Хужайра органоидлари - Биология - Рефераты

Хужайра органоидлари

Загружено в:

20.09.2019

Скачано:

0

Размер:

157 KB

Х ужайра органоидлари Режа : 1. Эндоплазматик тур (ретикулум). 2. Рибосомалар. 3. Гольжи комплекси. 4. Лизосомалар. 5. Пероксисомалар, сферосомалар. 6. Вакуол. 7. Митохондриялар. 8. Пластидалар. 9. Хужайра маркази.

Хужайра органоидлари - ҳужайранинг доимий таркибий кисми булиб , маълум тузилишга эга ва махсус вазифаларни бажаради . Хужайранинг умумий ва махсус органоидлар фарк килинади . Умумий органоидларга митохондрия , цитоплазматик ( эндоплазматик ) тур , рибосома, Гольжи комплекси, лизосома, микронайча, центросома, пероксисома; махсус органеллаларга эса тонофибрилла, миофибрилла, нейрофибриллалар, киприкчалар ва микроворсинкалар киради. Хужайра органоидалари тузилиши буйича мембранали ва мембранаси булмаган ҳужайра органоидларга булиш мумкин. Мембранали ҳужайра органоидлари. Юкорида ҳужайраларнинг турли мембраналарнинг принципал бир хил тузилганлиги кайд килинган эди. Мембраналар асосан липид, оксил, сувдан ташкил топган. Хужайра ички тузилмаларнинг мембраналари оксил ва липид таркибининг узгариши билангина фаркланмасдан уларнинг таркибига кирувчи молекулаларнинг жойлашиши ва ультраструктур тузилиши билан ҳам фаркланади. Мембрананинг бундай узига хос тузилиши уларнинг функцион ихтисосланишига боглик. Турли хил вазифани бажарувчи мембраналар ферментлар ва уларнинг активлик даражасига караб фаркланади. Ферментларнинг активлиги эса ҳужайранинг бошка компонентлари айникса сув ва липидлар билан муносабатига боглик. Бу ҳолатда мембраналар ферментларнинг аник жойлашиши учун структур каркас ролини уйнайди. Шундай килиб, ҳужайра цитоплазмасининг мембраналари функционал ва структур тарафдан аник ихтисослаштирилган ва бу холат мембрананинг кимёвий тузилиши ва молекулаларнинг жойлашишига боглик. Мембранали ҳужайра органоидлари. Хужайранинг умумий органоидларидан митохондрия, эндоплазматик тур, пластинкасимон комплекс (Гольжи комплекси), лизосома ва пероксисомалар киради. Усимлик ҳужайраларида пластида ва вакуоллар ҳам булади.

Мембранаси булмаган ҳужайра органоидлари. Бу органоидлар турли хил тузилишга эга булган ва специфик вазифасини бажарувчи органоидлар, рибосома, микронайча, центросома ва фибрилляр тузилмалар киради. Рибосомалар алоҳида тузилмалар хисобланиб, улар купинча плазматик тур билан комплекс ҳосил килади. Микрокарнайча ва ценросомалар иксил табиатли суббирликлардан ташкил топган. Оксил глобулалари маржонларсингари узаро богланиб фибриллалар ҳосил килади. Хужайрада ценросома сингари микронайчалардан ташкил топган киприкчалар, хивчинлар ҳам булиб, улар юкорида кайд килинган органоидлардан фаркли равишда устки тарафдан мембранали сруктура билан копланган. Хужайранинг фибрилляр тузилмалар ҳужайра цитоплазмасида маълум тартибда жойлашиши ёки ҳужайранинг махсус органеллалари микроворсинка, тонофибрилла, нейрофибриллалар, миофибриллаларни ҳосил килиши мумкин. Хужайра органеллаларини бажарадиган функцияларнинг бир-бирига богликлиги асосида ҳам урганилади. Хужайранинг вакуоляр тизимини ташкил килувчи органоидларга: эндоплазматик тур (ретикулум), рибосомлар, лизосомалар, Гольжи аппарати, пероксисомалар ва усимлик вакулолари киради. Вакуоляр тизим ҳужайрада моддаларнинг кириши, ташилиши, ажралиши, янги моддаларнинг синтезланиши, колдик моддаларнинг чикарилиши ва барча ферментатив реакцияларни амалга оширади ҳамда ҳужайра барча кисмларнинг бир-бири билан алокасини таъминлайди. Вакуоляр тизим- метоболистик жараёнлар асосидир. Митохондрия ва пластидалар ҳужайрада энергия алмашинувини таъминловчи органеллардир. Шу муносабат билан митохондрия ва пластидалар икки кават мембранали булиб, энергетик жараёнлар асосини ташкил этади. Цитоплазманинг фибрилляр тизимини микрофибриллалар ва микрофиламентлар ташкил этади.

Эндоплазтик тур (ретикулум). Электрон микроскопда текшириладиган тукимани ута юпка кесишнинг техник имкониятига эга булингандан кейин, 1945 йилда Портер осмий турт оксиди билан буялган ҳужайралар мезоплазмасида нозик тур борлигини очди ва унга эндоплазматик тур деб ном куйди. Бир неча вактдан сунг Паладе ва Портерлар эндоплазматик тур ута микроскопик каналчалар, пуфакчалар ва цистерналарнинг узаро туташишидан иборат мураккаб шохланган тур системаси эканлигини аникладилар. Сруктураси ва шакли билан хилма-хил булган бу система деворини элементар мембрана ташкил килади. Мембрананинг калинлиги 70 А0 атрофида булиб, думалок каналларнинг ички диаметри 300-500 А0 келади. Эндоплазматик тур каналининг ичи суюклик билан тула булиб, таркиби протаплазма матриксига ухшайди, шу жиҳатдан Гольжи цистерналари ва хлоропласт тилакоидларининг суюкликларига ҳам ухшайди. Эндоплазматик тур мембранасининг юзаси силлик ва гадир-будур булади. Мембран сатҳига рибосоманинг диаметри 100-150 А0 келадиган гранулалари ёпишиб олганидан, унинг юзаси гадир-будур куринади. Шунга кура ҳужайранинг бир кисмида улар бутунлай силлик, иккинчи томонида гадир-будур булади. Рибосома гранулалари ёпишган эндоплазматик тур цистерналарига грануляр (гадир-будур), силлик жойларига силилик ретикулум деб аталган. Грануляр ретикулум ясси, кенг цистерналардан иборат булади. Грануляр ретикулум цистерналарининг сони ҳужайралар типига, ривожланиш фазасига боглик. Силлик ретикулум одатда ингичка, тармокланиб кетган найчаларни эслатади, у грануляр ретикулум цистерналаридан усиб чикади (14-расм). Эндоплазматик тур каналлари ядро мембранаси билан ҳам туташган булиши мумкин. Шу сабабли эндоплазматик тур канали перинуклеар фазога алокадор булади. Робертсоннинг элементар мембрана назарияси мембраналар узлуксиз булади, деган фикрни такоза килган эди. Шунга кура купчилик олимлар эндоплазматик тур мембранаси плазмолемма билан ҳам туташган булади ва демак, перинуклеар фазо эндоплазматик тур канали

