Diplomatik huquq asoslari - Юриспруденция - Курсовые работы

Diplomatik huquq asoslari

Загружено в:

09.10.2022

Скачано:

0

Размер:

63.056640625 KB

Diplomatik huquq asoslari Reja: KIRISH 1. TASHQI SIYOSAT VA DIPLOMATIYA TUSHUNCHASI 2. DAVLATNING TASHQI ALOQALAR OLIB BORUVCHI ORGANLARI TIZIMI 3. DIPLOMATIK VAKILNING AKKREDITATSIYASI, IMTIYOZ VA IMMUNITETLARI 4 .O’ZBEKISTON RESPUBLIKASIDA DIPLOMATIK XIZMATNING HUQUQIY ASOSLARI XULOSA FOYDALANILGAN ADABIYOTLAR RO’YXATI 1

KIRISH Mavzuning dolzarbligi. O’zbekiston Konstitutsiyasi 1991 yil 31 avgustda qabul qilingan «O’zbekiston Respublikasi davlat mustaqilligi asoslari to’g’risida»gi konstitutsiyaviy qonunning muhim jihatlarini rivojlantiradi. Ushbu hujjatda xalqaro huquq suveren davlat qurilishidagi muhim manba sifatida qabul qilinadi. Bu bilan O’zbekiston Konstitutsiya darajasida jahon hamjamiyatiga o’zining xalqaro huquqni umume’tirof etilgan normalari va printsiplariga sodiqligini ko’rsatdi. Ushbu holat yosh davlatni dunyodagi eng nufuzli xalqaro tashkilotlarga to’la huquqli a’zo bo’lib kirishi uchun imkon tug’diradi va O’zbekistonni diplomatik tan olinishi va mamlakatimizni xalqaro siyosiy, iqtisodiy va madaniy aloqalarga jadal kirib borishi uchun zamin yaratdi. Xalqaro munosabatlar - siyosiy, iqtisodiy madaniy, huquqiy, diplomatik, harbiy va boshqa aloqalarning, davlatlar hamda davlatlar tizimlari, asosiy siyosiy, iqtisodiy, madaniy tashkilotlar hamda harakatlarning o’zaro munosabatlari majmuidir. Xalqaro munosabatlar o’zining mohiyatiga ko’ra biron-bir davlatning vakolati va yurisdiktsiyasidan tashqariga chiqadi va bir qancha davlatlar yoki xalqaro hamjamiyatning vakolati va yurisdiktsiyasining ob’ektiga aylanadi. Xalqaro munosabatlarda davlatlararo munosabatlar asosiy o’rinni egallaydi. Bundan tashqari davlatlararo harakaterga ega bo’lmagan Xalqaro aloqalarga- yuridik va jismoniy shaxslar (xorijiy elementlar yoki xalqaro elementlar), shuningdek Xalqaro hukumatga tegishli bo’lmagan va xalqaro xo’jalik tashkilotlari orasidagi aloqalar misol bo’la oladi. «O’zbekiston-xalqaro munosabatlarning teng huquqli sub’ekti» degan konstitutsiyaviy qoida O’zbekiston Respublikasining hozirgi dunyodagi o’rnini bildiribgina qolmay, mamlakatimizning haqiqatdan ham xalqaro hamjamiyatning ajralmas qismi ekanligini ko’rsatadi. Bu quyidagilarni anglatadi: 2

Birinchidan, O’zbekiston suveren davlat sifatida zamonaviy xalqaro huquqni umume’tirof etilgan printsiplari va normalari va o’zi qo’shilgan xalqaro shartnomalar bilan bog’liq bo’lib, davlatimizning roziligisiz boshqa majburiyatlar zimmamizga yuklatilishi mumkin emas; Ikkinchidan, O’zbekiston hududida davlat hokimiyati chegaralanmaydi va xalqaro huquqning hech qaysi bir sub’ekti bunga aralashish huquqiga ega emas, o’zining hududidan tashqarida u o’z hokimiyatini faqat boshqa manfaatdor davlat roziligi bo’lgandagina amalga oshirishi mumkin; Uchinchidan, O’zbekiston xalqaro huquqning boshqa sub’ektlari bilan diplomatik aloqalarni amalga oshirib, ikki tomonlama va ko’p tomonlama xalqaro shartnomalarni tuzib, davlatlararo munosabatlarda bevosita qatnashadi 1 . Konstitutsiya asosida O’zbekiston Respublikasini xalqaro munosabatlarning teng huquqli sub’ekti ekanligini ko’rsatuvchi huquqiy asoslar yaratildi. Quyidagilar tashqi aloqalar sohasida qabul qilingan asosiy hujjatlardir: 1996 yilda qabul qilingan «O’zbekiston Respublikasining tashqi siyosiy faoliyatining asosiy printsiplari to’g’risida»gi Qonun, 1992 yilda qabul qilingan «Diplomatik vakolatxonalar boshliqlarini tayinlash va chaqirib olish to’g’risida»gi Qonun, 1992 yilda qabul qilingan «Diplomatik xodimlarning darajalarini o’rnatish to’g’risida»gi Qonun, tashqi iqtisodiy sohada emas, 1992 yilda qabul qilingan «Xorijiy sarmoyalar to’g’risida»gi Qonun, 2000 yilda qabul qilingan yangi tahrirdagi «Tashqi iqtisodiy faoliyat to’g’risida»gi qonun, «Xorijiy sarmoyadorlarning faoliyatini kafolatlash to’g’risida» 1994 yilda qabul qilingan qonun. O’zbekiston Respublikasining xalqaro miqyosdagi nufuzi ortib borayotgan bir vaqtda davlatlar o’rtasidagi munosabatlarning negizini tashkil qiluvchi diplomatik munosabatlar huquqi masalasini o’rganish muhim ahamiyatga ega. 1 Ўзбекистон Республикаси Конституциясига шарҳ. Т.: Ўзбекистон, 2001, 49-бет. 3

Kurs ishining maqsadi: Tashqi munosabatlarning mazmunini tashkil qiluvchi diplomatik huquq masalasini yoritib berish kurs ishining asosiy maqsadi hisoblanadi. Kurs ishining vazifalari: - Tashqi siyosat va diplomatiya tushunchasining mohiyatini yoritib berish; - Davlatning tashqi aloqalar olib boruvchi organlari tizimini aniqlab, ularning faoliyatini yoritib berish; - Diplomatik vakilning akkreditatsiyasi, imtiyoz va immunitetlarini o’rganish va ularni tahlil qilish; - O’zbekiston Respublikasida diplomatik xizmatning tashkil etilishi borasidagi normativ-huquqiy hujjatlarni tahlil qilish. 4

