Yevropa valyuta tizimi rivojlanish istiqbollari - Экономика - Курсовые работы

Yevropa valyuta tizimi rivojlanish istiqbollari

Загружено в:

13.09.2023

Скачано:

0

Размер:

461.6435546875 KB

Yevropa valyuta tizimi rivojlanish istiqbollari Reja: Kirish. 1. Yevropa valyuta tizimi rivojlanish istiqbollari. 2. Jahon valyuta tizimining rivojlanish bosqichlari va istiqbollari Xulosa. Adabiyotlar ro’yxati.

Kirish Bozor iqtisodiyotini asoslarini yaratish va rivojlantirish borasida amalga oshirilayotgan iqtisodiy islohotlar tobora rivojlanish va byudjet munosabatlariga ta’sir etishining muhim omili bo`lgan byudjet va moliya tizimi ham shu tarzda isloh etishni, uning barqarorligi va samaradorligini oshirishni talab qiladi. Davlatimiz rahbari valyuta siyosatining naqadar muhim ahamiyatga ega ekanligini inobatga olgan holda o’zining 2021-yil Oliy Majlisga Murojaatnomasida bunga alohida to’xtalib “valyutani erkinlashtirish siyosatini izchil davom ettirib, barqaror monetar siyosatni amalga oshirishimiz shart..” 1 deb takidlagandi. D unyo miqyosida xalqaro valyuta-kredit munosabatlari sohasida jiddiy, olamshumul oʼzgarishlar yuz bermoqdaki, mazkur holat xalqaro valyuta-kredit munosabatlariga bagʼishlangan yangi ilmiy tadqiqotlar olib borish, darsliklar va oʼquv qoʼllanmalar yozish zaruriyatini yuzaga keltirmoqda. Soʼnggi yillarda xalqaro valyuta munosabatlarida sezilarli oʼzgarishlar kuzatildi: jumladan, tashqi bozorlardagi valyutalar va ularning tovar taʼminoti oʼrtasidagi aloqadorlik yoʼqoldi; bozor ishtirokchilari uchun valyutalarning likvidliligi, ularning tovarga ayirboshlash qobiliyatidankoʼra muhimroq ahamiyat kasb eta boshladi; mamlakatlarning toʼlov balansidagi kapitallar va kreditlar harakati joriy operatsiyalar harakatidan hajmboʼyicha koʼpayib, oʼrnini almashtirdi; rezerv valyuta maqomi uchun rivojlanganmamlakatlar oʼrtasida raqobat kuchaygani kuzatildi. Har bir davlat oʼz valyutakursi rejimini barqarorligini taʼminlash uchun yuqori likvidlilikka egaboʼlgan xorijiy valyutalarni zaxira sifatida yigʼishlariga, zarurat tugʼilganda esa, ular hisobidan kurs shakllannishi jarayoniga aralashishlariga toʼgʼri keldi.Shu kabi holatlar xalqaro valyuta tizimida keskin islohotlarni taqozo etadi. Mavzuning dolzarbligi: Yevropa davlatlari bilan iqtisodiy aloqalar kengayib borayotgan bir davrda Yevropa valyuta tizimini o’rganish va tahlil qilish biznes vakillariga, korxonalarga va siyosatchilarga iqtisodiy landshaftni yo'lga qo'yishda va Yevropa davlatlari bilan hamkorlik va savdo imkoniyatlarini yanada oshirishda yordam berishi mumkin. 1 https://xs.uz/uz/post/ozbekiston-respublikasi-prezidenti-shavkat-mirziyoevning-olij-mazhlisga-murozhaatnomasi

Yevropa O’zbekiston uchun muhim savdo sherigi hisoblanadi. Yevropa valyuta tizimi bilan tanishish valyuta kurslari, savdo siyosati va moliyaviy qoidalar haqida ma’lumot beradi, bu esa korxonalarga Yevropa davlatlari bilan xalqaro savdo va investitsiya faoliyati bilan shug’ullanishda asosli qarorlar qabul qilish imkonini beradi. Kurs ishining maqsadi: Yevropa valyuta tizimining shakllanish xususiyatlarni o’rganish hamda mavjud ma’lumotlarni tahlil qilish asosida milliy valyuta tizim barqarorligini ta’minlashga qaratilgan nazariy hamda amaliy xulosa takliflar ishlab chiqish. Kurs ishining obyekti: Yevropa valyuta tizimi tarkibiga kiruvchi valyuta tizimlari va ularning joriy holati. Yevropa valyuta tizimini o'rganish akademik va tadqiqot nuqtai nazaridan qimmatli bo'lishi mumkin. Bu pul-kredit nazariyasi, xalqaro iqtisod va valyuta ittifoqlarining faoliyatini chuqurroq tushunish imkonini beradi. Bu bilimlar O’zbekistonda akademik tadqiqotlar, siyosat tahlili va iqtisodiy modellashtirishning rivojlanishiga hissa qo’shishi mumkin. Garchi Yevropa valyuta tizimi O’zbekistonning milliy valyutasi yoki pul-kredit siyosatiga bevosita ta’sir ko’rsatmasada, bu boradagi bilimlarga ega bo’lish istiqbollarni kengaytirishi, xalqaro hamkorlikni rivojlantirishi va Yevropa bilan iqtisodiy integratsiyani osonlashtirishi mumkin.