оркали плазмолемма сатҳи билан ташки муҳитга алокадор булади,деган фикрда булганлар. Шундай килиб, эндоплдазматик турни плазматик кобик, ядро ва ҳужайра органоидлари билан боглик булган ягона циркуляр система деб таърифласа булади. Эндоплазматик турнинг плазматик кобик билан алокаси борлиги ҳам кузатилган. Бу кузатишлар ташки муҳит билан цитоплазма орасидаги коммуникациялар бор дейишга асос булолмайди. Эндоплазматик тур билан Гольжи комплекси орасида алока ҳам доимий булмай, балки динамик алокадан иборатдир. 14-расм. Эндоплазматик турнинг схематик ва электрон микроскопда куриниши. Хозирги вактда грануляр цитоплазматик турнинг оксил ва фермент синтезидаги роли ҳамма олимлар томонидан тан олинади. Грануляр эндоплазматик тур оксил ишлаб чикарувчи (оксил безлари) ҳужайраларда яхши ривожланган. Нооксил секрет маҳсулотлари ҳосил килувчи ҳужайралар (меъданинг коплама ҳужайралари, буйрак усти безининг хромофил ҳужайралари ва бошкалар) да силлик эндоплазматик тур яхши ривожланаган. Денгиз чучкаси меъда ости безининг ацинар ҳужайралари стимуляция килганда (оч колган ҳайвонни боккандан сунг 1-3 соат дан кейин) донадор эндоплазматик турнинг узгариши кузатилган. Бу системанинг бушликлари кенгаяди ва цистерналар ичида катта булмаган “интерцистернал” доначалар топилади. Бу доначалар майда булиб, тузилиши буйича зимоген гранулаларни эслатади. Электрон микроскопик радиофтография билан олинган далиллар ҳам радиоактив Н-лейцин аминокислотасининг маълум бир тартибда ҳужайрага киришини курсатади. Изотоп киритилгандан 4-5 минут утгач грануляр эндоплазматик турда, 20 минутдан сунг Гольжи комплексида, 4 соатдан сунг зимоген гранулаларида лейцин борлиги кузатилади. Шундай килиб, келтирилган далиллар ҳужайра ичидаги оксил синтезида куйидаги боскичларни ажратишга имкон беради: 1)ҳужайрага тушган

аминокислоталарнинг РНК доначаларига утиши ва бу структурада оксил синтезланиши; 2) оксилнинг цитоплазматик тур мембраналаридан утиши ва каналча ичида “интерцистернал” гратулаларнинг ҳосил булиши; 3) гранулаларнинг эндоплазматик тур оркали Гольжи комплексига утиши ва у ерда гранрулалар конденцияси ҳамда зимоген доначаларнинг шаклланиши. Бу батартиб система Хирш томонидан “ҳужайра ички конвейри” деб номланган. Агар бу “конвейр” да Гольжи комплексига “уровчи цех” урни берилса, эндоплазматик тур “кимёвий цехдир”. Лекин ҳужайра ичидаги “конвейер” да эндоплазматик тур ва Гольжи комплексидан ташкари ҳужайранинг бошка компонентлари ва айникса ядро (информацион РНК нинг цитоплазмага утиши, оксил синтезининг назорат килиниши) ва митохондриянинг (оксил синтезини энергия билан таъминлаш) роли катта. Силлик эндоплазматик тур эса, купгина олимларнинг фикрича, бошка метаболик жараёнларда, биринчи галда ҳужайрадаги липид ва гликогеннинг синтезида, агрегациясида ва транспортида иштирок этади. Эндоплазматик турнинг келиб чикиши ва тупланиш йуллари ҳам етарли маълум эмас эди. Купгина цитологлар уни ҳужайра кобигидан ва мавжуд эндоплазматик турдан келиб чикишини айтдилар. Хужайра кобигининг дивертикула ва пиноцитоз пуфакчалари эндоплазматик турнинг мембраналари билан бирлашиб цитоплазматик тур системасини тулдиради. Эндоплазматик тур ядро кобиги ҳисобига тикланади, деган фикр ҳам бор. Тадкикотчилар фикрича, такомиллашиш вактида янги мембрана материаллари донадор цитоплазматик турда ҳосил булиб, у кейинчалик силлик эндоплазматик турга утади. Рибосомалар. Электрон микроскоп ёрдамида 1955 йилда Палада томонидан очилган рибосомалар ҳам ҳужайранинг муҳим органомдларидандир. Рибосомалар ядро кобигининг ташки мембранасида ҳам ётади. Мембраналар билан бирикмаган цитоплазмада эркин ётувчи рибосомалар онтогенез даврида турли манбалардан ҳосил булади. Масалан, каламуш

меъда ости безининг ацинар ҳужайраларида, эмбриогенез даврида олдин рибонуклеопротеид гранулалари ва кейинчалик каналчалар системаси ҳосил булиб, улар узаро богланадилар. Мембрана билан боглик булган рибосомалар эркин рибосомага нисбатан радиоктив аминокислоталарни купрок кабул килиши кузатилган. Ядрода, ядроча жойлашган рибонуклеопротеид доначалари уз физик-кимёвий хоссалари билан цитоплазматик рибосомалардан фарк килади. Улар ядро оксили синтезида иштирок этади. Рибосомалар тенг микдорда РНК ва оксилдан иборат. Рибосома таркибига ноактив рибонуклеаза, латент дезоксирибонуклеаза, лецинаминопептидаза, галактозидаза ва бошка ферментлар киради. Рибосомаларларда магний ва кальций булади. Хайвон, усимлик ҳужайраларидан ва микро-организмлардан ажратиб олинган рибосомалар кимёвий таркиби, молекуляр огирлиги билан бир-бирига якин. Рибосомалар оддий ва бир хил типидаги моддадан тузилганга ухшасада, улар майда суббирликлардан иборат (15-расм). Рибосомалар 50 S ва 30 S лик 2 та суббирликдан бирикиб, 70 S булган улчамни ташкил килади. Хар бир суббирлик битта юкори полимер рибосомал РНК молекуласини узида тутади, лекин улар алоҳида булганда радиоктив аминокислоталарни кабул кила олмайди. 15-расм. Рибосоманинг тузилиши.1-кичик суббирлик; 2-катта суббирлик. Рибосоманинг функцияси. Рибосомаларда ядродан информацион РНК (и- РНК) оркали берилган генетик ахборотга караб актив аминокислоталар конденсацияси ҳамда уларнинг полипептид богга терилиб, оксилнинг синтези руй беради. Айрим оксиллар синтези алоҳида ажратиб олинган рибосомаларда ҳам топилган. Матрица ролини и-РНК бажариб, у рибосомаларга утади. Рибосома юзасида транспорт РНК (т-РНК) ва аминокислоталар комплекси билан и-РНК нинг комплементар нуклеотидлар узаро таъсир килади.

Баъзи бир олимларнинг фикрига кура оксил синтези якка рибосомаларда бормасдан, уларнинг бир тудасида-полирибосома ёки полисомаларда боради. Полисомалар 5-70 та рибосомалардан иборат булиб, улар узаро диаметри 1- 1,5 нм келадиган нозик ипчалар билан бирлашади ва бир-биридан 5-15 нм масофада ётади. Рибосома полипептид занжирни ҳосил килиб, оксилни узидан ажратади ва и-РНК богламидан тушиб колади. Гольжи комплекси . 1898 йилда италиялик олим Гольжи нерв ҳужайралардан оптик микроскоп ёрдамида кумуш нитрат ва осмий кислотаси билан буяладиган турсимон органоидни топди ва уни диктиосома (грекча “тур” демакдир) деб атади. Бу органоид ҳайвон ҳужайраларидагина эмас, балки бир ҳужайрали организмларда, тубан ва юксак усимликларнинг ҳужайраларида учраши ҳам аникланди. Кузатишларга караганда Гольжи томонидан нерв ҳужайраларида кузатилган турсимон структуралар, бошка ҳужайраларда тур (Гольжи комплексида) куринмайди. Шунга кура бу органоиднинг номини олим номида Гольжи комплекси ёки Гольжи аппарати деб аталди. Электрон микроскоп кашф этилгандан кейин Гольжи комплексининг кушкаватли мембраналари ясси пакетларнинг тахлаганига ухшашлиги борлиги аникланди (16-расм). Бу пакеларга ухшаш тахланган системанинг проксимал кутбида янги цистерналар шаклланиб, унинг мембраналарида чукур узгаришлар руй бериши оркали дистал кутби томонга етилиб боради. Дистал кутбидаги етилган цистерналарнинг киргокларидан майда пуфакчалар ажралиб чикиб туришидан ташкари, уша етук цистерналарнинг узи ҳам Гольжи мембранаси билан куршалган йирик пуфаксимон фазоларга айланиб, Гольжи комплексидан узоклашиб кетиб туради. Унинг урнига проксимал кутбидан янги цистерналар етилиб келиб туради. Цистерналар оралигидаги 200-250 А0 келадиган оралик цитоплазма матрикси билан тула булади. Цистерналарда диаметри 600-700 А0 келадиган коваклар, коваклар каналининг марказида гранулалар булиб, улар Гольжи комплекси проксимал

