Islom olamini hayratga qoldirdilar. Bu haqda yuqorida aytib o’tdik. Islom dini Markaziy Osiyoga tez tarqalib, xalq hayotining hamma sohalariga keskin ta’sir eta boshladi. Ibodat qiluvchilar soni kundan-kun ko’payishi va Islomni o’rganish uchun qiziqish ortib bo’rishi bu yerda masjid va madrasalar qurilishini rivojlantirib yubordi. Islom yo’lida jonbozlik qilgan va uning rivojlanishiga hissa qo’shgan muhaddis, mufassillar va ayrim hukmron shaxslar qabriga maqbaralar qurish avj olib ketdi. Xalq me’morlari va ustalari IX asrdan boshlab yaratgan buyuk me’morchilik va san’at obidalari hozirgacha faqat bizni emas, balki minglab horijdan keladigan mehmonlarni ham o’ziga jalb qilmoqda. Markaziy Osiyoda bunyod etilgan butun arxitektura va san’at obidalari Islom dini tufayligina bunyod etilgan, Rossiya va Yevropa mamlakatlarida esa xristianlik dini tufayli cherkovlar vujudga kelgan. Orta Osiyodagi Islom bilan bog’liq bo’lgan arxitektura va san’at obidalari XX asrgacha bunyod etildi va xalq ularni imkon boricha avaylab, ilm dargohi, ziyoratgoh, muqaddas joy deb saqlab keldi. Masjidlarga ibodat qilingan bo’lsa, madrasalarda bir yo’la uch tildan (arabcha, forsiy va o’zbek) ta’lim olib, zamonasining ilg’or ziyolilari bo’lib yetishdilar. Masjid – arabcha “Sajada” egilish, itoat etish, sajda qilib yuzini yerga tegizish. Ya’ni ibodat qilinadigan joy ma’nosini bildiradi. Mahallalardagi masjidlar shu yer aholisi kundalik namoz o’qish uchun, jamoa masjidlari esa kundalik namoz bilan birga juma va hayit namozlari uchun mo’ljallangan va ularga shaharni markazidan eng yaxshi joylar ajratib berilgan. Ba’zi masjidlar qoshida boshlang’ich maktab bo’lib, bolalar o’qitilgan. Masjidlar diniy targ’ibot vazifasini o’tagan bo’lsa ham, ularda turli masalalar ham hal etilgan. Shu o’rinda aytib o’tish kerakki, Islom mamlakatlarida juda katta, hashamatli masjidlar qurilgan, ular minng yillar davomida saqlanib kelmoqda: Makkadagi Masjid ul-

haram, Baytul muqaddas (Ierusalim)dagi masjid ul-aqsoq, Madinadagi Payg’ambar masjidi eng yirik masjidlardir. Yirik, hashamatli masjidlar Bog’dod, Damashq, istambul, Qohira, Isfahon, Tehron, Buxoro, Samarqand, Xiva va Toshkent kabi shaharlarda ko’plab qurilgan. Masjidlar yonida baland minoralar bittadan to’rttagacha qurilgan. Bular ko’proq masjidning bezagi uchun bunyod etilgan. Madrasa – “darasa” (arabcha )so’zidan olingan bo’lib, joy nomi, ya’ni dars oladigan, o’qiladigan joy. Madrasalar musulmonlarning o’rta va oily o’quv yurti. Yaqin va O’rta Sharq mamlakatlarida hozirgi vaqtda madrasalarda davlat muassasalari hodimlari ham tayyorlanadigan bo’ib ketdi. Madrasalar dastlab VII-VIII asrlardan islom dini ulamolari musulmon ilohiyoti masalalarini sharhlab berib turadigan markaz sifatida paydo bo’ldi. Keyinchalik masjidlar qoshida ilohiyot markazlari tashkil topdi, madrasa deb atala boshladi. IX-XIII asrlarda madrasalar Islom dini tarqalgan mamalakatlarda, jumladan, Markaziy O’siyoda paydo bo’lib, madrasa uchun maxsus binolar qurila boshladi. Markaziy Osiyo madrasalarida arab va fors tilida yozilgan diniy kitoblar o’rgatilgan. Dastlab fors tilida yozilgan “Avval ilm” kitobi, keyinchalik arab grammatikasi chuqur o’rgatilagan (“Bidon”, “Kofiya” kitoblari asosida) undan keyin “Hidoya”, “Fiqh Kaydoniy”, “Muxtasar viqoya”, “Shahri viqoya” kabi kitoblar asosida shariat aqidalari o’qitilgan. Madrasalar o’z davridan fan va madaniyat markazi hisoblangan. Ular diniy ta’lim berish bilan birga, dunyoviy bilimlar berilgan asosiy o’quv yurtlari vazifasini o’tagan. Madrasalar musulmon olamida dininy inshootlar sifatida X-XI asrlarda paydo bo’lgan. Oktyabr to’ntarilishidan keyin Markaziy Osiyoda masjid, madrasa, maqbara IX- XIX asrlarda qurilgan. Bulardan eng mashhurlari 90ga yaqin bo’lib Markaziy Osiyoda Islom dini ma’naviy me’rosidan darak berib turadi.