1. Jahon valyuta tizimining rivojlanish bosqichlari va istiqbollari Valyuta munosabatlari - tashqi savdo, iqtisodiy va ilmiy-texnik hamkorlik, xorijga kredit hamda qarzlarni berish va olish, valyuta va valyuta aktivlarini sotib olish bilan bog`liq bitimlarni amalga oshirishda ishtirok etadigan, valyuta bilan bog`liq munosabatlardir. Valyuta munosabatining ayrim elementlari - antik davrda - Qadimgi Gretsiya va Qadimgi Rimda - qarzga pul to`lashga berilgan tilxat va pul almashtirish shaklida paydo bo`lgan. Keyingi bosqich bo`lib, Yapon, Antverpen va G`arbiy Yevropani boshqa savdo markazlarida “veksel yarmarkalari” rivojlanishi bilan yuzaga chiqqan. Bu davrda hisob-kitoblarni amalga oshirish, valyuta yordamida amalga oshirilgan. Feodalizm davrida va kapitalistik ishlab chiqarish rivojlanishida, xalqaro hisob-kitoblarni amalga oshirish tizimi banklar orqali rivojlandi. O`tgan asrga kelib esa, xalqaro munosabatlar o`zining mutlaqo yangi ko`rinishini boshdan kechirdi. Shunday qilib, xalqaro valyuta munosabatlari rivojlanishi, ishlab chiqarish kuchlari rivojlanishi, jahon bozori tashkil etilishi, xalqaro mehnat taqsimotini chuqurlashuvi, jahon xo`jaligining tarkibiy tuzilishi hamda xo`jalik munosabatlari baynanmilallashuvining natijasidir. Valyuta munosabatlari ishtirokchilariga quyidagilar kiradi: davlat (hukumat, Markaziy va davlat banklari), xalqaro tashkilotlar, yuridik shaxslar (tijorat banklari, korxonalar: import va eksport qiluvchilar, birjalar) va jismoniy shaxslar (brokerlar, chayqovchilar va sayyohlar). Zamonaviy tashqi iqtisodiy aloqalarda, shu bilan birga valyuta munosabatlarida siyosat va iqtisodiyot, diplomatiya va tijorat, sanoat va savdo uyg`unlashib borayotganligini kuzatish mumkin. Xalqaro valyuta munosabatlarining davlat tomonidan shakllantiriladigan huquqiy- tashkiliy shakli valyuta tizimi deyiladi. Milliy, hududiy va jahon valyuta tizimlarini ajratib ko`rsatish mumkin. Milliy valyuta tizimi deganda ma`lum davlatni, boshqa davlatlar bilan pulli hisob-kitoblarini amalga oshirishda qo`llaydigan usullari, instrumentlari va

milliy organlarining umumiy yig`indisi tushuniladi. Milliy valyuta tizimi nisbatan mustaqil va faoliyat doirasi milliy chegaralardan chiqsada, u mamlakat pul-kredit tizimining tarkibiy qismi hisoblanadi. Milliy va jahon valyutalar tizimlari aloqasi va rivojlanishi, ularning elementlarida namoyon bo`ladi (1-jadval). Hududiy valyuta tizimi - milliy va jahon valyuta tizimlarining oraliq elementi hisoblanib, u mamlakatlar hududiy guruhi integratsiyasiga xizmat qiladi. Bunga misol qilib, Yevropa valyuta-iqtisodiy ittifoqini keltirish mumkin. Jahon valyuta tizimi - bu, alohida olingan milliy iqtisodiyotni jahon xo`jaligi bilan bog`lovchi mexanizmdir. 1- jadval Milliy va jahon valyuta tizimining asosiy elementlari 2 Milliy valyuta tizimi Jahon valyuta tizimi Milliy valyuta Milliy valyutani konvertirlanish shartlari Milliy valyuta pariteti Milliy valyuta kursining tartibi Valyutaviy chegaraning va nazoratning bor yukligi Mamlakatning xalqaro valyuta likvidligini tartibga solish Xalqaro kredit ayriboshlash vositalaridan foydalanishni tartibga solish Mamlakatning xalqaro hisob-kitoblarini tartibga keltirish Milliy valyuta bozori va oltin bozorining tartibi Mamlakatni valyuta munosabatlarini boshqaruvchi va tartibga soluvchi milliy organlar Xalqaro valyuta hisob-kitob birliklari valyuta zahirasi Valyutalarni o`zaro konvertirlanish shartlari 2 http://www.bankir.ru

Valyuta paritetini birxillashtirish tartibi Valyuta kursining tarribining reglamentatsiyasi Valyutaviy chegaralarning davlatlararo tartibga solish Xalqaro valyuta likvidligini davlatlararo tartibga solish Xalqaro kredit ayriboshlash vositalaridan foydalanish qoidalarini yaxlitlashtirish Xalqaro hisob-kitoblarning asosiy shakllarini yaxlitlashtirish Jahon valyuta bozori va oltin bozorining tartibi Davlatlararo valyutaviy tartibga solishni amalga oshiruvchi xalqaro tashkilotlar Xalqaro kelishuvlar, ikkiyoqlama va ko`pyoqlama shartnoma va aktlar, jahon valyuta tizimining huquqiy asosini tashkil etadi. Jahon valyuta tizimining asosiy maqsadi - eksport va import uchun to`lovlarni, tovar, kapital, xizmatlar va boshqa faoliyat turlarini amalga oshirishda xalqaro hisob-kitoblarni tashkil etish orqali samarali vositachilik qilish, shuningdek, xalqaro mehnat taqsimotini rivojlantirish uchun, mamlakatlar o`rtasidagi munosabatlarda qulay muhitni yaratishdan iborat. Jahon valyuta tizimi yordamida iqtisodiy resurslarning bir mamlakatdan boshqasiga ko`chish i yoki aksincha, ushbu jarayon chegaralanishi, milliy iqtisodiyot mustaqilligi cheklanishi yoki kengayishi, iqtisodiy muammolarni (masalan, ishsizlik, inflyatsiya) bir mamlakatdan boshqasiga “ko`chib o`tishi” mumkin. Jahon valyuta tizimi faoliyat yuritish va tartibga solishning alohida mexanizmlariga ega va jahon xo`jaligining global maqsadlarini ko`zlasada, u milliy pul va hududiy valyuta tizimlari bilan chambarchas bog`langan. Jahon valyuta tizimi xalqaro pul munosabatlari tashkil topishining tarixiy shakli bo`lib, u davlatlararo shartnomalar orqali mustahkamlangan. Jahon, hududiy va milliy valyuta tizimlari doirasida, quyidagi moliyaviy operatsiyalar amalga oshiriladi: 1) Valyuta konvertirlanishi - milliy valyutani xorijiy valyutaga almashtirish;

