Астрономиянинг бошка фанлар билан богликлиги - Астрономия - Рефераты

Астрономиянинг бошка фанлар билан богликлиги

Загружено в:

12.09.2022

Скачано:

0

Размер:

69 KB

Астрономиянинг бошка фанлар билан богликлиги Режа : 1. Астрономия ва физика. 2. Астрономия ва математика 3. Астрономия ва химия. 4. Астрономия ва биология.

Астрономия ва физика бу фанларининг боғланиши ўкувчиларга билим беришда жуда мухим хисобланади, чунки физика билан алокада бўлмай туриб, ўкувчиларнинг физика курсида олган билимларига таянмай туриб, уларнинг ўрта мактаб астрономия курсининг асосий астрофизика бўлими бўйича чукур ва мустахкам билимга эришишларини таъминлаб бўлмайди. Астрономия дарсларида ўкувчилар гравитацион ва магнит майдонлардаги харакатларини ўрганадилар, молекуляр-кинетик назария асосида модданинг физик холатини ифодалашда, нурланиш жараёнларида ва унинг модда билан таъсирланишида, иссикликни узатиш усулларида, атом ядроларининг парчаланиши ва синтези масалаларида иш кўриладиган деярли барча физик тушунчалар билан дуч келадилар. Бунда ўкитувчининг вазифаси-ўрганилаётган астрономик ходисаларнинг физик мохиятларини очишда бу билимлардан мумкин кадар кенг фойдаланишга эришишдир. Кўп холларда турли масштабларда ва турли осмон жисмларида рўй берадиган ходисалар асосида ётувчи физик жараёнлар мажмуига мурожат килиш ўкувчилар билимларининг умумлаштириш даражасини кўтаришга имкон беради. Жумладан, турли планеталарнинг атмосфераларида кузатиладиган булутларнинг табиати ва уларнинг химиявий таркибининг турличалигига (Венерада олтингугурт кислотали, Юпитерда эса аммиакли) тегишлидир. Бу ўринда, мазкур планеталарнинг «экзотикаси»га берилиб кетмай, хар кандай булутларнинг пайдо бўлиши, босим ва температуранинг маълум кийматларида рўй берадиган бир хил физик жараёнлар фазовий ўтишларнинг окибати эканлигини алохида кайд килмок лозим. Осмон жисмларининг физик табиатлари ўрганилаётганида физиканинг турли булимларида караладиган талай тушунчалар, ходиса ва конунларга таянилади. Бу ўкувчиларнинг физикадан олган билимларини чукурлаштиришга, умумлаштиришга ва мустахкамлашга имкон беради. Юкорида келтирилган ёркин ифодаловчи бир неча мисолларни кўриб чикамиз.

Юлдузларни ўрганишда газ конунларидан фойдаланиш. Газларнинг кенгайишида чегара йўклиги IX ( X ) синф физика курсидан ўкувчиларга маълум. Газ шарларининг табиий холати кўринишидаги юлдузлар хакидаги тушунчалар, баъзан газ хоссалари хакида шаклланган тушунчаларга карама- карши борувчи кутилмаган парадокс сифатида кайд килинади. Юлдузлар хаётида гравитацион кучларнинг ролини англаш табиат ходисаларини янада чукуррок тахлил килишга имкон яратади. Электр ва магнит майдонларининг ўзаро боғликлиги хакидаги тушунчани Куёшдан кузатиладиган ходисаларнинг ўрганилишида мустахкамлаш айникса кулай. Температура хакида тушунча, «Куёш системаси жисмларининг физик табиати» бўлимида Ер атмосфераси юкори катламларининг температурасидан тортиб то юлдузлар каъридаги ва юлдузлараро бўшликдаги температура караладиган-якунловчи бўлимига кадар, курснинг астрофизик кисмига тегишли ихтиёрий материалларида чукурлаштирилади ва ривожлантирилади. Температуранинг, заррачаларнинг кинетик энергияси билан боғликлиги астрономиядаги катор ходисаларни тушунтиришда хал килувчи ахамият касб этади. Шунинг учун хам биринчи навбатда ўкувчиларга ушбу боғланишни эслатиш зарур. Физика ва астрономия орасидаги узвий боғланиш ушбу фанларнинг ривожланиш тарихидан келтирилган мисолларда янада яккол кўринади. Бу максадда хам Ердаги, хам осмондаги жисмларнинг харакатларини ўрганиш асосида вужудга келган кинематика ва динамика тараккиёти энг баракали материал хисобланади. Физика ва астрономия дарсларида бир хил мазмундаги сифат ва микдорий масаларни ечиш специфик хусусиятларга эга. Физика дарсларида ўкитувчининг диккати маълум физик конуниятни кўллаб ўкувчиларда аник турдаги масалаларни ечиш малакаларини хосил килишга каратилади. Астрономия дарсларида эса ўкитувчининг диккат эътибори олинган натижаларнинг мохиятини ўкувчилар онгига етказишга шунингдек, турли