Hadis arabcha – “xabar”, “yangilik”, hodisalar ma’nolarini anglatadi. Payg’ambar Muhammad (s.a.v) aytgan so’zlari, qilgan ishlari ko’rsatmalari to’g’risidagi rivoyatlar. Ikki qismdan iborat bo’ladi: Matn va Isnod. Hadis ikki turga bo’linadi: 1 - Hadisi qudsiy 2 - Hadisi naboyi. Hadislar e’tiborga olinishi jihatdan yana 3 qismga bo’linadi: 1 – Sahih 2 – Hasan 3 – Zaif. Qur’oni karimda barcha huquqiy va axloqiy masalalar umumiy tarzda bayon etilgan, ularga aniqlik kiritish va izohlab uqtirish uchun payg’ambar Muhammad (s.a.v) o’z hadislarini aytgan. Bu hadislarni payg’ambarning safdoshlari yodda saqlashga harakat qilgan. Muhammad (s.a.v) hayotlik chog’larida sahobalarining Qur’oni karimga hadislarni almashtirib yuborishlarida qo’rqib hadislarni yozishdan qaytargan. Muhammad (s.a.v) vafotlaridan keyin hadislarni naql qilish odat tusiga kirgan. Shu munosabat bilan bir guruh musulmonlar payg’ambarimiz (s.a.v) hadislariga begona so’z aralashib qolishidan hadislarni naql qiluvchi sahobalar vafot etishlari bilan hadislar yo’qolib ketishidan qo’rqib, uni yozma shaklda to’play boshladilar. Bu odamlar turli yurtlarga tarqalib ketganlar. VII asr o’rtalaridan boshlab ularni topib, hadislarni og’izlaridan yozib olishga harakat qilganlar. Keyinchalik “Hadis” Qur’oni karimdan keyin turuvchi muqaddas manbaga, shariat ahkomlarining asosiga aylangan. Qur’oni karim qanchalik mukammal muqaddas kitob bo’lmasin, u baribir musulmonlar hayotining barcha huquqiy va axloqiy masalalariga davr nuqtai nazaridan to’la javob bera olmagan. Arab xalifaligi kengayib bogan sari bu hol yanada yaqqol sezila boshlagan. Urug’ qabilachilik sharoitlarida vujudga kelgan Qur’oni karim ijtimoiy-siyosiy, iqtisodiy, huquqiy va madaniy hayoti ancha murakkab bo’lgan yangi musulmon

dunyosidagi mavjud jamiyatning ko’pgina hodisalariga javob bera olmasligi tabiiy hol edi. Shunday qilib, hayot, yangi vaziyat kun tartibiga o’zgaruvchan, davrga moslashuvchan lekin qonunlashtirilmagan yangi manbaga ehtiyojni vujudga keltirdi. Natijada sahobalar tomonidan yod olingan payg’ambar Muhammad Rasulollohning so’zlari, amallari, qilgan ishlari, ko’rsatmalari qog’ozga tushirila boshlandi. Shu tariqa hadisshunoslik ilmi vujudga kelib, hadislarni jamlash, ularni tasniflash mustaqil fanga aylandi. Bu ish bilan shug’illangan ilohiyot olimlari muhaddislar deb atalgan. VII-VIII asrlardan boshlab hadislarni jamlab, yozma to’plamlar tuzish jatayoni boshlandi. Hadislarning aksariyati huquqiy me’yorlarni, ilm olishga da’vatlarini, marosimlar va urf-odatlarga oid ko’rsatmalarini o’z ichiga oladi. Shuning bilan bir qatorda Muhammad Rasulolloh tarjimai holi, xalifalar, sahobalar faoliyati bayoniga bag’ishlangan hadislar ham mavjud. Dastlabki hadis to’plamlari ishonarli bo’lgan. Biroq vaqtlar o’tishi bilan milliy, siyosiy ixtiloflar, o’z maqsadlari yo’lida dindan foydalanishga urinuvchilarning Muhammad payg’ambar nomlaridan yolg’on hadislar to’qishlari, shariat qoidalarini qo’llashda kelib chiqadigan ziddiyatlar, hukmdorlarga hushomadgo’yliklar oqibatida ko’plab ishonarsiz hadislar ham yuzaga keldi. O’zlarining butun bilim va hayotlarini to’g’ri ishonchli hadislarni aniqlash, ularni ajratib olib, alohida to’plashdek muborak ishga bahshida etishga bel bog’lagan mo’tabar zotlar paydo bo’ldi. Natijada Islomda “Sahiyh”, ya’ni “ishonarli”, “g’ayrisahiyh”, ya’ni “ishonchsiz” hadis to’plamlari vujudga keldi. Islomda taniqli va nufuzli hisoblangan kishilar toimonidan yetkazilgan hadislar “ishonarli” deb e’tirof etilgan. Agar hadislarni yetqazganlar orasida hurmat va ishonchga loyiq bo’lmagan odamlar kirib qolgan bo’lsa bunday hadislar “ishonchsiz” deb hisoblanadi.Shuning uchun ham har bir hadis ikki qismdan iborat bo’lgan. Uning birinchi qismida Muhammad Payg’ambarning hikmatli so’zlarini shaxsan eshitgan roviy, ya’ni ushbu hadisni yetkazgan kishilarni nomlari sanab ko’rsatilgan. Ikkinchi qismida esa hadisning mazmuni keltirilgan.