2) Tijorat banklari va birjalarda valyuta oldi-sotdi operatsiyalari. Bu valyuta dilingi deyiladi. Hozirgi kunda, operatsiyalarning asosiy qismi naqd pulsiz holda amalga oshiriladi. Bir bankdan boshqasiga pul o`tkazish vakillik hisobvaraqlar orqali amalga oshiriladi. Banklararo amaliyotda LORO (Siz bizda) va NOSTRO (biz Siznikida) hisobvaraqlari mavjud. 3) Tijorat banklarining depozit-kredit deb nomlanuvchi, valyuta mablag`larini jalb qilish va joylashtirish bilan bog`liq operatsiyalari. Bu operatsiyalar - o`zaro kreditlash, o`z va jalb qilingan mablag`larni joylashtirish, kreditlarni taqdim etish, rasmiylashtirish va monitoring bilan bog`liq banklararo operatsiyalardir. 4) Tashqi savdo operatsiyalarida, xalqaro amaliyotda qabul qilingan turli shakldagi hisob- kitoblarda bank xizmati ko`rsatish; 5) Oltin va fond instrumentlari (mulkchilik titullari, obligatsiyalar, ikkilamchi moliyaviy instrumentlar va h.k.) sotish yoki sotib olish maqsadida, moliya bozorida amalga oshiriladigan operatsiyalar. Bu operatsiyalarning barchasi investitsiya maqsadlarida, shuningdek, chayqovchilik yoki xejerlash (sug`urta) maqsadlarida amalga oshiriladi. Banklar ushbu operatsiyalarni o`z nomidan yoki mijoz topshirigiga ko`ra amalga oshiradilar; 6) Kredit (debit) kartochkalarining egalariga xizmat ko`rsatish bilan bog`liq operatsiyalar; 7) Bank xalqaro transfertlari (dividend, foiz, pensiya to`lovi, aliment, hadyalar, sayyohlarga xizmat ko`rsatish va h.k.) amalga oshirish. Zamonaviy valyuta tizimi, uning ham hududiy (geografik jihatdan), ham vaqt jihatdan (kechayu-kunduz ishlovchi valyuta bozori), ham texnologik jihatdan (axborot texnologiyalari va tarmoqlarining yaxlitligi) globallashganligi bilan tavsiflanadi. Zamonaviy valyuta tizimining globallashuvining o`ziga xos jihatlari quyidagilardan iborat: • valyuta kurslari va foiz stavkalarining kutilmaganda va keskin

o`zgarishi bilan tavsiflanadigan bozor mexanizmi; • bir tomondan, oldindan kutilmagan voqealarga (neft falajlari yoki Germaniyaning birlashuvi kabi) tezda moslashishga zarurat, boshqa tomondan, mamlakatlar hukumatlarining inflyatsion siyosat yuritishi va davlat qarzdorligi o`sishi siyosatidan kafolatlovchi ma`lum xalqaro tartibga solish instrumentlarini yaratish. Jahon valyuta tizimining eng asosiy xususiyati shundaki, u har doim o`zgarib, rivojlanib turadi. Bu o`zgarishlarning eng umumiy sabablari - jahon xo`jaligini rivojlantirishdagi xalqaro hamkorlikning kuchayishi, tovar ishlab chiqarish va bozorlarning baynalminallashuvidir. Bugungi kunda uni tartibga solish mexanizmlarining doimiy o`zgarishi va valyuta tizimining barqarorligi, valyuta tizimining evolyutsiyasi bilan qanchalik mos tushishiga bog`liq. Xalqaro valyuta tizimlarining ma`lum shakllari, ishlab chiqarishning rivojlanishi, xalqaro aloqalar, milliy pul tizimlari, jahon maydonidagi kuchlar nisbatiga, yetakchi mamlakatlarning manfaatlariga qarab belgilanmoqda. 1-rasm.Yevro-dollar(EUR USD) almashinuv kursi yillar kesimida 3 3 https://www.macrotrends.net/2548/euro-dollar-exchange-rate-historical-chart

Jahon valyuta tizimining rivojlanish bosqichlari Parij jahon valyuta tizimi (1867-1914y.) Pulning xalqaro almashuvi, xuddi pulning o`zi singari qadimiy bo`lsada, hozirgi shaklda valyuta bitimlarining paydo bo`lishi XIX asr oxiriga borib taqaladi. Birinchi jahon valyuta tizimi - 1865 yilda to`rtta G`arbiy Yevropa mamlakatlari tomonidan tashkil etilgan va «Oltin andozasi» asosida faoliyat yuritgan - Lotin tanga ittifoqi hisoblanadi. Mazkur valyuta tizimi, rasmiy ravishda 1867 yilda Parij konferentsiyasida tan olindi va dunyoning 30 dan ortiq mamlakati tomonidan maxsus xalqaro shartnomaga imzo chekildi. Bu valyuta tizimi Oltin andozasi»ga ya`ni, oltinni etalon (mezon) metall sifatida qabul qilishga asoslangan milliy pul tizimlarini birlashtirdi. Shuning uchun ham Parij valyuta tizimi «Oltin tanga andozasi» deb yuritila boshlandi. Bunga muvofiq, jahon puli oltin tangalar va oltinga konvertirlanadigan pullardan tashkil topgan edi. Oltin andoza tartibi bosqichma-bosqich uch shaklni boshdan kechirdi. 1914 yilgacha oltin tanga bosqichi, 1922 yildan 1929 yilgacha oltin qo`yilma andozasini, 1944 yildan 1971 yilgacha oltin deviz andozasi. Oltin tanga andozasi davrida zarbxonalar oltin qo`yilmalardan oltin tangalar ishlab chiqarish huquqiga ega edilar. Bu erkin tarzda va deyarli tekin amalga oshirilgan, shuning uchun ham, bu tangalar pul massasining asosini tashkil qilgan. Qog`oz pullar xuddi oltin tangalar qatori muomalada bo`lgan va ular oltinga to`la konvertirlangan. Oltin bilan konvertirlanganlik doimo ta`minlanishi uchun, qog`oz pullar emissiyasi chegaralangan. Yangi tizimning dunyo bo`ylab keng tarqalishi bilan, unga bo`lgan ishonch ortdi. Bu amalda, xalqaro hisob-kitoblarda to`lov vositasida oltin va boshqa shu kabi qimmatbaho metallarni olish yoki berish o`rniga, xorijiy schetni debitlash yoki kreditlash orqali to`lovni amalga oshirishga olib keldi. Valyuta dilerlari qo`lida telegraf, telefon, teletayp kabi vositalarning paydo bo`lishi, xalqaro valyuta savdosini professional darajada yuritishga imkoniyat berdi. Parij valyuta tizimi birinchi jahon urushigacha amalda bo`ldi. Uning asosiy