1. TASHQI SIYOSAT VA DIPLOMATIYA TUSHUNCHASI Diplomatik munosabatlarning vujudga kelishi uzoq tarixiy davrlarga borib taqaladi. “Diplomatiya” atamasi yunoncha “diploma” so’zidan kelib chiqqan. Diplomatiya davlatning tashqi siyosati maqsadi va vazifalarini tinch vositalar bilan amalga oshirish, shu bilan birga davlat va fuqarolarning xorijda xuquq va manfaatlarini muhofaza qilish bo’yicha uning tashqi munosabat organlari rasmiy faoliyati bilan belgilanadi. Diplomatik va konsullik huquqi davlatlar va xalqaro huquqning boshqa sub’ektlari o’rtasidagi munosabatlar tartibiga taalluqli printsiplar va normalar yig’indisidir. Diplomatik va konsullik huquqi xalqaro huquqning eng qadimgi tarmoqlaridan biridir. Ba’zida boshqa davlatlarga yuborilib turiladigan elchilar instituti juda qadim zamonlardayoq paydo bo’lgan 2 . O’sha davrda diplomatik huquqning dastlabki ko’rinishlari, avvalo elchilar daxlsizligi to’g’risidagi normalar payo bo’ldi. Keyinchalik, 16-18 asrlarda Yevropada doimiy diplomatiya vakolatxonalari paydo bo’lishi bilan rivojlanib borgan. Qadimgi Yunonistonda doimiy konsullik instituti, o’rta asrlarda ayniqsa tez rivoj topgan konsullik huquqi yuzaga keldi. Keng ma’noda olganda, siyosat - negizi muayyan hokimiyatni xalqaro munosabatlarning u yoki bu sohasi bo’yicha xalqaro sahnada (davlat hokimiyatini yoki davlat hukmronligini) qo’lga kiritish, saqlab turish va undan foydalanish muammosidan iborat ijtimoiy guruhlar o’rtasidagi munosabatlar bilan bog’liq faoliyat sohasidir. O’z navbatida, davlat aholining xalqaro hamjamiyatda ishtirok etishi, vakilligini taqdim etishi va o’z manfaatlarini himoya qilishi uchun zarur shakl kasb etgan jamiyat siyosiy tashkiloti sifatida namoyon bo’ladi. 2 Saidov.A. Xalqaro huquq. - T.: Adolat, 2001, 26-bet. 5

Davlatning tashqi siyosiy faoliyati ijtimoiy faoliyatning o’ziga xos mazmun kasb etuvchi shakllaridan biridir. U davlatning muayyan organlari bilan davlat siyosiy manfaatlarini ro’yobga chiqarish bo’yicha, avvalombor, xalqaro munosabatlarning turli sohalarida hukumronligini qo’lga kiritishi, saqlabturish va undan foydalanish bo’yicha shunga vakil qilingan shaxs o’rtasidagi sa’y-harakatlar mujassamligini o’zida namoyon etadi. Ayni chog’da, bunday faoliyatni e’tirof etilgan xalqaro normalarga rioya qilmay turib. Amalga oshirib bo’lmaydi. Xalqaro huquq normalari va printsiplari, diplomatiya faoliyati jarayonida shakllanar ekan, davlatlarning barcha asosiy guruhlari uchun maqbul bo’lgan kompromiss-murosa ko’rinishida ko’zga tashlanadi. SHu bois, ular aslida ham sinfiy mazmun kasb etmaydi. Davlatning o’z tashqi siyosatini xalqaro huquqda yo’l qo’yiladigan maxsus diplomatik tadbirlar, usullar va uslublar yordamida amalga oshirish nazariyada diplomatiya, deb ataladi. Keng ma’noda, « diplomatiya » tushunchasi davlatlar o’zaro munosabatlarini o’rnatadigan va saqlab turadigan, bir-birlari bilan aloqalarni yo’lga qo’yadigan hamda siyosiy yoki yuridik kelishuvlarni shu ishlar uchun maxsus vakillar orqali ro’yobga chiqaradigan barcha vositalarni qamrab oladi. SHu ma’noda, diplomatiya bir-biri bilan qurolli nizo holatida bo’lgan davlatlar o’rtasida mavjud bo’lishi mumkin. ammo bu tushuncha iqtisodiy va harbiy nizolarning moddiy jihatidan ko’ra, do’stona bo’ladimi yohud dushmanlik maqsadidami, yuzaga keladigan munosabatlarga ko’proq taalluqlidir. Tor ma’noda olganda, diplomati ya 3 - xalqaro muzokarolar yuritish san’atidir. Diplomatiya doirasi va shakli xalqaro huquqda belgilanadi. SHu bilan birga, diplomatiya xalqaro huquq normalarini yaratish va joriy etish vositasi ham hisoblanadi. Tashqi siyosat, diplomatiya va xalqaro huquqning xalqaro munosabatlar tizimidagi uzviy birligi hamda o’zaro bog’liqligi xuddi ana shunda namoyon bo’ladi. 3 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 126-bet. 6

Odatda diplomatiya doimiy diplomatiya vakolotxonalari almashinuvi bilan bog’liq va bunday doimiy (yoki, hech bo’lmaganda, muntazam) vakolotxona davlatlarga BMT va bshqa yirik hukumatlararo tashkilotlarga o’z a’zoligini moddiylashtirishi uchun zarur. Bundan tashqari, maxsusmissiyalar (yoki ad hoc diplomatiyasi) hamda davlatlarning konferentsiyalarida ad hoc (ya’ni muayyan munosabat bilan) vakillari mavjud bo’ladi 4 . Diplomatiya aloqalarini tartibga soluvchi xalqaro huquq normalari davlatlarning uzoq yillik amaliyoti natijasida ishlab chiqilgan va nafaqat ushbu amaliyotning o’zi bilan, balki milliy huquqning qonunchilik hujjatlari va sud qarorlari bilan ham tasdig’ini topadi. Ushbu sohaga oid huquq endilikda ma’lum darajada Diplomatik aloqalar to’g’risida Vena konventsiyasi (1961 yil) bilan kodifikatsiyalangan. Ushbu konventsiya o’zining qoidalarida «to’g’ridan-to’g’ri ko’zda tutilmagan» masalalarni tartibga soladigan xalqaro odat huquqi normalarini chetlab o’tadi va tabiiyki davlatlar u yoki bu qoidani shartnomaviy tartibda yoxud xulq-atvorga asoslangan sukutli bitim yo’li bilan o’zgartirish borasida erkindir. Tashqi aloqalar bo’yicha davlat organlarining maqomi va funktsiyalariga taaluqli (boshqacha qilib aytganda, davlatlararo rasmiy munosabatlarni o’rnatish va amalga oshirish tartibini me’yorga solib turuvchi) xalqaro-huquqiy normalar tizimi xalqaro-huquqiy amaliyotda diplomatiya huquqi, deb ataladi. Diplomatiya huquqi normalariga quyidagilar kiradi: birinchidan , diplomatiya vakolatxonalari almashish va ularning faoliyati bilan bog’liq holda yuzaga keladigan davlatlararo munosabatlarni tartibga soluvchi normalar; ikkinchidan , bir davlat tomonidan boshqasiga maxsus missiyalar, shu jumladan, u yoki bu tashqi siyosiy masalani xal etish uchun delegatsiya yoxud vakil yo’llash bilan bog’liq holda yuzaga keladigan munosabatlarni tartibga soluvchi normalar; 4 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 125-bet 7