Suniylikdan farqli ravishda shialikda hadis to’plamlari “Axbor”(xabarlar) deb ataladi. Hadis to’plashning ulardagi o’ziga xos xususiyati shundaki, ular o’zlarining imomlarinigina va avval boshidan Xalifa Alini hamda uning avlodlarini qo’llab quvvatlagan arboblar hadislarni nufuzli deb hisoblaydilar. Xalifa Ali va uning avlodlariga qarshi kurashgan shaxslarning hadislarni inkor etadilar. Muhammad al-Qumiy va Muhammad al- Qulayniy tomonidan (X asr) tuzilgan hadislar to’plami shialik ta’limotiga e’tiqod qiluvchilar uchun eng obro’li to’plamlaridir. Hadislarning shariat uchun (musulmon qonunlari majmuasi)Qur’oni Karimdan keyingi ikkinchi manba hisoblanishining o’ziyoq uning musulmonlar hayotida nechog’lik ahamiyatga ega ekanligini belgilab beradi. Ma’lumki, shariat – Islom dini huquqi, ya’ni barcha musulmonlar uchun bajarilishi majburiy bo’lgan qonunlar, huquqiy – axloqiy ko’rsatmalar majmuasi. Shariat ham dunyoviy, ham diniy talablarni o’z ichiga oladi. Uning ko’rsatmalari huquqiy, axloqiy va diniy marosimchilik munosabatlariga birday taaluqlidir. To’g’ri, dunyoviy davlatlarda shariat qo’llanilmaydi. Biroq uning asoslaridan birini tashkil etuvchi hadisning axloqiy ko’rsatmalari dinga munosabatidan qat’iy nazar barcha musulmon fuqarolari uchun beqiyos ahamiyatga ega. Chunki Islom axloqiga oid hadislar umuminsoniy qadriyat darajasiga ko’tarilgan axloqiy me’yorlardir. Ularda Vatanparvarlik, odamiylik, xushxulqlik, ota-ona va qarindosh urug’larni e’zozlash, inson shani, qadr-qimmatini oyoq–osti qilmaslik, insonlarning bir-biriga o’zaro hamdard bo’lishi, zaiflarni himoya qilishi, xotin-qizlarni hurmatlash, oilani muqaddas saqlamoqlik, halollik, poklik, do’stlik,sadoqat, ibo, xayo, ilm olish g’oyalari da’vat va targ’ib etiladi. 1. Hadislar asosan Muhammad payg’ambar vafot etganlaridan keyin yozila boshlangan. Hadislarni saqlab kelajakka yetkazish bilan birinchi navbatda sahobalar shug’ullanganlar. Sahobalar Muhammad rasulullohni ko’rgan ko’rgan, u bilan suhbatda bo’lgan har bir musulmondir. Manbalarda aytilishicha hadislarni dastlab qog’ozga tushurgan sahobalar orasida: Abu Hurayra ( 5374hadisni rivoyat qilgan);