кутбига якин, улар Гольжи комплекси проксимал кутбига якинда жойлашган рибосомаларга алокадор булса керак. 16-расм. Гольжи комплексининг: А-схематик ва Б-микроскопик куриниши. Дистал цистерналарда коваклар сони проксимал кутб цистерналаридагидан анча куп булади. Эҳтимол, цистерналарни етилиб бориши учун зарур макромолекулалар проксимал кутбдан дистал кутб томон ташилади. Электрон микроскопик тадкикотлар Гольжи комплекси уч хил кисмдан ташкил топганлигини курсатди. 1. Ясси цистерналар системаси-силлик мембраналар билан чегараланган. Ясси цистерналар 5-8 та булиб, бир-бирига якин ётади. 2. Майда микропуфакчалар-цистерналар охирида жойлашади. Уларнинг диаметри 30-50 нм дан катта эмас. 3. Йирик вакуолалар. Булар ҳам цистерналар ва микропуфакчалар сингари мембрана билан уралган. Вакуолалар катталиги 0,2-0,8 мк ва купинча улар ясси цистерна богламларининг урта кисмида ётади. Гольжи комплексининг онтогенезига келсак, Гольжи комплекси цистерналари грануляр эндоплазматик турдан ҳосил булади. Грануляр эндоплазматик тур мембранасидан ажралиб чикадиган куп сондаги пуфакчалар узаро кушилиб Гольжи комплекси цистерналарини ҳосил килади. Пуфакчалар плазмолеммага етганларида, уларнинг мембранаси плазмолеммага кушилиб, ичидаги моддаларни ҳужайра пустига экзоцитоз йул билан чикаради. Бу жараён Гольжи комплекси функциясига киради. Гольжи комплекси мураккаб секреция жараёнларида иштирок этади. (17- расм) Гольжи комплекси глюкопротеидлар синтезида иштирок этади. Рибосомаларда синтез булган оксил шу ерга келиб карбонсувлар билан кушилади. Гольжи комплекси ёг сурилишида ҳам иштирок этади. 17-расм. Гольжи комплексининг ҳосил булиши ва секреция жараёнида иштирок этиш схемаси. 1-донадор эндоплазматик тур; 2-рибосомалар;

3-протеин; 4- Гольжи комплекси; 5-секретор протеинлар. Лизосомалар. Хужайра гомогенатидан унинг кисмларини алоҳида ажратиб олиш методлари ривожлангандан кейин, 1955 йилда Де Дюв ва бошкалар узида нордон фосфатазадан ажратиб олишга муваффак булдилар. Бу ферментлар каторига глюкуронидаза, нордон рибонуклеаза, нордон дезоксирибонуклеаза ва катепсинлар киради. Бу ферментлар ҳужайра таркибига кирувчи турли моддаларни сув ёрдамида парчалай олиши учун уларга лизосомалар деб ном берилди. Хозирги кунда лизосомалар факат ҳайвонлар ҳужайраси учунгина эмас, балки ер шарида жуда кенг таркалган барча тирик организмлар ҳужайралари учун универсал органоид эканлиги аникланди. Лизосомалардаги овкат ҳазм килиш ферментларининг латент (яширин) ҳолатда булиши, уларнинг асосий ҳусусиятлари булиб, бу ҳусусият аввало уларни ураб турган мембраналарига боглик эканлиги аникланди. Илгарилари бу органоидларнинг полиморфлиги кайд килинган булса, сунги вактларда лизосомаларнинг турли формаларда булиши, уларнинг ривожланишидаги турли боскичлари бор экани маълум булди. Лизосомалар организм ҳужайраларидаги оксил ва нуклеин кислоталарни ҳужайра ичида парчаланиши ва уларни янгиланиши учун зарур ферментларга эга булган вакуолласимон органоидлардир. Хужайранинг ички овкат ҳазм килиш органоидлари сифатида лизосомалар махсус структурага эга булган мембрана билан куршалган булиб, бу мембрананини лизосома ферментлари буза олмайди (18-расм). Лизосомалар хилма-хил шаклдаги вакуолаларни эслатадиган органоидлар булиб, уларни Де-Дюв уч гуруҳга булади: ҳакикий лизосомалар,полизосомалар ва постлизосомалар. Хакикий лизосомаларни узи яна 2 катта гуруҳга булинади: бирламчи лизосомалар ва иккиламчи лизосомалар. Бирламчи лизосомалар-улчами 100 нм келадиган хилма-хил морфологияга эга булган вакуолалардан иборат булиб, турли тукималар ҳужайраларида хилма-хил гидролаза ферментлар йигиндисига эга булади. Лекин бу

ферментлар пассив булиб, овкат ҳазм килишда иштирок этмайди. Бирламчи лизосомалар ичида ҳазм килинадиган биополимер моддалар булмайди. 18-расм. Лизосомаларнинг микроскопик тасвири. Лизосомалар Гольжи комплекси билан функционал муносабатда булган силлик эндоплазматик турнинг махсус участкаларидан ҳосил булади. Бирламчи лизосомалар майда пуфакчалар ҳолида силлик ретикулумдан узилиб чикиши кузатилади. Олимлар томонидан олиб борилган тажрибилар гидролаза ферментлари глобуляр эндоплазматик тур деворидаги рибосомалар томонидан синтез килишини ва силлик ретикулум каналлари оркали Гольжи комплексига ва ундан бирламчи лизосомага утишини кусатади. Бирламчи лизомалар одатда ҳужайрада думалок, овал шаклда булиб, калинлиги 50-90 нм келадиган мембрана билан куршалган булади... Иккиламчи лизосомалар ёки гетерофагосомалар ҳужайрага олиниши зарур булган моддаларни плазмолемма юзасига адсорбция килиниши, эндоцитоз плазмолеманинг уша жойини цитоплазма ичига инвагинация килиб, пуфакча шаклида узилиб чикиши билан ҳосил булади. Ютилган модда шу гетерофагосома ичида колади. гетерофагосома бирламчи лизосома билан кушилиб, гетерофагголизосома ҳосил булади. Натижада гетерофага типидаги иккиламчи лизосома ҳосил булади. Шу билан бирга бирламчи лизосомаларнинг пассив ҳолатидаги гидролаза ферментлари актив ҳолга келади, экзоген моддалар гидролизланиб, парчалана бошлайди. Лизосома ичида борадиган ҳазм жараёнининг охирги боскичларида парчаланиш махсулотлари: аминокислоталар, нуклеотидлар ва бошкалар ҳосил булади. Бу маҳсулотлар гетерофаголизосома мембранаси оркали диффузия килиниб, цитоплазмага чикади. Бу моддалар ҳужайранинг нафас олишга сарфланади ёки зарур макромолекулаларининг биосинтезига катнашади. Кийин ҳазм килинадиган ёки ҳазм булмайдиган моддалар колдик таналарда тупланади ёки плазмолемма оркали ҳужайрадан чикариб юборилади.