uchinchidan , davlatlarning xalqaro tashkilotlarga vakillik qilishi hamda u yoki bu davlat hududida xalqaro tashkilotlarning faoliyat yuritishi bilan bog’liq holda yuzaga keladigan munosabatlarni tartibga soluvchi nomalar, shu jumladan, xalqaro tashkilotlar, xalqaro doiradagi mansabdor shaxslar va xizmatchilar imtiyozlari hamda immunitetiga doir normalar; to’rtinchidan , keyingi yillarda diplomatiya huquqiga konsullik huquqini kiritish bo’yicha harakatlar borligini, bu bir paytning o’zida diplomatiya va konsullik xizmatlarining tashqi ishlar mahkamasi doirasida birlashtirilganligi holati bilan izohlanadi. Xalqaro tashkilotlar, ularning mansabdor shaxslari va xizmatchilari immuniteti hamda imtiyozlariga doir masalalar, qoidaga ko’ra, muayyan xalqaro tashkilot a’zolari yoxud xalqaro tashkilot va u hududida o’z faoliyatini amalga oshirayotgan tegishli davlat o’rtasida tuziladigan maxsus shartnomalarda tartibga solinadi 5 . 5 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 135-bet. 8

2. DAVLATNING TASHQI ALOQALAR OLIB BORUVCHI ORGANLARI TIZIMI Diplomatik huquq yoxud tashqi aloqalar huquqi - xalqaro huquqning alohida mustaqil tarmog’i bo’lib, rasmiy davlatlararo munosabatlarni tartibga solib turadi. Tashqi aloqalar huquqi har bir davlatning markaziy hokimiyatiga tegishlidir. Tashqi aloqalarni an’anaviy ravishda ijroiya hokimiyat organlari amalga oshiradi. Har qaysi organning aniq vakolatlari konstitutsiyada va boshqa qonun hujjatlarida belgilanadi. Demak, xalqaro munosabatlarni muayyan davlat nomidan harakat qiladigan maxsus organlar amalga oshiradi. Har bir davlatning tashqi ishlar organlari shu davlat organlarining muhim tarkibiy qismidir. Davlatning tashqi funktsiyalarini amalga oshirishning muhim shakli diplomatik faoliyat hisoblanadi. Har bir davlatning tashqi ishlar bilan shug’ullanuvchi organlarini ikki guruhga bo’lish mumkin: birinchi guruh: davlat ichidagi tashqi ishlar organlari; ikkinchi guruh: xorijdagi tashqi ishlar organlari. Davlat ichidagi tashqi ishlar organlariga quyidagilar kiradi: 1) davlat boshlig’i; 2) parlament; 3) hukumat boshlig’i; 4) tashqi ishlar vaziri (1969 yildagi Xalqaro shartnomalar huquqi to’g’risidagi Vena konventsiyasining 7-moddasi). Xalqaro huquqqa muvofiq, o’z rasmiy maqomiga asosan, quyidagilar maxsus vakolatlarsiz davlat nomidan ish ko’radi. Davlat rahbarining vakolatlari prezidentlik respublikalarida ayniqsa katta ahamiyat kasb etadi. O’zbekiston Respublikasining Konstitutsiyasining 93- moddasiga muvofiq, Prezident davlat rahbari sifatida xalqaro munosabatlarda O’zbekiston Respublikasi nomidan ish ko’radi. U tashqi siyosat borasida rahbarlikni amalga oshiradi, muzokaralar olib boradi, shartnomalar va bitimlarni imzolaydi. Prezident chet davlatlardagi va xalqaro tashkilotlardagi diplomatik 9

vakillarni tayinlaydi. Prezident o’z huzurida akkreditatsiyadan o’tgan chet davlatlar diplomatik va boshqa vakillarning ishonch va chaqiruv yorliqlarini qabul qiladi 6 . Oliy Bosh qo’mondon sifatida Prezident urush holatlarini hisobga olib, xalqaro huquqda ko’zda tutilgan vakolatlarni, shu jumladan o’zini o’zi mudofaalash maqsadida qurolli kuchlardan foydalanish, neytarilitet e’lon qilish, sulh tuzish va hokazolarni amalga oshiradi. Parlamentar respublikalarda tashqi aloqalarni amalga oshirishda asosiy vazifa hukumatga tegishli bo’ladi. Parlament tashqi aloqalar bilan shug’ullanuvchi muhim organdir. Parlamaentning xalqaro ishlardagi ishtiroki O’zbekistonning xalqaro majburiyatlarini ifodalovchi qonunlar chiqarishi, shartnomalarni ratifikatsiya qilishda qatnashishi bilan belgilanadi. O’zbekiston Konstitutsiyasida parlamentning urush va tinchlik masalalariga taalluqli qonunlar qabul qilish vakolatlari alohida ko’zda tutilgan. Hozirgi kunda xalqaro munosabatlarda ham milliy parlamentlarning, ham xalqaro parlamentlararo tashkilotlarning o’rni tobora oshib bormoqda. Bu borada BMT bilan Parlamentlararo Ittifoqning o’zaro hamkorligi diqqatga sazovordir. Tashqi ishlar vazirligi davlatning tashqi aloqalarini boshqarish bilan shug’ullanuvchi ijro organidir. Ular markaziy devon, shuningdek chet davlatlardagi diplomatik vakolatxonalar va konsullik muassasalari, xalqaro tashkilotlar huzuridagi vakolatxonalardan iborat. Tashqi ishlar vazirligining asosiy vazifalari Vazirlar Mahkamasi tasdiqlagan O’zbekiston Respublikasi Tashqi ishlar vazirligi to’g’risidagi Nizomda belgilab berilgan. Davlatning xorijdagi tashqi ishlar organlariga quyidagilar kiradi: 1) diplomatik vakolatxonalar: elchixona va missiyalar; 2) konsullik vakolatxonalari; 3) xalqaro davlatlararo tashkilotlardagi vakolatxonalari; 4) xalqaro konferentsiyalardagi delegatsiyalar; 6 O’zbekiston Respublikasining Konstitutsiyasi. T.: O’zbekiston, 2012 yil, 93-modda. 10