xalifa umarning o’g’li Abdulloh (2630 ta hadisni rivoyat qilgan); Abdulloh ibn Abbos (1660 ta hadis rivoyat qilgan); Jodir ibn Abdulloh (1540 ta yadis rivoyat qilgan); Abu Said al Xudriy (1170 ta hadis rivoyat qilgan) alohida o’rin tutadilar. Xalifalar Umar va Ali ham hadis rivoyat qilganlar. Muhammad rasulullohning xotinlari hazrati Oisha ham hadis rivoyat etuvchilar orasida e’tibor qozonganlar. Qur’onni o’rganish tafsir ilmini vujudga keltirgan bo’lsa, hadislarni to’plash va ularni o’rganish rivoyat ilmini vujudga keltirgan. Keyinchalik bu ikki muqaddas manba asosida ilohiyot va musulmon diniy qonuni – shariat vujudga kelgan. VIII asr boshlarida hadis ilmida 3 ta maktab – Madina, Iroq, Damashq maktablari shakllangan. Demak yuqorida ta’kidlanganidek hadislar ikki qismdan iborat bo’ladi; 1 – Isnod (tayanch), ya’ni u yoki bu hadisni yetkazgan kishilarning ro’yxati; 2 – matn, yani yetkazilgan hadisning teksti. Barcha hadislarni ishonchli, haqiqatan Muhammad rasulullohga tegishligiga hech qanday shubha yo’q deb qaralmagan. Chunki hadislar ichida amalda payg’ambarimiz tomonidan aytilmaganlari ham bo’lgan. Shuning ucun ular dastlab aytkanimizdek uch guruhga ajratilgan: a) Saxiyh (to’la ishonchli) so’zlari to’g’ri so’z, ishonchli, adolatli, obro’ – e’tibor qozongan shaxslar to’plagan hadislar; b) Hasan (go’zal, ishonchli, yaxshi ) hadislar, biror bir hadisni naql qilgan, to’plagan shaxslarning ayrim nuqsonlari bolsa (masalan u kam ta’minlangan bo’lsa) yoki hamma hadisshunoslar uni benuqson deb topmagan bo’sa, bunday hadislar “Hasan” deyilgan. Ular to’la qimmatga ega deb tan olinmasa, lekin u butunlay inkor etilmagan, binobarin amalda bunday hadisdan foydalanilgan. s) Zaif (ishonchsiz) hadislar. Hatti – harakati, taqvodorligi, xulq – atvori shubhali kishilar tomonidan to’plangan hadislar. Tarixchilar IX asrni hadis ilmining “oltin asri” deb ataydilar. Aytish mumkinki, bu “Oltin asr”ga hadis ilmining O’rta Osiyo maktabi asos slogan. Bu maktabning rahnomosi Imom al-Buxoriy edi.

Imom al-Buxoriy 810 – yil 20 – iyulda Buxoro shahrida tug’ilgan. 20 dan oshiq asar qoldirgan, jami 6000 hadis to’plagan. “Al – Jome’ as - Sahiyh” to’rt jilddan iborat hadislar to’plami kitobiga 7275 ta eng “Sahiyh” (ishonarli) hadislar kiritilgan. Hadis ilmi O’rta Osiyo maktabining boshqa yirik vakillari Abu Dovud Sulaymon, Muslim an-Nishopuriy, Abu iso – at – Termiziy, Imom Nasoiy hamda Imom ibni Mojalardir. Bu ulug’ allomalar hadislarning 6 ta to’plamini yaratganlar. Hadis – Muhammad payg’ambarning aytgan so’zlari, qilgan ishlari, taqrirlari (ko’rib qaytarmagan ishlari) yoki u kishiga berilgan sifatlarni o’zida mujassam qilgan xabar va rivoyatlardir. «Hadis» so’zining lug’aviy ma’nosi – «so’z, xabar, hikoya; yangi». Hadislar islom dini ta’limoti va qonunlari uchun, ba’zi mazhablar nazdida, Qur’ondan keyingi ikkinchi manba hisoblanadi. Hadislar tarkib jihatidan ikki qismdan: aynan xabar beruvchi matn va uni rivoyat qilgan roviylar zanjiri – isnoddan iborat. Hadislar o’zidagi ma’lumot xarakteriga qarab, xilma-xildir: - al-hadis al-qudsiy (bu kabi hadisda ma’no – Allohdan, lafz – Payg’ambardan deb hisoblanadi); - al-hadis an-nabaviy (bunda ma’no ham, lafz ham Payg’ambarniki deb hisoblanadi) va boshqalar. Hadislar ilk davrda faqat og’zaki ravishda avloddan-avlodga uzatilar edi. Yozma ravishda hadislarni to’plamaslik haqidagi Payg’ambar va xalifalarning ko’rsatmalari, asosan, ilk islom davriga taalluqli edi. Keyingi davrda paydo bo’lgan muhaddislarning fikricha, Payg’ambar o’z so’zlarini yozib olishdan odamlarni qaytarishlariga sabab – hadislarning Qur’on oyatlariga aralashtirib yubormaslik lozim edi. Boshqa hadisda esa Payg’ambar (bu ahl al-hadis muhitiga tegishli bo’lsa kerak): «Bu og’izdan – deya o’z og’izlariga ishora qildilar – faqatgina haq so’z chiqadi» – deb, o’z so’zlarini yozib olishga buyurganliklari haqida rivoyat qilingan.

