Fitodizayner kasbi 4 sinf - Техника и технология - Учебники (по школьные предметы)

Fitodizayner kasbi 4 sinf

Загружено в:

06.04.2023

Скачано:

0

Размер:

3425.5 KB

4-sinf texnologiya darsligi asosida 6-mavzu:

Fitodizayner o‘simliklar, gullardan foydalanib kompozitsiyalar yaratish bilan shug‘ullanadi. Fitodizayner o’simliklarning biologic muvofiqligi va ekologik xususiyatlarini xisobga olgan holda ofis, uylarni bezatishdan tortib, to umumxalq bayramlarini, turli marosimlarni loyihalashtirish, sun’iy gul dekoratsiyalarini yaratishga oid turli loyihalar bilan shug‘ullanadi.

O‘z ishlarida tabiiy materiallardan: kesilgan gullar, quritilgan o‘simliklardan foydalanadi. Uning vazifalari xona ichidagi havoni chang, gaz va boshqa zararli aralashmalardan tozalash, o‘simliklar bilan shahar shovqinini kamaytirish, havo muhitini yaxshilash, tinchlantiruvchi hidli o‘simliklardan foydalanish, eng samarali va yaxshi o‘sadigan o‘simlik turlarini tanlash maqsadida o‘simliklarning ichki qismidagi holatini o‘rganib borish kabilardan iborat.

Me’morchilik Me’morchilik kasbi qurilish bilan chambarchas bog‘liq, shu sababli ham bu juda qadimgi kasblar sirasiga kiradi. Me’mor binolarni loyihalashtiradi va ularni qurish jarayonini boshqaradi.

O‘zbekiston me’morchiligi qadim zamonlardanoq dunyo madaniy taraqqiyotida salohiyatli o‘rin tutib kelganligi Samarqand, Buxoro, Xiva tarixiy obidalari misolida namoyon bo‘lib turibdi.

Me’morchilik asarlari me’morlar, muhandis binokor va ishchilar hamkorligida bunyod etiladi. Binokor muhandis imorat qurganda materiallarning xususiyati, chidamliligi kabilarni nazarda tutgan holda ish olib boradi.

Me’morlar esa bu vazifalarni badiiy vositalar bilan yechadi. Ular binoning qulayligi, foydasi, tejamkorligidan tashqari, ularning go‘zal bo‘lishi, odamlarda ma’lum kayfiyatni uyg’otish haqida fikr yuritadi.

Me’mor atrof-muhitni tartibga soluvchi, hududni rivojlantiruvchi loyiha ishlab chiqadi. Loyiha tasdiqlangandan so‘ng mutaxassis bino yoki jamoat majmuasini qurish jarayonini nazorat qiladi, qo‘shimchalar kiritadi, rasmda tasdiqlangan materiallar va ishlarning sifatini tekshiradi.

Har xil uy maketini kuzating. Qaysi biri sizni ko‘proq jalb qildi? Nima uchun? Topshiriq. O‘zbekistondagi hozirgi zamon me’morchiligi namunalari to‘g‘risida yozma ish yozing.

Muhandis-dasturchi kasbi hozirgi kunda eng mashhur bo‘lgan kasblardan biri bo‘lib, ishlab chiqarishning avtomatlashtirilishi, raqamli iqtisodiyotga o‘tish, shaxsiy kompyuterlarning tarqalishi munosabati bilan tobora muhim ahamiyat kasb etmoqda. Siz kompyuteringiz yoki mobil telefoningizga qarab, ko‘plab dastur va o‘yinlarni ko‘rasiz. Bularning barchasini dasturchi yaratgan.

Muhandis-dasturchi — bu yuqori texnik ma’lumotga ega, muhandislik sohasida ham, dasturlash sohasida ham yetarli ma’lumotga ega bo‘lgan shaxs. Ushbu kasb bo‘yicha mutaxassisning vazifasi yangi axborot mahsulotlari va texnologiyalarini yaratish va ixtirolarni amalga oshirishni o‘z ichiga oladi. Bunday mahsulotlarga dasturiy ta’minot, turli xil mobil ilovalar, onlayn-o‘yinlar va boshqalar kiradi.

Muhandis-dasturchi mutaxassislarining ish majburiyatlari kompaniya yoki korxona turiga qarab farq qiladi. Ba’zi tashkilotlarda dasturiy ta’minot muhandisi mashinalar uchun maxsus raqamli boshqaruv dasturlarini yaratadi. Uni ishlab chiqish muhandis-dasturchidan maxsus ko‘nikmalarni talab qiladi.

Umuman olganda, dasturiy ta’minot muhandisining ish ta’rifi shuni ko’rsatadiki, ushbu mutaxassis nafaqat yangi dasturlarni yaratadi, balki kerakli dasturiy vositalarni joriy qiladi. Muhandis-dasturchi iqtisodiy va boshqa masalalarni yechishning matematik modellari va algoritmlarini tahlil qilish asosida algoritmni bajarish, binobarin, qo‘yilgan masalani hisoblash texnikasi vositalari bilan yechish imkonini beradigan dasturlar ishlab chiqadi, ularni testdan o‘tkazib, sozlaydi.

Algoritmlar va ma’lumotlar tarkibini tavsiflash uchun dasturlashtirishning tilini tanlaydi. Joriy etilgan dasturlar va dasturiy vositalarni kuzatib boradi. Dasturlar, umumiy va standart dasturiy vositalarni avtomatik tekshiradigan tizimlarni ishlab chiqadi, axborotni qayta ishlash texnologiyasini tuzadi.

Похожие

Modellashtirish 4 sinf

Texnologiyaning rivojlanishi 4 sinf

Zamonaviy kasblar. Marketolog 4 sinf

Harakatlanuvchi o'yinchoqlar yasash 4 sinf

Yuruvchi robot yasash 4 sinf