Гидравлик боғловчи моддалар - Архтектура - Рефераты

Гидравлик боғловчи моддалар

Загружено в:

20.09.2019

Скачано:

0

Размер:

81 KB

Гидравлик боғловчи моддалар Режа: 1. Гидравлик оҳак, хом ашёси, ишлаб чиқариш технологияси. Хоссалари ва ишлатилиши. 2. Портладцемент Портландцемент клинкерининг минерологик таркиби, хоссалари. 3. Портландцемент ишлаб чиқариш технологияси. 4. Портландцементнинг қотиш назарияси. 5. Цемент тоши коррозияси. 6. Цемент тошини коррозиядан ҳимоялаш.

Сув, нам ва қуруқ шароитда қотиш хусусиятига эга бўлган гидравлик боғловчиларга гидравлик оҳак, портландцемент ва унинг турлари ҳамда махсус тампонаж, кенгаювчан, киришмайдиган, рангли, глинозем цементлар киради. Бундай цементларни гидравлик шароитда қотиш даражасини ифодаловчи кўрсаткич уларнинг гидравлик модулидир. У боғловчиларнинг кимёвий-минерологик таркибига ҳамда хоссаларига боғлиқ. Гидравлик модул (m) боғловчи таркибидаги асосий оксид (СаО) нинг ундаги нордон оксидлар йиғиндисига бўлган нисбати орқали топилади (%):3 2 3 2 2 O Fe O Al SiO CaO m    Ҳар бир гидравлик боғловчи моддалар ўзининг модулига эга. Аксарият ҳавойи боғловчиларнинг гидравлик модули гидравлик боғловчилардан анча катта бўлади. Гидравлик оҳак. Таркибида 8 дан 20 %гача тупроқ бўлган мергелли оҳактошни куйдириб гидравлик оҳак олинади. Шахтали ёки айланувчи хумдонларга солинган оҳактошни 800– 1000°С ҳароратда куйдирилади ва тегирмонларда туйилиб, қурилишга юборилади. Мергелли оҳактошни куйдириш жараёнида тупроқдаги кальций сульфатнинг парчаланиши билан бирга, унда қисман кальций, алюминий ҳамда темир силикатлари ҳосил бўлади. Шунинг учун гидравлик оҳак сув таъсирида тўла сўнмайди, аммо ундаги кальций оксиднинг (СаО) тупроқдаги моддалар билан бирикишидан ҳосил бўлган фаол минераллар (2СаО  SiO 2 , СаО А1 2 О 3 , 2СаО  FеО 2 ) намлик таъсирида ҳам аста-секин қота бошлайди. Оҳактошнинг таркибига ва уни ишлаш усулига қараб, суст гидравлик (оҳактошда тупроқ кам бўлганда) ва кучли гидравлик (тупроқ моддалари кўп бўлганда) турларга бўлинади. Сўндириб ва туйилиб олинган гидравлик оҳакни сув билан қориштирилгандан сўнг оҳак хамири ҳосил бўлади. Унинг қуюқланиш вақтидан кейинги қотиш жараёни сувда ёки нам таъсирида ҳам тўхтамайди. Суст гидравлик оҳак сувда осон сўнади. Аммо, унинг сувга чидамлилик ва мустаҳкамлик кўрсаткичи кучли гидравлик оҳакка нисбатан кам бўлади.