Хужайра ичига четдан кирган моддаларни ҳазм килинишидан ташкари, ҳужайрада протопластнинг маълум участкасини куршаб ураб олиниши туфайли аутофагосомалар ёки аутофагосомал вакуолалар ҳосил булади. Булар бирламчи лизосомалар билан кушилиб иккиламчи лизосома- аутофаголизосома ҳосил килади ва аутофаголизосомалар ичида колган протопласт кисмлари (митохондрия, пластида, эндоплазматик тур булаклари ва бошкалар) аста-секин ҳазм булиб кетади. Макромолекулаларнинг гидролизланишидан ҳосил булган мономелар аминокислоталар, ёг кислоталари, моносахаридлар ва бошкалар аутолизосома мембранаси оркали диффузия килинади. Қийин ҳазм буладиган ёки парчаланмайдиган моддалар колдик таначаларда тупланади ёки экзоцитоз йул билан ҳужайрадан чикариб юборилади. Илмий текширишларга кура, аутофаголизосомалар, шунингдек, гетерофаголизосомалар, колдик таначалар ва гетерофосомалар билан ҳам кушила олади. Аутофагоцитоз жараёни сифатида ҳужайра оч колганда унинг уз кисмларини метоболизмга жалб килиб, ҳужайра хаётини маълум вактгача ушлаб туради. Пероксисомалар. Хужайрадан ультраценрифуглаш оркали ажратиб олинган, таркиби каталаза ва пероксидаза ферменларига бой булган “микротаначалар” пероксисомалар деб аталади. Пероксисомалар мембрана билан уралган булиб, митохондриялардан майдарок булади ва кристлари булмайди. Пероксисомалардаги ферментлар таркиби турличадир. Барг ҳужайраларида буладиган пероксисомалар фотонафас олиш ферментлари тутади. Ёгларга бой уругларнинг ҳужайраларидаги пероксисомаларнинг бир хили - глиоксисомалар уруглар унаётган вактида ёг кислоталаридан углеводлар ҳосил килишда иштирок этади. Бу жараёнда митохондриялар ва цитоплазма ҳам катнашади.

Де Дюв фикрича, барча эукариотлар пероксисомалари умумий келиб чикишга эга. Унинг тасаввурича, барча пероксисомалар метоболизмига кура турли- туман функцияларни узида мужассамлаштирган баъзи жиҳатлардан митохондрияларга ухшаб кетадиган оксидловчи заррачалардан келиб чиккан. Баъзи олимларнинг фикрича, перроксисомалар эндоплазматик тур мембранаси сатҳида шаклланиб, ундан ажраб чикади. Митохондриялар пайдо булиши билан пероксисомаларнинг ҳужайрадаги функцияси чекланиб борган. Сферосомалар . Диаметри 0,5 - 1мкм келадиган шарсимон органоид. Оптик микроскопда куриш мумкин булган бу органоидни 1880 йилда Ганштейн очиб, унга “микросома” деб ном бераган. Лекин кейинги вактда микросома деб аталадиган ҳужайранинг бошка ферментлари аникланганлиги сабабли, Генштейн микросомаларнинг шаклига караб сферосома (сфера-“шар”- “танача”) деб атаган. Сферосомалар эндоплазматик турдан ҳосил булади. Бунда эндоплазматик тур каначалари учидан кичкина шарчалар узилиб чикиб, тез уса бошлайди ва диаметри 1000-1500 А0 га етади. Шу шарчалар просферосомалар деб аталган. Просферосомаларни ураган мембраналарнинг мембранага хос уч катламлик структураси йуколади, эндоплазматик тур мембранасининг иккита ташки тук осмиофиль катламлари оралигига липидлар тупланиб боради. Сферасома ёгга тулиб, узининг диаметрини катталаштиради ва ундан ҳосил булган ёг томчилари ташки томондан мембрана ьилан эмас, балки эндоплазматик тур мембранасининг ташки осмиофиль катлами билан уралиб колади. Сферосомаларда учрайдиган асосий фермент липазадир. Сферосомалар матрикасида нордон фосфатаза, эстераза, потеаза, РНК аза, ДНК азаларнинг булиши, уларни лизосомаларга ухшатиб юборади. Вакуол. Ёш меристема ҳужайраси протопласт орасида мазкур ҳужайрадаги моддалар алмашинувида ҳосил буладиган маҳсулотлар силлик эндоплазматик тур каналларида тупланиб, каналнинг бу ери шишиб зурая боради. Шу пуфакчасимон зурайган, субмикроскопик катталикдаги

цистерналарга провакуоллар деб аталган. Провакуоллар аста секин эндоплазматик турдан ажралиб чикиб, майда вакуолларни ҳосил килади. Хужайра усган сари узаро кушилиб, унинг марказида йирик ва ягона вакуолга айланади. Уни ураган мембрана эндоплазматик тур мембранасига гомолог булиб, тонопласт деб аталади. Вакуол ичини тулатиб турган суюкликка ҳужайра шираси ҳужайрадаги моддалар алмашиниш жараёнида ҳосил булган турли махсулотларининг сувдаги эритмасидан иборат. Унинг таркибига тузлар, органик кислоталар, аминокислоталар, алкаллоидлар, углеводлар, гликозидалар, ошловчи моддалар, органик кислоталарнинг тузлари, терпенсимон моддалар, эфир мойлари, пигментлар ва бошкалар киради. Илмий текшириш методларининг ривожланиши вакуоль мембранаси- тонопласт таркибида ферментлар синтезида иштирок этиши мумкин булган заррачаларнинг очилишига олиб келди. Вакуолаларнинг биологик аҳамияти шундан иборатки, улар узларида тупланган нисбатан юкори концентрацияга эга булган ҳужайра шираси туфайли, энг муҳим осмотик актив фазо сифатида усимликдаги сув режимини таъминлашда, тургор босимини бошкаришда катта роль уйнайди. Вакуоллар тирик протопластдан тонопласт оркали ажралган булиб, ҳужайрадаги моддалар алмашинувидан ҳосил булган чикинди маҳсулотларшу вакуолларга тупланади. Вакуолаларнинг аҳмиятидан яна бири, фотосинтезда ҳосил булган углевод ва оксиллар ҳужайра шираси ҳам запас ҳолда тупланади. Уруглардаги оксиллар эса алейрон вакуолларда тупланади. Алейрон вакуолларга альбумин, глобулин оксиллари ва фитинлар туплангандан кейин, сувсизланади ва куриб колиб, каттик алейрон доначаларига айланади. Алейрон доначалари, айникса, мойли ва галласимон усимликлар уругларида куп булади. Хужайрада битта йирик вакуола шакллангандан сунг, ҳужайра протопласти ҳужайранинг девор кисмига жойлашади. Баъзи ядро

ҳужайранинг марказида цитоплазмага уралган ҳолда колиб, бу ерда ҳужайранинг девор кисмидаги цитоплазмадан цитоплазматик иплар бориб туташиб туради. Митохондриялар. Митохондриялар усимлик, ҳайвон ҳужайраларида учрайдиган органоидларидир. Митохондрия номи (юнонча mitos-ип, chondros-дона) биринчи марта 1898 йилда Бенда томонидан берилган булсада, Флемминг (1882) ва Альтман (1890) бошка ном билан бу органоидни ундан илгарирок таърифлаб берган эдилар. Митохондриянинг шакли узгарувчан булиб, купинча ипча ёки донача ҳолида куринади. маълумки функционал ҳолатларда унинг формаси узгариши мумкин. Масалан, узун митохондрия бир тарафданшишиб ёки бир тарафдан боитб теннис ракеткаси шаклини олиши мумкин. Баъзан митохондриянинг марказий зонаси тиниклашиб, пуфакча тусига киради. Митохондриянинг катталиги узгарувчан. Купгина ҳужайраларда бу органоидларнинг эни нисбатан узгармас (0,5 мкм га якин). Узунлиги эса узгариб туради (энг узуни 7 мкм). Лекин ҳужайранинг функционал ҳолатига караб жуда ингичка (0,2 мкм) ва йугон (2 мкм) таёкчасимон хилларини учратиш мумкин. Митохондрия шакли ва катталиги осмотик босимга ва фиксаторнинг рН ига караб узгаради. Митохондрия, асосан, цитоплазмада бир текис жойлашади. Баъзан эса бу коида бузилади. Митохондриянинг бундай жойлашиши уларнинг функционал ҳолатларига боглик. Улар каерда энергия купрок керак булса, уша ерга тупланади. Масалан, диафрагманинг мушак толаларида митохондриялар миофибриллаларнинг дисклари атрофида булади, куз тур пардасининг таёкча ва колбачасимон ҳужайраларида эса ички бугининг бир кисмига йигилади. Буйрак каналчалари ҳужайраларида митохондрия базал плазматик мембранада ётади. Қутбланган эпителиал ҳужайраларда митохондриялар маълум апикал базал жойлашишга эга булиб, думалок ҳужайралар (лейкоцит) да эса ценриолаларга радиал ётади.