xususiyati, paritetlari oltinga nisbatan o`rnatiladigan, belgilangan valyuta stavkalarida edi. Bu davlat tomonidan kafolatlangan bo`lib, «valyutaning oltin pariteti» yoki «valyutaning oltin tarkibi» deb nom oldi. Oltin tanga andozasi davrida, oltin hisobiga ikkiyoqlama funktsiya amalga oshirilgan. Mazkur funktsiyalar: xalqaro hisob-kitoblarda tan olingan to`lov vositasi sifatida hamda bir vaqtning o`zida, ichki bozorda yagona qabul qilingan almashuv va to`lov vositasi edi. Oltin ushbu funktsiyalarni ta`minlashi uchun, quyidagi shartlar bajarilishi shart bo`lgan: 1) Markaziy bank oltinni, belgilangan kurs bo`yicha, chegaralangan miqdorda sotishni va sotib olishni kafolatlashi. 2) Oltin egasiga, davlat zarbxonasida tayyorlangan oltinni tanga va quyma shaklida har qanday miqdorda saqlashi. Oltin zahiralarni saqlash jarayoni esa, tezavratsiya degan nom olgan. 3) Oltinning import va eksporti chegaralanmaganligi. Ushbu shartlarning bajarilishi, tangani metall qiymati va nominali har doim bir xilda bo`lishi ta`minlangan. O`z-o`zidan, oltin tanga andozasi sharoitida, likvidlilik - sanoat maqsadlari uchun zarur bo`lgan oltinni ishlab chiqar ish tezligi va oltinning miqdori bilan aniqlangan. Barcha valyutalar va oltin o`rtasidagi yaqin bog`liqlik, xalqaro hisob-kitoblarni amalga oshirishda, ma`lum ta`sirini o`tkazdi. Oltin andozasining avtomatik faoliyati deb ataladigan jarayon quyidagicha amalga oshdi: to`lov balansida taqchillik mavjud mamlakat, ma`lum miqdordagi oltinni chet elga olib chiqishi shart bo`lgan. Bu muomaladagi pul massasini kamaytirib, deflyatsiyaga olib kelgan (deflyatsiya - muomaladagi pul massasi o`sishini chegaralash jarayoni, inflyatsiyaning teskarisi). Va aksincha, bir mamlakatdan ikkinchi mamlakatga oltinning olib kelinishi, ikkinchisida inflyatsiyani keltirib chiqar gan. Shu yo`l bilan hosil qilingan narxlar o`rtasidagi farq, oltin olib chiqilgan mamlakat uchun foydali hisoblangan. Eksportni kengaytirish,

importni qisqartirish orqali, bunday mamlakat to`lov balansini yaxshilagan. Shuningdek, tartibga solish jarayonida pul (oltin) taqchil bo`lgan mamlakatda hisob stavkalarini oshirish va aksincha, pul (oltin) ortiqcha bo`lgan mamlakatda hisob stavkasini tushirish qo`llanilgan. Yuqoridagilar natijasida yuzaga keladigan kapital ko`chishi, ikki mamlakat o`rtasi dagi to`lov holati balanslanishiga yordam bergan. 2- jadval Yevropa Ittifoqi inlatsiya ko ’ rsatkichlari 4 Ko’rsatkichlar J oriy O’ tga n Birlik Sana Inflatsiya darajasi 7.00 6.90 percent Apr 2023 Inflatsiya darajasi (oy) 0.60 0.90 percent Apr 2023 Iste’mol chi narx indeksi CPI 123.10 122.34 points Apr 2023 Core Inflation Rate 5.60 5.70 percent Apr 2023 Core Consumer Prices 115.87 114.74 points Apr 2023 YaIM Deflator 117.32 114.84 points Dec 2022 Ishlab chiruvchi indeksi 154.90 157.40 points Mar 2023 Producer Prices Change 5.90 13.30 percent Mar 2023 Import narxlar 116.00 119.90 points Mar 2023 Oziq - ovqat inflatsiyasi 15.00 17.50 percent Apr 2023 E nergiya narxlari 151.84 153.08 points Apr 2023 Energiya inflatsiyasi 2.40 -0.90 percent Apr 2023 Xizmatlar inflatsiyasi 5.20 5.10 percent Apr 2023 Inflatsiya kutilmalari 5.00 4.60 percent Mar 2023 Oltin andozasi sharotida, birja almashuv kurslari juda tor chegarada +1%ga 4 https://tradingeconomics.com/euro-area/inflation-cpi

tebranishi mumkin edi. Bu holat yuqori va quyi «oltin nuqtalari», deb nom oldi. Rasmiy paritetdan bunday og`ishishni, oltin oldi-sotdisi paytida fraxt va sug`urta bilan bog`liq xarajatlarning kelib chiqish i, tashiladigan oltin qiymatining +l%ini tashkil etganligi bilan tushuntirish mumkin. Agar, ma`lum valyutaning almashuv kursi, o`z paritetidan yuqori bo`lsa, xorijiy valyutani sotib olishdan, oltinni tashib keltirish arzon hisoblangan. Debitor o`z pulini oltinga almashtirib, qarz to`lagan. Boshqa tomondan, agar valyuta kursi tushsa, kreditor qarzni oltin bilan to`lanishini talab qilgan. Bu tizimda valyuta munosabatlari davlatning aralashuvidan xolis tarzda amalga oshirilganligidan hamda almashuv kursining tebranishi sezilarsiz bo`lganligidan, valyuta riski past edi. Mazkur tizim 1914 yilgacha amalda bo`ldi. Birinchi Jahon urushi yillarida yuzaga chiqqan iqtisodiyot uchun yirik hajmdagi zaruriy mablag`lar, faqatgina qo`shimcha pul chiqarish yo`li bilan qondirilishi mumkin edi. Ichki bozorga salbiy ta`sirini inobatga olib, ko`pgina mamlakatlar oltin andozasiga asoslangan qoidalarni bekor qiluvchi chora-tadbirlarni qo`lladilar. Bu esa, Parij Jahon valyuta tizimini amalda parokandalikka olib keldi. Genuya jahon valyuta tizimi (1922-1929y). Ikkinchi jahon valyuta tizimi 1922 yilda o`tkazilgan xalqaro Genuya konferentsiyasi qarorining natijasi edi. Bu tizim - oltin andozasiga taalluqli bo`lib, uning yangi ko`rinishi «oltin qo`yilma andozasi» hisoblanadi. Oltin qo`yilma andozasi amal qilgan sharoitda, muomaladagi pullar yoki qisman, yoki to`liq qog`oz pullar edi. Huquqiy jihatdan, mazkur qog`oz pullarni hohlagan paytda emission bankdan oltinga almashtirish mumkin bo`lgan. Amalda esa, ushbu pullarning ma`lum qismini shu yo`l bilan almashtirish mumkin bo`lgan. Emission bank, albatta, pulni to`liq ta`minlash uchun zarur bo`lgan oltinni saqlashi shart emas edi. Belgilangan ta`minot (oltin) qanchalik oz bo`lsa, davlatning qo`shimcha qog`oz pullarni chiqarish imkoniyati shunchalik ko`p bo`lgan. Shu sababli, muomaladagi qog`oz pul miqdori saqlanadigan metall pul miqdoridan yuqori bo`lgan. Oltinga almashinadigan valyutalar sifatida dollar, frantsuz franki va funt sterling tanlandi. Genuya valyuta tizimi atigi 1929 yilgacha amalda bo`ldi. Ushbu tizimning parokandalikka uchrashiga asosiy sabab, urushdan keyingi inflyatsiya ta`sirida

