logo
  1. Главная страница
  2. Учебники (по школьные предметы)
  3. Изобразительное искусство
  4. «Poyga» mavzusida rasm ishlash. 4- sinf

«Poyga» mavzusida rasm ishlash. 4- sinf

Загружено в:

08.10.2019

Скачано:

0

Размер:

4208.6083984375 KB
Скачать
«Poyga» mavzusida rasm ishlash 4-sinf Tasviriy san’at darsligi asosida 21-mavzu Poyga mavzusi juda keng qamrovli. Ularning barchasida musobaqa ruhi bo‘lib, turlari har xil bo‘ladi. Shunchaki, bolalarning ko‘chada, maktab stadionida yugurishi, velosipedda kim o‘zarga musobaqalashishi ham aslida poygadir. Poyganing maxsus tayyorgarlik ko‘rib o‘tkazadigan turlari ham mavjud. Bu poygalar otda, sport velosipedi, mototsikl, yengil avtomobillarda ham o‘tkaziladi. Poygalarning eng ommalashgani rallilar bo‘lib, uzoq yillardan buyon Parij–Dakar yo‘nalishida sahrolar orqali o‘tadi. «Formula–1» deb ataluvchi poygalar esa tezlik va raqobat jihatidan eng shiddatlisi hisoblanadi. Shuningdek, poygalarning bolalar kartingi, baggi, motokross turlari ham mavjud. Markaziy Osiyo xalqlarida esa otda yuguradigan «Qiz quvish» o‘yini ham aslida poygaga o‘xshagan musobaqa. Uloq-ko‘pkarida ham poyga elementlari mavjud: kimdir uloqni olib qochadi, kimdir uni quvadi. Demak, poyga mavzusi keng qamrovli bo‘lib, bu mavzuda kompozitsiya yaratish uchun turli-tuman mavzular tanlash mumkin. Poyga mavzusi rassomlar tomonidan ham turli variantlarda tasvirlangan. Rassomlarning asarlarini diqqat bilan kuzating. Kuzatish natijasida tasavvuringizda shakllangan g‘oyalar asosida «Poyga» mavzusida kompozitsiya variantlari ustida o‘ylab ko‘ring. Siz yuqorida aytib o‘tilgan sport turlaridan biriga kompozitsiya ishlashingiz mumkin. Eskizlardan kompozitsiya variantini chizib olgach, uni rangtasvirda bajarasiz. Kompozitsiyani bajarish jarayonida illustrativ materiallar, darslikda berilgan namunalardan ijodiy foydalaning. Shuningdek, kompozitsiyaning har bir detalini ishlayotganda xotirangiz hamda tasavvuringizdagi obrazlardan ham samarali foydalanishga harakat qiling.

Похожие

«QUSHLAR» mavzusida rasm ishlash. 4- sinf
«Kuzgi gullar» mavzusida rasm ishlash. 4- sinf
«Futbolchi» mavzusida haykal ishlash. 4- sinf
«Tog‘da bahor» mavzusida kompozitsiya ishlash. 4- sinf
«Bahor gullari» mavzusida kompozitsiya ishlash. 4- sinf