Хужайралардаги митохондрияларнинг сонини аник айтиш кийин. Уларнинг микдори ҳужайра типига ва функционал ҳолатига боглик, жигарда 30-35 %, буйракда 20% оксил митохондрияга тугри келади. Жигар гомогенатининг 1 граммига 8,7* 10 10 митохондрия тугри келади. Сог жигар ҳужайраси 2500 тагача митохондрия, регенерация булаётган жигар ҳужайраларида ва жигар усмалари ҳужайраларида уларнинг сони кам. Электрон микроскопик тадкикотлар митохондриянинг икки кобик билан уралганлигини курсатади (19-расм). Ташки мембрананинг калинлиги тахминан 6 нм булиб, шу органелланинг утказувчанлик ҳусусиятини белгиласа керак. Ички тарафда ёзувчи ички митохондриал мембрана ташкисидан фаркли уларок, текис булмай, усимта (криста)лар ҳосил килади. Бу мембрананинг ҳам калинлиги тахминан 6 нм. Ички мембраналар орасида бушлик(19-расм) майда донадор моддалар билан тулган булиб, матрикс деб аталади. Митохондрия матриксида электрон зич (тук) грануллалар булиб, уларнинг зичлиги Са++ Мп ионларига боглик. Митохондрия кристаллари органоид матриксини бутунлай ажратмайди ва шунинг учун ҳам матрикс яхлит булади. Митохондрия мембраналари мураккаб тузилишга эга булиб, иккита ташки электрон зич (тук) каватлардан ва урта оч каватдан тузилган, ҳар хил типдаги ҳужайраларда кристаллар сони турлича. Буйрак ҳужайраларида, скелет ва юрак мушагида кристаллар сони куп ва зич жойлашган. Жигар ҳужайраларида сперматитларда эса кам ва сийрак. Бу типдаги ҳужайраларда ҳам митохондрия кристалларининг сони ҳар хил булиши мумкин. Баъзи бир ҳолатларда (скелет мушаги митохондриялари: нейрон усимталарида ва баъзи бир организмларнинг сперматидларида) кристаллар митохондрия укига кундаланг эмас, балки ук буйича жойлашиши мумкин. Баъзи оддий ҳайвонларда ички мембраналар кристаллар урнига найча ҳосил килади. Кристалларнинг бундай структураси баъзан умурткали ҳайвонлар ҳужайраларида, масалан, буйрак усти безининг пуст кисми, куён уругдонининг интерстициал ҳужайраларида учрайди.

Сунги вактларда митохондриялар ички мебранасида замбуругсимон яна бир нозик кимпонент топилган булиб,у думалок заррача (диаметри 6-10 нм) ва криста билан туташувчи оёкчадан (узунлиги 3-5 нм) иборат. Митохондрия ташки мембранасида шундай заррачалар йирикрок шарчалардан (диаметри 20 нм) иборат булиб, оёкчаси булмайди. Бундай “элементар зарралар” ҳар хил типдаги ҳужайра митохондриларида топилган. Тахминлар буйича ана шу замбуругсимон структуралада АТФ синтези билан боглик булган ферментлар жойлашган. Митохондрия кимёвий таркибининг асосий кисми протеиндан (курук огирлигининг 65-75%, ёгдан курук огирлигининг 23-30%) иборат булиб, фосфолипид, ДНК, РНК ноорганик катионлар K+, Mg++, Fe++, Ca++, ва бошка моддалар мавжуд. Митохондриянинг асосий вазифаси АДФ ва ноорганик фосфатдан АТФ ҳосил булишини ҳамда Кребс цикли оралик моддаларнинг аэроб йул билан оксидланишини таъминлашдир. АТФ макроэргик богларнинг энергияси механик (мушакларда), электрик (бош мия ҳужайраларида, нерв ҳужайралари усимталарида, рецепторларда ва баликнинг электр органида) ёруглик, осмотик энергияларига айланиши мумкин. Митрохондрияларда уч гуруҳ ферментлар жойлашган булиб, уларга митохондрияда буладиган куйидаги уч жараёнда: 1)Кребс циклида субстратларнинг оксидланиши (ацетил Коа) жараёнида; 2) электронлар утказгич занжиридан электронлар утишида; 3)оксидланиш билан боглик булган АТФ синтезида иштирок этади. Кребс цикли кетма -кет кетувчи биокимёвий узгаришлардан иборат булиб, бунинг натижасида сирка кислотанинг иккала углерод атоми карбонат ангидрид (С0 2 ) ва сувгача оксидланади. Бу жараён каттагина энергия жаратади. Аслида Кребс циклида сирка кислотасининг узи “ёнмасдан”балки унинг махсулоти-ацетил кофермент А (ацетил КоА) ёнади. Ацетил кофермент ёг, углевод ва аминокислоталарнинг бирламчи парчаланиши ҳосил булади.

Электрон утказиш занжири шартли реакциялар номи булиб, бу реакциялар натижасида жуфт электронлар ферментлар ёрдамида донордан акцепторгача утказилади. Пироузум кислотанинг оксидланиши пироузум кислотадан 2 электронни акцепторгача утказувчи фермент билан боглик. Сунгра бир катор окисдланиш ва кайтарилиш реакциялари натижасида бир жуфт электрон охирги Н акценторига ва О 2 га утиб, сув ҳосил килади. Оксидланиш билан боглик булган фосфорланиш жараёнининг ҳар бир боскичида субстратнинг кимёвий тузилишидаги энергия, шундай кимёвий бог (АТФ) энергиясига утказиладики, бу энергия ҳужайрада ишлатилиши мумкин. Электронлар утишидаги фосфорланиш бу анденозиндифосфатни ноорганик фосфор ҳисобига фосфорланиши булиб, бунинг натижасида анденозинтрифосфат (АТФ) ҳосил булиши ва электронларнингдонордан акцепторга утиши руй беради. Субстратларнинг оксидланишидаэнергия ҳосил булишнинг мезони булиб, АТФ синтезида ҳар грамм - атом Р/0 ҳисобланади. Бу нисбат кетоглютар кислотанинг оксидланишида 4 га, олма ва каҳрабо кислоталарида мувовик равишда 3 ва 2 га, НАД * Н нинг оксидланишида эса 3 га тенг. Ишлаётган митохондрияда Кребс цикли субстратнинг оксидланиши, албатта, фосфорланиш жараёни билан боглик. Митохондрия кристаларнинг тузилиши-функционал архитектуранинг жуда яхши тимсоли булиб, оксидланиш билан боглик фосфорланиш жараёнининг мураккаб структурада кетишини курсатади (20-расм). Митохондрия узок ҳаёт кечирмайди. Митохондриянинг биологик ярим ҳаёт (бор митохондрия яримининг янгиланиши) даври куп ҳужайраларда 9,6- 10,3 кунга тенг (буйрак ҳужайрасида эса 12,4 кун). Парлчаланаётган митохондрия урнида янгиси ҳосил булади. Бу органоид турли мембраналардан: 1) цитоплазмадаги мавжуд митохондриялардан; 2)турли мембранали структуралардан; 3) мембранаси булмаган тузилмалардан ҳосил булади. Купчилик тадкикотларнинг фикрича, митохондриялар репродукция

