Transport vositalarini konstruksiyalash va modellashtirish 5-sinf - Техника и технология - Учебники (по школьные предметы)

Transport vositalarini konstruksiyalash va modellashtirish 5-sinf

Загружено в:

19.04.2023

Скачано:

0

Размер:

2995.5 KB

5-sinf texnologiya darsligi asosida 5-mavzu: Transport vositalarini konstruksiyalash va modellashtirish

Transport vositalarini texnik konstruksiyalash va modellashtirish jarayonida turli texnologik operatsiyalar о‘ zlashtiriladi; metallar va metallmas materiallarning har xil turlari va markazlari bilib olinadi; zamonaviy texnikaning haqiqiy namunalari tuzilishi va ishlash tartibi tushuniladi, amaliy ishlarni bajarish jarayonida bilimlar mustahkamlanadi.

Ma’lumki, amaliy mashg‘ulotlarda texnik konstruksiyalash va modellashtirish haqiqiy mashina, mexanizm, asboblarning faqatgina kichraytirilgan nusxasini yasash emas, balki ijodiy faoliyat asosida texnik modellarning konstruksiyasini ham, ishlash tartibini ham ancha soddalashgan, lekin ularga о‘ xshashlikni saqlagan namunalarini yaratishdir.

Texnik modellashtirishga kirishishdan oldin “konstruksiya”, “model” va “maket” tushunchalarining farqini aniq bilib olish zarur. Konstruksiya – har qanday obyektning qismlari, tuzilishi.

Model – namuna, me’yor ma’nosini anglatadi. U haqiqiy obyektning yoki undagi asosiy uzellarning nusxasidir. Shuningdek, u haqiqiy obyektga mos b о‘ lishi ham kerak. Masalan: avtomobil modeli.

Maket – obyektning konstruksiyasini yaqqolroq tasavvur etish imkonini beradigan umumiy hajmli tasvirdir. Masalan: binolar, inshootlar va boshqalarning maketlari shular jumlasiga kiradi.

Texnik konstruksiyalash va modellashtirish mashinalar hamda mexanizmlarni yaratish jarayoni bilan, detallarni tayyorlash va buyumlarni yig‘ishning zamonaviy texnologiyasi bilan yaqindan tanishish imkoniyatini yaratadi (2-rasm, a).

2-rasm, а. Yengil avtomobil konstruksiyasi: 1 – avtomatik boshqariladigan rul; 2 – tormoz kuchaytirish moslamasi; 3 – amortizatorlar; 4 – boshqarish uskunalari; 5 – piyodalarga qarshi ogohlantiruvchi tormoz tizimi; 6 – oldingi most (ko‘prik); 7 – disk tormozi supporti birikmasi; 8 – tormoz pedali; 9 – shinalar; 10 – qotishma g‘ildiraklar; 11 – orqa most (ko‘prik).

Modellashtirish insonning tashqi va ichki dunyosi, materiallar xususiyatlari, atrofdagi muhit sharoitlarini e’tiborga olgan holda, yangi model yaratishning ijodiy jarayonini anglatadi.

Modellashtirishda buyumning shakli va tuzilishi, ranglari о‘ zgarishi mumkin. Tayyor bazaviy model yoki uning chizmasi b о‘ yicha buyumning konstruktiv asosi yordamida yangi model chizmasini va namunasini tayyorlash jarayoni texnik modellash deyiladi (2-rasm, b).

2-rasm, b. Yengil avtomobilni texnik modellashtirish.

Turli transport vositalarini konstruksiyalash va modellashtirish jarayoni quyidagi bosqichlardan iborat: 1. Modelni о‘ rganish va uning tahlili. 2. Modelga mos tuzilishga ega bazaviy asos tanlash.

3. Tanlangan asosga kerakli aniqlik yoki о‘ zgartirish, unga yangi modelga xos xususiyatlarni kiritish. 4. О‘ xshash model b о‘ lmagan holda yangi model tasvirini ishlab chiqish. 5. Yangi model konstruksiyasini tekshirish va modellashtirish.

Mustahkamlash uchun savollar 1. Konstruksiya, model va maket tushunchalarining farqi nimada? 2. Texnik modellash deb nimaga aytiladi? 3. Modellashtirish nima?

Похожие

Modellashtirish va andaza tayyorlash 5-sinf

Modellashtirish 4 sinf

Dazmol va dazmollash usullari 5-sinf

Pardozlash ishlari 5-sinf

Asbob-uskuna va moslama turlari 5-sinf