масштабдаги космик ходисалар Ерда очилган физик конунлар асосида тушунтирилиши мумкинлигига каратилади. Астрономия ва математика. Бошланғич синфлардаёк, математика астрономияни ўрганишда ёрдам бўладиган маълумотларни ўкувчиларга бериш борасида катта имкониятларга эга. Масала IV синфлар учун математика дарслиги Куёш системасининг тузилишига, астрономик масофаларга, Ернинг ўлчамларига, турли планеталарда оғирликнинг турличалигига шунингдек, ракеталар ва планеталараро автоматик станцияларга бағишланган астрономия ва космонавтика материалларига асосланган кўплаб масалаларни ўз ичига олади. XI синф ва коллежлар ўкувчиларнинг математик тайёргарлиги астрономия курсини дастур талаб килган даражадаги хажмда баён килиш учун етарлидир. Математик таълим жараёнида эришилган кўникма ва малакалар астрономия курсида асосан икки йўналишда кўлланади. Биринчиси, масалаларни ечишда ва катталик тартибини бахоловчи хисоблашларда тахминий хисоблашлар усулининг кўлланилишида. Иккинчиси (астрономия учун характерли)-кичик бурчаклар тригонометрик функцияларини радианларда ифодаланган бурчаклар билан ўзлаштиришдир. Астрономия курсида тез-тез ишлатиб туриладиган логарифмик линейка шкаласининг маъносини ўкувчилар англасин учун ўкитувчи томонидан бу сохада хам маълум ишлар олиб борилиши лозим. Бундай шкалаларнинг ишлатилиши, баъзи катталикларнинг, масалан, ёруғлик окими катталигининг микдорини биргина графикда солиштиришга, имкон беради. Бундай солиштиришни оддий чизикли шкаладан фойдаланиб амалга ошириб бўлмайди.