VII-VIII musulmon siyosiy guruhlari o’rtasidagi shiddatli kurash davomida, ta’qiqga qaramasdan, juda ko’p sonli hadislar dunyoga kela boshladi. Bunga javoban ilm al-jarh va-t-ta’dil (hadislarni tanqid qilib o’rganuvchi) maxsus fani paydo bo’lib, rivojlana boshladi. Keyinchalik soni tobora osha borgan hadislar alohida to’plamlarga yig’ila boshlandi. Ularda maxsus tekshirish orqali «tozalanib» olingan hadislar jamlana boshladi. Shunday ilk to’plamlardan biri Madinadagi Urva ibn az-Zubayrga (v. 94/712 yoki 99/717 y. ) va ikkinchisi Suriyaga ko’chib ketgan Muhammad ibn Muslim az-Zuhriyga (v. 741 y. ) tegishli. Ilk tuzilgan to’plamlar har bir sahoba nomidan rivoyat qilingan hadislarni o’zida jam qilganligi uchun musnad deb ataladi. Keyingi davrlarda tuzilgan at-Tayolisiy (v. 818 y.) va Ahmad ibn Hanbalning (v. 855 y.) to’plamlari mazkur uslubda yozilgan. Biroq undan foydalanish ancha noqulay. Chunki bunda bir mavzu haqida ma’lumot olish uchun bir necha to’plamlarni ko’rib chiqish kerak. Ikkinchi turdagi to’plamlarda hadislar shu paytdagacha shakllanib ulgurgan fiqh fani mavzulari bo’yicha joylashtirildi. Bu turdagi to’plamlarga Madina regional fiqh maktabi vakili Molik ibn Anasning (v. 795 y.) «al-Muvatto’» asari misol bo’la oladi. IX asr mavjud hadis to’plamlari qayta ishlangan holda ularni boblar bo’yicha tasnif qilib, musannaflar yozish davri bo’ldi. Musannaflar tuzilishi mobaynida hadislar, asosan ularning isnodlari tanqidiy o’rganilib, sahih (ishonchli)lari hasan va zaif (ishonchsiz)laridan ajratildi. Islom olamida shunday musannaflardan oltitasi XII-XIII asrlardan boshlab alohida e’tiborga molik deb sanala boshlandi. Ular orasida katta nufuzga ega bo’lgan Imom al-Buxoriy (v. 870 y.) va Imom Muslimning (v. 875 y.) «al- Jomi’ as-sahih» to’plamlari; undan keyingi muhim to’plamlar: Abu Dovud, at-Termiziy (v. 892 y.), an-Naso’iy (v. 915 y.) va Ibn Mojjaning (v. 886 y.) «as-Sunan» asarlaridir. «Al-Jomi’ as-sahih» kitoblari o’z ichiga biografik ma’lumotlar, Qur’on oyatlariga tafsirlar, diniy qonun-qoidalar, ijtimoiy va shaxsiy axloq mezonlarini qamrab oldi. «Al-

Jomi’ as-sahih»ning ishonchlilik darajasi sunniylar orasida boshqa to’plamlardan ko’ra yuqoriroq hisoblanadi. Hadis to’plamlarining qay darajada ishonchli ekanligini aniqlab beradigan maxsus nazorat bo’lmaganligi bois ularning mavqeini jamiyatda egallagan obro’siga qarab belgilash mumkin. Al-Buxoriy va Muslimning asarlari X asrdayoq e’tirof etila boshlagan bo’lsa, qolgan to’plamlar vaqt o’tishi bilan asta-sekin tan olina bordi. Masalan, molikiy Ibn Xaldun (v. 1406 y. ) o’z asari «al-Muqaddima»da Ibn Mojjaning «as-Sunan» asarini tan olmagan holda faqat besh to’plam haqida so’z yuritadi. Vaqt o’tishi bilan u oltinchi to’plam sifatida tan olindi. Biroq ba’zi ulamolar Molikning «al-Muvatto’»sini Ibn Mojjaning «as-Sunan»idan yuqori qo’yadilar. Bu qabildagi e’tirozlar har bir olimda topilishi mumkin. Shialar va xavorijlar bu to’plamlarni umuman tan olmaydilar. Chunki ulardagi isnodlar shialar va xavorijlar uchun ishonchsiz bo’lgan shaxslar nomlaridan iboratdir. Yana sunniy muhaddislar qatorida Abdulloh ibn Abd ar-Rahmon ad-Dorimiy Samarqandiyni (798-869) aytib o’tish joiz. U olim Samarqandda yashab, ijod etgan bo’lib, hadis ilmini rivojlantirishga o’zining katta hissasini qo’shgan. Imom ad-Dorimiy «as-Sunan» to’plami tuzuvchisidir. Keyinchalik islom olamida turli darajadagi soxta hadislarning ko’payib ketishi muhaddis-olimlar oldiga katta mas’uliyatli vazifani – mana shu to’qima va sahih hadislarni ajratib berish vazifasini qo’ydi. Qissanavislar ( qussoslar ) inkor etib bo’lmaydigan isnodlar bilan hadislar to’qish bobida eng «ilg’or» kishilar bo’lib, bu hikoyalari uchun sodda kishilar ularga yaxshigina haq to’lar edilar. Ko’pchilik soxta hadislarni osonlikcha aniqlash mumkin edi. Hadislar turli maqsadlarda to’qilar edi. Ba’zilar siyosiy manfaatlar yo’lida, ijtimoiy mafkuralarni tarqatish maqsadida yangi hadis to’qisalar, mashhur hadislarni qisman o’zgartirsalar, boshqalar o’z shaxsiy manfaatlarini o’ylab turli hadislarni muomalaga kiritdilar. Xususan, hadislar orasida to’qima hikoyalar ko’p uchraydi. Ularda Arabistondan uzoqdagi keyin bosib olingan o’lkalar (masalan, Buxoro, Samarqand, O’sh) va hatto