Гидравлик оҳакнинг зичлиги 2,2– 3,0 г/см 3 , ҳажмий оғирлиги 500–800 кг/м 3 , ҳажмий қоришмалари биринчи 7 кун давомида қуруқ муҳитда бўлиши керак. Портландцемент Таркиби, асосан, (70–80 %) силикат кальцийдан ташкил топган гидравлик боғловчи моддалар портландцемент деб аталади. У қисман эриб, тош ҳолатга айланган клинкерни гипс ёки бошқа қўшилмалар билан биргаликда туйишдан ҳосил бўлган гидравлик боғловчи моддадир. Портландцемент хоссаларини ўзгартириш, шунингдек, таннархини камайтириш мақсадида клинкерга фаол – гидравлик ва инерт минерал қўшилмалар қўшилади. Инерт қўшилмалар (оҳак-тош, доломит, кварц қум) миқдори 10 %дан, фаол (трепел, диатомит, трасс) қўшилмалар миқдори эса 15 %дан ошмаслиги керак. Бироқ гидравлик қўшилмалар 20 % ва ундан ортиқ бўлиши ҳам мумкин. Клинкерни туйганда унга одатда кўпи билан 3 % гипс (сульфат кислота ангидридга нисбатан ҳисобланганда) қўшилади. Бу билан цементнинг қуюқлашиш муддати узайтирилади. Бу эса унинг хоссаларига яхши таъсир қилади. Клинкер. Портландцементнинг сифат кўрсаткичлари (мус таҳ кам лиги, чидамлилиги, мустаҳкамликни ошириш тезлиги) асосан, клинкер сифатига боғлиқ. Портландцемент клинкери ўлчамлари 10–20 мм. дан 50–60 мм. гача майда ва йирик доналар кўринишида олинади. Куйган клинкер ўзининг микротузилишига кўра мураккаб заррачасимон кристаллар ва қисман шишасимон маҳсулотлар аралашмасидан иборат. Клинкер сифати асосий оксидлар микдори (кимёвий таркиби бўйича), минералогик таркиби ва асосий оксидларининг ўзаро нисбатига қараб баҳоланади. Клинкернинг кимёвий таркиби катта оралиқда ўзгариб туради. Портландцемент клинкерини ишлаб чиқариш учун хом ашё сифатида гил (25–30 %) ва оҳактош (65–70 %) ишлатилади. Уларда асосан 3 та оксид бор: Sio 2 А1 2 О 3 ва Ғе 2 О 3 . Оҳактош асосан кальций карбонатдан иборат. Кальций карбонат эса СаО ва СО 2 дан иборат. Клинкер куйдирилганда СО 2 гази

ажралади. СаО, SiO 2 , А1 2 О 3 ва Ғе 2 О 3 оксидлар асосий клинкер минералларини ҳосил қилади. 1500°С ҳароратда куйдирилган эркин магний оксид сув таъсирида сўниш қобилиятини йўқотмаса ҳам, жуда осон сўнади. Унинг сўниш жараёни қотиб қолган цемент-тошда ҳам давом этиши мумкин. Натижада, қоришма ва бетон ёрилади. Цемент ҳажмининг нотекис ўзгаришининг олдини олиш учун портландцемент таркибидаги эркин магний оксид миқдори стандарт томонидан чегараланади ва 4,5 %дан ошмаслиги керак. Бундан ташқари, портландцементда кўп миқдорда ишқорий металл оксидлар бўлса, бетон юзасида шўр доғлар ҳосил бўлиши мумкин. Стандартга кўра, портландцемент таркибида ишқор исталган микдорда бўлиши мумкин, аммо гидротехник бетонлар учун 0,6 % дан, ер усти конструкцияларини қуришда ишлатиладиган қоришма ва бетонлар учун эса 1 %дан ортиқ ишқори бўлган портландцемент ишлатиш тавсия этилмайди. Юқорида кўрсатиб ўтилган тўрт оксид (СаО, SiO 2 , А1 2 О 3 ва Ғе,О 3 ) портландцемент клинкерида бирикиб кальций силикат, кальций алюминат ва кальций алюмоферритларини ҳосил қилади. Цемент клинкерининг шлифи микрбскоп орқали кўрилганда у асосан кристалл структурали кальций силикатлардан иборат. Кальций силикатлар оралиғида шишасимон аморф моддалар деб аталувчи алюминат ва алюмоферритлар жойлашади. Портландцемент хоссалари ана шу минераллар миқдорига боғлиқ. Портландцемент клинкеридаги асосий минераллар миқдори қуйидагича: - уч кальцийли силикат (алит) – ЗСаО  SiO ёки С 3 S – 45– 60 %; - икки кальцийли силикат (белит) – 2СаО  SO 2 ёки С 2 S – 15-37%; - уч кальцийли алюминат – 3СаОА1 2 О 3 ёки С 3 А – 7–15 %; - тўрт кальций алюмоферрит (целит) – 4СаОАl 2 O  Ғе 2 О 3 ёки С 4 АҒ- 10- 18 %. Клинкерда эркин СаО бўлса, у портландцемент хоссаларига магний оксидга нисбатан хавфлироқ таъсир кўрсатади, яъни у ҳажмий жуда нотекис ўзгаради. Эркин СаО цемент тошини бузиб юбормаслиги учун клинкерни