5) maxsus missiyalar. SHunday qilib, davlatning tashqi aloqalarni olib boruvchi organlari faoliyati, huquqiy maqomi va funktsiyalarini tartibga soluvchi huquqiy normalar yig’indisi diplomatik va konsullik huquqi deyiladi. 3. DIPLOMATIK VAKILNING AKKREDITATSIYASI, IMTIYOZ VA IMMUNITETLARI Diplomatik huquq - davlatlar diplomatik vakolatxonalarining huquqiy maqomi va faoliyatini tartibga soluvchi normalar majmui. Diplomatik huquq manbaiga, avvalo, odat normalari kiradi. Ko’p jihatdan ushbu normalarni umum e’tirof etgan. Ular bir qator universal konventsiyalarda- 1961 yildagi Diplomatik munosabatlar to’g’risidagi Vena konventsiyasida, 1969 yildagi Maxsus missiyalar to’g’risidagi konventsiyada, 1973 yildagi Xalqaro himoyadan foydalanuvchi shaxslarga, shu jumladan diplomatik agentlarga qarshi jinoyatlarning oldini olish va bunday jinoyatlarni jazolash to’g’risidagi konventsiyada kodifikatsiyalangan va to’ldirilgan. Diplomatik munosabatlarni o’rnatish va vakolatxonalar ta’sis etish davlatlar o’rtasidagi bitimga muvofiq amalga oshiriladi. O’zaro diplomatiya munosabatlarining o’rnatilishi har doim ham o’z-o’zidan vakolatxona ta’sis etishga olib kelavermaydi. Diplomatik vakilni tayinlash va qabul qilish tartibi akkreditatsiya qilish deb ataladi. Vakolatxona boshlig’i tayinlanishiga qadar yuboruvchi davlat uning shu lavozimga tayinlanishi to’g’risida qabul qiluvchi mamlakatning roziligini (agreman) olishi zarur. Qabul qiluvchi mamlakat sababini izohlamagan holda agreman berishga rozi bo’lmasligi mumkin. Vakolatxona a’zolari printsip jihatidan akkreditatsiya qiluvchi davlatning fuqarolari bo’lishi kerak. Agreman olganidan va rasmiy ravishda tayinlanganidan keyin vakolatxona boshlig’iga uning o’zi mansub davlat rahbari imzolagan ishonch yorlig’i, ya’ni umumiy mazmundagi vakolatnoma beriladi. Akkreditatsiya qilish ana shu ishonch 11

yorlig’ini qabul qiluvchi davlat rahbariga topshirish bilan nihoyasiga yetadi va shundan keyin vakil o’z vazifasini ado etishga kirishishi mumkin. Diplomatik vakolatxonalarning turlariga - elchixona va vakolatxona, ulardan quyiroq darajada esa missiya kiradi. Vakolatxona darajasi odatda tegishli davlatlar o’rtasidagi munosabatlar holati qandayligiga bog’liq bo’ladi. Bunda farqlanishlar huquqiy emas, protokol jihatidangina ahamiyat kasb etadi. Vena konventsiyasida vakolatxona boshliqlari uch toifadan iborat ekani qayd etilgan: qabul qiluvchi davlat davlatlar rahbarlari huzurida akkreditatsiya qilingan elchilar va vakillar; tashqi ishlar vaziri huzurida akkreditatsiya qilingan ishonchli vakillar. Elchixonaga favqulodda va muxtor elchi, missiyaga esa vakil yoxud ishonchli vakil rahbarlik qiladi. Ishonchli vakilni muvaqqat ishlar bo’yicha vakildan farqlash joiz, chunki muvaqqat ishlar bo’yicha vakil elchi yo’qligida elchixonani vaqtincha boshqarib turishi mumkin. Maxsus missiya 1969 yilgi Maxsus missiyalar to’g’risidagi konventsiyada davlatning maxsus masalalarni hal etuvchi yoxud maxsus topshiriqni bajaruvchi muvaqqat vakolatxonasi sifatida belgilangan. Diplomatik vakolatxonaning asosiy vazifasi vakil qilib yuboruvchi davlatning vakolatxona joylashgan davlatda vakillik qilishidadir. SHuning asosida quyidagi boshqa vazifalar kelib chiqadi: qabul qiluvchi mamlakat hukumati bilan muzokaralar olib borish, o’z fuqarolari va yuridik shaxslari manfaatlarini himoya qilish, qabul qiluvchi mamlakatdagi shart-sharoitlar va voqea-hodisalar to’g’risida o’z hukumatiga axborot berib borish, iqtisodiyot, madaniyat, fan sohasida hamkorlikni rivojlantirish. Diplomatik immunitetlar va imtiyozlar davlat organi sifatida diplomatik vakolatxonaga va vakolatxona xodimlariga tegishli hisoblanadi 7 . Diplomatik vakolatxona binolari (xonalari) daxlsizdir. Q abul qiluvchi mamlakat ma’murlari ularga faqat vakolatxona boshlig’i roziligi asosidagina 7 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 140-bet 12