valyuta pariteti norealligining o`sib borishi bo`ldi. Aksariyat mamlakatlarda inflyatsiya sur`atlarining turli darajada bo`lishi, xalqaro narxlarga bog`liqlikda nomutanosiblikning kuchayishiga olib keldi. Masalan, 1925 yilda funt sterling dollarga nisbatan 44 foizdan past bo`lmagan baholanishga ega bo`lgan. Ko`pgina mamlakatlarda, iqtisodiyotning ichki va tashqi sohalarida dollar orqali muvofiqlashtirish sezilarli darajadagi inflyatsiyani keltirib chiqardi. Bitta valyutaning almashinuv kursining pasayishi, boshqalarining ham qayta baholanishiga olib keldi. Oldingi paritetni tiklash maqsadida, almashuv kursi ko`tarilgan mamlakatlarda ham inflyatsiya yuz berdi. Natijada, yuzaga kelgan devalvatsiya barcha asosiy valyutalarga ta`sir etdi. Ikki jahon urushi oralig`ida xalqaro pul tizimi barqarorligini buzilishiga sabab bo`lgan omillar, faqatgina inflyatsiya va devalvatsiya emas edi. 1931 yildan boshlab, butun jahon iqtisodiyotini falaj ahvolga solib qo`ygan inqiroz tufayli, valyuta nazorati joriy qilindi. Asosiy ehtiyojlarni qondirish bilan bog`liq, joriy to`lovlarni amalga oshirishga yetarli xorijiy valyuta zahirasini ta`minlash, nazorat qilishning asosiy vazifasi edi. Valyutalar nomlari Ramzli kodi Raqamli kodi O’zgartiris h Kurs 1 AQSH dollari USD 840 -31.97 11433.03 1 EVRO EUR 978 -54.37 12474.58 1 Rossiya rubli RUB 643 -3.46 148.27 2-rasm. Valyutalarning kurs va o’zgarishlari 5 . Buning uchun, hukumatlar xorijiy valyutaning importi va eksporti ustidan nazoratni amalga oshirishlariga to`g`ri keldi. Haqiqatda, tizim uchta valyuta blokiga ajraldi: dollar, funt streng va frank hududli. Bular Ikkinchi jahon urushigacha amal qildi. Shuni alohida ta`kidlash joizki, frank hududi, Afrikaning 5 https://www.google.com/finance/

frantsuz tilida so`zlashuvchi mamlakatlarida evro muomalaga chiqqunga qadar faoliyat yuritdi. Brettonvud jahon valyuta tizimi (1944-1972 yy.). 1943 yilga kelib, AQSH hamda Buyuk Britaniya erkin va barqaror valyuta tizimini barpo qilish uchun dastlabki qadamlarni qo`ydi. 1944 yilning iyul oyida Bretton-Vuds shaxrida bo`lib o`tgan konferentsiyada, AQSH oltin andozasiga asoslangan kontseptsiyaga o`tish tashabbusi bilan chiqdi. Shu vaqtning o`zida, yangi xalqaro valyutani tartibga solish tizimi faoliyatini nazorat qilish uchun, Xalqaro valyuta fondi (XVF)ni tashkil etish to`g`risida qaror qabul qilindi. 3-rasm. 26 may 2023 yil holatiga ko’ra yevroning so’mga nisbatan kursi 6 Yangi tartibning asosiy maqsadlari quyidagilardan iborat edi: • barqaror almashuv kurslariga ega bo`lgan, xalqaro valyuta tizimini tashkil etish; • qattiq valyuta nazorati bekor qilinishi va barcha valyutalarning konvertirlanishiga erishish. Brettonvud tizimining asosiy tomonlari quyidagi tamoyillarni o`z ichiga oladi: • mamlakatlar o`rtasidagi hisob-kitoblarda oltin o`zining oxirgi pul funktsiyasini saqlab qoldi; 6 https://www.google.com/finance/

• Amerika dollari zahira valyuta sifatida qabul qilindi. U oltinga tenglashtirilib, boshqa mamlakatlarning valyuta qiymatini o`lchash hamda xalqaro kredit to`lovi vositasi sifatida qabul qilindi; • boshqa mamlakatlarning Markaziy banklari va hukumatlari dollarni, AQSH xazinachiligidan 1 troya untsiyasi (31,1 g.) uchun 35 doll, kurs bo`yicha almashishi mumkin edi. Bundan tashqari, hukumat organlari va xususiy shaxslar oltinni xususiy bozorlardan xarid qilishlari mumkin edi. Oltinning valyuta bahosi rasmiy kurs asosida belgilanib, u 1968 yilgacha sezilarli darajada tebranmagan; • valyutalarning bir-biriga tenglashtirilishi va ularni o`zaro almashtirish, oltin va dollarda ifodalanadigan rasmiy valyuta paritetlarida amalga oshirilgan; • barcha mamlakatlar har qanday olingan boshqa mamlakat valyutasiga nisbatan, o`z valyuta kursi barqarorligini saqlashi shart edi. Valyutaning bozor kursi, oltin yoki dollarda belgilangan paritetdan 1 foizdan ortiq u yoki bu tomonga og`ishi mumkin emas edi. Paritetlarning o`zgarishi, to`lov balansidagi buzilishlar barqaror tus olsagina, mumkin hisoblanardi. Dollardan foydalanish ko`lamining ommaviy tus olishi bilan, oltindan foydalanish hajmi keskin pasaydi; • valyuta munosabatlarini davlatlararo tartibga solish, asosan, XVF tomonidan amalga oshiriladigan bo`ldi. O`tgan asrning 60-yillariga kelib Brettonvud tizimi, o`sib kelayotgan jahon xo`jaligining baynalmilallashuvi, TMKlarning valyuta sohasidagi chayqovchiligining boshlanishiga qarshilik qilardi. Oltin tartibidagi dollar andozasi tizimi, amalda asta-sekin dollar andozasi tizimiga aylanib bordi. O`tgan asrning 60-yillariga kelib, AQSH iqtisodiyotidagi orqaga siljish, va asosan, G`arbiy Yevropa va Yaponiya iqtisodiy qudratining o`sishi natijasida dollarning qadri sezilarli darajada tushdi. AQSHdan tashqarida bo`lgan