натижасида тикланади. Митохондрия куртак отиш йули билан ёки кундалангига иккита булиши натижасида купаяди. Митохондриянинг усиши ва булиниши даврида митохондрия ичидаги синтетик жараёнлар митохондрия липопротеид мембранасини ва асосий ферментларини ҳосил килади, баъзи бир энзимлар эса (масалан, цитохром С) рибосомаларда синтез булиб митохондрияларга келтирилади. Митохондрияларнинг янгитдан ҳосил булиши Харвей томонидан ёзилган. У денгиз типратикони тухуми фрагментларидан центрифугалаш йули билан митохондрияларни олиб ташлайди. Лекин шу фрагментлардан ривожланган личинкаларда митохондриялар мавжуд. Электрон микроскопик текширишлар фрагментларда митохондриялар йуклигини тасдиклайди. Балки бунда фрагментация вактида митохондрия яшил янус билан буялиш кобилиятини йукотган булиши мумкин. Шунга карамай митохондрия цитоплазматик кобик, цитоплазматик тур ва ядро кобиги пуфакчаларида ҳосил булади, деган далиллар ҳам йук эмас. Лекин эндоплазматик тур ҳамда митохондрия мембраналарининг биокимёвий ҳоссалари турлича шу структуралардан митохондрия ҳосил булишини тасаввур килиш кийин. 20 - расм. Митохондрияда учкарбон кислоталар цикли- Кребс циклининг схемаси. Купчилик муаллифлар нафас олиш тезлиги, оксидланиш ва кайтарилиш ферментлари активлиги ва митохондрия кристалари орасида мутаносиблик (корреляция) борлигини аникладилар. Умурткасиз ҳайвонларнинг мускулларидаги цитохромлар активлиги урганилганда кристаллари кам митохондрияларда цитохром камлиги топилди. Бундай ҳолни умурткали ҳайвонларнинг бошка орган митохондрияларида ҳам куриш мумкин. Оксидланиш ва кайтарилиш ферментлари юзаси жуда катта булган митохондрия кристлари мембраналари жойлашади. Ферментларнинг куплиги, активлиги ва кристаларнинг зич жойлашгани ҳужайранинг такомилашишига, ривожланишига, муҳитларнинг узгаришига ҳамда турли функционал активлиги ошса, масалан, буйракнинг компенсатор

гипертрофиясида, митохондрия йириклашади ва матриксни зич жойлашган кристалар тулдириб туради. Охирги йилларда утказилаётган тадкикотлар митохондрияларнинг ҳар хил таъсирларга носпецифик равишда бир хил шишиш билан жавоб беришини курсатган. Бунда митохондрия кенгаяди, кристалар калталашади ва камаяди. Ташки мембранада бурмалар ҳосил булади, натижада митохондрия ташки мембрана билан уралган пуфакчага айланади. Митохондриянинг ультрамикроскопик тузилиши, ҳажми, оксидланиш ферментларининг активлиги урганилганда митохондрия шишиши натижасида нафас олиш ферментларининг узгариши, яъни митохондрия шишига сабабчи факторлар митохондриянинг оксидланиш-кайтарилиш ферментларининг активлигини сусайтириб юбориши кайд килинган. Митохондрия юкори эффектли ишни таъминловчи органоид булиб, структура ва функциянинг бирлигини курсатувчи жуда ажойиб тузилманинг тимсолидир. Пластидалар. Оптик микроскоп кашф этилгандан сунг олимлар яшил доначаларни кузатиб, уларга хромотофорлар деб ном беришди. Бундай доначалар ҳайвон ҳужайраларида учратилмади. Кейинчалик бундай органоид усимлик дунёсида ҳам факат яшил усимлик ҳужайраларида булиши аникланди. Шимпер (1885) браг ҳужайраларида яшил доначалардан ташкари яна сарик, тук сарик ва ҳатто рангсиз таначаларни кузатди. Шундан сунг Шимпер “хромотофор” терминадан воз кечиб, буларнинг ҳаммасига “пластидалар” деб ном берди (пластида-грекча “пластикос” сузидан олинган булиб, шаклланган маъносини беради). Пластидаларда кандай ранг булишига караб Шимпер уларни лейкопластлар,хлоропластлар ва хромопластларга булди (лейкопласт - грекча “лейкос”-ок, хлорос-яшил ва “хромо” - ранг маъносида).

Пластидалар бошка ҳужайра органоидлари каби цитоплазма катлами каби (мезоплазма) орасида жойлашиб, у билан ва бошка органоидлар билан якин физиолигик муносабатда булади. Юксак усимликларнинг рангли ва рангсиз пластидалари шакли одатда дисксимон булади. Сув утларнинг хромотофорлари эса таёкчасимон, лентасимон, юлдузсимон ва бошка шаклларида булади. Юксак усимлик пластидаларининг катталиги 3-19 ммк га боради. Пластидаларни цитоплазадан кушкават мембранадан тузилган пуст ажратиб туради. Ривожланишининг бошларида тиник матрикси ичига унинг ички мембранасидан усиб чиккан бир неча калта ламелларни ва крахмал доначасини куриш мумкин. Усимлик ҳужайрасидаги пластидаларнинг морфогенези организмнинг ривожланиши ёруклик ёки коронгиликда боришга боглик (21-расм) пластидалар булиниш ва куртакланиш йули билан купаяди. Лекин пластидалар ривожланишининг бошида купаймайди, факат дифференциялана бошланган сунг купайиш кобилиятига эга булади. Масалан, проламеллаларда таначага эга булган этиопластларни ва хлоропластларнинг булиниб купайиши кузатиш мумкин. Етук хлоропластларнинг куш кават мембранадан тузилган пустининг ички мембранаси унинг уртасидан ичкарига караб бурма ҳосил килиб бир томондан секинрок, иккинчи томондан тезрок усиб бориб стромани ва ламеллаларни иккига ажратиб куяди. Ташки мембрананинг бу жараёнда иштирок килиши аникланмаган. Сувутларда ҳам, ҳужайраси булинаётганда хромотофорлари булиниб купаяди. Лейкопластдар. Пластидалар орасидаги энг майдаси ҳисобланади ва рангсиз булиб, аник шаклга эга булмайди. Лейкопластларни 1854 йилда Крюгер топган. Уларнинг ички тирик массаси кушкават мембрана билан куршалган булиб, ички структурасида ламеллалар жуда оз булади. Лекин лейкопластлар ёруглик таъсирида ички ламеллалар структурасини ривожлантириб, яшил пластидаларга айланиш ҳусусиятига эга.