туйишдан олдин эркин СаО ҳаводаги нам таъсиридан сўниб улгурадиган қилиб маълум вақт омборларда етилтирилади. Клинкернинг минералогик таркибига қараб, портландцемент қуйидаги турларга бўлинади: - алит портландцемент, ундаги уч кальцийли силикат 60 % дан ортиқ, С 3 S:С 2 S нисбат эса 4 дан катта; - белит портландцемент таркибида 37 %дан ортиқ икки кальцийли силикат бор, С 3 S:С 2 S нисбат 1 дан кам; - алюминат портландцемент, таркибида уч кальцийли алюминат 15 %дан ортиқ. С 3 А миқдорига қараб цементлар с алюминатли (С 3 А–5 %гача), ўртача алюминатли (С 3 А–5–9&) ва кўп алюминатли (С 3 А–9 %дан ортиқ) цементларга бўлинади; - алюмоферрит (целит) портландцемент таркибидаги тўрт кальций алюмоферрит 18 %дан ортиқ. Ҳозирги кунда портландцементнинг қуйидаги асосий турлари ишлаб чиқарилади: таркибида 30–60 % донадор домна тошқоли бўлган тошқол портландцемент; таркибида 20–40 % пуццолан қўшилмаси бўлган пуццолан портландцемент; тез қотувчан портландцемент; пластик ва гидрофоб портландцемент; таркибида кўпи билан 50 % С 3 S ва 5 % С 3 А бўлган сульфатга чидамли портландцемент; ўртача экзотермияли портландцемент; оқ ва рангли портландцементлар. Портландцементни ишлаб чиқариш технологияси Портландцемент клинкери ишлаб чиқаришда хом ашё сифатида таркибида кальций карбонат кўп бўлган карбонат жинслар ва таркибида кремний, алюмин ҳамда темир оксидлари бўлган гиллар, шунингдек, гил ва кальций карбонатнинг табиий аралашмалари (мергеллар) ишлатилади. Кейинги йилларда портландцемент ишлаб чиқаришда гилни бутунлай ишлатмаслик ёки қисман ишлатиш мақсадида, нордон ва асосли домна тошқол лари, шунингдек, нефелин чиқиндиларидан фойдаланилмоқда. Мергеллар гилсимон моддалар ва жуда майда кальций карбонат заррачаларининг табиий аралашмасидан иборат чўкинди тоғ жинси