dollar zahiralari yirik evrodollar bozorini tashkil qildi. To`lov balansidagi yirik taqchillik, 1 untsiya uchun dollar narxini 35 dollarga oshishiga olib keldi. Valyuta tizimining larzaga kelishiga, shuningdek, turli mamlakatlarda turlicha iqtisodiy o`sish yuz berganligi ham o`z ta`sirini o`tkazdi. 1961 yil martida yuzaga kelgan sezilarli darajadagi ijobiy to`lov balansi natijasida, nemis markasi va golland guldenining revalvatsiyasi yuz berdi. Bir paytning o`zida, 1963 yildan boshlab, funt sterling qattiq bosim ostida qoldi. Ko`rsatilgan barcha yordamlarga qaramasdan, uch yillik inqiroz davrida, 1967 yilga kelib, funt sterling pariteti 2,80 dan 2,40 dollargacha devalvatsiya qilindi. Buning natijasida oltinga bo`lgan talab ortdi. Bularning barchasi oltinning kamayishiga olib keldi. Markaziy banklarni 1968 yilda oltin puli (ingl. )dan voz kechishga va oltin bozorining amerika sektoriga jamlanishiga olib keldi. Yevropa valyuta tizimi - jahon valyuta tizimining (Yamayka) quyi shaklidir. G`arbiy Yevropa integratsiya majmuining o`ziga xos jihatlari, uning Yamayka valyuta tizimidan farqlanuvchi quyidagi tarkibiy tamoyillari bilan tavsiflangan edi: • Yevropa valyuta tizimi, evropa valyuta birligi - EKYuga asoslanadi; • Oltinning amaldagi zahira aktivlar sifatida ishlatilishi; • Valyuta kurslarining tartibi belgilangan, o`zaro tebranishlar doirasidagi valyutalarning «evropa valyuta iloni» shaklidagi suzishiga asoslanishi; • Yevropa valyuta tizimida valyutaning davlatlararo hududiy tartibga solinishi, markaziy banklarga valyuta interventsiyasi bilan bog`liq bo`lgan to`lov balanslarining vaqtinchalik taqchilligini qoplashga kreditlar ajratish yo`li bilan amalga oshiriladi. EKYu bilan SDRning taqqoslama tavsifi, ularning umumiy va farqli jihatlarini ochib beradi. Umumiylik ularning: xalqaro hisob-kitoblarda jahon kredit pullar sifatidagi ko`rinishida; banknotlarda emas, balki naqd pulsiz shaklda amal qilishida; ular shartli qiymatini aniqlashda valyuta savati usulidan foydalanishda; schetlarda chegaradan ortiq saqlagani uchun emitentni mamlakatlarga foiz to`lashi zarurligi kabilarda namoyon bo`ladi. EKYu va SDRning farqli jihati sifatida quyidagilarni ajratib ko`rsatish mumkin:

1. EKYuning emissiyasi, SDRnikidan farqli ravishda, Yevropa valyuta ittifoqiga a`zo mamlakatlar oltin va dollardagi rasmiy zahiralarining 20 foizini birlashtirish orqali ta`minlangan edi; 2. EKYuni emissiyasi SDRnikiga qaraganda egiluvchan edi. EKYuni chiqarish summasi oldindan rasmiy belgilan-magan edi va u Yevropa valyuta ittifoqiga a`zo mamlakatlar oltin-dollar zahiralarining o`zgarishiga qarab tartibga solingan; 3. EKYuni emissiya hajmi SDRnikidan ancha yuqori edi; 4. Valyuta savati nafaqat EKYuning kursini aniqlashga xizmat qilgan, balki u birorta xam xalqaro valyuta birligi bajarmagan hisob-kitoblarda valyutaning paritet setkasi vazifasini bajargan; 5. EKYuning kurs tartibi, o`zaro tebranishlar doirasida («evropa valyuta iloni») birgalikda suzishga asoslangan edi. Bu EKYu va boshqa evropa valyutalarning barqarorligini ta`minlardi; 6. SDRdan farqli ravishda, EKYu nafaqat rasmiy, balki xususiy sektorda ham qo`llanilgan. EKYu faoliyat doirasining kengayishiga quyidagi sabablar bor edi: • EKYu valyuta savati va «evropa valyuta iloni», valyuta riskini pasaytirardi; • xar qanday bank EKYuni valyuta savatiga mos ravishda «nazorat kila olardi». Bank o`z mijozi bilan kelishgan holda valyuta savatiga valyuta kushishi yoki undan olishi mumkin edi; • EKYU barqaror valyuta sifatida, mukobil jahon valyutasi hisoblangan nobarqaror dollardan ko`ra ko`proq jahon xo`jaligining ehtiyojlarini qondira olardi. Bir-necha yil davom etgan kizgin tortishuvlardan so`ng, 1987 yilda valyuta integratsiyasining rivojlanishida muhim rol uynagan, Yagona evropa akti imzolandi. 1991 yil «Delor rejasi» asosida, valyuta-iqtisodiy ittifoqni bosqichma-

bosqich shakllantirishni ko`zda to`tuvchi, Yevropa ittifoqi to`g`risidagi Maastrixt shartnomasi ishlab chiqildi. 1992 yilning fevralida Maastrixtda (Niderlandiya) 12 ta mamlakat tomonidan Yevropa ittifoqi shartnomasi ro`yxatdan o`tkazildi va 1993 yilning 1 noyabridan ishga tushdi. Keyinchalik EIiga Avstriya, Finlandiya, Shvetsiya kushildi. Maastrixt shartnomasiga asosan, iqtisodiy va valyuta ittifoqi uchta bosqichda amalga oshiriladi. Birinchi bosqich (1990 yil 1 iyul - 1993 yil 31 dekabr) - EI iqtisodiy va valyuta ittifoqining tashkil topishi. EIni tashkil etish bo`yicha barcha tayyorgarlik ishlari ishlab chiqildi. Shuningdek, bu davrda EI ichida va EI bilan boshqa uchinchi mamlakatlar o`rtasida kapitalning harakatlanishi bo`yicha barcha to`siqlar olib tashlandi. EIga a`zo mamlakatlar iqtisodiy rivojlanish ko`rsatkichlarini yaqinlashtirish bo`yicha, shuningdek, inflyatsiyaga qarshi va davlat byudjeti siyosatini muvofiqlashtirish bo`yicha qator chora-tadbirlar ishlab chiqildi. Ikkinchi bosqich (1994 yil 1 yanvar - 1998 yil 31 dekabr) a`zo-mamlakatlarni evroni qabul qilish bo`yicha harakatlari yanada aniqlashtirildi. Ushbu bosqichda, Yevropa Markaziy bankining (EMB) huquqiy, tashkiliy, moddiy-texnik holatini belgilash uchun Yevropa valyuta instituti tashkil etildi. Shuningdek, mazkur bosqichda: • a ` zo mamlakatlarning markaziy banklari tomonidan davlat sektori korxonalariga yordam ko ` rsatish hamda davlat qarzlarini sotib olishni ta ` qiqlovchi qonunlar qabul qilindi ; Xuddi shu ta ` qiqlar EVI tashkil etilishining uchinchi bosqichiga kelib , EMBga tegishli bo ` ldi ; • davlat sektori korxonalarining moliya institutlarini mablag ` laridan foydalanishdagi imtiyozlari bekor qilindi ; • a`zo mamlakat davlat sektorining majburiyat-larini boshqa mamlakat yoki EI tomonidan olinishi ta`qiqlandi; Bu tadbir «kafolatlashdan bosh tortish to`g`risidagi kelishuv» degan nom oldi; • ishtirokchi-mamlakat davlat byudjetidagi taqchillikning me`yoridan