kirishlari mumkin. SHu bilan birga, ular binolarga (xonalarga) bostirib kirish va ziyon-zahmat yetkazishdan himoyalash borasida zarur choralar ko’rishga, vakolatxona faoliyat yuritishi uchun tegishli shart-sharoitni ta’minlashga majburdir. Daxlsizlik kemalar, samolyotlar kabi transport vositalariga ham taalluqli bo’lib, ular tintuvdan, rekvizitsiyadan, hibsdan va ijro harakatlaridan xolidir. Bunda avtoinspektsiyaning ko’cha harakati qoidalari buzilganligi holatlarini qayd etish va bular haqida Tashqi ishlar vazirligiga xabar berish huquqi istisno etilmaydi. Transport vositalari daxlsizligi diplomat hisoblanmaydigan haydovchilarga taalluqli emas. Misol uchun, 1995 yilning sentyabrida Moskvada garovda ushlab turishda ayblangan Saudiya Arabistoni elchixonasining haydovchisi hibsga olingan va so’ng sudlangan. Vakolatxona arxivlari va hujjatlari har qanday vaqtda va ularning qaerda joylashganidan, shu jumladan muvaqqat saqlash joylarida ekanidan qat’i nazar, daxlsizdir. Ushbu qoida hatto diplomatik aloqalar uzilgan hollarda ham amal qilaveradi. Vakolatxona bino (xona) bilan bog’liq barcha soliqlardan ozod etiladi (moliyaviy immunitet), biroq foydalanish sarf-xarajatlari (elektr energiyasi, suv ta’minoti bo’yicha va boshqa to’lovlar) bundan mustasnodir. Vakolatxona rasmiy ishlar uchun mo’ljallangan narsalarga bojxona to’lovi to’lashdan ozod etiladi (bojxona immuniteti). Vakolatxona o’z davlat bayrog’i va emblemasidan, navbatdan tashqari telegraf va telefon aloqasidan foydalanish imtiyozlariga ega. U rasmiy maqsadlarga qaratilgan aloqalarni amalga oshirishda, shu jumladan shifrdan foydalanishda erkindir. Diplomatik pochtani ochish mumkin emas, uni kuzatib boruvchi diplomatik kur ь erlar esa shaxsiy daxlsizlikdan foydalanadi. Vakolatxona xizmatchilariga qanday immunitet berilishi tegishli shaxsning qaysi xodimlar toifasiga mansub ekaniga bog’liqdir. Diplomatik darajaga ega diplomatik xodimlar to’liq immunitetdan foydalanadilar. Ular hibsga olinishi yoki biror shaklda ushlanilishi mumkin emas. Diplomatning turar joyi, hatto muvaqqat, 13

masalan mehmonxonadagi joyi, shuningdek unga tegishli buyumlar ham daxlsizdir 8 . Diplomat jinoiy, fuqarolik va ma’muriy yurisdiktsiyalari immunitetlaridan foydalanadi. Bu diplomat sudlov yurisdiktsiyasi va huquqni majburiy joriy etish yurisdiktsiyasidan chiqarilgan, deganidir. Tayinlash yurisdiktsiyasiga ko’ra esa, diplomat immunitetga ega bo’lmaydi, chunki u qabul qiluvchi mamlakat qonunlariga, shu jumladan maxsus diplomatlar uchun mo’ljallangan qonun hujjatlariga itoat etishga majbur. SHu bilan bir qatorda, diplomatlar o’zi mansub davlatning to’liq yurisdiktsiyasida bo’ladilar. Fuqarolik yurisdiktsiyasi immuniteti muayyan cheklashlarga ega bo’lib, bunda diplomat rasmiy maqomda bo’lmaydigan holatlar ko’zda tutilgan. Diplomatga nisbatan tegishli xususiy ko’chmas mulk yuzasidan mulk da’vosi; u vasiyatnoma ijrochisi, meros mulk vasiysi, merosxo’r yoki rad javobini oluvchi xususiy shaxs sifatida namoyon bo’lgan o’rinlarda esa, meros da’vosi qo’zg’atilishi mumkin. Jinoiy yurisdiktsiya immuniteti mutlaq mazmun kasb etadi hamda immunitet suiiste’mol etilgan hollarda ham ta’sir kuchiga ega bo’ladi. Bunda diplomatni nomaqbul shaxs deb tan olish va uni chaqirib olishlarini talab qilish asosiy jazo chorasi hisoblanadi. Diplomatni tavsiya etgan davlat uni o’zi akkreditatsiya qilingan mamlakatda sodir etgan jinoyati uchun jinoiy javobgarlikka tortish huquqiga egadir. Diplomat qabul qiluvchi mamlakat sudlarida guvoh sifatida ishtirok etishga majbur emas, lekin bu diplomatning qabul qiluvchi mamlakat iltimosiga binoan bunday guvohlik uchun rozilik berishini istisno etmaydi. Diplomat bojxona immunitetidan foydalanadi. Uning yuklari orasida olib kirish yoki olib chiqish taqiqlangan narsalar borligi yuzasidan jiddiy asoslar mavjud bo’lgan holatlar bundan mustasnodir. Bunday hollarda yukni ko’zdan kechirish diplomat yoki uning vakili huzurida amalga oshirilishi shart. 8 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 145-bet 14

Diplomatiya xodimlari moliyaviy immunitetdan foydalanadi - ular bevosita soliqlardan ozod etiladi. Diplomat bilan birga yashaydigan oila a’zolari ham, agar ular qabul qiluvchi davlat fuqarosi hisoblanmasa, bunday immunitetdan foydalanadi. Tegishli davlatdagi vakolatxonalarning diplomatik xodimlari diplomatik korpusni tashkil etadi va ularga qabul qiluvchi mamlakatda eng uzoq muddat ishlayotgan vakolatxona boshlig’i - duayen boshchilik qiladi. Ushbu korpus va uning duayeni protokol bo’yicha o’z vazifasini ado etadi. Diplomatik immunitet buzilganda, korpus norozilik bildirgan holatlar ma’lum 9 . Vakolatxona xizmatchilarining ikkinchi toifasi ma’muriy-texnik xodimlardan iborat. Ular tarkibiga buxgalterlar, shifrlovchilar, devonxona xizmatchilari, tarjimonlar va hokazolar kiradi. Keng tarqalgan amaliyotga muvofiq, 1961 yildagi Vena konventsiyasida ma’muriy-texnik xodimlar va ularning oila a’zolari, ayrim ahamiyatli istisnolar ko’zda tutilgan holda, diplomatiya xodimlariga sezilarli darajada tenglashtirib qo’yildi. Fuqarolik va ma’muriy yurisdiktsiya immuniteti xizmat vazifasidan tashqari hollarda sodir etilgan xatti-harakat uchun taalluqli emas. Mazkur xodimlar dastlabki zarur narsalar, ro’zg’or buyumlarini poshlinasiz olib kirishlari mumkin, ammo ular bojxona nazoratidan ozod etilmaydilar. Uchinchi toifa xizmat ko’rsatuvchi xodimlar (oshpazlar, bog’bonlar, qo’riqchilar, haydovchilar va boshqalar) dir. Bu guruh a’zolari o’zlarining xizmat vazifasini bajarish davrida sodir etgan xatti-harakatlariga nisbatan immunitetdan foydalanadilar va ularning xizmat maoshlari, agar ular qabul qiluvchi mamlakat fuqarolari bo’lmasa, soliqlardan ozod etiladi. Xalqaro tashkilotlarning va ular xodimlarining imtiyozlari hamda immunitetlari tashkilotlar nizomlarida, ko’p tomonlama konventsiyalarda va qabul qiluvchi mamlakat bilan tuzilgan ikki tomonlama bitimlarda belgilab qo’yiladi. 1946 yilda Bosh Assambleya BMT imtiyozlari va immunitetlari to’g’risidagi konventsiyani qabul qilgan. Konventsiyaga muvofiq, BMT mol-mulki sudlov 9 Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004, 145-bet 15