ҳисобланади. У таркибида СаСО 3 ва гил қанча миқдор далигига қараб, мергел оҳактош (90–95 % СаСО 3 ), оҳактош карбонат мергел (70–90 % СаСО 3 ) ва мергел (50–70 % СаСО 3 ) га бўлинади. Тахминан 65 % СаСО 3 ва 25 % гилдан ташкил топган мергеллар жуда қимматбаҳо хом ашё ҳисобланади. Портландцементни ишлаб чиқаришда қуйидаги асосий технологик босқичлар бажарилади: оҳактош ва гил қазиб олиш; хом ашёларни тайёрлаш; ёқилғини тайёрлаш; хом ашёларни куйдириш; клинкерни қўшилмалар билан бирга туйиш; портландцементни омборга жойлаш. Хом ашёлар сув иштирокида тайёрланса, портландцемент ишлаб чиқаришнинг «ҳўл» усули деб, қуруқлигича тайёрланса «қуруқ» усули деб аталади. Қайси усулни танлаш технологик ва техник-иқтисодий характердаги бир қатор омилларга боғлиқ. Гарчи техник-иқтисодий кўрсаткичлар жиҳатидан қуруқ усул афзалроқ бўлса ҳам, ҳозирги вақтда бир қатор мамлакатларда, хусусан, Россия ва АҚШда ҳўл усул кенг қўлланилади. Қуруқ усул Япония, Германия ва Италияда кенг тарқалган. Ҳозирги кунда мамлакатимизда ҳам қуруқ усулни кўпроқ қўллаш масаласи кўриб чиқилмоқда. Маҳаллий шароитларга қараб, тасмали транспортёрлар (кон 1 км. гача, баъзан эса 5–8 км. гача узоқда бўлса) ёки завод билан кон ораси паст-баланд ёки бинолар қурилган бўлса, осма сим-арқон йўллардан фойдаланса ҳам бўлади. Портландцементнинг қотиши, хоссалари ва ишлатилиши Майдаланган цемент клинкери ҳеч қандай аралашмасиз, қум ҳамда шағал билан сувда қорилганда, вақт ўтиши билан қуюқлашади ва тобора мустаҳкамлана бориб цементтошга, қоришмага ва бетонга айланади. Янги ҳосил бўлган кимёвий бирикмаларнинг таркиби цементларнинг кимёвий ва минералогик таркибига, шунингдек, реакция кетаётган муҳитда ҳароратнинг ўзгаришига боғлиқ. Маълумки, оддий портландцементнинг клинкер қисми қуйидаги фазалардан иборат (%):

Алит С 3 S 45-60; Белит С 2 S 20-30; Уч кальцийли алюминат С 3 А (қисман 12СаО-7А1 2 О 3 ) 5–12; С 4 АҒ (алюмоферрит фазаси) 10–20; Шиша фазаси 5–15; СаО (эркин ҳолда) 0,5–1; МgО эркин ва бошқа фазаларда 1–5; Nа 2 О+К 2 О ишқорий фазаларда 0,5–1. Мураккаб таркибли портландцементнинг сув билан бирикишини ва янги ҳосил бўлган маҳсулотларнинг цемент физик-механик хоссаларига таъсирини аниқ билиш учун унинг ҳар бир компонентининг сув билан реакцияга киришишини кўриб чиқиб, сўнгра бу мураккаб жараён ҳақида тўла тушунчага эга бўлиш мумкин. Анорганик боғловчи моддаларнинг қотиши тўғрисида академик А.А.Байков ва унинг мактаби ишлаб чиққан классик назарияга кўра, бу жараён уч босқичга, яъни эриш, қуюқланиш (коллоидланиш) ва кристалланишга бўлинади. Шу босқичлар давомида клинкер кукуни сув билан қориштирилгандан сўнг мустаҳкам тошсимон ашёларга айланади. Эриш босқичи. Цемент клинкери минераллари маълум даражада сувда эрийди. Цемент доналари сувга тушганда минералларнинг юза қатламлари эритмага ўтади, натижада, цемент доналарининг чуқурроқ қатламлари очилиб қолади. Эритма дастлабки модда клинкер минераллари билан тўйинмагунча эриш жараёни давом этаверади. Эритмада клинкер минераллари сув билан кимёвий бирика бошлайди. Коллоидланиш босқичи. Клинкер минераллари ва уларнинг ҳосилалари сувда турлича тезликда эрийди. Клинкер минералларининг сув билан ўзаро таъсири кальций гидросиликатлар, гидроалюминатлар ва гидроферритлар Са(ОН) 2 сингари эритмага ўтмайди, балки шу заҳоти коллоид эритмалар ҳосил қилиб, майдамайда қаттиқ заррачалар ҳолида ажралиб чиқа бошлайди. Ҳосил бўлган коллоид бўтқа қовушқоқ ва ёпишқоқ