Астрономияда кабул килинган юлдуз катталикларининг шкаласи худди шу йўл билан тузилган бўлиб, ўкувчилар у билан биринчи дарслардаёк танишадилар. Икки кетма-кет катталикдаги юлдузлардан келаётган нурланиш окимининг бири иккинчисидан 2,512 марта фарк килади. Бу ердан кўринишича, равшанликлари бир- биридан 100 мартача фаркланувчи юлдузлар ўзаро миллиард мартача фаркланувчи объектлар хам логарифмик шкалада 20 дан ортик юлдуз катталиги чегарасида жойлашади, демакдир. Астрономия курсини ўрганиш жараёнида талай мисолларни хал килишга ЭХМ ни кўллаш асосида бажариладиган хисоблашлар мухим ахамият касб этади. Ойга ва планеталарга учирилган космик аппаратлар траекторияларининг хисоби бунга яхши мисол бўла олади. Шунингдек, ЭХМ дан юлдузларнинг турли моделлари ва протопланета булутларининг эволюцияларидан хисоблашларда фойдаланиш хакида ўкувчиларга маълумот бериш лозим. Астрономия ва химия. Хозирги замонда Ердан ташкари рўй берадиган химиявий жараёнларни ва турли обьектларнинг химиявий таркибини тадкик килиш, энг аввало, ракета ва космик техникадан фойдаланиш хисобига янги сифат даражасига кўтарилди. Химия ва астрономия курслари ўзаро боғланишининг асоси бу курслар учун умумий ўрганиш обьекти бўлган-модда хисобланади. Ўрта мактаб химия курси дастурининг «Фанлараро боғланиш» бўлимида химия ўкитувчиси томонидан ўкувчиларга астрономия курси бўйича планеталарнинг физик табиатлари, уларнинг атмосфералари, юлдузларнинг ички тузилиши, осмон жисмларининг эволюцияси ва бошка шу каби ходисалар хакидаги билимларга таяниш деб уктирилади. Астрономия ўкитувчиси, ўз навбатида, ўкувчиларнинг химияни ўрганишда эришган- кислород, азот, аммиак ва бошка газларнинг химиявий хоссалари ва моддаларнинг тузилиши хакидаги билимлардан кенг фойдаланмоғи зарур.

Бу турли жараёнларда эгалланган билимларни кенг кўлланишига имкон яратиб, айрим тушунчалар ва конуниятларни янада чукуррок ўзлаштирилишини таъминлайди. Астрономия бундан карийб 20 йил олдин юлдузлараро газда топилган эркин радикаллар (гидроксил ОН) каби химиявий бирикмалар хакида тўларок тушунча хосил килишга имкон беради. Мазкур бирикмалар сийрак юлдузлараро мухитда бошка моддалар билан Ердагидек алокада бўлиб, мураккаброк химиявий бирикмалар хосил килиш имконига эга эмас. Ернинг ва бошка планеталар атмосферасининг юкори катламларида хам бу газларнинг мавжудлиги ва яна хам мураккаб молекулаларга айланиши кайд килинган. Хозирги пайтда юлдузлараро мухитда (асосан радиоастрономик кузатишлар туфайли) 9 тача атомдан тузилган 30 дан ортик молекулалар топилди. Булар ичида аминокислоталарнинг синтезида оралик халка ролини ўтиш мумкин бўлган водород цианид HCN , шунингдек метилацетилен (СН 3 С 2 Н) ёки формамид (НСО NH 2 ) каби мураккаб органик молекулалар борлигини алохида таъкидлаш лозим. Космик шароитларда бу хил молекулаларнинг вужудга келишидан ўкувчилар онгида баъзан пайдо бўладиган органик ва ноорганик табиат орасида тўсикнинг мавжудлиги хакидаги тушунчани бартараф килиш учун фойдаланиш максадга мувофик. Ой, Марс, Венера жисмлари ва атмосфераларининг автоматик станциялар ёрдамида ўтказилган анализлар Ер ва Осмон жисмларининг химиявий таркиблари ўхшашлигидан далолат беради. Шу билан бирга, ўкувчилар диккатини Куёш системасига кирувчи осмон жисмлари химиявий таркибининг фаркига хам каратиб, бу маълумотлар асосида Коинот эволюцияси, Куёш системаси ва унинг айрим таркибий жисмларининг пайдо бўлиши ва ривожланиши хакида хулосалар келтириш лозим. Булар хаммаси «Кайнок Коинот» гипотезаси билан узвий боғланган химиявий элементларнинг келиб чикиши хакидаги гипотеза билан биргаликда ўзига хос геоцентризмни бартараф килишга, Коинотда химиявий элементлар