harakatlari daxl qilmasligi immunitetidan foydalanadi, shu bilan birga, ayrim hollarda bunday daxlsizlik huquqidan voz kechish ham mumkin. Tegishli binolar va arxivlar daxlsiz hisoblanadi. BMT mulki soliqlar va bojxona to’lovlaridan ozod qilinadi. Tashkilot aloqa vositalarining barcha turlarini qo’llaydi. BMT Bosh kotibi va uning o’rinbosarlari, shuningdek ularning oila a’zolari to’liq diplomatik immunitetdan foydalanadi. Boshqa mansabdor shaxslar funktsional immunitetdan foydalanadi: ular mansabdor shaxs sifatida sodir etgan xatti-harakati uchun sud oldida javobgar bo’lmaydi; BMT to’laydigan maoshlari soliqlarga tortishdan ozod etiladi. Mabodo tegishli immunitet odil sudlovni ro’yobga chiqarishga xalal bersa, Bosh kotib mansabdor shaxsga berilgan immunitetdan voz kechishi mumkin. BMTning ixtisoslashgan muassasalari va boshqa xalqaro tashkilotlar ham shu kabi immunitet va imtiyozlarga egadir. Xalqaro tashkilotlar huzuridagi davlatlar vakillarining immunitet va imtiyozlari mazkur tashkilotlarning ta’sis hujjatlari, ular a’zolarining ko’p tomonlama bitimlari, shuningdek tashkilotlar bilan qabul qiluvchi davlatlar o’rtasidagi ikki tomonlama bitimlarda belgilanadi. Bu boradagi bir talay odat normalari 1975 yilda qabul qilingan va hozircha kuchga kirmagan Davlatlarning universal mazmundagi xalqaro tashkilotlar bilan o’zaro munosabatlaridagi vakilligi to’g’risidagi Vena konventsiyasida kodifikatsiyalangan. Xalqaro tashkilotlar huzuridagi doimiy vakolatxonalarning faoliyati davlatlardagi diplomatik vakolatxonalar faoliyatiga bir qadar yaqindir. Ulardagi farq, avvalo, vakolatxonalarni ta’sis etish va xodimlarni tayinlash tartibida ko’rinadi. Vakolatxonani yoki kuzatuvchilar missiyasini ta’sis etish masalasi qabul qiluvchi davlat ishtirokisiz hal etiladi. Ishonch yorlig’i tashkilotning bosh mansabdor shaxsiga topshiriladi. Mavjud immunitet va imtiyozlar ham diplomatik immunitetlarga o’xshashdir. SHunday qilib, diplomatik huquq xalqaro huquqning eng qadimiy va muhim mustaqil sohasidir. Xalqaro huquqni diplomatik huquq sohasisiz tasavvur etib bo’lmaydi. Diplomatik huquq zamonaviy xalqaro huquqning eng 16

kodifikatsiyalangan sohalaridan biridir. Hozirgi kunda diplomatik huquq davlatlarning tashqi siyosiy funktsiyalarini amalga oshiruvchi ichki davlat organlari faoliyatini borgan sari ko’proq tartibga solmoqda. Bundan tashqari, davlatlarning diplomatik faoliyatini tartibga soluvchi ichki davlat qonunchiligi ham jadal rivojlanmoqda. Zamonaviy diplomatik huquqning manbalari xilma-xildir. Ular qatoriga xalqaro shartnoma, xalqaro-huquqiy odat va qo’shimcha manba sifatida milliy qonunchilik kiradi. Xalqaro shartnoma diplomatik huquqning asosiy manbaidir va uning quyidagi turlari mavjud: 1) universal xalqaro shartnomalar. Masalan, 1961 yilgi Diplomatik munosabatlar to’g’risidagi konventsiya zamonaviy diplomatik huquqning yadrosi bo’lib, universal kodifikatsiyalangan hujjatdir; 2) davlatlar o’rtasidagi ikki tomonlama xalqaro shartnomalar; 3) davlatlar va xalqaro tashkilotlar o’rtasidagi xalqaro shartnomalar; 4) xalqaro tashkilotlar o’rtasidagi xalqaro shartnomalar. 17

4 . O’ZBEKISTON RESPUBLIKASIDA DIPLOMATIK XIZMATNING HUQUQIY ASOSLARI Avvalambor, diplomatik xizmatga oid eng muhim masalalar O’zbekiston Respublikasining Konstitutsiyasi bilan tartibga solinadi. Konstitutsiya: birinchidan, O’zbekiston Respublikasi tashqi siyosatining asosiy printsiplarini mustahkamlagan (17-modda) 10 ; ikkinchidan, xalqaro huquqning umum e’tirof etgan printsiplari va normalari milliy qonunchilikdan ustunligini e’tirof etgan (Muqaddima): uchinchidan, O’zbekistonning tashqi aloqalar olib boruvchi organlari tizimini o’rnatgan. Bundan tashqari, O’zbekistonda tashqi siyosat va diplomatik huquqqa oid bir qator maxsus qonunlar qabul qilingan. Bunday qonunlar jumlasiga quyidagilar kiradi: «Diplomatik darajalar va martabalarni o’rnatish to’g’risida»gi O’zbekiston Respublikasining qonuni (1992) va «O’zbekiston Respublikasining chet davlatlarda diplomatik vakolatxona boshliqlarini tayinlash va chaqirib olish to’g’risida»gi O’zbekiston Respublikasining qonuni (1992). Ushbu qonunlar ichida «O’zbekiston Respublikasining chet davlatlardagi diplomatiya vakolatxonalari boshliqlarini tayinlash hamda chaqirib olish tartibi to’g’risida»gi va «O’zbekiston Respublikasining diplomatiya xodimlari uchun diplomatiya daraja va martabalari belgilash to’g’risida»gi qonunlar O’zbekistonda diplomatik xizmatni tashkil etishning huquqiy asoslarini tashkil etadi. Agar birinchi qonun O’zbekiston Respublikasining diplomatiya vakolatxonalari boshliqlarini tayinlash hamda chaqirib olish tartibini «Diplomatik munosabatlar to’g’risida»gi 1961 yildagi Vena konventsiyasiga hamda boshqa umum e’tirof etgan xalqaro-huquqiy normalar va qoidalarga muvofiq belgilab bersa, ikkinchi qonun esa, O’zbekiston Respublikasining diplomatiya xodimlari uchun diplomatiya darajalari va martabalarini belgilab bergan. O’zbekiston Respublikasining chet davlatdagi diplomatiya vakolatxonasining boshlig’i O’zbekiston Respublikasi Prezidentining farmoni bilan tayinlanadi va 10 O’zbekiston Respublikasi Konstitutsiyasi.- T.: O’zbekiston. 2012, 17-modda 18