бўлади. Шу сабабли цемент хамири пластик ва боғловчилик хоссаларига эга. Цемент хамири тўлдиргич доналарини ўраб олади ва шу билан улар орасидаги ишқаланишни камайтиради, натижада, бетонбоп қоришма ёйилувчан ва яхши жойланувчан бўлиб қолади. Цемент хамирининг пластиклик хоссаларини йўқотишга ва оз бўлса ҳам мустаҳкам бўлишига ёрдам берадиган қотиш босқичи коагуляцион структура ҳосил бўлиш даври дейилади. Шу коагуляцион структура ҳосил бўлиш давридаги цемент хамири мустаҳкамлиги қуюқлашиш мустаҳкамлиги демакдир. Қуюқлашиш даражасига қараб шартли равишда цемент хамирининг қуюқланишининг бошланиш ва қуюқланишининг тугалланиш босқичлари бўлади. Кристалланиш босқичи портландцементнинг навбатдаги ва охирги қотиш даври ҳисобланади. Бу босқичда коллоид бўт қалардан бир-бирига чирмашган кристаллар ҳосил бўлади. Натижада, кристалл намат ёки кристалл тўр пайдо бўлади. Биринчи навбатда кальций гидроалюминатлардан ва қисман кальций гидроксиддан кристалл тўрлар ҳосил бўла бошлайди. Кальций гидросиликатлар эса анча вақтгача коллоид ҳолида туради. Шунинг учун цемент тошининг дастлабки қотиш давридаги мустаҳкамлиги кальций гидроалюминатлар, шунингдек, Са(ОН) 2 кристалларидан ҳосил бўладиган тўр мустаҳкамлигига боғлиқ. Бироқ цемент тоши бундан кейин, асосан гидросиликатлар ҳисобига мустаҳкамланиб боради. Гидросиликатлар аста- секин зичланиб кристалланади. Зичланган коллоид бўтқалар ва гидросиликатнинг кристалл ҳосилалари гидроалюминатлар ва Са(ОН) 2 нинг кристалл тўрларига қараганда анча мустаҳкам бўлади. Асосан, Са(ОН) 2 билан ўзаро фаол таъсир этиши натижасида, аморф қумтупроқдан ташкил топган гидравлик қўшилмалар портландцементнинг чучук сувга чидамлилигини оширади. Бунинг сабаби шундаки, Са(ОН) 2 билан SiO 2 ўзаро реакцияга киришганда нисбатан яхши эрийдиган оҳак қум-тупроқ билан эримайдиган кальций гидросиликатни СаОSiO 2  nН 2 О ҳосил қилади.

Стандартда кўрсатилган талабларга мувофиқ, портландцемент 45 дақиқадан кейин қуюқлаша бошлайди ва 12 соатдан кейин ниҳоясига етади. Янги тайёрланган бетон ва қоришмани цементнинг қуюқланишини бошланишигача ишлатиб бўлиши керак. Акс ҳолда бетоннинг мустаҳкамлиги пасайиб кетади. Шунинг учун қурувчиларнинг ўзлари ишлатаётган цементнинг қуюқланиш муддатларини билишлари жуда муҳим. Ҳарорат ортиб бориши билан цементнинг қуюқлашиши тезлашади, ҳарорат пасайиши билан эса секинлашади. Цемент хамирининг қуюқ лашиш жараёнида С 3 А асосий рол ўйнайди. Уч кальцийли алюминат қандай тезликда қуюқлашса, гипс қўшилмаган майдаланган портландцемент клинкери ҳам тахминан шундай тезликда қуюқлашади. Портландцементнинг мустаҳкамлиги намуналарнинг сиқи лишдаги ва эгилишдаги мустаҳкамлик чегараси билан ифодала нади. Портландцемент шу кўрсаткичларга кўра маркаланади. Маркалар ўлчами 4x4x16 см бўлган балкачаларнинғ эгилишдаги мустаҳ-камлик чегарасига ва ярим балкачаларнинг сиқилишдаги мустаҳ-камлик чегарасига қараб белгиланади. Бу намуналар оғирлик бўйича 1:3 нисбатда тайёрланган пластик цемент қоришмасидан тайёр-ланиб, 28 кун қотирилади ва шундан кейин синалади. 28 кун қоти-рилган намунанинг сиқилишдаги мустаҳ камлик чегараси цементнинг фаоллиги деб аталади. Агар цементнинг фаоллиги 54,6 МПа бўлса, унинг маркаси 500 қилиб белгиланади. Цементнинг мустаҳкамлигидан мумкин қадар тўла фойдаланиш учун унинг фаолли-гини ҳисобга олиш керак. Бетоннинг шўрланиши бетон таркибидан оҳак сутининг ювилиб чиқишидир. Бу жараён цементнинг тўлдиргичлар билан ёпишишини сусайтиради ва бетон конструкциянинг мустаҳкам лигини камайтиради. Кўпинча бетон карбонат кислотали сув таъсирида ҳам емирилади. Аввалига эриган карбонат кислота Са(ОН) 2 билан реакцияга киришиб СаСО 3 ҳосил қилади: Са(ОН) 2 +СО 2 =СаСО 3 +Н 2 О.