(davlat byudjeti taqchilligi YAIMga nisbatan 3 foiz, davlat qarzlari YAIMga nisbatan 60 foizdan) oshirmasligi talabi qo`yildi; • zarur bo`lganda, markaziy banklarga xuddi EMB kabi maqom va mustaqillik berish qabul qilindi. 1998 yil 2 mayda Yevropa Ittifoqi EVIining uchinchi bosqichida qaysi mamlakatlarga evroga utishga ruxsat berish haqidagi qarorni qabul qildi. Uchinchi bosqichda (1999-2002yy.)1999 yilning 1 yanvaridan boshlab, evro hududiga kiruvchi ishtirokchi mamlakatlarning milliy valyutalari evro kursiga nisbatan belgilandi, evro ularning umumiy valyutasi bo`ldi. U EKYuni ham 1:1 nisbatda almashtirdi. Ishtirokchi- mamlakatlar uchun yagona pul-kredit siyosatini yurituvchi EMB o`z faoliyatini boshladi. Yagona pul-kredit siyosatining instrumentlari orqali, tijorat banklari va yirik kompaniyalarni evroda operatsiyalarni amalga oshirishi rag`batlantirildi. 1999 yilning1 yanvaridan boshlab, hisob-kitoblar uchun, evro hududiga kiruvchi mamlakatlarning milliy valyutalarini evroga nisbatan qattiq kursi belgilandi: Valyuta 1 evroga teng bo`lgan milliy valyutalar birligiBelgiya franki 40,3399 Nemis markasi 1,95583 Ispan pesetasi 166,386 Frantsuz franki 6,55957 Irlandiya funti 0,787564 Italiya lirasi 1936,27 Lyuksemburg franki 40,3399 Gollandiya guldeni 2,20371 Avstriya shillingi 13,7603 Portugaliya iskudosi 200,482 Finlandiya markasi 5,94573 3-jadval. 1 yevroga teng bo’lgan yevropa mamlakatlarining milliy valyutasi 7 . 1999-2002 yillarda o`zaro naqd pulsiz hisob-kitoblarda evro va unga bog`langan milliy valyutalardan foydalanildi, hududning barcha davlat hamda xususiy sektor 7 https://www.google.com/finance/

aktiv va passivlari evroda nominatsiya qilina boshladi. Evro ittifoqni yagona pul- kredit va valyuta siyosati yuritila boshlandi hamda EIning umummilliy bank institutlarining faoliyati boshlandi. 2002 yilning 1 yanvarida muomalaga evro banknoti va tangalari chiqarildi, u milliy pul birliklari bilan parallel ravishda faoliyat yuritdi va milliy pullarni evroga almashtirish amalga oshirila boshlandi. 2002 yilning 1 iyulidan milliy valyutalar muomaladan chiqarilib, ishtirokchi mamlaqatlaming xo`jalik aylanmasi butunlay evroga utdi. Lekin, evro hududiga Buyuk Britaniya, Shveytsariya va Daniya mamlakatlari kirishni hohlamadilar. EIning yagona valyuta va kredit bozorida qator moliya operatsiyalarining davlat tomonidan tartibga solinishini birxillashtirish va erkinlashtirish kutilmoqda, xususan: • sug`urta va pensiya fondlari endilikda, evro hududida investitsiya faoliyati bilan shug`ullanishda bir xil huquqqa ega bo`ladilar. Bu ularni majburiy tarzda davlat qimmatbaho qog`ozlarini sotib olishga bo`lgan amaldagi tartibdan kutulib, o`z portfellarini diversifikatsiya qilish imkoniyatini beradi; • davlat qimmatbaho qog`ozlarini joylashtirish bo`yicha birlamchi dilerlar, chegaralangan milliy ustunligini yo`qotadilar; • ayrim mamlakatlarda, hozirgi kunda maxsus ruxsat talab etiladigan va kuchmas mulk garovi evaziga beriladigan kreditlar, evro hududida erkin va tez ko`chib o`tuvchi tus oladi; • hozirgi kunda, milliy pul-kredit siyosatining manfaatlarini ko`zlab, o`z hududida hamkor-mamlakat banklari faoliyatini nazorat qilish amaliyoti bekor bo`ladi; • EIda soliq tizimlarining integratsiyasi jadallashadi. Umuman, mutaxassislarning flkricha, evroning muomalaga kiritilishi bilan xalqaro iqtisodiy, jumladan, moliya munosabatlarida sezilarli o`zgarishlar amalga oshishi bashorat qilinmoqda. Evro hududida pul va kapital bozorida takliihing kengayishi kutilmoqda, chunki evro hududi mamlakatlari valyuta zahiralarini

oldingi hajmda saqlashga ehtiyoj bo`lmaganligidan, valyuta zahiralari hajmini qisqartirish amalga oshirilmoqda. Bu holat, mazkur bozorlarni yanada erkin va dinamik bo`lishiga olib keladi, unda asosiy hal qiluvchilik roli davlatdan, xususiy qarz beruvchilarga o`tadi. Investitsiyalarning asosiy oqimi esa, davlat majburiyatlariga emas, balki korxonalar qimmatbaho qog`ozlarini sotib olishga yo`naltiriladi. Bu, fond bozori bilan ishlab chiqarishni bog`lab, kapital aylanmasini tezlashtiradi. Evroni kiritilishi banklar uchun EIda yagona bank xizmati bozorini, shuningdek, yagona davlat va korporativ qimmatbaho qog`ozlar bozorini vujudga kelishini bildiradi. Sanoat korxonalari uchun, evroning kiritilishi, undan baho va to`lov vositasi sifatida foydalanish, shuningdek, hisob-kitoblar hamda valyuta riskini sug`urtalash bilan bog`liq xarajatlar pasayishini bildiradi. Bu ayniqsa, moliya korxonalarini soglomlash-tirishda muhim rol o`ynaydi. Ular aktsiyalarining daromadligi oshadi va nisbatan yaxshi rivojlanmagan Janubiy Yevropa davlatlari iqtisodiyotini Shimoliy davlatlar darajasiga tenglashishini tezlashtiradi. Jahon moliya markazlari masalasida esa, agar Buyuk Britaniya evro hududiga kushilmasa, unda yetakchilik mavqei Londondan Frankfurt-Mayn va Parijga o`tishi kutilmoqda. EIining valyuta va iqtisodiy birlashuvi, kelgusida jahon xo`jaligida kuchlar nisbatini «yangi Yevropa» foydasiga qarab o`zgarishiga hamda AQSH va Yaponiyaning jahondagi mavqeining kuchsizlanishiga olib kelishi mumkin.