таркалиши хакида тушунча беришга ва шунингдек атмосферада кислород кенг таркалганлиги билан тушунтириладиган Ер химиясининг специфик хусусиятини яхши англашга имкон беради. Химия ва астрономия курслари орасидаги фанлараро боғланиш факат ўкитувчи берган маълумотлар асосидагина амалга оширилмасдан, балки фанлараро боғланиш характеридаги, махсус тузилган вазифаларни ўкувчилар томонидан бажарилиши жараёнида хам тушунтирилиши лозим. Бундай вазифалар ўз ичига бир канча савол ва масалаларни олиб, уларга жавоб беришда хам астрономия, хам химия бўйича зарурий билимлар талаб килинади. Масалан: 1. Ерда кенг таркалган бешта химиявий элемент номларини айтинг. 2. Коинотда кенг таркалган икки элементни айтинг. 3. Коинотда оғир элементларнинг атомлари вужудга келади? 4. Атомларнинг тузилишига кўра иккита элемент билан уларнинг Куёш системасида таркалиши орасида кандай боғланиш мавжуд? 5. Баъзи галлактикаларнинг газ булутларида водород ва гелий мавжуд бўлиб, оғир элементлар кузатилмайди. Бу галлактикаларнинг ёшлари хакида кандай тахмин килиш мумкин? Астрономияда ўрганиладиган ходисаларнинг турли туманлигидан Коинотда энг кўп таркалган модданинг холати-плазма мисолида яккол кўринадиган физик ва химиявий ходисалар орасидаги фаркни кўрсатишда хам фойдаланиш мумкин. Бундай холда атомлар ташки электрон кобикларидаги бузилишлар, хатто бутунлай йўколиши хисобига унинг химиявий хоссалари хакидаги тушунча ўз маъносини йўкотади. Бошка бир мисол-кометанинг Куёшга якинлашиши пайтида рўй берадиган физикавий ва химиявий жараёнларнинг кузатилиши. Астрономия ва биология.

Астрономияни ўрганишда ўкувчиларнинг биология дарсларида шаклланган билимига, жумладан, тирик организмларнинг уларни ўровчи ташки мухитга мослашишнинг юкори даражаси ва яшаш шароитларига боғлик равишда рўй берадиган эволюциялари хакида эришган билимларига таянмок лозим. Куёш системасининг космогонияси билан танишаётганда, биология курсидан ўкувчиларга аллакачон маълум бўлган Ерда хаётнинг келиб чикиши хакидаги гипотезанинг асосий коидаларини эслатиш маъкул бўлади. Бу икки курс орасидаги боғланиш, экологик муаммолар нуктаи назаридан хам мухим, чунки инсоннинг Ер табиатига таъсири бўйича фаолияти бугунги кунда космик факторларининг таъсири билан солиштирарлидир.

Адабиёт лар: 1. А.Паннекук, Истроия астрономии, М, «Наука» 1966. 2. Г.Матвиевская, Б.Розенфельд, Математики и астрономы мусульманского средневековья и их труды ( VIII - XVII вв), I - II т, М, «Наука» 1983. 3. П.Г.Булгаков, Жизнь и труды Беруни, Т., «Фан» 1972. 4. Г.Мамедбейли, Насриддин Туси-основатель Марагинской обсерватории, Баку, 1963. 5. Т.Н.Кары-Ниязов, Астрономическая школа Улугбека, М.Л. изд. АН, 1950. 6. С.Х.Сирожиддинов, Г.Матвиевская, Ал-Харезми-астроном и математик, Т., «Фан» 1978. 7. И.Ф.Полак «Умумий астрономия курси». «Ўкитувчи» Тошкент-1965йил. 8. Б.А.Воронцов-Вельялинов Астрономия дарслик Тошкент. Ўкитувчи. 1990й.

Похожие

Космонавтика предмети. Космонавтиканинг бошка фанлар билан боғлиқлиги. Космонавтика қискача тарихий очерк.

Асрономия укитиш услубиёти фанининг максад ва вазифалари

Астрономияга кириш

Сферик астрономия мавзусини ўрганиш

Сферик астрономия мавзусини урганиш услубиёти