Бу жараённинг яхши томони шундаки, яхши эрийдиган Са(ОН), ўзига нисбатан 40 марта кам эрийдиган СаСО 3 га айланади. Бироқ 1 литрда СО 2 250–300 миллиграмм бўлганда, қуйидаги иккиламчи жараён содир бўлади: СаСО 3 +СО 2 +Н 2 О=Са(НСО 3 ) 2 . Осон эрийдиган кальций бикарбонат (Са(НСО 3 ) 2 ), кейинчалик цемент- тошдан ювилиб чиқиб кетади. Унинг ўрнига яна Са(ОН) 2 ҳосил бўлади. Цемент-тош минералларининг деярли ҳаммаси эрийди. Цементнинг сув таъсирида емирилишини камайтириш масаласини немис олими Михаэлис ва рус олими А.А.Байков қотаётган портландцементдаги сувда яхши эрийдиган эркин оҳакни фаол қум-тупроқ кўп бўлган қўшилма ёрдамвда боғлаш йўли билан ҳал қилди. Бундай қўшилма табиий пуццоландир. Агар бетон таркибидаги сувда эриган тузлар бўлса, кимёвий эриш жараёни кетади. Тузлар деярли ҳамма сувлар таркибида бўлиб, улар цемент-тош сифатини бузади. Дарё сувининг бир тоннасида ўрта ҳисобда 1,5 кг. гача туз бўлади. Дарё сувининг тузлари: кальций сульфат ва калий карбонатдан ташкил топган бўлса, денгиз сувидаги тузлар таркибида: 78 % ош тузи, 11 % магний хлорид, 5 % магний сульфат ва 4 % кальцийнинг турли тузлари мавжуд. Шу сабабли одатдаги портландцемент сув ости гидротехник иншоотлари қуришда ишлатилмайди. Портландцемент таркибига 20 %дан ортиқроқ диатомит, тре-пел, пемза, опока, глиеж, глинит каби пуццолан қўшилмалар қўшиш билан унинг сульфатли сувларга чидамлилигини оягариш мумкин. Бундай цемент пуццолан портландцемент деб аталади. Цемент тошнинг сувли муҳитда емирилишини асосий белгиларига қараб уч турга бўлиш мумкин: 1-тур емирилиш - таркибий қисмлари эриб кетиши натижасида; 2-тур емирилиш - сувдаги моддалар билан цемент-тош тарки бий қисмлари орасидаги алмашинув реакциялари натижасида; 3-тур емирилиш - цемент хамири ғовакларида кам эрийдиган тузларнинг чўкиш ва кристалланиши натижасида.