Xulosa Xulosa qilib aytganda, hozirgi kunda jadal iqtisodiy rivojlanishlar davrida Yevropa valyuta tizimining tog’ri ishlashi muhim ahamiyat kasb etadigan masalalardan biri bo’lib kelmoqda. Yevroni kiritilishi banklar uchun bank xizmatlari va davlat hamda korporativ qimmatli qog’ozlarning YEI da yagona bozorini qaror topishi va yaratilishini bildiradi. Alohida mamlakatlarning mustaqil kredit reytingi asta- sekin individual milliy qarz oluvchilarning taqqoslama imtiyozlari foydasiga o'zining avvalgi ahamiyatini yo'qotadi. Sanoat korporatsiyalari uchun Yevroning kiritilishi Yevrodan baho va to'lov valyutasi sifatida foydalanish, hisob-kitoblar, valyuta tavakkalchiligini sug’urtalash bilan bog’liq xarajatlarning kamaytirilishini bildiradi. Ushbu moliyaviy korxonalarni sog'lomlashtirish aksiyalari daromadliligini o'sishi uchun muhimdir va Yevro zonasining nisbatan past darajada rivojlangan janubi asta- sekin asosiy ko'rsatkichlar bo'yicha shimol darajasiga yaqinlashib boradi. Valyuta tizimi - bu, milliy qonunchilik yoki davlatlararo kelishuvlar bilan mustahkamlangan valyuta munosabatlarini tashkil etish va muvofiqlashtirishning shaklidir. Yevropa valyuta tizimi - bu, yevropa bozori (xo’jaligi) ning rivojlanishi asosida shakllangan va davlatlararo kelishuvlar bilan mustahkamlangan yevropa valyuta munosabatlarini tashkil etish shaklidir. Yevropa valyuta tizimining tashkiliy asosi bo'lib, milliy valyuta tizimi hamda ushbu tizimga kirayotgan har bir mamlakat valyuta mexanizmini tashkil etilishining davlat-huquqiy shakli hisoblanadi. Sanoat korxonalari uchun, evroning kiritilishi, undan baho va to`lov vositasi sifatida foydalanish, shuningdek, hisob-kitoblar hamda valyuta riskini sug`urtalash bilan bog`liq xarajatlar pasayishini bildiradi. Bu ayniqsa, moliya korxonalarini soglomlash-tirishda muhim rol o`ynaydi. Ular aktsiyalarining daromadligi oshadi va nisbatan yaxshi rivojlanmagan Janubiy Yevropa davlatlari iqtisodiyotini Shimoliy davlatlar darajasiga tenglashishini tezlashtiradi. Jahon moliya markazlari masalasida esa, agar Buyuk Britaniya evro hududiga qo’shilmasa, unda yetakchilik

mavqeyi Londondan Frankfurt-Mayn va Parijga o`tishi kutilmoqda. YYEIining valyuta va iqtisodiy birlashuvi, kelgusida jahon xo`jaligida kuchlar nisbatini «yangi Yevropa» foydasiga qarab o`zgarishiga hamda AQSH va Yaponiyaning jahondagi mavqeining kuchsizlanishiga olib kelishi mumkin. Biz yevropa valyuta tizimini o’rganish orqali quyidagi taklif va xulosalarni berishimiz mumkin: - valyuta kurslarini aniqlash metodikalarini o ‘rgatish va unga ta’sir etuvchi omillarning ta’sir mexanizmini asoslab berish: - jahon valyuta tizimining evolyutsiyasi va elementlarini o’rganish; - milliy valyuta tizimining elementlariga baho berish; - to’lov balansini tuzish metodologiyasi, defitsiti va profitsitini aniqlash tartibini o’rganish; - xalqaro hisob-kitoblar balansining tarkibiy tuzilishiga baho berish; - valyuta bozorlarini amal qilish mexanizmi xususida chuqur bilim berish; - valyuta operatsiyalarining asosiy turlari va ulami amalga oshirish tartibini o’rganish; - valyuta siyosati va uning shakllariga baho berish, - xalqaro hisob-kitoblami amalga oshirish mexanizmini o’rganish; - xalqaro kredit va u bilan bog’liq bo’lgan dolzarb muammolaming mohiyatini ochib berish; - valyuta inqirozlarining yuzaga kelish sabablari, oqibatlari va unga qarshi kurash siyosati xususida batafsil ma’lumotlar berish; - xalqaro moliya institutlarining faoliyat yo’nalishlariga baho berish.

Adabiyotlar ro’yxati 1. O’zbekiston Respublikasi Konstitutsiyasi. 2021-yil. 2. «O’zbekiston Respublikasi Markaziy banki to’g’risida»giQonun. – T.: «O’zbekiston». 1995-yil. 3. O’zbekiston Respublikasining «Banklar va bank faoliyatito’g’risida»gi Qonuni. 1996-yil 25-aprel. 4. O’zbekiston Respublikasining «Tashqi iqtisodiy faoliyatto’g’risida»gi Qonuni. 2010-yil. 5. O’zbekiston Respublikasining bank tizimida valutanitartibga solishga oid qonunchilik hujjatlari to’plami. – T.: «O’zbekiston», 2014. 6. O’zbekiston bank tizimini isloh qilish va erkinlashtirishbo’yicha qonunchilik hujjatlari to’plami. – T.: «O’zbekiston», 2013-yil. 7. Abdullayeva Sh.Z. Bank ishi. O’quv qo’llanma. – T.«Moliya». 2017-yil Internet saytlari http://cbu.st.uz/uz/press http://uba.uz/news.aspx?nidq584 http://www.bfa.re.uz http://www.bankir.ru http://www.gov.uz http://www.uza.uz

Похожие

Xalqaro valyuta tizimi va uning o’zgarishi

Xalqaro iqtisodiy tashkilotlar va ularning vazifalari

Xalqaro pul kredit munosabatlari va ulari tartibga solish

O’zbekistonda iqtisodiy islohotlarni amalga oshirishda tashqi iqtisodiy faoliyatni erkinlashtrishning ahamiyati

Pul tizimi evalyutsiyasi va uning turlari