chaqirib olinadi. Bu lavozim nomzodligiga doir taklifni O’zbekiston Respublikasi Tashqi ishlar vazirligi tegishli idoralar bilan kelishgan holda kiritadi. O’zbekiston Respublikasining Prezidenti ma’qullagan diplomatiya vakolatxonasi boshlig’ining nomzodini O’zbekiston Respublikasi Tashqi ishlar vaziri vakolatxona joylashgan mamlakat Tashqi ishlar vazirligiga (yozma) taqdim etib, uning roziligini (agreman) so’raydi. O’zbekiston Respublikasi diplomatiya vakolatxonasining boshlig’ini tayinlash vakolatxona joylashgan mamlakatning rasmiy roziligi olinganidan keyin amalga oshiriladi. Vakolatxona joylashgan mamlakatdan javob olingunga qadar diplomatiya vakolatxonasining boshlig’i lavozimiga nomzod xususidagi ma’lumotlar maxfiy hisoblanadi. Favqulodda va muxtor elchi yoki favqulodda va muxtor vakil tayinlangan mamlakatga jo’nab ketgunga qadar O’zbekiston Respublikasi Tashqi ishlar vazirligi unga boradigan davlatining rahbariga topshirishi uchun O’zbekiston Respublikasi Prezidenti imzolagan hamda O’zbekiston Respublikasining Tashqi ishlar vaziri imzosi bilan tasdiqlagan ishonch yorlig’ini tayyorlaydi. O’zbekiston Respublikasining ishonchli vakiliga O’zbekiston Respublikasi Tashqi ishlar vazirining qabul qiluvchi mamlakat Tashqi ishlar vazirligi nomiga yozilgan maktubi beriladi. O’zbekiston Respublikasi diplomatiya vakolatxonasining boshlig’i quyidagi hollarda O’zbekiston Respublikasi Prezidentining farmoni bilan chaqirib olinadi: 1) diplomatiya vakolatxonasining boshlig’i almashtirilganda; 2) diplomatiya vakolatxonasining boshlig’i nomaqbul shaxs (persona non grata) deb e’lon qilinganda; 3) davlatlar o’rtasidagi diplomatik munosabatlar uzilganda; 4) davlatlar o’rtasida urush holati e’lon qilinganda; 5) davlat xalqaro huquq sub’ekti sifatida yo’qolganda. 19

O’zbekiston Respublikasining chet davlatlardagi diplomatiya vakolatxonalarining boshqa a’zolari O’zbekiston Respublikasi tashqi ishlar vazirining buyruqlari bilan tayinlanadilar va chaqirib olinadilar 11 . O’zbekiston Respublikasida O’zbekiston Respublikasi diplomatiya vakolatxonalari boshliqlarining 3 darajasi belgilangan: 1) chet davlat boshlig’i huzurida akkreditatsiya qilinadigan favqulodda va muxtor elchi; 2) chet davlat boshlig’i huzurida akkreditatsiya qilinadigan favqulodda va muxtor vakil; 3) chet davlat tashqi ishlar vaziri huzurida akkreditatsiya qilinadigan ishonchli vakil. O’zbekiston Respublikasi vakolatxonalarining boshliqlari mansub bo’lishi loyiq ko’rilgan daraja diplomatiya munosabatlari o’rnatayotgan davlat o’rtasidagi ahdlashuvda belgilab qo’yiladi. O’zbekiston Respublikasida quyidagi diplomatiya martabalari - O’zbekiston Respublikasining chet davlatlardagi vakolatxonalarining diplomatiya xodimlariga beriladigan alohida xizmat unvonlari belgilanadi: 1) favqulodda va muxtor elchi; 2) birinchi darajali favqulodda va muxtor vakil; 3) ikkinchi darajali favqulodda va muxtor vakil; 4) birinchi darajali maslahatchi; 5) ikkinchi darajali maslahatchi; 6) birinchi darajali birinchi kotib; 7) ikkinchi darajali birinchi kotib; 8) birinchi darajali ikkinchi kotib; 9) ikkinchi darajali ikkinchi kotib; 10) uchinchi kotib; 11 «O’zbekiston Respublikasining chet davlatlardagi diplomatiya vakolatxonalarining boshliqlarini tayinlash hamda chaqirib olish tartibi to’g’risida» O’zbekiston Respublikasining qonuni (1992 yil 3 iyulda qabul qilingan) // O’zbekiston Respublikasi Oliy Majlisining axborotnomasi, 1992 yil.-№ 9.-349-m. 20

11) attashe. Favqulodda va muxtor elchi, birinchi va ikkinchi darajali favqulodda va muxtor vakil martabalari O’zbekiston Respublikasi Prezidentining farmonlari bilan beriladi. Ana shu masalalar yuzasidan takliflarni O’zbekiston Respublikasi tashqi ishlar vaziri kiritadi. Boshqa diplomatiya martabalari O’zbekiston Respublikasi tashqi ishlar vazirining buyrug’i bilan beriladi. Bu martabalarni berish haqidagi takliflarni O’zbekiston Respublikasi Tashqi ishlar vazirligining malaka komissiyasi kiritadi. Malaka komissiyasining tarkibi va u haqidagi nizomni O’zbekiston Respublikasining tashqi ishlar vaziri tasdiqlaydi. Diplomatiya martabalari O’zbekiston Respublikasi Tashqi ishlar vazirligining rahbar va mas’ul xodimlariga ham beriladi. Birlamchi diplomatiya martabasi - attashe diplomatiya xizmatida kamida bir yil ishlagan kishiga beriladi. Diplomatiya vakolatxonalarining xodimlariga navbatdagi uchinchi kotib, ikkinchi kotib martabalari malakasiga hamda xoh markaziy devonda, xoh O’zbekiston Respublikasining chet ellardagi vakolatxonalarida kamida 2 - 3 yil, birinchi kotib, maslahatchi martabalari esa kamida 3-4 yil xizmatni muvafaqiyatli o’taganligiga qarab beriladi. Ishdagi katta yutuqlari uchun diplomatiya vakolatxonasining xodimi belgilangan muddatdan oldin yuqoriroq diplomatiya martabasi berishga tavsiya etilishi mumkin. Favqulodda va muxtor elchi, favqulodda va muxtor vakil martabalari bir umrga beriladi. Boshqa diplomatiya martabasiga ega bo’lgan shaxslar O’zbekiston Respublikasi Tashqi ishlar vazirligi tizimidan pensiyaga chiqqanlari taqdirda ularning bu martabalari saqlanib qoladi. Favqulodda va muxtor elchi, favqulodda va muxtor vakil, diplomatiya martabalaridan O’zbekiston Respublikasi Tashqi ishlar vazirligining taqdimnomasiga binoan, O’zbekiston Respublikasi Prezidentining farmonlari bilan mahrum etiladi. Diplomatiya vakolatxonalarining boshqa a’zolari xususida bu 21