Табиий сувлар таъсиридаги бетон буюмлари ва конструкция ларининг емирилишини асосий белгиларига кўра қуйидагича таснифлаш мумкин: — цемент тошидаги кальций гидратнинг ўз-ўзидан эриб бетон дан ажралиб чиқиб кетиши, ювилиб ишқорсизланиб еми рилиши; — рН қиймати камида 7 га тенг бўлган кислота таъсирида емирилиши; — кислота емирилишининг бир тури бўлган ва цемент тоши емирилишига сабабчи бўлувчи карбонат кислота емирилиши; — сульфат емирилиши, у ўз навбатида қуйидагиларга бўли нади: а) концентрацияси 0,25 - 0,3 дан 1 г/л. гача бўлган ионла рнинг таъсирида вужудга келадиган сульфоалюминат емири лиш; б) эритмадаги концентрацияси 1 г/л. дан кўп бўлган, асосан сульфат ионлари ( S О 4 -2 ) таъсирида вужудга келувчи сульфо алюминат-гипсли емирилиш; в) таркибида кўп миқцорда М g +2 , S О 4 2- ва К 2 S О 4 бўлган сувлар таъсирида амалга ошадиган гипсли емирилиш; — магнезиал емирилиш, бу ҳам ўз навбатида қуйидагиларга бўлинади: а) сувда ( S О 4 -2 ) ионлари бўлмаган ҳолда магний катионлари таъсирида вужудга келувчи магнезиал емирилиш; б) М g 2+ ва S О 4 2 - ионларининг биргаликдаги таъсири натижасида цемент, тошида содир бўладиган жараёнларни ифодаловчи сульфо-магнезиал емирилиш.

Фойдаланилган адабиётлар рўйхати 1. Йўлдошев Н.Қ., Умаржонов А.М. Иқтисодиёт ва менежмент. - Т.: ТДИУ, 2005 2. Ш.Н.Зайнутдинов, Н.Р.Қодирходжаева. “Менежмент” фани бўйича ўқув- услубий мажмуа. “Иқтисодий таълимдаги ўқитиш технологияси” сериясидан. Т.: ТДИУ, 2006, 156 б 3. Ш.Н.Зайнутдинов, Н.Р.Қодирходжаева. “ Менежмент” фани бўйича ўқув услубий таълим технологияси. Услубий қўлланма. “Иқтисодий таълимдаги ўқитиш технологияси” сериясидан. Т.: ТДИУ, 2006, 185 б 4. Йўлдошев Н.Қ., Қозоқов О.С. Менежмент. Дарслик . - Т.: Фан, 2004. 5. Герчикова В.И. Менеджмент. Учебник. – М.; 2003 6. Галкович Р.С., Набоков А. М. Менеджмент. Учебник. – Перм ь , 2000 7. Виханский О. С. , Наумов А. И. Менежмент. Учебник . – М.: Экономика , 2003 (61-125) . 8. Дятлов А. Н. Общий менеджмент: Концепции и комментарии: Учебник. - М.: Альпина Бизнес Букс, 2007. - 400 б . 9. Загородников С.В. Краткий курс по менеджменту: учеб. пособ. –М.: “ Окей – книга ” , 2007.-160 б . 10. Иваньков А.Е., Иванькова М.А. Менеджмент: учебный минимум. –М.: “ Юриспруденция ” , 2008. -32 б . 11. Ивашковский С. II . Экономика для менеджеров: Микро и макроуровень: Учеб. пособ. - М.: Дело, 2007. - 440 б. 12. Ильин Е.П. Мотивация и мотивы. – СПб. Питер, 2008.-512 б . 13. www. morozov. ru – Россия Менежмент ва бозор академиясининг расмий сайти. 14. www.edu.ru 15. www.som.pu.ru 16. www . cfin . ru – Корпоративный менеджмент . 17. www . salesmanagment . ru – Управление продажами .

Похожие

Минерал боғловчи моддалар

Органик боғловчи моддалар

Минерал боғловчи моддалар

Минерал боғловчи моддалар

Органик боғловчи моддалар ва ашёлар архитектурада