Запасланиш зарур булган канднинг лейкопластлар стромасида полимерлашиб, иккиламчи крахмалга айланиши лейкопластларнинг энг мухим ҳусусиятидир. Лейкопластлар одатда усимликнинг ёруглик киролмайдиган, рангсиз тукималарида кузатилади. Чуночи, улар меристема тукималарида, спораларида, гаметаларида, уругларида, тугунчаларида,илдизпоя вабошка крахмал тупланадиган органлари тукималарида булади. Лейкопластларни бир паллали усимликлардан тродесканция, орхидея савринжон ва бошкаларнинг эпидермис тукимаси ҳужайраларида ҳам кузатиш мумкин (этиопласслар). Лейкопластлар майда булганлигидан уларни микроскопда куриш ва сонини аниклаш кийин. Улар айникса ҳужайра ядроси атрофида куп учрайди. Ёруглик тушадиган органлардаги лейкопластларда-этиопластларда одатда крахмал туплана олмайди. Хлоропластлар. Хлоропластнинг нозик курилиши жуда мураккаб булиб, митохондрия сингари икки кават мембранадан ташкил топади. Ташки кават хлоропласт кобиги вазифасини утаса, ички мембрана ичкарига усиб кириб алоҳида тахланиши натижасида граналарни ҳосил килади. Грана (кирра)ларда мембраналар катлам-катлам ҳосил килиб жойлашади. Бу катламнинг 1 кават мембранаси тилакоид деб аталиб, грана таркибида булганлиги учун грана тилакоиди деб юритилади. Хлоропластда граналар сони ортиб бориши билан бирга, граналардаги тилакоидлар сони ҳам ортиб боради. Грана орасидаги бушлик строма деб аталади. Граналар узаро мембраналар билан туташади, бу туташтирувчи мембрана строма ёки ламелла тилакоиди деб аталади (21-расм). Хлоропласт асосан мембранали курилишга эга булганлиги учун ламеляр тузилишга эга. Хлоропластнинг 1-2 % ини каротиноидлар ва ферментлар, оз микдорда РНК ва ДНК, ёг томчилари ва рибосомалар ташкил этади. Хлоропластнинг 75 %и сув, 25 % и курук моддалардан иборат. Қурук моддаларнинг 30-45 % ини оксил, 10 % ини микроэлементлардан магний, темир, рух, мис бирикмалари, 10-15% ини запас моддалар ва 20-40 % ини липидлар ташкил килади.

Хлорофилл пигментлари грана ва строма ёки ламелла тиллакоидлар ичида жойлашган, катталиги 70-120 А 0 келадиган глобулалар ичида квантосомалар жойлашади. Квантосомалар фотосинтез килувчи асосий бирлик ҳисобланади ва уларда ёруглик энергияси кимёвий энергияга айланади. 21-расм. Хлоропластнинг тузилиши Хлоропластлар матриксида (стромасида) митохондрияларга сингари узининг ДНК, РНК ва 70 S рибосомалари булиб, ядроча булмаган генетик системага эга. Хлоропластларнинг асосан оксил ва липидлардан тузилган стромасида доим махсус липидлар (пластохинонлар) пластоглобулалар деб аталадиган шарчалар ҳолида учрайди. Бундан ташкари стромада бирламчи крахмал доначалари ва оксил кристаллари булади. Рибосомалари бактерия рибосомалари каби кичик булади. Стромада яна микрокарнайчаларга ухшаш структуралар ҳам булади. Хлоропласт ташки мембранасининг юзаси цитоплазманинг юпка катлами билан уралган (перистромиум). Тахмин килинишича перистромиум хлоропластнинг цитоплазмаси ичида амёбасимон ҳаракат килишда иштирок килса керак. Хлоропластлар цитоплазма ичида доим ҳаракатда булади. Ёруглик таъсирида улар ҳужайра ичидаги урнини узгартириши мумкин. Кучли ёруглик хлоропластларда манфий фототаксис кузгатиб, улар ҳужайранинг ён деворига тупланади ва узларининг кирраларини ёруглик манбаига каратди. Кучсиз хлоропластларда мусбат фототаксис кузгатиб, улар ҳужайранинг ёруглик манбаига нисбатан перпендикуляр жойлашган деворига тупланади ва узларининг кенг сатҳини нурга товлайди. Бунинг биологик аҳамияти шундаки биринчи ҳолда хлоропласт кучли ёругликдан куйиб колишдан сакланса, иккинчи ҳолда хлоропласт узининг кенг сатҳи билан ёругликдан купрок фойдаланиш имкониятига эга булади. Органик моддаларни куёш энергияси ҳисобига синтезланиб бориши фотосинтез жараёнидир. Фотосинтез факат фотосинтезловчи

ҳужайралардагина мавжуд булган ихтисослашган узига хос органоидлар- хлоропластларда утади. Фотосинтезнинг принципал схемасини куйидаги тенглама шаклида ифодалаш мумкин. 6 СО 2 +6 Н 2 О + куёш энергияси фотосинтез С 6Н 12 О +60/ Лекин фотосинтез куп боскичли мураккаб жараён. Бу жараёнда анорганик углероднинг паст энергияли оксидланган шакли (СО 2 ) дан энергияга бой кайтарилган углерод-углевод глюкоза синтезланади. Реакция натижасида молекуляр кислород ҳам ҳосил булади. Бу бизнинг сайёрамизда кислороднинг биридан бир манбаидир. Фотосинтез жараёнида ҳосил булган маҳсулотларни фотосинтезламайдиган барча организмлар истеъмол киладилар. Хромопластлар. Хромопластлар усимликнинг вегетатив органлари, гуллари ва мева ҳужайраларнинг протопластида учрайди ва шу органларга тегишли ранг бериб туради. Хромопластларнинг сарик, кизил, жигар ранг, тук сарик, кунгир-кизил рангда булиши уларнинг стромасида хилма - хил каротиноидларнинг мавжудлигидандир. Каратиноидлар деб аталувчи пигментларлардан каротин (С40Н56О) ва унинг изомерлари, ксантафилл (С40Н56О2) ларни курсатиш мумкин. Хозирги фанга каротиноидларнинг 58 тури маълум. Турли усимлик хромопластларидаги каротиноидларнинг тури ва уларнинг микдорий нисбатлари турлича булади. Қизил сабзининг ҳар 100 г ҳул илдиз мевасида 5,4-19,8 мг гача каротин ва озмикдорда ликопин булади. Хромопластлар одатда хлоропласларнинг узгаришидан, каришидан ҳосил булади. ўур меваларнинг пишишида улардаги яшил хлорофилл пигменлар ва граналар парчаланиб стромада кисман ламеллалар ва каротиноид кристаллар ва адсорбцияланган ҳолида колади. Купинча каротиноидлар цитоплазмада эриган ҳолида тупланади. Каротиноидлар цитоплазмада тупланган ёгда эриб, уларни саргайтиради.

Лекин куп меваларнинг кук, тук кизил, пушти рангда булиши хромопластлардан эмас. Чунки уларнинг сромасида каротиноидларнинг куп микдорда тупланиб, турли шаклдаги кристаллар ҳосил килишлари хромапластларнинг турли шаклларга киришига сабаб булади. Микронайчалар. Электрон микроскоп ёрдамида 1963 йилда ҳайвон ва усимликлар ҳужайраси цитоплазмасининг ташки катламидан найсимон органоидлар топилган булиб, уларга микронайчалар деб ном берилди. Микронайчаларнинг диаметри 250 А0, узунлиги бир неча мк келади, деворининг калинлиги эса 50-80 А0. Уз навбатида ҳар бир микронайча 13 та таёкчасимон майда параллел ипчилар-протофиламентлардан иборат. Микронайчалар-центриола, базал танача, ҳивчинлар ва киприкларнинг асосий структур бирлиги булиб ҳисобланади (24-расм). Турли ҳужайралардан олинган микронайчаларнинг кимёвий таркиби бир хил, яъни узи учун хос булган тубилин оксилидан ташкил топган. Микронайчалар тугри шохланмаган ичи буш цилиндр куринишида булиб, купгина ҳаракатли ҳужайраларнинг киприк ва хивчинлари таркибида булади. Улар уз навбатида киприк ва хивчинларнинг харакатчанлигани таъминлайди. Микронайчалардан тулкинсимон ҳолда моддаларнинг силжиши натижасида хивчин ёки киприкнинг тулкинли ҳаракати юзага келади. Масалан, сперматрзоидларнинг харакатланиши. Микронайчалар микрофибриллалар билан ҳамкорликда ҳужайрада таянч- цитоскелет вазифасини ҳам таъминлайди, яъни ҳужайрага шакл бериб туради (22-расм). Шу билан биргаликда цитплазмада моддаларнинг силжиши, утказувчанлиги ҳам таъминлайди. Усимлик ҳужайрасидаги цитоплазма ҳаракати микронайчаларга богликлигини Л. Портер аниклаган. Микронайчалар митоз дарида булиниш урчигини ҳосил килишда ҳам иштирок этади. 22-расм. Цитосклетнинг тузилиши. Хужайра маркази, центросома. Хозирги вактда ҳужайра маркази деб номланувчи тузилма 1875 йилда Гертвиг томонидан очилган. Хужайра