Payg’ambar davrida hali asos solinmagan shaharlar, keyinchalik paydo bo’lgan masalalar, mavzular haqida so’z boradi. Islom tarixining navbatdagi bosqichlarida vujudga kelgan xorijiy, murji’iy, qadariy, jahmiy, shi‘a, abbosiy kabi oqim va guruhlar haqida gapiriladi. Umaviylar (661-749), Abbosiylar (749-1258) va alaviylarning «benuqson» xalifalari, imomlari, ularning bobokalonlari Payg’ambarning «hamfikr» yordamchilari sifatida zikr qilinadilar. Turli kishilarning hadis to’qishga bo’lgan urinishlari hadislarning jamiyat hayotida, undagi nufuz, muayyan siyosiy-ijtimoiy maqsadlarga erishishda naqadar katta ahamiyatga ega bo’lganligini isbotlaydi. Hadislar islom ta’limoti rivoji va uning turli davr mintaqalardagi ko’rinishlarini o’rganishda qimmatli manbadir. VIII-XII asrlar Movarounnahrda hadis ilmi sohasida olg’a siljish davri bo’ldi. Bu davrda yashagan olimlar faqatgina ma’lum bir chegaralangan doirada ijod qilish bilan kifoyalanmay, balki imkon qadar ilmning ko’proq qirralariga ega bo’lishga intilganlar. Shunga ko’ra biror olim, masalan, faqatgina mufassir yoki faqihning o’zi emas, balki bir vaqtning o’zida muhaddis ham bo’lgan. Chunki bu davrda, yuqorida aytib o’tilgandek, diniy ixtiloflar kuchaygan edi. Shunga ko’ra ulamolar mavjud ixtiloflarni oldini olish, bartaraf etish uchun har taraflama kuchli bilimga ega bo’lishlari lozim edi. Hadis sohasida keyinchalik kompilyativ (ko’chirma) ishlar ham ko’payib bordi. Ular mazkur olti to’plam darajasiga ko’tarilmasa-da, o’quv jarayonida asosiy qo’llanmalar sifatida foydalanilardi. Ulardan al-Bag’aviyning «Masobih as-sunna» va yana xalq orasida ommalashib ketgan Valiy ad-din al-Xatib at-Tabriziyning «Mishkot al-masobih» asarlaridir. Hadis to’plamlariga ham ko’plab sharhlar yozildi. «Arba’un» («qirqlik») janridagi hadis to’plamlari tuzish xalq orasida sharafli va sevimli ishga aylandi. Masalan, Abdurrahmon Jomiy (v. 1492 y.), Alisher Navoiylar (v. 1501 y.) ham Payg’ambar hadislarini she’riy usulda tarjima qilib, o’z «Arba’un»larini yaratdilar. Shu bilan birgalikda turli manbalardan hadislar jamlanib, yangi to’plamlar ham yaratilib turdi. Yuqorida zikr etilgan asarlar asosan sunniylikka taalluqlidir. Shialar faqatgina Ali (656-661) va uning tarafdorlari vositasida rivoyat qilingan xabar larni (hadislarni) o’z