masala yuzasidan qarorni O’zbekiston Respublikasi Tashqi ishlar vazirligining malaka komissiyasi taqdimiga ko’ra, tashqi ishlar vaziri qabul qiladi 12 . 12 «O’zbekiston Respublikasining chet davlatlardagi diplomatiya vakolatxonalarining boshliqlarini tayinlash hamda chaqirib olish tartibi to’g’risida» O’zbekiston Respublikasining qonuni (1992 yil 3 iyulda qabul qilingan) // O’zbekiston Respublikasi Oliy Majlisining axborotnomasi, 1992.- №9, -350-m. 22

XULOSA Mazkur kurs ishini yozish natijasida quyidagi xulosalarga kelindi: - Xalqaro munosabatlar - siyosiy, iqtisodiy madaniy, huquqiy, diplomatik, harbiy va boshqa aloqalarning, davlatlar hamda davlatlar tizimlari, asosiy siyosiy, iqtisodiy, madaniy tashkilotlar hamda harakatlarning o’zaro munosabatlari majmuidir. Xalqaro munosabatlar o’zining mohiyatiga ko’ra biron-bir davlatning vakolati va yurisdiktsiyasidan tashqariga chiqadi va bir qancha davlatlar yoki xalqaro hamjamiyatning vakolati va yurisdiktsiyasining ob’ektiga aylanadi. - Diplomatiya davlatning tashqi siyosati maqsadi va vazifalarini tinch vositalar bilan amalga oshirish, shu bilan birga davlat va fuqarolarning xorijda xuquq va manfaatlarini muhofaza qilish bo’yicha uning tashqi munosabat organlari rasmiy faoliyati bilan belgilanadi. - Davlatning tashqi siyosiy faoliyati ijtimoiy faoliyatning o’ziga xos mazmun kasb etuvchi shakllaridan biridir. U davlatning muayyan organlari bilan davlat siyosiy manfaatlarini ro’yobga chiqarish bo’yicha, avvalombor, xalqaro munosabatlarning turli sohalarida hukumronligini qo’lga kiritishi, saqlabturish va undan foydalanish bo’yicha shunga vakil qilingan shaxs o’rtasidagi sa’y-harakatlar mujassamligini o’zida namoyon etadi. - Xalqaro tashkilotlar, ularning mansabdor shaxslari va xizmatchilari immuniteti hamda imtiyozlariga doir masalalar, qoidaga ko’ra, muayyan xalqaro tashkilot a’zolari yoxud xalqaro tashkilot va u hududida o’z faoliyatini amalga oshirayotgan tegishli davlat o’rtasida tuziladigan maxsus shartnomalarda tartibga solinadi. - Xalqaro munosabatlarni muayyan davlat nomidan harakat qiladigan maxsus organlar amalga oshiradi. Har bir davlatning tashqi ishlar organlari shu davlat organlarining muhim tarkibiy qismidir. Davlatning tashqi funktsiyalarini amalga oshirishning muhim shakli diplomatik faoliyat hisoblanadi. - Diplomatik munosabatlarni o’rnatish va vakolatxonalar ta’sis etish davlatlar o’rtasidagi bitimga muvofiq amalga oshiriladi. 23

- Diplomatik huquq zamonaviy xalqaro huquqning eng kodifikatsiyalangan sohalaridan biridir. Hozirgi kunda diplomatik huquq davlatlarning tashqi siyosiy funktsiyalarini amalga oshiruvchi ichki davlat organlari faoliyatini borgan sari ko’proq tartibga solmoqda. Bundan tashqari, davlatlarning diplomatik faoliyatini tartibga soluvchi ichki davlat qonunchiligi ham jadal rivojlanmoqda 24

Foydalanilgan adabiyotlar ro’yxati 1. O’zbekiston Respublikasi Konstitutsiyasi . – T.: O’zbekiston , 2012 2. O’zbekiston Respublikasi Prezidenti I.A.Karimovning «Yuksak bilimli va intellektual rivojlangan avlodni tarbiyalash – mamlakatni barqaror taraqqiy ettirish va modernizatsiya qilishning eng muhim sharti» mavzusidagi xalqaro konferentsiyaning ochilish marosimida so’zlagan nutqi // Xalqaro konferentsiya materiallari, T.: O’zbekiston - 2012. 3. «O’zbekiston Respublikasining xalqaro shartnomalari to’g’risida» O’zbekiston Respublikasining qonuni, 1995 yilda 22 dekabrda qabul qilingan // O’zbekiston Respublikasi Oliy Majlisining axborotnomasi, 1995. -№12. 4. «O’zbekiston Respublikasining chet davlatlardagi diplomatiya vakolatxonalarining boshliqlarini tayinlash hamda chaqirib olish tartibi to’g’risida» O’zbekiston Respublikasining qonuni (1992 yil 3 iyulda qabul qilingan) // O’zbekiston Respublikasi Oliy Majlisining axborotnomasi, 1992.- № 9 5. Birlashgan millatlar tashkiloti Nizomi // O’zbekiston Respublikasi va inson huquqlari bo’yicha xalqaro shartnomalar. T.: Adolat, 2002 6. Odilqoriev X.T., Ochilov B.E. Hozirgi zamon xalqaro huquqi. - Xalqaro huquq. - T.: Adolat, 2002. 7. Mamatkulov A. Xalqaro huquq. - T.: Adolat, 1997. 8. Saidov.A. Xalqaro huquq. - T.: Adolat, 2001. 9. Lukashuk I.I., Saidov A.X. Hozirgi zamon xalqaro huquq nazariyasi asoslari. Darslik. - T. “SHarq”, 2004 25

Похожие

Huquq normasi tushunchasi

Huquq normalarini sharxlash

Huquq normalarini sharhlash

Huquq tushunchasi va ta’rifi

Huquq tizimining tarkibiy tuzilishi