маркази деб, у булиниш дукининг устки кисмидаги тузилмани атаган. Хужайра маркази ҳамма ҳайвон ҳужайраларида топилган булиб, факатгина тухум ҳужайрасининг етилиш даврида йуколади. Турли ҳужайралар Гейденгайн темир гематоксилини билан буялганда центросома иккита центриоладан иборат эканлиги курилади. Ценриолалар сферик масса марказида жойлашиб, бу масса ценроплазма ёки центросфера деб аталади. Цнтриолалар зич доначалар (катталиги 0,2-0,8 мкм) ҳолида куриниб, узаро ингичка тортма-центродесмоза билан богланган. Интерфаза ҳолатидаги ҳужайраларда ҳужайра маркази иккита центриоладан (диплосомадан) иборат. Булиниш даврида эса унинг тузилиши мураккаблашиб, атрофида нурли зона-астросфера ҳосил булади. Хужайра марказининг тузилиши тугрисидаги асосий маълумотлар электрон микроскопик тадкикотлар натижасида мукаммалашди. Центриола цилиндирсимон танача булиб, узунлиги 0,3-0,6 мкм ва диаметри 0,1-0,15 мкм (23-расм). Таначанинг девори бир-бирига параллел ётган найчалардан ташкил топган булиб, бир-биридан гомоген, зич оралик модда билан ажралиб турувчи 9 гуруҳ булиб жойлашади. Хар бир гуруҳ 3 микронайчадан ташкил топган булиб, уларни триплет деб юритилади (23-расм). Триплетнинг биринчи микронайчаси (А-микронайча)диаметри 250 нм,девор калинлиги 5 нм булиб, 13 глобуляр суббирликдан тузилган. Хар бир триплет узунлиги ценриола узунлигига тенг. Иккинчи ва учинчи (В ва С- микронайчалар)А микронайчадан фарк килиб, уларнинг девори 13 эмас, балки 11 глобуляр суббирликдан ташкил топган. Учала микронайча зич ётади. Ценриолада микронайчадан ташкари яна кушимча тузимлар бор А микронайчадан икки усикча (кулча) лар чикиб, уларнинг бири кушни триплетнинг С микронайчасига, иккинчиси эса центриола марказига йуналган. Центриола цилиндирнинг марказида “арава гилдираги” сингари тузилма булиб, у “ук кисм” ва 9 та спицадан ташкил топган. Спицанинг ҳар бири триплетнинг А микронайчасига караб йуналган.

Центриолалар жуфт булиб, узаро бир-бирига перпендикуляр жойлашади ва бундай жойлашиши центриолаларнинг булиниши вактида кутбга тортилганида ҳам сакланади. Центриолалар уки булиниш укини белгилайди. Ценросферада мембрана булмай, у протеинларга бой ва уз зичлиги билан цитоплазмадан ажралиб туради. Электрон микроскопик текширишлар центриолалар атрофида диаметри 70 нм ли структуралар- “сателлитлар” борлигини курсатади. Тахминлар буйича, сателлитлар центриолалар активлигига боглик булиб, доимий булмаган тузилмадир. Баъзи юмалок нополяр ҳужайраларда центриола ҳужайра марказида (Саламандра лейкоцити), купинча эса ядро ва киритмалар ҳисобига бир томонга сурилган булади. Куп ядроли ҳужайраларда ценриола марказда, ядро эса унинг атрофида жойлашади. Бу органелланинг кичиглиги ва ажратиб центрифугалаш мумкин булмаслиги туфайли ҳужайра марказининг кимёвий таркиби цитокимёвий маълумотларга асосланган. Лейкемик миелобласт ҳужайраларнинг центросферасида асосий оксиллар: гулюкопротеид, рибонуклеопротеид куп микдорда топилган. Одам нерв ҳужайраларнинг ҳужайра марказида карбонсувлар, Н-гуруҳ ва кислота радикаллари аникланган. Хужайра марказида нуклеин кислота ҳам куп. Шунинг учун бу структура репродукция кобилиятига эга. 23-расм. Хужайра маркази (ценросома) нинг электрон микроскопда ва схематик куриниши. Купгина тадкикотчилар ценриолаларни базал таначалар ёки блефаропластлар содда ҳайвонларда ва куп ҳужайрали организмларда хивчин ва киприкчаларнинг ҳосил булиши билан куринади. Одам эмбриони юкори нафас йулларидаги киприкчалар пребазал таначадан, улар эса диплосомадан ривожланади. Сперматогенез даврида ядрога нисбатан дистал жойлашган центриола базал таначага айланиб, ундан эса сперматазоид думи ҳосил булади. Хужайра маркази митотик аппаратни, шу жумладан, дукчани ва юлдузчани ҳосил килишда роль уйнайди. Хозирги вактда шуниси аникки,

митозда кутбланиш ҳужайра маркази томонидан бажарилади. Қутблар ҳужайра марказининг бир-биридан кочиши натижасида ҳосил булиб, дукнинг ва хромосомаларнинг жойлашишини белгилайди. Баъзи тадкикотчилар ценриола найчалари ва дук фибриллалари диаметрининг бир хиллига асосланиб, фибриллалар ценриола найчаларидан ҳосил булади деб фикр юритадилар. Хужайра марказининг ҳосил булиши ва тараккий этишига оид бир неча назариялар мавжуд. Булар: а) бирламчи ценриолаларнинг булиниши (куртак отиши)дан ; б) бошка бирламчи структуралардан ҳосил булади деган назариялардир. Электрон микроскопия билан шугулланувчи купчилик олимлар центриолалар ҳосил булиши куртак отиш йули билан боради, деб ҳисоблайдилар.

Фойдаланилган адабиётлар : 1. Трошин А.С., Браун А.Д., Вахтин Ю.Б., Жинкин Л.Н., Суханова К. Цитология. Москва, “Просвещение”, 1970. 2. Ченцов Ю.С. Общая цитология. МГУ, 1977. 3. Зуфаров К.А. Гистология. Тошкент, “Медицина”, 1982., 4. Альбертс Б., Брей Д., Льюис Ж., Рэфф М., Робертс К., Уотсон Ж. Молекулярная биология клетки. Москва, “Мир”, 1986 5. Рейвн П., Эверт Р., Айкхорн С. Современная ботаника.I том. Москва, “Мир”, 1990. 6. Соттибоев И., Қучкоров К. Усимлик ҳужайраси. Тошкент, “Укитувчи”, 1991. 7. Туракулов Ё. Х. Молекуляр биология. Тошкент, “Укитувчи”, 1993. 8.Қодиров Э. Гистология. Тошкент «Укитувчи», 1994 9. Туракулов Ё. Х. Биохимия. Тошкент, “Узбекистон”, 1996. 10. Холиков П. Х., Шарафиддинхужаев Н. Ш., Олимхужаева П. Р., Рахимов Ж. Р., Тошхужаев П. И Биология. Тошкент, “Ибн Сино”, 1996. 11. Абдуллаев Н. Х., Каримов Х. Ў. Патофизиология. Тошкент « Ибн Сино », 12. Raven Р . Н ., Johnson G.B. Biology updated version, 1995. 13. www.ziyonet.uz

Похожие

Хужайра инженерияси

Хужайра ядроси

Хужайра физиологияси ва

Ҳужайра мухандислиги ( хужайра инжинерияси )

Хужайра тирикликнинг элементар бирлиги