ichiga olgan manbalarga egadirlar. Ularda shialik ta’limoti talablariga javob beradigan rivoyatlar mujassam bo’lgan edi. Bunday asarlar qatoriga – Abu Ja’far Muhammad ibn Ya’qub al-Kuliniyning (v. 939 y. ) «al-Kofi fi ilm ad-din», al-Bobuya al-Qummiy nomi bilan mashhur Abu Ja’far Muhammad ibn Alining (v. 991 y. ) «Kitob man lo yahzuruhu al-faqih», Abu Ja’far Muhammad ibn al-Hasan at-Tusiyning (v. 1067-68 y.) «Tahzib al- ahkom» va keyinchalik undan muxtasar qilgan «al-Ibtisor fi-mo-xtulifa fih min al-axbor» asarlari kiradi. Ular ham sunniylik to’plamlaridagi aynan o’xshash mavzularni o’z ichiga olgan kitoblardir. Hadis ilmi taraqqiyotida ayollarning ham o’ziga xos o’rni bor. Hadislarni rivoyat qilgan roviylar haqida xabar beruvchi ilm ar-rijol ( roviylar haqidagi ilm ) asarlarida bu sohada zikr etilgan hadis rivoyatchilari orasida ko’plab ayollar uchraydi. Hadislarni tanqidiy o’rganish bo’yicha tez orada olti to’plamda uchragan bir qator maxsus terminlar guruhi vujudga keldi. Imom at-Termiziy bu sohada salmoqli ishni amalga oshirdi. U faqatgina hadislarni to’plash bilangina cheklanib qolmasdan, ularning tahliliga ham alohida bo’lim ajratdi. Imom at-Termiziy birinchilardan bo’lib hadislarni sahih , hasan va zaif guruhlarga ajratgan olimdir. Vaqt o’tishi bilan hadis ilmidagi terminlar taraqqiy etib bordi va bu sohada umumiy qabul qilingan shaklga keldi. Hadislar sahih ( ishonarli ), hasan ( yaxshi ), zaif ( ishonchsiz ), saqim ( kasal ) va boshqa turlarga ajratildi. Masalan, sunniylikda sahih hadislar darajalari bo’yicha yetti xilga bo’lindi: 1. Imom Buxoriy va Imom Muslim keltirgan; 2. faqat Imom Buxoriy keltirgan; 3. faqat Imom Muslim keltirgan; 4. ikkala muhaddis ham keltirmagan, balki ularning shartlari bo’yicha rivoyat qilingan; 5. Imom Buxoriy shartlari bo’yicha rivoyat qilingan; 6. Imom Muslim shartlari bo’yicha rivoyat qilingan; 7. boshqa ulamolar tomonidan tasdiqlangan hadislar.

Quyidagi isnodga tegishli texnik terminlar barcha ulamolar tomonidan bir xilda talqin qilinmasada, asta-sekin ular barqaror istilohga aylanib bordi. Ularni o’rganish qulay bo’lishi uchun ularni besh guruhga bo’lib ko’rsatish mumkin.  I. Roviylarning soniga ko’ra: mutavotir, mashhur, mustafid, aziz, g’arib, fard, shozz, ohod hadislar ;  II. Isnodning tabiatiga ko’ra: muttasil marfu’, muttasil mavquf, musnad, maqtu’, munqati’, munfasil, muallaq, mursal, mu’allal yoki ma’lul hadislar ;  III. Matn yoki isnodning asosiy xususiyatlariga ko’ra: ziyodot as-siqot, mu’an’an, musalsal, mudallas, mubham, maqlub, mudraj, mudtarib, isnod oli hadislar ;  IV. Hadislarning qabul qilish uchun yaroqliligiga ko’ra: ma’ruf , munkar , majhul , maqbul , mahfuz hadislar ;  V. Hadislarning inkor etilishiga ko’ra: munkar , mardud , matruk , matruh hadislar. Hadislarni o’rganish fani ulum al-hadis ( hadis ilmlari ) deb ataladi. Bu ilmiy sohada ko’plab asarlar yaratildi. Ular orasida eng avvalgi davrda yozilgan, boshqalariga nisbatan har tomonlama mukammal deb hisoblangan asar Abu Muhammad ar-Romahurmuziyning (v. 971 y. ) yetti jildli «al-Muhaddis al-fosil bayn ar-roviy va-l-vo’iy» kitobidir. Undan keyingi o’rinda al-Hokim an-Nishopuriyning «Ma’rifat ulum al-hadis», Ibn as-Salohning «Ulum al-hadis» nomli asarlari turadi. Bu fan hadislar va roviylar tasnifi, sahoba va ularning o’quvchilari – tobi’un larni bilish, hadislarni rivoyat qilish, yozib olish, ulardagi xatoliklarni to’g’rilash, isnodda kelgan birinchidan tortib oxirgi roviylarning yashagan yillarini o’rganishdan iborat maxsus bilimlar majmuasini o’z ichiga oladi. Hadis ko’pincha sunna so’zi bilan ham yonma-yon keladi. Sunna so’zining lug’aviy ma’nosi – «odat», «tariqa», «yo’l» bo’lib, istilohda Payg’ambar odatlari, tutgan yo’li, taqrir (ko’rib qaytarmagan) va buyurgan ishlariga nisbatan ishlatiladi. Boshqacha qilib aytganda, bu istiloh Payg’ambar turmush tarzini anglatadi. Ayni kunlarda – Vatanimiz istiqlolga erishgandan keyingi davr mobaynida madaniy, ma’naviy va diniy tarix, uni chuqur tadqiq etishga keng yo’l ochildi. Mamlakatimizda hadislarni o’rganish bo’yicha qisqa muddat ichida talay ishlar amalga oshirildi. «Axloq-

odobga oid hadis namunalari», «al-Adab al-mufrad», «Ming bir hadis», to’rt jilddan iborat «al-Jomi’ as-sahih»ning tarjimasi nashr etildi. Xususan, t.f.d. Ubaydulla Uvatov, t.f.n. B.I. Eshonjonov, N. Mirmahmudov kabi tadqiqotchi-olimlarimiz tomonidan Imom al-Buxoriy, Imom at-Termiziy, Imom Muslim kabi bir qator muhaddis ulamolar hayoti, ilmiy faoliyatlarini yoritildi. Bu yo’lda ilmiy izlanishlar olib borilib, maqola, risola va kitoblar nashr ettirildi. Vazirlar Mahkamasining buyuk muhaddis Imom al-Buxoriy ilmiy-diniy merosining xalqimiz ma’naviy-ruhiy hayotidagi beqiyos o’rnini hisobga olib, jamiyatning barkamol kishilarini tarbiyalashda undan oqilona foydalanishga shart-sharoitlar yaratish maqsadida 1997 yil 29 aprelida «1998 yilda Imom al-Buxoriy tavalludining hijriy-qamariy taqvim bo’yicha 1225 yilligini mamlakatimizda keng nishonlanishi haqida» qaror qabul qildi. Bu qaror asosida buyuk muhaddisning yubiley to’yi mamlakatimiz miqyosida nishonlandi. 1998 yili mamlakatimiz Prezidenti Islom Karimov tashabbusi bilan «Imom al- Buxoriy» xalqaro jamg’armasi tashkil etildi. Bu jamg’arma qisqa muddat ichida salmoqli ishlarni amalga oshirdi. Jumladan, 2000 yildan «Imom al-Buxoriy saboqlari» ma’naviy- ma’rifiy, ilmiy-adabiy jurnalini prof. Z.I. Munavvarov muharrirligida muntazam ravishda nashr etmoqda. Unda Vatanimiz va chet ellik tadqiqotchilar tomonidan buyuk muhaddislar ijodi, hadis ilmi rivoji haqidagi ilmiy maqolalar berib borilmoqda.

ADABIYOTLAR 1. Al-Buxoriy, Abu Abdulloh Muhammad ibn Ismoil. Al-Jomi as-sahih (ishonarli to’plam). 4 jildli. Toshkent: Qomuslar bosh tahririyati. 1991-1999. 2. At-Termiziy. Sahih at-Termiziy / A. Abdullo tarjimasi. T.: G’afur G’ulom nomidagi Adabiyot va san’at nashriyoti, 1993. 3. Imom al-Buxoriy. al-Adab al-mufrad. T.: O’zbekiston, 1990. 4. Imom al-Buxoriy. al-Jomi as-sahih. 4 jildlik. T.: Qomuslar bosh tahririyati, 1991-1993. 5. Karomatov H.S. Arba’in hadis va qirq maqol. Toshkent: FAN. 1994. 6. Mirmahmudov N. Imom ad-Dorimiy // Hidoyat. 2000. № 8. B. 6. 7. Uvatov U. Buyuk muhaddislar: Imom al-Buxoriy, Imom Muslim, Imom at- Termiziy. Toshkent: «O’zbekiston milliy entsiklopediyasi» Davlat ilmiy nashriyoti, 1998. – 63 b. 8. Eshonjonov B. Imom al-Buxoriy – buyuk faqih // Imom al-Buxoriy saboqlari. Toshkent: 2000. № 1. B. 16-18. 9. Guillaume A. The Traditions of Islam: An Introduction to the Study of the Hadith Literature. Oxford, 1924. 10. Juynboll G.H.A. Muslim Tradition: Studies in Chronology, Provenance and Authorship of Early Hadith. Cambridge, 1983. 11. Wensinck A.J. Concordance et indices de la tradition musulmane: Les six livres, le Musnad d’al-Darimi, le Muwatta’ de Malik, le Musnad de Ahmad ibn Hanbal. Par A.J. Wensinck. 1–7. Leiden. 1936-1969. 12. Ibn Batta al-‘Ukbari. Ash-Sharx va-l-ibana ‘ala usul as-sunna va-d-diyana // Xrestomatiya po islamu. Per. s arabskogo. vved. i primech. M., 1994, B. 87-99. 13. Islam. Istoriograficheskie ocherki. Razdel 2. Xadis ы i xadisnaya literatura. M., 1991, B. 85-108. 14. Prozorov S.M. Arabskaya istoricheskaya literatura v Irake, Irane i Sredney Azii v VII-seredine X v. Shiitskaya istoriografiya. M., 1980. 15. Xalidov A.B. Arabskie rukopisi i arabskaya rukopisnaya traditsiya. M., 1985. 16. Xrestomatiya po islamu. Per. s arabskogo. vved. i primech. M., 1994.

Похожие

Islom dinining jahondagi o’rni

Islom dinininng movarounnahrga kirib kеlishi

ISLOM DINI TA’LIMOTI VA TASAVVUF

Islom dinida ilm va ilm ahlini ulug’lash madaniyati

Islomning asosiy manbalari